റിപ്പബ്ലിക്കൻ വി.എച്ച്.എസ്.എസ് കോന്നി/ലിറ്റിൽകൈറ്റ്സ്
| Home | 2023 - 26 | 2024 - 27 | 2025 - 28 |
  ഫ്രീഡം ഫെസ്റ്റ് ഡിജിറ്റൽ മാഗസിൻ LK Alumni 2018-20 2019-21 2020-23 2021-24 2022-25 -- Help
|
| 38032-ലിറ്റിൽകൈറ്റ്സ് | |
|---|---|
 | |
| സ്കൂൾ കോഡ് | 38032 |
| അംഗങ്ങളുടെ എണ്ണം | 40 |
| റവന്യൂ ജില്ല | പത്തനംതിട്ട |
| വിദ്യാഭ്യാസ ജില്ല | പത്തനംതിട്ട |
| ഉപജില്ല | കോന്നി |
| കൈറ്റ് മാസ്റ്റർ / മിസ്ട്രസ് 1 | ശ്രീമതി. ശ്രീജ എസ് |
| കൈറ്റ് മാസ്റ്റർ / മിസ്ട്രസ് 2 | ശ്രീമതി. അപ്സര പി. ഉല്ലാസ് |
| അവസാനം തിരുത്തിയത് | |
| 12-11-2025 | Rvhsskonni |
കോന്നിയുടെ ചരിത്രവുമായി അത്രമേൽ ചേർന്നു നിൽക്കുന്ന വിദ്യാലയം. കാലോചിതമായ മാറ്റങ്ങളും പരിഷ്കാരങ്ങളും എന്നും ഈ വിദ്യാലയത്തിന്റെ അഴകായിരുന്നു. സംസ്ഥാന സർക്കാർ ലിറ്റിൽ കൈറ്റ്സ് പദ്ധതി അവതരിപ്പിക്കുമ്പോൾ നമ്മുടെ സ്കൂളും വിജയകരമായി ഈ പദ്ധതി നടപ്പിലാക്കി. അനുദിനം വളർന്നു കൊണ്ടിരിക്കുന്ന ഡിജിറ്റിൽ കാലഘട്ടത്തിൽ വിദ്യാർത്ഥികളിൽ സാങ്കേതിക വിജ്ഞാനം വർദ്ധിക്കുന്നതിനും വിവിധങ്ങളായ നൂതന ആശയങ്ങൾ എത്തിക്കുന്നതിനുമായി "ലിറ്റിൽ കൈറ്റ്സ് "ഐറ്റി ക്ലബ്ബ് കേരളത്തിലെ പൊതുവിദ്യാലയങ്ങളിൽ പ്രവർത്തനമാരംഭിച്ചു.2018 ജനുവരി 22-ന് കേരള മുഖ്യമന്ത്രി ശ്രീ പിണറായി വിജയൻ ലിറ്റിൽ കൈറ്റ്സിന്റെ സംസ്ഥാന തല ഉദ്ഘാടനം തിരുവനന്തപുരത്ത് നിർവ്വഹിച്ചു.കോന്നി ആർ വി എച്ച്എസ്എസിലെ ലിറ്റിൽ കൈറ്റ്സ് ക്ലബ്ബിൻറെ ഉദ്ഘാടനം ജില്ലാ വികസനകാര്യസ്ഥിരം കമ്മിറ്റി അധ്യക്ഷ ശ്രീമതി എലിസബത്ത് നിർവഹിച്ചു.തിരഞ്ഞെടുക്കപ്പെടുന്ന 8, 9, 10 ക്ലാസിലെ 40 കുട്ടികൾ അംഗങ്ങളായി പ്രവർത്തിക്കുന്നു.വിദ്യാർത്ഥികൾക്ക് ഹാർഡ്വെയർ, ആനിമേഷൻ, ഇലക്ട്രോണിക്സ്, മലയാളം കമ്പ്യൂട്ടിംഗ്, സൈബർ സുരക്ഷ, മൊബൈൽ ആപ്പ് വികസനം, പ്രോഗ്രാമിംഗ്, റോബോട്ടിക്സ്, ഇ-ഗവേണൻസ് തുടങ്ങിയ മേഖലകളിൽ പരിശീലനം നൽകുന്നു. എല്ലാ ബുധനാഴ്ച്ചകളിലും ഒരു മണിക്കുർ വിതം ലിറ്റിൽ കൈറ്റ്സ് യുണിറ്റിന് പരിശീലനം നൽകുന്നു .