23:52, 28 മാർച്ച് 2023-നു നിലവിലുണ്ടായിരുന്ന രൂപം

പഠനോത്സവം പങ്കാളിത്തം

പഠനോത്സവത്തിന്റെ മുഴുവൻ വീഡിയോയും പകർത്തികൊണ്ട് ലിറ്റിൽ കൈറ്റ്സ് അംഗങ്ങൾസജീവമായി രംഗത്തുണ്ടായിരുന്നു.മാത്രമല്ല തുടർന്ന് വീഡിയോ എഡിറ്റിംഗ് നടത്തിയതും ഇവർ തന്നെയാണ്.ലിറ്റിൽ കൈറ്റ്സ് സബ്‍ജില്ലാ ക്യാമ്പിൽ പങ്കെടുത്ത് സെലക്ഷൻ ലഭിച്ച് ജില്ലാ ക്യാമ്പിലെത്തി അവിടെ നിന്ന് പഠിച്ച പൈത്തണിലെ പ്രോഗ്രാം തത്സമയം ചെയ്ത് സെൻസറും ബസറും പ്രവർത്തിപ്പിച്ച അബിയ എസ് ലോറൻസ് താരമായി മാറി.എല്ലാവരും കൈയടിയോടെയാണ് ബസറിന്റെ പ്രവർത്തനം പ്രോത്സാഹിപ്പിച്ചത്.മറ്റ് കുട്ടികളിൽ ലിറ്റിൽ കൈറ്റ്സ് പ്രവർത്തനങ്ങളോടും പ്രത്യേകിച്ച് പ്രോഗ്രാമിങ്ങിനോട് പ്രതിപത്തി ഉണ്ടാകാൻ ഈ പഠനപ്രവർത്തനം ഉപകരിച്ചു.

ഡിസ്ട്രിക് തല ക്യാമ്പ് 2023

ജില്ലാതലക്യാമ്പിലേയ്ക്ക് തിരഞ്ഞെടുക്കപ്പെട്ട ഫെയ്ത്ത് വർഗീസ്(അനിമേഷൻ),അബിയ എസ് ലോറൻസ്(പ്രോഗ്രാമിങ്) എന്നിവർ മുന്നൊരുക്ക പരിശീലനത്തിൽ പങ്കെടുത്തു.ജഗതിയിലെ കൈറ്റിന്റെ ജില്ലാ ഓഫീസിൽ വച്ചായിരുന്നു പരിശീലനം.ഫെബ്രുവരി 11,12 തീയതികളിൽ വെള്ളനാട് സ്കൂളിൽ വച്ചു നടക്കുന്ന ക്യാമ്പിൽ ഇരുവരും പങ്കെടുത്തു.ഫെയ്ത്ത് വർഗീസ് ബ്ലെൻഡറിൽ രൂപങ്ങൾ നിർമിക്കാനും ത്രിഡി അനിമേഷൻ നടത്താനും പരിശീലിച്ചപ്പോൾ അബിയ വിവിധ സെൻസറുകളും പൈത്തൺ ലാംഗ്വേജും മൊബൈൽ ആപ്പ് നിർമാണവും പരിശീലിച്ചു.ഇരുവരും ക്യാമ്പിൽ പങ്കെടുക്കാൻ കഴിഞ്ഞതിൽ സന്തോഷവും അഭിമാനവും പ്രകടിപ്പിച്ചു.കൈറ്റ് സി ഇ ഒ യുടെ അഞ്ച് ചോദ്യങ്ങൾക്ക് ഉത്തരം നൽകുന്ന മത്സരത്തിൽ പങ്കെടുത്ത് അബിയ സമ്മാനമായി പെൻഡ്രൈവ് കരസ്ഥമാക്കി.ഇരുവർക്കും കൈറ്റിൽ നിന്നും പാർട്ടിസിപ്പേഷൻ സർട്ടിഫിക്കറ്റ് ലഭിച്ചു.

പുതിയ ലാപ്‍ടോപ്പുകളും സോഫ്‍റ്റ്‍വെയർ ഇൻസ്റ്റലേഷനും

കൈറ്റിൽ നിന്നും ലഭിച്ച ലാപ്‍ടോപ്പുകൾ ലിസിടീച്ചർ കൈറ്റിന്റെ ജഗതിയിലുള്ള ജില്ലാ ഓഫീസിൽ പോയി ഫെബ്രുവരി മൂന്നാം തീയതി കൈപ്പറ്റി.തുടർന്ന് ലിറ്റിൽ കൈറ്റ്സ് കുട്ടികളുടെ സാന്നിധ്യത്തിൽ ഹെഡ്മിസ്ട്രസ് ശ്രീമതി.സന്ധ്യടീച്ചർ ലാപ്‍ടോപ്പുകൾ ലാബിന് നൽകികൊണ്ട് ഇൻസ്റ്റലേഷൻ ഉദ്ഘാടനം ചെയ്തു.തുടർന്ന് ലിറ്റിൽ കൈറ്റ്സിലെ വൈഷ്ണവി,ഫെയ്ത്ത് വർഗീസ്,അബിയ ലോറൻസ് എന്നിവരും പി എസ് ഐ ടി സി ആശ ടീച്ചർ,എസ് ഐ ടി സി ലിസി ടീച്ചർ എച്ച് ഐ ടി സി സാബു സാറിന്റെ നേതൃത്വത്തിൽ ഇൻസ്റ്റലേഷൻ പൂർത്തിയാക്കി.കൈറ്റിന്റെ സൈറ്റിൽ നിന്നും സോഫ്‍റ്റ്‍വെയർ ഡൗൺലോഡ് ചെയ്ത് പെൻഡ്രൈവ് ബൂട്ടബിളാക്കി എടുത്ത ശേഷം അതിനെ എയ്സർ ലാപ്‍ടോപ്പിൽ മൗണ്ട് ചെയ്ത് തുടർച്ചയായി F12 കീ അമർത്തുകയും ബയോസിൽ ഇൻസ്റ്റലേഷൻ നൽകി ഇൻസ്റ്റലേഷൻ എല്ലാ ലാപ്‍ടോപ്പുകളിലും പൂർത്തിയാക്കുകയും ചെയ്തു.

ഹരിതവിദ്യാലയം സീസൺ 3

ഹരിതവിദ്യാലയം പ്രോഗ്രാം വിക്ടേഴ്സ് ചാനലിലും യൂട്യൂബിലും കാണാനും അതിൽ നിന്നുള്ള നല്ല ആശയങ്ങൾ പകർത്താനും ലിറ്റിൽ കൈറ്റ്സിന്റെ നേതൃത്വത്തിൽ പദ്ധതി രൂപീകരിച്ചു.ഇതിന്റെ ഭാഗമായി ആദ്യം എൽ പി,യു പി ക്ലാസുകളിൽ ലിറ്റിൽ കൈറ്റ്സ് അംഗങ്ങൾ പ്രൊജക്ടറും ലാപ്‍ടോപ്പുമായി പോയി ഹരിതവിദ്യാലയം എപ്പിസോഡുകൾ പ്രദർശിപ്പിച്ചു.തുടർന്ന് ഹൈസ്കൂൾ ക്ലാസുകളിലും ഏതാനും എപ്പിസോഡുകൾ പ്രദർശിപ്പിച്ചു.

YIP ഐഡിയ സമർപ്പണ പരിശീലനം 2023

വൈ ഐ പി പോർട്ടലിൽ രജിസ്റ്റർ ചെയ്യാനും വോയ്സ് ഓഫ് സ്റ്റോക്ക് ഹോൾഡർ വീഡിയോ കണ്ട ശേഷം ക്വിസിൽ പങ്കെടുക്കാനും തുടർന്ന് ഗ്രൂപ്പ് രൂപീകരിക്കാനും കുട്ടികൾക്ക് കമ്പ്യൂട്ടർ ലാബിൽ വച്ച് പരിശീലനം നൽകി.പ്രൊജക്ടറിന്റെ സഹായത്തോടെ നടന്ന പരിശീലനത്തിൽ പങ്കെടുത്ത ലിറ്റിൽ കൈറ്റ്സ് പിന്നീട് മറ്റു കുട്ടികൾക്ക് വ്യക്തിപരമായ സഹായം നൽകി.

എല്ലാ ഘട്ടങ്ങളും പൂർത്തീകരിച്ച കുട്ടികൾക്ക് വീണ്ടും ലാബിൽ വച്ച് ഐഡിയ സമർപ്പണത്തിന്റെ പരിശീലനം നൽകി.ഏകദേശം പത്തോളം ടീമുകളാണ് ഹൈസ്കൂളിൽ നിന്നും വി.എച്ച്.എസ്.ഇ ൽ നിന്നും പങ്കെടുത്തത്.

