ഗേൾസ് വോയിസ്

ഉപയോക്താക്കൾ നിരന്തരം തെറ്റ് വരുത്തുന്ന ഒരു താളായതിനാൽ സംരക്ഷിച്ചിരിക്കുന്നു. താങ്കൾക്ക് താങ്കളുടെ സ്കൂളിന്റെ ഗേൾസ് വോയിസ് എന്ന താൾ സൃഷ്ടിക്കുവാൻ <സ്കൂളിന്റെ പേര്>/ഗേൾസ് വോയിസ് സൃഷ്ടിക്കുക. ഉദാഹരണം: എബിസി സ്കൂൾ/ഗേൾസ് വോയിസ്. സഹായം ആവശ്യമെങ്കിൽ ഉപജില്ലാ ചുമതല വഹിക്കുന്ന കാര്യനിർവാഹകരെ ബന്ധപ്പെടാവുന്നതാണ്

.

https://schoolwiki.in/G.H.S._KARUNAGAPPALLY

• കേരള ജനതയുടെ അതിജീവന പോരാട്ടത്തിൽ നമ്മുക്കും പങ്കാളികളാകാം....
• മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകുക.
  

ഉപതാള‌ുകൾ

മിഴി (ചിത്ര ജാലകം)

അധ്യാപകർ.

പ‌ൂർവ്വ വിദ്യാർത്ഥനികൾ

ലിങ്ക‌ുകൾ

അംഗീകാരങ്ങൾ.

പി ടി എ പൊതുയോഗം ചേർന്നു.

പി ടി എ പ്രസിഡന്റ്

കരുനാഗപ്പള്ളി ഗേൾസ് ഹൈസ്കൂൾ പിടിഎ വാർഷിക പൊതുയോഗം ചേർന്നു. പി ടി എ പ്രസിഡന്റ് കോട്ടയിൽ രാജുവിന്റെ അദ്ധ്യക്ഷതയിൽ കൂടിയ യോഗത്തിൽ ഹെഡ്മിസ് ജി ലീലാമണി പ്രവർത്തന റിപ്പോർട്ടും വരവു ചിലവ് കണക്കും അവതരിപ്പിച്ചു. പിടിഎ വൈസ് പ്രസിഡന്റ് എച്ച് എ സലാം സ്റ്റാഫ് സെക്രട്ടറി വി ഗോപകുമാർ എന്നിവർ സംസാരിച്ചു. പി ടി എ പ്രസിഡന്റായി കോട്ടയിൽ രാജുവിനെയും വൈസ് പ്രസിഡന്റായി എച്ച് എ സലാമിനെയും മാതൃസമിതി പ്രസിഡന്റായി ടി കെ ശ്രീലേഖ സുനിലിനെയും തെരഞ്ഞടുത്തു.

പി ടി എ പൊത‍ുയോഗം 2019 ആഗസ്‍റ്റ് മാസം 2ന് വൈകിട്ട് 3.30ന് ആരംഭിക്കുന്നു.

നോട്ടീസ്

കുട്ടികളുടെ പഠന മികവുകൾ വിലയിരുത്താൻ എട്ട്, ഒമ്പത് ക്ലാസ്സ് പി ടി എ ആഗസ്റ്റ് രണ്ടിന് രണ്ട് മണി മുതൽ നടക്കുന്നതാണ്.
എല്ലാ രക്ഷാകർത്താക്കളും യോഗത്തിൽ പങ്കെടുക്കണമെന്ന് ഹെഡ്മിസ്ട്രസ് അറിയിക്കുന്നു

.

ഷോ൪ട്ട് ഫിലിം ചിത്രീകര​ണം പുരോഗമിക്കുന്നു

പാഠം 2019 ന്റെ ഭാഗമായി ലിറ്റിൽ കൈറ്റ്സിന്റെ നേതൃത്വത്തിൽ കുട്ടികളുടെ ഷോ൪ട്ട് ഫിലിം ചിത്രീകരണം പുരോഗമിക്കുന്നു.

• 

  ഷോ൪ട്ട് ഫിലിം ചിത്രികരണം

മോഡൽ പരീക്ഷ ആരംഭിച്ചു

2019 എസ് എസ് എൽ. സി പരിക്ഷയുടെ ഭാഗമായുള്ള മോഡൽ പരിക്ഷകൾക്ക് തുടക്കമായി

• 

പാഠം 2019

(ക‌ുട്ടികള‌ുടെ മികവുത്സവം)

പാഠ്യമേഖല

അക്കാദമിക മികവ‌ുകളുടെ പ്രദർശനം. ഗേൾസ് ടാലന്റ് ലാബ് അക്കാദമിക മികവ‌ുകളുടെ സ്റ്റേജ് അവതരണം കുട്ടികൾ തയ്യാറാക്കിയ ഷോർട്ട് ഫിലിം, ഡോക്ക്മെന്ററി ത‌ുടങ്ങിയവയുടെ പ്രദർശനം

പാഠ്യേതര മേഖല

കരകൗശല വസ്തുക്കളുടെ പ്രദർശനവും വിൽപ്പനയും എൻ സി സി, ലിറ്റിൽ കൈറ്റ്സ്, ജെ ആർ സി, സ്‌കൗട്ട് മറ്റ‌ൂസ്കൂൾ ക്ലബ്ബ‌ുകൾ എന്നിവയുടെ പ്രദർശന സ്റ്റാള‌ുകൾ സ്‌കൂൾ വിക്കി, സമഗ്ര, സമ്പൂർണ്ണ, കൈറ്റ് തുടങ്ങിയ വിദ്യാഭ്യാസ സൈറ്റുകളുടെ പരിചയപ്പെടുത്തൽ കുട്ടികള‌ുടെ ഫ‌ുഡ്കോർട്ട് സ്‌ക‌ൂൾ പ്രതിഭകളെ ആദരിക്കൽ കലാസന്ധ്യാ

പിന്തുണമേഖല

പി ടി എ , മാനേജ്മെന്റ് എന്നിവയുടെ പ്രദർശന സ്റ്റാളുകൾ മികവ‌ുകളുടെ പിന്ത‌ുടർച്ച വിദ്യാഭ്യാസ സെമിനാർ പ‌ൂർവ്വ വിദ്യാർത്ഥി സംഗമം പ‍ൂർവ്വ അധ്യാപക സംഗമം പ‌ൂർവ്വ പി ടി എ സംഗമം

സുനാമിസ്മാരകം ശുചിയാക്കി .

നാളെ (ഡിസംബർ 26)കരുനാഗപ്പള്ളിക്കു തീരാനഷ്ടങ്ങൾ‍ സമ്മാനിച്ച സുനാമി ദുരന്തത്തിന്റെ ഓർമ്മദിനം 2004ലെ സുനാമി ദുരന്തത്തിൽ ജീവൻ നഷ്ടമായ സഹോദരങ്ങളുടെ ഓർമ്മകൾ കുടികൊള്ളുന്ന ആലപ്പാട്ടെ സുനാമിസ്മാരകം കരുനാഗപ്പള്ളി ഗേൾസ് ഹൈസ്കൂളിലെ എൻ സി സി കേഡറ്റുകൾ ശുചിയാക്കി പൂച്ചെടികൾ നട്ടു.

• 

  സുനാമിസ്മാരകം ശുചീകരണം

• 

  സുനാമിസ്മാരകം ശുചീകരണം

• 

  സുനാമിസ്മാരകം ശുചീകരണം

• 

  സുനാമിസ്മാരകം ശുചീകരണം

പുസ്തക മേള ആരംഭിച്ചു.

കുട്ടികൾക്കും പൊതുജനങ്ങൾക്കും പുസ്തകങ്ങൾ വാങ്ങാൻ സൗകര്യം ഉരുക്കി കരുനാഗപ്പള്ളി ഗേൾസ് ഹൈസ്കൂളിൽ പുസ്തക പ്രദർശനവും വിൽപ്പനയും ആരംഭിച്ചു. വിവിധ പ്രസാധകരുടെ പുസ്തകങ്ങൾ മേളയിൽ ലഭ്യമാണ്. മേള ഹെഡ്മിസ്ട്രസ്സ് എൽ ശ്രീലത ഉദ്ഘാടനം .ചെയ്തു. പുസ്തകങ്ങൾക്കു പ്രത്യേക കിഴിവ് ലഭിക്കുന്നതാണ്. രാവിലെ 9.30 മുതൽ വൈകിട്ട് 4.30 വരെയാണ് പ്രദർശനം. പ്രദർശനവും വിൽപ്പനയും നാളെ ( നവംബർ 29) അവസാനിക്കും.

മഴക്കെടുതികളും ഓണാവധിയും കഴിഞ്ഞ‌് കുട്ടികൾ നാളെ ബുധനാഴ‌്ച (29.8.2018) മുതൽ സ‌്കൂളുകളിലേക്ക‌്.

മഹാപ്രളയം നമ്മൾ അതിജീവിക്ക‌ും... പ്രളയത്തെ തുടർന്ന‌് സംസ്ഥാനത്തെ ബഹ‌ുഭ‌ൂരിപക്ഷം സ‌്കൂളുകള‌ും ദുരിതബാധിതർക്കുള്ള ക്യാമ്പുകള‌ോ പ്രളയബാധിതമോ ആയിരുന്നു. പ്രളയബാധിത സ‌്കൂളുകളിലും ക്യാമ്പുകളായ സ‌്കൂളുകളിലും മാലിന്യവും മറ്റും നീക്കി ശുചീകരണ പ്രവൃത്തി പൂർത്തിയാക്കി അധ്യയനത്തിനായി ഒരുങ്ങി. ആലപ്പുഴ ജില്ലയിൽ കുട്ടനാട്, ചേർത്തല, അമ്പലപ്പുഴ താലൂക്കുകളിലെ പ്രഫഷനൽ കോളജുകൾ ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും മറ്റു താലൂക്കുകളിൽ ദുരിതാശ്വാസ ക്യാംപുകൾ പ്രവർത്തിക്കുന്ന വിദ്യാഭ്യാസ സ്ഥാപനങ്ങൾക്കും കലക്ടർ ബുധനാഴ്ച അവധി പ്രഖ്യാപിച്ചു. കുട്ടനാട് താലൂക്കിൽ കാലവർഷത്തെ തുടർന്നുണ്ടായ വെള്ളക്കെട്ട് ഒഴിഞ്ഞിട്ടില്ലാത്തതിനാലും കുട്ടനാട് നിവാസികൾ ചേർത്തല, അമ്പലപ്പുഴ താലൂക്കുകളിലെ സ്‌കൂളുകളിൽ താമസിക്കുന്നതിനാലുമാണു മൂന്നു താലൂക്കുകൾക്ക് അവധി നൽകിയത്. ചില സാങ്കേതിക കാരണങ്ങളാൽ എറണാകുളം ജില്ലയിലെ കുറച്ചു സ്കൂളുകൾ തുറക്കുന്നത് വെള്ളിയാഴ്ച (31) ആയിരിക്കും. മുളവൂർ ഗവൺമെന്റ് ലോവർ പ്രൈമറി സ്‌കൂൾ, ലിറ്റിൽ ഫ്ലവർ ലോവർ പ്രൈമറി സ്‌കൂൾ പാനായിക്കുളം, ഗവൺമെന്റ് ഹയർ ഹയർ സെക്കൻഡറി സ്‌കൂൾ ഏഴിക്കര, ഗവൺമെന്റ് ലോവർ പ്രൈമറി സ്‌കൂൾ ഏഴിക്കര, ഗവൺമെന്റ് ലോവർ ലോവർ പ്രൈമറി സ്‌കൂൾ ഏഴിക്കര, ഗവൺമെന്റ് ലോവർ പ്രൈമറി സ്‌കൂൾ കെടാമംഗലം, ഗവൺമെന്റ് ലോവർ പ്രൈമറി സ്‌കൂൾ നന്ത്യാട്ടുകുന്നം, ഗവൺമെന്റ് ജൂനിയർ ബേസിക് സ്‌കൂൾ കുന്നുകര എന്നീ ഏഴ് സ്‌കൂളുകളായിരിക്കും 31 മുതൽ തുറക്കുക. തൃശൂർ ജില്ലയിൽ ദുരിത്വാശ്വാസ ക്യാംപായി പ്രവർത്തിക്കുന്നതും കെട്ടിങ്ങൾക്കു സുരക്ഷ ഭീഷണിയുള്ളതുമായ ഏഴു സ്കൂളുകൾക്ക് ബുധൻ(29), വ്യാഴം (30), വെള്ളി (31) ദിവസങ്ങളിൽ അവധി നൽകി. തൃശൂർ ജില്ലയിൽ അവധിയുള്ള സ്കൂളുകൾ–ഗവ. യുപിഎസ് കുഴൂർ, ഗവ. യുപിഎസ് അരിമ്പൂർ,ഗവ. ജിജെബിഎസ് ചേർപ്പ്, ജിഎൽപിഎസ് പുത്തൻപീടിക, യുപിഎസ് എടമുട്ടം, എസ്കെവി എൽപിഎസ് എരവത്തൂർ, ഗവ. എൽപിഎസ് പള്ളം, ചെറുതുരുത്തി. മറ്റെല്ലാ സ‌്കൂളുകളും പൂർണതോതിൽ പ്രവർത്തനം തുടങ്ങും. പ്രളയത്തിൽ പുസ‌്തകവും ബാഗും യൂണിഫോമും നഷ‌്ടപ്പെട്ടവർക്ക‌് അത‌് ലഭ്യമാക്കാനുള്ള നടപടി ഉടൻ കൈക്കൊള്ളും. നഷ‌്ടപ്പെട്ട ബാഗ‌്, നോട്ട‌്ബുക്ക‌്, യൂണിഫോം, ഇൻസ‌്ട്രുമെന്റ‌് ബോക‌്സ‌് തുടങ്ങിയവയുടെ റിപ്പോർട്ട‌് ശേഖരിച്ച‌് ഒരാഴ‌്ചക്കുള്ളിൽ സബ‌്ജില്ലാ തലത്തിൽ വിതരണ നടപടി കൈക്കൊള്ളും. യൂണിഫോമുകൾ സെപ‌്തംബർ 15നകം തയ്യാറാക്കി നൽക‌ും. കിണറുകൾ തൽകകാലം ഉപയോഗിക്കാൻ പറ്റാത്ത വിദ്യാലയങ്ങളിൽ വാട്ടർകിയോസ്കുകൾ സ്ഥാപിക്കും. ചിലയിടങ്ങളിൽ മൊബൈൽ ശൗചാലയങ്ങളും സ്ഥാപിക്കും. സംസ്ഥാനത്തെ 98 ശതമാനം വിദ്യാലയങ്ങളും പ്രവർത്തന യോഗ്യമാണെന്നും ഓണപ്പരീക്ഷ ഉടൻ ഉണ്ടാകില്ലെന്നും നഷ്ടപ്പെട്ട അധ്യയന ദിവസങ്ങൾ വീണ്ടെടുക്കാൻ അധ്യാപക സംഘടനകളുമായി ചർച്ച നടത്തുമെന്ന‌ും വിദ്യാഭ്യാസമന്ത്രി.

ദുരിതബാധിതർക്കൊപ്പം വീണ്ടും കരുനാഗപ്പള്ളി ഗേൾസ് ഹൈസ്‌കൂൾ.

ഇത്തവണ ഭക്ഷ്യധാന്യങ്ങളും പുതുവസ്‌ത്രങ്ങളും ഭവന ശുചീകരണ സാമഗ്രികളും. ഒപ്പംചേർന്ന എല്ലാവർക്കും നന്ദി. കേരള ജനതയുടെ അതിജീവന പോരാട്ടത്തിൽ നമ്മുക്കും പങ്കാളികളാകാം.... മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകുക.

കേരള ജനതയുടെ അതിജീവന പോരാട്ടത്തിൽ നമ്മുക്കും പങ്കാളികളാകാം...