കൈറ്റ് മാസ്റ്റർമാരായി ശ്രീമതി ശ്രീജ എസ്. ശ്രീമതി അപ്സരാ പി. ഉല്ലാസ് എന്നിവർ പ്രവർത്തിക്കുന്നു.8-ാം ക്ലാസ്സിലെ കുട്ടികൾക്ക് അഭിരുചി പരീക്ഷ നടത്തി ഉയർന്ന സ്കോർ നേടുന്ന 40 കുട്ടികളെ ഓരോ വർഷവും പുതിയ യൂണിറ്റിലേയ്ക്ക് തെരഞ്ഞെടുക്കുന്നു. സ്കൂൾ തല ക്യാമ്പുകളും ഓരോവർഷവും നടത്തുന്നു. മികവു പുലർത്തുന്ന കുട്ടികളെ സബ് ജില്ലാ, ജില്ലാ, സംസ്ഥാന തല ക്യാമ്പുകളിൽ പരിശീലനത്തിന് അവസരം നൽകുന്നു.എ-ഗ്രേഡ് നേടുന്ന ലിറ്റിൽ കൈറ്റ്സ് അംഗങ്ങൾക്ക് പത്താം ക്ലാസ് പരീക്ഷയിൽ ഗ്രേസ് മാർക്ക് നൽകുന്നു.
ലക്ഷ്യങ്ങൾ
1.വിദ്യാലങ്ങളിലെ സാങ്കേതിക ഉപകരണങ്ങൾ കൈകാര്യം ചെയ്യുന്നതിനും ശരിയായ രീതിയിൽ ഉപയോഗിക്കുന്നതിനും അവ പരിപാലനം ചെയ്യുന്നതിനും വിദ്യാർത്ഥികളെ പ്രാപ്തരാക്കുന്നു.സ്കൂളിൽ നടക്കുന്ന വിവിധ പ്രവർത്തനങ്ങൾ ക്രോഡീകരിക്കുന്നതിനും അവ ചിത്രീകരിച്ച് ഡോക്യുമെന്റേഷൻ നടത്തുന്നതിനും പരിശീലനം നൽകുന്നു.
2.സാങ്കേതിക മികവ് വളർത്തുക, ഇന്റർനെറ്റ് സുരക്ഷയെക്കുറിച്ചുള്ള ബോധവൽക്കരണം നൽകുക, പഠനത്തിനായി സാങ്കേതിക വിദ്യയെ ഗുണകരമായി ഉപയോഗിക്കാൻ പ്രാപ്തമാക്കുക.
3. വിദ്യാർത്ഥികളെ സാങ്കേതിക വിദ്യകളിൽ പരിചയപ്പെടാനും ഉപയോഗിക്കുന്നതിനുള്ള മികവ് കൈവരിക്കാനും പ്രേരിപ്പിക്കുക. ഉന്നത വിദ്യാഭ്യാസ മേഖലകളിൽഐടിയുടെ പ്രാധാന്യം മാനസിലാക്കി കുട്ടികൾക്ക് വേണ്ട പരിശീലനം നൽകുക.
4 സൃഷ്ടിപരമായ കഴിവുകൾ വികസിപ്പിക്കുക:
ഡിജിറ്റൽ പ്ലാറ്റ്ഫോമുകൾ ഉപയോഗിച്ച് ആപ്ലിക്കേഷനുകൾ വികസിപ്പിക്കൽ, വെബ് ഡിസൈൻ, ഗെയിം ഡെവലപ്മെന്റ് തുടങ്ങിയ മേഖലകളിൽ വിദ്യാർത്ഥികളുടെ കഴിവുകൾ പ്രോത്സാഹിപ്പിക്കുക.
5. ഇന്റർനെറ്റ് സുരക്ഷ ബോധവൽക്കരണം: സൈബർ സുരക്ഷയുടെയും ഉത്തരവാദിത്വപ്പെട്ട ഡിജിറ്റൽ പെരുമാറ്റത്തിന്റെയും പ്രാധാന്യത്തെക്കുറിച്ച് അവബോധം വളർത്തുക.