തുടർന്ന് അമ്പത് കുട്ടികൾ രജിസ്ട്രേഷൻ പൂർത്തിയാക്കുകയും 23 ടീമുകൾ ലിറ്റിൽ കൈറ്റ്സ് യൂണിറ്റിന്റെ സഹായത്തോടെ ഐഡിയ സമർപ്പണം പൂർത്തിയാക്കി.കാട്ടാക്കട ബി ആർ സി തലത്തിൽ ഏറ്റവും കൂടുതൽ കുട്ടികൾ രജിസ്ട്രേഷൻ ചെയ്തതും കൂടുതൽ ഐഡിയ സമർപ്പണം ചെയ്തതും നമ്മുടെ സ്കൂളാണെന്നത് അഭിമാനാർഹമാണ്.അഞ്ച് ടീമുകളിലെ 12 പേർക്ക് കാട്ടാക്കട ബി ആർ സിയിൽ നിന്നും തുടർക്യാമ്പിനായി സെലക്ഷൻ ലഭിച്ചതിൽ ര‍ഞ്ചു എൽ,ബിൻസി ബി വി,വിജിത വി,അഭിനവ്,അഭിഷേക്,ഗൗരി എസ് സജി,ശിവാനി ആർ,പഞ്ചമി തുടങ്ങി എട്ടുപേർ ലിറ്റിൽ കൈറ്റ്സ് അംഗങ്ങളാണെന്നത് സന്തോഷകരമാണ്.അവർക്കുള്ള ദ്വിദിന റസിഡൻഷ്യൽ ക്യാമ്പ് നെയ്യാർഡാം രാജീവ് ഗാന്ധി കൺവെൻഷൻ സെന്ററിൽ വച്ച് 2023 ഫെബ്രുവരി 11,12 തീയതികളിൽ നടന്നു.രസകരവും വിജ്‍ഞാനപ്രദവും ആയിരുന്നു പ്രസ്തുത ക്യാമ്പ്.

സബ്‍ഡിസ്ട്രിക്ട് ക്യാമ്പ് പങ്കാളിത്തം 26,27 ഡിസംബർ,2022

26,27 ഡിസംബർ,2022 ന് കാട്ടാക്കട പി ആർ വില്യം സ്കൂളിൽ വച്ച് നടന്ന ദ്വിദിന സബ്ഡിസ്ട്രിക്ട് ക്യാമ്പിൽ പങ്കെടുക്കാൻ അനിമേഷനിൽ നിന്നും നാലുപേരും പ്രോഗ്രാമിങ്ങിൽ നിന്നും നാലുപേരും തിരഞ്ഞെടുക്കപ്പെട്ടിരുന്നു.ഫെയ്‍ത്ത് വർഗീസ്(9B),ശരണ്യ(9B),അനഘ(9A),അഭിഷേക്(9A),എന്നിവർ അനിമേഷനും അബിയ എസ് ലോറൻസ്(9A)വൈഷ്ണവി(9B),തീർത്ഥ(9B),അമൃത(9B) എന്നിവർ പ്രോഗ്രാമിങ്ങിലേയ്ക്കും തിരഞ്ഞെടുക്കപ്പെട്ടിരുന്നു.ഇവർ എട്ടുപേരും പി.ആർ വില്യം സ്കൂളിൽ നടന്ന ക്യാമ്പിൽ പങ്കെടുത്തു.പ്രോഗ്രാമിങ്ങിൽ ലിസി ടീച്ചറും അനശ്വര ടീച്ചറും ക്ലാസുകൾ നയിച്ചപ്പോൾ അനിമേഷനിൽ ക്ലാസുകൾ കൈകാര്യം ചെയ്തത് സൂര്യ ടീച്ചറും ദീപ ടീച്ചറും നിഖില ടീച്ചറും ആണ്.ക്ലാസുകൾക്ക് വേണ്ട നിർദേശങ്ങൾ നൽകിയും തിരുത്തലുകൾ നൽകിയും പ്രോത്സാഹനം നൽകിയും മാസ്റ്റർ ട്രെയിനർ ശ്രീ.സതീഷ് സാർ ക്യാമ്പിന് നേതൃത്വം നൽകി.പ്രോഗ്രാമിങ്ങിൽ അബിയ എസ് ലോറൻസിനും അനിമേഷന് ഫെയ്ത്ത് വർഗീസിനും സെലക്ഷൻ ലഭിച്ചത് അഭിമാനാർഹമായി.

സ്ക‍ൂൾ ക്യാമ്പ് 2022 ഡിസംബർ 3

2021-2024 ലിറ്റിൽ കൈറ്റ്സ് ബാച്ചിന്റെ സ്കൂൾ ക്യാമ്പ് രാവിലെ കൃത്യം 9.30 ന് തന്നെ ആരംഭിച്ചു.പ്രിയപ്പെട്ട സന്ധ്യടീച്ചർ(ഹെഡ്മിസ്ട്രസ്)തൊപ്പിയുടെ ഗെയിമിൽ പങ്കുചേർന്നു മഞ്ഞ ത്തൊപ്പി ധരിച്ച് ക്യാമ്പിന്റെ ഉദ്ഘാടനം രസകരമായി നിർവഹിച്ചു.സാങ്കേതികവിദ്യയുടെ ഇന്നത്തെ ലോകത്തെകുറിച്ചും അതിന്റെ മേന്മകളെ കുറിച്ചും അതോടൊപ്പം അതിൽ ഒളിഞ്ഞിരിക്കാവുന്ന ചതിക്കുഴികളെകുറിച്ചും ഓർമ്മിപ്പിക്കുകയും ലിറ്റിൽ കൈറ്റ്സിലെ ഓരോ അംഗവും സ്വയവും മറ്റുള്ളവർക്കും സാങ്കേതികവിദ്യയുടെ ക്രിയാത്മകമായ ഉപയോഗത്തെകുറിച്ച് ബോധ്യമുള്ളവരാകണമെന്നും ഈ ക്യാമ്പിലൂടെ സ്വായത്തമാക്കാനാകുന്ന എല്ലാ അറിവുകളും നേടുകയും ചെയ്യണമെന്നും ടീച്ചർ കുട്ടികളോട് ആഹ്വാനം ചെയ്തു.തുടർന്ന് ലിസിടീച്ചർ ക്യാമ്പിന്റെ നടപടികളും വിവിധ സെഷനുകളും പരിചയപ്പെടുത്തി.

ഗ്രൂപ്പ് രൂപീകരണം

നിമ ടീച്ചർ കുട്ടികളെ ഗ്രൂപ്പ് തിരിക്കാനുള്ള ചിത്രങ്ങൾ വിതരണം ചെയ്തു.പ്രോഗ്രാമിങ്ങുമായി ബന്ധപ്പെട്ട ചിത്രങ്ങളും അനിമേഷനുമായി ബന്ധപ്പെട്ട ചിത്രങ്ങളും കുട്ടികൾക്ക് ലഭിച്ചു.ഒരേ ചിത്രങ്ങൾ ലഭിച്ച കുട്ടികൾ ഒരു ഗ്രൂപ്പായി മാറി.തുടർന്ന് ഗ്രൂപ്പുകൾ അതാത് ഭാഗത്തായി ഇരുന്നു.

ഐസ് ബ്രേക്കിംഗ്

ആർഡിനോ കിറ്റ്

ലിറ്റിൽ കൈറ്റ്സ് പദ്ധതിയിൽ പ്രധാനപ്പെട്ടൊരു പരിശീലന മേഖലയാണ് പ്രോഗ്രാമിങ് , ഇലക്ട്രോണിക്സ് & റോബോട്ടിക്സ് .സംസ്ഥാന സർക്കാർ മുൻപ് നൽകിയ റാസ്പ്ബെറി പൈ, ഇലക്ട്രോണിക്സ് ബ്രിക് കിറ്റ് എന്നീ ഉപകരണങ്ങളാണ് ലിറ്റിൽ കൈറ്റ്സ് പരിശീലനപദ്ധതിയിലെ റോബോട്ടിക് പ്രവർത്തനങ്ങൾക്കായി സ്കൂളുകളിൽ ഉപയോഗിച്ചു വന്നിരുന്നത് . കഴിഞ്ഞ ഏഴ് വർഷമായി സ്കൂളുകളിൽ ഉപയോഗിച്ചുവന്നിരുന്ന പ്രസ്തുത ഉപകരണങ്ങൾ പലതും പ്രവർത്തനരഹിതമായിരിക്കുന്നതിനാൽ റോബോട്ടിക് പ്രവർത്തനങ്ങൾ സുഗമമായി നടത്താൻ സ്കൂളുകൾക്ക് സാധിക്കാതെ വന്ന പശ്ചാത്തലത്തിൽ ഇത് പരിഹാരിക്കാനായി ഇലക്ട്രോണിക് - റോബോട്ടിക് പഠനത്തിൽ വ്യാപകമായി ഉപയോഗിക്കുന്നതും പൊതുമാർക്കറ്റിൽ ലഭ്യമായതുമായ റോബോട്ടിക് ഉപകരണങ്ങൾ ലിറ്റിൽകൈറ്റ്സ് യൂണിറ്റുകൾക്ക് നൽകുന്നതിന് സംസ്ഥാന സർക്കാർ തീരുമാനമെടുത്തതിന്റെ ഭാഗമായി പുതിയ റോബോട്ടിക് കിറ്റുകൾ

