ഗവ. എച്ച്.എസ്.എസ്. എളമക്കര

ഇംഗ്ലീഷ് വിലാസം

https://schoolwiki.in/Ghss_elamakkara

ഗവ. എച്ച്.എസ്.എസ്. എളമക്കര
പ്രമാണം:Ghsselamakkara.jpg
വിലാസം
എളമക്കര 682026
സ്ഥാപിതം	01 - 06 - 1916
വിവരങ്ങൾ
ഫോൺ	04842408280
ഇമെയിൽ	ghsselamakkara26092@gmail.com
കോഡുകൾ
സ്കൂൾ കോഡ്	26092 (സമേതം)
വിദ്യാഭ്യാസ ഭരണസംവിധാനം
റവന്യൂ ജില്ല	എറണാകുളം‍
വിദ്യാഭ്യാസ ജില്ല	എറണാകുളം‍
സ്കൂൾ ഭരണ വിഭാഗം
സ്കൂൾ വിഭാഗം	പൊതു വിദ്യാലയം
പഠന വിഭാഗങ്ങൾ	എൽ.പി യു.പി
മാദ്ധ്യമം	മലയാളം, ഇംഗ്ലീഷ്‌
സ്കൂൾ നേതൃത്വം
പ്രിൻസിപ്പൽ	സുരേഷ് ജെ
പ്രധാന അദ്ധ്യാപകൻ	സലീന എ
അവസാനം തിരുത്തിയത്
25-09-2017	Visbot

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

ആമുഖം

1916 ൽ തിരുവിതാംക്കൂർ മഹാരാജാവ് ശ്രീമൂലം തിരുനാൾ സ്ഥാപിച്ച ഏഴു കുട്ടികളും രണ്ട് അധ്യാപകരുമായി ആരംഭിച്ച ഒരു എലിമെന്ററി സ്ക്കൂൾ ഇന്ന് അമ്പതു അധ്യാപകരും നാല് ഓഫീസ് സ്റ്റാഫുമായി ഒരു മികച്ച ഗവൺമെന്റ്ഹയർ സെക്കന്ററി സ്ക്കൂളായി നാല് ഇരുനില കെട്ടിടങ്ങളിലായി വളർന്നു പന്തലിച്ചു നിൽക്കുന്നു. ശതാബ്ദി പിന്നിട്ട ഈ വിദ്യാലയത്തിൽ ഇന്ന് ആയിരത്തി മുന്നൂറുൽ പരം വിദ്യാർത്ഥികൾ പഠനം തുടരുന്നു.

ഇടപ്പള്ളി രാഘവൻ പിള്ള തന്റെ പ്രാഥമിക വിദ്യാഭ്യാസം പൂർത്തികരിച്ചത് ഇവിടെയാണ്. ആത്മസുഹൃത്തുകളായിരുന്ന ചങ്ങമ്പുഴയും ഇടപ്പിള്ളിയും സായന്തനങ്ങൾ ചെലവഴിച്ചിരുന്നത് ഈ തിരുമുറ്റത്തായിരുന്നുവെന്ന് പ്രായമായവർ സാക്ഷ്യപ്പെടുത്തുന്നു.

ഭൗതിക സാഹചര്യങ്ങളിൽ കേരളത്തിലെ മറ്റേതൊരു വിദ്യാലയത്തിനോടും കിട നിൽക്കുന്ന ഈ സ്ക്കൂൾ പാഠ്യ പാഠ്യേതര വിഷയങ്ങളിൽ കൈവരിച്ച നേട്ടങ്ങൾ അഭിമാനാർഹമാണ്. എല്ലാ ക്ലാസ്സ്മുറികളിലും ലൈബ്രറിയുള്ള കേരലത്തിലെ അപൂർവം സ്ക്കൂളുകളിൽ ഒന്നാണിത്. കുട്ടികൾ തന്നെ ലൈബ്രറിയൻമാരായി പ്രവർത്തിക്കുന്ന ക്ലാസ്സ് ലൈബ്രറിയിൽ അവർതന്നെ സ്റ്റോക് രജിസ്റ്ററും ഇഷ്യൂ രജിസ്റ്ററും സൂക്ഷിക്കുന്നു.പ്രധാനലൈബ്രറി റഫറൻസ് ലൈബ്രറിയാക്കി ഉയർത്തി യിരിക്കുന്നു

വായനയുടെ ലോകത്ത് എളമക്കര സ്ക്കൂൾ സൃഷ്ടിച്ച വലിയമാറ്റം സംസ്ഥാനതലത്തിൽ തന്നെ ശ്രദ്ധിക്കപ്പെട്ടിരിക്കുന്നു. സ്ക്കൂളിന്റെ വേറിട്ട ലൈബ്രറി പ്രവർത്തനങ്ങൾക്ക അംഗീകാരമായി 2007-2008 വർഷത്തെ സംസ്ഥാനത്തെ മികച്ച സ്ക്കൂൾ ലൈബ്രറിക്കുള്ള കേന്ദ്രഗ്രന്ഥശാലാ സംഘത്തിന്റെ വി.എൻ പണിക്കർ അവാർഡ് ഈ സ്ക്കൂൾ നേടി.

ഡി.സി. ബുക്സ് ആദ്യമായി ഏർപ്പെടുത്തിയ മികച്ച ലൈബ്രറി പ്രവർത്തനങ്ങൾക്കുള്ള കുഞ്ഞുണ്ണി സ്മാരക അവാർഡ് നേടിയടുത്ത സ്ക്കൂൾ അന്താരാഷ്ട്ര പുസ്തകോത്സവ സമിതി ഏർപ്പെടുത്തിയ ആദ്യ ഡോ.ഹെന്ററി ഓസ്റ്റിൻ പുരസ്കാരം നേടിയെടുത്തുകൊണ്ട് ചരിത്രം സൃഷ്ടിച്ചു. അരലക്ഷം രൂപയുടെ പുസ്തകങ്ങളാണ് ഈ അവാർഡിലൂടെ സ്ക്കൂളിന് നേടാൻ കഴിഞ്ഞതെന്ന യാഥാർത്ഥ്യം അസൂയാവഹമാണെന്നു പറയാതെവയ്യ. ഒന്നാം തരം മുതൽ +2 വരെയുള്ള കുട്ടികൾക്ക് ഉച്ചഭക്ഷണം കൊടുക്കാൻ പി.റ്റി.എ ശ്രദ്ധപുലർത്തുന്നു. മലിനീകരണത്തിന്റെ പ്രശ്നം അവസാനിപ്പിക്കുന്നതി നൊപ്പം തന്നെ ഇന്ധനക്ഷാമം പരിഹരിക്കുന്ന33,000 രൂപ മുടക്കി സ്ഥാപിച്ച ബയോഗ്യാസ് പ്ലാന്റ് പി.ടി.എ യുടെ മികച്ച നേട്ടങ്ങളിൽ ഒന്നാണ്.

ഇപ്രകാരം മറ്റൊരു ഗവൺമെന്റ് സ്ക്കളിലും കാണാനാവാത്തവിധം മികച്ച പ്രവർ ത്തനം കാഴ്ച വെയ്ക്കുന്ന ഇവിടത്തെ പി.ടി.എ 2005-2006,2007-2008 വർഷങ്ങളിൽ സംസ്ഥാനത്തെ മികച്ച പി.ടി.എ ആയി തെരഞ്ഞെടുക്കപ്പെട്ടതിൽ അത്ഭുതത്തിനവകാശമില്ല തന്നെ.

മുപ്പതു കമ്പ്യൂട്ടറുകളുമയി പ്രവർത്തിക്കുന്ന കമ്പ്യൂട്ടർ ലാബ്,സുസജ്ജമായ ലബോറട്ടറി,സ്മാർട്ട് ക്ലാസ്സ് റൂം എന്നിങ്ങനെ വിവരസാങ്കേതികമികവിന്റെ ഉന്നതമായ അന്തരീക്ഷം സൃഷ്ടിക്കാൻ ഈ സ്ക്കൂളിനു കഴിഞ്ഞിട്ടുണ്ട്.

