"ഗവ.വിഎച്ച്എസ്എസ് മാനന്തവാടി/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

'''           മലബാറിലെ, വിശിഷ്യ, വയനാട്ടിലെ റോഡുനിർമ്മാണത്തിൽ നാം മൈസൂർ ഭരണാധികാരിയായിരുന്ന ടിപ്പു സുൽത്താനോട് കടപ്പെട്ടിരിക്കുന്നു. പേരിയ, കുറ്റ്യാടി, താമരശ്ശേരി ചുരം റോഡുകൾ എല്ലാം തന്നെ നിർമ്മിച്ചത് ടിപ്പുവിന്റെ മലബാറിലെ പടയോട്ടക്കാലത്താണ്. എല്ലാ റോഡുകളും എത്തിച്ചേരുന്നത് ശ്രീരാഗ പട്ടണ(മൈസൂർ)ത്തേക്കാണ്. അന്ന് കുരുമുളക്, ചന്ദനം, ധാന്യങ്ങൾഎന്നീ ചരക്കുഗതാഗതങ്ങൾക്കുപരിയായി സൈന്യങ്ങളുടെയും, സൈനിക ഉപകരണങ്ങളുടെയും ഗതാഗതത്തിനായി ഈ റോഡുകൾ ഉപയോഗിക്കപ്പെട്ടു എന്ന കാര്യം ശ്രദ്ധേയമാണ്. പിന്നീട് ഈസ്റ്റ് ഇന്ത്യാ കമ്പനി മലബാറിന്റെ ഭരണമേറ്റെടുത്തശേഷം ഈചുരം റോഡുകൾ സംരക്ഷിച്ച് നിലനിർത്തുകയാണ് ഉണ്ടായത്. പ്രത്യേകിച്ചും പഴശ്ശികലാപങ്ങളെ നേരിടാൻ താമരശ്ശേരി-കുറ്റ്യാടിചുരങ്ങൾ ബ്രിട്ടീഷുകാർക്ക് വളരെ സഹായകമായി തീർന്നു. ഇന്നും വയനാടിന്റെ വികസനത്തിൽ ഈ റോഡുകൾ പ്രധാനമായഒരു പങ്കു വഹിക്കുന്നുണ്ട്. പക്ഷേ സ്കൂളിന്റെ ആരംഭകാലഘട്ടത്തിൽ ഇവിടെ കാൽനടയാത്രയ്ക്ക് തന്നെയാണ് പ്രാധാന്യം. പേരിയ-കുറ്റ്യാടി ചുരം വഴി നടന്നാണ് അന്ന് മാനന്തവാടിക്കാർ തലശ്ശേരിയിലും കോഴിക്കോട്ടും പോയിരുന്നത്. എത്രമാത്രം സാഹസികവും ഭയാനകവുമായിരിക്കും ആ യാത്രകൾ. 1918ൽ കോഴിക്കോട്ടേയ്ക്ക് ഒരു നിക്ളസ് ബസും, പിന്നീട് 1923 ൽ തലശ്ശേരിയിലേക്ക് കാടാച്ചിറബസും മാനന്തവാടിയിൽ നിന്നും സർവ്വീസ് ആരംഭിച്ചു. കാർ രൂപാന്തരപ്പെടുത്തിയ കൊച്ചുവാനുകളായിരുന്നു ഇവ. ഏകദേശം 26 പേർക്ക് യാത്ര ചെയ്യാം, ബസ് ചാർജ്ജ് 5 രൂപ മാത്രം. ഈയൊരു സൗകര്യം കുറച്ചുകൂടി വിദ്യാർത്ഥികൾക്ക് ഹൈസ്കൂൾ പഠനം'''

'''       ജനങ്ങളുടെ പ്രധാന തൊഴിൽ കൃഷി തന്നെയാണ്. സർക്കാർ ജോലിക്കാർ വിരലിലെണ്ണാവുന്നതു മാത്രം. വിവിധ ഓഫീസുകളിൽ ജോലിചെയ്യുന്നവരിൽ ഭൂരിഭാഗവും ജീവനക്കാർ മറ്റു ജില്ലകളിൽ നിന്നും വന്നവരാണ്. എല്ലാ തരത്തിലും ഒരു കുടിയേറ്റ മേഖലയാണ് വയനാട്. മുൻകാലങ്ങളിൽ മാനന്തവാടിയിലെ വ്യാപാരികളേറെയും തലശ്ശേരിയിൽ നിന്നും വന്ന മുസ്ലീങ്ങളാണ്. അന്ന് മാനന്തവാടി താഴെയങ്ങാടിയിൽ വിരലിലെണ്ണാവുന്ന കടകൾ മാത്രമേ ഉണ്ടായിരുന്നുള്ളൂ. സ്കൂൾ സ്ഥാപിച്ച് വർഷങ്ങൾക്ക് ശേഷമാണ് മാനന്തവാടി പട്ടണത്തിന്റെ വിപുലീകരണം നടന്നത്. സർക്കാർ ഓഫീസുകളായി പ്രവർത്തിച്ചിരുന്ന