സ്കൂളുകൾക്ക് നൽകിയതിൽ നമ്മുടെ സ്കൂളിനും അഞ്ച് കിറ്റുകൾ ലഭിച്ചു. ആർഡിനോ എന്ന മൈക്രോ കൺട്രോളർ ഡെവലപ്മെന്റ് ബോർഡും അനുബന്ധ ഉപകരണങ്ങളുമാണ് പ്രസ്തുത കിറ്റിൽ ഉൾക്കൊള്ളിച്ചിരിക്കുന്നത് .നവംബർ മാസം ഇരുപത്തിയൊന്നാം തീയതിയാണ് പൂജപ്പുര കൈറ്റിന്റെ ജില്ലാ ഓഫീസിൽ വച്ച് ലിറ്റിൽ കൈറ്റ്സ് മിസ്ട്രസുമാർ ഇത് ഏറ്റുവാങ്ങിയത്.ഉപകരണങ്ങൾ പരിശോധിച്ച് ഉറപ്പുവരുത്തിയാണ് കൈപ്പറ്റിയത്.

YIP ട്രെയിനിംഗ്

യങ് ഇന്നവേറ്റീവ് പ്രോഗ്രാമിന്റെ കാട്ടാക്കട ഉപജില്ലാതലപരിശീലനം ഒക്ടോബർ മാസം കുളത്തുമ്മൽ സ്കൂളിൽ വച്ച് ശ്രീ.സതീഷ് സാറിന്റെ നേതൃത്വത്തിൽ നടന്നു.സ്കൂളിനെ പ്രതിനിധീകരിച്ച് ലിറ്റിൽ കൈറ്റ്സ് മിസ്ട്രസുമാരായ ലിസി ടീച്ചറും സിമി ടീച്ചറും പരിശീലനത്തിൽ പങ്കെടുത്തു.എങ്ങനെയാണ് അപേക്ഷിക്കേണ്ടതെന്നും കുട്ടികളെ എങ്ങനെ ഇന്നവേറ്റീവ് ആശയങ്ങളിലേയ്ക്ക എത്തിച്ച് അവരെ ഗവൺമെന്റ് ഒരുക്കിയിരിക്കുന്ന പരിശീലന പരിപാടിയിൽ എത്തിച്ച് സാങ്കേതിക,സാമ്പത്തിക സഹായത്തോടെ നവമായ ആശയങ്ങൾ എങ്ങനെ പ്രാവർത്തികമാക്കാമെന്നും പരിശീലനത്തിൽ സതീഷ് സാർ വിശദമായി പറഞ്ഞുതന്നു.

തുടർന്ന് സ്കൂൾ തല പരിശീലനം ആദ്യം ലിറ്റിൽ കൈറ്റ്സിലെ എല്ലാ അംഗങ്ങൾക്കും നൽകി.പത്താം ക്ലാസിലെ ബി ഡിവിഷനിൽ എല്ലാ ലിറ്റിൽ കൈറ്റ്സ് അംഗങ്ങളും ഒത്തുകൂടി.പരിശീലനപരിപാടി ബഹു.ഹെഡ്മിസ്ട്രസ് ശ്രീമതി.സന്ധ്യടീച്ചർ ഉദ്ഘാടനം ചെയ്തു.ലിറ്റിൽ കൈറ്റ്സ് യൂണിറ്റ് ലീഡർ ശരണ്യ പി ബി സ്വാഗതം ആശംസിച്ചു.ആദ്യ സെഷൻ സിമി ടീച്ചർ കൈകാര്യം ചെയ്തു.തുടർന്നുള്ള സെഷനുകളിലൂ

ടെ ലിസി ടീച്ചർ ഇന്നൊവേറ്റീവ് ആശയങ്ങളുടെ രൂപീകരണത്തെകുറിച്ചുള്ള ക്ലാസ് തുടർന്നു.കണ്ടുപിടുത്തങ്ങളും ഇന്നൊവേഷനും എന്താണെന്ന് മൊഡ്യൂളിലൂടെ ടീച്ചർ പകർന്നുനൽകി.മനുഷ്യർക്ക് ഉപകാരപ്രദമായ ഏതു ആശയവും വികസിപ്പിക്കാമെന്നും തുടർച്ചയായ ചിന്തയും ആവശ്യകതയും പുതിയ ഇന്നൊവേഷനിലേയ്ക്ക് നയിക്കുമെന്നും ടീച്ചർ ചൂണ്ടിക്കാണിച്ചു.

ലിറ്റിൽ കൈറ്റ്സ് പ്രിലിമിനറി ക്യാമ്പ്

ലിറ്റിൽ കൈറ്റ്സിലെ പുതിയ ബാച്ച് (2022-2025) കുട്ടികൾക്കുള്ള പ്രിലിമിനറി ക്യാമ്പ് 12/09/2022 ൽ സ്കൂളിലെ സയൻസ് ലാബിൽ വച്ച് നടന്നു. ലിറ്റിൽ കൈറ്റ്സ് മിസ്ട്രസുമാരായ ലിസി ടീച്ചർ,സിമി ടീച്ചർ എന്നിവരും വിസിറ്റിങ് റിസോഴ്സ് പേഴ്സണായി ഡോ.പ്രിയങ്കയും നയിച്ച ക്യാമ്പിന് ഊർജ്ജം പകർന്നു കൊണ്ട് മാസ്റ്റർ ട്രെയിനറായ ശ്രീ.സതീഷ് സാറും വേണ്ട പിന്തുണ നൽകി കൊണ്ട് ഹെഡ്‍മിസ്ട്രസ് ശ്രീമതി.സന്ധ്യടീച്ചറും സീനിയർ അസിസ്റ്റന്റ് ശ്രീമതി.ശ്രീജ ടീച്ചറും സ്റ്റാഫ് സെക്രട്ടറി ശ്രീ.ഡീഗാൾ സാറും ഉണ്ടായിരുന്ന ക്യാമ്പിൽ വീരണകാവ് സ്കൂളിലെ എട്ടാം ക്ലാസിലെ തിരഞ്ഞെടുക്കപ്പെട്ട 32 കുട്ടികളും പങ്കെടുത്തു.

രാവിലെ 9.30 ന് ബഹുമാനപ്പെട്ട സന്ധ്യടീച്ചർ ക്യാമ്പ് ഉദ്ഘാടനം ചെയ്തു.ലിസി ടീച്ചർ ക്യാമ്പിന്റെ കാര്യപരിപാടികളെ കുറിച്ച് വിശദമാക്കി.തുടർന്ന് കുട്ടികളുടെ രജിസ്ട്രേഷൻ നടത്തി.അഞ്ചു സെഷനുകളായാണ് ക്യാമ്പ് നടക്കുന്നതെന്നും കുട്ടികളെല്ലാവരും നന്നായി പങ്കെടുക്കണമെന്നും ടീച്ചർ ഓർമിപ്പിച്ചു.ക്യാമ്പിന് എല്ലാവിധ ആശംസകളും നേർന്നു കൊണ്ട് ഡീഗാൾ സാർ ഒന്നാം സെഷൻ കൈകാര്യം ചെയ്യാനായി സിമി ടീച്ചറിനെ ക്ഷണിച്ചു.

