1958ൽ സ്ഥാപിതമായ ഈ സ്കൂൾ, 34 വർഷങ്ങൾക്കുശേഷം, 1992ലാണ് വൊക്കേഷനൽ ഹയർ സെക്കൻഡറിയായി അപ്ഗ്രേഡ് ചെയ്യപ്പെടുന്നത്. പ്ലസ് ടു സയൻസ്ഗ്രൂപ്പിനു തുല്യമായ, രണ്ടു പാരാമെഡിക്കൽ കോഴ്സുകൾ നമുക്ക് അനുവദിച്ചു കിട്ടി. മെയിൻറനൻസ് ആൻഡ് ഓപ്പറേഷൻസ് ഓഫ് ബയോമെഡിക്കൽ എക്വിപ്മെൻറ് ടെക്നോളജി കോഴ്സും മെഡിക്കൽ ലാബ് ടെക്നോളജി കോഴ്സും. രണ്ടു കോഴ്സുകൾക്കും കൂടി ഓരോ വർഷവും 50 കുട്ടികൾക്ക് പ്രവേശനം. ഏറെ തൊഴിൽ സാധ്യതകളുള്ളതും ഒരിക്കലും പ്രസക്തി നഷ്ടപ്പെടാത്തതുമായ പാരാ മെഡിക്കൽ കോഴ്സുകൾ തന്നെ തെരഞ്ഞെടുത്തതിനു പിന്നിൽ ഒരു ഡോക്ടർ കൂടിയായ അന്നത്തെ മാനേജർ പരേതനായ ഡോ. എം.കെ. മുഹമ്മദ് കോയയുടെ പ്രായോഗിക സമീപനവും കാഴ്ചപ്പാടും ദീർഘവീക്ഷണവും ഉണ്ടായിരുന്നു.
പരിമിതമായ സൗകര്യങ്ങളിലായിരുന്നു തുടക്കം. പിന്നീട് സ്മാർട് ക്ലാസ് റൂമിലേക്കും ആധുനിക സജ്ജീകരണങ്ങളുള്ള ലാബിലേക്കുമൊക്കെ പടിപടിയായി നാം വളർന്നു. ഏറെ സൗകര്യങ്ങളോടെയാണ് ഇന്ന് ഈ സ്കൂൾ പ്രവർത്തിക്കുന്നത്.
2014ൽ 'ഐഡിയൽ' ഡവലപ്മെൻറ് പ്രൊജക്ട് കൂടി വന്നതോടെ സ്കൂൾ അടിമുടി മാറി. നബെറ്റ് അംഗീകാരത്തിൻറെ പാതയിൽ മുന്നേറി ക്കൊണ്ടിരിക്കുകയാണ് ഇന്നു നമ്മൾ.അഭിമാനാർഹമായ ഒട്ടേറെ നേട്ടങ്ങൾ ഉണ്ടാക്കാൻ നമുക്കു കഴിഞ്ഞിട്ടുണ്ട്. വർഷങ്ങളായി ഉന്നത വിജയം കാഴ്ചവെക്കാനും 1994, 2012, 2013, 2017, 2019 വർഷങ്ങളിൽ നൂറു ശതമാനം വിജയം കൈവരിക്കാനും നമുക്കു കഴിഞ്ഞു.
Academic Total Improvement Program Discussion with Dr.Sanathanan, HOD, Devagiri College, Calicut
മൂന്നു വർഷം തുടർച്ചയായി ഈ സ്കൂളിലെ വി.എച്ച്.എസ്.ഇ. വിദ്യാർഥികൾ സംസ്ഥാനതലത്തിൽ റാങ്ക് നേടി. 2000ൽ മിർന ഫർഹാന, 2001ൽ ഷഹല മറിയം, 2002ൽ ചഞ്ചൽ വിജയൻ എന്നീ മിടുക്കിക്കുട്ടികളാണ് റാങ്ക് നേടിയത്. ദേശീയതലത്തിലും മികച്ച ചില അംഗീകാരങ്ങൾ ഇതിനിടെ നമ്മെ തേടിയെത്തി. ഷഹല മറിയത്തിന് 2001ൽ ലഭിച്ച എൻസിഇആർടിയുടെ സെക്കൻഡ് ബെസ്റ്റ് അച്ചീവർ അവാർഡ്, 2003ൽ പി.എം. ശ്രീദേവിക്കും 2009ൽ പി.മുഹമ്മദ് മുസ്തഫക്കും ലഭിച്ച മികച്ച വൊക്കേഷനൽ അധ്യാപകർക്കുള്ള എൻസിഇആർടി ദേശീയ അവാർഡ് എന്നിവ ഇതിൽപെടുന്നു.