കുട്ടികളും അധ്യാപകരും സുഹൃത്തുക്കളും ശേഖരിച്ചു നൽകിയ ഭക്ഷ​ണ പദാർത്ഥങ്ങൾ ആലപ്പുഴ കളക്‌‌ടറുടെ നിർദ്ദേശ പ്രകാരം കലൂർ ക്യാമ്പിൽ എത്തിച്ചു. നാളെയും സ്കൂളിൽ ക്യാമ്പിലേക്ക് ആവശ്യമായ വസ്തുക്കൾ എത്തിക്കാമെന്ന് നിരവധി സുമനസുകൾ അറിയിച്ചിട്ടുണ്ട് ലഭിക്കുന്നവ അധികൃതരെ ഏൽപ്പിക്കുന്നതാണ്. സഹായിച്ച സഹകരിച്ച എല്ലാവർക്കും നന്ദി.

ഓണാവധി നേരത്തെയാക്കി.

സംസ്ഥാനം പ്രളയക്കെടുതിയിൽ വലയുന്ന സാഹചര്യത്തിൽ ഇത്തവണ ഓണാവധി നേരത്തെയാക്കി. സംസ്ഥാനത്തെ ഹയർ സെക്കൻഡറി, വൊക്കേഷണൽ ഹയർ സെക്കൻഡറി ഉൾപ്പെടെ പൊതുവിദ്യാഭ്യാസ മേഖലയിലെ എല്ലാ സ്കൂളുകളും വെള്ളിയാഴ്ച പൂട്ടുമെന്ന് പൊതു വിദ്യാഭ്യാസ ഡയറക്ടർ അറിയിച്ചു. 29ന് ആയിരിക്കും സ്കൂളുകൾ പിന്നീടു തുറക്കുക. കനത്ത മഴയിലും പ്രളയക്കെടുതിയിലും സ്കൂളുകളിൽ മിക്കതും ദുരിതാശ്വാസ ക്യാംപ് പ്രവർത്തിക്കുന്നതിനാൽ ഓഗസ്റ്റ് 31ന് തുടങ്ങാൻ നിശ്ചയിച്ചിരുന്ന ഒന്നാം പാദ വാർഷിക പരീക്ഷ മാറ്റിവച്ചിരുന്നു. പുതുക്കിയ തീയതി പിന്നീട് അറിയിക്കുമെന്നും പൊതു വിദ്യാഭ്യാസ ഡയറക്ടർ വ്യക്തമാക്കിയിരുന്നു.

ഓണപരീക്ഷ മാറ്റിവച്ചു.

നിർത്താതെ പെയ്യുന്ന പേമാരിയും, സ്കൂളുകളിൽ മിക്കതും ദുരിതാശ്വാസ ക്യാമ്പ് ആയി പ്രവർത്തിക്കുന്നതും കണക്കിലെടുത്തു ആഗസ്റ്റ് 31 ന് തുടങ്ങാൻ നിശ്ചയിച്ചിരുന്ന ഒന്നാം പാദ വാർഷിക പരീക്ഷ ( ഓണപരീക്ഷ ) മാറ്റിവയ്ക്കുന്നതായ് പൊതുവിദ്യാഭ്യാസ ഡയറക്ടർ. പുതുക്കിയ തീയതി പിന്നാലെ അറിയിക്കുന്നതാണ്.

പൊൻതൂവൽ എം പി മെറിറ്റ് അവാർഡ്

പൊൻതൂവൽ എം പി മെറിറ്റ് അവാർഡ്

ആലപ്പുഴ പാർലമെൻറ് മണ്ഡലത്തിൻറെ പരിധിയിൽ വരുന്ന സ്കൂളുകളിൽ നിന്നും നൂറു ശതമാനം വിജയം നേടിയ സ്കൂളുകൾക്ക് ഏർപ്പെടുത്തിയ പൊൻതൂവൽ എം പി മെറിറ്റ് അവാർഡ്ദാന ചടങ്ങ് ഓഗസ്റ്റ് 14 ചൊവ്വാഴ്ച (2 PM)പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്തു. കരുനാഗപ്പള്ളി, കായംകുളം നിയമസഭാ മണ്ഡലങ്ങളിലെ സ്കൂളുകൾക്കാണ് അവാർഡ് നൽകിയത്. 2006-ൽ ആരംഭിച്ച പരിപാടിയുടെ പന്ത്രണ്ടാമത് വർഷമായ ഇത്തവണ ഒന്നാം ഘട്ടത്തിൽ ആലപ്പുഴയിൽ നടന്ന ചടങ്ങിൽ കർണാടക മുഖ്യമന്ത്രി കുമാരസ്വാമി യാണ് അവാർഡ് ദാന ചടങ്ങ് ഉദ്ഘാടനം ചെയ്തത്. രണ്ടാം ഘട്ട പരിപാടിയിൽ പ്രശസ്ത കലാസംഘടകൻ സൂര്യ കൃഷ്ണമൂർത്തി മുഖ്യാതിഥിയായി. പുതിയകാവിൽ ദേശീയപാതയോടു ചേർന്നുള്ള ഐഡിയൽ ഓഡിറ്റോറിയത്തിലാണ് ചടങ്ങുകൾ നടന്നത്. അവാർഡ്ദാന ചടങ്ങിൽ പ്രശസ്ത ചലച്ചിത്ര താരം രൺജി പണിക്കർ, ഗ്രാമവികസന വകുപ്പ് കമ്മീഷണർ എൻ പദ്മകുമാർ ഐ എ എസ്, കൊല്ലം പോലീസ് കമ്മീഷണർ ഡോ.അരുൾ ആർ ബി കൃഷ്ണ, ഗാനരചയിതാവും കുമാരനാശാൻ സ്മാരക സമിതി ചെയർമാനുമായ രാജീവ് ആലുങ്കൽ, കഥാകൃത്തും സാംസ്‌കാരിക പ്രവർത്തകനുമായ സതീഷ് ബാബു പയ്യന്നൂർ തുടങ്ങിയവർ പങ്കെടുത്തു. നൂറു ശതമാനം വിജയവും( 501/501) ആലപ്പുഴ ലോകസഭ മണ്ഡലത്തിൽ ഏറ്റവും കൂടുതൽ ഫുൾ എ പ്ലെസ്സുകളും (114) കരസ്ഥമാക്കിയ കരുനാഗപ്പള്ളി ഗേൾസ് ഹൈസ്കൂളിന് ചടങ്ങിൽ പൊൻതൂവൽ അവാർഡ് നൽകി ആദരിച്ചു.

നല്ല കാര്യങ്ങൾ ചെയ്തതിന് നല്ലപാഠത്തിന്റെ പുരസ്കാരം വീണ്ടും കരുനാഗപ്പള്ളി ഗേൾസ് ഹൈസ്കൂളിന്

നല്ലപാഠം പുരസ്കാരം

മലയാള മനോരമയുടെ നല്ലപാഠം ജില്ലാപുരസ്‌കാരം മൂന്നാംസ്ഥാനം കരുനാഗപ്പള്ളി ഗേൾസ് ഹൈസ്കൂളിന് ലഭിച്ചു.പതിനായിരം രൂപയും പ്രശസ്തിപത്രവും അടങ്ങുന്ന പുരസ്‌കാരം കൊല്ലം യൂനിസ്കുഞ്ഞ് മെമ്മോറിയൽ കൺവെൻഷൻ സെന്ററിൽ നടന്ന നല്ലപാഠം കോഡിനേറ്റർമാരുടെ ജില്ലാസംഗമ വേദിയിൽ പ്രശസ്ത മജീഷ്യൻ ശ്രീ ഗോപിനാഥ് മുതുകാട് സമ്മാനിച്ചു. ഒപ്പം സ്കൂളിലെ നല്ലപാഠം കോ - ഓ‍ഡിനേറ്റർമാരായ ജി മോഹനൻസാറും എ ശ്രീജാദേവി ടീച്ചറും മികച്ച കോ - ഓഡിനേറ്റർമാരായി തെരഞ്ഞെടുക്കപ്പെടുകയും ചെയ്തു.അയ്യായിരം രൂപവീതം ക്യാഷ് അവാർഡും പ്രശസ്‌തിപത്രവും അവർ വേദിയിൽവച്ച് ഏറ്റുവാങ്ങി. ഇത് തുടർച്ചയായ ര​ണ്ടാംതവണയാണ് ഈ അംഗീകാരം ലഭിക്കുന്നത്.

കണ്ണീരൊപ്പാൻ

കുട്ടനാട്ടിിൽ വെള്ളപ്പൊക്കതാൽ ദുരിതം അനുഭവിക്കുന്ന കൂട്ടുകാർക്കു നൽകാൻ കരുനാഗപ്പള്ളി ഗേൾസ് ഹൈസ്‌ക‌ൂളിലെ മലയാള മനോരമ നല്ല പാഠം കൂട്ടുകാർ സമാഹരിച്ച ബ‌ുക്ക‌ുകൾ മലയാള മനോരമ പ്രതിനിധിക്ക‌ു കൈമാറുന്നു.

അത്യപൂർവ്വമായ ആകാശക്കാഴ്ചയ്ക്ക് സാക്ഷ്യം വഹിക്കാൻ സ്കൂളിൽ അവസരം.

നൂറ്റാണ്ടിലെ ഏറ്റവും ദൈർഘ്യമേറിയപൂർണ ചന്ദ്രഗ്രഹണം ഇന്ന് ദൃശ്യമാകും. 103 മിനിറ്റ് ദൈർഘ്യമേറിയ ചന്ദ്രഗ്രഹണമാണ് ഇന്നുണ്ടാകുന്നതെന്ന് ശാസ്ത്രലോകം പറയുന്നു. ഗ്രഹണത്തിന്റെ പ്രാഥമിക ഘട്ടം രാത്രി 11.44ന് ആരംഭിക്കും. തൊട്ടുപിന്നാലെ ഭാഗികമായ ഗ്രഹണവും ആരംഭിക്കും. ഇത് കൃത്യം 11.54 തുടങ്ങും.പൂർണചന്ദ്ര ഗ്രഹണം രാത്രി ഒരുമണിക്കാണ് ആരംഭിക്കുക. ഈ സമയത്ത് ചന്ദ്രൻ ഭൂമിയുടെ നിഴലിന്റെ മധ്യത്തിലായിരിക്കും. ഭൂമിയുടെ അന്തരീക്ഷത്തിലൂടെ കടന്നുപോകുന്ന സൂര്യപ്രകാശം ചന്ദ്രനിൽ തട്ടി ചുവപ്പുനിറമാകുന്ന ബ്ലഡ്‌മൂൺ പ്രതിഭാസവും ഇന്ന് ദൃശ്യമാകും. ഭൂമിയുടെ നിഴലിൽ നിന്ന് മാറുന്നതോടെയാണ് ചന്ദ്രന് ചുവപ്പും ഓറഞ്ചും നിറം ലഭിക്കുന്നത്. ഇത്ര ദൈർഘ്യമേറിയൊരു ബ്ലഡ് മൂണിനെ കാണാൻ കഴിയുന്നതിന്റെ ആവേശത്തിലാണ് ശാസ്ത്രലോകം.2000 ജൂലൈ 16നായിരുന്നു ഇതിന് മുൻപ് ഇത്രയും ദൈർഘ്യമേറിയ ഗ്രഹണം അനുഭവപ്പെട്ടത്.

പ്രഭാതഭക്ഷണ കൗണ്ടറിന്റെ ഉദ്ഘാടനം

ഈ വർഷത്തെ നല്ല പാഠം പ്രഭാതഭക്ഷണ കൗണ്ടറിന്റെ ഉദ്ഘാടനം ഹെഡ്മിസ്ട്രസ് എൽ ശ്രീലത നിർവ്വഹിക്കുന്നു.

പ്രഭാത ഭക്ഷണം കഴിക്കാതെ എത്തുന്ന നിർധന കുടുംബത്തിലെ കുട്ടികൾക്ക് സൗജന്യമായും ട്യൂഷനും മറ്റുമായി രാവിലെ വീട്ടിൽനിന്നി ഇറങ്ങി പ്രഭാത ഭക്ഷണം കഴിക്കാതെ സ്കൂളിലെത്തുന്ന കുട്ടികൾക്ക് കുറഞ്ഞ നിരക്ക് (10 രൂപ) ഈടാക്കിയുമാണ് പ്രാതൽ നൽകുന്നത്.പ്രഭാത ഭക്ഷണത്തിൽനിന്ന് ലഭിക്കുന്ന തുക ജീവകാരുണ്യ പ്രവർത്തനങ്ങൾക്ക് വിനിയോഗിക്കുന്നു.പ്രഭാത ഭക്ഷണം കുട്ടികൾ വീടുകളിൽനിന്ന് എത്തിക്കുന്നു.(കൗണ്ടർ പ്രവർത്തനം ദിവസവും രാവിലെ 9.15മുതൽ 9.45വരെ)കഴിഞ്ഞ വർഷം കൗണ്ടറിൽ നിന്ന് കിട്ടിയ തുക ഈ സ്കൂളിലെ രണ്ട് കുട്ടികളുടെ മാതാവിന് ഹൃദയശസ്ത്രക്രീയക്ക് നൽകി.നിർധന കുട്ടികളെ നല്ലപാഠം കൂട്ടുകാർ നടത്തുന്ന സ്കൂൾ സെൻസസിലൂടെ കണ്ടെത്തുന്നു.

അറിയിപ്പ്

കരുനാഗപ്പള്ളി ഗേൾസ് ഹൈസ്കൂളിൽ കുട്ടികൾക്ക് റോളർ സ്കേറ്റിങ് പരിശീലന ക്ലാസ്സിന് തുടക്കമായി

ഗൃഹപാഠം കൃഷി പാഠം പദ്ധതി -2018 ഉദ്ഘാടനം

ഗൃഹപാഠം കൃഷി പാഠം പദ്ധതി -2018 ആരംഭിച്ചു.

കരുനാഗപ്പള്ളി ഗേൾസ് ഹൈസ്ക്കൂളിൽ ഓണത്തിന് ഒരു മുറം പച്ചക്കറി പദ്ധതിയുടെ ഭാഗമായി കുട്ടികൾക്ക് പച്ചക്കറി വിത്തു വിതരണം ഹെഡ്മിസ്ട്രസ് എൽ ശ്രീലത ഉദ്ഘാടനം ചെയ്യ്തു. നല്ലപാഠം യൂണിറ്റിന്റെ നേതൃത്വത്തിലാണ് പദ്ധതി നടപ്പിലാക്കുന്നത്. തുടർച്ചയായ മൂന്നാം വർഷമാണ് നല്ലപാഠം യൂണിറ്റ് കുട്ടികളുടെ വീടുകളിൽ പച്ചക്കറി കൃഷി പ്രോത്സാഹിപ്പിക്കുന്ന ഗൃഹപാഠം കൃഷി പാഠം പദ്ധതി കരുനാഗപ്പള്ളി കൃഷി ഭവന്റെ സഹാകരണത്തോടെ നടത്തുന്നത്.

യോഗാദിനാചരണത്തിന്റെ ഭാഗമായി നടത്തിയയോഗാ പ്രദർശനം.

• 
• 
• 
• 
• 

ചെറിയ പെരുനാൾ ആഘോഷങ്ങളുടെ ഭാഗമായി കരുനാഗപ്പള്ളി ഗേൾസ് ഹൈസ്കൂളിൽ മൈലാഞ്ചി ഫെസ്റ്റ്- 2018 സംഘടിപ്പിച്ചു.

