ഗവ. എൽ.പി.എസ്. കന്യാകുളങ്ങര

പ്രോജക്ടുകൾ
പ്രോജക്ടുകൾ
	അക്കാദമിക മാസ്റ്റർപ്ലാൻ (സഹായം)
	എന്റെ ഗ്രാമം (സഹായം)
	സ്കൂൾ പത്രം (സഹായം)
	തിരികെ വിദ്യാലയത്തിലേക്ക് (സഹായം)
	അക്ഷരവൃക്ഷം (സഹായം)
	ഓർമ്മക്കുറിപ്പുകൾ (സഹായം)
	എന്റെ വിദ്യാലയം (സഹായം?)
	ഹൈടെക് വിദ്യാലയം (സഹായം)
	നാടോടി വിജ്ഞാനകോശം (സഹായം)
	Say No To Drugs Campaign (സഹായം)
	ജൂബിലി ആഘോഷം (സഹായം) ;

ഗവ. എൽ.പി.എസ്. കന്യാകുളങ്ങര
ഗവ. എൽ.പി.എസ്. കന്യാകുളങ്ങര
വിലാസം
	കന്യാകുളങ്ങര; വെമ്പായം പി.ഒ., 695615, തിരുവനന്തപുരം ജില്ല
സ്ഥാപിതം	1893
വിവരങ്ങൾ
ഫോൺ	0472 2834358
ഇമെയിൽ	glpskanya1357@gmail.com
കോഡുകൾ
സ്കൂൾ കോഡ്	43408 (സമേതം)
യുഡൈസ് കോഡ്	32140301403
വിദ്യാഭ്യാസ ഭരണസംവിധാനം
റവന്യൂ ജില്ല	തിരുവനന്തപുരം
വിദ്യാഭ്യാസ ജില്ല	തിരുവനന്തപുരം
ഉപജില്ല	കണിയാപുരം
ഭരണസംവിധാനം
ലോകസഭാമണ്ഡലം	ആറ്റിങ്ങൽ
നിയമസഭാമണ്ഡലം	നെടുമങ്ങാട്
താലൂക്ക്	നെടുമങ്ങാട്
ബ്ലോക്ക് പഞ്ചായത്ത്	നെടുമങ്ങാട്
തദ്ദേശസ്വയംഭരണസ്ഥാപനം	പഞ്ചായത്ത് വെമ്പായം
വാർഡ്	5
സ്കൂൾ ഭരണ വിഭാഗം
സ്കൂൾ ഭരണ വിഭാഗം	സർക്കാർ
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി
സ്കൂൾ തലം	1 മുതൽ 4 വരെ
മാദ്ധ്യമം	മലയാളം, ഇംഗ്ലീഷ്
സ്ഥിതിവിവരക്കണക്ക് ;
അദ്ധ്യാപകർ	14
സ്കൂൾ നേതൃത്വം
പ്രധാന അദ്ധ്യാപിക	വിമല പി
പി.ടി.എ. പ്രസിഡണ്ട്	നുജും.കെ
എം.പി.ടി.എ. പ്രസിഡണ്ട്	രഞ്ചുകുമാരി
അവസാനം തിരുത്തിയത്
29-01-2022	43408 1

തിരുവനന്തപുരം ജില്ലയിലെ തിരുവനന്തപുരം വിദ്യാഭ്യാസ ജില്ലയിൽ കണിയാപുരം ഉപജില്ലയിലെ കന്യാകുളങ്ങര സ്ഥലത്തുള്ള ഒരു സർക്കാർ വിദ്യാലയമാണ്.

