ജി. എച്ച്. എസ്.എസ് മുളളരിങ്ങാട്

ഇംഗ്ലീഷ് വിലാസം

https://schoolwiki.in/G.H.S.S_MULLARINGADU

ജി. എച്ച്. എസ്.എസ് മുളളരിങ്ങാട്
വിലാസം
മുള്ളരിങ്ങാട് മുള്ളരിങ്ങാട് പി. ഓ. ഇടുക്കി , 685607 , ഇടുക്കി ജില്ല
സ്ഥാപിതം	01 - 11 - 1956
വിവരങ്ങൾ
ഫോൺ	04862240010
ഇമെയിൽ	29022ghss@gmail.com
വെബ്‍സൈറ്റ്	http://gvhssmakkaraparamba.org.in
കോഡുകൾ
സ്കൂൾ കോഡ്	29022 (സമേതം)
വിദ്യാഭ്യാസ ഭരണസംവിധാനം
റവന്യൂ ജില്ല	ഇടുക്കി
വിദ്യാഭ്യാസ ജില്ല	തൊടുപുഴ
സ്കൂൾ ഭരണ വിഭാഗം
സ്കൂൾ വിഭാഗം	പൊതു വിദ്യാലയം
പഠന വിഭാഗങ്ങൾ	എൽ.പി യു.പി
മാദ്ധ്യമം	മലയാളം‌
സ്കൂൾ നേതൃത്വം
പ്രിൻസിപ്പൽ	തുഷാര.നൈനാൻ
പ്രധാന അദ്ധ്യാപകൻ	ഹരിദാസൻ എം വി
അവസാനം തിരുത്തിയത്
23-09-2020	29022

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

തൊടുപുഴ പട്ടണത്തിൽ നിന്ന് 35 കി. മി. അകലെ വെള്ളക്കയം റൂട്ടിൽ മഞ്ഞും മലരണിക്കുന്നുകളും മരതകം ചാർത്തുന്ന മലയാളത്തിന്റെ മലയോരഗ്രാമം - മുള്ളരിങ്ങാട് - സ്ഥിതിച്ചെയ്യുന്നു. ഉത്തുംഗ വന നിബിഡവും ലതാനികഞ്ജ പരിലസിതവുമായ ഹരിത സമ്യദ്ദിയിൽ വശ്യമനോഹരമായ ഈ പ്രദേശത്തെ ഗവ. ഹയർ ,സെക്കണ്ടറി സ്കൂൾ രൂപം കൊണ്ടിട്ട് അഞ്ചു പതിറ്റാണ്ടുകൾ പിന്നിട്ടിരിക്കുന്നു. ഇന്നും തലയെടുപ്പോടെ തന്റെ ജൈത്ര യാത്ര തുടരുന്നു.