മേയ്ക്കപ്പ് ബോക്സുകളിൽ പല നിറങ്ങളിലും ഡിസൈനിലുമുള്ള നെയിൽ പോളിഷുകളും ടാറ്റൂ സ്റ്റിക്കറുകളുമെല്ലാം സ്ഥിരമായി ഇടം പിടിച്ചെങ്കിലും പണ്ടു കാലം മുതലേ വിരലുകൾ മനോഹരമാക്കിയിരുന്ന മൈലാഞ്ചി ചോപ്പിനോട് പുതുതലമുറക്കും പ്രിയമൊട്ടും കുറയുന്നില്ല എന്ന് തെളിയിക്കുന്നതായിരുന്നു ചെറിയ പെരുന്നാൾ പ്രമാണിച്ച്‌ കരുനാഗപ്പള്ളി ഗേൾസ് ഹൈസ്കൂളിൽ സംഘടിപ്പിച്ച 'മൈലാഞ്ചി 2018'. ബ്രൈഡൽ‌, അറബിക്, പീകോക്ക് , ചോപ്പർ‌, ഉത്തരേന്ത്യൻ, പാകിസ്ഥാനി, പേർഷ്യൻ എന്നിങ്ങനെ ധാരാളം ഡിസൈനുകൾ നടുവിരലിന്റെ തുമ്പു മുതൽ കൈമുട്ടു വരെയും കാൽപാദം നിറയെയും നിറയുന്ന മൈലാഞ്ചിച്ചുവപ്പുമായി 'മൈലാഞ്ചി 2018' കരവിരുതിന്റെ മായിക പ്രപഞ്ചം തന്നെ തീർത്തു. കൂട്ടത്തിൽ അറേബ്യൻ സ്റ്റൈലിനോടാണ് കുട്ടികൾ കൂടുതൽ പ്രിയം കാട്ടിയത്. ഇടാനുള്ള എളുപ്പമാണ് പുതുതലമുറ അറേബ്യൻ ഡിസൈൻ തേടിപ്പോകുന്നതിന് കാരണം. വലിയ പൂക്കളാക്കി വളരെ എളുപ്പത്തിൽ ഇടാൻ കഴിയുമെന്ന പ്രത്യേകത അറേബ്യൻ ഡിസൈനുകൾക്കുണ്ട്. റംസാൻ ആഘോഷങ്ങളുടെ ഭാഗമായി സംഘടിപ്പിച്ച മെഹന്തി ഫെസ്റ്റ് കരവിരുതിന്റെയും കലാബോധത്തിന്റെയും സമന്വയ കാഴ്ചയായി മാറി. കുട്ടികൾക്കൊപ്പം അദ്ധ്യാപികമാരും കൈകളിൽ മൈലാഞ്ചിയിടാൻ കൂടിയതോടെ സ്കൂൾഅങ്കണം ഉത്സവാന്തരീക്ഷമായി മാറി. കുട്ടികളിൽ സാഹോദര്യത്തിന്റെയും സഗവർതിത്വത്തിന്റെയും ചിന്ത വളർത്താൻ ഇത്തരം പരിപാടികളിലൂടെ കഴിയട്ടെ എന്ന് പരിപാടി ഉദ്ഘാടനം ചെയ്ത പ്രഥമാദ്ധ്യാപിക എൽ ശ്രീലത ടീച്ചർ പറഞ്ഞു. സ്കൂൾ പ്രവർത്തന സമയം നഷ്ടപ്പെടുത്താതെ ഉച്ചഭക്ഷണത്തിനുള്ളഇടവേള സമയം പ്രയോജനപ്പെടുത്തിയാണ് പരിപാടി സംഘടിപ്പിച്ചതെന്നതും ശ്രദ്ധേയമായി. ഇരുനൂറിലധികം കുട്ടികൾ പങ്കെടുത്ത മത്സരത്തിൽ ഏററവും നല്ല ജോഡികളെ കണ്ടെത്താൻ വിധികർത്താക്കൾ ഏറെ പണിപ്പെട്ടു. ജി മോഹനൻ, സബ്ന, അസീന,ആസ്മി,വിജിത തുടങ്ങിയവർ പരിപാടിക്ക് നേതൃത്വം നൽകി. വിജയികൾക്ക് സീനിയർ ടീച്ചർ രമാദേവി അമ്മ സമ്മാനങ്ങൾ വിതരണം ചെയ്തു.

• 

  മൈലാഞ്ചി ഫെസ്റ്റ്- 2018

• 

  മൈലാഞ്ചി ഫെസ്റ്റ്- 2018

• 

  മൈലാഞ്ചി ഫെസ്റ്റ്- 2018

• 

  മൈലാഞ്ചി ഫെസ്റ്റ്- 2018

മികച്ച വിദ്യാലയത്തിനുള്ള കൊല്ലം ജില്ലാജഞ്ചായത്തിന്റെ പുരസ്കാരം ലഭിച്ചു.

എസ് എസ് എൽ സി പരീക്ഷയിൽ കൊല്ലം റവന്യൂ ജില്ലയിൽ ഏറ്റവുമധികം ഫുൾ A+ വാങ്ങിയ വിദ്യാലയത്തിനുള്ള ജില്ലാപഞ്ചായത്തിന്റെ പുരസ്കാരം കരുനാഗപ്പള്ളി ഗേൾസ് ഹൈസ്കൂളിന്.ജില്ലാജഞ്ചായത്തിന്റെ പ്രവർത്തന പരിധിക്കു പുറത്തുള്ള ഈ വിദ്യാലയത്തെ അക്കാദമിക മികവ് പരിഗണിച്ചാണ് പ്രത്യേക പുരസ്കാരം നൽകി ആദരിച്ചത്. ഹെഡ്മിസ്ട്രസ് എൽ ശ്രീലത ടീച്ചർ ജില്ലാപ‍ഞ്ചായത്ത് പ്രസിഡന്റ് ശ്രീമതി സി രാധാമണിയിൽനിന്ന് ഏറ്റുവാങ്ങി.

• 
• 

പരിസ്ഥിതി ദിനാചരണം.

• 
• 
• 
• 

പുതിയ യൂണിഫോം..

ഇന്ന് പ്രവേശനോത്സവം

672 പുതുമുഖങ്ങൾ 4 പുതിയ ഡിവിഷനുകൾ 40 ഹൈടെക് ക്ലാസ്സുമുറികൾ പുതിയ യൂണിഫോം 2018-19 പഠനവർഷം ആരംഭിക്കുന്നു. SSLC പരീക്ഷയിൽ ഫുൾ A+ ലഭിച്ച 114 ലും ഒമ്പത് A+ ലഭിച്ച 52 ഉം USS പരീക്ഷയിൽ സ്കോളർഷിപ്പ് ലഭിച്ച 2 ഉം കൂട്ടുകാരെ പനിനീർപുഷ്പങ്ങൾ നൽകി സ്വീകരിച്ച് അറിവിന്റെ മികവിന്റെ പുതിയ വിജയങ്ങൾ തേടിയുള്ള ഈ വർഷത്തെ യാത്ര പ്രിയരെ കൂട്ടായി തുണയായി നിങ്ങളുണ്ടാകുമെന്ന പ്രതീക്ഷയോടെ കരുനാഗപ്പള്ളി ഗേൾസ് ഹൈസ്കൂൾ ഇന്ന് ആരംഭിക്കുന്നു

• 
• 
• 

കരുനാഗപ്പള്ളി ഗേൾസ് ഹൈസ്കൂൾ കൂടുതൽ ഉയരങ്ങളിലേക്ക്......

.
സ്കൂളിൽ അഡ്മിഷൻ എടുക്കുന്ന കുട്ടികളുടെ എണ്ണം വർദ്ധിച്ചതോടെ എല്ലാ കുട്ടികൾക്കും ആധുനിക സൗകര്യങ്ങൾ ലഭിക്കുന്നില്ല എന്ന പരാതി ഉയർന്നു. ഈ സാഹചര്യത്തിൽ ആധുനിക സൗകര്യങ്ങളോടെ 54 ക്ലാസ്സ് മുറികളുള്ള പുതിയ ബഹുനില മന്ദിരം നിർമ്മിക്കുന്നു. നിർമ്മാണ ആരംഭം 14.03.2018 രാവിലെ 8.00 മണിക്ക് .ഈ ആഹ്ലാദ നിമിഷത്തിന് സാക്ഷിയാകാൻ സ്നേഹപൂർവ്വം സ്വാഗതം ചെയ്യുന്നു

കരുനാഗപ്പള്ളി ബി ആർ സിയുടെ മലയാളതിളക്കം കരുനാഗപ്പള്ളി ഗേൾസ് ഹൈസ്കൂളിൽ നവംബർ 27 മുതൽ 29 വരെ

സംസ്ഥാന മേളയിൽ തിളങ്ങിയവർ

Sate Work experience fair-

                                       garment making                 H S                 ,Adithya Anil -           A  Grade 
                                       palm leaves products          H S                 Nandana. S-             A  Grade 
State Social Science Fair - 
                                       Working Model - .                H S                 Anamika                  A  Grade 
                                                                                H S                 Bhanulekshmi.           A  Grade  
Sate Science Fair  - 
                                       Improvised Experiment         H S                 Keerthana               A  Grade 
                                                                                 H S                 Bhagya                   A  Grade

|Sate Science Fair (H S)Improvised Experiment 'A' Grade Keerthana & Bhagya

സ്കൂൾ ടീം

ഹരിത വിദ്യാലയം റിയാലിറ്റി ഷോ- 2 ചിത്രീകരണം തികുവനന്തപുരം ചിത്രാഞ്ജലി സ്റ്റുഡിയോയിൽ കരുനാഗപ്പള്ളി ഗേൾസ് ഹൈസ്കൂൾ ടീം.

നിറവ് 2018

2018 ജനുവരി 11 വ്യാഴം

രാവിലെ 10.30

പരിപാടികൾ:

1. ക്യാപ്റ്റൻ ലക്ഷ്മി പാലിയേറ്റീവ് കെയർ യൂണിറ്റ് നിത്യ ഭക്ഷണം നൽകി സംരക്ഷിക്കുന്ന രോഗികളുടെ കുടുംമ്പങ്ങൾക്കായി കുട്ടികളും അധ്യാപകരും സമാഹരിച്ച അരി പാലിയേറ്റീവ് യൂണിറ്റിന് കൈമാറുന്നു.

2. സാമൂഹ്യ വിരുദ്ധരുടെ ആക്രമണത്തിൽ ഉപജീവനമാർഗ്ഗമായ ആട്ടോ തകർന്ന ആറാം ക്ലാസ്സ് കൂട്ടുകാരിയുടെ കുടുംമ്പത്തിന് പ്രഭാത ഭക്ഷണ കൗണ്ടറിൽ നിന്ന് ലഭിച്ച തുക ഉപയോഗിച്ച് ആട്ടോ നന്നാക്കാനുള്ള ധനസഹായം നൽകുന്നു.

3. സ്കൂൾ അക്ഷര സേന പ്രവർത്തകർ തയ്യാറാക്കിയ നൂറ്റമ്പതിൽപരം മലയാള സാഹിത്യകാരന്മാരുടെ വിവരങ്ങൾ അടങ്ങിയ 'കൈരളിയുടെ എഴുത്തുകാർ' എന്ന ഗ്രന്ഥത്തിന്റെ പ്രകാശനം.

4. ജീവിത ശൈലി രോഗങ്ങളിൽ നിന്ന് രക്ഷനേടാൻ വീട്ടിൽ നിർമ്മിക്കാവുന്ന ശുദ്ധഭക്ഷണ കൂട്ടുകളുടെ സമാഹാരം

"അമ്മയുടെ രുചികൂട്ട് " ( സ്കൂളിലെ കുട്ടികൾ തങ്ങളുടെ അമ്മമാരിൽ നിന്ന് ശേഖരിച്ച ഭക്ഷണ കൂട്ടുകളുടെ ശേഖരം) പ്രകാശനം .

5. കുട്ടികൾ സ്കൂൾ വളപ്പിലെ സസ്യങ്ങളുടെ ശാസ്ത്ര നാമവും പ്രത്യേകതകളും കണ്ടെത്തി തയ്യാറാക്കിയ "സ്കൂളിലെ സസ്യ ലോകം" രജിസ്റ്റർ സ്കൂൾ ലൈബ്രറിക്ക് കൈമാറുന്നു.

6. സാമൂഹ്യ വിരുദ്ധർ കവർന്ന് കൊണ്ടു പോയ ക്ലാസ്സ് ലൈബ്രറി പുസ്തകങ്ങൾക്ക് പകരമായി മറ്റ് ക്ലാസ്സുകളിലെ കൂട്ടുകാർ ശേഖരിച്ച പുസ്തകങ്ങൾ കൈമാറുന്നു.

7. സ്കൂൾ കാർഷിക ബാങ്കിലെ നിക്ഷേപതുക 12% പലിശ സഹിതം വിതരണം ചെയ്യുന്നു.

ഉദ്ഘാടനം:
ശ്രീ എം.മുകേഷ് എം എൽ എ

സംസ്ഥാന സ്കൂൾ കലോത്സവം

participating items

Charu J Krishna
items : kadhakali (HS Girls), (on 18 Jan 2017, wednesday on stage 12) ganaalapanam HS(skt), (on 21Jan 2017, Saturday at stage 10) sangha ganam HS(skt) (on 20Jan 2017, Friday at stage 20)
Zaira Siddique
Item : mappilappattu HS ( girls) On 17th Jan 2017, Tuesday at stage 11
Krishnaveni
Item..prasangam Malayalam HS on 11 January 2017,Tuesday at stage 9
Namitha Rajeev
item Nangyarkoothu.HS on 19 January 2017 Thursday at stage 10
Aliya .b
item.kadharachana Arabic HS on 17 January 2017 Tuesday at stage 15
Bhanulekshmi and party
Nadakam (H.S) on 20 January 2017 Friday at stage 14.
Lekshmi subrahmanyan

ottan thullal HS on 19 January 2017 Thursday at stage 10

ശാസ്ത്ര നാടകം Life @ 51.com സൗത്ത് ഇന്ത്യൻ ഡ്രാമാ ഫെസ്റ്റിവലിലേക്ക്

ഡിഎൻ എ യുടെ എക്സ് റേ ഫോട്ടോഗ്രാഫി ആദ്യാമായി കണ്ടെത്തിയ ബ്രട്ടീഷ് ശാസ്ത്രജ്ഞ റോസാലിൻ ഫ്രാങ്ക്ലിന്റെ ജീവിതത്തെ ആസ്പതമാക്കി പ്രദീപ് കണ്ണങ്കോട് രചിച്ച് അഭിലാഷ് പരവൂർ സംവിധാനം ചെയ്ത ലൈഫ് അറ്റ് ഫിഫ്റ്റീവൺ ഡോട്ട് കോം എന്ന നാടകമാണ് 18 ന് ബംഗലവൂരിൽ നടക്കുന്ന South Indian Drama fest ഇൽ അവതരിപ്പിക്കുന്നത്. ഈ നാടകത്തിലെ കേന്ദ്ര കഥാപാത്രമായ റോസാലിനെ അവതരിപ്പിച്ച അമീന ഹുസൈൻ ജില്ലാ ശാസ്ത്ര നാടക മത്സരത്തിൽ നല്ല നടിക്കുള്ള അംഗീകാരം നേടി. റോസാലിന്റെ അമ്മയുടെ വേഷം അവതരിപ്പിച്ച ദേവ പ്രീയ പ്രത്യേക പരാമർഷവും നേടി. ഈ മാസം ഇരുപത്തി ആറിന് പാലക്കാട് ഠൗൺ ഹാളിൽ നടന്ന സംസ്ഥാന തല ശാസ്ത്ര നാടക മത്സരത്തിൽ എ ഗ്രേഡ് നേടിയിരുന്നു.