6. സംഘടനാ കഴിവുകൾ വളർത്തുക: ടീമുകളായി പ്രവർത്തിക്കുകയും, പ്രൊജക്റ്റുകൾ നടപ്പിലാക്കുകയും ചെയ്യുന്ന പരിശീലനം നൽകുക.ഇതുവഴി, അവരുടെ സാങ്കേതിക പരിജ്ഞാനവും പ്രായോഗിക കഴിവുകളും വർദ്ധിപ്പിക്കുന്നു.
5. ഡിജിറ്റൽ ഉപകരണങ്ങൾ പഠനത്തിനായി ഉപയോഗിക്കുക: പഠന പ്രക്രിയയുടെ ഭാഗമാക്കുന്നതിനായി സാങ്കേതിക ഉപകരണങ്ങൾ ഉപയോഗിക്കാൻ വിദ്യാർത്ഥികളെ പ്രാപ്തമാക്കുക.
6. മത്സരങ്ങളിൽ പങ്കെടുപ്പ്:
ഐടി സാദ്ധ്യതകളിൽ വിദ്യാർത്ഥികൾക്ക് നടക്കുന്ന വിവിധമത്സരങ്ങളിൽ പങ്കെടുക്കുകവഴി ആത്മവിശ്വാസം വർദ്ധിപ്പിക്കുക
7. പുതിയ സാങ്കേതിക വിദ്യകളുടെ പരിചയം: AI, , Machine Learning Robotics,Electronics മുതലായ ഏറ്റവും പുതിയ സാങ്കേതിക മേഖലകളിൽ വിദ്യാർത്ഥികൾക്ക് പരിചയം നൽകുക.
ഈ ലക്ഷ്യങ്ങൾ വഴി വിദ്യാർത്ഥികളെ സാങ്കേതിക മേഖലകളിൽ നൈപുണ്യമുള്ളവരിക്കാനും അവരെ ഭാവിയുടെ ഡിജിറ്റൽ ലോകത്തേക്കായി സജ്ജരാക്കാനും സാധിക്കുന്നു.
ലിറ്റിൽ കൈറ്റ്സ് സ്ക്കൂൾതല ഭരണ നിർവ്വഹണ സമിതി
| ചെയർമാൻ | പി.ടി.എ പ്രസിഡൻറ് | ശ്രീ മനോജ് പുളിവേലിൽ |
| കൺവീനർ | ഹെഡ്മാസ്റ്റർ | ശ്രീ സുരേഷ്കുമാർ ആർ |
| വൈസ് ചെയർപേഴ്സൺ 1 | എം.പി.ടി.എ പ്രസിഡൻറ് | ശ്രീമതി. ഷിനി |
| വൈസ് ചെയർപേഴ്സൺ 2 | പി.ടി.എ വൈസ് പ്രസിഡൻറ് | ശ്രീ അജയകുമാർ |
| ജോയിൻറ് കൺവീനർ 1 | ലിറ്റൽകൈറ്റ്സ് മിസ്ട്രസ്സ് | ശ്രീമതി ശ്രീജ എസ് |
| ജോയിൻറ് കൺവീനർ 2 | ലിറ്റൽകൈറ്റ്സ് മിസ്ട്രസ്സ് | ശ്രീമതി. അപ്സര പി ഉല്ലാസ് |
| കുട്ടികളുടെ പ്രതിനിധികൾ | ലിറ്റൽകൈറ്റ്സ് ലീഡർ | മാസ്റ്റർ റോൺ ടി പ്രകാശ് |
| കുട്ടികളുടെ പ്രതിനിധികൾ | ലിറ്റൽകൈറ്റ്സ് ഡെപ്യൂട്ടി ലീഡർ | മാസ്റ്റർ ഷാരോൺ |
ലിറ്റിൽ കൈറ്റ്സ് മാസ്റ്റേഴ്സിന്റെ വിവര പട്ടിക
| ക്രമ നമ്പർ | വർഷം | മാസ്റ്റേഴ്സിന്റെ പേര് | ചിത്രം |
|---|---|---|---|
