"എൽ എഫ് എൽ പി എസ് മണിമല" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ചങ്ങനാശേരി കോർപ്പറേറ്റ് മാനേജ്മെന്റിന്റെ കീഴിൽ പ്രവർത്തിച്ചു വരുന്ന  ഒരു എയ്ഡഡ് പ്രൈമറി സ്കൂളാണ്, മണിമല ലിറ്റിൽ ഫ്ലവർ ലോവർ പ്രൈമറി  സ്കൂൾ . ഇതിന്റെ രക്ഷാധികാരി മാർ. ജോസഫ് പെരുന്തോട്ടവും (ചങ്ങനാശേരി അതിരൂപത മെത്രാപ്പോലീത്ത), കോർപ്പറേറ്റ് മാനേജർ ,റവ.ഫാ. മനോജ് കറുകയിലും,  സ്കൂൾ മാനേജർ, റവ.ഫാദർ ജോർജ് കൊച്ചുപറമ്പിലും ആണ്. കറുകച്ചാൽ സബ്ജില്ലയിലെ  മികച്ച എൽ .പി സ്കൂളുകളിൽ ഒന്നായി മണിമല, ലിറ്റിൽ ഫ്ലവർ സ്കൂൾ പ്രവർത്തിച്ചുവരുന്നു. പാഠ്യ, പാഠ്യേതര  പ്രവർത്തനങ്ങളിൽ ഒരുപോലെ ഊന്നൽ നൽകി മുൻപോട്ടു നീങ്ങിക്കൊണ്ടിരിക്കുന്ന ഈ വിദ്യാലയത്തിൽ മുന്നൂറിൽ പരം വിദ്യാർത്ഥികൾ പഠിക്കുന്നു .70 വർഷത്തെ പ്രവർത്തന പാരമ്പര്യമുള്ള ഈ വിദ്യാലയം , പതിനായിരങ്ങൾക്ക് അക്ഷരവെളിച്ചം പകർന്നു നൽകി ജീവിതത്തിന്റെ വിവിധ മേഖലകളിൽ ശോഭിക്കുവാൻ  അവരെ പ്രാപ്തരാക്കിയതിൽ അഭിമാനിക്കുന്നു. പി. റ്റി. എ യുടെ സഹായത്തോടെ സ്കൂൾ ഭൗതീക സാഹചര്യങ്ങൾ  മെച്ചപ്പെട്ട നിലയിൽ കൊണ്ടുപോകുവാൻ  ഞങ്ങൾക്ക് കഴിയുന്നുണ്ട് . അസംബ്ലി പന്തലും, സ്മാർട്ട് ക്ലാസ് റൂമും, കമ്പ്യൂട്ടർ ലാബും, ഇതിന്റെ ഉദാഹരണങ്ങളാണ്. മികച്ച സ്കൂൾ ലൈബ്രറി ,ഡിജിറ്റൽ ക്ലാസ് റൂം, കല, കായിക ,  പ്രവൃത്തിപരിചയ പരിശീലനം  ഇവ സ്കൂൾ പ്രവർത്തനങ്ങളെ കൂടുതൽ മികവുറ്റതാക്കുന്നു. ശാസ്ത്ര അവബോധം വളർത്തുന്നതിനും, കൃഷി ഒരു സംസ്കാരം ആക്കി മാറ്റുന്നതിനും,  പഠനം ലഘൂകരിക്കുന്നതിനുമുള്ള വിദ്യകൾ മനസിലാക്കുന്നതിനും അധ്യാപകരുടെ നേതൃത്വത്തിൽ പ്രവർത്തിച്ചുവരുന്ന  വിവിധ ക്ലബ്ബുകൾ സഹായിക്കുന്നു