ചരിത്രം

കന്യാകുളങ്ങര ഗവ.എൽ പി സ്കൂൾ നെടുമങ്ങാട് താലൂക്കിൽ വെമ്പായം ഗ്രാമ പഞ്ചായത്തിൽ തേക്കട വില്ലേജിൽ മികവാർന്ന പ്രവർത്തനങ്ങൾ നടത്തിക്കൊണ്ട് നിലനിൽക്കുന്ന വിദ്യാലയ മുത്തശ്ശിയാണ്. 100-ൽ പരം വർഷങ്ങൾക്ക് മുമ്പ് കുടിപള്ളിക്കൂടമായി വടക്കേപ്പാറ വീടിന്റെ ഭാഗത്ത് പ്രവർത്തനം ആരംഭിച്ചു. പറങ്കിമാംവിള ശ്രീ അലിയാരുകുഞ്ഞ് സംഭാവനയായി നൽകിയ സ്ഥലത്ത് സ്കൂളിന്റെ നിർമ്മാണ പ്രവർത്തനങ്ങൾ തുടങ്ങി. ആദ്യകാല എം.എൽ.എ മാരായ ശ്രീ പൊന്നറ ശ്രീധർ ,ശ്രീ പി.എസ്.നടരാജപിള്ള തുടങ്ങിയവരുടെ ഇടപെടലുകളും സഹകരണങ്ങളും സ്കൂൾ സ്ഥാപിക്കുന്നതിന് ലഭിച്ചിട്ടുണ്ട്. പിന്നീട് പടിപടിയായി ഹൈസ്കൂൾ ആയി മാറുകയും ചെയ്തു.

1962-ൽ ഹൈസ്കൂളിൽ നിന്നും പ്രൈമറി വിഭാഗം പ്രത്യേക ഹെഡ് മാസ്റ്ററുടെ കീഴിലാക്കി എൽ.പി.എസ് ആക്കി മാറ്റി പ്രവർത്തിച്ചു തുടങ്ങി. അതിനുശേഷം പൊതു തീരുമാനപ്രകാരം പെൺകുട്ടികളുടെ വിഭാഗം എൽ.പി.എസ് പ്രവർത്തിക്കുന്ന സ്ഥലത്തേക്ക് മാറ്റുകയും എൽ .പി .എസിന്റെ പ്രവർത്തനം ഇപ്പോഴത്തേ ബോയ്സ് ഹൈസ്കൂളിന്റെ കെട്ടിടത്തിലേക്ക് മാറ്റുകയും വീണ്ടും പഴയ സ്ഥലത്തു തന്നെ പ്രവർത്തനം തുടരുകയും ചെയ്തു. പിൽക്കാലത്ത് ഗേൾസ് സ്കൂൾ ഇപ്പോൾ പ്രവർത്തിക്കുന്നിടത്തേക്ക് മാറുകയും എൽ.പി.എസ് ബോയ്സ് സ്കൂളിന്റെ പുറകുവശത്ത് ഇപ്പോൾ പ്രവർത്തിക്കുന്നിടത്ത് സ്ഥാനം ഉറപ്പിക്കുകയും ഉണ്ടായി. അങ്ങനെ കന്യാകുളങ്ങരയ്ക്ക് മൂന്ന് ഗവൺമെന്റ് സ്കൂളുകൾ സ്വന്തമാക്കാൻ കഴിഞ്ഞു.

60 വർഷങ്ങൾക്ക് മുമ്പ് 5, 6, 7 എന്നീ ക്ലാസുകളും അതിനു ശേഷം 8, 9, 10 ക്ലാസുകളും ഗവൺമെന്റിൽ നിന്ന് അനുവദിച്ചു കിട്ടിയ ഹൈസ്കൂളുകളും പ്രൈമറി സ്കൂളും പ്രവർത്തനം തുടരുന്നു.

1911-ൽ മഹാത്മാ ഗാന്ധി വേറ്റിനാട് മണ്ഡത്തിൽ എത്തുകയും അവിടെ നടത്തിയ പ്രഭാഷണം ഉൾക്കൊണ്ട് ഈ സ്കൂളിലെ കുട്ടികളും നാട്ടുകാരും ഇൻഡ്യൻ നാഷണൽ കോൺഗ്രസ് രൂപീകരിച്ച് പ്രവർത്തനം തുടങ്ങിയതായും ചരിത്രം വെളിവാക്കുന്നു.

1950 -തോടെ വടക്കേപ്പാറയിൽ ശ്രീ അബ്ദുൽ റഹുമാൻ, പെരുംകൂർ ശ്രീ രാമകൃഷ്ണപിള്ള എന്നിവരുടെ നേതൃത്വത്തിൽ നാട്ടുകാർ ചേർന്ന് പിരിവെടുത്തും ഗവൺമെന്റിന്റെ സഹായത്തോടെയും രണ്ടു കെട്ടിടങ്ങളുടെ പണി പൂർത്തിയാക്കി. പിന്നീട് ശ്രീ കുഞ്ഞുകൃഷ്ണ പിള്ള എം.എൽ.എ അനുവദിച്ച രണ്ടു നില കെട്ടിടവും ഹൈസ്കൂളിന് ലഭിക്കുകയുണ്ടായി.

