കൊളവല്ലൂർ ഈസ്റ്റ് എൽ.പി.എസ്

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

കൊളവല്ലൂർ ഈസ്റ്റ് എൽ.പി.എസ്
വിലാസം
കൊളവല്ലൂർ കൊളവല്ലൂർ ഈസ്റ്റ് എൽ പി സ്കൂൾ,കൊളവല്ലൂർ , തൂവക്കുന്നു പി.ഒ. , 670693 , കണ്ണൂർ ജില്ല
സ്ഥാപിതം	01 - 06 - 1924
വിവരങ്ങൾ
ഫോൺ	0490 2462420
ഇമെയിൽ	kolavallooreastlps@gmail.com
വെബ്‍സൈറ്റ്	kolavallooreastlps.blogspot.com
കോഡുകൾ
സ്കൂൾ കോഡ്	14511 (സമേതം)
യുഡൈസ് കോഡ്	32020600713
വിക്കിഡാറ്റ	Q64460373
വിദ്യാഭ്യാസ ഭരണസംവിധാനം
റവന്യൂ ജില്ല	കണ്ണൂർ
വിദ്യാഭ്യാസ ജില്ല	തലശ്ശേരി
ഉപജില്ല	പാനൂർ
ഭരണസംവിധാനം
ലോകസഭാമണ്ഡലം	വടകര
നിയമസഭാമണ്ഡലം	കൂത്തുപറമ്പ്
താലൂക്ക്	തലശ്ശേരി
ബ്ലോക്ക് പഞ്ചായത്ത്	കൂത്തുപറമ്പ
തദ്ദേശസ്വയംഭരണസ്ഥാപനം	പഞ്ചായത്ത്,കുന്നോത്തുപറമ്പ്‌,,
വാർഡ്	6
സ്കൂൾ ഭരണ വിഭാഗം
സ്കൂൾ ഭരണ വിഭാഗം	എയ്ഡഡ്
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി
സ്കൂൾ തലം	1 മുതൽ 4 വരെ
മാദ്ധ്യമം	മലയാളം
സ്ഥിതിവിവരക്കണക്ക്
ആൺകുട്ടികൾ	22
പെൺകുട്ടികൾ	14
ആകെ വിദ്യാർത്ഥികൾ	36
അദ്ധ്യാപകർ	5
സ്കൂൾ നേതൃത്വം
പ്രധാന അദ്ധ്യാപകൻ	പ്രധിൻ എൻ കെ
പി.ടി.എ. പ്രസിഡണ്ട്	കണ്ണനാൻണ്ടിയിൽ റഫീഖ്
എം.പി.ടി.എ. പ്രസിഡണ്ട്	സവിത
അവസാനം തിരുത്തിയത്
04-01-2022	Mps

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

ചരിത്രം

   കുന്നോത്ത് പറമ്പ് ഗ്രാമപഞ്ചായത്തിലെ വാർഡ് 6 -ൽ കൊളവല്ലൂർ ഗ്രാമത്തിൽ സ്ഥിതി ചെയ്യുന്ന കൊളവല്ലൂർ ഈസ്റ്റ് എൽ പി സ്കൂൾ, കൊട്ടാരത്ത് സ്കൂൾ എന്നാണ് അറിയപ്പെടുന്നത്. ഇത് ഒരു വയലിന്റെ കരയിലാണ് . സ്കൂളിന് തൊട്ടു മുന്നിലൂടെ ഒരു കൊച്ചു തോട് ഒഴുകുന്നുണ്ട്. 