ചരിത്രം

1.- 1957-ൽ മൂളളരിങ്ങാട് മലയോരനിവാസികളൂടെ സ്വപ്നസാക്ഷാത്കാരമായി ഈ കലാലയത്തിന് തുടക്കമിട്ടു. ഹരിജൻ വെൽഫെയർ സ്കൂൾ എന്ന പേരീൽ ശ്രീമതി. ശാരദടീച്ചറിന്റെ നേത്യത്വത്തിൽ ഏകാധ്യാപക വിദ്യാലയമായിട്ടാണ് പ്രവർത്തനം ആരംഭിച്ചത്. 1960 ൽ മുള്ളരിങ്ങാട് വിലയ് ക്കുവാങ്ങിയ 25സെന്റു സ്ഥലത്ത് ഉണ്ടാക്കിയ താൽകാലിക ഷെഡ്ഡിലേക്ക് മാറ്റി പ്രവർത്തനം തുടങ്ങി. 1962- ൽ ഊറ്റുകണ്ണി കോളനി നിവാസികളുടെ ആവശ്യ പ്രകാരം സർക്കാർ 50 സെന്റു സ്ഥലം സ്ക്കൂളിനായി അനുവദിച്ചു. ഈ സ്ഥലത്താണ് ഇന്നീ വിദ്യാലയം സ്ഥിതിചെയ്യുന്നത്. ആദ്യകെട്ടിടം 1965- ൽ നിർമ്മിച്ചു. 1968-ൽ ഇത് യു. പി. സ്കൂളായി ഉയർത്തി. 1980- ൽ എച്ച്. എസ്. ആയും 2000-ൽ ഹയർ സെക്കണ്ടറി ആയും ഉയർത്തപ്പെട്ടു. 1983- ൽ ആദ്യ എസ്. എസ്. എൽ. സി. ബാച്ച് പുറത്തിറങ്ങി. പരിസരവാസികളുടെ ശ്രമഫലമായി ഒരേക്കർ സ്ഥലം കൂടി സർക്കാർ അനുവദിച്ചു. തുടർന്ന് കെട്ടിടം നിർമ്മിക്കുന്നതിനായി ശ്രീ. ഇ. ബാലാനന്ദൻ എം. പി. യുടെ ഫണ്ടിൽ നിന്ന് 4 ലക്ഷം രൂപയും, ശ്രീ. ഫ്രാൻസിസ് ജോർജ് എം. പി. യുടെ വികസനഫണ്ടിൽ നിന്ന് 5 ലക്ഷം രൂപയും ലഭിച്ചത് ഏറെ അനുഗ്രഹമായി. ജനപ്രതിനിധി എന്ന നിലയിലും ഭരണാധികാരിയെന്ന നിലയിലും ശ്രീ. പി. ജെ. ജോസഫ് നൽകിയിട്ടുള്ള സംഭാവനകൾ അവിസ്മരണീയങ്ങളാണ്. ഹൈസ്ക്കൂളിന്റെ ഭരണാധികാരം ജില്ലാപ‍‍ഞ്ചായത്ത് ഏറ്റെടുത്തതിന്റെ ഫലമായി 2004, 2005 കാലഘട്ടങ്ങളിൽ 7.25 ലക്ഷം രൂപ മറ്റ് അറ്റകുറ്റപ്പണികൾക്കായി അനുവദിച്ചുകിട്ടി. എസ്. എസ്. എ യിൽ നിന്ന് ആറു ക്ളാസ്സുമുറികളും മറ്റു പ്രാഥമിക സൗകര്യങ്ങളും ലഭ്യമാക്കി. +2 വരെയുള്ള കുട്ടികൾക്കാവശ്യമായ വായനാശാല, ഇതര ശാസ്തപരീക്ഷണാലയങ്ങൾ, കമ്പ്യട്ടർ- എൽ. സി. ഡി. ലാബുകൾ, സി. ഡി. ലൈബ്രറി, എജ്യൂസാറ്റ് സംവിധാനങ്ങൾ തുടങ്ങിയെല്ലാം ഇന്നിവിടെയുണ്ട്. ഉന്നതമായ വിജയപാരമ്പര്യമുള്ള ഈ വിദ്യാലയം ഇന്ന് നൂറുമേനി തിളക്കത്തിലാണ്. 2007- ലെ സുവർണ്ണജൂബിലിയാഘോഷം നാടിന്റെ ഉത്സവമായി മാറി. വിദ്യാലയത്തിന്റെ നാനാമുഖമായ വികസനപ്രവർത്തനങ്ങൾ ക്കെല്ലാം ചുക്കാൻ പിടിയ്ക്കുന്ന ശ്രീ. എം. എസ്. സുധാകരന്റെ നേത്റുത്വത്തിലുള്ള പി. ടി. എ കമ്മിറ്റിയെ അഭിനന്ദിയ്ക്കാതെ വയ്യ. നാട്ടിലെ നല്ലവരായ ജനങ്ങൾ, ജനപ്രതിനിധികൾ, സ്ക്കൂൾ പി.ടി.എ,, എം.ടിഎ, സി.പിടിഎ, എസ്.എസ്.ജി, അംഗങ്ങൾ തുടങ്ങിയവരുടെ ഉളളുതുറന്ന സേവനം ഈ വിദ്യാലയത്തെ ഉന്നതിയിലേക്ക് ഉയർത്തുന്നു. ഓരോ വിദ്യാർത്ഥിയും ഈ വിദ്യാലയത്തിൽ നിരത്തിവച്ച കൊച്ചു കൊച്ചു ചിരാതുകളാണ്. ആത്മാർത്ഥതയുടേയും, കഠിനാദ്ധ്വനത്തിന്റേയും മിശ്രീതം ഈ ചിരാതുകളിൽ നിറച്ച് ക്ഷമയുടേയും, സ്നേഹത്തിന്റേയും, തിരിയിട്ടു കത്തിക്കുവാൻ ഇവിടുത്തെ അധ്യാപകർ ശ്രമിക്കുന്നു. അങ്ങനെ കുട്ടികൾ അറിവിന്റെ നിറദീപങ്ങളായും അവരിൽ അന്തർലീനമായ അപൂർവകഴിവുകളെ കണ്ടറിഞ്ഞ് മികവുറ്റതാക്കുന്നതിനും കഴിയുന്നു. സ്ഥിരോത്സാഹവും അദ്യശ്യശക്തിയുടെ അനുഗ്രഹവും കൊണ്ട് അക്ഷയനിധികളായി തീരുന്നു ഈ കുരുന്നുകൾ. അതുവഴി ധന്യമാകുന്നു ഈ വിദ്യാലയം.