സ്ക്കൂളിൽ നിന്നും പല കാലങ്ങളിലായി പിരിഞ്ഞുപോയ അധ്യാപകശ്രേഷ്ഠരെ ക്ഷണിച്ചു വരുത്തി ആദരിക്കുന്ന ഗുരുവന്ദനം എല്ലാവർഷവും നടത്തുന്നു. തൊണ്ണുറു വർഷം പിന്നിട്ടതിന്റെ ഭാഗമായി ഒരു വർഷംക്കാലം നീണ്ടുനിന്ന നവതി ആഘോഷം വർണ്ണശബളമായി പരിപാടികളോടുകൂടിയാണ് നടത്തിയത്.നവതിയുടെ ഓർമ്മയ്ക്കായി മികച്ച ഒരു സ്മരണിക -തിരുമുറ്റം- പുറത്തിറക്കാൻ കഴിഞ്ഞു.

ഈ സ്ക്കൂളിന് പുന്നയ്ക്കൽ സ്ക്കൂൾ എന്നും പേരുണ്ട് അഞ്ഞൂറു വർഷത്തോളം പഴക്കമുള്ള ഒരു പുന്നമരത്തിന്റെ സാമീപ്യമാണ് ഈ പേരിന്നാധാരം. പുന്ന വിദ്യയുടെ പ്രതീകമാണ്അതുകൊണ്ടുതന്നെ സ്ക്കൂൾ പ്രവേശനോത്സവത്തിന് കുട്ടികളെ അണിനിരത്തുമ്പോൾ അവരെ നയിച്ച് പുന്നമരത്തെ വണങ്ങി വലം വെച്ച് സ്ക്കൂളിലേയ്ക്ക പ്രവേശിപ്പിക്കുന്നു. കുട്ടികളിൽ വൃക്ഷപ്രേമം വളർത്തുന്ന,പ്രകൃതിയുമായി ബന്ധംസ്ഥാപിക്കുന്ന ഈ ചടങ്ങ് ഈ സ്ക്കൂളിന്റെ മാത്രം പ്രത്യേകതയാണ് എന്നത്എടുത്തു പറയേണ്ടതില്ലല്ലോ.

ഭൗതിക സാഹചര്യങ്ങൾ

3 കെട്ടിടങ്ങളിലായി 2 നിലകളിൽ ഹൈസ്ക്കൂൾ വിഭാഗം പ്രവർത്തിക്കുന്നു ഫാനുകളും ലൈറ്റുകളുമുമുള്ള 30 ക്ലാസ്സ് മുറികൾ, 2 നിലകളിലായി 12 ക്ലാസ്സ് മുറികളോടെ ഹയർ സെക്കണ്ടറി വിഭാഗം പ്രവർത്തിക്കുന്നു ടൈല്സ് പതിപ്പിച്ചബാത്ത്റൂമുകൾ.

സൗകര്യങ്ങൾ

റഫറൻസ് ലൈബ്രറി

പ്രധാനലൈബ്രറി റഫറൻസ് ലൈബ്രറിയാക്കി ഉയർത്തിയിരിക്കുന്നു. 2500 പുസ്തകങ്ങൾ ഇവിടെയുണ്ട്. വൈകിട്ട് അഞ്ചു മണി വരെ കുട്ടികൾക്ക് വായിക്കുവാനുള്ള അവസരം ഒരുക്കുകയും ചെയ്തിരിക്കുന്നു

ക്ലാസ്സ് റൂം ലൈബ്രറി

എല്ലാ ക്ലാസ്സ്മുറികളിലും ലൈബ്രറി. കുട്ടികൾ തന്നെ ലൈബ്രറിയന്മാരായി പ്രവർത്തിക്കുന്നു. അവർതന്നെ സ്റ്റോക് രജിസ്റ്ററും ഇഷ്യൂ രജിസ്റ്ററും സൂക്ഷിക്കുന്നു

കമ്പ്യട്ടർ ലാബ്

16 കംബ്യൂട്ടറുകളുള്ള ഹൈസ്ക്കൂൾ ലാബും 10 കംബ്യൂട്ടറുകളുള്ള യു. പി ലാബും ഇവിടെ ഉണ്ട്

ഇ ലേണിംഗ് റൂം

പഠനവിഭവങ്ങളടങ്ങിയ സി.ഡികളോടുകൂടിയ സ്മാർട്ട് ക്ലാസ്സ്റൂം

ബയോഗ്യാസ് പ്ലാൻറ്

മാലിന്യവിമുക്തമായൊരു സ്കൂൾ അങ്കണം സാക്ഷാല്കരിക്കുന്നതിനോടപ്പം ഉച്ചഭക്ഷണം തയ്യാറാക്കാ൯ ഇന്ധനവും ലഭിക്കുന്നു

മഴവെള്ളസംഭരണി

25000 ലിറ്ററിന്റെ മഴവെള്ളസംഭരണി പി.ടി.എ യുടെ സഹായത്തോടുകൂടി പണികഴിച്ചിട്ടുണ്ട്

ഉച്ചഭക്ഷണ പരിപാടീ

എൽ.പി മുതൽ എച്ച് .എസ്. എസ് വരെയുള്ള കുട്ടികൾക്ക് ഭിവസവും സാമ്പാർ കൂട്ടിയുള്ള ഊണ് നല്കുന്നു

ഔഷധത്തോട്ടം

ആയൂർവേദവും പച്ചമരുന്നും കേരളത്തിന്റെ പരമ്പരാഗത സമ്പത്താണ് . ഇവ സംരക്ഷിക്കേണ്ടത് പുതുതലമുറയുടെ കടമയാണ് . എളമക്കര സ്കൂളിൽ പരിസ്ഥിതി ക്ലബിന്റെ നേതൃത്വത്തിൽ ഒരു ഔഷധത്തോട്ടം പരിപാലിച്ചു പോരുന്നു . ഇവിടെ നാടൻ ഇനങ്ങളെ സംരക്ഷിക്കുന്നതോടൊപ്പം മറ്റ് സസ്യസമ്പത്തും പരിപാലിക്കുന്നു . ഈ ഔഷധത്തോട്ടത്തിൽ നെല്ലി , ഞാവൽ , തുളസി , പനികൂർക്ക , ആര്യവേപ്പ് , കസ്തൂരിമഞ്ഞൾ , തഴുതാമ , കരിനൊച്ചി , മുയൽ ചെവിയൻ , ആടലോടകം , മുക്കുറ്റി , കറ്റാർവാഴ , കല്ലുരുക്കി , ചെറൂള , കീഴാർ നെല്ലി , കീരിയാത്ത് , ദന്തപാല , ശംഖുപുഷ്പം തുടങ്ങിയവയുണ്ട് .

ശുദ്ധജലസൗകര്യം

ശുദ്ധജലവിതരണത്തിനായി അൻപതിനായിരം രൂപ മുടക്കി ഒരു വലിയ കിണർ ,25,000 ലിറ്റർ മഴവെള്ള സംഭരണി ,ശുദ്ധ ജലതതിനായി അക്വാഗാർഡുകൾ തുടങ്ങിയവയിലൂടെ കുട്ടികളുടെ ആരോഗ്യത്തെ സംരക്ഷിക്കുവാൻ ഈ സ്ക്കൂളിനു കഴിഞ്ഞിരിക്കുന്നു.

മുൻ സാരഥികൾ

1992,2005,2007 വർഷങ്ങളിലെ സംസ്ഥാനത്തെ ഏറ്റവും മികച്ച പി.ടി.എ യ്കുള്ള അവാർഡ്

• 2002 ൽ ശ്രീ. എൻ. പി ഡൊമനിക് മാസ്റ്റർക്ക് ദേശീയ അധ്യാപക അവാർഡ്
• ലൈബ്രറി പ്രവർത്തനങ്ങൾക്കുള്ള സ്റ്റേറ്റ് ലൈബ്രറി കൗൺസിലിന്റെ പ്രൊഫ. പി.എൻ പണിക്കർ അവാർഡ്
• ഡി.സി ബുക്ക്സും കൈരളി ബുക്ക് ട്രസ്റ്റും സംയുക്തമായി ഏർപ്പെടുത്തിയ പ്രഥമ കുഞ്ഞുണ്ണിമാഷ് സ്മാരക അവാർഡ്
• കൊച്ചി അന്താരാഷ്ട്ര പുസ്തകോത്സവ സമിതി ഏർപ്പെടുത്തിയ പ്രഥമ ഡോ.ഹെന്റ്റി ഓസ്റ്റിന് പുരസ്ക്കാരം
• 2008 ൽ സംസ്ഥാന ശാസ്ത്ര മേളയിൽ ശാസ്ത്രവിഭാഗം വർക്കിങ് മോഡലിൽ ഒന്നാംസ്ഥാനം
• 2009-10ൽ എറണാകുളം വിദ്യാഭ്യാസജില്ലയിലെ മികച്ച സ്കൂളിനുള്ള കെ.ജെ ഹർഷൻ and കെ.ജെ ബേർലി മാത്യൂ മടത്തിൽകുന്നിൽ എവർ റോളിംഗ് ട്രോഫി സ്കൂളിന് 9/7/10 ൽ ലഭിച്ചു
• 2009-10 അധ്യയനവർഷത്തിൽ എറണാകുളം വിദ്യാഭ്യാസജില്ലയിലെ മികച്ച സ്കൂളിനുള്ള കൊച്ചി൯ വെൽഫയർ സൊസൈറ്റിയുടെ കെ.ടി ജോസഫ് എവർ റോളിംഗ് ട്രോഫി 6/9/10ൽ സ്കൂളിനു ലഭിച്ചു