സാമൂഹിക, രാഷ്ട്രീയ രംഗത്തുൾപ്പെടെ സുപ്രധാന മേഖലകളിൽ മികച്ച പ്രവർത്തനം കാഴ്ച വെച്ചിട്ടുള്ള നിരവധി സമർത്ഥരായ പൂർവ്വ വിദ്യാർത്ഥികൾ ഈ വിദ്യാലയത്തിന്റെ മുതൽക്കൂട്ടാണ്. 1962 മുതൽ വേറിട്ട് പ്രവർത്തനം ആരംഭിച്ച പ്രൈമറി വിഭാഗം കന്യാകുളങ്ങരയ്ക്ക് ഒരു തിലകക്കുറിയായി തിളങ്ങി നിൽക്കുന്നു. പ്രതിസന്ധികളിൽ പലതിലും തളരാതെ തികഞ്ഞ മികവോടെ നിലനിൽക്കുന്നതിനു പിന്നിൽ മികച്ച പി.ടി.എകൾ, നേതൃപാടവമുള്ള പ്രധമാധ്യാപകർ, ഒത്തൊരുമയോടെ പ്രവർത്തിച്ച അധ്യാപകർ, അനധ്യാപകർ, നല്ലവരായ നാട്ടുകാർ തുടങ്ങിയവർ ഉൾപ്പെട്ട ഒരു കൂട്ടായ്മ തന്നെയാണെന്ന് സ്കൂൾ ചരിത്രം വ്യക്‌തമാക്കുന്നു.

ഭൗതികസൗകര്യങ്ങൾ

തിരുവനന്തപുരം ജില്ലയിൽ നെടുമങ്ങാട്‌ താലൂക്കിൽ വെമ്പായം പഞ്ചായത്തിൽ തേക്കട വില്ലേജിൽ ആണ് ഗവ : എൽ. പി. എസ്സ്. കന്യാകുളങ്ങര സ്ഥിതി ചെയ്യുന്നത്. കന്യാകുളങ്ങര ജംഗ്ഷനിൽ നിന്നും 200 മീറ്റർ മാത്രം മാറി സ്ഥിതി ചെയ്യുന്ന ഈ വിദ്യാലയം യാത്രാ സൗകര്യത്തിന്റെ കാര്യത്തിൽ അനുഗ്രഹീതമാണ്.

തിരുവനന്തപുരം വിദ്യാഭ്യാസ ജില്ലയിൽ കണിയാപുരം ഉപജില്ലയിലെ ഏറ്റവും കൂടുതൽ കുട്ടികൾ പഠിക്കുന്ന എൽപി സ്കൂളാണിത്. പ്രൈമറിതലത്തിൽ 357 കുട്ടികളും പ്രീ പ്രൈമറി തലത്തിൽ 154 കുട്ടികളുമുൾപ്പെടെ 511 കുട്ടികൾ ഈ വിദ്യാലയത്തിൽ പഠിക്കുന്നു. 62 സെന്റിൽ ആണ് ഈ വിദ്യാലയം സ്ഥിതിചെയ്യുന്നത്.

കോൺക്രീറ്റ് ചെയ്ത 2 ഇരുനില കെട്ടിടങ്ങൾക്കു പുറമേ ഒരു ഒറ്റ നില കെട്ടിടവും ഒരു ഓടിട്ട കെട്ടിടവും ഉണ്ട്. ഗ്യാസ് കണക്ഷൻ ഉള്ള ഒരു പാചകപ്പുര യും അതിനോട് ചേർന്നൊരു സ്റ്റോർ റൂമും ഉണ്ട്. മനോഹരമായ കവാടവും ഗേറ്റും ഉൾപ്പെടുന്ന ചുറ്റുമതിലും ഉണ്ട്. ഗേറ്റ് നോട് ചേർന്ന് സജ്ജീകരിച്ചിരിക്കുന്ന സെക്യൂരിറ്റി റൂം ഈ സ്കൂളിന്റെ പ്രത്യേകതയാണ്.

