കെ.എം.യു.പി സ്കൂൾ എടയൂർ
| കെ.എം.യു.പി സ്കൂൾ എടയൂർ | |
|---|---|
 | |
| വിലാസം | |
എടയൂർ കെ . എം . യു . പി . സ്കൂൾ എടയൂർ , എടയൂർ ,676552, വളാഞ്ചേരി , 676552 | |
| സ്ഥാപിതം | 1950 |
| വിവരങ്ങൾ | |
| ഫോൺ | 04942643369 |
| ഇമെയിൽ | kmupschooledayur@gmail.com |
| വെബ്‍സൈറ്റ് | nil |
| കോഡുകൾ | |
| സ്കൂൾ കോഡ് | 19358 (സമേതം) |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | മലപ്പുറം |
| വിദ്യാഭ്യാസ ജില്ല | തിരൂർ |
| സ്കൂൾ ഭരണ വിഭാഗം | |
| സ്കൂൾ വിഭാഗം | യു.പി |
| പഠന വിഭാഗങ്ങൾ | എൽ.പി യു.പി |
| മാദ്ധ്യമം | മലയാളം,ENGLISH |
| സ്കൂൾ നേതൃത്വം | |
| പ്രധാന അദ്ധ്യാപകൻ | കെ.എ ഷറഫുദ്ധീൻ |
| അവസാനം തിരുത്തിയത് | |
| 18-09-2020 | 19358 |
ചരിത്രം
കേരളത്തിൽ പൊതുവെയും മലബാറിൽ പ്രത്യേകിച്ചും വിദ്യാഭ്യാസം പിന്നോക്കാവസ്ഥയിൽ ആയിരുന്ന ഒരു കാലഘട്ടത്തിലാണ് ശ്രീ . എം.പി . ഗോപാലൻ നായർ 1949 ൽ ശ്രീ . വേലായുധൻ നായരിൽ നിന്ന് എടയൂർ സൗത്ത് സ്കൂൾ തീരു വാങ്ങുന്നത് . അക്കാലത്ത് അഞ്ചാം തരം ജയിക്കുന്ന കുട്ടിക്ക് ഉയർന്ന വിദ്യാഭ്യാസത്തിന് വൈക്കത്തൂർ ഹയർ എലിമൻററി സ്കൂൾ മാത്രമായിരുന്നു ആശ്രയം . ഈ കുറവ് പരിഹരിക്കുന്നതിന് എടയൂരിൽ ഒരു എലിമൻററി സ്കൂൾ വേണമെന്ന ആശയം എം.പി.ഗോപാലൻ നായരുടെ നേതൃത്ത്വത്തിൽ സൗത്ത് സ്കൂളിൻറെ വാർഷികാഘോഷ വേളയിൽ ഒരു പ്രമേയമായി അവതരിപ്പിക്കപെട്ടു .ഒരു കമ്മിറ്റി രൂപീകരിച്ച് ഹയർ എലിമൻററി സ്കൂളിനു വേണ്ടി എല്ലാ പ്രവർത്തനങ്ങളും സംഘടിപ്പിച്ചത് ശ്രീ . എം.പി.ഗോപാലൻ നായരായിരുന്നു .
സ്കൂളിന് അംഗീകാരം നേടിയെടുക്കുന്നതിന് വളരെ അധികം പ്രതിബന്ധ്ധങ്ങൾ നേരിടേണ്ടി വന്നിട്ടുണ്ട് . 1951 ൽ കമ്മറ്റിയുടെ പേരിൽ സ്കൂൾ അംഗീകരിക്ക പെട്ടു.