| 1 | 2018 --- | ശ്രീജ എസ് |
 |
| 2 | 2019 --- | അപ്സര പി ഉല്ലാസ് |
 |
സ്കൂൾ വെബ്സൈറ്റിൽ ഒത്തുചേർന്ന് കൈറ്റ്സ് കൂട്ടുകാർ
മാറുന്ന കാലത്ത് മാറുന്ന മാധ്യമങ്ങളിലൂടെ ജനങ്ങളുമായി സംവദിക്കുക എന്നത് നമ്മുടെ സ്കൂളിന്റെ ഏറ്റവും വലിയ സവിശേഷതയാണ്. സ്കൂളിനുവേണ്ടി വെബ്സൈറ്റ് തയാറാക്കുന്നതിനും അതിലേക്ക് ആവശ്യമായ വിവരങ്ങൾ രേഖപ്പെടുത്തുന്നതിനും നേതൃത്വം നൽകിയത് ലിറ്റിൽകൈറ്റ്സ് അംഗങ്ങളാണ്. വിവിധ ഗ്രൂപ്പുകളായി തിരിഞ്ഞ് വിദ്യാർത്ഥികൾ സാങ്കേതിക കാര്യങ്ങൾ, വിവര ശേഖരണം, അപ് ലോഡിംഗ് എന്നിവയ്ക്ക് പങ്കാളികളായി. കൈറ്റ്സ് അംഗങ്ങളുടെ ഈ ശ്രമത്തെ പ്രത്യേക അസംബ്ലിയിലടക്കം അഭിനന്ദിക്കുകയുണ്ടായി. ലിറ്റിൽ കൈറ്റ്സിന്റെ പ്രവർത്തനങ്ങൾ വ്യക്തികൾക്കും സമൂഹത്തിനും എന്നപോലെ സ്കൂളിനും ഗുണകരമായി മാറുന്ന അനുഭവമാണ് ഇതിലൂടെ ഉണ്ടായത്. https://rvhsskonni.in/#/
കാഴ്ചയുടെ അനുഭവമാകാൻ ലിറ്റിൽ കൈറ്റ്സ് യൂട്യൂബ് ചാനൽ
യൂട്യൂബിലൂടെ വിവരങ്ങൾ അനുഭവിച്ചറിയുന്ന കാലമാണിത്. വിവരങ്ങൾ പങ്കുവയ്ക്കുക എന്നതിനും അപ്പുറം അത് എല്ലാ കാലത്തേക്കുമുള്ള രേഖകൂടിയാണ്. ലിറ്റിൽ കൈറ്റ്സിന്റെ നേതൃത്വത്തിൽ തയാറാക്കിയ ലിറ്റിൽ കൈറ്റ്സ് ആർവിഎച്ച്എസ് എസ് കോന്നി എന്ന യൂട്യൂബ് ചാനലിന് മികച്ച പിന്തുണയാണ് ലഭിക്കുന്നത്. ലിറ്റിൽ കൈറ്റ്സിന്റെ പ്രവർത്തനങ്ങൾക്കൊപ്പം സ്കൂളിലെ മറ്റ് ക്ലബുകളുടെ പ്രവർത്തനവും ഈ ചാനലിലൂടെ പൊതു സമൂഹത്തിലേക്ക് എത്തിക്കും. ചാനലിന്റെ പ്രവർത്തനങ്ങൾ നിയന്ത്രിക്കാനും സാങ്കേതിക സൗകര്യങ്ങൾ ഒരുക്കാനും പ്രത്യേക സംഘത്തെ തന്നെ തയാറാക്കിയിട്ടുണ്ട്. വീഡിയോ തയാറാക്കൽ, സാങ്കേതിക പ്രവർത്തനങ്ങൾ നിയന്ത്രിക്കൽ, അപ് ലോഡിംഗ് തുടങ്ങി ചാനലുമായി ബന്ധപ്പെട്ട എല്ലാ പ്രവർത്തനങ്ങളും വിദ്യാർത്ഥികൾ തന്നെയാണ് നിയന്ത്രിക്കുന്നത്.