മറ്റു പ്രവർത്തനങ്ങൾ

ഭാരത് സ്കൗട്ട്&ഗൈഡ്

1988 ജൂൺ 10ന് ഗൈഡിംഗ് ആരംഭിച്ചു 1990ൽ 61st ഗൈഡ്കമ്പനി എന്ന പേരിൽ അറിയപ്പെട്ടു . ഏതൊരു പരിപാടി സ്കൂളിൽ നടന്നാലും അവിടെയെല്ലാം ഗൈഡിന്റെ സഹായം വളരെ രീതിയിൽ പ്രയോജനപ്പെടുന്നു . 1999-2000 വർഷത്തിൽ എറണാകുളത്തിൽ നിന്നും 10 വർഷത്തെ നിരന്തരമായ സേവനത്തിനുള്ള സംസ്ഥാനതല പുരസ്ക്കാരം ശ്രീമതി . വിജയഭായി (G.C) യ്ക്കു ലഭിച്ചു . കായികോത്സവം , കലോത്സവം , അത്തപ്പൂക്കളമത്സരം , ക്വിസ് , ഡ്രോയിംങ്ങ് എന്നീയിനങ്ങളിൽ ജില്ലാതലമത്സരങ്ങളിൽ ഏറ്റവും കൂടുതൽ പോയിന്റ് നേടിക്കൊണ്ട് സമ്മാനങ്ങൾ നേടിയെടുത്ത ഒരു യൂണിറ്റാണ് ഗവ : ഹൈസ്ക്കൂൾ എളമക്കര

എൻ.എസ്.എസ്

കഴിഞ്ഞ 2 വർഷമായി സ്കൂളിൽ എൻ.എസ്.എസ് യൂണിറ്റ് പ്രവർത്തിച്ചു കൊണ്ടിരിക്കുന്നു . ഹയർ സെക്കന്ററിയിലെ 100 വിദ്യാർത്ഥികൾ അതിലെ വോളയന്റിയേഴ്സ് ആണ് . പ്രശാന്ത് സർ ആണ് പ്രോഗ്രാം ഓഫീസർ . എല്ലാ പ്രധാന ദിനങ്ങൾ ആചരിക്കുകയും സ്കൂളും പരിസരവും വൃത്തിയാക്കുകയും വൃത്തിയാക്കാൻ മറ്റുള്ളവരെ പ്രേരിപ്പിക്കുകയും ചെയ്യുന്നു . 7 ദിവസം നീണ്ടുനിന്ന ഒരു സഹനാസ ക്യാമ്പ് ക്രിസ്തുമസ് അവധിക്കാലത്ത് നടകുകയുണ്ടായി . ഇനരുടെ നേതൃത്വത്തിൽ ഒരു പച്ചക്കറിത്തോട്ടം പരിപാലിച്ചുപോരുന്നു

SPC-student police cadet

SPC with forty students

NCC-national cadet corps

NCC with fifty students

പുസ്കോത്സവം

കേരളത്തിലെ വിവിധ പ്രസാധകർ അണിനിരക്കുന്ന പുസ്തകപ്രദർശനവും വില്പനയും എല്ലാ വർഷവും ഇവിടെ നടക്കുന്നു. 2008 ൽ പ്രശസ്ത കവി ചെമ്മനം ചാക്കോയും 2009 ൽ പ്രൊഫ. വി. സാനുമാഷും വിശിഷ്ഠാതിഥികളായി.

സർഗസന്ധ്യ

ചങ്ങമ്പുഴ സാംസ്കാരികവേദിയിൽ എല്ലാ വർഷവും കുട്ടികളുടെ വിവിധ പരിപാടികൾ ഉൾ പ്പെടുത്തിയുള്ള സർഗ്ഗസന്ധ്യ നടത്തപ്പെടുന്നു

ഗുരുവന്ദനം

ഡോ. എസ്. രാധാകൃഷ്ണന്റെ ജന്മദിനം - സെപ്തംബർ 5- എല്ലാ വർഷവും അധ്യാപക ശ്രേഷ്ഠരെ ആദരിക്കുന്ന ദിനമായി കൊണ്ടാടുന്നു. ഈ വർഷം ഡോ. എം ലീലാവതി ടീച്ചർ മുഖ്യാതിഥിയായി. അധ്യാപകരും

ഗലീലീയോ ലിറ്റിൽ സൈന്റിസ്റ്റ് പ്രവർത്തനം

അന്താരാഷ്ട്ര ജ്യോതിശാസ്ത്ര വർഷത്തിന്റെ ഭാഗമായി വിദ്യാഭ്യാസ വകുപ്പ് ഇറക്കിയ ഗലീലീയോ ലിറ്റിൽ സൈന്റിസ്റ്റ് പുസ്തകത്തിലെ 30 പ്രവർത്തനങ്ങൾ കുട്ടികൾ ഗ്രൂപ്പായി ചെയ്തു. മാന്ത്രിക കണ്ണാടി , സൂര്യദർശിനി ,ടെലസ്കോപ്പ് , ചന്ദ്രന്റെ ഒരു മുഖം മാത്രം , വ്രദ്ധിക്ഷയങ്ങൾ ഇവയുടെ നിർമ്മാണവും<

2010-2011 ലെ പ്രവർത്തനങ്ങൾ

പ്രവേശനോത്സവം 2010-2011

2010 ജൂൺ 1 ചൊവ്വാഴ്ച കൃത്യം 9.30നു പ്രവേശനോത്സവം ആരംഭിച്ചു. ചെണ്ടമേളത്തിന്റെ അകമ്പടിയോടെ വർണ ബലൂണുകൾ നൽകി. ചന്ദനകുറിയണിയിച്ച് നവാഗതരെ സ്വാഗതം ചെയ്തു. ഇന്നു കൊച്ചിൻ കോർപറേഷൻ ആരോഗ്യ - വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ ശ്രീ. എൻ. എ. മണി പ്രവേശനോത്സവം ഉദ്ഘാടനം ചെയ്തു. ഡിവിഷൻ കൗൺസിലർ ശ്രീ. അനിൽ കുമാർ, ശ്രീമതി. അനിത ജ്യോതി, ശ്രീ. വി. ആർ. സുധീർ,ഹെഡ് മിസ്ട്രസ് തുടങ്ങിയവർ ആശംസകൾ അർപ്പിച്ചു. എസ്. എസ്. എ യുടെ വകയായി നൽകിയ ഗണിതകിറ്റ് , രണ്ടു സൈക്കിൾ, കമ്പ്യൂട്ടർ എന്നിവയുടെ വിതരണോദ്ഘാടനവും ഈ വേദിയിൽ വച്ച് നടക്കുകയുണ്ടായി.

ഹിരോഷിമ ദിനം

2010 ആഗസ്റ്റ് 6,9 ദിവസങ്ങളിൽ സ്കൂളിൽ സോഷ്യൽ സയൻസ് ക്ലബിന്റെ ആഭിമുഖ്യത്തിൽ ഹിരോഷിമ ദിനം ആചരിച്ചു. ആഗസ്റ്റ് 6നു അസംബ്ലിയിൽ പ്രധാനധ്യാപിക ശ്രീമതി. ടെൽമ മെന്റസ് യുദ്ധവിരുദ്ധ സന്ദേശം നൽകി. 9-10 ക്ലാസ് വിദ്യാർഥികളായ സുജിത.എസ്, ഫാസിൽ.പി.എം എന്നീ കുട്ടികൾ യുദ്ധവിരുദ്ധപ്രസംഗം നടത്തി. തുടർന്ന് യു.പി, ഹൈസ്കൂൾ, ഹയർസെക്കണ്ടറി കുട്ടികൾ തെരുവിൽ യുദ്ധവിരുദ്ധ റാലി നടത്തി. അധ്യാപിക അധ്യാപകന്മാരും ഈ റാലിയിൽ പങ്കെടുത്തു.