ഗണിതശാസ്ത്ര സെമിനാർ

കരുനാഗപ്പള്ളി ഗേൾസ് ഹൈസ്കൂൾ & ബോയിസ് ഹയർ സെക്കന്ററി സ്കൂൾ ശതാബ്ദി ആഘോഷങ്ങളുടെ ഭാഗമായി സംഘടിപ്പിച്ച എസ് എസ് എൽ സി പാഠപുസ്തകത്തെ അടിസ്ഥാനപ്പെടുത്തി നടത്തിയ ഗണിത ശാസ്ത്ര ശില്പശാല സ്കൂൾ ഗണിത ശാസ്ത്ര പാഠപുസ്തകങ്ങളുടെ നിർമ്മാതാവും കേരള യൂണിവേഴ്സിറ്റി ഗണിത ശാസ്ത്രം മുൻ മേധാവിയുമായ ഡോ: ഈ . കൃഷ്ണൻ ക്ലാസ്സ് നയിക്കുന്നു. സ്കൂൾ മാനേജർ പ്രൊഫ: ആർ.ചന്ദ്രശേഖരപിള്ള ഉദ്ഘാടനം നിർവ്വഹിച്ചു.സ്കൂൾ ശതാബ്ദി ആഘോഷ കമ്മിറ്റി ചെയർമാൻ ശ്രീ.പി.ആർ.വസന്തൻ, ഫ്രൊഫ:ആർ.രാധാകൃഷ്ണപിള്ള, സംസ്ഥാന അദ്യാപക അവാർഡ് ജേതാവ് ശ്രീ സുനിൽ കുമാർ, പ്രിൻസിപാൾ ബിന്ദു ആർ ശേഖർ, ഹെഡ്മാസ് ട്രസ്റ്റ് മാരായ ശ്രീമതി.എൽ.ശ്രീലത, ശ്രീമതി മേരി ടി അലക്സ്, ശ്രീ.ജി.പി .അനിൽ തുടങ്ങയവർ സംസാരിച്ചു.കരുനാഗപ്പള്ളി സബ്ജില്ലയിലെ വിവിധ വിദ്യാലയങ്ങളിലെ അധ്യാപകരും വിദ്യാർത്ഥികളും ശില്പശാലയിൽ പങ്കെടുത്തു.

ഞങ്ങളൊപ്പമുണ്ട്

കരുനാഗപ്പള്ളി ഗേൾസ് ഹൈസ്കൂളിലെ ജെ ആർ സി യൂണിറ്റിന്റെ നേതൃത്വത്തിൽ നിർധനരായ കുട്ടികളുടെ കുടുംമ്പങ്ങൾക്ക് പ്രതിമാസം ആയിരം രൂപ വീതം സാമ്പത്തിക സഹായം നൽകുന്ന " ഞങ്ങളൊപ്പമുണ്ട് " പദ്ധതിയുടെ ഉദ്ഘാടനം ശ്രീ ആർ രാമചന്ദ്രൻ എം എൽ എ നിർവ്വഹിച്ചു. ജെ ആർ സി കുട്ടികൾ സമാഹരിച്ച 40000രൂപ ബാങ്കിൽ നിക്ഷേപിച്ച് സ്കൂളിലെ നാല് കുട്ടികളുടെ നിർധന കുടുംബങ്ങൾക്കു പ്രതിമാസം ആയിരം രൂപവീതം നൽകുന്ന പദ്ധതിയാണ് " ഞങ്ങളൊപ്പമുണ്ട് " .

കാരുണ്യത്തിന്റെ നല്ല പാഠം രചിച്ച് കരുനാഗപ്പള്ളി ഗേൾസ് ഹൈസ്കൂൾ നല്ലപാഠം കൂട്ടുകാർ.

ഓണാഘോഷങ്ങളുടെ ഭാഗമായി സംഘടിപ്പിച്ച സ്കൂളങ്ങാടിയിൽ നിന്നും ലഭിച്ച ലാഭത്തുക അശരണരായ രോഗികളെ സഹായിക്കുവാനായി സ്കൂൾ നല്ലപാഠം കൂട്ടുകാർ കരുനാഗപ്പള്ളി ക്യാപ്റ്റൻ ലക്ഷ്മി ഹെൽത്ത് ആൻഡ് പാലിയേറ്റീവ് കെയർ യൂണിറ്റിന് ഇന്ന് വൈകിട്ട് മൂന്ന് മണിക്ക് സ്‌കൂൾ കലോത്സവ സമാപന വേദിയിൽ വച്ച് കൈമാറി.

കാൻസർ രോഗികൾക്കായി മുടി ദാനം ചെയ്ത് സ്കൂൾ കുട്ടികൾ.

കരുനാഗപ്പള്ളി ഗേൾസ് ഹൈസ്കൂളിലെ പെൺകുട്ടികളാണ് അവരുടെ മുടി ക്യാൻസർ രോഗത്താൽ മനോവിഷമം അനുഭവിക്കുന്ന രോഗികൾക്കായി നൽകി സഹജീവി സ്നേഹത്തിന്റെ ഉത്തമ മാതൃക കാട്ടിയത്. കാൻസർ പ്രതിരോധ പ്രചാരണം ആശാകിരണം പദ്ധതിയുടെ ഭാഗമായാണ് സ്കൂളിൽ മുടി ദാന പരിപാടി സംഘടിപ്പിച്ചത്. തൃശൂർ അമല കാൻസർ സെന്റർ, കായംകുളം ആസ്ഥാനമായി പ്രവർത്തിക്കുന്ന ചേതന ഇന്റർ ഗ്രേറ്റഡ് ഡവലപ്പ്മെന്റ് സൊസൈറ്റി എന്നിവയുടെ സഹകരണത്തോടെയായിരുന്നു പരിപാടി. പരിപാടിയിൽ നിരവധി പെൺകുട്ടികൾ മുടി ദാനം ചെയ്യാൻ സന്നദ്ധരായി. രക്ഷാകർത്താക്കളുടെ സമ്മതപത്രം വാങ്ങിയാണ് സ്കൂൾ അധികൃതർ കുട്ടികളുടെ മുടി സ്വീകരിച്ചത്. അവയവ ദാനം പോലെ തന്നെ മഹത്തരമായ സന്ദേശമാണ് കേശ ദാനവും പുത്തൻ തലമുറയ്ക്ക് നൽകുന്നത്. കാൻസർ രോഗികൾ കീമോതെറാപ്പിക്ക് വിധേയരാകുമ്പോൾ അവരുടെ മുടി കൊഴിയുന്നു. ഇത് രോഗികൾക്ക് വലിയ മനോവിഷമത്തിനും സ്വയം ഒരുങ്ങി കൂടുന്നതിനും കാരണമാകുന്നു. ചിലപ്പോൾ ഇത് ചികിത്സയേപോലും ബാധിക്കുന്നു. സ്വാഭാവിക മുടികൊണ്ടു തന്നെ വിഗ്ഗ് തയ്യാറാക്കി സൗജന്യമായി നൽകി കാൻസർ രോഗികൾക്ക് പ്രതീക്ഷ നൽകുകയാണ് മുടി ദാനത്തിലൂടെ ലക്ഷ്യമാക്കുന്നതെന്ന് പരിപാടി ഉദ്ഘാടനം ചെയ്ത സ്കൂൾ ഹെഡ്മിസ്ട്രസ്സ് എൽ ശ്രീലത പറഞ്ഞു. ആസ്മി, ലക്ഷ്മി , ശ്രീജ എന്നിവർ നേതൃത്വം നൽകി. കുട്ടികൾ വീടുകളിൽ നിന്ന് എത്തിച്ച പഴയ ന്യൂസ് പേപ്പറുകളുടെ ശേഖരവും കാൻസർ പ്രതിരോധ സന്നദപ്രവർത്തകർക്ക് കൈമാറി.

സ്കൂൾ കാർഷിക ബാങ്ക്

സ്കൂളിൽ നല്ല പാഠം കൂട്ടുകാർ നടപ്പിലാക്കി വരുന്ന ഗൃഹപാഠം കൃഷിപാഠം പ്രോജക്ടിന്റെ ഭാഗമായി വീടുകളിൽ വിളയിച്ച പച്ചകറികൾ സ്കൂൾ ഉച്ചഭക്ഷണത്തിനായി സ്കൂളിൽ എത്തിക്കുന്ന കുട്ടികളിൽ സമ്പാദ്യശീലം വളർത്താൻ പച്ചക്കറിയുടെ വില സ്കൂൾ കാർഷിക ബാങ്കിൽ നിക്ഷേപിക്കുന്ന കുട്ടികൾക്ക് 12% പലിശ നൽകുന്നു. സ്കൂളിൽ എത്തിക്കുന്ന പച്ചക്കറിക്ക് ഹോട്ടി കോർപ്പ് നിശ്ചയിച്ചിട്ടുള്ള വിലയാണ് നൽകുന്നത്. കുട്ടികൾക്കും അധ്യാപകർക്കും വിൽകുമ്പോൾ ലഭിക്കുന്ന ലാഭതുകയാണ് പലിശയായി നൽകുന്നത്.

ഐ എസ് ഒ അംഗീകാരം

അന്താരാഷ്ട്ര തലത്തിൽ സ്ഥാപനങ്ങളുടെ ഗുണമേൻമാനിലവാരത്തിന് നൽകപ്പെടുന്ന ഐ.എസ്.ഒ സർട്ടിഫിക്കറ്റിന് കരുനാഗപ്പള്ളി ഗേൾസ് ഹൈസ്‌കൂൾ അർഹത നേടി. ജില്ലയിൽ സർക്കാർ എയിഡഡ് മേഖലയിൽ ഈ നേട്ടം കൈവരിക്കുന്ന ആദ്യ വിദ്യാലയമാണിതെന്ന് സ്‌കൂൾ അധികൃതർ പറഞ്ഞു. മാസങ്ങൾക്ക് മുൻപ് പഠനസംഘം സ്‌കൂൾ സന്ദർശിച്ച് പരിശോധന നടത്തിയിരുന്നു. രണ്ടായിരത്തി പതിനാറ് ആഗസ്റ്റ് അഞ്ചിനാണ് അംഗീകാരം ലഭിച്ച് കൊണ്ടുളള അറിയിപ്പ് സ്‌കൂളിൽ ലഭിക്കുന്നത്. മികച്ച അക്കാദമിക് അന്തരീക്ഷം, ശുചിത്വ പൂർണ്ണവും സ്ത്രീ സൗഹൃദപരവുമായ ശുചി മുറികൾ, ശുദ്ധീകരിച്ച് അണുവിമുകതമാക്കി സുലഭമായി ലഭിക്കുന്ന കുടിവെള്ളം, മികച്ച ലൈബ്രറി, ലബോറട്ടറി സംവിധാനങ്ങൾ, പരിസ്ഥിതി സൗഹൃദമായ വിദ്യാലയ അന്തരീക്ഷം, പഠനാനുബന്ധ പാഠ്യേതര പ്രവർത്തനങ്ങൾ, മറ്റ് അടിസ്ഥാന സൗകര്യങ്ങൾ എന്നീ ഘടകങ്ങൾ വിലയിരുത്തിയാണ് സർട്ടിഫിക്കറ്റ് നൽകിയത്.ഇക്കഴിഞ്ഞ എസ്.എസ്.എൽ.സി പരീക്ഷയിൽ ഉൾപ്പെടെ ജില്ലയിൽ മികച്ച വിജയം നേടിയെടുക്കാൻ സ്‌കൂളിന് കഴിഞ്ഞുവെന്ന് ഹെഡ്മിസ്ട്രസ്സ് എൽ.ശ്രീലത പറഞ്ഞു. സ്‌കൂളിന്റെ ശതാബ്ദി വർഷത്തിൽ തന്നെ ഈ നേട്ടം കൈവരിക്കാനായതിൽ അഭിമാനമുണ്ടെന്ന് ശതാബ്ദി ആഘോഷ കമ്മിറ്റി ചെയർമാൻ പി.ആർ വസന്തൻ, മാനേജർ പ്രൊഫ. ആർ.ചന്ദ്രശേഖരപിള്ള, പി.ടി.എ പ്രസിഡന്റ് എൻ അജയകുമാർ പ്രഥമാദ്ധ്യാപിക എൽ ശ്രീലത എന്നിവർ പറഞ്ഞു. ഔദ്യോഗിക പ്രഖ്യാപനം 18 ന് സ്‌കൂൾ അങ്കണത്തിൽ സ്കൂൾ ഭരണസമിതി പ്രസിഡന്റ് എ കെ രാധാകൃഷ്ണ പിള്ളയുടെ അധ്യക്ഷതയിൽ ചേർന്ന സമ്മേളനത്തിൽ വിദ്യാഭ്യാസ മന്ത്രി പ്രൊഫ. സി.രവീന്ദ്രനാഥ് നിർവ്വഹിച്ചു. എെ എസ് ഒ അംഗീകാരപത്രം മന്ത്രി സ്കൂൾ ഹെഡ്മിസ്ട്രസ്സ് എൽ ശ്രീലതയ്ക്ക് കൈമാറി. ആർ രാമചന്ദ്രൻ എം എൽ എ, നഗരസഭ അധ്യക്ഷ എം ശോഭന, നഗരസഭാ കൗൺസിലർമാർ, പി ടി എ അംഗങ്ങൾ, സ്കൂൾ ഭരണ സമിതി അംഗങ്ങൾ, രാഷ്ട്രീയ സംഘടനാ നേതാക്കന്മാർ, പൗരപ്രമുഖന്മാർ, അദ്ധ്യാപകർ, രക്ഷാകർത്താക്കൾ, വിദ്യാർത്ഥികൾ, മുൻ അദ്ധ്യാപകർ, പൂർവ്വവിദ്ധ്യാർത്ഥികൾ തുടങ്ങി പ്രൗഢസദസ് പ്രഖ്യാപനത്തിന് സാക്ഷ്യം വഹിച്ചു.കരുനാഗപ്പള്ളി ഗേൾസ് ഹൈസ്കൂളിനെ മികവിന്റെ കേന്ദ്രമാക്കി മാറ്റിയ സ്കൂൾ അധികൃതരെ അഭിനന്ദിച്ച മന്ത്രി ഗേൾസ് ഹൈസ്കൂൾ മാത‍കയിൽ സംസ്ഥാനത്തെ ആയിരം വിദ്യാലയങ്ങളെ ആധുനികവല്കരിക്കുമെന്ന് പറഞ്ഞു. ഇതിന് മുന്നോടിയായി മാറുന്ന കാലത്തിനനുസരിച്ച് വിജ്ഞാനം ആർജിക്കാൻ അദ്ധ്യാപകരെയും തയ്യാറാക്കുക എന്ന ലക്ഷ്യത്തോടെ ആധുനിക അദ്ധ്യാപക പരിശീലന പദ്ധതിക്ക് സർക്കാർ തുടക്കം കുറിക്കുമെന്നും വിദ്യാഭ്യാസ മന്ത്രി പ്രൊഫ. സി രവീന്ദ്രനാഥ് പറഞ്ഞു. സ്കൂളിനെ ഇനിയും മികവുറ്റതാക്കാനുള്ള പ്രവർത്തനങ്ങൾ നടന്നുവരികയാണെന്ന് ശതാബ്ദി ആഘോഷ കമ്മിറ്റി ചെയർമാൻ പി ആർ വസന്തൻ പറഞ്ഞു.

