എം ടി എൽ പി എസ്സ് പെരുമ്പാക്കാട്

M T L P S PERUMPRAKKADU

M T L P S PERUMPRAKKADU

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

എം ടി എൽ പി എസ്സ് പെരുമ്പാക്കാട്
വിലാസം
വാളക്കുഴി വാളക്കുഴി , വാളക്കുഴി പി.ഒ. , 689544 , പത്തനംതിട്ട ജില്ല
സ്ഥാപിതം	1 - 6 - 1914
വിവരങ്ങൾ
ഫോൺ	0469 2654255
ഇമെയിൽ	mtlpsperumprakad@gmail.com
കോഡുകൾ
സ്കൂൾ കോഡ്	37627 (സമേതം)
യുഡൈസ് കോഡ്	32120601601
വിക്കിഡാറ്റ	Q87595058
വിദ്യാഭ്യാസ ഭരണസംവിധാനം
റവന്യൂ ജില്ല	പത്തനംതിട്ട
വിദ്യാഭ്യാസ ജില്ല	തിരുവല്ല
ഉപജില്ല	വെണ്ണിക്കുളം
ഭരണസംവിധാനം
ലോകസഭാമണ്ഡലം	പത്തനംതിട്ട
നിയമസഭാമണ്ഡലം	റാന്നി
താലൂക്ക്	മല്ലപ്പള്ളി
ബ്ലോക്ക് പഞ്ചായത്ത്	കോയിപ്രം
തദ്ദേശസ്വയംഭരണസ്ഥാപനം	പഞ്ചായത്ത്
വാർഡ്	11
സ്കൂൾ ഭരണ വിഭാഗം
സ്കൂൾ ഭരണ വിഭാഗം	എയ്ഡഡ്
സ്കൂൾ വിഭാഗം	പൊതുവിദ്യാലയം
സ്കൂൾ തലം	1 മുതൽ 4 വരെ
മാദ്ധ്യമം	മലയാളം
സ്ഥിതിവിവരക്കണക്ക്
ആൺകുട്ടികൾ	19
പെൺകുട്ടികൾ	25
ആകെ വിദ്യാർത്ഥികൾ	44
ഹയർസെക്കന്ററി
ആകെ വിദ്യാർത്ഥികൾ	44
സ്കൂൾ നേതൃത്വം
പ്രധാന അദ്ധ്യാപിക	ബിനു ചെറിയാൻ
പി.ടി.എ. പ്രസിഡണ്ട്	അന്നമ്മ ജോൺ
എം.പി.ടി.എ. പ്രസിഡണ്ട്	നിഷ റ്റി.
അവസാനം തിരുത്തിയത്
21-01-2022	M T L P S Perumprakad

എം.റ്റി .എൽ. പി.എസ്  പെരുംമ്പ്രാക്കാട്

പത്തനംതിട്ട ജില്ലയിലെ തിരുവല്ല വിദ്യാഭ്യാസ ജില്ലയിൽ വെണ്ണിക്കുളം ഉപജില്ലയിലെ വാളക്കുഴി എന്ന സ്ഥലത്തുള്ള ഗവ: എയ്ഡഡ് വിദ്യാലയമാണ് എം. ടി. എൽ. പി. എസ്. പെരുംമ്പ്രാക്കാട്.

ചരിത്രം

പത്തനംതിട്ട ജില്ലയിൽ മല്ലപ്പള്ളി താലൂക്കിൽ കോയിപ്രം വില്ലേജിൽ പെരുമ്പ്രാക്കാട് എന്ന സ്ഥലത്ത് മാർത്തോമ്മാ സഭയുടെ നേതൃത്വത്തിൽ ആരംഭിച്ച ഒരു വിദ്യാഭ്യാസ സ്ഥാപനമാണ് എം.റ്റി.എൽ.പി.സ്കൂൾ പെരുമ്പ്രാക്കാട്. ആരോഗ്യരംഗത്തും വിദ്യാഭ്യാസ രംഗത്തും ഒരു വികസനവും ഇല്ലായിരുന്നു. കാടും മലയും തോടും കാട്ടുമൃഗങ്ങളും മാത്രമുള്ള പ്രദേശം. നടന്നു പോകുന്നതിന് ഈരടി പാതകൾ മാത്രം. കാർഷികവൃത്തി ജീവിതോപാധിയാക്കിയവരായിരുന്നു ഈ പ്രദേശവാസികൾ ഭൂരിഭാഗവും. സഞ്ചാരയോഗ്യമായ റോഡുകൾ ഒന്നും ഇല്ലായിരുന്നു. പിന്നീട് കാളവണ്ടിക്കും മറ്റും പോകത്തക്കവിധത്തിലുള്ള ചെറിയ പാതകൾ നിർമ്മിച്ചു.