ഐ.ടി ട്രെയിനിങ് പ്രോഗ്രാം

എളമക്കര ഗവ. ഹയർ സെക്കണ്ടറി സ്ക്കൂളിൽ തെരഞ്ഞെടുത്ത 20 വിദ്യാർത്ഥികളെ ഉൾപ്പെടുത്തി കൊണ്ട് ഒരു ഐ.ടി ട്രെയിനിങ് പ്രോഗ്രാം 17/9/2010, 18/9/2010 എന്നീ തീയതികളിൽ നടന്നു.സ്കൾ എച്ച്.എം ശ്രീമതി.ടെൽമ മെന്റസ് മാഡം പ്രോഗ്രാം ഉദ്ഘാടനം ചെയ്തു. മലയാളം ടൈപ്പിംഗ്, ഇന്റർനെറ്റ്, ഇ-മെയിൽ ഐടി ക്രിയേറ്റ് ചെയ്യൽ, പ്രസന്റേഷൻ, പ്രോജക്ട് എന്നിവയിലും ക്ലാസ്സു നൽകി. 17/9/10 ൽ എറണാകുളം ഡിയോ ആയ ബഹു: അബ്ദുൽറഷീദ് സർ സ്കൂളിൽ വരുകയും ലാബ് സന്ദർശിച്ച് ക്ലാസ്സ് വിലയിരുത്തുകയും ചെയ്തു.18/9/10 ൽ സ്വതന്ത്ര സോഫ്റ്റ് വെയർ ദിനത്തോടനുബന്ദിച്ച് 9 എ ക്ലാസ്സിലെ ഫാസിൽ പി.എം ഒരു സെമിനാർ അവതരിപ്പിച്ചു. ഐ.ടി ക്വിസ് സംഘടിപ്പിക്കുകയും ചെയ്തു.

2011-2012ലെ പ്രവർത്തനങ്ങൾ

പ്രവേശനോത്സവം 2011-2012

എളമക്കര ഗവ:ഹയർസെക്കന്ററി സ്കുളിലെ 2011-12അധ്യയനവർഷത്തിലെ സ്കുൾ പ്രവേശനോത്സവം ഹിന്ദു പത്രത്തിലെ കാർട്ടുണിസ്റ്റും പ്രശസ്തചിത്രകാരനുമായ Sri Satheesh Vellinazhi ഉദ്ഘാടനം ചെയ്തു. ചെണ്ടമേളത്തിന്റെ അകമ്പടിയോടുകൂടി വർണബലൂണുകൾ വാരിവിതറിക്കൊണ്ടാണ് കുട്ടികൾ പ്രവേശനോത്സവത്തെ ആഘോഷമാക്കി മാറ്റിയത്. ഡിവിഷ൯ കൗൺസിലർ അധ്യക്ഷത വഹിച്ച ചടങ്ങിൽ ഹെഡ്മമിസ്ട്രസ് ശ്രീമതി ടെൽമമെ൯ഡസ് സ്വാഗതം പറഞ്ഞു. കൗൺസിലർമാരായ Adv: Anilkumar, Sajini Jayachandramn P.T.A President Sri V.V.Musthafa , Staff Secretary K.C.Rugmini എന്നിവർ ആശംസകൾ നേർന്ന

=ലോകപരിസ്ഥിതി ദിനം=

ജൂൺ 6-ം തീയതി വിവിധ പരിപാടികളോടെ പരിസ്ഥിതി ദിനം ആചരിച്ചു.പരിസ്ഥിതി ദിനാചരണം സീതപ്പഴത്തിന്റെ തൈ നട്ടുകൊണ്ട് സ്കൂൾ ഹെഡ്മിസ്ട്രസ് ശ്രീമതി ടെൽമമെ൯ഡസ് ഉദ്ഘാടനം ചെയ്തു. എൻഡോസൾഫാ൯ തളിക്കുന്നതിന്റെ ദുരിതഫലങ്ങൾവ്യക്തമാക്കുന്ന CDയുടെയും മണ്ണ്, ജലം,വനം, വായു എന്നിവ സംരക്ഷിച്ച് അടുത്ത തലമുറയ്ക്ക് സുരക്ഷിതമായി കൈമാറേണ്ടതിന്റെ ആവശ്യകതയും കുട്ടികൾക്ക് മനസ്സിലാക്കുന്നതിനുള്ള CDയുടെയും പ്രദർശനം നടന്നു. രക്ഷിതാക്കളും പങ്കെടുത്തു. ഹൈസ്ക്കൾ ക്ലാസ്സുകളിൽ Quiz,Digital Painting ഇവ നടത്തപ്പെട്ടു.

മാതൃഭൂമി അമർചിത്രകഥ പ്രകാശനം ചെയ്തു

ആത്മാവിന്റെ ഭക്ഷണമാണ് വായനയെന്ന് പ്രശസ്ത ബാലസാഹിത്യകാരൻ സി.പി.പള്ളിപ്പുറം അഭിപ്രായപ്പെട്ടു .ആത്മവികാസത്തിന് നല്ല വായനയുണ്ടാകണമെന്നും അദ്ദേഹം കൂട്ടിച്ചേർത്തു.മാതൃഭൂമി അമർചിത്രകഥയുടെ പ്രകാശനം എളമക്കര ഗവ:ഹയർസെക്കന്ററിസ്കുളിൽ നിർവഹിക്കുകയായിരുന്നു അദ്ദേഹം.കൈയിൽ കിട്ടുന്നതെല്ലാം വായിക്കരുത്. നല്ല പുസ്തകങ്ങൾ വേണം തിര‍ഞ്ഞെടുക്കാൻ. കേരളത്തിൽ കുട്ടികൾക്കായി 27 പ്രസിദ്ധീകരണങ്ങൾ ഉണ്ട് എന്നും അദ്ദേഹം പറ‍ഞ്‍ഞു.

.എളമക്കര സർക്കാർ സ്കൂളിൽ മധുരംമലയാളം തുടങ്ങി

എ ളമക്കര സർക്കാർ ഹയർസെക്കന്ററി സ്കുളിൽ മാതൃഭൂമിയുടെ മധുരം മലയാളം പദ്ധതിക്ക് തുടക്കമായി. സ്കൾ ഓഡിറ്റോറിയത്തിൽ നടന്ന ചടങ്ങിൽ പ്രധാനാധ്യാപിക ടെൽമമെ൯ഡസ് അധ്യക്ഷയായി..

വായനവാരാഘോഷം

June 20 മുതൽ 24 വരെ ഒരാ‍‍ഴ്ചക്കാലം നമ്മുടെ വിദ്യാലയത്തിൽ വിവിധപരിപാടികളോടെ സമുചിതമായി വായനവാരാഘോഷം നടത്തി. വായനവാരാഘോഷത്തിന് തുടക്കം കുറിച്ചുകൊണ്ട് മാതൃഭൂമി മിന്നാമിന്നിക്കൂട്ടം പരിപാടി നടന്നു.ഹെഡ്മമിസ്ട്രസ് ശ്രീമതി ടെൽമമെ൯ഡസ് പരിപാടി ഉദ്ഘാടനം ചെയ്തു. കുമാരി ജസീല പർവി൯ വായനാദിന പ്രതിജ്ഞ ചൊല്ലിക്കൊടുത്ത ചടങ്ങിൽ മലയാളം അധ്യാപക൯ ശ്രീ. സി.വി. ബേബി വായനാദിനസന്ദേശം നൽകി. ജയകുമാർ സ ർ, ഏലിയാസ് സർ ​എന്നിവർ ആശംസകൾ നേർന്നു.കുട്ടികൾ മിന്നാമിന്നി, കാർട്ടൂൺപ്ലസ് എന്നിവ ആഹ്ലാദാരവങ്ങളോടെ ഏറ്റുവാങ്ങി.