സിനിമ പഠന ക്ലാസ്സ്

ചലചിത്ര നിർമ്മാണത്തിന്റെ അണിയറ വിശേഷങ്ങൽ കുട്ടികൾക്ക് മുന്നിൽ തുറന്ന് കാട്ടികൊണ്ട് കരുനാഗപ്പള്ളി ഗേൾസ് ഹൈസ്കൂളിൽ നടന്ന സിനിമ പഠന ക്ലാസ്സ് ശ്രദ്ധേയമായി. പ്രശസ്ത പുസ്തക രചയിതാവും കൊല്ലം ജില്ലാ ലൈബ്രറി കൗൺസിൽ പ്രസിഡന്റുമായ ഡോ: പി.കെ. ഗോപനാണ്  "സിനിമ വിവിധ ഘട്ടങ്ങളിൽ " എന്ന വിഷയത്തിൽ ക്കാസ്സുകൾ നയിച്ചു. പുതിയ പാഠ്യപദ്ധതിയിൽ ചലചിത്രങ്ങളും ചലചിത്ര നിർമ്മാണവുമായി ബന്ധപ്പെട്ട പാഠഭാഗങ്ങൾ ഉൾപ്പെടുത്തപ്പെട്ട സാഹചര്യത്തിലാണ്  സ്കൂൾ നല്ലപാഠം യൂണിറ്റിന്റെ ആഭിമുഖ്യത്തിൽ ഇത്തരമൊരു ക്ലാസ്സ്  സംഘടിപ്പിച്ചത്.സിനിമയെക്കുറിച്ച് ഓരോ യൂണിറ്റ് വീതം പത്താം ക്ലാസ്സ് ഇംഗ്ലീഷ് , ഹിന്ദി പാഠപുസ്തകങ്ങളിൽ പാഠ്യവിഷയമായുണ്ട്. സെക്കന്റുകൾ ദൈർഘ്യമുള്ള ഷോട്ടുകൾക്കു പിന്നിൽ അണിയറ പ്രവർത്തകർ അനുഭവിക്കേണ്ടി വരുന്ന യാതനകൾ ഇന്ത്യയിലെ എക്കാലത്തേയും മികച്ച സംവിധായകൻ സത്യജിത്ത് റേയുടെ അനുഭവങ്ങളിലൂടെ മനസിതാക്കാൻ സാധിച്ചു. 36 സിനിമകളിൽനിന്ന് 32 അന്താരാഷ്ട്ര അവാർഡുകൾ നേടിയ ആ മഹാപ്രതിഭയെ അടുത്തറിയാൻ ക്ലാസ്സ് സഹായിച്ചു.ഇറാനിയൻ സംവിധായകനായ മജീദ് മജീദിയുടെ  'Children's Heaven' എന്ന ചലചിത്രവും സെമിനാറിൽ ചർച്ച ചെയ്യപ്പെടിടു. ഷൂട്ടിങ്, എഡിറ്റിങ്, സൗണ്ട് മിക്സിങ്, വിവിധതരം ‍ഷോട്ടുകൾ, ക്യാമറ ആങ്കിൾ എന്നിവയിൽ തുടങ്ങി ചലചിത്ര ആസ്വാദന രീതിവരെ സെമിനാറിൽ ചർച്ച ചെയ്യപ്പെട്ടു.പാഠഭാഗങ്ങൾ ആഴത്തിൽ മനസിലാക്കുവാനും നിത്യേന നാം കാണുന്ന സിനിമയുടെ കാണാപ്പുറങ്ങൾ മനസിലാക്കുവാനും സെമിനാർ സഹായിച്ചെന്നു കുട്ടികൾ അഭിപ്രായപ്പെട്ടു. രണ്ട് ബാച്ചായി സ്കൂളിലെ പതിനൊന്ന് ഡിവിഷനുകളിൽ പഠിക്കുന്ന നാണൂറിലാധികം കുട്ടികൾക്കാണ് ക്ലാസ്സ് ലഭിച്ചത്. നല്ലപാഠം കോഡിനേറ്റർ ജി മോഹനൻ നന്ദി പറഞ്ഞു.

സാമൂഹ്യശാസ്ത്രം സെമിനാർ

കരുനാഗപ്പള്ളി ഗേൾസ് ഹൈസ്കൂൾ ശതാബ്ദി ആഘോഷങ്ങളുടെ ഭാഗമായി സംഘടിപ്പിച്ച പ്രഭാഷണ പരമ്പരയിൽ സ്കൂൾ സാമൂഹ്യ ശാസ്ത്ര വിഭാഗത്തിന്റെ നേതൃത്വത്തിൽ "ഇന്ത്യയുടെ സാംസ്കാരിക വളർച്ചയും വികസനവും " എന്ന വിഷയത്തിൽ ചരിത്രകാരനും ഹയർ സെക്കന്ററി മുൻ ഡയറക്ടറുമായ പ്രൊഫ: വി. കാർത്തികേയൻ നായർ പ്രഭാഷണം നടത്തി. സ്കൂൾ ശതാബ്ദി ആഘോഷ കമ്മിറ്റി ചെയർമാൻ ശ്രീ പി.ആർ.വസന്തൻ ആമുഖ പ്രസംഗം നടത്തി.

ഉപജില്ല കലോത്സവം

കരുനാഗപ്പള്ളി ഉപജില്ല സ്കൂൾ കലോത്സവം: HS ഓവറാൾ - II ഗേൾസ് ഹൈസ്കൂൾ കരുനാഗപ്പള്ളി കരുനാഗപ്പള്ളി ഉപജില്ല സംസ്കൃത കലോത്സവം - I l ഓവറാൾ

കൊല്ലം റവന്യൂ ജില്ല ജൂഡോ ചാമ്പ്യൻഷിപ്പ് (58 കിലോ) ഒന്നാം സ്ഥാനം നേടിയ കരുനാഗപ്പള്ളി ഗേൾസ് ഹൈസ്കൂളിലെ ഗൗരീ കൃഷ്ണ.

സംസ്ഥാന ജൂഡോ ചാമ്പ്യൻഷിപ്പ് (58 കിലോ) വെള്ളി മെഡൽനേടി കരുനാഗപ്പള്ളി ഗേൾസ് ഹൈസ്കൂളിലെ ഗൗരീ കൃഷ്ണ.

ഒന്നാം സ്ഥാനത്തിന്റെ തിളക്കവുമായി വീണ്ടും കരുനാഗപ്പള്ളി ഗേൾസ് ഹൈസ്കൂൾ .........

ജില്ലാ ശാസ്ത്ര നാടകം കരുനാഗപ്പള്ളി ഗേൾസ് ഹൈസ്കൂളിന് ഒന്നാം സ്ഥാനം ......... കൊല്ലം റവന്യൂ ജില്ല ശാസ്ത്ര നാടക മത്സരത്തിൽ ഒന്നാം സ്ഥാനവും നല്ല നടിക്കുള്ള അംഗീകാരവും പ്രത്യേക പരാമർശവും......

കരുനാഗപ്പള്ളി ഉപജില്ല മേള -ഗേൾസ് ഹൈസ്കൂളിന് തിളക്കമാർന്ന വിജയം.

  കരുനാഗപ്പള്ളി ഉപജില്ല ശാസ്ത്ര ഗണിത ശാസ്ത്ര സാമൂഹ്യ ശാസ്ത്ര പ്രവർത്തി പരിചയ മേളയിൽ കരുനാഗപ്പള്ളി ഗേൾസ് ഹൈസ്കൂളിന് തിളക്കമാർന്ന വിജയം .ഐ ടി മേളയിൽ ഹൈസ്കൂൾ യൂ പി വിഭാഗം , സാമൂഹ്യ ശാസ്ത്രമേളയിൽ ഹൈസ്കൂൾ വിഭാഗം ഓവറാളും പ്രവർത്തി പരിചയമേളയിൽ ഓവറാൾ മൂന്നാം സ്ഥാനവും സ്കൂളിന് ലഭിച്ചു.ഐ ടി മേളയിൽ ഹൈസ്കൂൾ വിഭാഗം പ്രോജക്ടിന് ഒന്നാം സ്ഥാനവും പ്രസന്റെഷന് രണ്ടാം സ്ഥാനവും മലയാളം ടൈപ്പിംഗ്, പെയിന്റിംഗ് ,ഐ ടി ക്വിസ് എന്നിവയിൽ മൂന്നാം സ്ഥാനവും നേടി 28 പോയിന്റോടെ ഓവറാൾ നേടി. യൂ പി വിഭാഗത്തിൽ പെയിന്റിംഗിൽ ഒന്നാം സ്ഥാനവും മലയാളം ടൈപ്പിംഗിൽ രണ്ടാം സ്ഥാനവും കരസ്ഥമാക്കി 18 പോയിന്റോടെ ഓവറാൾ നേടി.സോഷ്യൽ സയൻസ് മേളയിൽ ഹൈസ്കൂൾ വിഭാഗത്തിൽ മത്സരിച്ച പ്രസംഗം, വർക്കിംഗ് മോഡൽ, സ്റ്റിൽ മോഡൽ ഇനങ്ങളിൽ എ ഗ്രേ ഡോടെ ഒന്നാം സ്ഥാനം നേടി. 32 പോയിന്റ് നേടിയാണ് ഈ വിഭാഗത്തിൽ ഓവറാൾ കരസ്ഥമാക്കിയത്. പ്രവർത്തിപരിചയമേളയിൽ ഏഴിനങ്ങളിൽ ഒന്നാം സ്ഥാനവും മൂന്നിനങ്ങളിൽ രണ്ടാം സ്ഥാനവും രണ്ടിനങ്ങളിൽ മൂന്നാം സ്ഥാനവും നേടി 3290 പോയിന്റോടെ ഓവറാൾ മൂന്നാം സ്ഥാനം നേടി. പങ്കെടുത്ത പതിമൂന്ന് ഇനങ്ങളിൽ എ ഗ്രേ ഡ് ലഭിച്ചു.ശാസ്ത്രമേളയിൽ ശാസ്ത്ര നാടകം, ടാലന്റ് സെർച്ച് എക്സാം ഇനങ്ങളിൽ ഒന്നാം സ്ഥാനവും വർക്കിംഗ് മോഡൽ, സ്റ്റിൽ മോഡൽ ഇനങ്ങളിൽ മൂന്നാം സ്ഥാനവും ലഭിച്ചു.ഗണിത ശാസ്ത്ര മേളയിൽ അപ്ലൈഡ് കൺസ്ട്രഷനിൽ ഒന്നാം സ്ഥാനവും ശ്രീനവാസ രാമാനുജൻ മെമ്മോറിയൽ പേപ്പർ പ്രസന്റെഷനിൽ രണ്ടാം സ്ഥാനവും ലഭിച്ചു. മത്സരങ്ങളിൽ ഒന്നും രണ്ടും സ്ഥാനം ലഭിച്ചവർക്ക് ജില്ലാ മത്സരങ്ങളിൽ പങ്കെടുക്കാം. വിജയികൾക്ക് അഭിനന്ദനങ്ങൾ ......... കരുനാഗപ്പള്ളി ഉപജില്ല മേള ഗേൾസ് ഹൈസ്കൂൾ , കരുനാഗപ്പള്ളി. ഐ ടി മേള :- യു പി വിഭാഗം ഓവറാൾ - |, ഹൈസ്കൂൾ വിഭാഗം ഓവറാൾ - |, സാമൂഹ്യ ശാസ്ത്രമേള :-ഹൈസ്കൂൾ വിഭാഗം ഓവറാൾ - l, പ്രവർത്തിപരിചയ മേള:- ഹൈസ്കൂൾ വിഭാഗം ഓവറാൾ - |||,

ബഹിരാകാശ വാരം

മാനവരാശിയുടെ നന്മക്കായ് ശാസ്ത്രവും സാങ്കേതികവിദ്യയും നൽകിയ സംഭാവനകൾ കുട്ടികൾക്ക് മനസിലാക്കിക്കൊടുക്കാനായി കരുനാഗപ്പള്ളി ഗേൾസ് ഹൈസ്കൂളിൽ 2016 ഒക്ടോബർ 3 മുതൽ 10 വരെ ലോക ബഹിരാകാശ വാരം ആചരിച്ചു.  

ഐ എസ് ആർ ഒ യാത്രാ

വഹിരാകാശ വാരാചരണത്തിന്റെ ഭാഗമായി സ്കൂൾ നല്ലപാഠം യൂണിറ്റിന്റെ നേതൃത്വത്തിൽ തിരുവനന്തപുരം വിക്രം സാരാഭായി വഹിരാകാശ കേന്ദ്രത്തിലേക്ക് പഠനയാത്ര നടത്തി. ആറു ബസ്സുകളിലായി 290 വിദ്യാർത്ഥിനികളും 10 അദ്ധ്യാപികമാരും 5 അദ്ധ്യാപകരും അടങ്ങുന്ന സംഘമാണ് യാത്ര പോയത്. ബഹിരാകാശ മ്യൂസിയം സന്ദർശിച്ച ഞങ്ങൾ രോക്കറ്റ് വിക്ഷേപണവും നേരിൽ കണ്ടാണ് മടങ്ങിയത്. നടക്കയാത്രയിൽ വേളി ടൂറിസ്റ്റ് വില്ലേജും സന്ദർശിച്ചു.

ബഹിരാകാശ ക്ലാസ്സ്

സ്കൂൾ ശാസ്ത്ര ക്ലബ്ബിന്റെ നേതൃത്വത്തിൽ സംഘടിപ്പിച്ച വഹിരാകാശ വാരാചരണത്തിന്റെ ഭാഗമായി തിരുവനന്തപുരം വിക്രം സാരാഭായി വഹിരാകാശ കേന്ദ്രത്തിലേ ശാസ്ത്രജ്ഞൻ ശ്രീ അൻസർ സ്കൂലിലെത്തി ഭാരതീയ ബഹിരാകാശ പര്യവേഷണം ഇന്നലെ ഇന്ന് നാളെ എന്ന വിഷയത്തിൽ ഡിജിറ്റൽ മീഡിയായുടെ സഹായത്തോടെ ക്ലാസ്സെടുത്തു.കുട്ടികൾക്കൊപ്പം അദ്ധ്യാപകരും ക്ലാസ്സിൽ പങ്കെടുത്തു. രാവിലെ ഒമ്പത് മണിക്ക് ആരംഭിച്ച ക്ലാസ്സ് ഒരുമണിക്ക് അവസാനിച്ചു.  സ്കൂൾ മാനേജർ പ്രൊഫ: ആർ ചന്ദ്രശേഖരൻ പിള്ള ഉദ്ഘാടനം നിർവ്വഹിച്ചു.

കുമാരി പ്രോജക്ട്

1 കുമാരി പ്രോജക്ടിന്റെ ഭാഗമായി കുട്ടികൾക്ക് ഗൈനക് ഡോക്ടർമാരുടെ ക്ലാസ്സ് .

ഘട്ടങ്ങൾ

1. ക്ലാസ്സ് ടീച്ചർ നൽകുന്ന ബോധവത്കരണം.

2. ചുമതലപ്പെടുത്തിയ ടീച്ചർ നൽകുന്ന ബോധവത്കരണം.

3ചുമതലപ്പെടുത്തിയ വിദ്യാർത്ഥിനികൾ സൽകുന്ന ബോധവത്കരണം .

4 ആരോഗ്യ പ്രവർത്തകർ നൽകുന്ന ബോധവത്കരണ ക്ലാസ്സ്

5 ഡോക്ടർമാർ നൽകുന്ന ബോധവത്കരണ ക്ലാസ്സ്,

6 ഡോക്ടർ കൗൺസിലിങ്

7 ആവശ്യമായവർക്ക് ശാരീരിക പരിശോധന.

8ചികിത്സ ആവശ്യമുള്ളവർക്ക് സൗജന്യ ചികിത്സ.

നല്ലപാഠം കൂട്ടുകാരുടെ വിദ്യാലയ സെൻസസ്

പ്രവർത്തന ക്രമം

1 ഫോറം എ യിൽ വിദ്യാർത്ഥികളായ എന്യൂമറേറ്റർമാർ കുട്ടികളിൽ നിന്ന് 20 വിഭാങ്ങളിലായി 67 ചോദ്യങ്ങളിലൂടെ കുട്ടിയുടെ സെൻസസ് എടുക്കുന്നു.

2. എന്യൂമറേറ്റർമാർ ഫോറം ബി യിൽ ക്ലാസ്സ് തലസംഗ്രഹം തയ്യാറാക്കുന്നു.

3 സൂപ്പർവൈസർ ചുമതലയുള്ള കുട്ടികൾ ക്ലാസ്സ് തലത്തിലെ ഫോറം എ ഫോറം ബി എന്നിവ എന്യൂമറേറ്റർമാരിൽ നിന്ന് ഏറ്റുവാങ്ങി ഫോറം സി യിൽ സ്റ്റാൻഡേർഡ് തല സംഗ്രഹം തയ്യാറാക്കുന്നു.

4 ചാർജ് ഓഫീസേഴ്സ് സൂപ്പർ വൈസർമാരിൽ നിന്ന്  ഫോറം സി ഏറ്റുവാങ്ങി സ്കൂൾ തല സംഗ്രഹമായ ഫോറം ഡി തയ്യാറാക്കുന്നു.

5 ടീം ഐ ടി ഫോറം ബി , സി, ഡി ഇവ ഏറ്റുവാങ്ങി ഡിജിറ്റൽ അനലൈസ് പട്ടികകൾ തയ്യാറാക്കുന്നു.

6. കുട്ടികൾ തയ്യാറാക്കുന്ന കുട്ടികളുടെ സെൻസസ് സ്കൂൾ അധികൃതർക്ക് കൈമാറുന്നു.

