"ജി യു. പി. എസ്. ചന്തേര" എന്ന താളിന്റെ പതിപ്പുകൾ തമ്മിലുള്ള വ്യത്യാസം

കൃഷിക്കാരും കർഷകത്തൊഴിലാളികളും മാത്രം അധിവസിക്കുന്ന മാണിയാട്ട് എന്ന ഗ്രാമത്തിൽ യുവാവായ മഞ്ഞരാമപൊതുവളുടെ നേതൃത്വത്തിൽ 1888ൽ മാണിയാട്ട് സ്കൂൾ സ്ഥാപിക്കപ്പെട്ടു തികച്ചും പുതുമയാർന്ന സംഭവമായിരുന്നു അത്. മേൽജാതിയെന്നോ കീഴ്ജാതിയെന്നോ ദരിദ്രനന്നൊ ധനികനെ ന്നോ സ്ത്രീയെന്നോ പുരുഷനെന്നോ ഹിന്ദുവെന്നോ മുസ്ലിമെന്നോ ഉള്ള യാതൊരു വകഭേദവും കുട്ടികളുടെ പ്രവേശനത്തിൽ ഇവിടെ പരിഗണിച്ചിരുന്നില്ല. ഈ സ്ഥാപനം ഒരുപക്ഷേ കാസർഗോഡ് ജില്ലയിലെ ഏറ്റവും പഴക്കം ചെന്ന വിദ്യാലയമാകാം. 26 കൊല്ലം സാമാന്യം നല്ല നിലയിൽ പ്രവർത്തിച്ചു. പിന്നീട് കുറച്ചുകാലം തുടർന്നു പ്രവർത്തിക്കാൻ കഴിയാത്ത സാഹചര്യമുണ്ടായി.1914ൽ ചന്തേരയിൽ ഒരു പോലീസ് സ്റ്റേഷൻ  നിലവിലുണ്ടായിരുന്നു . അവിടുത്തെ സബ് ഇൻസ്പെക്ടറും പോലീസുകാരും ഉടുപ്പി കുന്താപുരം തുടങ്ങിയ വിദൂര പ്രദേശങ്ങളിൽ നിന്നും ഇവിടെ വന്നു ജോലി ചെയ്യുന്നവരായിരുന്നു. കന്നടയായിരുന്നു അവരുടെ മാതൃഭാഷ. മലയാളത്തിലായാലും കുട്ടികൾ പഠിക്കണമെന്നും അതിനൊരു സൗകര്യമൊരുക്കണമെന്നും ആ ഉദ്യോഗസ്ഥർ കരുതിയിരിക്കവെയാണ് മാണിയാട്ട് സ്കൂളിൽ അവരുടെ ശ്രദ്ധയെ ത്തിയത് എഴുത്തച്ഛൻ സർവതന്ത്ര സ്വാതന്ത്ര്യത്തോടെ തന്റെ വിദ്യാലയം താലൂക്ക് ബോർഡിലേക്ക് എഴുതിക്കൊടുത്തു. അത് ഇന്നത്തെ ചന്തേര സ്കൂളായി  രൂപാന്തരപ്പെട്ടു . മഞ്ഞ രാമനെഴുത്തച്ഛൻ തന്നെയായിരുന്നു  ആദ്യത്തെ ഹെഡ്മാസ്റ്റർ. എഴുത്തച്ഛനും അനുജൻ കേളു മാസ്റ്ററും കുറച്ചുകാലം കൂടി അവിടെ തുടർന്നു. അങ്ങനെ നാട്ടിലെ കുട്ടികളോടൊപ്പം പുറത്തു നിന്ന് വന്ന കുറച്ചു കുട്ടികളുടെ കൂടി വിദ്യാഭ്യാസ കേന്ദ്രമായി ചന്തേര സ്കൂൾ  അറിയപ്പെടുകയും ചെയ്തു. അന്നത്തെ പോലീസ് ഇൻസ്പെക്ടറും പോലീസുകാരും മുന്നോട്ടുള്ള പ്രവർത്തനത്തിന് വളരെയേറെ സഹായിച്ചു എന്ന് എടുത്തുപറയേണ്ടതില്ല.

1968 ൽ സ്കൂൾ വാർഷികം ഗംഭീരമായി നടന്നു. അക്കൊല്ലം പ്രധാനപ്പെട്ട മറ്റൊരു സംഭവമുണ്ടായി. ചന്തേര ഗവൺമെന്റ് എൽ പി സ്കൂൾ  യുപി സ്കൂളായി ഉയർത്തപ്പെട്ടു. ആദ്യത്തെ ഏഴാംതരം ബാച്ച് 1971 മാർച്ചിൽ പുറത്തിറങ്ങി.31 കുട്ടികൾ ഉണ്ടായിരുന്നു. ഈ വി കുഞ്ഞമ്പു നായർ , ടി വി കൃഷ്ണൻ, കെ കുഞ്ഞിക്കണ്ണൻ, എ ടി വി കുഞ്ഞമ്പു, കെ ബാലകൃഷ്ണൻ നമ്പ്യാർ, എം ഗോവിന്ദ പൊതുവാൾ കെ രാഘവൻ മാസ്റ്റർ, വി പി രാഘവൻ നമ്പ്യാർ ഇവരൊക്കെയായിരുന്നു  അന്നത്തെ അധ്യാപകർ.            1914 ൽ സ്ഥാപിതമായ ഈ സ്ഥാപനം പിലിക്കോട്  ഗ്രാമ പഞ്ചായത്തിൽ  ചന്തേര സ്ഥിതി ചെയ്യുന്നു. കാലിക്കടവ് തൃക്കരിപ്പൂർ റോഡിൽ ചന്തേര പോലീസ് സ്റ്റേഷന് തെക്കുമാറി റോഡിനരികിലാണ് ഈ വിദ്യാലയം.