ഗവ. ഹൈസ്കൂൾ നെടുമ്പ്രം
ശതാബ്ദി പിന്നിട്ട നെടുമ്പ്രം പുതിയകാവ് ഗവൺമെന്റ് ഹൈസ്ക്കൂൾ നെടുമ്പ്രം ദേശവാസികളുടെ അക്ഷരവെളിച്ചമാണ്. തിരുവല്ല – അമ്പലപ്പുഴ സ്റ്റേറ്റ് ഹൈവേയിൽ പൊടിയാടി ജംഗ്ഷനിൽ നിന്നും ഏകദേശം 1.5 കിലോമീറ്റർ ദൂരത്ത് നെടുമ്പ്രം പുതിയകാവ് ദേവീക്ഷേത്രത്തിന് എതിർ വശത്തായി ഈ സർക്കാർ വിദ്യാലയം സ്ഥിതി ചെയ്യുന്നു.
| ഗവ. ഹൈസ്കൂൾ നെടുമ്പ്രം | |
|---|---|
| [[File:|frameless|upright=1]] | |
| വിലാസം | |
നെടുബ്രം നെടുബ്രം പി.ഒ, , തിരുവല്ല 689110 , പത്തനംതിട്ട ജില്ല | |
| സ്ഥാപിതം | 01 - 06 - 1915 |
| വിവരങ്ങൾ | |
| ഫോൺ | 04692643453 |
| ഇമെയിൽ | ghsnedumprom@gmail.com |
| കോഡുകൾ | |
| സ്കൂൾ കോഡ് | 37043 (സമേതം) |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | പത്തനംതിട്ട |
| വിദ്യാഭ്യാസ ജില്ല | തിരുവല്ല |
| സ്കൂൾ ഭരണ വിഭാഗം | |
| സ്കൂൾ വിഭാഗം | പൊതു വിദ്യാലയം |
| പഠന വിഭാഗങ്ങൾ | എൽ.പി |
| മാദ്ധ്യമം | മലയാളം |
| സ്കൂൾ നേതൃത്വം | |
| പ്രധാന അദ്ധ്യാപകൻ | മോളമ്മ അലക്സാണ്ടർ |
| അവസാനം തിരുത്തിയത് | |
| 26-11-2020 | 37043 |
ചരിത്രം
പത്തനംതിട്ട ജില്ലയിലെ തിരുവല്ല താലൂക്കിലെ നെടുമ്പ്രം ഗ്രാമപഞ്ചായത്തിലാണ് നെടുമ്പ്രം പുതിയകാവ് ഗവൺമെന്റ് ഹൈസ്കൂൾ സ്ഥിതി ചെയ്യുന്നത്.കേരള സംസ്ഥാന രൂപവത്കരണ സമയത്ത് നെടുമ്പ്രം കൊല്ലം ജില്ലയിലും ആലപ്പുഴ ജില്ല രൂപം കൊണ്ടപ്പോൾ ആലപ്പുഴ ജില്ലയിലുമായിരുന്നു. 1982 നവംബർ 1 ന് പത്തനംതിട്ട ജില്ല രുപവത്കരണത്തോടെ നെടുമ്പ്രം പഞ്ചായത്ത് ജില്ലയുടെ പടിഞ്ഞാറെ അതിരായി. നീളം കൂടിയതും വീതി കുറഞ്ഞതുമായ ഒരു പ്രദേശമായതിനാലാവാം നെടുംപുറം എന്ന പേര് ഈ ദേശത്തിനുണ്ടായതെന്ന് കരുതപ്പെടുന്നു. നെടുംപുറം ലോപിച്ച് നെടുമ്പ്രം എന്നായതാവാം.
വിവിധ ജാതി മത വിഭാഗത്തിൽ പ്പെട്ട ജനങ്ങൾ വസിക്കുന്ന ഈ പ്രദേശം പ്രാചീന കലകൾക്കും ഉത്സവങ്ങൾക്കും എന്നും പ്രാധാന്യം നൽകിയിട്ടുണ്ട്. വിവിധ ജനവിഭാഗങ്ങൾ ഐക്യത്തോടും പരസ്പര വിശ്വാസത്തോടും കഴിയുന്ന ഒരു ചെറിയ ഗ്രാമമാണിത്.