നല്ല പാഠം ഫെസ്റ്റ് 2016

മലയാള മനോരമ നല്ലപാഠം ഹൈസ്കൂൾ യൂണിറ്റ് 2016ഡിസംബർ ഒന്നിന് മലയാള മനോരമ നല്ലപാഠം ഫെസ്റ്റ് - 2016സംഘടിപ്പിച്ചു. കൊല്ലം അസ്സിസ്റ്റന്റ് കളക്ടർ ശ്രീമതി. ആഷ അജിത് ഫെസ്റ്റ് ഉദ്ഘാടനം ചെയ്തു.  

കുട്ടികൾ വിളയിച്ച വിഷരഹിത ജൈവ പച്ചകറി ഹോട്ടി കോർപ് ഏറ്റെടുക്കുന്നതിന്റെ ഉദ്ഘാടനം

നാടിന് മാതൃകയാണികുട്ടികൾ ഗൃഹപാഠം - കൃഷിപാഠം പദ്ധതിയിലൂടെ കരുനാഗപ്പള്ളി ഗേൾസ് ഹൈസ്കൂളിലെ കുട്ടികൾ വിളയിച്ച വിഷരഹിത ജൈവ പച്ചകറി ഹോട്ടി കോർപ് ഏറ്റെടുക്കുന്നതിന്റെ ഉദ്ഘാടനം ഹോട്ടി കോർപ് ജില്ല മാനെജർ ശ്രീ ആർ.ഷാജി 2016 ഡിസംബർ ഒന്നിന് സാകൂളിൽ സംഘടിപ്പിച്ച മലയാള മനോരമ നല്ലപാഠംനല്ല പാഠം ഫെസ്റ്റിൽ വച്ച്  സ്കൂൾ കാർഷിക ക്ലബ്ബ് സെക്രട്ടറി കുമാരി എം എച്ച് ഫാത്തിമയിൽ നിന്ന് ഏറ്റുവാങ്ങി കൊണ്ട് നിർവ്വഹിച്ചു. കുട്ടികൾ വീട്ടിൽ വിളയിച്ചു കൊണ്ടുവരുന്ന വിളകൾക്കൊപ്പം നാട്ടിലെ കർഷകർക്കും തങ്ങളുടെ വിളകൾ ഹോർട്ടി കോർപ്പിന് നൽകാനുള്ള അവസരം ഒരുക്കുന്നു.

നല്ല പാഠം കാർഷിക ബാങ്കി "ന്റെ ഉദ്ഘാടനം

സ്കൂൾ നിത്യങ്ങാടിയിൽ ജൈവപച്ചകറി വിൽക്കുന്ന കുട്ടികളിൽ സമ്പാദ്യ ശീലം വളർത്തുക എന്ന ലക്ഷ്യത്തോടെ നല്ല പാഠം കാർഷിക ബാങ്ക് പ്രവർത്തനം ആരംഭിച്ചു. വിളയുടെ വില ബാങ്കിൽ നിക്ഷേപിക്കുന്ന കുട്ടികൾക്ക് 12%( ഒരു രൂപ നിരക്കിൽ) പലിശ നൽകുന്നു. നിത്യങ്ങാടിയിൽ എത്തുന്ന ഇനങ്ങളിൽ സ്കൂൾ ഉച്ചഭക്ഷണ ആവശ്യത്തിന് ഉപയോഗിക്കാൻ കഴിയാത്തവ അദ്ധ്യാപകർക്കും മറ്റുള്ളവർക്കും വിൽക്കുമ്പോൾ ലഭിക്കുന്ന അധിക തുകയാണ് പലിശയായി നൽകുന്നത്." സ്കൂൾ കാർഷിക ബാങ്കി "ന്റെ ഉദ്ഘാടനം 2016 ഡിസംബർ ഒന്നിന് സ്കൂളിൽ സംഘടിപ്പിച്ച മലയാള മനോരമ നല്ലപാഠം ഫെസ്റ്റിൽ  മലയാള മനോരമ നല്ലപാഠം ജില്ല കോഡിനേറ്റർ മനോജ് കടമ്പാട്ട് നിർവ്വഹിച്ചു.

കുട്ടികൾ തയ്യാറാക്കിയ വിദ്യാർത്ഥി സെൻസസ് റിപ്പോർട്ട് സമർപ്പണം

കരുനാഗപ്പള്ളി ഗേൾസ് ഹൈസ്കൂളിലെ കുട്ടികൾ തയ്യാറാക്കിയ വിദ്യാർത്ഥി സെൻസസ് റിപ്പോർട്ട് സ്കൂൾ ഹെഡ്മിസ്ട്രസ്സ് ശ്രീമതി എൽ ശ്രീലത സ്കൂൾ മാനേജിംഗ് കമ്മിറ്റിക്ക് കൈമാറി.

കുമാരി പ്രോജക്ടിന്റെ ഉദ്ഘാടനം

ഹൈസ്കൂളിലെ മലയാള മനോരമ നല്ലപാഠം കൂട്ടുകാർ കൗമാര പെൺകുട്ടികളുടെ ശാരീരിക ആരോഗ്യ സംരക്ഷണത്തിനായി നടപ്പിലാക്കുന്ന കുമാരി പ്രോജക്ടിന്റെ ഭാഗമായി റോട്ടറി ക്ലബ്ബ് കരുനാഗപ്പള്ളിയുടെ സഹകരണത്തോ‌ടെ സംഘടിപ്പിച്ച കുട്ടികൾക്കുള്ള ഗൈനിക് മെഡിക്കൽ ക്യാമ്പ് ഡോ: ആർ.നാരായണ കുറുപ്പ് (RCPM ഹോസ്പിറ്റൽ, ചങ്ങൻകുളങ്ങര) ഉദ്ഘാടനം ചെയ്തു.

ഉപജില്ല കായിക പരിശീലനം

കരുനാഗപ്പള്ളി ഗേൾസ് ഹൈസ്കൂൾ മലയാള മനോരമ നല്ലപാഠം യൂണിറ്റ് സ്കൂൾ സ്പോർട്ട്സ് ക്ലബ്ബിന്റെ സഹകരണത്തോടെ ഉപജില്ലയിലെ പ്രൈമറി സ്കൂളുകളിൽ പഠിക്കുന്ന കുട്ടികൽക്ക് അവധിക്കാല കായിക പരിശീലനം നൽകുി.  2016ഡിസംബർ 23മുതൽ ജനുവരി 02 വരെ ക്രിസ്തുമസ് അവധിക്കാലത്താണ് കായിക പരിശീലനം നൽകുിയത്. നിലവിൽ കായിക അദ്ധ്യാപകരില്ലാത്ത പ്രൈമറി സ്കൂളുകളിലെ അഞ്ചാം ക്ലാസ്സ് മുതൽ ഏഴാം ക്ലാസ്സ് വരെയുള്ള കുട്ടികൾക്കാണ് പരിശീലനം നൽകിയത്. സ്കൂൾ കായിക അദ്ധ്യാപകൻ ബി ഗോപാലകൃഷ്ണന്റെ മാർഗ്ഗ നിർദ്ദേശത്തിൽ സ്കൂൾ സ്പോർട്ട്സ് ക്ലബംഗങ്ങൾ  എല്ലാ ദിവസവും രാവിലെ ഏഴ് മണി മുതൽ പത്ത് മണിവരെ പരിശീലനം നൽകി.പി ടി എ യുടെ സഹായത്തോടെ പരിശീലനത്തിന് എത്തിയ കുട്ടികൾക്ക് ഭക്ഷണവും നൽകി.ആർ രാമചന്ദ്രൻ എം എൽ എ പരിശീലന പരിപാടി ഉദ്ഘാടനം ചെയ്യ്തു. സ്കൂൾ കായിക അദ്ധ്യാപകൻ ബി ഗോപാല കൃഷ്ണൻ പദ്ധതി വിശദീകരിച്ചു. സ്കൂൾ മാനേജർ പ്രൊഫ: ആർ ചന്ദ്രശേഖരൻ പിള്ള, സ്കൂൾ ശതാബ്ദി കമ്മിറ്റി ചെ.യർമാൻ പി ആർ വസന്തൻ,

അംഗണവാടി കുട്ടികൾക്കൊപ്പം നല്ലപാഠം കൂട്ടുകാരുടെ ക്രിസ്തുമസ് -നവവത്സരആഘോഷം.

കരുനാഗപ്പള്ളി ഗേൾസ് ഹൈസ്കൂളിലെ മലയാള മനോരമ നല്ലപാഠം കൂട്ടുകാരാണ് ഈ വർഷത്തെ ക്രിസ്തുമസ് - നവവത്സരം അംഗണവാടി കുട്ടികൾക്കൊപ്പം ആഘോഷിച്ചത്. ക്രിസ്മസ് കേക്കും ആശംസാ കാർഡുകളും ചോക്ലേറ്റുകൾക്കുമൊപ്പം വായിച്ചു വളരാൻ .... പുസ്തകങ്ങളുംകൊച്ചു കൂട്ടുകാർക്കു വേണ്ടി കരുതിയിരുന്നു. കഥ പറച്ചിലും പാട്ടും കളികളും ഒക്കെയായി കുഞ്ഞു മനസുകളിൽ ആഹ്ലാദത്തിന്റെ പുഞ്ചിരി പൂക്കൾ വിരിയിച്ച ആഘോഷം സ്കൂൾ പൂർവ്വിദ്യാർത്ഥി സംഘം പ്രസിഡന്റും നഗരസഭ കൗൺസിലറുമായ ശ്രീ. ആർ രവീന്ദ്രൻ പിള്ള ഉദ്ഘാടനം ചെയ്തു. നല്ലപാഠം അക്ഷര സേന കൂട്ടുകാർ സമ്മാനിച്ച പുസതകങ്ങൾ നഗരസഭ കൗൺസിലർ ശ്രീ എൻ സി ശ്രീകുമാർ അംഗണവാഡി ടീച്ചർ ശ്രീമതി രത്നമ്മക്ക് കൈമാറി.നല്ലപാഠം കോ ഓഡിനേറ്റർ ജി മോഹനൻ , എ ശ്രീജ ദേവി, ആർ ഷീല, ആയ രമണി എന്നിവർ ആഘോഷ പരിപാടികൾക്ക് നേതൃത്വം നൽകി.  

അദ്ധ്യാപക ദിനം

അദ്ധ്യാപകർക്കും മാതൃകയായി കുട്ടി ടീച്ചർമാരുടെ ക്ലാസ്സുകൾ . നാടെങ്ങും അദ്ധ്യാപകദിനം ആഘോഷിക്കുമ്പോൾ വേറിട്ട പരിപാടികൾ സംഘടിപ്പിച്ചു കൊണ്ട് കരുനാഗപ്പള്ളി ഗേൾസ് ഹൈസ്കൂളിലെ നല്ല പാഠം കുട്ടികൾ മാതൃകയായി.സ്കൂളിലെ അഞ്ച് മുതൽ പത്ത് വരെയുള്ള ക്ലാസ്സുകളിൽ അദ്ധ്യാപക ദിനമായ സെപ്റ്റംബർ അഞ്ചിന് അദ്ധ്യാപകർക്കൊപ്പം കുട്ടി ടീച്ചർമാരും ക്ലാസ്സുകൾ എടുത്തു.അദ്ധ്യാപരുടെ അനുവാദം വാങ്ങി ടീച്ചിംഗ് നോട്ടും പാഠപുസ്തവും പഠന സഹായ സാമഗ്രികളുമായി ക്ലാസ്സിലെത്തിയ കുട്ടി ടീച്ചർമാരെ കണ്ട് പഠിതാക്കൾക്ക് ആദ്യം ചിരി പൊട്ടിയെങ്കിലും ടീച്ചർ ക്ലാസ്സ് ആരംഭിച്ചതോടെ എല്ലാവരും ഗൗരവത്തിലായി. പഠിപ്പിക്കാനുള്ള പാഠഭാഗങ്ങൾ പല ടീച്ചർമാരും മനപാഠമാക്കിയാണ് പഠിപ്പിക്കാൻ എത്തിയത്. കൊണ്ടുവന്ന പാഠപുസ്തകത്തെ ആശ്രയിക്കാതെ തന്നെ ക്ലാസ്സുകൾ നയിച്ച കുട്ടിടിച്ചർമാർ അദ്ധ്യാപകർക്കും കൗതുകമായി .ചൊദ്യം ചോദിക്കലും സംശയനിവാരണവും പ്രയാസമുള്ള ഭാഗങ്ങൾ കൂടുതൽ വിശദീകരിച്ച് നൽകലും ഒക്കെയായി അദ്ധ്യാപനം കുട്ടി പരിപാടിയിൽ നിന്ന് മാറി ഗൗരവമുള്ളതായി. കണക്കും, സയൻസും സാമൂഹ്യ ശാസ്ത്രവും ഭാഷാ വിഷയങ്ങളും തങ്കൾക്ക് പഠിക്കാൻ മാത്രമല്ല പഠിപ്പിക്കാനും കഴിയുമെന്ന് കുട്ടികൾ തെളിയിച്ചു.മുൻരാഷ്ട്രപതി ഡോ: എസ്.രാധാകൃഷ്ണന് സ്മരണാഞ്ജലി അർപ്പിച്ചു കൊണ്ടാണ് എല്ലാവരും ക്ലാസ്സുകൾ ആരംഭിച്ചത്.ആഘോഷ പരിപാടികളുടെ ഭാഗമായി രാവിലെ സ്കൂൾ സെമിനാർ ഹാളിൽ മുൻ അദ്ധ്യാപകൻ ശ്രീ സുഗതൻ അദ്ധ്യാപകർക്കും കുട്ടികൾക്കും ജീവിത ശൈലി സംബന്ധിച്ച ക്ലാസ്സ് എടുത്തു. വിദ്യാർത്ഥിനികളും അദ്ധ്യാപകരും ചെർന്ന് അദ്ദേഹത്തെ പൊന്നാട അണിയിച്ച് ആദരിച്ചു.തുടർന്ന് ബാലശാസ്ത്ര പ്രതിഭയും സ്കൂളിലെ പത്താം ക്ലാസ്സ് വിദ്യാർത്ഥിനിയുമായ കുമാരി കുഷ്ണവേണി പത്താം ക്ലാസ്സിലെ മലയാളം പാഠം പഠിപ്പിച്ചു. അവതരണ ശൈലിയിലെ വ്യത്യസ്ത കൊണ്ട് അദ്ധ്യാപകരുടെയും വിദ്യാർത്ഥികളുടെയും പ്രശംസ നേടി. എട്ടാം ക്ലാസ്സിലെ ജീവശാസ്ത്രം ടീച്ചർ കുമാരി അശ്വതി നല്ല ടീച്ചറിനുള്ള അംഗീകാരം നേടി. അദ്ധ്യാപക ദിനത്തിൽ കുട്ടികൾ തങ്ങളുടെ അദ്ധ്യാപകർക്ക് സ്നേഹ സമ്മാനവും നൽകാൻ മറന്നില്ല .പരീക്ഷ സമയതും മാതൃകാപരമായ പരിപാടി സംഘടിപ്പിച്ച നല്ലപാഠം കുട്ടികളെ അദ്ധ്യാപകരും പി ടി എയും അഭിനന്ദിച്ചു.  