1950 ജൂൺ മാസത്തിൽ എടയൂർ സൗത്ത് സ്കൂളിൻറെ കിഴക്കെ അറ്റത്ത് ഒരു കൊച്ചു മുറിയിലാണ് എടയൂർ ഹയർ എലിമൻററി സ്കൂൾ എന്ന പേരിൽ സ്കൂൾ ആരംഭിച്ചത് . ആദ്യം 6ആം ക്ലാസ്സ് മാത്രമേ അനുവദിച്ചിരുന്നുള്ളൂ . ശ്രീമാൻ വി.കെ.പത്മനാഭൻ മാസ്റ്റർ ആണ് ആദ്യത്തെ അദ്ധ്യാപകൻ . 1950 ജൂലൈ മാസത്തിൽ ക്ലാസ്സ് മൂത്തമന ഇല്ലത്തെ മൂത്തമന ഇല്ലത്തെ പൂമുഖത്തേക്ക് മാറ്റപ്പെട്ടു . പിന്നീട് സ്കൂളിൻറെ പ്രവർത്തനം ഒരു പീടിക മുറിയിലേക്ക് മാറ്റി . 1951 മാർച്ച് മാസത്തിൽ പീടിക മുറിയിൽ നിന്ന് സ്കൂൾ ഇപ്പോൾ സ്ഥിതി ചെയ്യുന്ന സ്ഥലത്തേക്ക് മാറ്റപ്പെട്ടു . സ്കൂളിനുള്ള സ്ഥലം നെല്ലെക്കാട്ട് മാധവൻ നായർ സംഭാവന ചെയ്തു . സ്കൂൾ കെട്ടിടത്തിന് പലരും ആവുന്ന വിധത്തിൽ സഹായ സഹകരണങ്ങൾ ചെയ്തിട്ടുണ്ട് . സ്കൂൾ കിണർ റെയ്ഞ്ചറുടെ ഉത്സാഹത്താൽ സംഭാവനയായി കിട്ടിയതാണ് .
ഇക്കാലമായപ്പോഴേക്കും കമ്മറ്റിക്ക് സ്കൂൾ പ്രവർത്തനങ്ങൾ മുന്നോട്ട് കൊണ്ടു പോവുന്നതിന് പ്രയാസമായി തീരുകയും നിലനിൽപ്പിനായി സ്കൂൾ സൗജന്യമായി ചാത്തനാത്ത് ഗോപാലകൃഷ്ണൻ നായർക്ക് തീരു കൊടുക്കുകയും ചെയ്തു . ഒന്നു രണ്ടു കൊല്ലത്തെ പ്രവർത്തനം കൊണ്ട് സ്കൂൾ തകരുമെന്ന നില വന്നപ്പോൾ ഗോപാലകൃഷ്ണൻ നായരും കടമായി എം.പി. ഗോപാലൻ നായർക്ക് തീരു കൊടുത്തു . സ്കൂൾ നിലനിർത്താൻ വേണ്ടി ശ്രീ . എം.പി. ഗോപാലൻ നായർക്ക് അദ്ദേഹത്തിൻറെ സുഹൃത്തുക്കളുടേയും സഹപ്രവർത്തകരുടേയും അകമഴിഞ്ഞ സഹായ സഹകരണങ്ങൾ ഉണ്ടായിട്ടുണ്ട് . ആരോഗ്യം ക്ഷയിച്ച ശ്രീ.എം.പി. ഗോപാലൻ നായർക്ക് 1960 ഏപ്രിൽ 5 ന് അകാല മരണം സംഭവിക്കുകയും സ്കൂളിൻറെ ഉത്തരവാദിത്ത്വം അദ്ദേഹത്തിൻറെ സഹധർമ്മിണി ശ്രീമതി കമലാക്ഷികുട്ടിടിയമ്മ ഏറ്റെടുക്കുകയും ചെയ്തു .
ഇന്ന് സ്കൂളിൽ കാണുന്ന എല്ലാ അഭിവൃദ്ധിക്കും കാരണം മാനേജ്മെൻറിൻറേയും അധ്യാപകരുടേയും രക്ഷിതാക്കളുടേയും മറ്റ് നാട്ടു കാരുടേയും നിസ്വാർത്ഥ സേവനങ്ങളുടെ ഫലമാണ് .