പുതിയ കെട്ടിടത്തിൽ 5 സ്മാർട്ട് ക്ലാസ് റൂമുകൾ ഉണ്ട്. ഓഫീസ് റൂമും ഇവിടെ പ്രവർത്തിക്കുന്നു. ഇതുകൂടാതെ പ്രൊജക്ടറുകൾ സജ്ജീകരിച്ച 3 തീയറ്റർ ക്ലാസ് റൂമുകൾ ഉണ്ട്.എല്ലാ ക്ലാസ് മുറികളിലും വൈറ്റ് ബോർഡും ആകർഷകമായ ക്ലാസ് ലൈബ്രറിയും സജ്ജീകരിച്ചിട്ടുണ്ട്.ഡിജിറ്റൽ പഠനം യാഥാർത്ഥ്യമാക്കുന്നതിന് വേണ്ടി IT @ school നൽകിയ 9 ലാപ്ടോപ്പുകൾ ക്ലാസ്സ് റൂം പ്രവർത്തനങ്ങൾക്ക് ഉപയോഗിക്കുന്നു. ഒരു കമ്പ്യൂട്ടർ ലാബും ഇവിടെയുണ്ട്. ക്ലാസ് മുറികളിൽ 120ഓളം ബെഞ്ചുംഅത്രതന്നെ ഡെസ്കും ഉണ്ട്. ആൺകുട്ടികൾക്കും പെൺകുട്ടികൾക്കും ആയി ഏഴ് ടോയ്‌ലെറ്റുകൾ ഉണ്ട്.

കണിയാപുരം സബ്ജില്ലയിലെ പ്രീപ്രൈമറി ലീഡിങ് സ്കൂളായ ഇവിടെ പ്രീപ്രൈമറി വിഭാഗത്തിൽ 5 ക്ലാസുകൾ പ്രവർത്തിക്കുന്നു. വായന മൂല,ഗണിത മൂല,ചിത്രമൂല, ശാസ്ത്ര മൂല ഇവ ഉൾപ്പെടുന്ന മനോഹരമായ ഒരു കളി വീടുണ്ട്. തീമാറ്റിക് ബോർഡ് പ്രീ പ്രൈമറി യിൽ സജ്ജമാക്കിയിട്ടുണ്ട്. കൂടാതെ എൽപി വിഭാഗത്തിൽ 12 ക്ലാസ്സുകളും പ്രവർത്തിക്കുന്നു.

സ്കൂൾ വളപ്പിൽ ചെറിയൊരു പൂന്തോട്ടമുണ്ട്. ഇത് കൂടാതെ സ്കൂൾ മുറ്റത്തും പരിസരത്തുമായി ചെടികൾ വച്ചുപിടിപ്പിച്ച് മനോഹരമാക്കിയിട്ടുണ്ട്. കുടിവെള്ളത്തിനായി വർഷം മുഴുവനും ശുദ്ധജലം ലഭിക്കുന്ന ഒരു കിണർ സ്കൂൾമുറ്റത്ത് ഉണ്ട്. വാട്ടർ അതോറിറ്റിയുടെ കുടിവെള്ള കണക്ഷനും ഇവിടെയുണ്ട്.അതിനാൽ വർഷം മുഴുവനും സമൃദ്ധമായി കുടിവെള്ളം ലഭ്യമാണ്. കുട്ടികൾക്ക് കൈ കഴുകുന്നതിനായി ടാപ്പുകൾ സജ്ജമാക്കിയിട്ടുണ്ട്. ഇപ്പോഴത്തെ കോവിഡ് സാഹചര്യത്തിൽ കൈകൾ അണുവിമുക്തമാക്കുന്നതിനുവേണ്ടി സ്കൂളിൽ പലയിടത്തും സാനിറ്റൈസർ വെച്ചിട്ടുണ്ട്.സോപ്പ് ഉപയോഗിച്ച് കൈ കഴുകുന്നതിനുള്ള സൗകര്യവും സ്കൂളിൽ ഉണ്ട്.

പരിസര ശുചീകരണത്തിൽ വളരെയേറെ ശ്രദ്ധ ചെലുത്തുന്ന ഈ സ്കൂളിൽ അതിവിദഗ്ധമായി മാലിന്യം നിർമാർജനം ചെയ്യുന്നതിന് വേണ്ടി ഭൂമിക്കടിയിൽ ഒരു കമ്പോസ്റ്റ് പിറ്റ് സ്ഥാപിച്ചിട്ടുണ്ട്. കൂടാതെ പഞ്ചായത്ത് നൽകിയിട്ടുള്ള ഒരു ഇൻസിനറേറ്ററും സജ്ജമാക്കിയിട്ടുണ്ട്.