'കീ ടു എൻട്രൻസ്' : പൊതുവിദ്യാലയങ്ങളിലെ വിദ്യാർത്ഥികൾക്ക് കരുതലിന്റെ താക്കോൽ
പൊതു വിദ്യാലയങ്ങളിലെ വിദ്യാർത്ഥികൾക്ക് എൻട്രൻസ് പരീക്ഷയ്ക്ക് തയാറാകുന്നതിനുള്ള സഹായവും നിർദ്ദേശങ്ങളുമായി സ്കൂളിലെ ലിറ്റിൽ കൈറ്റ്സ് യൂണിറ്റ് സംഘടിപ്പിച്ച കീ ടു എൻട്രൻസ് മാർഗനിർദേശ ക്ലാസുകൾ ശ്രദ്ധേയമായി. സംസ്ഥാനതലത്തിൽ വിദ്യാഭ്യാസ മന്ത്രി ശ്രീ. വി. ശിവൻകുട്ടി ഉദ്ഘാടനം ചെയ്ത ഈ സംരംഭം സയൻസ്, ഹ്യൂമാനിറ്റീസ് കൊമേഴ്സ് വിഭാഗം വിദ്യാർത്ഥികൾക്ക് വലിയ സഹായകരമാകും.
വിദ്യാർത്ഥികൾക്ക് തത്സമയ ക്ലാസുകൾ, ചർച്ചകൾ, പ്രകടനം വിലയിരുത്തൽ, മോഡൽ പരീക്ഷകൾ, പരീക്ഷയ്ക്ക് അനുയോജ്യമായ പഠന മാർഗരേഖകൾ എന്നിവയും ഇതിന്റെ ഭാഗമായി തയാറാക്കി. സ്കൂളിലെ പ്ലസ് ടു വിദ്യാർത്ഥികൾക്ക് വലിയ സഹായകരമായി കീ ടു എൻട്രൻസ് അനുഭവപ്പെട്ടു എന്ന് എല്ലാവരും അഭിപ്രായപ്പെട്ടു. ലിറ്റിൽ കൈറ്റ്സ് യൂണിറ്റിലെ അംഗങ്ങളായ എഞ്ചലീന ടി. അനീഷ്, അവന്തിക ജി. നാഥ് എന്നിവർ വൊക്കേഷണൽ ഹയർ സെക്കൻഡറി വിഭാഗം വിദ്യാർത്ഥികൾക്ക് ക്ലാസുകൾ എടുത്തു.
=='മണിപ്ലാൻ്റ്' കുട്ടികളിൽ അറിവിന്റെ അത്ഭുതമായ സിനിമ== ആക്ഷൻ
പുതിയ കാലത്തെ ജനകീയ കലയാണ് സിനിമ. കലയും സാങ്കേതികതയും സമ്മേളിക്കുന്ന അത്ഭുതം. അതുകൊണ്ടുതന്നെ സിനിമയെ അടുത്തറിയാനുള്ള കൗതുകം കുട്ടികൾക്കെന്നപോലെ എല്ലാവരിലും ആവോളമുണ്ട്. ലിറ്റിൽ കൈറ്റ്സിന്റെ പ്രവർത്തനം തുടങ്ങിയ നാളുമുതൽ നമ്മുടെ പ്രധാനപ്പെട്ട ലക്ഷ്യങ്ങളിൽ ഒന്നായിരുന്നു സ്കൂളിൽ നിന്നൊരു സിനിമ ഒരുക്കുക എന്നത്. ക്യാമറ, എഡിറ്റിംഗ്, ഡബ്ബിംഗ് തുടങ്ങിയ സാങ്കേതിക പ്രവർത്തനങ്ങളെ അടുത്തറിയാനും മികച്ച കലാകാരന്മാരായ കുട്ടികൾക്ക് രചന, സംവിധാനം, അഭിനയം തുടങ്ങിയ മേഖലകളിൽ കഴിവുതെളിയ്ക്കാനും ഇത് അവസരമൊരുക്കും എന്നതായിരുന്നു ഇതിന്റെ പ്രധാന കാരണം. ഒടുവിൽ സ്കൂളിന്റെ തന്നെ കലാചരിത്ത്രിൽ ഇടംപിടിച്ച് ലിറ്റിൽ കൈറ്റ്സ് കൂട്ടുകാർ ഒരുക്കിയ മണി പ്ലാന്റ് എന്ന ഹ്രസ്വ ചിത്രം പിറന്നു.
