എസ്.എൻ.എം.ഗവ.ബോയ്സ് എച്ച്.എസ്.എസ് , ചേർത്തല/അക്ഷരവൃക്ഷം/മന‍ുഷ്യൻ എന്ന നിസ്സാരൻ

മന‍ുഷ്യൻ എന്ന നിസ്സാരൻ മനുഷ്യന്റെ ഏറ്റവും പ്രാഥമികമായ ആവശ്യങ്ങൾ മൂന്നാണ് - പ്രാണവായു, വെള്ളം, ഭക്ഷണം. ഇവയെല്ലാം നമ്മുടെ ചുറ്റുപാടിലെ മണ്ണിനെ ആശ്രയിച്ചിരിക്കുന്നു. മണ്ണിനും ജലത്തിനും ശുദ്ധ വായുവിനും പ്രാധാന്യം നൽകാതെയുള്ള വികസനം ആണ് ഇന്ന് നടക്കുന്നത്. മണ്ണിനെ നാം ശ്വാസം മുട്ടിച്ചു കൊല്ലുന്നു. കോൺക്രീറ്റ് ഇടുന്നതാണ് നാടിന്റെ പരിഷ്കാരം എന്ന് വിചാരിച്ചു പണത്തിനു പുറകെ പായുന്നു. മണ്ണ് ജീവനാണ്, കോടാനുകോടി ജീവികളുടെ ആവാസസ്ഥാനമാണ്.അത് തിരിച്ചറിയാത്തത് കൊണ്ടാണ് പലപ്പോഴും നമ്മുടെ കൃഷി പരാജയം ആകുന്നത്. മണ്ണിന്റെ ആരോഗ്യം ആണ്‌ മനുഷ്യന് ആരോഗ്യം പ്രദാനം ചെയ്യുന്നത്. മണ്ണിനെ കുറിച്ച് പഠിക്കാതെ നമുക്കിനി ഒരു ഇഞ്ചു മുന്നോട്ട് പോകാൻ കഴിയില്ല. മണ്ണിനോട്‌ ചേർന്ന് നില്കുന്നതിന്റെ ആഹ്ലാദം നമ്മുടെ സമ‍ൂഹത്തെ ബോധ്യപ്പെടുത്തണം. ഓരോ വീട്ടിലും വേണം പരിസ്ഥിതി സൃഹൃദ കൃഷി. പ്രകൃതിയെ കാൽച്ചുവട്ടിലാക്കാൻ തുനിഞ്ഞിറങ്ങിയ മനുഷ്യന് കിട്ടിയ ഒരു തിരിച്ചടിയാണ് ഈ കൊറോണ കാലം. പ്രകൃതിയുടെ മുൻപിൽ മനുഷ്യൻ എത്ര നിസ്സാരൻ ആണെന്ന് ഇത് നമ്മെ ബോധ്യപ്പെടുത്തുന്നു .. കാർത്തിക്. എസ്. എ 9 B എസ്.എൻ.എം.ഗവ.ബോയ്സ് എച്ച്.എസ്.എസ് , ചേർത്തല ചേർത്തല ഉപജില്ല ആലപ്പുഴ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - pcsupriya തീയ്യതി: 05/ 05/ 2020 >> രചനാവിഭാഗം - ലേഖനം