സെന്റ് ജോസഫ്‌സ് യു പി എസ് വെള്ളിലാപ്പള്ളി
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
| സെന്റ് ജോസഫ്‌സ് യു പി എസ് വെള്ളിലാപ്പള്ളി | |
|---|---|
| വിലാസം | |
വെള്ളിലാപ്പള്ളി രാമപുരം ബസാർ പി.ഒ. , കോട്ടയം 686576 | |
| സ്ഥാപിതം | 1915 |
| വിവരങ്ങൾ | |
| ഫോൺ | 04822263106 |
| ഇമെയിൽ | sjupsvellilappilly@gmail.com |
| കോഡുകൾ | |
| സ്കൂൾ കോഡ് | 31269 (സമേതം) |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കോട്ടയം |
| വിദ്യാഭ്യാസ ജില്ല | പാലാ |
| സ്കൂൾ ഭരണ വിഭാഗം | |
| സ്കൂൾ വിഭാഗം | പൊതു വിദ്യാലയം |
| പഠന വിഭാഗങ്ങൾ | എൽ.പി യു.പി |
| മാദ്ധ്യമം | മലയാളം, ഇംഗ്ലീഷ് |
| സ്കൂൾ നേതൃത്വം | |
| പ്രധാന അദ്ധ്യാപകൻ | സിസ്റ്റർ മേഴ്‌സി സെബാസ്റ്റ്യൻ |
| അവസാനം തിരുത്തിയത് | |
| 30-01-2022 | VELLILAPPILLY2020 |
കോട്ടയം ജില്ലയിലെ വിദ്യാഭ്യാസ പ്രവർത്തനങ്ങൾക്ക് പതിറ്റാണ്ടുകളായി നേതൃത്വം നൽകുന്ന പാലാ കോർപ്പറേറ്റ് എഡ്യൂക്കേഷണൽ ഏജൻസിയുടെ കീഴിൽ രാമപുരം ഉപജില്ലയിലെ വെള്ളിലാപ്പിള്ളിയിൽ 1915 മുതൽ പ്രവർത്തിച്ചു വരുന്ന ഒരു എയ്ഡഡ് വിദ്യാലയമായാണ് സെന്റ്. ജോസഫ്‌സ് യു പി സ്കൂൾ വെള്ളിലാപ്പിള്ളി. പാലാ വിദ്യാഭ്യാസ ജില്ലയിലെ ഏറ്റവും മികച്ച വിദ്യാലയങ്ങളുടെ പട്ടികയിൽ സ്ഥാനം നേടിയെടുക്കാൻ നാളിതു വരെയുള്ള പ്രവർത്തനങ്ങൾ കൊണ്ട് ഈ കലാലയത്തിനു സാധിച്ചിട്ടുണ്ട് .
ചരിത്രം
വിജ്ഞാനത്തിലും വിശുദ്ധിയിലും സാംസ്ക്കാരിക, രാഷ്ട്രീയ മണ്ഡലങ്ങളിലും പ്രൗഢമായ പാരമ്പര്യമുള്ള രാമപുരത്തിന്റെ വിജ്ഞാനനഭസ്സിൽ അതുല്യമായ നേട്ടങ്ങൾ കൈവരിക്കുന്നതിനായി പൂർവികർ നടത്തിയ ഉന്നതമായ അർപ്പണ ബോധത്തിന്റെയും മഹത്തായ പരിശ്രമങ്ങളുടെയും മകുടോദാഹരണമാണ് സെന്റ് ജോസഫ്‌സ് യു പി സ്കൂൾ വെള്ളിലാപ്പിള്ളി . രാമപുരത്തുവാര്യർ, ലളിതാംബിക അന്തർജ്ജനം, വിശുദ്ധിയുടെ വിളനിലമായ തേവർപറമ്പിൽ കുഞ്ഞച്ചൻ, വന്ദ്യനായ ഗോവർണ്ണദോറച്ചൻ എന്നിവരാൽ പവിത്രീകൃതവും നന്മകളാൽ സമൃദ്ധവുമായ രാമപുരത്തെ കുട്ടികളുടെ പ്രാഥമിക പഠനത്തിനായി സ്ഥലത്തെ പൗര പ്രമുഖരുടെ ശ്രമഫലമായി ആരംഭിച്ച കരിപ്പാക്കുടി സ്കൂൾ ഇന്നത്തെ വെള്ളിലാപ്പിള്ളി സെന്റ് ജോസഫ് യുപി സ്കൂളായി