ഉത്സവമായി - സ്കൂളങ്ങാടി

  കരുനാഗപ്പള്ളി ഗേൾസ് ഹൈസ്കൂളിലെ കുട്ടികളുടെ ഓണം വിപണനമേള സ്കൂളങ്ങാടി നാടിന്റെ ഉത്സവമായി. കരുനാഗപ്പള്ളി കൃഷിഭവന്റ സഹായത്തോടെ 'കൃഷി പാഠം ഗൃഹപാഠം' പദ്ധതിയിലുൾപ്പെടുത്തി സ്കൂളിലെ കുട്ടികൾക്കു നൽകിയ പച്ചക്കറി വിത്തുകൾ ഉപയോഗിച്ച് വീടുകളിൽ മറ്റ് കുടുംബാംഗങ്ങളുടെ സഹായത്തൊടെ കൃഷി ചെയ്ത് വിളയിച്ചെടുത്ത തീർത്തും വിഷ രഹിതമായ പച്ചക്കറികളുടെ വിളവെടുപ്പ് ഉത്സവമായാണ് സ്കൂളിൽ 'സ്കൂളങ്ങാടി 'എന്ന പേരിൽ കുട്ടികളുടെ ഓണം വിപണന മേള ഒരുക്കിയത് . പയർ, പാവൽ, വഴുതനം, പടവലം, മത്തൻ മുതൽ പച്ചമുളകും കറിവേപ്പിലയും എല്ലാം കുട്ടികൾ വിൽപ്പനക്ക് എത്തിച്ചു. ഒപ്പം അടുക്കളത്തോട്ടത്തിൽ വിളഞ്ഞ മര ചീനി, വാഴപ്പഴം, വാഴകൂമ്പ് ,വാഴപ്പിണ്ടി, തേങ്ങ, ചേന , പപ്പായ തുടങ്ങിയ കാർഷിക വിളകളും കുട്ടികൾ വ്യാപാരത്തിനായി അങ്ങാടിയിൽ എത്തിച്ചു. ഇതിനോടൊപ്പം കൂട്ടികൾ സ്വന്തം കരവിരുതിൽ തീർത്ത മാല, വള, കമൽ, അലങ്കാര വസ്തുക്കൾ മറ്റ് കര- കൗശല വസ്തുക്കൾ എന്നിവയുടെ വിൽപനയും പ്രദർശനവും സ്കൂൾ സ്കൂളങ്ങാടിയിൽ നടന്നു. വീടുകളിൽ നിന്ന് മായം ചേർക്കാതെ നിർമ്മിച്ച് കൊണ്ടുവരുന്ന ഇഞ്ചി, മാങ്ങ, നാരങ്ങ, തുടങ്ങി മീൻ , ഇറച്ചി അച്ചാറുകൾ വിപണിയിൽ നന്നായി വിറ്റുപോയി. എള്ളുണ്ട, അരിയുണ്ട , ചിപ്സ്, ചിന്നി വറുത്തത് തുടങ്ങിയ പലഹാരങ്ങൾ നാരങ്ങാവെള്ളം, സ്ക്വാഷ്, വിവിധ തരം ജാമുകൾ ഉണക്കിയ മത്സ്യം തുടങ്ങി ഭക്ഷ്യ- ഭക്ഷ്യേതര വസ്തുക്കളുടെ വൻ ശേഖരമാണ് സ്കൂളങ്ങാടിയിൽ വിറ്റുപോയത്. രാവിലെ തന്നെ പഴങ്ങഞ്ഞി കടയിൽ കുട്ടികളുടെ നല്ല തിരക്കാണ് അനുഭവപ്പെട്ടത്. പുതു തലമുറ ഫാസ്റ്റ്ഫുഡിന്റെ വക്താക്കളാണ് എന്ന് പറയുന്നവർക്കുള്ള നല്ല മറുപടിയായിരുന്നു. കുട്ടികളുടെ 'പഴങ്ങഞി കട'. പഴങ്ങത്തിക്കൊപ്പം തൈരും മുളക് ചമ്മന്തിയും ഇഞ്ചി കറിയും മുളക്വറുത്തതും കാന്താരിമുളകും ഒപ്പം ഉണക്കമീൻ ചുട്ടതും കൂടി ആയപ്പോൾ രാവിലുത്തെ ഭക്ഷണം കുശാലായി. പഴങ്ങഞ്ഞി കിട്ടാത്തവർ അടുത്ത ഭക്ഷണശാലയിലെത്തിയ തോടെ തനി നാടൻ ഊണും വിറ്റുപോയി. ചെമ്മീൻ ബിരിയാണിക്കും വെജിറ്റബിൾ ബിരിയാണിക്കും തിരക്ക് ഒട്ടും കുറവുണ്ടായിരുന്നില്ല . അപൂർവ്വ ഭക്ഷണം വീട്ടുകാർക്കായി പാഴ്സൽ വാങ്ങാനും കുട്ടികൾ മറന്നില്ല.ഫാസ്റ്റ്ഫുഡ് പ്രേ മികൾക്കായി തട്ടുകടയും കുട്ടികൾ അങ്ങാടിയിൽ ഒരുക്കിയിരുന്നു. തത്സമയം നിർമ്മിച്ചു നൽകിയ കാരറ്റ്പൂരി ചൂടോടെ അകത്താക്കാൻ തിരക്ക് കൂട്ടിയത് പലപ്പോഴും എൻ സി സി പോലീസിന്റെ പണി കൂട്ടി. എല്ലാവരും കൃഷി ചെയ്ത പച്ചക്കറികൾ വ്യാപാരം ചെയ്തപ്പോൾ അത് വെജിറ്റബിൾ കട്ലറ്റും സമോസയും ഒക്കെ ആക്കി വരുമാനം കൂട്ടാനുള്ള വിപണി തന്ത്രവും കുട്ടികൾ കാട്ടിതന്നു. സാരിയും ചുരീദാറും ചുരീദാർതുണി തരങ്ങളും ഒക്കെയായി ഒരു നാടിന് ഓണമൊരുക്കാൻ വേണ്ട എല്ലാ വിഭവങ്ങളുമായി കുട്ടികൾ അങ്ങാടി ഒരുക്കിയപ്പോൾ നാടൻ പുഴുക്കും ജാപ്പിയുമായി അദ്ധ്യാപകരും കുട്ടികൾ ക്കൊപ്പം അങ്ങാടിയിലിറങ്ങി. പൊതു മാർക്കറ്റിനെ വെല്ലുന്ന വിപണന തന്ത്രവുമായി പെൺകുട്ടികൾ അങ്ങാടിയിലേക്ക് ഇറങ്ങിയപ്പോൾ. ഒരു കാര്യം ബോദ്ധ്യമായി, മേഖാലയിലെ അമ്മമാരുടെ മദർ മാർക്കറ്റ് (മായിത്തി ബാസാർ ) പോലെ ഇവിടെയും പെൺകുട്ടികളുടെ സ്വന്തം മാർക്കറ്റ് ഉണ്ടാകും. മാറുന്ന കാലത്തിന്റെ പുത്തൻ അടയാളമാകുകയാണ് ഈ പെൺകുട്ടികൾ. സ്കൂൾ പി ടി എ യും മാനേജ്മെന്റും രക്ഷാകർത്താക്കളും പൂർവ്വ വിദ്യാർത്ഥി സംഘവും നാട്ടുകാരും കുട്ടികളുടെ ഈ സ്കൂൾ അങ്ങാടിക്ക് പിന്തുണയുമായി ഒപ്പം കുടി. കാഴ്ചക്കാരായി വന്നവർ കൈ നിറയെ പച്ചക്കറിയും വിഭവങ്ങളുമായാണ് മടങ്ങിയത്.കുട്ടികൾ സൗജന്യമായി നൽകിയ തുണി ബാഗുകൾ ഉപഭോക്താക്കൾക്ക് സൗകര്യമായി .പൂർണ്ണമായും കുട്ടികൾ നടത്തിയ ഈ പരിപാടിയുടെ സംഘാടനവും അവർ തന്നെയാണ് നിർവ്വഹിച്ചത്.രാവിലെ വിൽക്കാനുള്ള സാധനങ്ങളുമായി വന്ന കുട്ടികളുടെ രജിട്രെഷനും നടത്തി വ്യാപാരം ചെയ്യാനുള്ള ഇടം ഒരുക്കി കൊടുത്തതും അവർ തന്നെ . വ്യാപാര ശേഷം വിറ്റഴിച്ച സാധനങ്ങളുടെ കണക്കും ശേഖരിച്ചു. സന്ദർശകർക്ക് സൗജന്യമായി തുണി ബാഗുകൾ നൽകി പ്ലാസ്റ്റിക് വിരുദ്ധ സംന്ദേശം നൽകാനും കുട്ടി സംഘാടകർ മറന്നില്ല. സ്റ്റാൾ സന്ദർശിച്ചവരിൽ നിന്ന് സന്ദർശക രജിസ്റ്ററിൽ അഭിപ്രിയവും ഒപ്പും വാങ്ങി ഓണാശംസയും നൽകിയാണ് സംഘാടകർ മടക്കിയത്. അത്തപൂക്കളവും ഉഞ്ഞാലും തിരുവാതിര കളിക്കും വിനോദമത്സരങ്ങളും ഒക്കെ ആയി ഓണാഘോഷവും നടത്തിയാണ് കുട്ടികൾ മടങ്ങിയത്. സ്കൂൾ അങ്ങാടിയുടെ ഉദ്ഘാടനം ശ്രീ കെ.സോമപ്രസാദ് എം പി നിർവ്വഹിച്ചു. ആർ രാമചന്ദ്രൻ എം എൽ എ ആദ്യ വിൽപന നിർവ്വഹിച്ചു. കരുനാഗപ്പള്ളി നഗരസഭയുടെ അദ്ധ്യക്ഷ ശ്രീമതി എം . ശോഭന. സ്കൂൾ മാനേജർ ആർ .ചന്ദ്രശേഖരപിള്ള, സ്കൂൾ ശതാബ്ദി കമ്മിറ്റി ചെയർമാൻ പി.ആർ വസന്തൻ, വാർഡ് കൗൺസിലർ എൻ സി ശ്രീകുമാർ പി ടി എ പ്രസിഡന്റ് എൻ അജയകുമാർ ഹെഡ്മാസ്ട്രസ്സ് എൽ ശ്രീലത സ്റ്റാഫ് സെക്രട്ടറി വി ഗോപകുമാർ സ്കൂളങ്ങാടി പ്രോഗ്രാം കൺവീനർ ജി.മോഹനൻ തുടങ്ങിയവർ സംസാരിച്ചു. കൃഷി ചെയ്യാൻ വിത്തുകൾ നൽകിയ കരുനാഗപ്പള്ളി കൃഷി ആഫീസർ വിദ്യാ രമണൻ കൃഷി അസിസ്റ്റെന്റ് വിനീത എന്നിവർ അങ്ങാടിയിലെത്തിയപ്പോൾ കുട്ടികൾ ആവേശത്തോടെ ആണ് സ്വീകരിച്ചത്. കുട്ടികൾ അങ്ങാടിയിൽ എത്തിച്ച പച്ചക്കറികളും മറ്റ് ഉത്പന്നങ്ങളും കൃത്യതയോടെ തൂക്കി നൽകാൻ കരുനാഗപ്പള്ളി ലീഗൽ മെട്രോളജി വകുപ്പ് ആറ് ഇലക്ട്രോണിക് ത്രാസുകളും അനുവദിച്ചു നൽകിയിരുന്നു. രാവിലെ ഒമ്പത് മണിക്ക് ആരംഭിച്ച സ്കൂളങ്ങാടി വൈകിട്ട് 4.30ന്അവസാനിച്ചു.

പ്ലാസ്റ്റിക്ക് വേണ്ട ... ദേ, ഈ തുണി ബാഗ് വാങ്ങിക്കൊള്ളു ഫ്രീയ

കരുനാഗപ്പള്ളി ഗേൾസ് ഹൈസ്കൂൾ - സ്കൂളങ്ങാടിയിൽ സൗജന്യ തുണി ബാഗുമായി നല്ലപാഠം കൂട്ടുകാർ. പ്ലാസ്റ്റിക്ക് ഉപയോഗം കുറക്കാൻ ഉപഭോക്താക്കളെ പ്രേരിപ്പിച്ചുകൊണ്ട് സ്കൂളങ്ങാടിയിലെത്തിയ എല്ലാവർക്കും നല്ല പാഠം കൂട്ടുകാർ സൗജന്യമായി തുണി ബാഗ് നൽകി.

പഴമയുടെ തനിമ വിളിച്ചോതി പഴങ്കഞ്ഞിക്കട

പഴമയുടെ തനിമ വിളിച്ചോതി ക്കൊണ്ട് കരുനാഗപ്പള്ളി ഗേൾസ് ഹൈസ്കൂളിൽ പഴങ്കഞ്ഞിക്കട ഒരുങ്ങി.സ്കൂളിലെ ഓണാഘോഷങ്ങളുടെ ഭാഗമായി സംഘടിപ്പിച്ച "സ്കൂളങ്ങാടി "യിലെ ശ്രദ്ധാകേന്ദ്രമായി മാറി ഈ പഴങ്കഞ്ഞിക്കട ."10 G യുടെ പഴങ്കഞ്ഞിക്കട" എന്ന ഫ്ലക്സിനു കീഴെ വൻ ജനത്തിരക്കാണ് അനുഭവപ്പെട്ടത്.നാടൻ തൈരും, തേങ്ങാച്ചമ്മന്തിയും, ഇഞ്ചിക്കറിയും, മാങ്ങ അച്ചാറും, കൊണ്ടാട്ടവും, ഉണക്കമീനും പാൽക്കാന്താരിയും ഉൾപ്പെടെ 30 രൂപക്കാണ് പഴങ്കഞ്ഞി "പാള"പ്പാത്രത്തിൽ വിപണി കീഴടക്കിയത്. Breakfast ശൈലിയിലേക്ക് മാറിയ പുതുതലമുറക്ക് കേരളീയരുടെ തനത് പ്രഭാത ഭക്ഷണത്തെ പരിചയപ്പെടുത്തി കൊടുക്കുക എന്ന വ ലിയ ലക്ഷ്യത്തോടെയാണ് സ്കൂളിലെ 10. G യിലെ വിദ്യാർത്ഥിനികൾ ക്ലാസ് ടീച്ചർ ഗോപീകൃഷ്ണന്റെയും മറ്റ് അദ്ധ്യാപകരുടേയും സഹായ സഹകരണങ്ങളോടെ ഇത്തരമൊരു സംരംഭവുമായി മുന്നിട്ടിറങ്ങിയത്. കുട്ടികളിൽ പലരും ആദ്യമായി പഴങ്കഞ്ഞി കുടിച്ചതിന്റെ ആവേശത്തിലായിരുന്നു.മുതിർന്നവരാകട്ടെ അവർ ഇന്ന് തിരിഞ്ഞു പോലും നോക്കാത്ത അവരുടെ ബാല്യകാല ഭക്ഷ്യ വിഭവത്തെ New Gen കുട്ടികൾ വിപണിയിലെത്തിച്ചതിന്റെ അമ്പരപ്പിലും. അദ്ധ്യാപകരും, രക്ഷകർത്താക്കളും കുട്ടികളും ഒരുപോലെ പഴങ്കഞ്ഞിയക്കട രുചിപ്പെരുമ ആസ്വദിച്ചു.കുട്ടികളെ അനുമോദിക്കാനും അവർ മറന്നില്ല. പഴങ്കഞ്ഞിക്കടയിൽ നിന്നും ലഭിച്ച ലാഭത്തുക Captain Lekshmi Health and Palliative Care Unitലൂടെ അശരണരായ രോഗികൾക്ക് കൈമാറാൻ തീരുമാനിച്ചുകൊണ്ട് ഒരിക്കൽ കൂടി നന്മയുടെ അദ്ധ്യായം കുറിക്കുകയാണ് ഈ വിദ്യാലയ മുത്തശ്ശിയിലെ കുട്ടികൾ.

പെൺകുട്ടികളുടെ ലൈവ് തട്ട് കട ........