ഒന്നാം സെഷൻ

ഒന്നാം സെഷനിൽ സിമി ടീച്ചർ പ്രൊജക്ടറിൽ ഗ്രൂപ്പു തിരിക്കാനുള്ള ഫയൽ പ്രദർശിപ്പിച്ചു.ആദ്യം ഐ ടി അനുബന്ധ ഉപകരണങ്ങളുടെ ചിത്രം gif ഫയലിൽ പ്രത്യക്ഷപ്പെട്ടുവെങ്കിലും അത് അപ്രത്യക്ഷമായപ്പോൾ കുട്ടികൾക്ക് ആകാംക്ഷയായി.തുടർന്ന് ചിത്രങ്ങളുടെ സ്ഥാനത്ത് അക്കങ്ങൾ വന്നപ്പോൾ കുട്ടികൾ താല്പര്യപൂർവ്വം ശ്രദ്ധിച്ചിരുന്നു.സിമി ടീച്ചർ അവരോട് ഓരോ നമ്പർ വീതം അതിന്റെ വരിയും നിരയും ഉൾപ്പെടെ ഓർമിച്ചുവയ്ക്കാൻ ആവശ്യപ്പെടുകയും കുട്ടികൾക്ക് നമ്പർ കുറിച്ചു വയ്ക്കാനുള്ള സാവകാശം നൽകുകയും ചെയ്തു.അടുത്ത gif ഫയലിൽ ചിത്രങ്ങൾ കുട്ടികൾ കണ്ട് അവരവരുടെ നമ്പറിന്റെ സ്ഥാനത്തുള്ള ചിത്രം തിരിച്ചറിയാനും ഡസ്ക്ടോപ്പ്,ലാപ്‍ടോപ്പ്,ടാബ്,സ്കാനർ,പ്രിന്റർ തുടങ്ങിയ ചിത്രങ്ങളിൽ ഒരേ പോലുള്ള ചിത്രം ലഭിച്ചവർ ഒന്നിച്ചു ചേർന്ന് ഗ്രൂപ്പാകാനും ടീച്ചർ ആവശ്യപ്പെട്ടു.കുട്ടികൾ ആറു പേരടങ്ങുന്ന ടീമുകളായി മാറിയിരിക്കുകയും അവരവർക്ക് കിട്ടിയ പേരുകൾ ഗ്രൂപ്പിന് നൽകുകയും ചെയ്തു.പിന്നീട് അവർ പരസ്പരം പരിചയപ്പെടുകയും മുന്നോട്ട് വന്ന് ഓരോരുത്തരും അടുത്തയാളെ പരിചയപ്പെടുത്തുകയും ചെയ്തു.ആർ.പി മാരും പരിചയം പുതുക്കി.ഗ്രൂപ്പുകളിൽ എല്ലാ ഉപകരണങ്ങളെയും കുറിച്ച് ചർച്ച ചെയ്യുകയും ആർ.പിമാർ നൽകിയ വർക്ക്ഷീറ്റിൽ ഉപകരണം,ഉപയോഗം എന്നിവ പൂർത്തിയാക്കുകയും ചെയ്തു.എല്ലാ ഗ്രൂപ്പുകളിൽ നിന്നും ഓരോ പ്രതിനിധികളെത്തി ഇത് വായിക്കുകയും കൂട്ടിച്ചേർക്കലുകൾ നടത്തി സ്കോർ രേഖപ്പെടുത്തുകയും നന്നായി ചെയ്ത ഗ്രൂപ്പുകളെ പ്രത്യേകം അഭിനന്ദിക്കുകയും മറ്റുള്ളവരെ പ്രോത്സാഹിപ്പിക്കുകയും ചെയ്തു.തുടർന്ന് കുട്ടികൾ വിട്ടുപോയ ഭാഗങ്ങൾ കൂട്ടിചേർത്തുകൊണ്ട് ലിസി ടീച്ചർ ആദ്യ സെഷൻ ക്രോഡീകരിച്ചു.

രണ്ടാം സെഷൻ

രണ്ടാം സെഷനിൽ ആദ്യ മൂന്നു ഗ്രൂപ്പുകളെ ഒന്നിച്ച് ഒരു ഗ്രൂപ്പായും ബാക്കിയുള്ള ഗ്രൂപ്പുകളെ രണ്ടാമത്തെ ഗ്രൂപ്പായും തിരിച്ച് ഹൈടെക്,ലിറ്റിൽ കൈറ്റ്സ് എന്നീ വിഷയങ്ങൾ പരിചയപ്പെടുത്തി.ലിസി ടീച്ചർ ടോപ്പിക് തിരഞ്ഞെടുക്കാനായി ടോസ് ഇട്ടു. ഹൈടെക് ആദ്യ ഗ്രൂപ്പിനും ലിറ്റിൽ കൈറ്റ്സ് രണ്ടാം ഗ്രൂപ്പിനും ലഭിച്ചു.സിമി ടീച്ചർ കുട്ടികളോട് ഈ രണ്ട് വിഷയങ്ങളെ കുറിച്ചും അവർക്ക് അറിയാവുന്നത് എഴുതാനും ഗ്രൂപ്പിൽ ചർച്ച ചെയ്ത് ക്രോഡീകരിക്കാനും ആവശ്യപ്പെട്ടു.കുട്ടികൾ അവരുടെ കണ്ടെത്തലുകൾ അവതരിപ്പിച്ചു.തുടന്ന് നടന്ന ഗെയിം ആവേശം കൊണ്ടും മാത്സര്യം കൊണ്ടും രസകരമായി.ഹൈടെക് ഗ്രൂപ്പിലെ അഭിഷേക് ലിറ്റിൽ കൈറ്റ്സിൽ വിട്ടുപോയ പോയിന്റുകൾ കൂട്ടിച്ചേർക്കാൻ ശ്രമിച്ചതും അത് തങ്ങൾ എഴുതിയതാണെന്ന ലിറ്റിൽ കൈറ്റ്സിലെ സൂര്യയുടെ വാദവും ചർച്ച ചൂടേറിയതാക്കി.പിന്നീട് വീഡിയോകൾ കാണുകയും കൂട്ടിച്ചേർക്കലുകൾ നടത്തുകയും ചെയ്തു.ലിസി ടീച്ചർ ക്രോഡീകരിച്ചു.

മൂന്നാം സെഷൻ

പ്രോഗ്രാമിങ്ങിന്റെ ബാലപാഠങ്ങൾ മനസിലാക്കികൊണ്ട് പ്രോഗ്രാമിങ്ങിന്റെ ലോകത്തേയ്ക്ക് കുട്ടികളെ ആകർഷിക്കാനായി സ്ക്രാച്ച് പരിചയപ്പെടുത്തികൊണ്ട് ലിസി ടീച്ചർ മൂന്നാമത്തെ സെഷൻ നയിച്ചു.മൊഡ്യൂളിലെ കാർ ഗെയിം കളിച്ചു കൊണ്ട് ഇത് ഏതു സോഫ്‍റ്റ്‍വെയറാണെന്ന് അറിയാമോയെന്ന ചോദ്യത്തിന് കുറെയേറെ കുട്ടികൾ സ്ക്രാച്ച് എന്നു ഉത്തരം പറയുകയും തുടർന്ന് അവരുടെ ലാപ്‍ടോപ്പിൽ പേസ്റ്റ് ചെയ്തിരുന്ന ബോൾ ഗെയിം കളിക്കുകയും ചെയ്തു.ആറു ഗ്രൂപ്പുകളായി പഴയതുപോലെ തിരിഞ്ഞാണ് ഗെയിം കളിച്ചത്.പത്തു മിനിട്ട് സമയം കൊണ്ട് രഞ്ചു 20 സ്കോർ നേടി.കുട്ടികൾക്ക് ഗെയിമിലുള്ള താല്പര്യം ഉണർത്തികൊണ്ട് സ്വന്തമായി ഗെയിം നിർമിക്കാനാകും എന്നോർമപ്പെടുത്തി ലിസി ടീച്ചർ കളർ സെൻസിങിന്റെ പ്രോഗ്രാം അവതരിപ്പിച്ചു.ഓരോന്നിലും എന്തെല്ലാം മാറ്റമുണ്ടായി എന്നും അത് എങ്ങനെയായിരിക്കാമെന്നും ടീച്ചർ ചോദിച്ചുകൊണ്ട് അവരുടെ അറിവിനെ ഉണർത്തി.തുടർന്ന് പ്രോഗ്രാം കുട്ടികൾ നോട്ടിൽ എഴുതി.പിന്നീട് ഓരോ ഗ്രൂപ്പുകാരും തങ്ങൾക്കായി ലഭ്യമാക്കിയിരുന്ന ലാപ്‍ടോപ്പിൽ പ്രോഗ്രാം തയ്യാറാക്കി.ആദ്യം തയ്യാറാക്കി വിജയകരമായി പ്രവർത്തിപ്പിച്ചത് സൂര്യയുടെ ഡസ്ക്ടോപ്പ് ഗ്രൂപ്പാണ്.ബാക്കിയുള്ളവരും വേഗത്തിൽ പ്രവർത്തനം പൂർത്തിയാക്കി അവതരിപ്പിച്ചു.കളർ സെൻസിങ് ബ്ലോക്കിന്റെ ഉപയോഗവും ബാക്ക്ഡ്രോപ്പ് വരയ്ക്കുന്നതും കുട്ടികൾ മനസിലാക്കി.