ഉയർത്തപ്പെട്ടിരിക്കുന്നു. രാമപുരത്ത് വെള്ളിലാപ്പിള്ളി വില്ലേജാഫീസിൽ നിന്നും ഏകദേശം ഒന്നര കിലോമീറ്റർ തെക്ക് കിഴക്ക് മാറി സ്ഥിതിചെയ്യുന്ന മനോഹരമായ ഒരു കുന്നിൻ പ്രദേശമാണ് കരിപ്പാക്കുടി. ഈ സ്ഥലത്ത് പയ്യാനിക്കുഴിപ്പിൽ, കച്ചിറമറ്റത്തിൽ, കരിപ്പാക്കുടിയിൽ, കടുകമ്മാക്കൽ, ആലനോലിക്കൽ, ചീങ്കല്ലേൽ, കടമ്പമറ്റത്തിൽ, മുതുപ്ലാക്കൽ, കച്ചിറയിൽ, പുത്തൻപുരയ്ക്കൽ ,തോട്ടുങ്കൽ എന്നിങ്ങനെയുള്ള 12 നാട്ടുപ്രമാണികൾ ചേർന്ന് ഒരു സ്കൂൾ കെട്ടിടം പണി തീർത്തു. 1915 മുതൽ 1927 വരെ ഓരോ വർഷവും ഇവർ മാറി മാറി മാനേജർമാരായി സേവനമനുഷ്ഠിച്ചു. 1927 മുതൽ 1937 വരെ തോട്ടുങ്കൽ ജോസഫിനെ സ്ഥിരം മാനേജർ ആയി നിശ്ചയിച്ചു. അറ്റകുറ്റപ്പണികൾക്കും ശമ്പളത്തിനും സാമ്പത്തിക ബുദ്ധിമുട്ട് നേരിട്ട് സാഹചര്യത്തിൽ സ്കൂളിന്റെ ഭരണവും നടത്തിപ്പും വെള്ളിലാപ്പിള്ളി തിരുഹൃദയമഠത്തെ ഏല്പിക്കാമെന്ന് നാട്ടുകാർ തീരുമാനിച്ചു. 1939 മെയ് പതിനഞ്ചാം തീയതി കരിപ്പാക്കുടി സ്കൂളിന്റെ ഭരണസാരഥ്യം തിരുഹൃദയ സഭയെ ഏൽപ്പിക്കുവാൻ ചങ്ങനാശ്ശേരി രൂപതയുടെ മെത്രാനായിരുന്ന അഭിവന്ദ്യ മാർ ജയിംസ് കാളാശ്ശേരി തിരുമേനി ഉത്തരവായി. അതിൻപ്രകാരം, കാലഘട്ടത്തിന്റെ ആവശ്യങ്ങൾ മനസിലാക്കി മൂല്യബോധമുള്ള ഒരു തലമുറയെ വാർത്തെടുക്കുക എന്ന ലക്ഷ്യത്തോടെ തിരുഹൃദയ സന്യാസിനികൾ വിദ്യാഭ്യാസ പ്രേക്ഷിത മണ്ഡലത്തിലേക്ക് നാലാം ക്ലാസ് തുടങ്ങുന്നതിനാവശ്യമായ കെട്ടിടം മഠത്തിന്റെയും നാട്ടുകാരുടെയും സഹകരണത്തോടെ പണികഴിപ്പിക്കുകയും സി.അഗസ്തീന കീലത്ത്, സി. കൊച്ചുത്രേസ്യ പൈമ്പിള്ളിൽ എന്നിവരെ അധ്യാപികമാരായി നിയമിക്കുകയും ചെയ്തു. 1950 ജൂൺ ഒന്നാം തീയതി കരിപ്പാക്കുടി എൽ പി സ്കൂൾ, വെള്ളിലാപ്പള്ളി തിരുഹൃദയമഠത്തിന്റെ പുരയിടത്തിലേക്ക് മാറ്റി സ്ഥാപിച്ചു.നാളുകൾ പിന്നിട്ടപ്പോൾ ഈ സ്കൂൾ ഒരു യു.പി സ്കൂളായി ഉയർത്തുവാനുള്ള അംഗീകാരത്തിനായി ഗവൺമെന്റിൽ പലപ്രാവശ്യം അപേക്ഷ സമർപ്പിച്ചുവെങ്കിലും ഫലമുണ്ടായില്ല. അവസാനം ശ്രീമാൻ കാര്യപ്പുറത്ത് ജോർജിന്റെ അശ്രാന്തപരിശ്രമ ഫലമായി 1964 ഏപ്രിൽ ഇരുപത്തിയൊന്നാം തീയതി ഈ സ്കൂൾ ഒരു യു പി സ്കൂളായി ഉയർത്തി കൊണ്ടുള്ള ഓർഡർ ലഭിച്ചു. അങ്ങനെ രൂപംകൊണ്ടതാണ് ഇന്നുള്ള സെന്റ്. ജോസഫ് യു പി സ്കൂൾ.