യാത്രാ സൗകര്യത്തിനായി മൂന്നു ബസുകൾ ഉണ്ട്.കൂടുതൽ വായിക്കുക

പാഠ്യേതര പ്രവർത്തനങ്ങൾ

സ്കൗട്ട്.
സ്കൂൾ മാഗസിൻ
NEWS QUIZ
ക്ലാസ് മാഗസിൻ.
വിദ്യാരംഗം കലാ സാഹിത്യ വേദി.
ക്ലബ്ബ് പ്രവർത്തനങ്ങൾ.
പരിസ്ഥിതി ക്ലബ്ബ്
ഗാന്ധി ദർശൻ
എഴുത്തോല
വിദ്യാരംഗം
സ്പോർട്സ് ക്ലബ്ബ്

മാനേജ്മെന്റ്

സ്കൂളിന്റെ പ്രധാനധ്യാപകർ


ക്രമനമ്പർ	പേര്	കാലഘട്ടം
1	വാസുദേവൻ	2000	2002
2	K.K.സുരേന്ദ്രകുറുപ്പ്	2002	2002
3	A.നസീമബീവി	2002	2003
4	N. സരസ്വതി	2003	2003
5	M.ശാന്തമ്മ	2003	2005
6	K.K.രാധാമണി	2006	2007
7	M.റഫീക്	2007	2012
8	R.പുഷ്ക്കലാമ്മാൾ	2012	2016
9	J.ഗീത	2016	2018
10	P.വിമല	2018

.

പ്രശംസ്തരായ പൂർവ്വവിദ്യാർത്ഥികൾ

ഗവ. എൽ. പി. എസ് കന്യാകുളങ്ങര

മുൻ എം എൽ എ യും എം പി യുമായിരുന്ന ശ്രീ. തലേക്കുന്നിൽ ബഷീർ.

മുൻ കേന്ദ്ര മന്ത്രിയും ഇപ്പോഴത്തെ പാർലമെൻറ് അംഗവുമായ ശ്രീ.കൊടിക്കുന്നിൽ സുരേഷ്.

നെടുമങ്ങാട് ഗവ: കോളജ് പ്രിൻസിപ്പലായിരുന്ന ശ്രീമതി. സൗദാ ബീവി.

യൂണിവേഴ്സിറ്റി കോളജ് ലക്ചററായിരുന്ന ശ്രീ.പള്ളിക്കൽ അബ്ദുൾ മജീദ്.

കാലിക്കറ്റ് യൂണിവേഴ്സിറ്റി പരീക്ഷാ കൺട്രോളർ ആയിരുന്ന ശ്രീ.വേറ്റിനാട് ശശിധരൻ നായർ.

പ്രൊഫ: ശ്രീധരൻ നായർ.

ഇംഗ്ലണ്ടിൽ ഡോക്ടറായി സേവനമനുഷ്ഠിച്ചിരുന്ന ശ്രീ.ബഷീർ.

ഡോ.റഷീദ

ഡോ.അബ്ദുൾ ഷുക്കൂർ.

ഡോ. സോമശേഖരൻ നായർ.

ശ്രീ.A M സാലി

ഡോ.വൽസല.

A E O യും പിൽക്കാലത്ത് നെടുവേലി HSS പ്രിൻസിപ്പാളുമായിരുന്ന ശ്രീമതി ശ്രീകുമാരി അമ്മ.

A E O യും SMVHSS ഹെഡ്മാസ്റ്ററുമായിരുന്ന ശ്രീ.ഹമീദ്

സ്പോർട്സ് കൗൺസിൽ ഡയറക്ടറായിരുന്ന ശ്രീ.നജുമുദ്ദീൻ.

തിരുവനന്തപുരം RDO ആയിരുന്ന മുഹമ്മദ് മുസ്തഫ.

കവിയും നാടക രചയിതാവുമായ ശ്രീ മുഹാദ് വെമ്പായം.

ഡോ. ജിൻസി

ഡോ.റീബ.