25 വർഷം കൊണ്ട് തൊഴിൽ പരിശീലനം കൈവരിച്ച 1400ഓളം കുട്ടികളെ പുതുജീവിതത്തിലേക്കു കൈ പിടിച്ചു നടത്താൻ നമുക്കു കഴിഞ്ഞു. പഠനം പൂർത്തിയാക്കിയ മിക്ക കുട്ടികളും അതേ തൊഴിലിൽ ഉന്നത പരിശീലനം നേടുകയും ജോലി കൈവരിക്കുകയും ചെയ്യുന്നുണ്ട് എന്നത് ചാരിതാർഥ്യം പകരുന്ന നേട്ടമാണ്. എത്രയോ മിടുക്കികൾ ഈ സ്കൂളിൻറെ അഭിമാന ഭാജനങ്ങളായി കേരളത്തിലെ പല മെഡിക്കൽ കോളേജുകളിലും കോഴിക്കോട്ടെയും പരിസര നഗരങ്ങളിലെയും സ്വകാര്യ ആശുപത്രികളിലും വിദേശത്തും ജോലി ചെയ്യുന്നുണ്ട്. അതു തന്നെയാണ് ഈ കലാലയത്തിൻറെ ധന്യതയും.
പ്രിൻസിപ്പാൾ
ശ്രീദേവി പി.എം, പ്രിൻസിപ്പാൾ
അധ്യാപകർ
സ്കൂൾ സ്റ്റാഫ്
ഫ്രണ്ട്ലൈൻ ഹെൽത്ത് വർക്കർ(VT)
ശ്രീദേവി പി.എം
ഫിസിക്സ്
ലത.പി.സി
കെമിസ്ട്രി
ജോളി ജോസഫ്
ബയോളജി
പരോൾ ബബിത
സംരംഭകത്വ വികസനം
സീന.ടി.വി
ഇംഗ്ലീഷ്
തസ്നീം റഹ്മാൻ
മെഡിക്കൽ എക്യുപ്മെന്റ് ടെക്നിഷ്യൻ(VT)
സ്വാബിർ കെ ആർ
ഫ്രണ്ട്ലൈൻ ഹെൽത്ത് വർക്കർ(VI)
ജാഫർ പി
മെഡിക്കൽ എക്യുപ്മെന്റ് ടെക്നിഷ്യൻ(VI)
മിനി എ
ഫ്രണ്ട്ലൈൻ ഹെൽത്ത് വർക്കർ(LTA)
ലൈല പി
മെഡിക്കൽ എക്യുപ്മെന്റ് ടെക്നിഷ്യൻ(LTA)
ഷൈനി വർഗീസ്
ക്ലർക്ക് (സെലക്ഷൻ ഗ്രേഡ്)
ഷെരീഫ് കെ.എം
പാഠ്യേതര പ്രവർത്തനങ്ങൾ
ഓണം കമ്പവലി മത്സരം
പഠനം മാത്രമല്ല, പാഠ്യേതര പ്രവർത്തനങ്ങളും തൊഴിൽ നൈപുണ്യ സമ്പാദനവും ലക്ഷ്യമിട്ടാണ് വി.എച്ച്.എസ്.ഇ വിഭാഗം എക്കാലവും പ്രവർത്തിച്ചിട്ടുള്ളത്. നമ്മുടെ കരിയർ ഗൈഡൻസ് ആൻഡ് കൗൺസലിങ് യൂണിറ്റിന് 2007ൽ മികച്ച യൂണിറ്റിനുള്ള അവാർഡ് ലഭിക്കുകയുണ്ടായി. സജീവമായ ഒരു എൻറർപ്രണർഷിപ്പ് ഡവലപ്മെൻറ് ക്ലബ്ബും ഇവിടെ നിലവിലുണ്ട്. വിദ്യാർഥികളെ മികച്ച സംരംഭകരായി വളർത്തുക എന്ന ഉദ്ദേശത്തോടെയാണ് ഈ ക്ലബ്ബ് പ്രവർത്തിക്കുന്നത്. ഊർജസ്വലമായി കർമരംഗത്തുള്ള നമ്മുടെ എൻഎസ്എസ് യൂണിറ്റും പല തവണ, പല വേദികളിൽ അഭിനന്ദിക്കപ്പെട്ടിട്ടുണ്ട്. കുട്ടികൾക്ക് ഉന്നതമായ ജീവിതാവബോധവും വ്യക്തിത്വവി കാസവും പകരാനും സഹപാഠിക്കൊരു കൈത്താങ്ങ് പോലുള്ള സേവന പദ്ധതികൾ ആവിഷ്കരിച്ചു നടപ്പാക്കാനും നമ്മുടെ എൻഎസ്എസ് യൂണിറ്റിനു കഴിഞ്ഞിട്ടുണ്ട്. 2014ൽ ഈ യൂണിറ്റിന് ബെസ്റ്റ് എൻഎസ്എസ് പ്രൊജക്ട് അവാർഡും 2015ൽ കെ.ആർ. സ്വാബിർ മാസ്റ്റർക്ക് മികച്ച എൻഎസ് എസ് പ്രോഗ്രാം ഓഫീസർക്കുള്ള അവാർഡും ലഭിച്ചു. 2019 ൽ മികച്ച കരിയർ മാസ്റ്റർക്കുള്ള അവാർഡ് പി.ജാഫറിന് ലഭിച്ചു. യുവജനോത്സവങ്ങളിലും സ്പോർട്സിലും ഈ കലാലയത്തിലെ പെൺകുട്ടികൾ നിരവധി വിജയങ്ങൾ കൈവരിച്ചിട്ടുണ്ട്.ഓരോ വർഷത്തെയും പ്രവർത്തനങ്ങൾ കാണാം.