നാലാം സെക്ഷൻ

ലിറ്റിൽ കൈറ്റ്സ് കുട്ടികളുടെ പ്രധാന പ്രവർത്തനമെന്നത് എന്താണെന്ന ചോദ്യത്തിന് ഹൈടെക് ഉപകരണങ്ങളുടെ പരിപാലനമെന്ന് കീർത്തന നൽകിയ ഉത്തരം ശരിയാണെന്നും പ്രൊജക്ടറിന്റെ പരിപാലനം മനസിലാക്കിക്കുന്ന സെഷനാണിതെന്നും പറഞ്ഞുകൊണ്ട് ലിസി ടീച്ചർ നാലാം സെഷനിലേയ്ക്ക് കടന്നു.ക്ലാസിലെ പ്രൊജക്ടർ ഏതു കമ്പനിയാണെന്ന് തിരിച്ചറിയാനും അതിനനുസരിച്ച് പ്രൊജക്ടർ ക്രമീകരിക്കാനുമായി സയൻസ് ലാബിലെ ഐസർ പ്രൊജക്ടറും കമ്പ്യൂട്ടർ ലാബിലെ ബെൻക്യു പ്രൊജക്ടറും പരിചയപ്പെടുത്തി റിമോട്ടിൽ പ്രൊജക്ടറിന്റെ ക്രമീകരണം കാണിച്ചുകൊടുത്തു.റസല്യൂഷൻ,ആകൃതി,മിറർ മുതലായവ കുട്ടികളിൽ നിന്നും ഏതാനും പേർ ചെയ്തു പരിശീലിച്ചു.

ഒരു ത്രീഡി അനിമേഷൻ വീഡിയോ ലിസി ടീച്ചർ പ്രദർശിപ്പിച്ചു.ശബ്ദമില്ലാത്തതിന് കാരണമെന്തെന്നും അത് ക്രമീകരിക്കുന്ന വിധവും പരിചയപ്പെടുത്തി.സെറ്റിംഗ്സിൽ നിന്നും സൗണ്ട് സെലക്ട് ചെയ്ത് ഇൻപുട്ട് ഔട്ട്പുട്ട്,ശബ്ദം മുതലായവ ക്രമീകരിക്കുന്ന വിധം മനസിലാക്കിച്ചു.തുടർന്ന് വീഡിയോ ശരിയായ വിധത്തിൽ പ്രദർശിപ്പിച്ചു.വീഡിയോയിൽ ഉപയോഗിച്ചിരിക്കുന്നത് ബ്ലെൻഡർ എന്ന ത്രീഡി അനിമേഷൻ സോഫ്‍റ്റ്‍വെയറാണെന്നും പരിചയപ്പെടുത്തി.

അഞ്ചാം സെഷൻ

മൊബൈലിലെ മൾട്ടിപ്ലിക്കേഷൻ ആപ്പ് സ്ക്രീൻ കാസ്റ്റ് വഴി ലിസി ടീച്ചർ പ്രൊജക്ടറിൽ പ്രദർശിപ്പിച്ച് ഏതാനും കുട്ടികളെ വിട്ട് ഉത്തരം ചെയ്യിച്ചു.തുടർന്ന് ടീച്ചർ തെറ്റ് ഉത്തരം നൽകികൊണ്ട് ആപ്പിലെ വ്യത്യാസങ്ങൾ കാണിച്ച് ഇത്തരം മൊബൈൽ ആപ്പ് നമുക്കും നിർമിക്കാനാകുമെന്നും അതിനായി കമ്പ്യൂട്ടറിലെ പ്രോഗ്രാമിങ്ങിൽ നിന്നും MIT APP INVENTER തുറന്ന് സ്ക്രാച്ചിലെ പോലെ ബ്ലോക്കുകൾ നൽകണമെന്നും ടീച്ചർ പറഞ്ഞശേഷം പ്രൊജക്ടറിലൂടെ ആപ്പിന്റെ പ്രവർത്തനം പരിചയപ്പെടുത്തി.

തുടർന്ന് കുട്ടികളിൽ നിന്നും ഏതാനും ചിലർ മുന്നോട്ട് വന്ന് ഫീഡ്‍ബാക്ക് നൽകി.ജിത്തു ജോസ് എല്ലാ സെഷനുകളും അറിവ് നൽകിയെന്നും ക്യാമ്പ് ഉപകാരപ്പെട്ടുവെന്നും അഭിപ്രായപ്പെട്ടു.രഞ്ചു ക്യാമ്പിലെ രസകരമായ അനുഭവങ്ങൾ പങ്കുവയ്ക്കുകയും സ്ക്രാച്ചിൽ ഗെയിം നിർമിക്കുമെന്ന് പറയുകയും ചെയ്തു.ക്യാമ്പിലെ മൊബൈൽ ആപ്പ് നിർമാണം ഇഷ്ടപ്പെട്ടുവെന്നും അതിന്റെ കൂടുതൽ ക്ലാസുകൾ പ്രതിക്ഷിക്കുന്നതായും അഭിപ്രായപ്പെട്ടു.ലിസി ടീച്ചറും സിമി ടീച്ചറും പ്രിയങ്ക ടീച്ചറും തങ്ങൾക്കു തന്ന അറിവിനും പരിഗണനയ്ക്കും പ്രത്യേകം നന്ദി അറിയിക്കുകയും ചെയ്തു.തുടർന്ന് സ്റ്റാഫ് സെക്രട്ടറി കുട്ടികൾക്ക് നല്ലൊരു ഭാവിയും അധ്യാപകർക്ക് നന്ദിയും അറിയിച്ചു.

3.30 ന് വളരെ രസകരവും ഉപകാരപ്രദവുമായ പ്രിലിമിനറി ക്യാമ്പ് അവസാനിച്ചു.

ക്ലബുകൾക്ക് ഐഡി കാർഡ് രൂപീകരിച്ചു നൽകൽ

44055-**ലിറ്റിൽകൈറ്റ്സ്**
44055-ലിറ്റിൽകൈറ്റ്സ്
സ്കൂൾ കോഡ്	44055
യൂണിറ്റ് നമ്പർ	LK/2018/44055
അംഗങ്ങളുടെ എണ്ണം	39
റവന്യൂ ജില്ല	തിരുവനന്തപുരം
വിദ്യാഭ്യാസ ജില്ല	നെയ്യാറ്റിൻകര
ഉപജില്ല	കാട്ടാക്കട
ലീഡർ	വൈഷ്ണവി
ഡെപ്യൂട്ടി ലീഡർ	ഫെയ്‍ത്ത് വർഗീസ്
കൈറ്റ് മാസ്റ്റർ / മിസ്ട്രസ് 1	ലിസി ആർ
കൈറ്റ് മാസ്റ്റർ / മിസ്ട്രസ് 2	നിമ
അവസാനം തിരുത്തിയത്
28-03-2023	44055

വിവിധ ക്ലബുകൾക്കുള്ള ഐഡി കാർഡും നോട്ടീസുകളും തയ്യാറാക്കി നൽകി കൊണ്ട് ലിറ്റിൽ കൈറ്റ്സിലെ കുട്ടികൾ മാതൃകയായി.ഫോട്ടോ എടുത്ത് ഇങ്ക്സ്കേപ്പിൽ ലോഗോ തയ്യാറാക്കി സോഷ്യൽ സയൻസ് ക്ലബിനായി എല്ലാ കുട്ടികളുടെയും ഐഡി കാർഡ് തയ്യാറാക്കി നൽകി.

നോട്ടീസുകൾ തയ്യാറാക്കൽ

വിവിധ ക്ലബുകൾക്കും സ്കൂളിന്റെ മറ്റാവശ്യങ്ങൾക്കുമുള്ള നോട്ടീസുകൾ തയ്യാറാക്കി നൽകിവരുന്നു.