അറിവിന്റെ ബാലപാഠങ്ങൾക്കൊപ്പം ജീവിതത്തിന്റെ അന്തസത്ത ഉൾക്കൊള്ളുന്ന സനാതന മൂല്യങ്ങളിൽ അധിഷ്ഠിതമായ ഒരു ജീവിത ദർശനം വളരുന്ന തലമുറയ്ക്ക് പകർന്നു കൊടുക്കുന്നതിൽ ഈ വിദ്യാലയത്തിന്റെ പങ്കു ഏറെ വലുതാണ് . രാമപുരത്തെയും സമീപ പ്രദേശങ്ങളിലെയും ആയിരക്കണക്കിന് കുരുന്നുകളിലെ അജ്ഞതയാകുന്ന തമസിനെ അകറ്റി വിദ്യയുടെ പ്രകാശം നൽകി വിരാജിക്കുന്ന ഈ സരസ്വതി ക്ഷേത്രം ഇന്ന് ശതാബ്‌ദി പിന്നിട്ടു അഭിമാനത്തോടെ നില കൊള്ളുകയാണ് .
ഇന്ന് ഈ വിദ്യാലയം സേവനത്തിന്റെ പാതയിൽ നൂറു സംവത്സരങ്ങൾ പിന്നിടുമ്പോൾ ഒന്ന് മുതൽ ഏഴ് വരെയുള്ള ക്ലാസ്സുകളിലായി നാനൂറോളം വിദ്യാർത്ഥികൾക്കു അറിവിന്റെ വെളിച്ചം നൽകുന്ന സരസ്വതി ക്ഷേത്രമായി പ്രശോഭിക്കുകയാണ് .പഠനത്തോടൊപ്പം പാഠ്യ പാഠ്യേതര പ്രവർത്തനങ്ങളിലും മികവ് തെളിയിച്ചു കൊണ്ട് ഈ കലാലയം സമൂഹത്തിനും രാഷ്ട്രത്തിനും ഉത്തമ മാതൃകയായി നില കൊള്ളുകയാണ് . ലോകത്തിന്റെ നാനാതുറകളിൽ വ്യത്യസ്ത മണ്ഡലങ്ങളിൽ സമൂഹത്തിനും രാഷ്ട്രത്തിനും സേവനം ചെയ്യുന്ന അനേകം മഹത് വ്യക്തിത്വങ്ങളെ പ്രദാനം ചെയ്യുവാൻ ഈ കലാലയത്തിനു സാധിച്ചിട്ടുണ്ട് .സ്കൂളിന്റെയും പഠന പ്രവർത്തങ്ങളുടെയും നിലവാരം മെച്ചപ്പെടുത്തുവാൻ കാലാകാലങ്ങളിൽ ബന്ധപ്പെട്ട അധികാരികളും അധ്യാപകരും നടത്തി വരുന്ന സേവനങ്ങൾ നിസ്തുലമാണ് .
