"സി. എം. സി ഗേൾസ് എച്ച്. എസ് എലത്തൂർ/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

13:59, 5 മാർച്ച് 2022-നു നിലവിലുണ്ടായിരുന്ന രൂപം

ആദി ദ്രാവിഡ വിദ്യാലയം എന്ന പേരിൽ എലത്തൂരിൽ പ്രവർത്തിച്ചിരുന്ന വിദ്യഭ്യാസസ്ഥാപനം മഹാമനസ്കനായ ശ്രീ സി എം ചെറിയേക്കെൻ 1932 ൽ ഏറ്റെടുത്തു ആത്മപ്രബോധിനി സ്കൂൾ എന്ന പേരിൽ പ്രവർത്തനം ആരംഭിച്ചു. കോഴിക്കോടിന്റെ വിദ്യാഭ്യസ മേഖലയ്ക് ലഭിച്ച ഒരനുഗ്രഹമായിരുന്നു അത് . പിന്നീട് ഹൈസ്കൂൾ ആയി ഉയർത്തിയ സ്ഥാപനത്തിന് ൽ മദ്രാസ് ഗവൺമെന്റിന്റെ അംഗീകാരം ലഭിച്ചു. 1949 ൽ ആദ്യത്തെ എസ് എസ് എൽ സി ബാച്ച് പുറത്തിറങ്ങി.

അടിക്കടി വളർന്നു വന്ന സ്ഥാപനം വിദ്യാർത്ഥികളുടെ ആധിക്യം കാരണം ൽ സി എം സി ബോയ്സ് ഹൈസ്കൂൾ , സി എം സി ഗേൾസ് ഹൈസ്കൂൾ, എ പി എൽ പി സ്കൂൾ എന്നിങ്ങനെ മൂന്നായി വിഭജിച്ചു . ജില്ലയുടെ പലഭാഗങ്ങളിൽ നിന്നും അന്ന് വിദ്യാർത്ഥികൾ എവിടെ പഠിക്കാൻ എത്തിയിരുന്നു. താമരശ്ശേരി ,കരുമല, ബാലുശ്ശേരി ,ചീക്കിലോട് ,അത്തോളി ,ചേളന്നൂർ തുടങ്ങിയ പല സ്ടലങ്ങളിൽ നിന്നുമുള്ള വിദ്യാർത്ഥികൾ അക്കാലത്തു സി എം സി യിൽ ആയിരുന്നു പഠനം നടത്തിയിരുന്നത്.

സർവ്വ ശ്രീ ജോർജ് ചാക്കോ, കെ ശേഖരൻ, കെ സാമുവൽ ,പി കുമാരൻ , ശ്രീ അമ്പുകുട്ടി എന്നിവർ ഈ സ്ഥാപനത്തിന്റെ ആദ്യകാല ഹെഡ്മാസ്റ്റർമാരായിരുന്നു. ൽ മദ്രാസ് ഗവൺമെന്റിന്റെ അംഗീകാരത്തോടെ സി എം സി ഹൈസ്കൂൾ മാനേജിങ് കമ്മിറ്റി രജിസ്റ്റർ ചെയ്യപ്പെട്ടു. ആ വര്ഷം തന്നെ ജൂൺ 25ആം തീയ്യതി വിദ്യാർത്ഥികളും അധ്യാപകരുമായി ആത്മപ്രബോധിനി കെട്ടിടത്തിൽ സി എം സി ഹൈസ്കൂൾ ഉദ്‌ഘാടനം ചെയ്യപ്പെട്ടു. ഈ വിദ്യാലയത്തിന്റെ പ്രഥമ പ്രധാനാദ്ധ്യാപകനായിരുന്നു ശ്രീ എൻ ഗോവിന്ദൻ മാസ്റ്റർ . പരിചയവും പക്വതയും കർമ്മശേഷിയും ഒത്തിണങ്ങിയ അദ്ദേഹത്തിന്റെ കരങ്ങളിലേക് ഹൈസ്കൂൾ ഏല്പിക്കപ്പെട്ടപ്പോൾ അത് സ്കൂളിന്റെ സമ്പൂർണ വളർച്ചയ്ക്കുള്ള അടിസ്ഥാനമുറപ്പിക്കൽ ആയിരുന്നു.

ഗോവിന്ദൻ മാസ്റ്റർക്ക് ശേഷം ശ്രീ കെ വി ജെ പോളും ശ്രീ കെ കൃഷ്ണനും പ്രധാനാദ്ധ്യാപകരായി ഈ വിദ്യാലയത്തിൽ സേവനമനുഷ്ഠിച്ചു . 1977 ൽ മൂന്ന് സ്കൂളുകളായി വിഭജിച്ചതിനു ശേഷം ബോയ്സ് ഹൈസ്കൂളിൽ വി കെ പരമേശ്വരൻ നമ്പീശനും ഗേൾസ് ഹൈസ്കൂളിൽ ശ്രീ എം പി ശ്രീമതി ടീച്ചറും എ പി എൽ പി ൽ ശ്രീ അച്യുതൻ മാസ്റ്ററും പ്രധാനാദ്ധ്യാപകരായി. വിദ്യാർത്ഥികളുടെ വളർച്ചക്കാവശ്യമായതെന്തും സ്വീകരിച്ചു നടപ്പാക്കുന്നതിൽ സ്ഥാപക മാനേജർ കാണിച്ച ശുഷ്ക്കാന്തി അദ്ദേഹത്തിന്റെ മകൻ ശ്രീ സി എം ചന്തപ്പൻ അവർകളും കാണിച്ചിരുന്നു. 1984 ൽ ആ മഹാമനസ്കൻ ഇഹലോകവാസം വെടിഞ്ഞപോൾ അദ്ദേഹത്തിന്റെ സഹോദരൻ ശ്രീ ചന്തുക്കുട്ടി അവർകൾ ഈ സ്ഥാപനത്തിന്റെ മാനേജരായി. അദ്ദേഹവും തന്റെ മുൻഗാമികളെ പോലെ സ്കൂളിന്റെ സർവതോന്മുഖമായ വളർച്ചയ്ക്കുവേണ്ടി അനുസ്യൂതമായി പ്രവർത്തിച്ചുകൊണ്ടിരിക്കുന്നു .

പാഠ്യവിഷയങ്ങൾക്കും പഠ്യേതരവിഷയങ്ങൾക്കും തുല്യപ്രാധാന്യം നൽകുന്ന സി എം സി ഗേൾസ് സ്കൂളിൽ എൻ സി സി (ആർമി & നേവൽ), ഗൈഡ്‌സ് , ജെ ആർ സി , ലിറ്റിൽ കൈറ്റ്സ് എന്നിവയും വിവിധ ക്ലബ്ബുകളും കാര്യക്ഷമമായി പ്രവർത്തിക്കുന്നു. കാര്യക്ഷമമായ ഒരു പി ടി എ ഈ സ്കൂളിന്റെ വിലപ്പെട്ട ഒരു സമ്പത്താണ്.