ജൂൺ 21ന് രാവിലെ ഓപ്പൺസ്റ്റേജിൽ ബഷീർദിനം അനുസ്മരണം നടത്തി. സജ്ജീകരിച്ച ക്യാ൯വാസിൽ ശ്രീ. കലാമണ്ഡലം പ്രഭാകരൻ, ഹെഡ്മ്സ്ട്രസ് ശ്രീമതി ടെൽമമെൻഡസ്, അധ്യാപകരായ ബേബിസർ, ഏലിയാസ് സർ, വേലായുധൻ സർ എന്നിവർ വായനാസന്ദേശം ​എഴുതി. തുടർന്ന് വിദ്യാർത്ഥികളും സന്ദേശങ്ങൾ എഴുതി. കുട്ടികളുടെ വായനാസന്ദേശങ്ങൾ മൂല്യനിർണയം നടത്തുകയും വിജയികളെ കണ്ടെത്തുകയും ചെയ്തു.

ജൂൺ 23 ന് മഹാകവി കുമാരനാശാൻ അനുസ്മരണ ദിനമായാണ് കൊണ്ടാടിയത്.കുട്ടികൾക്കായി "ആശാൻ ആശയഗംഭീരൻ" ആസ്വാദനകുറിപ്പ് മത്സരവും ആശാൻ കവിത ആലാപന മത്സരവും നടത്തി.മത്സരങ്ങളിൽ വിജയികളായ കുട്ടികളെ കണ്ടെത്തുകയും ചെയ്തു.

ജൂൺ 24 വെള്ളിയാഴ്ച വായനാവാരാഘോഷത്തിന്റെ സമാപന ദിവസം ചങ്ങമ്പുഴ അനുസ്മരണ ദിനമായി ആചരിച്ചു.ചങ്ങമ്പുഴ കാവ്യങ്ങളുടെ ദൃശ്യാവിഷ്ക്കാരം നടത്തുന്നതിനായ് വാട്ടർ കളർ മത്സരം നടത്തി.ഇതുവരെ നടന്ന മത്സരങ്ങളുടെ പ്രദർശനവും ഉച്ചയ്ക്ക് 2 മണി മുതൽ നടത്തി.സമാപനസമ്മേളനം ഉച്ചയ്ക്ക് 2.30ന് ആരംഭിച്ചു.ഹെഡ്മിസ്ട്രസ് സ്വാഗതം ആശംസിച്ചു. ചടങ്ങിൽ പി.ടി.എ അംഗം സജീവ൯, ബേബിസർ എന്നിവർ ആശംസകളും അർപ്പിച്ചു. 29/7/11

2011-12 അധ്യനവർഷത്തെ ഹൈസ്ക്കൂൾ ക്ലാസ്സുകളിലെ ക്ലാസ്സ് പി.ടി.എ 29/7/2011 ന് 2 മണിയ്ക്ക് അതത് ക്ലാസ്സുകളിൽ കൂടി . ക്ലാസ്സൂകളിൽ കുട്ടികളെ ഗ്രൂപ്പൂകളായി തിരിച്ച് ചെയ്യുന്ന പ്രവർത്തനങ്ങളിൽ ആദ്യം ചെയ്യുന്ന ഗ്രൂപ്പിന് പ്രോത്സാഹന സമ്മാനം നൽകണമെന്നും മാസത്തിൽ 2 പ്രാവശ്യം ടെസ്റ്റ് പേപ്പർ നടത്തണമെന്നും രക്ഷിതാക്കൾ അഭിപ്രായപ്പെട്ടു.

31/7/2011

ദീർഘകാലം ഈ സ്ക്കൂളിലെ സോഷ്യൽ സയൻസ് അദ്ധ്യാപികയായിരുന്ന ട്രീസാമ്മ കോര ടീച്ചറുടെ വിയോഗത്തിൽ കുടുംബാംഗങ്ങളോടൊപ്പം സ്ക്കൂളിലെ അദ്ധ്യാപകരും കുട്ടികളും പങ്കുചേരുന്നു. 3/8/2011

=== identification and awareness of Leprecy===

doctors and staff came here and detected the suspected marks of the whole students.also awared them about the alergic skin marks

9/8/11

ഹിരോഷിമ ദിനം

ഹിരോഷിമ ദിനത്തോടനുബന്ധിച്ച് കായികാദ്ധ്യാപകൻ ശ്രി മധുരാജിന്റെ നേതൃത്വത്തിൽകുട്ടികളുടെ റാലി സംഘടിപ്പിക്കപ്പെട്ടു.റാലി ബഹു:ഹെഡ്മിസ്ട്രസ് ശ്രിമതി ടെൽമ മെന്റസ് ഉദ്ഘാടനം ചെയ്തു.തുടർന്ന് പോസ്റ്റർ പ്രദർശനവും നടന്നു

10/8/2011

U.Pക്ലാസ്സുകളിലെ ക്ലാസ് പി.ടി.എ 10/8/2011 ൽ ഉച്ചയ്ക്ക് 2 മണിക്ക് നടന്നു

സ്വാതന്ത്ര ദിനാഘോഷം

ഈ വർഷത്തെ സ്വാതന്ത്ര ദിനാഘോഷം സമുചിതമായി കൊണ്ടാടി.ബഹു:പി.ടി.എ പ്രസിഡന്റ് ശ്രി പി.പി മുസ്തഫ അധ്യക്ഷനായ ചടങ്ങിൽ ഹെഡ്മിസ്ട്രസ് ശ്രിമതി ടെൽമ മെന്റസ് സ്വാഗതം നേർന്നു.9.30 ന് ബഹു:കൗൺസിലർ സീന ടീച്ചർ പതാക ഉയർത്തി. H.S.S പ്രിൻസിപ്പൾ ശ്രീമതി ഗീത,പി.ടി.എ അംഗം ശ്രി രാഘവൻ,അർച്ചന എന്നിവർ സ്വതന്ത്ര ദിന സന്ദേശം നൽകി.കുട്ടികൾക്ക് മിഠായി വിതരണവും നടത്തി.

ONAM EXAM

23/8/11 ന് സ്കുളിൽ ഓണപ്പരിക്ഷ ആരംഭിച്ചു. QUESTION PAPERS DOUNLOAD ചെയ്ത് അതിൽ നിന്നും സെലക്ട് ചെയ്ത ചോദ്യങ്ങളായിരുന്നു കുട്ടികൾക്ക് നൽകിയത്. കുട്ടികൾസന്തോഷത്തോടെ എല്ലാ പരീക്ഷകളും എഴുതി.

2013-14 സ്കൂൾ പ്രവർത്തനങ്ങൾ

പ്രവേശനോത്സവം

2013-14 അദ്ധ്യയന വർഷത്തെ പ്രവേശനോത്സവം 3/6/13 തിങ്കളാഴ്ച്ച കുട്ടികളുടെയും അദ്ധ്യാപകരുടെയും രക്ഷിതാക്കളുടെയും സാമൂഹിക സാംസ്കാരിക കലാരംഗത്ത് പ്രവർത്തിക്കുന്ന മഹനീയ വ്യക്തികളുടെയും കൂട്ടായ്മയിൽ ഹൃദ്യമായ അനുഭവമായി തീർന്നു.വിദ്യാലയ പടിവാതിലിലേക്ക് കയറുന്ന നവാതിഥികളെ വർണ്ണ ബലൂണും മധുരവും നൽകി സ്വീകരിച്ചു.പ്രവേശനോത്സവത്തിന്റെ ഔപചാരികമായ ഉദ്ഘാടനം സ്കൂൾ ഓഡിറ്റോറിയത്തിൽ വച്ച് നടന്നു.ബഹു.വാർഡ് കൗൺസിലർ ശ്രീമതി സീനാ ഗോകുലൻ അദ്ധ്യക്ഷ സ്ഥാനം അലങ്കരിച്ചു.ഉദ്ഘാടനം നിർവഹിച്ചത് പ്രമുഖ ബാലസാഹിത്യകാരനായ ശ്രീ.വേണു വാര്യത്തായിരുന്നു.കുമാരി മേരി ഡോണ ജോസും കൂട്ടുകാരും പ്രവേശനോത്സവ ഗാനം ആലപിച്ചു.ബഹു.വിദ്യാഭ്യാസ വകുപ്പ് മന്ത്രിയുടെ സന്ദേശം അറബി അദ്ധാപകനായ ശ്രീ.അഷറഫ് സർ ഏവരിലേക്കും എത്തിച്ചു.ബഹു.പി.ടി.എ പ്രസിഡന്റ‍് ശ്രീമതി അനിതാ ജ്യോതി മുഖ്യ പ്രഭാഷണം നടത്തി.SSA നല്കുന്ന സ്നേഹോപഹാരം വിതരണോദ്ഘാടനം ബഹു.കൗൺസിലർ ശ്രീ.എം.അനിൽകുമാർ നിർവ്വഹിച്ചു.SMC ചെയർമാൻ ശ്രീ.പി.ജയശങ്കർ ആശംസ നേർന്നു.സ്റ്റാഫ് സെക്രട്ടറി ശ്രീ.ഏലിയാസ് സർ കൃതജ്ഞത അറിയിച്ചു.പി.ടി.എയുടെ നേതൃത്വത്തിൽ കുട്ടികൾക്ക് മധുര പലഹാരം വിതരണം ചെയ്തു.ഈ അദ്ധ്യയന വർഷത്തെ ഉച്ചഭക്ഷണ വിതരണോദ്ഘാടനം ഹെഡ്മിസ്ട്രസിന്റെയും അദ്ധ്യാപകരുടെയും രക്ഷിതാക്കളുടെയും പി.ടി.എ അംഗങ്ങളുടെയും സാന്നിധ്യത്തിൽ നടന്നു.