2021-2023* നിലവിലെ പത്താം ക്ലാസ് കുട്ടികളുടെ ഓഫ്‍ലൈൻ ക്ലാസ് 2/1/2022 മുതൽ 15/01/2022 വരെ മിസ്ട്രസുമാരായ ലിസി ടീച്ചറിന്റെയും സിമി ടീച്ചറിന്റെയും നേതൃത്വത്തിൽ നടന്നു.കുട്ടികൾ അനിമേഷനിൽ വിമാനം ചലിപ്പിച്ചു.ഫ്രെയിം മോഡ്,സ്റ്റാറ്റിക് മോഡ്,ഡൈനാമിക് ബി ജി മോഡ് ഇവ തമ്മിലുള്ള വ്യത്യാസം കുട്ടികൾ തിരിച്ചറിഞ്ഞു.മാത്രമല്ല ട്വീനിംങ് എന്താണെന്നും തിരിച്ചറിഞ്ഞു.റൊട്ടേഷൻ ട്വീനിംഗ് കാർ ഓടിക്കുന്ന ഗെയിമിലൂടെ മനസ്സിലാക്കി.റെനോയ്,ദേവനന്ദ,ഗോപിക മുതലായവർ ആദ്യം തന്നെ ചെയ്തു പഠിക്കുകയും മറ്റുള്ളവരെ സഹായിക്കുകയും ചെയ്തു.ഗ്രാഫിക്സിലെ ഇങ്ക്സ്കേപ്പിലൂടെ വിമാനം വരച്ചു.അഭിഷേക് നന്നായി വരച്ചു.സ്ക്രാച്ചിലെ ബ്ലോക്കുകൾ പരിചയപ്പെടുകയും കാർ ഗെയിം തയ്യാറാക്കുകയും ചെയ്തു.
നിലവിലെ ഒമ്പതാം ക്ലാസ് കുട്ടികൾക്കുള്ള അഭിരുചി പരീക്ഷയ്ക്കായി ഓൺലൈൻ ക്ലാസ് നൽകുകയും കൈറ്റ് വിക്ടേഴ്സിലെ ക്ലാസുകൾ പങ്കു വയ്ച്ച് നോട്ട് തയ്യാറാക്കിക്കുകയും ചെയ്തു.നാലു ദിവസം തുടർച്ചയായി ക്ലാസ് നൽകി.അഭിരുചി പരീക്ഷയുടെ അന്ന് കുട്ടികൾ പഠിച്ചിട്ടു വന്നുവെങ്കിലും അവർക്ക് കൊവിഡ് നിയന്ത്രണം കാരണം പ്രാക്ടിക്കൽ ലഭിക്കാത്തതിനാൽ അഭിരുചി പരീക്ഷ ആദ്യം കഠിനമായി തോന്നിയെങ്കിലും സമാധാനമായി വായിച്ചുനോക്കി ചെയ്യാൻ പറഞ്ഞപ്പോൾ വായിച്ചുനോക്കി അർത്ഥം മനസ്സിലാക്കി ഉത്തരം കണ്ടെത്തിചെയ്തു.മുപ്പത്തിരണ്ട് കുട്ടികൾക്ക് സെലക്ഷൻ ലഭിച്ചു.അവ‍ർക്ക് ഓൺലൈൻ ക്ലാസുകളും ഓഫ്‍ലൈൻ ക്ലാസുകളും നൽകി.