നാവിൽ കൊതിയൂറും ബീറ്റ്റൂട്ട് പൂരിയുടെ പുത്തൻ രസകൂട്ടൊരുകി - സ്കൂളങ്ങാടിയിൽ പെൺകുട്ടികളുടെ ലൈവ് തട്ട്കട കാണികൾക്ക് കൗതുക കാഴ്ചയായി. മണണ്ണസൗവിന് മേലെ ചീനചട്ടിയിൽ തിളക്കുന്ന വെളിച്ചെണ്ണയിലേക്ക് ബീറ്റ്റൂട്ട് അരച്ച് പരത്തി ഇട്ടപ്പോൾ അന്തരീക്ഷമാകെ പുതുമണം നിറഞ്ഞു. ആവി പറക്കുന്ന പുത്തൻ വിഭവത്തിൽ ആകൃഷ്ടരായി ഒന്ന് രുചിക്കാൻ വന്നവർക്ക് ചുവന്ന് തുടുത്ത ബീറ്റ്റൂട്ട് പൂരിക്കൊപ്പം തക്കാളി സോസ്കൂടി നൽകി. കഴിച്ചവർ കഴിച്ചവർ കൊതിതീരാതെ പിന്നെയും പിന്നെയും ആവശ്യപ്പെട്ടപ്പോൾ തട്ടുകടക്ക് മുന്നിൽ തിരക്കേറി. കാശ് പെട്ടിക്കൊപ്പം കച്ചവടക്കാരുടെ മനസും നിറഞ്ഞു.

വിഷരഹിത പച്ചക്കറിയുമായി സ്കൂൾ കുട്ടികൾ ഉത്രാട ദിനത്തിൽ പൊതു വിപണിയിലേക്ക് .....

ഈ ഓണം വീട്ടിലെ പച്ചകറിക്കൊപ്പം എന്ന സംന്ദേശവുമായി നല്ലപാഠം കൂട്ടുകാർ പോതു വിപണിയിൽ. കരുനാഗപ്പള്ളി ഗേൾസ് ഹൈസ്കൂളിലെ കുട്ടികളാണ് വീടുകളിൽ വിളയിച്ച വിഷരഹിത ജൈവ പച്ചകറിയുമായി ഉത്രാട ദിനത്തിൽ പൊതു മാർക്കറ്റിലെത്തിിയത്. നഗരസഭ ഒാഫീസിനു മുന്നിലായിരുന്നു കച്ചവടം.പാവയ്ക്ക, ചീര, പയർ, കോവക്ക, ചേന, വഴുതന തുടങ്ങിയ നാടൻ പച്ചകറികൾ വാങ്ങാൻ വൻതിരക്കായിരുന്നു. മറ്റ് കച്ചവടക്കാരോട് മത്സരിച്ചുള്ള കുട്ടികളുടെ കച്ചവടം വഴിയത്രകാർക്കും ഉത്രാടകാഴ്ച കാണാൻ എത്തിയവർക്കും കൗതുക കാഴ്ചയായി. സ്കൂൾ ചെയർപേഴ്സൺ ഗൗരി ലക്ഷമി, നല്ല പാഠം യൂണിറ്റ് സെക്രട്ടറി ആദല ഫാത്തിമ, കാർഷിക ക്ലബ്ബ് പ്രസിഡന്റ് സ്നേഹ എന്നിവർ നേതൃത്വം നൽകി. ഉപഭോക്താക്കളുടെ തിരക്ക് വർദ്ധിച്ചപ്പോൾ ഉദ്ഘാടകയായ നഗരസഭ ചെയർപ്പേഴ്സൺ ഉൾപ്പടെ ഉള്ളവർ കുട്ടികൾക്കൊപ്പം കച്ചവടക്കാരായി മാരിയത് കൗതുക കാഴ്ചയായി. നല്ലപാഠം ബാനറിന് കീഴിൽ ആയിരുന്നു വിഷരഹിത പച്ചകറിയു‌ടെ വ്യാപാരം. പെൺകുട്ടികളുടെ ഈ വഴിവാണിഭം നാട്ടിലേറെ ചർച്ചചെയ്യപ്പെട്ടു. നഗരസഭ ചെയർപ്പേഴ്സൺ എം ശോഭന ഉദ്ഘാടനം ചെയ്തു. സ്കൂൾ ശതാബ്ദി ആഘോഷ കമ്മിറ്റി ചെയർമാൻ പി ആർ വസന്തൻ ആദ്യ വിത്‍പ്പന നിർവ്വഹിച്ചു. സ്കൂലൾ മാനജെർ പ്രൊഫ. ആർ ചന്ദ്രശേഖരൻ പിള്ള, ഹെഡ്മിസ്ട്രസ്സ് എൽ ശ്രീലത, പി ടി എ പ്രസിഡന്റ് എൻ ആജയകുമാർ, മാത‍ൃസമിതി ആദ്ധ്യക്ഷ ഷബന സകികീർ, നഗരസഭ കൗൺസിലറും/സ്കൂൾ പൂർവ്വ വിദ്യാർത്ഥി സംഘം സെക്രട്ടറിയുമായ സി വിജയൻ പിള്ള, നഗരസഭ കൗൺസിലർ എൻ സി ശ്രീകുമാർ മലയാള മനോരമ നല്ല പാഠം കോ-ഒഡിനേറ്റർ ജി മോഹനൻ തുടങ്ങീയവർ പങ്കെടുതു,

കുഞ്ഞുകൈകളിൽകോഴികുഞ്ഞ് പദ്ധതി

കേരള മൃഗസംരക്ഷണ വകുപ്പിന്റെ കീഴിൽ കേരള പോളിട്രി ഡവലപ്പമെന്റ് കോർപറേഷന്റെ കുഞ്ഞുകൈകളിൽ കോഴികുഞ്ഞ് പദ്ധതി നടപ്പിലാക്കി. സ്‌കൂളിലെ 5-ാം ക്ലാസ് മുതൽ 7-ാം ക്ലാസ് വരെയുള്ള 50 കുട്ടികൾക്ക് 5 കോഴി, 3 കിലോ കോഴിത്തീറ്റ, കോഴി മരുന്ന് എന്നിവ വിതരണം ചെയ്തു.മുനിസിപ്പാലിറ്റി ചെയർ പേഴ്സൺ ശ്രീമതി എം ശോഭന പദ്ധതിയുടെ ഉദ്ഘാടനം നിർവഹിച്ചു. പി.ടി.എ പ്രസിഡന്റ് കെ ജി ശിവപ്രസാദ് അധ്യക്ഷത വഹിച്ച ചടങ്ങിൽ . ഹെഡ്മിസ്ട്രസ്സ് ശ്രീമതി എൽ ശ്രീലത, വെറ്റിനറി ഡോക്ടർ ശ്രീമതി ര‍ഞ്ജിനി, നഗരസഭ വിദ്യാഭ്യാസ സ്റ്റാന്റിംങ് കമ്മിറ്റി ചെയർ പേഴ്സൺ മഞ്ജു, കൗൺസിലർ എൻ സി ശ്രീകുമീർ, നല്ലപാഠം കോ-ഓഡിനേറ്റർ ജി മോഹനൻ തുടങ്ങിയവർ പങ്കെടുത്തു.

പാർലമെന്റ് തെരഞ്ഞെടുപ്പ് ആവേശമായി

കരുനാഗപ്പള്ളി ഗേൾസ് ഹൈസ്കൂളിലെ കുട്ടികളുടെ പാർലമെന്റ് തെരഞ്ഞെടുപ്പ് ആവേശമായി. ലോകത്തിലെ ഏറ്റവും മഹത്തായ ആശയങ്ങളിൽ ഒന്നാണ് ജനാധിപത്യം . ജനാധിപത്യത്തിന്റെ കളിത്തൊട്ടിലുകൾ ആയി വിദ്യാലയങ്ങൾ മാറേണ്ടതുണ്ട് .ജനാധിപത്യങ്ങൾ സ്വന്തം കുടുംബത്തിൽ നിന്നും തുടങ്ങി വിദ്യാലയങ്ങൾ കൂടി അതിന്റെ വ്യാപ്തി വർധിപ്പിച്ചാൽ മാത്രമേ അത് പൂർണതയിൽ എത്തുകയുള്ളൂ .ജനാധിപത്യത്തിന്റെ അഭിവാജ്യ ഘടകം ആണ് തിരഞ്ഞെടുപ്പ് . നിഷ്പക്ഷവും , നീതിപൂർവവും ആയ തിരഞ്ഞെടുപ്പു രാഷ്ട്ര പുരോഗതിക്കു അനിവാര്യം ആണ് . പ്രക്രീയധിഷ്ഠിത വിദ്യാഭ്യാസത്തിന്റെ ഭാഗം ആയി ക്ലാസ്റൂമിൽ തിരഞ്ഞെടുപ്പിന്റെ വിവിധ പ്രക്രീയകൾ കുട്ടികൾക്ക് മനസിലാക്കുന്നതിനായി ഒരു പൊതു തിരഞ്ഞെടുപ്പിന്റെ മാതൃകയിൽ സ്കൂൾ പാർലമെന്റ് തിരഞ്ഞെടുപ്പു കരുനാഗപ്പള്ളി ഗേൾസ് ഹൈസ്കൂൾ യിൽ നടന്നു. തിരഞ്ഞെടുപ്പു പ്രഖ്യാപനം മുതൽ ഫലപ്രഖ്യാപനം വരെ കുട്ടികൾ നിർവ്വഹിച്ചു. ജനാധിപത്യ സംവിധാനത്തിൽ സമ്മതിദാന അവകാശം എങ്ങനെ ഫലപ്രദമായി നടപ്പാക്കാം എന്നത് കുട്ടികൾക്ക് കൗതുകമായി. ഒരു പൊതുതിരഞ്ഞെടുപ്പിന്റെ എല്ലാ മാനദണ്ഡങ്ങളും പാലിച്ചായിരുന്നു നടപടികൾ പുരോഗമിച്ചത്. നാമനിർദേശ പത്രിക സമർപ്പണം, പിൻവലിക്കൽ, ചപ്രചാരണം എന്നിവ കുട്ടികൾ ആവേശത്തോടെ ഏറ്റെടുത്തു. ബാലറ്റ് പേപ്പറിൽ വോട്ടുചെയ്യാൻ ക്ഷമയോടെ കാത്തുനിന്ന് കൈ വിരലിൽ മഷി പുരട്ടിയത് കുട്ടികൾ ആസ്വദിച്ചു. രാവിലെ പത്ത് മണിക്കാരംഭിച്ച തെരഞ്ഞെടുപ്പ് പ്രക്രിയ വൈകുന്നേരത്തോടെയാണ് അപസാനിച്ചത്. 43ഡി വിഷനു കളിലായി തടന്ന മത്സരത്തിൽ 92 ശതമാനം വോട്ടുകൾ രേഖപ്പെടുത്തി. പോസ്റ്റൽ ബാലറ്റിൽ തുടങ്ങിയ വോട്ടെണ്ണലിന്റെ ഓരോ ഘട്ടത്തിലുമുള്ള ലീഡ് നില അനൗൺസ് ചെയ്തു കൊണ്ടിരുന്നു. ഭൂരിപക്ഷം മാറി മറിഞ്ഞത് പലപ്പോഴും പിരിമുറുക്കം സൃഷ്ടിച്ചു. വിജയം ഉറപ്പിച്ചിരുന്ന ചില സ്ഥാനാർത്ഥികളുടെ പരാജയം പലരേയും സങ്കടത്തിലാഴ്ത്തിയപ്പോൾ അപ്രതീക്ഷിതമായി ചിലർ അട്ടിമറി വിജയം നേടി. ഇഷ്ട സ്ഥാനാർഥികൾ വിജയിച്ചു വന്നപ്പോൾ അവരെ കൂട്ടിയുള്ള ആഹ്ലാദ പ്രകടനവും കൗതുക കാഴ്ചയായി.48 ഡിവിഷനുകളിലായി നടന്ന തെരഞ്ഞെടുപ്പിൽ 92 ശതമാനം വോട്ടുകൾ രേഖപ്പെടുത്തി.

വായനവാരത്തിന്റെ ജില്ലാതല സമാപനം കരുനാഗപ്പള്ളി ഗേൾസ് ഹൈസ്കൂളിൽ നടന്നു.

സമാപന സമ്മേളനം ലൈബ്രറി കൗൺസിൽ ജില്ലാ പ്രസിഡന്റ ഡോ.പി കെ ഗോപൻ ഉദ്ഘാടനം ചെയ്തു - ജൻ ശിക്ഷൺ സൻസ്ഥാൻ ഡയറക്ടർ അസ്വ: നടക്കൽ ശശി പി എൻ പണിക്കർ ഫൗണ്ടേഷൻ പ്രസിഡന്റ് എൻ ജയചന്ദ്രൻ കവിയും ഗായകനുമായ ഗണപൂജാരി സാഹിത്യകാരൻ എൻ രാജൻ നായർ ദേശീയ അധ്യാപക അവാർഡ് ജേതാവ് ഗോപാലകൃഷ്ണപിള്ള സ്കൂൾ ഹെഡ്മിസ്ട്രസ്സ് എൽ ശ്രീലത സ്കൂൾ സാഹിത്യ വേദി കൺവീനർ ജി ദിലീപ് സ്റ്റാഫ് സെക്രട്ടറി വി ഗോപകുമാർ തുടങ്ങിയവർ സംസാരിച്ചു.വായനാ വാരത്തോടനുബന്ധിച്ച് സ്കൂവായനശാല പ്രവർത്തകരായ അക്ഷര സേനാംഗങ്ങൾ ഒരുക്കിയ പുസ്തക പ്രദർശനവും നടന്നു.വായിച്ചു വളരാൻ ഒരു പുസ്തകം തരുമോ ? എന്ന പദ്ധതിയിലൂടെ ലഭിച്ച പുസ്തകങ്ങളിണ് പ്രദർശിപ്പിച്ചത്.പ്രദർശനം സ്കൂൾ ഹെഡ്മിസ്ട്രസ് ഉദ്ഘാടനം ചെയ്തു. ലൈബ്രറിയൻ ജി.മോഹനൻ അക്ഷര സേന പ്രവർത്തകരായ അജ്ന സിദ്ധിക്ക് ,ആദില, അഫ്റ, ഫാത്തിമി ,അഞ്ജന, ആതിര എന്നിവർ നേതൃത്വം നൽകി.അക്ഷര സേന തയ്യാറാക്കിയ സഖി കൈയെഴുതു മാസികയുടെ പ്രകാശനം കൺവീനർ അജ്ന സിദ്ധിക് നിർവ്വഹിച്ചു.സാഹിത്യ ക്വിസ്, ആസ്വാദന കുറിപ്പ് തയ്യാറാക്കൽ, വായനമത്സരം തുടങ്ങി വൈവിദ്യമാർന്ന അനേകം പരിപാടികളും വായനവാരത്തോടനുബന്ധിച്ച് സ്കൂളിൽ സംഘടിപ്പിച്ചു.

അഞ്ചാം തവണയും കരുനാഗപ്പള്ളി ഗേൾസ് ഹൈസ്കൂളിന് ഓവറാൾ

കരുനാഗപ്പള്ളി ഉപജില്ല ഹിന്ദി സാഹിത്യോത്സവത്തിൽ തുടർച്ചയായ അഞ്ചാം തവണയും കരുനാഗപ്പള്ളി ഗേൾസ് ഹൈസ്കൂളിന് ഓവറാൾ . പദ്യം ചൊല്ലൽ, പ്രശ്നോത്തരി, കവിതാ രചന, പോസ്റ്റർ രചന, വായന, ദേശഭക്തിഗാനം എന്നീ ഇനങ്ങളിൽ ഫസ്റ്റ് എ ഗ്രേഡും ഉപന്യാസ രചനയിൽ മൂന്നാം സ്ഥാനവും കഥാരചനയിൽ ബി ഗ്രേഡും കാർട്ടൂൺ, പ്രസംഗം എന്നിവയിൽ സി ഗ്രേഡും കരസ്ഥമാക്കിയാണ് ഓവറാൾ നേടിയത്. യു പി വിഭാഗത്തിൽ പ്രസംഗം, പ്രശ്നോത്തരി എന്നീ ഇനങ്ങളിൽ എ ഗ്രേഡോടെ ഒന്നാം സ്ഥാനവും കാർട്ടൂൺ, പോസ്റ്റർ രചന എന്നിവയിൽ എ ഗ്രേഡോടെ മൂന്നാം സ്ഥാനവും സുലേഖിൽ ബി ഗ്രേഡും കവിതാ രചന,വായന മത്സരങ്ങളിൽ സി ഗ്രേഡും നേടി ഈ വിഭാഗത്തിൽ സെക്കന്റ് ഓവറാൾ നേടി.