പല കെട്ടിടങ്ങളുംബ്രിട്ടീഷ്കാരുടെ കാലത്ത് നിർമ്മിച്ചവയാണ്. അന്നത്തെ വയനാടൻ കാലാവസ്ഥക്കനുയോജ്യമായ തരത്തിലുള്ള കെട്ടിട നിർമ്മാണരീതി വളരെ ശ്രദ്ധേയമാണ്. അന്നത്തെ സാമൂഹ്യവ്യവസ്ഥയായ ജന്മിത്വം, അതിന്റെ തുടർച്ചയായ അടിമത്തം വയനാടൻ സമൂഹത്തേയും പ്രസിച്ചിരുന്നു. വയനാടൻ മണ്ണിന്റെ സ്വന്തം മക്കളായ നിരക്ഷരരും, നിഷ്കളങ്കരുമായ ആദിവാസികൾ തന്നെയാണ് ചൂഷണം ചെയ്യപ്പെട്ടത്. വയനാടിന്റെ ദേശീയോത്സവമായ വള്ളിയൂർക്കാവ് ഉത്സവം പണ്ട് കാലത്ത് അടിമക്കച്ചവടത്തിന്റെ വേദിയായിരുന്നുവെന്ന് ചരിത്രരേഖകൾ സൂചിപ്പിക്കുന്നു. ഇന്ന് അടിമത്തവും, ജന്മിത്വവും തുടച്ചുമാറ്റപ്പെട്ടുവെങ്കിലും ചൂഷണം തുടരുന്നു. നൂറ്റാണ്ടുകൾക്ക് ശേഷവും ഈ ആദിവാസി ചൂഷണത്തിന്റെ വേരുകൾ പിഴുതെറിയാൻ എന്തേ ആധുനിക സമൂഹം മടിക്കുന്നു?'''

'''       പ്രധാനപ്പെട്ട ദിനാചരണങ്ങൾ, സ്കൂൾ യുവജനോത്സവം, സാഹിത്യസമാജം,സ്കൂൾ പാർലമെന്റ് , സ്കൗട്ട്, എൻ.സി.സിഎന്നിവ ഉൾക്കൊണ്ട് കൊണ്ട് ആധുനിക രീതിയിലുള്ള വിദ്യാഭ്യാസം തന്നെയാണ് അന്ന് നൽകിയിരുന്നത്. കാർഷിക മേഖലയ്ക്കുംവളരെ പ്രാധാന്യമുണ്ടായിരുന്നു. എന്നിരുന്നാലും വിദ്യാർത്ഥികൾക്ക് സമരങ്ങൾ അന്നത്തെ പഠന സാഹചര്യത്തിൽ വളരെയേറെ തടസ്സങ്ങൾ സൃഷ്ടിച്ചിരുന്നു. സാധ്യമായ ദിവസങ്ങൾ വളരെ കുറയ്ക്കുകയും, അതിന്റെ ഫലമായി വിദ്യാർത്ഥികൾ ജീവിതത്തിൽആദ്യമായി അഭിമുഖീകരിക്കുന്ന പൊതുപരീക്ഷയിൽ വളരെ ബുദ്ധിമുട്ടനുഭവപ്പെടുകയും തൽഫലമായി വിജയശതമാനം കുറയുകയുംചെയ്തിരുന്നു. 1967-68 കാലഘട്ടത്തിലാണ് സ്കൂളിൽ ക്ലബ് പ്രവർത്തനങ്ങൾ ആരംഭിക്കുന്നത്. സയൻസ് ക്ലബ്, ആർട്സ്ക്ലബ്, ഫാർമേഴ്സ് ക്ലബ്, സോഷ്യൽ സർവ്വീസ് ലീഗ് തുടങ്ങി വിവിധ ക്ലബുകൾ പ്രവർത്തിച്ചിരുന്നു. ഇവ സ്തുത്യർഹമായ പ്രവർത്തനങ്ങൾതന്നെയാണ് കാഴ്ചവെച്ചത്. ജില്ലയിലാദ്യമായി ഒരു ശാസ്ത്രമേളയ്ക്ക് നേതൃത്വം കൊടുത്തത് ഈ വിദ്യാലയമായിരുന്നു. നിത്യജീവിതവുമായി ബന്ധപ്പെടുത്തി കാർഷികമേഖലയ്ക്ക് വളരെ പ്രാധാന്യം കൊടുത്തുകൊണ്ട് പ്രവർത്തിച്ചിരുന്ന അധ്യാപക നേതൃത്വം ശ്ലാഘനീയമാണ്. ദശകങ്ങൾ പിന്നിട്ടുകൊണ്ടേയിരുന്നു. അധ്യാപക-വിദ്യാർത്ഥി സമൂഹങ്ങളും വിദ്യാലയത്തിൽ മാറിമാറിവന്നു. മാറ്റം അത് പ്രകൃതിയുടെ ഒരു അനിവാര്യതയാണ്. രാഷ്ട്രീയ ബന്ധങ്ങൾ വിദ്യാഭ്യാസമേഖലയെ ശക്തമായി സ്വാധീനിക്കുന്നുണ്ട്. അതിനാൽ ഇവിടെയും മാറ്റങ്ങൾ വന്നുകൊണ്ടേയിരുന്നു.'''