അഭിരുചി പരീക്ഷയിൽ ജില്ലാതലത്തിലെ ഉയർന്ന സ്കോർ നേടിയവരുടെ കൂട്ടത്തിൽ 9 B യിലെ ശരണ്യ പി.ബിയും ഉൾപ്പെട്ടുവെന്നത് അഭിമാനാർഹമായി.
യൂണിറ്റ് ക്യാമ്പ് 2022
ഉദ്ഘാടനവും രജിസ്ട്രേഷനും
19/01/2022 ൽ യൂണിറ്റ് ക്യാമ്പ് ബഹു.ഹെഡ്മിസ്ട്രസ് സന്ധ്യ ടീച്ചർ ഉദ്ഘാടനം ചെയ്തു.ഉദ്ഘാടനപ്രസംഗത്തിൽ ശാസ്ത്രസാങ്കേതികവളർച്ച നേടേണ്ടതിന്റെ ആവശ്യകതയും ഐ.ടി രംഗത്തിന്റെ പ്രാധാന്യവും ജോലിസാധ്യതകളും അനിമേഷൻ,പ്രോഗ്രാമിങ് എന്നിവയെ കുറിച്ചും വിശദീകരിക്കുകയും അഞ്ച് മിനിട്ട് കുട്ടികളുമായി സംവദിക്കുകയും ചെയ്തു.തുടർന്ന് സിമി ടീച്ചർ എച്ച്.എമ്മിന് നന്ദി പറഞ്ഞു.പ്രയങ്ക ടീച്ചർ രജിസ്ട്രേഷൻ പൂർത്തിയാക്കി.
ഐസ് ബ്രേക്കിംങ്
ലിസിടീച്ചർ ക്യാമ്പ് നയിക്കുകയും പ്രോഗ്രാമിങ്ങിൽ സ്ക്രാച്ചിലെ വിവിധ മേഖലകളും മൊബൈൽ ആപ്പ് നിർമ്മാണവും പരിചയപ്പെടുത്തി.സ്ക്രാച്ച് 2 എല്ലാ കമ്പ്യൂട്ടറുകളിലും ഇൻസ്റ്റാൾ ചെയ്തെന്ന് ഉറപ്പുവരുത്തി.റിസോഴ്സസ് എല്ലാ കമ്പ്യൂട്ടറിലും ഉണ്ടോയെന്ന് സ്റ്റുഡന്റ് ലീഡർ കിഷോർ പരിശോധിച്ചു.
സിമി ടീച്ചറും ലിസിടീച്ചറും ചേർന്ന് ഐസ് ബ്രേക്കിംഗ് സെക്ഷൻ നടത്തി.ഫെയ്സ് ഡിക്ടക്ട് ചെയ്ത് ഗ്രൂപ്പ് തിരിച്ചത് കുട്ടികൾക്ക് രസകരമായി അനുഭവപ്പെട്ടു.തുടർന്ന് മൂക്കു കൊണ്ട് സെൻസ് ചെയ്യുന്ന ബോൾ ഗെയിം കളിച്ചു. പ്രിയങ്ക ടീച്ചറാണ് കളി നയിച്ചത്.കുട്ടികൾ നന്നായി ആസ്വദിച്ചു
പ്രോഗ്രാമിങ്
ലിസി ടീച്ചർ ഇതുപോലെ ഗെയിം നിർമ്മിച്ചാലോ എന്നു ചോദിച്ചുകൊണ്ട് സ്ക്രാച്ച് പരിചയപ്പെടുത്തി.
സ്ക്രാച്ചിലെ സ്പ്രൈറ്റ്,സ്റ്റേജ് ഇവയെന്താണെന്ന് പരിചയപ്പെടുത്തി.സ്റ്റേജിൽ പുതിയ ഇമേജ് കൊണ്ടുവരുന്നതും അപ്‍ലോഡ് ചെയ്യുന്നതും ലൈബ്രറിയിൽ നിന്നെടുക്കുകന്നതും പരിചയപ്പെട്ടു.സ്പ്രൈറ്റ് കുട്ടികൾ റിസോഴ്സിൽ നിന്നും കൊണ്ടുവന്നു.തുടർന്ന് ഇവന്റുിലും മോഷനിലും ഉള്ള ബ്ലോക്കുകൾ കുട്ടികൾ ഉപയോഗിച്ചു നോക്കി.മാറ്റങ്ങൾ നിരീക്ഷിച്ചു.ചില കുട്ടികൾക്ക് പ്രയാസം നേരിട്ടതിനാൽ പ്രൊജക്ടറിൽ ചെയ്ത് കാണിച്ചുകൊടുത്തു.എന്നാൽ കാർത്തിക് എന്ന കുട്ടി സ്വന്തമായിതന്നെ എല്ലാം മനസ്സിലാക്കുന്നുണ്ടായിരുന്നു.തുടർന്ന് സെൻസിങ്,സൗണ്ട് കൺട്രോൾ ബ്ലോക്കുകളും കുട്ടികൾ മനസ്സിലാക്കി.പിന്നീട് സ്വന്തമായി കാർ ഗെയിം തയ്യാറാക്കി നോക്കി.എല്ലാവർക്കും സാധിച്ചു.കുട്ടികൾക്ക് ആത്മാഭിമാനം വളർന്നു.
അനിമേഷൻ
സിമിടീച്ചറും പ്രിയങ്ക ടീച്ചറും അനിമേഷൻ ക്ലാസ് നയിച്ചു.ആപ്ലിക്കേഷനിൽ നിന്നും ഗ്രാഫിക്സിൽ പോകാനും ടുഡി അനിമേഷൻ സോഫ്റ്റ്വെയർ കണ്ടെത്താനും പരിശീലിപ്പിച്ചു.കുട്ടികൾ റ്റുഡി,ത്രീഡി അനിമേഷന്റെ വ്യത്യാസം പങ്കു വച്ചു.തുടർന്ന് ബിറ്റ്മാപ്പ് സീക്വൻസ് കൊണ്ടു വരുമ്പോഴുള്ള മാറ്റവും ബിറ്റ്മാപ്പ് ഒരെണ്ണം ഇമ്പോർട്ട് ചെയ്യുന്നതും മനസ്സിലാക്കിച്ചു.ഫ്രെയിം ആഡ് ചെയ്യാനുംകുട്ടികൾക്ക് എളുപ്പത്തിൽ മനസ്സിലായി.ട്വീനിംഗിലെത്തിയപ്പോൾ ചിലർക്കെങ്കിലുംസംശയങ്ങളുണ്ടായി.ആദിത്യയും ആർദ്രയും ട്വീനീംഗിലെ പൊസിഷൻ ട്വീൻ വരച്ചത് മാറിപ്പോയത് കാരണം മനസ്സിലാകാതെ ബുദ്ധിമുട്ടി.അപ്പോൾ സ്റ്റുഡന്റ് ലീഡേഴ്സായ ഗോപികയും ദേവനന്ദയും അവർക്ക് എങ്ങനെയാണ് പൊസിഷൻട്വീനിംഗ് എന്ന് പറഞ്ഞുകൊടുത്തു.അപ്പോൾ അവർക്ക് വന്ന മിസ്ടേക്ക് പിടികിട്ടി.തുടർന്ന് അവരാണ് ആദ്യം അനിമേഷൻ പൂർത്തിയാക്കിയത്.പട്ടം പറത്തുന്ന അനിമേഷൻ എല്ലാവരും ചെയ്തു.അഭിജിത്ത്,അഖിൽ എന്നിവർ സെറ്റിൽ നിന്നും ഇമേജ് എടുത്ത് പുതിയ അനിമേഷൻ തയ്യാറാക്കി.പൂർണതയില്ലെങ്കിലും അവരുടെ ഉദ്യമം പ്രശംസ പിടിച്ചുപ്പറ്റി.
മൊബൈൽ ആപ്പ് നിർമ്മാണം പരിചയപ്പെടൽ
ലിസി ടീച്ചറാണ് ഇത് കൈകാര്യം ചെയ്തത്.കുട്ടികൾക്ക് ഇത് പഠിക്കാൻ താല്പര്യമുണ്ടെന്ന് കണ്ടതിനാൽ ടീച്ചർ വിശദമായി പരിചയപ്പെടുത്തികൊടുത്തു.കുറച്ചുപേർ ചെയ്തു നോക്കി.കളർ സെലക്ട് ചെയ്ത് നോക്കി.പിന്നീട് വിശദമായ് ചെയ്ത് നോക്കാമെന്ന് പറഞ്ഞെങ്കിലും കുട്ടികളുടെ താല്പര്യം കാരണം ചെയ്തു കാണിച്ചുകൊടുത്തു.പിന്നീട് സമയം പോലെ ഓരോരുത്തരും ചെയ്തു നോക്കണമെന്ന് ടീച്ചർ അറിയിച്ചു.കുറച്ചുപേർ പിന്നീട് ശ്രമം നടത്തി.
സമാപന മൊഡ്യൂൂൾ
സമാപനത്തോട് അനുബന്ധിച്ച് കൈറ്റ് മാസ്റ്റർ ശ്രീ.സതീഷ് സാർ അയച്ചുതന്ന മൊഡ്യൂൾ ലിസിടീച്ചർ കുട്ടികളിലേയ്ക്ക് വിനിമയം ചെയ്തു.എന്താണ് ലിറ്റിൽ കൈറ്റ്സ്,എന്താണ് അവരുടെ കടമകൾ,സ്കൂളിൽ അവരുടെ റോളെന്താണ്തുടങ്ങിയവ ചർച്ച ചെയ്ത് മൊഡ്യൂൾ അവതരിപ്പിച്ചുകൊണ്ട് സമാപനത്തിലേയ്ക്ക് കടന്നു.33 കുട്ടികൾ ക്യാമ്പിൽ പങ്കെടുത്തു.സമാപന സന്ദേശം നൽകിയത് സുരേഷ് സാറാണ്.
ഭക്ഷണവും തിരഞ്ഞെടുപ്പും
കൊവിഡ് മാനദണ്ഡം പാലിച്ച് കുട്ടികൾക്ക് പലഹാരകിറ്റ് നൽകി.ഒരു പാക്കറ്റിൽ ചിക്കൻ മീറ്റ് റോൾ,കേക്ക്,ഐസ്ക്രീം,ജിലേബി,ലഡു,പൈനാപ്പിൾ കസ്ററാഡ്,മുതലായവയാണ് ഉണ്ടായിരുന്നത്.
ക്യാമ്പിൽ നിന്നും അനിമേഷനിലേയ്ക്ക് ആദിത്യ,ശരണ്യ,അഭിജിത്ത്,അഖിൽ എസ്.ബി എന്നിവരും സ്ക്രാച്ചിന് കാർത്തിക്,ആർദ്ര,ആൻസി എന്നിവരും തിരഞ്ഞെടുക്കപ്പെട്ടു.
കാർത്തിക് ബോൾ തട്ടുന്നതനുസരിച്ച് സ്കോർ കൂടുന്നതും പിന്നീട് താഴെ വീഴുമ്പോൾസ്കോർ കുറയുന്നതുമായ ഗെയിം തയ്യാറാക്കി.ഇനിയും മെച്ചപ്പെടുത്താനും പുതിയ ഗെയിമുകൾ നിർമ്മിക്കാനും കാർത്തിക് ശ്രമിച്ചുവരുന്നു.അഭിജിത്ത് ഒരു പക്ഷി അമ്പേറ്റ് വീഴുന്ന അനിമേഷനാണ് റ്റുപ്പി ട്യൂബിൽ ചെയ്ത്ത്.അഖിൽ എസ് ബി വിമാനം പറക്കുന്നതും വെടിയേറ്റ് തീപിടിച്ച് താഴേയ്ക്ക് പതിക്കുന്നതുമായ അനിമേഷനാണ് തയ്യാറാക്കിയത്.ശരണ്യ മീനിന്റെ അനിമേഷനും ആർദ്ര ആപ്പിളിന്റെ ഗെയിമും ആൻസി കുട്ടിയുമായി ബന്ധപ്പെട്ട ഒരു അനിമേഷനുമാണ് നിർമിച്ചത്.മെച്ചപ്പെടേണ്ടതുണ്ട് എന്നതിനാൽ പരിശീലനം തുടരുന്നു.
മറ്റ് പ്രവർത്തനങ്ങൾ
ഇ-മാഗസിൻ തയ്യാറാക്കാനായുള്ള മലയാളം കമ്പ്യൂട്ടിംഗ് പരിശീലനം.
മലയാളം ടൈപ്പ് റൈറ്റിംഗ് പരിശീലിപ്പിക്കാനായി സമയപരിമിതിയ്ക്കുള്ളിൽ നിന്നു കൊണ്ട് ഉള്ള സമയം ക്രമീകരിച്ച് പരിശീലനത്തിനുള്ള അവസരം നൽകുകയും താല്പര്യമുള്ള കുട്ടികൾ പരിശീലനം തുടരുകയും ചെയ്യുന്നു.വിദ്യാരംഗം,ടാലന്റ് ക്ലബ്,വായനാക്ലബ് മുതലായ ക്ലബുകളിലെ ഉത്പ്പന്നങ്ങൾ അതാത് ക്ലബ് കൺവീനർമാർ ലിറ്റിൽ കൈറ്റ്സ് മെമ്പേഴ്സിന് കൈമാറുകയും അവർ അത് ടൈപ്പ് ചെയ്യുകയും ചെയ്തുവരുന്നു.പത്താം ക്ലാസ് കുട്ടികൾ ഡിസംബർ മാസത്തിൽ ടൈപ്പിംഗ് ചെയ്തെങ്കിലും പിന്നീട് പരീക്ഷാഒരുക്കം തുടങ്ങിയതിനാൽ ഇപ്പോൾ നിലവിലെ ഒൻപതാം ക്ലാസുകാരാണ് പരിശീലിക്കുന്നത്.യു.പി.തലത്തിൽ നിന്നും ലോൿഡൗണിനുശേഷം വന്ന കുട്ടികളായതിനാൽ അവർക്ക് ഏകദേശം രണ്ട് വർഷത്തെ വിടവ് ഉള്ളതു കൊണ്ട് സാവധാനമാണ് ടൈപ്പിംഗ് നടക്കുന്നത്.ഉച്ചയ്ക്ക് 12.45 മുതൽ 1.30 വരെയുള്ള സമയമാണ് പരിശീലനത്തിന് നൽകിയിരിക്കുന്നത്.അഞ്ച് പേർ വീതമുള്ള ഓരൊ ടീമായിട്ടാണ് ഇടവേളകളിൽ പരിശീലനം നടത്തുന്നത്.ആഴ്ചയിൽ ഒന്നോ രണ്ടോ ദിവസമാണ് മലയാള പരിശീലനത്തിന് ലഭിക്കുന്നത്.വൈകുന്നേരങ്ങളിൽ കുറച്ചു കുട്ടികൾ പരിശീലിക്കുന്നുണ്ട്.
ഹൈടെക് ക്ലാസ് മുറികളിലെ ഉപകരണങ്ങളുടെ പരിപാലനം
സ്കൂളിൽ ആകെ പത്ത് ഹൈടെക് ക്ലാസ് മുറികളാണ് ഉള്ളത്.ഇതിൽ നിലവിൽ ഏഴ് ക്ലാസ് റൂമുകളാണ് ഹൈടെക് സംവിധാനമുള്ളത്.ബാക്കി മൂന്നെണ്ണം കിഫ്ബി കെട്ടിടം പണി നടക്കുന്ന ഭാഗത്തായതിനാൽ നിലവിൽ ഉപയോഗിക്കാനാകാത്ത തരത്തിൽ മറച്ചിരിക്കുകയാണ്.ഈ ക്സാസുകളിലെ ഉപകരണങ്ങൾ കൈകാര്യം ചെയ്യുന്നത് അതാത് ക്ലാസുകളിലെ ലിറ്റിൽ കൈറ്റ്സ് അംഗങ്ങളാണ്.ക്ലാസ് ടീച്ചേഴ്സിനെ ഉപകരണങ്ങളുടെ സംരക്ഷണത്തിനും മറ്റും കുട്ടികൾ സഹായിക്കുന്നു.മറ്റ് സബ്ജക്ട് അധ്യാപകർക്കുവേണ്ട സഹായങ്ങളും ഇവർ നൽകി വരുന്നു.ഇതിന് നേത‍ൃത്വം നൽകുന്നത് പത്താം ക്ലാസിലെ റെനോയ്,കിഷോർ,അജിത്ത്,അനു,അഭിഷേക്,നിഖിൽ,ദയാനന്ദ്,ദേവനന്ദ,ഗോപിക തുടങ്ങിയവരാണ്.
പ്രൈമറി ക്ലാസുകൾക്കുള്ള സഹായം
പ്രൈമറി ക്ലാസുകളിൽ ലാപ്‍ടോപ്പുകൾ കൈകാര്യം ചെയ്യാനും പ്രൊജക്ടർ ഉപയോഗിക്കാനും മറ്റുമുള്ള സാങ്കേതിക സഹായം നൽകുന്നത് ലിറ്റിൽ കൈറ്റ്സ് അംഗങ്ങളാണ്.
അധ്യാപകർക്കും, സഹവിദ്യാർത്ഥികൾക്കും സഹായം നൽകുന്നു.
സാങ്കേതികമായ കാര്യങ്ങളിൽ അധ്യാപകരോടൊപ്പം നിന്ന് അവരെ സഹായിക്കുകയും പരിശീലനസമയത്ത സഹപാഠികളെ സഹായിക്കുകയും ചെയ്യുന്നത് ലിറ്റിൽ കൈറ്റ്സ് അംഗങ്ങളാണ്.അതാത് ക്ലാസുകളിലെ ലിറ്റിൽ കൈറ്റ്സ് അംഗങ്ങൾ തങ്ങളുടെ ക്ലാസുകളുടെ ഐ.ടി പ്രാക്ടിക്കലിന് സഹായം നൽകുന്നുണ്ട്.
പൊതുപരിപാടികളിൽ ഫോട്ടോഗ്രാഫർമാരാകുന്നു.സീനിയേഴ്സ് ജൂനിയേഴ്സിന് ക്യാമറ പരിശീലനം നൽകുന്നു.
പ്രവേശനോത്സവം,സുരീലി ഹിന്ദി,ഹലോ ഇംഗ്ലീഷ് തുടങ്ങിയ പരിപാടികളിൽ പ്രധാന പരിപാടികളുടെ ഫോട്ടോഗ്രാഫർമാരാകുന്നത് റെനോയിയുടെയും ദയാനന്ദിന്റെയും നേതൃത്വത്തിലുള്ള ലിറ്റിൽ കൈറ്റ്സ് അംഗങ്ങളാണ്. മാത്രമല്ല മറ്റു കുട്ടികൾക്ക് ഇവർ പരിശീലനം നൽകുകയും ചെയ്തു വരുന്നു.
യൂട്യൂബ് സ്കൂൾ വിദ്യാഭ്യാസ വീഡിയോകൾ തയ്യാറാക്കാൻ സഹായിക്കുന്നു.
സ്കൂൾ യൂട്യൂബ് ചാനലുകളിലെ വീഡിയോ തയ്യാറാക്കാൻ ലിറ്റിൽ കൈറ്റ്സ് അംഗങ്ങൾ ലിസി ടീച്ചറിന്റെയും പ്രിയങ്ക ടീച്ചറിന്റെയും നേതൃത്വത്തിൽ നടക്കുന്ന വീഡിയോ നിർമാണത്തിൽ പങ്കാളികളാകുന്നു.കേ‍ഡൻ ലൈവിലാണ് പ്രധാനമായും വീഡിയോ എഡിറ്റിംഗ് നടത്തുന്നത്.മൊബൈലിൽ ഓഡിയോ റിക്കോർഡ് ചെയ്ത് പെൻ ഡ്രൈവിലാക്കി ലാപ്പിൽ കോപ്പി ചെയ്താണ് വീഡിയോടൊപ്പമുള്ള ഓഡിയോ മിക്സിംഗ് നടത്തുന്നത്.
സത്യമേവ ജയതേ,അതിജീവനം,ഹലോ ഇംഗ്ലീഷ്,സുരീലി ഹിന്ദി തുടങ്ങിയ പ്രോഗ്രാമുകളിൽ സാങ്കേതിക സഹായം നൽകി.
സ്കൂളിന്റെ പൊതു പരിപാടികളിൽ ലാപ്ഡടോപ്പിന്റെയും പ്രൊജക്ടറിന്റെയും കാര്യങ്ങൾ കൈകാര്യം ചെയ്യുന്നത് ഇവർ തന്നെയാണ്.ആവശ്യാനുസരണം പരിപാടികൾക്കായുള്ള സാങ്കേതിക സഹായം നൽകിവരുന്നു.സത്യമേവ ജയതേ അധ്യാപകപരിശീലനത്തിനു ശേഷം ലിറ്റിൽ കൈറ്റ്സുകാർക്ക് ക്ലാസ് നൽകുകയും അവരിൽ താല്പര്യമുള്ള കുറച്ചു പേരെ മറ്റു ക്ലാസുകളിൽ അധ്യാപകരെ സഹായിക്കാനായി നിയോഗിക്കുകയും ചെയ്തു.ദേവനന്ദ,ഗോപിക എന്നിവരുടെ സഹായം എടുത്തുപറയേണ്ടതാണ്.
ചിത്രശാല - യൂണിറ്റ് ക്യാമ്പ് 2022