പരിസ്ഥിതി ദിനം ജൂൺ 5

എളമക്കര ഗവ.ഹയർ സെക്കണ്ടറി സ്കൂളിൽ പരസ്ഥിതിദിനം ആചരിച്ചു.സ്കൂളിലെ മുഴുവൻ കുട്ടുകളേയും പങ്കെടുപ്പിച്ചുകൊണ്ട് ഹെർബ്സ് ആൽബം ഒരുക്കി.വ്യത്യസ്ത ചെടികൾ ശേഖരിച്ച് അവയുടെ ഗുണങ്ങളും പ്രത്യേകതകളും കുട്ടികൾ ക്ലാസ്സ് തലത്തിൽ കണ്ടെത്തുകയും വിവിധ ഇലകളുടെയും പൂക്കളുടെയും ആകൃതികളിൽ ആൽബങ്ങൾ തയ്യാറാക്കുകയും ചെയ്തു.ഈ ആൽബങ്ങളുടെ പ്രദർശനം ഹെഡ്മിസ്ട്രസ്സ് ശ്രീമതി ടെൽമാ മെന്റസ്സ് ഉദ്ഘാടനം ചെയ്തു.

വായനാ വാരാഘോഷം 19/6/13-27/6/13

ഈ വർഷത്തെ വായനാവാരാഘോഷം അദ്ധ്യാപകരുടെയും വിദ്യാർത്ഥികളുടെയും പൂർണ പിന്തുണയോടെ മുൻവർഷങ്ങളിലേതു പോലെ ഭംഗിയായി നടന്നു. ജൂൺ 19 പ്രത്യേകം ചേർന്ന അസംബ്ലിയിൽ മലയാളം അദ്ധ്യാപകൻ ശ്രീ.ജയേഷ് വായനാദിന സന്ദേശം കുട്ടികൾക്ക് പകർന്നു കൊടുത്തു.9C യിലെ അഭിഷേക് രാജന്റെ കവിതാപാരായണം ഏവരും ആസ്വദിച്ചു.തുടർന്ന് വിവിധ ക്ലാസ്സുകളിൽ വായനാ മത്സരങ്ങൾ നടത്തി വിജയികളെ കണ്ടെത്തി അനുമോദിച്ചു.

ജൂൺ 20

കഥാരചന,കവിതാ രചന മത്സരങ്ങൾ നടത്തി.മഴ എന്ന വിഷയത്തെ ആസ്പദമാക്കി കഥകൾ രചിച്ചു.എന്റെ മലയാളം ഹൈസ്കൂൾ വിഭാഗത്തിന് കവിതാ വിഷയമായപ്പോൾ യു.പി വിഭാഗത്തിന് പ്രകൃതി തന്നെ വിഷയമായി തീർന്നു. ജൂൺ 25

ഉപന്യാസം,ചിത്രരചന എന്നീ മത്സരങ്ങളാണ് നടത്തിയത്.ശ്രേഷ്ഠ മലയാളം എന്നതാണ് ഉപന്യാസത്തിന് വിഷയമായി നൽകിയത്.ബാലാമണിയമ്മയുടെയും ചങ്ങമ്പുഴയുടെയും കവിതകളെ ആസ്പദമാക്കിയുള്ള ചിത്രരചനയാണ് യു.പി വിഭാഗത്തിന് നൽകിയത്.

ജൂൺ 26

എല്ലാ ഹൈസ്കൂൾ വിദ്യാർത്ഥികളേയും ഉൾപ്പെടുത്തിക്കൊണ്ട് സാഹിത്യ ക്വിസ് മത്സരം നടത്തി.

ജൂൺ 27

സമാപനാഘോഷം വായനയുടെ പ്രാധാന്യം മലയാള ഭാഷയുടെ പ്രസക്തി എന്നീ വിഷയങ്ങളെക്കുറിച്ച്മലയാളം അദ്ധ്യാപിക ശ്രീമതി ദിവ്യ ക്ലാസ്സെടുത്തു.മത്സരങ്ങളിൽ വിജയികളായവർക്ക് ബഹു.ഹെഡ്മിസ്ട്രസ്സ് ശ്രീമതി ടെൽമാ മെന്റസ്സ് സമമാനങ്ങൾ വിതരണം ചെയ്തു. കുട്ടികൾ വരച്ച ചിത്രങ്ങളുടെ പ്രദർശനം നടത്തി.

മധുരം മലയാളം 3/7/13

എമക്കര ഗവ.ഹയർ സെക്കണ്ടറി സ്കൂളിൽ മാതൃഭൂമി മധുരം മലയാളം പദ്ധതി എറണാകുളം പൈപ്പ്ഫീൽഡ് ജനറൽ മാനേജർ പി.വിജയൻ ഉദ്ഘാടനം ചെയ്തു. കുട്ടികളിലെ വായനാശീലം പ്രോത്സാഹിപ്പിക്കുന്നതിനായി മഹാത്മാഗാന്ധിയുടെ ആത്മകഥ എന്റെ സത്യാന്വേഷണ പരീക്ഷണങ്ങൾ-പത്തു കോപ്പികൾ ശ്രീ.വിജയൻ സ്കൂളിന് നല്കാമെന്നേറ്റു.എൽ.പി വിഭാഗം കുട്ടികൾക്ക് മിന്നാമിന്നി ,ലഘു കഥാപുസ്തകങ്ങൾ തുടങ്ങിയ വാഗ്ദാനവും മാതൃഭൂമിയിൽ നിന്ന് ലഭിച്ചു.

ജൂലൈ 22 ചാന്ദ്രയാൻ ദിനം

ചാന്ദ്രദിനത്തോടനുബന്ധിച്ച് working model,still model,chart. എന്നീയിനങ്ങളിൽ എക്സിബിഷൻ നടത്തി.ഇതിലൂടെ എല്ലാ കുട്ടികൾക്കും ചന്ദ്രനേക്കുറിച്ച് കൂടുതൽ കാര്യങ്ങൾ അറിയുവാൻ സാധിച്ചു.

october 1 വയോജനദിനം

october 1 വയോജനദിനമായി ആചരിച്ചു. സ്കുൾ പരിസരത്തുള്ള retired അദ്ധ്യാപകരെയും സ്കൂളിലെ മുതിർന്ന അദ്ധ്യാപകേതര ജീവനക്കാരേയും ആദരിക്കുകയും കുട്ടികൾ അവരുമായി സംവദിക്കുകയും ചെയ്തു.

october 11,12 സ്കുൾ കായികമേള

സ്കുൾ കായികമേള oct 11,12 തീയതികളിൽ നടന്നു. 11ന് രാവിലെ 9.30ന് നടന്ന ഉദ്ഘാടന ചടങ്ങിൽ ബഹു.ഹെഡ്മിസ്ട്രസ്സ് ശ്രീമതി ടെൽമാ മെന്റസ്സ്, principal Sri. Suresh, Ward Councillor Smt.Seena Gokulan, PTA President Smt. Anitha Jyothi എന്നിവർ പങ്കെടുത്തു. പഠനത്തോടൊപ്പം കലാ കായികമത്സരങ്ങളിൽ പങ്കെടുക്കേണ്ടതിന്റെ ആവശ്യകതയെക്കുറിച്ച് സംസാരിച്ചു.