   കിഴക്കേ കൊളവല്ലൂർ എലിമെന്റി സ്കൂൾ എന്ന പേരിൽ 1924 ൽ ആണ് ഈ വിദ്യാലയം സ്ഥാപിതമായത്. ശ്രീ കല്ലുള്ളതിൽ രാമൻ ഗുരുക്കളാണ് ഇതിന്റെ സ്ഥാപകൻ. നിലത്തെഴുത്ത് പള്ളിക്കൂടമായി തുടങ്ങി ക്രമേണ അംഗീകാരം ലഭിച്ചതാണ്. ഇവിടുത്തെ അഡ്മിഷൻ രജിസ്റ്റർ പ്രകാരം ഒന്നാമതായി പ്രവേശനം നേടിയ വിദ്യാർത്ഥി കറുത്തന്റവിടെ കൊറുമ്പൻ - s/o കണ്ണൻ ആണ്. 1924 -25 കാലഘട്ടത്തിൽ ഇവിടുത്തെ ഗുരുക്കന്മാർ ശ്രീ.പി.കുഞ്ഞിക്കുറുമ്പൻ, ഇ.എം.കുങ്കൻ നായർ, സി.എച്ച്.അസ്സൻ, പി.കുഞ്ഞിക്കണാരൻ എന്നിവരാണ്. 1 മുതൽ 5 വരെ ക്ലാസ്സുകൾ അന്നുണ്ടായിരുന്നു. പിന്നീട് കുട്ടികളുടെ കുറവ് നിമിത്തം 5-)o ക്ലാസ്സ് എടുത്തു പോയി.

   വിദ്യാഭ്യാസ പരമായും സാമൂഹ്യമായും വളരെ പിന്നോക്കാവസ്ഥയിലായിരുന്ന നാട്ടുകാർക്ക് ഈ വിദ്യാലയം അനുഗ്രഹം തന്നെയായിരുന്നു. വളരെ പരിമിതമായ സൗകര്യമേ ഉണ്ടായിരുന്നുള്ളുവെങ്കിലും ചുറ്റുപാടുമുള്ള കുട്ടികൾക്ക് പ്രാഥമിക വിദ്യാഭ്യാസം നൽകുന്നതിൽ ഈ സ്കൂൾ മുഖ്യ പങ്കു വഹിച്ചു. ഈ വിദ്യാലയത്തിന്റെ മൂശയിലൂടെ പുറത്തു വന്നവരിൽ വിദ്യാഭ്യാസപരമായും സാമൂഹ്യമായും ഉയർന്ന നേട്ടം കൈവരിച്ചവർ നിരവധിയാണ്.

   1941 കാലഘട്ടത്തിൽ ഇവിടുത്തെ അധ്യാപകരായിരുന്നു, ശ്രീ.കൃഷ്ണപ്പണിക്കർ, കെ നാരായണൻ നമ്പ്യാർ, വി.കുഞ്ഞപ്പക്കുറുപ്പ് എന്നിവർ. പിന്നീട് വളരെക്കാലം പ്രധാനാധ്യാപകനായി വിരമിച്ച ശ്രീ.കെ.കുഞ്ഞിരാമപ്പണിക്കറും സഹാധ്യാപകരായ പി.കുഞ്ഞിരാമൻ നായർ , കെ.സി. കടുങ്ങോൻ , വി.കെ.അനന്തൻ മാസ്റ്റർ, കെ.ഗോപാലപ്പണിക്കർ എന്നിവരും ഇവിടത്തെ പഴയ കാല അധ്യാപകരായിരുന്നു. ഗോപാലപ്പണിക്കർ പ്രധാനാധ്യാപകനായും മാനേജരായും സേവനമനുഷ്ഠിച്ചിട്ടുണ്ട്.

   ആദ്യ കാലത്ത് ഹിന്ദുക്കുട്ടികൾ മാത്രമേ ഇവിടെ പഠിച്ചിരുന്നുള്ളൂ. 1976 ൽ ഏതാനും മുസ്ലീം കുട്ടികളെ ചേർക്കുകയും അറബിക് പോസ്റ്റ് അനുവദിക്കുകയും ചെയ്തു.