ഭൗതികസൗകര്യങ്ങൾ
ഭൗതിക സാഹചര്യങ്ങൾ മെച്ചപ്പെടുത്തി. സ്മാർട്ട് ക്ലാസ് റൂം, കമ്പ്യൂട്ടർ ലാബ് എന്നിവ ആധുനിക സൗകര്യങ്ങളോടെ ഒരുക്കിയിട്ടുണ്ട്. എല്ലാ ക്ലാസ് റൂമുകളും റ്റൈൽ ഇട്ടു മനോഹരമാക്കി.
ലൈബ്രറി
പുസ്തകങ്ങൾ ഉള്ള വിശാലമായ ഒരു ലൈബ്രറി സ്കൂളിനുണ്ട്.
വായനാ മുറി
കുട്ടികൾക്ക് ഒന്നിച്ചിരുന്ന് പുസ്തകങ്ങളും ആനുകാലികങ്ങളും വായിക്കാനുള്ള സൗകര്യമുണ്ട്.
സ്കൂൾ ഗ്രൗണ്ട്
അതിമനോഹരമായ വിശാലമായ സ്കൂൾ ഗ്രൗണ്ട് ഉണ്ട്.
സയൻസ് ലാബ്
പ്രവർത്തനസജ്ജമായ ഒരു ലാബ് സൗകര്യം സ്കൂളിനുണ്ട്.
ഐടി ലാബ്
5 ഡസ്ക് ടോപ്പുകളും 8 ലാപ് ടോപ്പുകളും ഉളള പ്രവർത്തനസജ്ജമായ വിശാലമായ ഐടി ലാബാണുളളത്.
സ്കൂൾ ബസ്
കുട്ടികളുടെ സൗകര്യാർത്ഥം സ്കുളിന്റെ വിവിധ ഭാഗങ്ങളിൽ നിന്ന് വാഹന സൗകര്യം ഏർപ്പെടുത്തിയിട്ടുണ്ട്.
പാഠ്യേതര പ്രവർത്തനങ്ങൾ
ജൈവ കൃഷി
അധ്യാപകരുടെ നേതൃത്വത്തിൽ കുട്ടികൾ പച്ചക്കറി തോട്ടവും പൂന്തോട്ടവും മനോഹരമായി പരിപാലിച്ചു വരുന്നു. രക്ഷിതാക്കളും നല്ല രീതിയിൽ സഹകരിക്കുന്നു.
വിദ്യാരംഗം കലാസാഹിത്യ വേദി
വിദ്യാരംഗം കലാസാഹിത്യവേദി, ശാസ്ത്രരംഗം എന്നിവയുടെ നേതൃത്വത്തിൽ നടത്തുന്ന മത്സരങ്ങളിൽ ഈ സ്കൂളിലെ കുട്ടികൾ പങ്കെടുക്കുകയും വിജയിക്കുകയും സംസ്ഥാന തലത്തിൽ വരെ എത്തുകയും ചെയ്തിട്ടുണ്ട്.
ക്ലബ് പ്രവർത്തനങ്ങൾ
ശാസ്ത്രക്ലബ്
അധ്യാപകരായ മീര, അനു, റ്റിന്റു എന്നിവരുടെ മേൽനേട്ടത്തിൽ 43 കുട്ടികൾ അടങ്ങുന്ന ക്ലബ് സ്കൂളിൽ പ്രവർത്തിച്ചു വരുന്നു.
ഗണിതശാസ്ത്രക്ലബ്
അധ്യാപകരായ ജോളി, ആൻസ് എന്നിവരുടെ മേൽനേട്ടത്തിൽ 50 കുട്ടികൾ അടങ്ങുന്ന ക്ലബ് സ്കൂളിൽ പ്രവർത്തിച്ചു വരുന്നു.
സാമൂഹ്യശാസ്ത്രക്ലബ്
അധ്യാപകരായ ഷാന്റി, സി. ഡോണ എന്നിവരുടെ മേൽനേട്ടത്തിൽ 36 കുട്ടികൾ അടങ്ങുന്ന ക്ലബ് സ്കൂളിൽ പ്രവർത്തിച്ചു വരുന്നു.
പരിസ്ഥിതി ക്ലബ്ബ്
അധ്യാപകരായ സി. ലിനറ്റ്, സി. ഡോണ എന്നിവരുടെ മേൽനേട്ടത്തിൽ 25 കുട്ടികൾ അടങ്ങുന്ന ക്ലബ് സ്കൂളിൽ പ്രവർത്തിച്ചു വരുന്നു.