കൗമാരക്കാരുടെ ശാരീരിക മാനസിക വികസന അവബോധ ക്ലാസ്സ്

നാഷണൽ റൂറൽ ഹെൽത്ത് മിഷന്റെ ആഭിമുഖ്യത്തിൽ ARSH എന്ന പ്രോഗ്രാമിന്റെ ഭാഗമായി ശാരീരികവും മാനസികവും സാമൂഹികവുമായ തലങ്ങളിൽ കൗമാരപ്രായക്കാർ നേരിടുന്ന സംഘർഷങ്ങളേയും വെല്ലുവിളികളേയും തരണം ചെയ്ത് ജീവിതവിജയം നേടാൻ പ്രാപ്തരാക്കുന്ന ക്ലാസ്സ് എറണാകുളം ജനറൽ ആശുപത്രിയിലെ Dr. ഗിരിജയുടെ നേതൃത്വത്തിൽ നടന്നു.മാനസികമായി അപക്വത അനുഭവിക്കുന്ന ഏഴ് കുട്ടികളെ ഡോക്ടറുടെ നേതൃത്വത്തിൽ കൗൺസിലിങ്ങിന് വിധേയമാക്കി.സ്കൂൾ ലീഡർ മുഹമ്മദ് ആദിലും വൃന്ദാ ലക്ഷമണും നന്ദി പ്രകാശിപ്പിച്ചു.

2016-2017ലെ പ്രവർത്തനങ്ങൾ

പ്രവേശനോത്സവം

പ്രവേശനോത്സവം ശ്രീ ഹൈബി ഈഡൻ MLA ഉൽഘാടനം നിർവഹിച്ചു . വിദ്യാഭ്യാസ സ്റ്റാൻഡിങ് chairപേഴ്സൺ ശ്രീമതി പൂർണിമ നാരായൺ അധ്യക്ഷത വഹിച്ചു . HM പീ ജെ varghese സ്വാഗതം ചെയ്യുതു.സ്കൂൾ അസംബ്ലിക്ക് ശേഷം വിളംബര ഘോഷയാത്ര നടത്തി .കുട്ടികൾക്ക് ലഡു വിതരണം നടത്തി. ഒന്നാം ക്ലാസ്സിൽ ചേർന്ന എല്ലാ കുട്ടികൾക്കും pouch ,പെൻസിൽ,,സ്കെയിൽ,റബ്ബർ എന്നിവ അടങ്ങിയ കിറ്റ് വിതരണം ചെയ്യ്തു. ഉച്ചഭക്ഷണത്തിന്റെ ഉത്‌ഘാടനം നടന്നു.

ലോക പരിസ്ഥിതി ദിനം

പരിസ്ഥിതിദിനം കൊച്ചിൻ യൂണിവേഴ്സിറ്റി വൈസ് ചാൻസലർ ഡോക്ടർ ജെ ലത ഉൽഘാടനം നിർവഹിച്ചു, SMC വൈസ് chairman ശ്രീ ഉണ്ണികൃഷ്ണൻ സർ ചടങ്ങിൽ പങ്കെടുത്തു. ക്വിസ്. പോസ്റ്റർ മത്സരങ്ങൾ നടത്തി. HS വിഭാഗം കുട്ടികൾ തെരുവ് നാടകം നടത്തി. ഈ ദിനത്തോടനുബന്ധിച്ചു വൃക്ഷത്തൈ നടുകയും ചെയ്യ്തു.

ചാന്ദ്ര ദിവസം

UP ,HS ,സയൻസ് ക്ലബ് എന്നിവയുടെ ആഭിമുഖ്യത്തിൽ ചാന്ദ്രദിനം ആചരിച്ചു.സയൻസ് ലാബ്‌ അറേഞ്ച് ചെയ്ത ചാന്ദ്രദിന എക്സിബിഷൻ കുട്ടികൾ എല്ലാവരും കണ്ടു മനസ്സിലാക്കി. ചാന്ദ്രദിന ക്വിസ്,UP ,HS , തലത്തിൽ നടത്തി. പോസ്റ്റർ മത്സരങ്ങളും നടത്തി. SMC ,PTA സംയുക്ത മീറ്റിംഗ് ,വീഡിയോ പ്രദർശനം എന്നിവയും ഉണ്ടായിരുന്നു.

ലഹരി വിരുദ്ധ ദിനം

ലഹരിവിരുദ്ധദിനം റാലി,കുട്ടികളുടെ mime ,ലഹരിവിരുദ്ധക്ലാസ്സ്,ലഹരിവിരുദ്ധ പ്രതിജ്ഞ എന്നിവയോടെ നടത്തി.ലഹരി വസ്തുക്കളുടെ ഉപയോഗം,ബോധവത്കരണക്ലാസ്സ് എന്നിവ റോട്ടറി ക്ലബ് പാലാരിവട്ടത്തെ യൂണിറ്റ് സംഘടിപ്പിച്ചു. ക്ലാസിനു നേതൃത്വം നൽകിയത് എറണാകുളം സെൻട്രൽ സി ശ്രീ അനന്തലാൽ ആയിരുന്നു. അദ്ധ്യാപകനായിരുന്ന അദ്ദേഹം കവിത ചൊല്ലിയാണ് ക്ലാസ് എടുത്തത്. ഐസിടി സാദ്ധ്യതകൾ പൂർണമായി പ്രയോജനപ്പെടുത്തി ധാരാളം വിഡിയോക്ലിപ്പിംഗ്സ് ഉപയോഗിച്ചാണ് ക്ലാസ് എടുത്തത്.

വിദ്യാരംഗം കലാ സാഹിത്യ വേദി

വായനാവാരാചരണത്തിൽ ശ്രീ മേജർ രവി കുട്ടികളുമായി സംവദിച്ചു.സാഹിത്യ ക്വിസ്,പോസ്റ്റർ,കവിത, കഥാ രചന,പാരായണം,,കഥാകഥനം തുടങ്ങി വിവിധ മത്സരങ്ങൾ LP ,UP , HS വിഭാഗത്തിൽ സംഘടിപ്പിച്ചു.

സ്വാതന്ത്ര്യദിനാഘോഷം

ഭാരതത്തിന്റെ എഴുപതാമതു സ്വാതന്ത്രദിനം വിപുലമായ പരിപാടികളോടെ ആചരിച്ചു.HMഉം വാർഡ് കൗൺസിലർ ഉം ചേർന്ന് പതാക ഉയർത്തി.തുടർന്ന് NCC ,SPC ,വിദ്യാർത്ഥികളുടെ പരേഡ് ഉണ്ടായിരുന്നു. സ്വാതന്ത്ര്യദിനാഘോഷത്തിന്റെ ഉദ്ഘാടനം കൗൺസിലർ ശ്രീ രവിക്കുട്ടൻ നിർവ്വഹിച്ചു. മീറ്റിംങ്ങി നിടയികൾ കുട്ടികളുടെ കലാപരിപാടികളും ഉണ്ടായിരുന്നു.സ്കൗട്ട്സ് ആൻഡ് ഗൈഡ്സ് കുട്ടികൾ അവതരിപ്പിച്ച പ്രോഗ്രാം എല്ലാവരുടെയും ശ്രദ്ധ പിടിച്ചു പറ്റി.

അദ്ധ്യാപകദിനം

അധ്യാപകദിനത്തിൽ പൂർവ അധ്യാപകരെ ആദരിച്ചു.അധ്യാപകർക്ക് കലാപരിപാടികളും ഉണ്ടായിരുന്നു.ആശംസാകാർഡുകൾ തയാറാക്കി .SPC, ഗൈഡ്സ് കുട്ടികളുടെ നേതൃത്വത്തിലാണ് ആചരിച്ചത്.

SC ,ST വികസനഅതോറിറ്റി

SC ,ST വികസനഅതോറിറ്റിയുടെ ഭാഗമായി SC കുട്ടികൾക്കുള്ള മേശയും കസേരയും വിതരണം ചെയ്യുന്നു.