   2003 മെയ് 31 ന് സർവീസിൽ നിന്ന് വിരമിച്ച ശ്രീമതി കെ.കെ.ആസ്യ ടീച്ചർ ദീർഘകാലം ഇവിടെ പ്രധാനാധ്യാപികയായിരുന്നു. കൂടാതെ നീഡിൽ വർക്ക് ടീച്ചറായ ലക്ഷ്മിക്കുട്ടി ടീച്ചറും ഇവിടെ നിന്ന് വിരമിച്ചു. ഇവിടത്തെ അധ്യാപകനായിരിക്കെ ശ്രീ.പി.ബാലൻ മാസ്റ്റർ 1994 ൽ അകാല ചരമമടഞ്ഞത് സ്കൂൾ ചരിത്രത്തിലെ ഒരു ദു:ഖ സ്മരണയാണ്. അവസാനമായി ഇവിടെ നിന്ന് വിരമിച്ച അധ്യാപകൻ ശ്രീ.എം.പി.മുകുന്ദൻ മാസ്റ്ററാണ്. അതിനു മുൻ വർഷങ്ങളിൽ വിരമിച്ച അധ്യാപകരാണ്, ശ്രീ.കെ .പി.അമ്മദ് മാസ്റ്റർ (അറബിക്), ശ്രീമതി.കെ, ശ്രീ.കെ.ബാലൻ മാസ്റ്റർ, നാണി.സി.വി എന്നിവർ.
  ഇപ്പോൾ 1 മുതൽ 4 വരെ ക്ലാസ്സുകളിലായി 28 ആൺകുട്ടികളും 32 പെൺകുട്ടികളുമടക്കം 60 വിദ്യാർത്ഥികൾ ഇവിടെ പഠിക്കുന്നു. കൂടുതലും മുസ്ലീം കുട്ടികളാണ് . 2012-13 അധ്യയന വർഷത്തിൽ ന്യൂനപക്ഷ വിദ്യാലയമായി അംഗീകരിച്ചിട്ടുണ്ട്. ന്യൂനപക്ഷ പദവി ലഭിച്ചിട്ടുള്ള ചുരുക്കം ചില വിദ്യാലയങ്ങളിൽ ഈ വിദ്യാലയവും ഉൾപ്പെടുന്നു. 2013 വരെ മുസ്ലീം കലണ്ടർ പ്രകാരം പ്രവർത്തിച്ചു വരികയായിരുന്ന ഈ വിദ്യാലയം ഇന്ന് ജനറൽ കലണ്ടർ പ്രകാരം പ്രവർത്തിക്കുന്നു.
   സ്കൂളിന്റെ പുരോഗമന കാര്യത്തിൽ സഹകരിക്കുന്ന പി.ടി.എ യും മദർ പി.ടി.എ യും ഉണ്ട്. ഇപ്പോഴത്തെ പി.ടി.എ പ്രസിഡന്റ് അനീഷ് പി.സിയും മദർ പി.ടി.എ പ്രസിഡന്റ് പോണാം വീട്ടിൽ സഫീജയുമാണ്. പാഠ്യ-പാഠ്യേതര പ്രവർത്തനങ്ങളിൽ ഇന്ന് ഈ വിദ്യാലയം മുന്നിട്ടു നിൽക്കുന്നു. ഇവിടെ പഠിച്ചു പോയ വിദ്യാർത്ഥികൾ എസ്.എസ്.എൽ.സി പരീക്ഷകളിലും മറ്റ് ഉന്നത പരീക്ഷകളിലും മികച്ച വിജയം കൈവരിക്കാറുണ്ട്. പഠന നിലവാരത്തിലും കലാ-കായിക മത്സരങ്ങളിലും മേളകളിലും മികച്ച നിലവാരം പുലർത്തുന്നു.

   ഇപ്പോൾ വി.പി.മൂസ്സഹാജിയാണ് മാനേജർ. ഇപ്പോഴത്തെ പ്രധാനാധ്യാപകൻ ശ്രീ.പ്രധിൻ.എൻ.കെ യും സഹാധ്യാപകർ ശ്രീ.നജീം.എം.പി ( അറബിക്), ശ്രീമതി. നിഖില മഠത്തിൽ,  ശ്രീമതി.മേഘ.എം.പി,ശ്രീമതി ഗിബിഷ.പി എന്നിവരുമാണ്. 