ഭൗതികസൗകര്യങ്ങൾ
1.കോൺക്രീറ്റ് കെട്ടിടം രണ്ട് നില - 2 എണ്ണം ഓട് മേഞ്ഞ ബിൽഡിങ്ങ് - 7 കഞ്ഞിപ്പുര ( കോൺക്രീറ്റ്) 1 2 . കമ്പ്യൂട്ടർ അധിഷ്ഠിത വിദ്യാഭാസത്തിൻറെ പ്രാധാന്യം ഉൾക്കൊണ്ടു കൊണ്ട് താഴെ പറയുന്ന സൗകര്യങ്ങളോടു കൂടിയ സ്മാർട്ട് ക്ലാസ്സ് റൂം പ്രവർത്തിക്കുന്നു . കമ്പ്യൂട്ടർ - 3 , ലാപ് ടോപ്പ് - 1 , എൽ.സി.ഡി പ്രൊജക്ടർ - 1 ഓഫീസ് സംബന്ധ്ധമായ കാര്യങ്ങൾക്ക് ഇൻറർനെറ്റ് കണക്ഷനോട് കൂടിയ മറ്റൊരു കമ്പ്യൂട്ടറും പ്രവർത്തിക്കുന്നു . 3 . പൊതു പരിപാടികൾ , സ്കൂൾ അസംബ്ലി , മറ്റു അറിയിപ്പുകൾ എന്നിവക്ക് മികച്ച ശബ്ദ സംവിധാനം പ്രവർത്തിക്കുന്നു . രണ്ട് ആംപ്ലിഫയർ നാല് കോളാമ്പി , രണ്ട് ബോക്സ് എന്നിവ അതിൻറെ ഭാഗമായി ഉണ്ട് . 4 . ഫലപ്രദമായ കുടിവെള്ള വിതരണത്തിന് കിണർ - 1 , മോട്ടോർ -1 , ടാങ്ക് - 2 , ടാപ്പുകൾ - 15 എന്നീ സൗകര്യങ്ങൾ ഉണ്ട് . 5 . താഴെ പറയുന്നവ ' URINAL ' വിഭാഗത്തിൽ ലഭ്യമാണ് . ആൺകുട്ടികൾ - 15 എണ്ണം , പെൺകുട്ടികൾ - 10 എണ്ണം , കക്കൂസുകൾ - 9 എണ്ണം . 6 . ഭക്ഷണപ്പുരയിൽ :- മുഴുവൻ ക്ലാസ്സുകളിലേക്കും ആവശ്യമായ ബക്കറ്റുകൾ , Store room , ഗ്യാസ് പാചകം , അനുബന്ധ ഉപകരണങ്ങൾ , പാചകപ്പാത്രങ്ങൾ , ബയോഗ്യാസ് പ്ലാൻറ് , മാലിന്യ സംസ്കരണ സ്ഥലം എന്നീ സൗകര്യങ്ങൾ ലഭ്യമാണ് . 7 . 5 സൈക്കിളുകൾ , സ്പോർട്ട് സ് ഉപകരണങ്ങൾ എന്നിവയുണ്ട് . 7 . ഒരു സ്റ്റേജും , രണ്ട് കളിക്കളങ്ങളും സ്കൂളിലുണ്ട്‌. 8 . കോ-ഓപ്പറേറ്റീവ് സൊസൈറ്റി , സയൻസിൻറേയും , കണക്കിൻറേയും ലാബുകൾ , ലൈബ്രറിയും വായനാ മുറിയും , സഞ്ചയിക എന്നിവ സ്കൂളിൻറെ ഭാഗമായി മികച്ച നിലയിൽ പ്രവർത്തിക്കുന്നു .
പാഠ്യേതര പ്രവർത്തനങ്ങൾ
1. പരിസ്ഥിതി ദിനത്തിൽ പഞ്ചായത്തിൻറെ വിവിധ സ്ഥലങ്ങളിൽ വൃക്ഷതൈകൾ നട്ടു . 2 . ലഹരി വിരുദ്ധ ദിനത്തിൽ എക്സൈസ് ഓഫീസർ ഗണേഷ് ക്ലാസ്സെടുത്തു . തുടർന്ന് ഡോക്യുമെൻററി പ്രദർശനം . 3 . 'ചാന്ദ്രദിനത്തിൽ ചന്ദ്രനുമൊത്ത് ഒരു സ്വപ്നാടനം ' - സ്കിറ്റ് അവതരണം . 4 .കർഷകദിനം - കർഷകനെ ആദരിച്ചു . കൃഷി ആരംഭിച്ചു 5 . ഭിന്നശേഷി ദിനം - ഭിന്നശേഷിയുള്ള കുട്ടികളുടെ വിവിധ കലാ പരിപാടികൾ . 