സ്മാർട്ട് എനർജി പ്രോഗ്രാം
അധ്യാപകരായ അനു, ആൻസ് എന്നിവരുടെ നേതൃത്വത്തിൽ 30 കുട്ടികൾ അടങ്ങുന്ന ക്ലബ് സ്കൂളിൽ പ്രവർത്തിച്ചു വരുന്നു
നേട്ടങ്ങൾ
- -----
ജീവനക്കാർ
അധ്യാപകർ
| ക്രമ നമ്പർ | പേര് | ഉദ്യോഗപ്പേര് |
|---|---|---|
| 1 | സി. മേഴ്‌സി സെബാസ്റ്റ്യൻ | ഹെഡ്മിസ്ട്രസ് |
| 2 | ജോളി മാത്യു | യു പി എസ് ടി |
| 3 | ലിസി സെബാസ്റ്റ്യൻ | എൽ ജി എഫ് ടി |
| 4 | കുസുമം വർഗീസ് | യു പി എസ് ടി |
| 5 | ഷാന്റി അൽഫോൻസ് | യു പി എസ് ടി |
| 6 | ആൽഫി ബാബു | യു പി എസ് ടി |
| 7 | റ്റിന്റു തോമസ് | യു പി എസ് ടി |
| 8 | മഞ്ചിമ മരിയറ്റ് ജോസ് | യു പി എസ് ടി |
| 9 | ആൻസ് ജോർജ് | യു പി എസ് ടി |
| 10 | മീര സോജൻ | യു പി എസ് ടി |
| 11 | അനു തോമസ് | ഡെയിലി വേജ് |
| 12 | സുമ ജോസഫ് | എൽ പി എസ് ടി |
| 13 | ജോബി ജോസഫ് | എൽ പി എസ് ടി |
| 14 | ബീന ജോസഫ് | എൽ പി എസ് ടി |
| 15 | ബീന വർഗീസ് | എൽ പി എസ് ടി |
| 16 | അഞ്ജലി ബാബു | എൽ പി എസ് ടി |
| 17 | അഞ്ജുമോൾ തോമസ് | ഡെയിലി വേജ് |
അനധ്യാപകർ
- ജെസിമോൾ ഫ്രാൻസിസ്
മുൻ പ്രധാനാധ്യാപകർ
| ക്രമ നമ്പർ | പേര് | കാലയളവ് |
|---|---|---|
| 1 | റവ.സി. അലീസ്യാ എസ് എച്ച് | 1964-1971 |
| 2 | റവ. സി. സിറിൽ എസ് എച്ച് | 1971-1977 |
| 3 | റവ.സി.സീത്ത എസ് എച്ച് | 1977-1989 |
| 4 | റവ.സി. ലൂർദ് മരിയ എസ് എച്ച് | 1989-1994 |
| 5 | റവ.സി. അസ്സംപ്റ്റ എസ് എച്ച് | 1994-2000 |
| 6 | റവ.സി. ആനി ഗ്രേയ്സ് എസ് എച്ച് | 2000-2006 |
| 7 | റവ.സി. അമല ജോസ് എസ് എച്ച് | 2006-2008 |
| 8 | ശ്രീ. സാജൻ ആന്റണി | 2008-2018 |
| 9 | റവ.സി. ലിസമ്മ മാത്യു എസ് എച്ച് | 2018-2019 |
പ്രശസ്തരായ പൂർവവിദ്യാർത്ഥികൾ
- ശ്രീ. റോഷി അഗസ്റ്റ്യൻ (ജലവിഭവ വകുപ്പ് മന്ത്രി)
- ശ്രീ. ജോയസ് ജോസ്( ഡെപ്യൂട്ടി പ്രൊജക്റ്റ് ഡയറക്ടർ, പി എസ് എൽ വി പ്രൊജക്റ്റ്, ഐ എസ് ആർ ഓ,തിരുവനന്തപുരം)
- ശ്രീ. ജോസഫ് വാഴക്കൻ (മുൻ എം എൽ എ)
വഴികാട്ടി
| {{#multimaps:9.792937,76.663633|zoom=13}} | വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ
|