   പണക്കൊഴുപ്പും പൊങ്ങച്ചവും മുഖമുദ്രയായുള്ള അൺ എയ്ഡഡ് - ഇംഗ്ലീഷ് മീഡിയം സ്കൂളുകൾ നാട്ടിൽ പെരുകുമ്പോൾ ഒരു നൂറ്റാണ്ടോളം ഈ പ്രദേശത്തിന് അക്ഷര ചൈതന്യം നൽകിവരുന്ന ഈ വിദ്യാലയത്തിന്റെ നിലനില്പും വളർച്ചയും പ്രദേശത്തിന്റെ ചരിത്രത്തോടും സംസ്കാരത്തോടുമുള്ള സാമൂഹ്യ ഉത്തരവാദിത്വമാണ്.

ഭൗതികസൗകര്യങ്ങൾ

നൂറു വർഷത്തോളം പഴക്കമുള്ള കൊളവല്ലൂർ ഈസ്റ്റ് എൽപി സ്കൂൾ ഇന്ന് ഇരു നിലകളിലായി കോൺക്രീറ്റ് കെട്ടിടത്തിൽ പ്രവർത്തനം തുടർന്നു വരുന്നു. കുട്ടികൾക്ക് യഥേഷ്ടം കളിക്കാൻ പാകത്തിലുള്ള വിസ്താരമുള്ള കളിസ്ഥലം സ്കൂളിൻറെ വലിയ ഒരു പ്രത്യേകതയാണ്.

പാഠ്യേതര പ്രവർത്തനങ്ങൾ

• നേർക്കാഴ്ച

ക്ലബ്ബ് പ്രവർത്തനങ്ങൾ വിവിധ ക്ലബ്ബുകളുടെ പ്രവർത്തനം അധ്യാപകരുടെ നേതൃത്വത്തിൽ മികച്ചരീതിയിൽ സ്കൂളിൽ നടന്നു വരുന്നു.

മലയാളം ക്ലബ് 

കുട്ടികൾക്ക് മലയാളഭാഷയോട് താല്പര്യം ജനിപ്പിക്കുന്ന തരത്തിലുള്ള വൈവിധ്യമാർന്ന പ്രവർത്തനങ്ങൾ നടത്തിവരുന്നു.

ഇംഗ്ലീഷ് ക്ലബ്ബ്

കുട്ടികൾക്ക് ഇംഗ്ലീഷ് ഭാഷ യഥേഷ്ടം കൈകാര്യം ചെയ്യാൻ ഉതകുന്ന പ്രവർത്തനങ്ങൾ ഇംഗ്ലീഷ് ക്ലബ്ബിൻറെ നേതൃത്വത്തിൽ നടത്തിവരുന്നു.

പരിസ്ഥിതി ക്ലബ്

ശാസ്ത്രബോധം വളർത്തുന്ന തരത്തിലുള്ള പ്രവർത്തനങ്ങൾ ശാസ്ത്ര ക്ലബ്ബിൻറെ നേതൃത്വത്തിൽ നടത്തിവരുന്നു.

ഗണിത ക്ലബ്ബ്

ഗണിത പ്രവർത്തനങ്ങൾ ജീവിതഗന്ധിയായി അവതരിപ്പിക്കുകയും കുട്ടികളിൽ ഗണിത തോടുള്ള ഭയം അകറ്റി താൽപര്യം ജനിപ്പിക്കുകയും ചെയ്യുന്ന പ്രവർത്തനങ്ങൾ നടത്തി വരുന്നു.

ആരോഗ്യ ക്ലബ്ബ്

ആരോഗ്യ ക്ലബ്ബിൻറെ നേതൃത്വത്തിൽ കുട്ടികളിലെ ശുചിത്വ ശീലങ്ങൾ വളർത്തുന്നതരത്തിൽ ഉള്ള പ്രവർത്തനങ്ങൾ നടത്തി വരുന്നു.