'''    ഇന്ന് സ്കൂൾ ഗവർൺമെന്റ് വൊക്കേഷണൽ ഹയർസെക്കന്ററി സ്കൂൾ-മാനന്തവാടി എന്നാണ് അറിയപ്പെടുന്നത്. ഹൈസ്കൂളിനു ശേഷം വൊക്കേഷണൽ വിഭാഗവും പിന്നീട് ഹയർസെക്കന്ററി വിഭാഗവും വിദ്യാലയത്തിൽ പ്രവർത്തനം ആരംഭിച്ചു.VHSE വിഭാഗം-> 1992 -ലാണ് വൊക്കേഷണൽ ഹയർസെക്കന്ററി വിഭാഗം സ്കൂളിന്റെ ഒരു ശാഖയായി പ്രവർത്തനമാരംഭിക്കുന്നത്.10-ാം ക്ലാസ് പരീക്ഷ പാസ്സാകുന്ന ഒരുപാട് വിദ്യാർത്ഥികൾക്ക് ഉന്നതപഠനം നടത്താനും, വിവിധ തൊഴിലുകൾ സ്വായത്തമാക്കാനും ഈ വിഭാഗം സഹായകമാകുന്നു. അഗ്രികൾച്ചർ, നഴ്സറി മാനേജ്മെന്റ് ആന്റ് ഓർണമെന്റൽ ഗാർഡനിംഗ്, സെറികൾച്ചർ തുടങ്ങിയ കോഴ്സുകൾ ഇവിടെ പ്രവർത്തിക്കുന്നു. ഇന്ന് 100 വിദ്യാർത്ഥികൾ ഇവിടെ പരിശീലനം നടത്തുന്നു. മികച്ച അധ്യാപകനേതൃത്ത്വൽ വളരെ നല്ല പരിശീലനം തന്നെയാണ് വിദ്യാർത്ഥികൾക്ക് ലഭിച്ചുകൊണ്ടിരിക്കുന്നത്.'''

'''HSS വിഭാഗം-> വിദ്യാഭ്യാസ നയങ്ങളുടെ മാറ്റത്തിന്റെ ഭാഗമായി 2000ലാണ് ഹയർ സെക്കന്ററി വിഭാഗം സ്കൂളിൽ പ്രവർത്തനമാരംഭിക്കുന്നത്. ആരംഭദിശയിൽ സയൻസ്-ഹ്യൂമാനിറ്റീസ് കോഴ്സുകളും പിന്നീട് 2014ൽ കൊമേഴ്സ് ഗ്രൂപ്പും ഇവിടെ പ്രവർത്തനമാരംഭിച്ചു. തുടങ്ങിയ കാലം മുതൽ തന്നെ വളരെ മികച്ച നിലവാരം പുലർത്തുന്ന ഒന്നാണ് ഹയർസെക്കന്ററി വിഭാഗം. എൻട്രൻസ് കോച്ചിംഗ്, കരിയർ ഗൈഡൻസ് ക്ലാസുകൾ എന്നിവ ശ്രദ്ധേയമാണ്. മികച്ച അധ്യാപകനേതൃത്വം ശ്രദ്ധേയമായ മറ്റൊരു വസ്തുതയാണ്. പ്രാരംഭദിശയിൽ ഹൈസ്കൂൾ ക്ലാസ് മുറികളിൽ പ്രവർത്തനമാരംഭിച്ച ഈ വിഭാഗത്തിന് ഇന്ന് നിലവാരം പുലർത്തുന്ന കെട്ടിടങ്ങളും ലാബ് സൗകര്യങ്ങളും സ്വന്തമായുണ്ട്. 2013 ലാണ് HSS വിഭാഗം പുതിയ കെട്ടിടത്തിൽ പ്രവർത്തനമാരംഭിച്ചത്. ഇന്ന് 515വിദ്യാർത്ഥികൾ ഇവിടെ അധ്യയനം നടത്തുന്നു.UP-HS വിഭാഗം-> 1117 കുട്ടികൾ അധ്യയനം നടത്തുന്നു. വളരെ നല്ല നിലവാരം പുലർത്തുന്ന വിദ്യാലയങ്ങളിലൊന്നായി ഈ വിദ്യാലയം മാറിയിരിക്കുന്നു. പ്രഗല്ഭരായ അധ്യാപകരുടെ കൂട്ടായ്മയിൽ, പ്രഗല്ഭമായ നേതൃത്വത്തിൻ കീഴിൽ ഇന്ന് ഉയരങ്ങൾ കീഴടക്കിക്കൊണ്ടിരിക്കുന്നു ഈ സരസ്വതീക്ഷേത്രം. 