6 . വിവിധ ക്ലബ്ബുകളുടെ ഉദ്ഘാടനം നാടക സംവിധായകൻ പാർത്ഥസാരധി നിർവ്വഹിച്ചു 7. റംസാൻ - മെഹന്തി ഫെസ്റ്റ് 8. കലാമേള - സബ്ജില്ലാ തലം - യു.പി വിഭാഗം ഓവറോൾ മൂന്നാം സ്ഥാനം , സംസ്കൃതോത്സവം രണ്ടാം സ്ഥാനം . 9 . ശാസ്ത്രമേള - സബ് ജില്ലാതലം - സാമൂഹ്യശാസ്ത്രമേള ഒന്നാം സ്ഥാനം 10 . കായിക മേള - പഞ്ചായത്ത് തലം , സബ് ജില്ലാ തലം(യു.പി) - ഒന്നാം സ്ഥാനം
പ്രധാന കാൽവെപ്പ്:
ടാലൻറ് സേർച്ച്
2016 മെയ് 30 ന് എടയൂർ നോർത്ത് LPS ൽ വെച്ച് നടന്ന മുന്നൊരുക്കം ശിൽപ്പ ശാലയിൽ 2016 - 17 വർഷം തനത് പദ്ധതിയായി ടാലൻറ് സേർച്ച് തിരഞ്ഞെടുക്കാൻ തീരുമാനിച്ചു . തുടർന്ന് മെയ് 31 ന് സ്കൂളിൽ വെച്ച് ചേർന്ന ' ഒരുക്കം ' പരിപാടിയിൽ ടാലൻറ് സേർച്ച് പരിപാടിക്കുള്ള കമ്മിറ്റിയെ തിരഞ്ഞെടുത്തു . സ്കൂളിലെ പിന്നോക്കക്കാർക്കും മുന്നോക്കക്കാർക്കും പ്രത്യേകം ക്യാമ്പുകൾ , ക്ലാസ്സുകൾ , പ്രവർത്തനങ്ങൾ എന്നിവ നൽകൽ. രക്ഷിതാക്കൾക്ക് ബോധവൽക്കരണം , സെമിനാറുകൾ എന്നിവ സംഘടിപ്പിച്ച് പഠന നിലവാരം ഉയർത്തൽ എന്നിവയാണ് പദ്ധതിയുടെ ലക്ഷ്യം .
ജൂൺ 2 ന് ഇംഗ്ലീഷ് , മലയാളം , ഗണിതം എന്നീ വിഷയങ്ങളിൽ പ്രീ ടെസ്റ്റ് നടത്തി പിന്നോക്കക്കാരെ കണ്ടെത്തി . അധ്യാപകർ പ്രത്യേകം തയ്യാറാക്കിയ മൊഡ്യൂളുകൾ ഉപയോഗിച്ച് എല്ലാ ശനിയാഴ്ചയും പ്രസ്തുത വിഷയങ്ങളിൽ പിന്നോക്കക്കാർക്കായുള്ള ക്ലാസ്സുകൾ നടത്തി വരുന്നു .
കൂടാതെ ഏഴാം ക്ലാസ്സിലെ പ്രതിഭാ സംഗമവും പിന്നോക്കക്കാർക്ക് ഒപ്പമെത്താൻ എന്ന പേരിലും ക്യാമ്പുകൾ സംഘടിപ്പിച്ചു . ഏഴാം ക്ലാസ്സിലെ മുഴുവൻ രക്ഷിതാക്കൾക്കും ഒരു ക്യാമ്പ് സംഘടിപ്പിച്ചത് . ക്യാമ്പുകൾക്ക് മഞ്ചേരി GGHSS ലെ ശ്രീ . വാഹിദ് മാസ്റ്റർ നേതൃത്വം നൽകി . തുടർ പ്രവർത്തനങ്ങളുടെ ഭാഗമായി ഏഴാം ക്ലാസ്സിലെ മുഴുവൻ കുട്ടികളേയും പങ്കെടുപ്പിച്ച് എല്ലാ വെള്ളിയാഴ്ചയും ഉച്ചക്ക് ശേഷം പ്രത്യേക ക്യാമ്പുകൾ നടത്തി ക്കൊണ്ടിരിക്കുന്നു . വിവിധ ക്യാമ്പുകളിലെ കുട്ടികളുടെ പ്രകടനത്തെ വിലയിരുത്തിയും അരക്കൊല്ല പരീക്ഷയിലെ ഗ്രേേഡുകൾ പരിഗണിച്ച് പ്രത്യേകം മാർക്കുകൾ രജിസ്റ്ററിൽ സൂക്ഷിക്കുന്നു . ഇതിൻറെയെല്ലാം അടിസ്ഥാനത്തിൽ ഏഴാം ക്ലാലാസ്സിലെ TOP 20 കണ്ടെത്തുകയും..അവരെ ആദരിക്കുകയും ചെയ്യും .