ഇംഗ്ലീഷ് ക്ലബ്ബ്

കുട്ടികൾക്ക് ഇംഗ്ലീഷ് ഭാഷ യഥേഷ്ടം കൈകാര്യം ചെയ്യാൻ ഉതകുന്ന പ്രവർത്തനങ്ങൾ ഇംഗ്ലീഷ് ക്ലബ്ബിൻറെ നേതൃത്വത്തിൽ നടത്തിവരുന്നു.

പരിസ്ഥിതി ക്ലബ്

ശാസ്ത്രബോധം വളർത്തുന്ന തരത്തിലുള്ള പ്രവർത്തനങ്ങൾ ശാസ്ത്ര ക്ലബ്ബിൻറെ നേതൃത്വത്തിൽ നടത്തിവരുന്നു.

ഗണിത ക്ലബ്ബ്

ഗണിത പ്രവർത്തനങ്ങൾ ജീവിതഗന്ധിയായി അവതരിപ്പിക്കുകയും കുട്ടികളിൽ ഗണിത തോടുള്ള ഭയം അകറ്റി താൽപര്യം ജനിപ്പിക്കുകയും ചെയ്യുന്ന പ്രവർത്തനങ്ങൾ നടത്തി വരുന്നു.

ആരോഗ്യ ക്ലബ്ബ്

ആരോഗ്യ ക്ലബ്ബിൻറെ നേതൃത്വത്തിൽ കുട്ടികളിലെ ശുചിത്വ ശീലങ്ങൾ വളർത്തുന്നതരത്തിൽ ഉള്ള പ്രവർത്തനങ്ങൾ നടത്തി വരുന്നു.

മാനേജ്‌മെന്റ്

കൊളവല്ലൂർ കല്ലിൽ പറേമ്മൽ ഇഹ്യാഉൽ ഇസ്ലാം കമ്മിറ്റി.

മുൻസാരഥികൾ

ശ്രീ കല്ലുള്ളതിൽ രാമൻ ഗുരുക്കൾ നിലത്തെഴുത്ത് പള്ളിക്കൂടം ആയി ആരംഭിച്ച ഈ വിദ്യാലയം പിന്നീട് കെ. ഗോപാലപ്പണിക്കർ ഏറ്റെടുക്കുകയും, ഇന്ന് കൊളവല്ലൂർ കല്ലിൽ പറേമ്മൽ ഇഹ്യാഉൽ ഇസ്ലാം കമ്മിറ്റി മാനേജ്മെൻ്റ് സ്ഥാനം അലങ്കരിക്കുകയും ചെയ്യുന്നു.

വഴികാട്ടി

{{#multimaps:11.758077,75.627103| width=800px | zoom=16 }} പാനൂർ - നാദാപുരം റോഡിൽ പാറാട് കവലയിൽ നിന്നും ഒന്നര കിലോമീറ്റർ സഞ്ചരിച്ച് ഞൂനമ്പ്രം എന്ന സ്ഥലത്തിനടുത്തായാണ് കൊളവല്ലൂർ ഈസ്റ്റ് എൽ.പി സ്കൂൾ സ്ഥിതി ചെയ്യുന്നത്.

പാറാട് നിന്നും കുന്നോത്ത്പറമ്പ് ഭാഗത്തേക്ക് പോകുമ്പോൾ വലത്തുഭാഗത്തായി ഉള്ള 'സർവീസ് സ്റ്റേഷൻ റോഡ് ' ലൂടെ ചെറുപ്പറമ്പ് ഭാഗത്തേക്ക് ഒന്നര കിലോമീറ്ററോളം സഞ്ചരിച്ചാൽ ഈ വിദ്യാലയത്തിലേക്ക് എത്തിച്ചേരും.

ബസ് റൂട്ട് സൗകര്യം ഇല്ല.