നോട്ടം -ലൈബ്രറി ബുക്ക് ഡിജിറ്റലൈസേഷൻ
ലൈബ്രേറിയൻ റെൻഷിയും സിമിടീച്ചറും ചേർന്ന് രൂപപ്പെടുത്തിയ ആശയമാണ് നോട്ടം.ലിറ്റിൽ കൈറ്റ്സിലെ കുട്ടികളാണ് ഇതിന് സഹായിക്കുന്നത്.ഫോട്ടോ എടുക്കുന്നത് റിനോയിയും അജിത്തും കിഷോറും ചേർന്നാണ്.നന്ദനയും അൽഫിയയും സംഗീതയും ചേർന്ന് അത് റിസൈസ് ചെയ്ത് നൽകി.കുട്ടികൾ ലിസി ടീച്ചറിന്റെ സഹായത്തോടെ സ്കൂൾ വിക്കിയിൽ ഇത് അപ്‍ലോഡ് ചെയ്യുന്നു.റെൻഷി വേണ്ട മാർഗനിർദ്ദേശങ്ങൾ നൽകിവരുന്നു.

@@ വരി 17: / വരി 17: @@
 == പഠനോത്സവം പങ്കാളിത്തം ==
 പഠനോത്സവത്തിന്റെ മുഴുവൻ വീഡിയോയും പകർത്തികൊണ്ട് ലിറ്റിൽ കൈറ്റ്സ് അംഗങ്ങൾസജീവമായി രംഗത്തുണ്ടായിരുന്നു.മാത്രമല്ല തുടർന്ന് വീഡിയോ എഡിറ്റിംഗ് നടത്തിയതും ഇവർ തന്നെയാണ്.ലിറ്റിൽ കൈറ്റ്സ് സബ്‍ജില്ലാ ക്യാമ്പിൽ പങ്കെടുത്ത് സെലക്ഷൻ ലഭിച്ച് ജില്ലാ ക്യാമ്പിലെത്തി അവിടെ നിന്ന് പഠിച്ച പൈത്തണിലെ പ്രോഗ്രാം തത്സമയം ചെയ്ത് സെൻസറും ബസറും പ്രവർത്തിപ്പിച്ച അബിയ എസ് ലോറൻസ് താരമായി മാറി.എല്ലാവരും കൈയടിയോടെയാണ് ബസറിന്റെ പ്രവർത്തനം പ്രോത്സാഹിപ്പിച്ചത്.മറ്റ് കുട്ടികളിൽ ലിറ്റിൽ കൈറ്റ്സ് പ്രവർത്തനങ്ങളോടും പ്രത്യേകിച്ച് പ്രോഗ്രാമിങ്ങിനോട് പ്രതിപത്തി ഉണ്ടാകാൻ ഈ പഠനപ്രവർത്തനം ഉപകരിച്ചു.
-== <center><b><font size=7>2022-2023 പ്രവർത്തനങ്ങൾ</center></b></font size=7> ==
 == ഡിസ്ട്രിക് തല ക്യാമ്പ് 2023 ==
 [[പ്രമാണം:44055 District camp.png|ലഘുചിത്രം]]