മാസങ്ങൾ നീണ്ട പ്രവർത്തനങ്ങൾക്കൊടുവിലാണ് മണി പ്ലാന്റ് മുളപൊന്തിയത്. ഇതിന്റെ ഭാഗമായി ചലച്ചിത്രരംഗത്തെ പ്രമുഖകരെ ഉൾപ്പെടുത്തി പരിശീലന പരിപാടികൾ, വിവിധ ക്ലാസുകൾ, സംവാദങ്ങൾ എന്നിവ സംഘടിപ്പിച്ചു. കുട്ടികളിൽ പുതിയ ചലച്ചിത്ര സംസ്കാരം വളർത്താനും പുതിയ ചലച്ചിത്ര വിദ്യാഭ്യാസം രൂപപ്പെടുത്താനും ഇത് കാരണമായി. ഒടുവിൽ സിനിമയുടെ എല്ലാ മേഖലകളിലും സജീവ സാന്നിധ്യമായി നമ്മുടെ കുട്ടികളെത്തി. അഭിമാനത്തോടെ നമ്മുടെ ലിറ്റിൽ കൈറ്റ്സ് യൂണിറ്റ് പ്രേക്ഷകരിലേക്ക് എത്തിച്ച മണി പ്ലാന്റ് എന്ന ഹ്രസ്വ ചിത്രത്തെതേടി നിരവധി പുരസ്കാരങ്ങളും എത്തി എന്നത് അഭിമാനത്തോടെ പങ്കുവയ്ക്കട്ടെ...
പൂർണമായും കുട്ടികളുടെ സിനിമ
പൂർണമായും നമ്മുടെ കുട്ടികളുടെ നിയന്ത്രണത്തിൽ ഒരുങ്ങിയ ചിത്രമായിരുന്നു മണി പ്ലാന്റ്. കുട്ടികളിൽ നിന്നും വിവിധ കഥകളും തിരക്കഥകളും ശേഖരിക്കുക എന്നതായിരുന്നു സിനിമ നിർമാണത്തിന്റെ ആദ്യഘട്ടം. അത്തരത്തിൽ ലഭിച്ച വിവിധ രചനകളിൽ നിന്നുമാണ് മണി പ്ലാന്റിന്റെ തിരക്കഥ തിരഞ്ഞെടുക്കുന്നത്. വിദഗ്ധാഭിപ്രായത്തോടെ ആ തിരക്കഥയിൽ ആവശ്യമായ മാറ്റങ്ങളും വരുത്തി.
തുടർന്ന് കുട്ടികളിൽ നിന്നും സാങ്കേതിക പ്രവർത്തകരെ കണ്ടെത്തി അവർക്ക് പരിശീലന പരിപാടികൾ സംഘടിപ്പിച്ചു. കുട്ടികൾക്ക് അതൊരു പുതിയ അനുഭവം തന്നെയായിരുന്നു. തുടർന്ന് അഭിനേതാക്കളായി അധ്യാപകരേയും അനധ്യാപകരെയും തിരഞ്ഞെടുത്തു.
ചിത്രീകരണത്തിനാവശ്യമായ ലൊക്കേഷൻ കണ്ടെത്തൽ, സിനിമയ്ക്കാവശ്യമായ ആർട്ട് വസ്തുക്കളുടെ നിർമാണവും കണ്ടെത്തലും തുടങ്ങി എല്ലാ മേഖലകളിലും ലിറ്റിൽ കൈറ്റ്സ് അംഗങ്ങൾ നിറസാന്നിധ്യമായി നിന്നു. കോന്നിയിലും പരിസര പ്രദേശങ്ങളിലുമായി രണ്ട് ദിവസംകൊണ്ടാണ് ചിത്രീകരണം പൂർത്തിയാക്കിയത്. കുട്ടികൾ പൂർണമായും സിനിമയെ നിയന്ത്രിക്കുപ്പോഴും വിദഗ്ധരുടെ സാന്നിധ്യവും സഹകരണവും ഞങ്ങൾക്കൊപ്പമുള്ളത് പുതിയ പാഠങ്ങൾ പകർന്നു.
ലിറ്റിൽ കൈറ്റ്സ് അംഗങ്ങൾക്കെന്നപോലെ സ്കൂളിലെ മറ്റ് കുട്ടികൾക്കും സിനിമയുടെ ചിത്രീകരണം കാണാൻ അവസരമൊരുക്കിയിരുന്നു. കുട്ടികൾക്കെല്ലാം വലിയ അനുഭവമായി മണി പ്ലാന്റ് മാറി എന്നതിൽ സംശയമില്ല.