ഭൗതികസൗകര്യങ്ങൾ

ഒന്നരഏക്കർ ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് 6 കെട്ടിടങ്ങളിലായി 16 ക്ലാസ് മുറികളും ഹയർ സെക്കണ്ടറിക്ക് രണ്ടു കെട്ടിടങ്ങളിലായി 6 ക്ലാസ് മുറികളുമുണ്ട്. അതിവിശാലമായ ഒരു കളിസ്ഥലം വിദ്യാലയത്തിനുണ്ട്.

ഹൈസ്കൂളിനും ഹയർസെക്കണ്ടറിക്കും കമ്പ്യൂട്ടർ ലാബുകളുണ്ട്. ഇരുപതോളം കമ്പ്യൂട്ടറുകളുണ്ട്. ലാബിൽ ബ്രോഡ്ബാന്റ് ഇന്റർനെറ്റ് സൗകര്യം ലഭ്യമാണ്. വിശാലമായ സി. ഡി. ലൈബ്രറിയും ഉണ്ട്.

പാഠ്യേതര പ്രവർത്തനങ്ങൾ

• ഹരിത സേന
• പരിസ്ഥിതി സേന
• സ്കൂൾ ജനാധിപത്യ വേദി.
• മികച്ച കായിക പരിശീലനങ്ങൾ - തായ് ക്കോണ്ടു, ഏയ്റോബിക്.
• ക്ലാസ് മാഗസിൻ.
• വിദ്യാരംഗം കലാ സാഹിത്യ വേദി.
• ക്ലബ്ബ് പ്രവർത്തനങ്ങൾ.
• ലിറ്റിൽ കൈറ്റ് ക്ലബ്
  • നേർക്കാഴ്ച

മുൻ സാരഥികൾ

സ്കൂളിന്റെ മുൻ പ്രധാനാദ്ധ്യാപകർ : ശ്രീമതി. ശാരദടീച്ചർ | ശ്രീ. അയ്യപ്പൻ. | ശ്രീ. പി. ആർ. രാജൻ| ശ്രീ. കുഞ്ചു. | ശ്രീമതി. എൻ. എം. കമലാക്ഷി. | ശ്രീ. എം. ഒ. ജോർജ് ര് | ശ്രീ. പി. കുഞ്ഞാപ്പി. | ശ്രീ. മസിലാമണി | ശ്രീ. എൻ. സോമരാജൻ‍ | ശ്രീ. വി. ഇ. തോമസ്. | ശ്രീ. കെ. രവീന്രനാഥൻ നായർ | ശ്രീ. അഗസ്റ്റിൻ | ശ്രീ. കെ. ജി. ഗോപാലകൃഷ്ണൻനായർ | ശ്രീ. ഐസക്ക് വർക്കി | ശ്രീമതി. എ. സൗദാമിനി. | ശ്രീമതി. ഏലിക്കുട്ടി | ശ്രീമതി. അന്നക്കുട്ടി. | ശ്രീമതി. വിജയാദേവി. | ശ്രീമതി. സൗദാമിനി. | ശ്രീമതി. രുഗ്മിണി. | ശ്രീമതി. എ തങ്കമണി അമ്മാൾ | ശ്രീമതി. ശാന്താകുമാരി | ശ്രീമതി. വി. എൻ. ധനലക്ഷ്മി. | ശ്രീമതി. ഐ. പി. ശോഭന. | ശ്രീ. പി. ദിവാകരൻ.

പ്രശസ്തരായ പൂർവവിദ്യാർത്ഥികൾ

• ശ്രീമതി. പ്രീതി പീറ്റർ- ഡോക്ടർ, ആരോഗ്യ വകുപ്പ്.
• ശ്രീ. മഞ്ജുഷ ബാലകൃഷ്ണൻ- ശാസ് ത്രജ്ഞ‍
• ശ്രീ. ശ്രീല. റ്റീ. ജി. എൻഞ്ചിനിയർ, സത്യം കമ്പ്യൂട്ടേഴ്സ്
• ആഷാ റാം. ഐ. ഇ എൽ. റ്റി.
• അനീഷ് റാം- ഗാനഭൂഷണം
• അജയ് പത്രോസ്, ദിപിൻ ദിവാകരൻ, അഖിൽ ചന്രൻ, സജൻ എസ്, ജിബിൻ തോമസ്,-തുടങ്ങിയ ആർകിടെക്റ്റ് എൻഞ്ചിനീയേഴ്സ്*

വഴികാട്ടി

വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ തൊടുപു ഴയിൽ നിന്ന് 35 കി. മി. അകലെ പൈങ്ങോട്ടൂർ വെള്ളക്കയം റൂട്ടിൽ സ്ഥിതിച്ചെയ്യുന്നു. നെടുംബാശ്ശേരി എയർപോർട്ടിൽ നിന്ന് 60 കി.മി. അകലം

{{#multimaps: 10.0096754,76.7771807| width=600px | zoom=13 }} |