മൾട്ടിമീഡിയാ ക്ലാസ് റൂം
കുറേ കമ്പ്യൂട്ടറുകൾ അടങ്ങിയ ഒരു നല്ല സ്മാർട്ട് ക്ലാസ്സ് റൂം ഇന്ന് നിലവിൽ പ്രവർത്തിച്ചു കൊണ്ടിരിക്കുന്നു . കൂടുതൽ IT സാദ്ധ്യതകൾ ഉപയോഗിച്ച് പഠനം എളുപ്പമാക്കി തീർക്കുവാൻ ഒന്നാം ക്ലാസ്സ് മുതൽ ഏഴാം ക്ലാസ്സ് വരെയുള്ള കുട്ടികൾക്ക് IT പഠനത്തിന് ഒരു ലാപ് ടോപ്പും , പ്രൊജക്ടറും മറ്റ് അനുബന്ധ ഉപകരണങ്ങളും അടങ്ങിയ സംവിധാനത്തോട് കൂടിയ 50ഓളം പേർക്ക് ഇരുന്ന് വീക്ഷിക്കാൻ കഴിയുന്ന രീതിയിലുള്ള ഒരു IT ക്ലാസ്സ് റൂം തന്നെ ഒരുക്കിയിട്ടുണ്ട് .
കൂടാതെ പാഠഭാഗവുമായി ബന്ധപ്പെട്ടു കൊണ്ടുള്ള നിരവധി CD കളും , ഡോക്യുമെൻറ്റി , CD ലൈബ്രറി തുടങ്ങിയവ ലഭ്യമാണ് . കുട്ടികളുടെ ആവശ്യത്തിനായി ഒരു ടി.വി യും DVD പ്ലെയറും നിലവിൽ ഉണ്ട് . സ്മാർട്ട് ക്ലാസ്സ് റൂമിൻറെ സുഗമമായ നടത്തിപ്പിനായി ഒരു അധ്യാപികയേയും നിയമിച്ചിട്ടുണ്ട് . ടൈം ടേബിൾ അനുസരിച്ച് എല്ലാ വിദ്യാർത്ഥികളും സ്മാർട്ട് ക്ലാസ്സ് റൂം ഉപയോഗപ്പെടുത്തുന്നു .
മാനേജ്മെന്റ്
1950 ൽ ഒരു കമ്മറ്റിയായി പ്രവർത്തിക്കുകയും പിന്നീട് കമ്മറ്റിക്ക് നടത്തിക്കൊണ്ടു പോവാൻ സാധിക്കാതെ വന്നതിനാൽ ശ്രീീമാൻ ചാത്തനാത്ത് ഗോപാലകൃഷ്ണൻ നായർക്ക് സ്കൂൾ ഏല്പിച്ച് കൊടുത്തു . പിന്നീട് സ്കൂൾ മാനേജ് മെൻറ് യശഃശരീരനായ ശ്രീ . എം.പി.ഗോപാലൻ നായർക്ക് തീര് കൊടുക്കുകയും ചെയ്തു . 1960 ഏപ്രിൽ 5 ന് നമ്മെയെല്ലാം വിട്ടു പിരിഞ്ഞ ശ്രീ . എം.പി ഗോപാലൻ നായരുടെ പിൻതുടർച്ചാവകാശ പ്രകാരം സ്കൂൾ മാനേജ് മെൻറ് ശ്രീമതി പി.പി.കമലാക്ഷിക്കുട്ടി ടീച്ചർക്കായിരുന്നു . എന്നാൽ ചില സാങ്കേതിക തടസ്സങ്ങൾ കാരണം സ്കൂളിൻറെ മാനേജ്മെൻറ് ശ്രീമതി . പി.പി. ജാനകിയമ്മയാണ് നോക്കിയിരുന്നത് .പിന്നീട് 1984 ഏപ്രിൽ 30 മുതൽ ശ്രീമതി കമലാക്ഷിക്കുട്ടി ടീച്ചർ തന്നെ ഈ വിദ്യാലയത്തിൻറെ മാനേജ് മെൻറ് ഏറ്റെടുത്തു .എന്നാൽ 2009 ജൂലൈ 27 ന് ശ്രീമതി. കമലാക്ഷിക്കുട്ടി ടീച്ചർ നമ്മെ വിട്ടു പിരിഞ്ഞു . പിന്നീട് ശ്രീമതി പി . പി . ഗിരിജ ടീച്ചർ സ്കൂളിൻറെ മാനേജ് മെൻറ് ഏറ്റെടുത്തു . ഇപ്പോൾ ശ്രീമതി . പി . പി . പ്രേമജ ടീച്ചറുമാണ് ഈ വിദ്യാലയത്തിൻറെ മാനേജർ . ഹേഡ് മാസ്റ്റർ : മുകുന്ദൻ . ഇ , പി.ടി.എ പ്രസിഡൻറ് : മണികണ്ഠൻ . കെ , എം.പി.ടി.എ പ്രസിഡൻറ് : ഷറീന . എൻ .
വഴികാട്ടി
{{#multimaps: 10.89843939, 76.097223 | width=400px | zoom=16 }}