പരമ്പരാഗത വിദ്യാഭ്യാസ രീതിയിൽ നിന്നും വിഭിന്നമായി പഠിതാവിൻറെ അഭിരുചിക്കനുസരിച്ച് അനുയോജ്യമായ തൊഴിൽ മേഖലയിൽ പ്രാവീണ്യം നേടാൻ യുക്തമായ രീതിയിൽ രൂപകൽപ്പന ചെയ്തതാണ് ഹയർസെക്കൻററി (വൊക്കേഷണൽ) വിദ്യാഭ്യാസം. തൊഴിൽ നേടാനും ഉപരിപഠനത്തിനും ഉതകുന്ന വിപുലമായ സാധ്യതയുള്ള +2 സയൻസ് ഗ്രൂപ്പിൽ 2 പ്രധാന കോഴ്സുകളിലായി 60 കുട്ടികൾക്ക് പ്രവേശനം നൽകുന്നു.സ്കൂളിലെ വൊക്കേഷണൽ ഹയർ സെക്കന്ററി കോഴ്സുകൾ, കോഴ്സ് കമ്പിനേഷനുകൾ, ഉപരിപഠന സാധ്യതകൾ എന്നിവ അറിയാൻ ഇവിടെ ക്ലിക്ക് ചെയ്യുക.
നേട്ടങ്ങൾ
Academic
പാർട്ട് I, II വിഷയങ്ങളിൽ 26 വർഷം തുടർച്ചയായി 100% റിസൽട്ട്.
100% വിജയം ആദരിക്കൽമൂന്ന് വർഷം തുടർച്ചയായി സംസ്ഥാനതല റാങ്ക് ജേതാക്കൾ
NCERT യുടെ 2-ാമത്തെ Best Student Achiever അവാർഡ്
മികച്ച വൊക്കേഷണൽ അധ്യാപകർക്കുള്ള NCERT യുടെ ദേശീയ അവാർഡുകൾ
NSS
2013 ഒക്ടോ. കെ.ആർ സ്വാബിറിന് ജില്ലയിലെ മികച്ച VHSE എൻ.എസ്.എസ്. പ്രോഗ്രാം ഓഫീസർ അവാർഡ് ലഭിച്ചു.
2014 ഒക്ടോ. ജില്ലയിലെ മികച്ച VHSE എൻ.എസ്.എസ്പ്രൊജക്റ്റ് അവാർഡ് ലഭിച്ചു
2014 ഒക്ടോ. ജില്ലയിലെ മികച്ച VHSE എൻ.എസ്.എസ് യൂനിറ്റ് അവാർഡ് ലഭിച്ചു
2015 ജില്ലയിലെ മികച്ച എൻ.എസ്.എസ് യൂനിറ്റിനും പ്രോഗ്രാം ഓഫീസർക്കുമുള്ള സംസ്ഥാന അവാർഡ്
CAREER GUIDANCE AND COUNSELLING CELL
2008 ജില്ലയിലെ ഏറ്റവും മികച്ച കരിയർ ഗൈഡൻസ് യൂനിറ്റിനുള്ള പുരസ്കാരം ലഭിച്ചു
2019 ജില്ലയിലെ മികച്ച കരിയർ മാസ്റ്റർക്കുമുള്ള അവാർഡ് പി.ജാഫറിന് ലഭിച്ചു.
SCIENCE EXPO
ജില്ലാ ശാസ്ത്രോത്സവത്തോടനുബന്ധിച്ച് നടന്ന വടകര മേഖല ലൊക്കേഷണൽ എക്സ്പോയിൽ മോസ്റ്റ് ഇന്നവേറ്റീവ് പ്രോജക്റ്റിൽ ജെർക്കയർ മൊബൈൽ എന്ന ആശയത്തിന് ഒന്നാം സ്ഥാനം. കൂടാതെ സ്കൂൾ മത്സരിച്ച കരിക്കുലം,മോസ്റ്റ് മാർക്കറ്റബിൾ വിഭാഗത്തിൽ ഓവറോൾ റണ്ണേഴ്സ് കിരീടവും നേടി.