വെണ്ണിക്കുളം തീയാടിക്കൽ റോഡ് പിന്നീട് രൂപം കൊണ്ടു. വാളക്കുഴിയും പെരുമ്പ്രാക്കാടും ഒരു തോടിന്റെ ഇരുകരയിലുള്ള പ്രദേശങ്ങളായിരുന്നു.ഇതിനെ ബന്ധിച്ച് ഒരു തടിപ്പാലം നിർമ്മിച്ചു. മഴക്കാലങ്ങളിൽ യാത്ര വളരെ ദുർഘടമായിരുന്നു. ഈ കാലങ്ങളിൽ രക്ഷകർത്താക്കൾ കുട്ടികളെ സ്കൂളിൽ അയയ്ക്കുന്നത് അത്യാവശ്യം എഴുത്തും വായനയും മനസ്സിലാക്കാനായിരുന്നു.12 വയസ്സു കഴിഞ്ഞാൽ രക്ഷിതാക്കളോടൊപ്പം പണി എടുക്കാൻ കൊണ്ടു പോകും.

ഇന്നത്തെപ്പോലെ സൗകര്യങ്ങൾ ഒന്നുമില്ലാതിരുന്ന കാലത്ത് പുത്തൻപറമ്പിൽ വക സ്ഥലത്ത് കുട്ടികളെ അക്ഷരം പഠിപ്പിക്കാൻ ആരംഭിച്ച ഈ കെട്ടിടം 1915 ൽ ഒരു സ്കൂളായി ഉയർത്തപ്പെട്ടു. ഇപ്പോൾ ഈ സ്കൂൾ എം.റ്റി.& ഇ.എസ്കൂൾസ്  കോർപറേറ്റ് മാനേജ്മെന്റിന്റെ കീഴിൽ പ്രവർത്തിക്കുന്നു

ഭൗതികസാഹചര്യങ്ങൾ

• വാർക്ക കെട്ടിടം, ചായം പൂശിയ ഭിത്തികൾ, സിമെന്റ് തറ.
• മനോഹരമായ 4 ക്ലാസ്സ്‌ മുറികൾ

ഓരോ ക്ലാസ്സിലും ആവശ്യത്തിന് ബെഞ്ചുകളും ഡെസ്ക്കുകളും കസേരകളും ഉണ്ട്

• ഓരോ ക്ലാസ്സിലും അനുയോജ്യമായ ബോർഡുകളും ഉണ്ട്.
• വൃത്തിയുള്ള അടുക്കള
• ആൺ കുട്ടികൾക്കും പെൺകുട്ടികൾക്കും അധ്യാപകർക്കും പ്രത്യേകം ടോയ്ലറ്റ്
• അടുക്കും ചിട്ടയും ഉള്ള സ്റ്റാഫ്‌ റൂം, സ്റ്റാഫ്‌ റൂമിൽ ആവശ്യത്തിന് കസേരകളും മേശകളും ഉണ്ട്.
• കുടിവെള്ള സൗകര്യം ( പൈപ്പ്, കിണർ, മഴവെള്ളസംഭരണി)
• ലാപ്ടോപ്പുകൾ
• പ്രൊജക്ടറുകൾ
• പ്രിൻറർ
• ലൈബ്രറി പുസ്‌തകങ്ങൾ
• കുട്ടികൾക്ക് ആവശ്യമായ പഠനോപകരണങ്ങൾ.
• ഓരോ ക്ലാസ്സ്‌ മുറികളിലും ഫാൻ ലൈറ്റ് മുതലായ സൗകര്യങ്ങൾ ഉണ്ട്.
• ആവശ്യത്തിന് വായുസഞ്ചാരം ഉള്ള മുറികളാണ് ക്ലാസ്സ്‌ മുറികൾ
• ജൈവവൈവിദ്യ ഉദ്യാനം
• സാനിറ്റൈസർ, മാസ്കുകൾ  എന്നിവ ഉണ്ട്
• സ്കൂൾബസ് സൗകര്യം ഉണ്ട്