സിനിമയുടെ ഓരോ ഘട്ടത്തിലും മലയാളത്തിലെ എല്ലാ മാധ്യമങ്ങളും ലിറ്റിൽ കൈറ്റ്സിനു നൽകിയ പിന്തുണയേയും നന്ദിയോടെ സ്മരിക്കട്ടെ...
സിനിമയുടെ വിസ്മയ ലോകം.
ഓരോ സിനിമയ്ക്കു പിന്നിലുമുള്ള പരിശ്രമത്തെയാണ് വിസ്മയത്തോടെ കുട്ടികളും അധ്യാപകരും തിരിച്ചറിഞ്ഞത്. സാങ്കേതികവിദ്യയുടെ പുതിയ ലോകം കൂടി ചേർന്നതാണ് സിനിമയെന്ന് കുട്ടികൾ അനുഭവിച്ചറിഞ്ഞു. പുതിയ സാങ്കേതിക സംവിധാനങ്ങളും പദങ്ങളും അവർക്ക് പരിചയപ്പെടാൻ കഴിഞ്ഞു.
കലയിൽ സാങ്കേതികതയുടെ പ്രാധാന്യവും തിരിച്ചറിഞ്ഞു. ഏതെങ്കിലും ഒന്നു പിഴച്ചാൽ സംഭവിക്കുന്ന റീട്ടേക്കുകൾ തന്നെ അതിന്റെ ഉദാഹരണമാണല്ലോ. സിനിമ സ്വപ്നമായി കാണുന്ന വിദ്യാർത്ഥികൾക്കിതൊരു സുവർണാവസരം തന്നെയായിരുന്നു. സാങ്കേതിക മേഖലയിൽ സിനിമ തുറന്നു കാട്ടുന്ന തൊഴിൽ സാധ്യതകളും അവിടെയുണ്ടാകുന്ന പ്രതിസന്ധികളും കുട്ടികൾക്ക് വിദഗ്ധരിൽ നിന്നും കൗതുകത്തോടെ ചോദിച്ചറിഞ്ഞു.
ഓർമയുടെ റീലുകൾ
2025 ജനുവരി തീയതികളിൽ സിനിമയുടെ ചിത്രീകരണം
ഡബ്ബിംഗ് പൂർത്തിയാക്കി
2025 ജനുവരി 26ന് സ്കൂൾ വാർഷികദിനാഘോഷത്തോടനുബന്ധിച്ച് സിനിമയുടെ ഫസ്റ്റ് ലുക്ക് പോസ്റ്റർ പ്രകാശനം ചെയ്തു. ഫോക് ലോർ അക്കാദമി അംഗവും നാടൻപാട്ടു കലാകാരനുമായ ശ്രീ സുരേഷ്സോമയാണ് ഫസ്റ്റ് ലുക്ക് പോസ്റ്റർ പ്രകാശനം ചെയ്തത
സിനിമയുടെ ഫസ്റ്റ് ലുക്ക് പോസ്റ്റർ പ്രമുഖ സംവിധായകൻ ശ്രീ പ്രിയനന്ദനൻ, നടൻ ശ്രീ ഇർഷാദ് അലി, എഴുത്തുകാരൻ ശ്രീ. അരുൺ എഴുത്തച്ഛൻ, സംഗീത സംവിധായകൻ ശ്രീ ജാസി ഗിഫ്റ്റ്, ഗായിക ശ്രീമതി സിത്താര കൃഷ്ണകുമാർ തുടങ്ങിയവർ അവരുടെ സോഷ്യൽ മീഡിയ പ്ലാറ്റ്ഫോമുകളിലൂടെയും പങ്കുവച്ചു.
ഫെബ്രുവരി സിനിമയുടെ ട്രെയിലർ പ്രേക്ഷകർക്കായി പങ്കുവച്ചു.
ആദ്യ പുരസ്കാരം. ഫെബ്രുവരി 14ന് അടൂരിൽ നടന്ന ഇഫ്റ്റാ ഷോർട്ട് ഫിലിം ഫെസ്റ്റിവലിൽ കുട്ടികളുടെ മികച്ച ചിത്രമായി മണി പ്ലാൻ് തിരഞ്ഞെടുത്തു.