2014-15 വർഷത്തെ സംസ്ഥാന അധ്യാപക അവാർഡ് സ്കൂളിനെ ആദ്യമായി തേടിയെത്തിയിരിക്കുന്നു. ഈ അവാർഡിനർഹനായ പ്രധാനധ്യാപകൻ ശ്രീ. സുരേന്ദ്രൻ സാറിന് ഒരായിരം പൂച്ചെണ്ടുകൾ അർപ്പിക്കട്ടെ. പാഠ്യവിഷയങ്ങൾക്കുപരിയായി ശാസ്ത്ര-ഗണിതശാസ്ത്ര-സാമൂഹ്യശാസ്ത്ര ക്ലബുകൾ, ഹിന്ദി-ഇംഗ്ലീഷ് ലിറ്റററി ക്ലാസുകൾ, ഐ.ടി ക്ലബ്, ഹെൽത്ത് ക്ലബ്, ഹെൽപ് ഡസ്ക് തുടങ്ങി വളരെ വിപുലമായ രീതിയിൽ വിദ്യാർത്ഥികൾക്ക് പരിശീലനം നൽകി വരുന്നു. ആർട്സ്-സ്പോർട്സ് ക്ലബുകളും മികച്ച പ്രവർത്തനങ്ങൾ കാഴ്ചവെക്കുന്നു. 400 മീറ്റർ ട്രാക്കുള്ള പോർട്സ് ഗ്രൗണ്ട് പ്രത്യേകശ്രദ്ധയാകർഷിക്കുന്നു. കൂടാതെ NCC, SPC, JRC, SCOUT & GUID തുടങ്ങിയ സേനാവിഭാഗങ്ങളും സജീവമായി പ്രവർത്തിക്കുന്നു. ഏതായാലും വിദ്യാർത്ഥികളുടെ ബാഹുല്യം ഇന്ന് വളരെ കൂടുതലാണ്. ക്ലാസ് മുറികളിൽ തിങ്ങിയിരുന്നാണ് ഇന്ന് വിദ്യാർത്ഥികൾ അധ്യയനം നടത്തുന്നത്. സർക്കാർ-രാഷ്ട്രീയ നയങ്ങൾ കാരണം കുട്ടികളുടെ വിദ്യാഭ്യാസ അവകാശങ്ങൾ ഇവിടെ ചോദ്യം ചെയ്യപ്പെടുകയാണ്. എത്രയും പെട്ടന്ന് തന്നെ ഇതിനൊരു പരിഹാരമാരമുണ്ടാവുമെന്ന് പ്രത്യാശിക്കട്ടെ....  വിദ്യാലയം ആരംഭിച്ച് 65 വർഷം പിന്നിട്ടപ്പോൾ 20000ൽ അധികം വ്യക്തികൾക്ക് അക്ഷരജ്ഞാനം പകർന്നു നൽകി ഈ വിദ്യാലയം. അവരിൽ സമൂഹത്തിന്റെ ഉന്നതങ്ങളിൽ വിരാജിക്കുന്നവരേറെയുണ്ട്. ഇവരിലൂടെ മാനന്തവാടി എന്ന പ്രദേശം സാമൂഹികപരമായും സാമ്പത്തികപരമായും ഏറെ മുന്നോക്കം പോയിക്കഴിഞ്ഞു. ഇന്ന് ആദിവാസി വിദ്യാർത്ഥികളുടെ അഭയകേന്ദ്രമാണ് ഈ വിദ്യാലയം. അതുകൊണ്ടുതന്നെ പിന്നോക്കാവസ്ഥ നേരിടുന്ന ആദിവാസി മേഖലയുടെ വികസനത്തിനും ഒരു വലിയ മുതൽക്കൂട്ടാണ്. 400മീറ്റർ ട്രാക്കുള്ള ജില്ലയിലെ ഏകവിദ്യാലയമായ ഞങ്ങളുടെ സ്കൂൾ ഒരുപാട് ദേശീയ അന്തർദേശീയ കായികതാരങ്ങളെ'''