പൊതു വിദ്യാഭ്യാസം മധ്യതിരുവിതാംകൂറിൽ ആരംഭിച്ച വേളയിൽ തന്നെ ഈ പഞ്ചായത്തിലും വിദ്യാലയങ്ങൾ ആരംഭിച്ചു. പഞ്ചായത്തിലെ ആദ്യ ഗവൺമെന്റ് വിദ്യാഭ്യാസ സ്ഥാപനമായ നെടുമ്പ്രം പുതിയകാവ് സർക്കാർ പ്രൈമറി സ്കൂൾ 1915 ൽ ആരംഭിച്ചു. പുത്തൻകാവ് ദേവീക്ഷേത്രത്തിന്റെ തൊട്ടു തെക്കുവശത്തായി ഈ സരസ്വതീ ക്ഷേത്രം സ്ഥിതി ചെയ്യുന്നു. 1981 ൽ യു.പി സ്കൂൾ ആകുകയും 1982 ൽ ഹൈസ്കൂളിന്റെ ആദ്യത്തെ ക്ലാസ്സ് ഇവിടെ ആരംഭിക്കുകയും ചെയ്തു. നെടുമ്പ്രം ഗ്രാമ പഞ്ചായത്തിലെ ഏക ഹൈസ്കൂളാണ് ഈ സർക്കാർ വിദ്യാലയം.
ആദ്യകാലത്ത് നെടുമ്പ്രം ഗ്രാമത്തിലെ മുഴുവൻ കുട്ടികളുടെയും അക്ഷരവെളിച്ചമായിരുന്നു ഈ വിദ്യാലയം. ഗതകാല പ്രൗഡിക്ക് അല്പം കോട്ടം തട്ടിയെങ്കിലും തലയെടുപ്പോടെ തന്നെ ഈ വിദ്യാലയം ഇന്നും അറിവിന്റെ പ്രഭ വിതറി കൊണ്ടേയിരിക്കുന്നു.
ഭൗതികസൗകര്യങ്ങൾ
1915 ൽ പ്രവർത്തനമാരംഭിച്ച നെടുമ്പ്രം പുതിയകാവ് ഗവൺമെന്റ് ഹൈസ്ക്കൂൾ ശതാബ്ദിയും പിന്നിട്ടിരിക്കുകയാണ്. ഭൗതികവും അക്കാദമികവുമായ മേഖലകളിൽ നമ്മുടെ സ്ക്കൂൾ മുന്നിൽ തന്നെയാണ്. കുട്ടികളിൽവായന ശീലത്തെ വളർത്തുവാൻ പ്രാപ്തമായ വിപുലമായ രീതിയിലുള്ള ലൈബ്രറി സ്ക്കൂളിന്റെ സമ്പത്താണ്. സുസജ്ജമായ ഐ റ്റി ലാബും സയൻസ് ലാബും ഇവിടെ പ്രവർത്തിക്കന്നു. ഹൈസ്കൂൾ വിഭാഗം സ്മാർട്ട് ക്ലാസ്സ് റൂമുകളിൽ പ്രവർത്തിക്കുന്നത് പഠനം രസകരവും വിജ്ഞാന പ്രദവുമാക്കുന്നു. ഗണിതപഠനം കുടുതൽ എളുപ്പമാക്കുന്നതിന് സഹായിക്കുന്ന ഗണിതലാബും ഉണ്ട്. ഒരു വിദ്യാലയത്തിന് ആവശ്യം വേണ്ട കളിസ്ഥലം ഇല്ല എന്നത് ഒരു വലിയ കുറവാണ്. സ്ഥല പരിമിതിയും കെട്ടിട പരിമിതിയും കാരണം നെടുമ്പ്രം പഞ്ചായത്തിലെ ഏക ഹൈസ്ക്കൂളാണെങ്കിലും ഇവിടെ ഹയർ സെക്കന്ററി അനുവദിച്ചിട്ടില്ല.
പാഠ്യേതര പ്രവർത്തനങ്ങൾ
- സ്കൗട്ട് & ഗൈഡ്സ്.
- എൻ.സി.സി.
- ക്ലാസ് മാഗസിൻ.
- വിദ്യാരംഗം കലാ സാഹിത്യ വേദി.
- ക്ലബ്ബ് പ്രവർത്തനങ്ങൾ.
മാനേജ്മെന്റ്
മുൻ സാരഥികൾ
സ്കൂളിന്റെ മുൻ പ്രധാനാദ്ധ്യാപകർ :
| 1951-1953 | എം.വി.എബ്രഹാം |
പ്രശസ്തരായ പൂർവവിദ്യാർത്ഥികൾ
വഴികാട്ടി
| വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ
തിരുവല്ല അമ്പലപ്പുഴ റോ‍ഡിൽ പൊടിയാടിയിൽ നിന്ന് 1 km
|
{{#multimaps:9.369094, 76.549844|zoom=15}}