ലോകയോഗദിനാചരണം

എളമക്കര പോലീസ്‌സ്റ്റേഷനിലെ ഉദ്യോഗസ്ഥരും SPC കേഡറ്റുകളും പങ്കെടുത്തുകൊണ്ട് യോഗ ക്ലാസ് നടത്തി.

സഞ്ചരിക്കുന്ന ശാസ്ത്ര മ്യുസിയം

up,ഹൈസ്കൂൾ,hss തലത്തിലുള്ള പരീക്ഷണങ്ങൾ സജ്ജീകരിച്ച ശാസ്ത്ര മ്യുസിയം. UP , HS , HSS തലത്തിലുള്ള പരീക്ഷണങ്ങൾ സജ്ജീകരിച്ച ശാസ്ത്ര മ്യൂസിയം കുട്ടികൾക്ക് വളരെ പ്രയോജനപ്പെട്ടു. ഇടിമിന്നൽ ഉണ്ടാകുന്നവിധം നേരിട്ട് കണ്ടു മനസിലാക്കാൻ കുട്ടികൾക്ക് കഴിഞ്ഞു

പൊതുവിദ്യാഭ്യാസ സംരക്ഷണയങ്‌ജം

സംസ്ത്ഥാനസർക്കാരിന്റെ പൊതുവിദ്യാഭ്യാസസംരക്ഷണങ്ങത്തിന് രാവിലെ 9.30 മണിക്ക് സ്കൂൾ അസംബ്ലിയോടുകൂടി തുടക്കം കുറിചു.സ്കൂൾ PTA പ്രസിഡന്റ് ശ്രീ ഉണ്ണികൃഷ്ണൻ പൊതുവിദ്യാഭ്യാസത്തെക്കുറിച്ചു വിശദീകരിച്ചു.പ്രഥമാദ്ധ്യാപിക ശ്രീമതി ഷീബ എ എളമക്കര സ്കൂളിൽ ഗ്രീൻ പ്രോട്ടോകോൾ പ്രഖാപനം നടത്തി.ഹൈസ്കൂൾ വിദ്യാർഥികൾ ഗ്രീൻ പ്രോട്ടോക്കോളിന്റെ സന്ദേശം വിളിച്ചോതുന്ന ഫ്ലാഷ് മോബ്അവതരിപ്പിച്ചു. പൂർവ്വവിദ്യർത്ഥികൾ,പൂർവാദ്ധ്യാപകർ,സാമൂ ഹ്യസംസാരിക പ്രവർത്തകർ,pta , smc ഭാരവാഹികൾ എന്നിവർ ചേർന്ന് സ്കൂൾ സംരക്ഷണ പ്രതിഞ എടുത്തു.

സെൽഫ് ഡിഫെൻസ് പദ്ധതി

RMSA ഒൻപതാം ക്ലാസിലെ കുട്ടികൾക്കായി നടപ്പിലാക്കിവരുന്ന സെൽഫ് ഡിഫെൻസ് പദ്ധതിയുടെ ഉൽഘാടനം വൈകുന്നേരം 3 .30 നു നടന്നു.തൈക്കോണ്ട എന്ന ആയോധനകല 2 മണിക്കൂർ കുട്ടികളെ പരിശീലിപ്പിക്കുന്നത് ആതിര ടീച്ചർ ആണ്. ഒരു ദിവസം 2 മണിക്കൂർ പരിശീലനം ഉണ്ട്.

ആസ്റ്റർ മെഡിസിറ്റി സ്‌പോൺസർഷിപ് പദ്ധതി

സ്കൂൾ കുട്ടികളായ കായികതാരങ്ങൾക്കായി ആസ്റ്റർ മെഡിസിറ്റി നടപ്പിലാക്കിയ പദ്ധതിയുടെ ഉൽഘാടനം ഫെബ്രുവരി 2 നു ആസ്റ്റർ മെഡിസിറ്റിയിൽ വെച്ച് ശ്രീ സച്ചിൻ ടെണ്ടുൽക്കർ നിർവഹിച്ചു. 6 കുട്ടികളെ ആണ് സ്പോൺസർ ചെയ്തിരിക്കുന്നത് .അവരുടെ ന്യൂട്രിഷണൽ ലെവൽ ഉം കായികക്ഷമതയും വർധിപ്പിച്ചു മികച്ച കായിക താരങ്ങൾ ആക്കും .

2017-2018ലെ പ്രവർത്തനങ്ങൾ

പ്രവേശനോത്സവം

ബഹുമാനപ്പെട്ട കൗൺസിലർ ശ്രീ രവിക്കുട്ടൻ ,PTA പ്രസിഡന്റ് ശ്രീ ഉണ്ണികൃഷ്ണൻ ,ഹെഡ്മിസ്ട്രസ് ശ്രീമതി ഷീബ എന്നിവരുടെ നേതൃത്വത്തിൽ പ്രവേശനോത്സവം വളരെ ഗംഭീരമായി നടന്നു. കുട്ടികളുടെ വിവിധ കലാപരിപാടികളും പ്രവേശനോത്സവ റാലിയും ഉണ്ടായിരുന്നു.കുട്ടികൾക്ക് മധുര പലഹാരങ്ങൾ വിതരണം ചെയ്യ്തു .

ലോക പരിസ്ഥിതി ദിനം

പരിസ്ഥിതിദിനത്തിൽ ഹെഡ്മിസ്ട്രസ് സ്വാഗതം ആശംസിച്ചു .പൂർവ്വവിദ്യാർത്ഥിയും ഗാനരചയിതാവുമായ ശ്രീ ഉദയൻ സർ പരിസ്ഥിതിഗാനം ആലപിച്ചു . അതിനുശേഷം pta പ്രസിഡന്റും ഉദയൻ സാറും ചേർന്നു 2 വൃക്ഷതൈകൾ നട്ടു. spc , ncc കുട്ടികൾ റാലി നടത്തി.ഗ്രാമീൺ ബാങ്കിന്റെ വക 10 കുട്ടികൾക്ക് ബാഗ്,വാട്ടർബോട്ടിൽ ,ടിഫിൻ ബോക്സ് എന്നിവ വിതരണം ചെയ്യ്തു .

വായനാദിനം

വായനോത്സവത്തിന്റെ ഭാഗമായി നടത്തുന്ന വിവിധ കലാപരിപാടികളിടെ ഉൽഘാടനം ഹെഡ്മിസ്ട്രസ്സ് അസംബ്‌ളിയിൽ നിർവ്വഹിച്ചു. വായനോത്സവത്തിൻറെ ഭാഗമായി നടത്തുന്ന പരിപാടിയെകുറിച്ചു ജയേഷ് സർ വിശദീകരിച്ചു.

അന്താരാഷ്ട്രയോഗദിനം

അന്താരാഷ്ട്രയോഗദിനത്തിന്റെ ജില്ലാതലഉൽഘാടനം നടന്നു. HM സ്വാഗതം ആശംസിച്ചു. അധ്യക്ഷൻ pta പ്രസിഡന്റ് ഉണ്ണികൃഷ്ണൻ സർ ആയിരുന്നു. ഉൽഘാടനം കൊച്ചിൻ മേയർ smt സൗമിനി ജെയിൻ നിർവ്വഹിച്ചു. തുടർന്ന് പത്താം ക്ലാസിലെ കുട്ടികൾക്ക് smt അഞ്ജന ക്ലാസ് എടുത്തു. ഹയർ സെക്കന്ററി പ്രിൻസിപ്പൽ ഇൻ ചാർജ് ദീപ ടീച്ചർ നന്ദി പ്രകാശിപ്പിച്ചു.

ലോകലഹരിവിരുദ്ധദിനം

ലോകലഹരിവിരുദ്ധദിനത്തോടനുബന്ധിച്ചു ലഹരി ഉപയോഗിക്കുന്നതിന്റെ ദോഷഫലങ്ങളെക്കുറിച്ചു അനുപമടീച്ചർ ക്ലാസ് എടുത്തു.റാലി സംഘടിപ്പിച്ചു. എറണാകുളം സർക്കിൾ ഓഫീസിലെ ഓഫീസർ ലഹരിഉപയോഗത്തെപ്പറ്റി ക്ലാസ് എടുത്തു. മലയാള അദ്ധ്യാപകനായ മോഹനൻ സർ കവിതകൾ ചൊല്ലി .