ഫെബ്രുവരി 17ന് മണി പ്ലാന്റിന്റെ ഔദ്യോഗിക പ്രകാശനം പ്രശസ്ത എഴുത്തുകാരൻ ശ്രീ. അരുൺ എഴുത്തച്ഛൻ നിർവഹിച്ചു
കൈറ്റ്സിന്റെ സ്കൂൾ യൂട്യൂബ് ചാനലിലൂടെ ചിത്രം റിലീസ് ചെയ്തു
സംവിധാനം ആരുഷ് എസ്
നിർമാണം: ജ്യോതിസ് പി. ഉല്ലാസ്
രചന ജെറീറ്റ രഞ്ജി
ക്യാമറ: റോൺ ടി.പ്രകാശ്
എഡിറ്റിംഗ്: ആൽഫിൻ ജോ മാത്യു
അഭിനയിച്ചവർ : ശ്രീനിധ എസ്, അനിരുദ്ധ് ഉദയ്, ഗിരീഷ് കുമാർ ആർ, മഞ്ജു പി നായർ, ആർ. സുരേഷ്കുമാർ, ബിനു കെ.ബി ==വായനയുടെ അക്ഷരപ്പച്ച
വായനയുടെ മഹത്വം പങ്കുവച്ച് ഡോക്യുമെന്ററി
പ്രകൃതിയോടു ചേർന്നു ജീവിക്കുന്നതുപോലെ പ്രധാനമാണല്ലോ വായിച്ചു വളരുന്നതും. സമൂഹത്തിൽ നല്ലൊരു പൗരനെ വളർത്തി എടുക്കുന്നതിൽ വായനയ്ക്കുള്ളത് വലിയ പങ്കുതന്നെയാണ്. ഈ തിരിച്ചറിവ് പങ്കുവയ്ക്കുക എന്ന ലക്ഷ്യത്തോടെ സ്കൂൾ ലിറ്റിൽ കൈറ്റ്സ് അംഗങ്ങൾ തയാറാക്കിയ ഡോക്യുമെന്ററിയാണ് അക്ഷരപ്പച്ച.
സ്ഥിരം കണ്ടുപോകുന്ന ഡോക്യുമെന്ററി ശൈലിയെ മാറ്റി നിർത്തണമെന്ന തീരുമാനമായിരുന്നു ആദ്യം സ്വീകരിച്ചത്. വിവിധ വിഷയങ്ങൾ കുട്ടികളുമായി ചർച്ച ചെയ്തെങ്കിലും വായനയുടെ പ്രധാന്യം കുട്ടികളിലേക്ക് എത്തിക്കേണ്ടത് കാലഘട്ടത്തിന്റെ ആവശ്യമാണല്ലോ. വലിയ പുതുമകളൊന്നും ഇല്ലാത്ത ഈ വിഷയത്തെ എങ്ങനെ പുതുമയാക്കാം എന്ന ചർച്ചയാണ് പിന്നീട് നടന്നത്. കുട്ടികൾ തന്നെ ഡോക്യുമെന്ററിയുടെ എല്ലാ ചുമതലകളും ഏറ്റെടുത്തു. കുട്ടികൾക്ക് വലിയ അനുഭവമായിരുന്നു ഡോക്യുമെന്ററി ചിത്രീകരണം.
സ്മാർട്ട് ഫോണിലാണ് പൂർണമായും ചിത്രീകരിച്ചതും മറ്റ് സാങ്കേതിക ജോലികൾ പൂർത്തിയാക്കിയതും. കോന്നിയോടു ചേർന്നു നിൽക്കുന്ന അടവിയുടെ വിവിധ ഭാഗങ്ങളിലായാണ് ചിത്രീകരണം പൂർത്തിയാക്കിയത്. ലിറ്റിൽ കൈറ്റ്സ് അംഗങ്ങളുടെ ഈ പരിശ്രമത്തിന് ലഭിച്ച പിന്തുണയും പ്രോത്സാഹനവും വളരെ വലുതാണ്.
'പിന്നണിയിൽ ഇവർ...
'
സ
രചന: ദേവിക ജയൻ
ക്യാമറ: ആൽഫിൻ ജോ മാത്യു
എഡിറ്റിംഗ്: ഏയ്ഞ്ചലീന ടി. അനീഷ്
ശബ്ദം, അഭിനയം: സനീഷ് എസ്.
മാർഗനിർദേശം: അപ്സര പി. ഉല്ലാസ്, ശ്രീജ എസ്.
ക്രിയാത്മക സഹായം: വിധു ആർ.
..................
നമ്മുടെ പ്രവർത്തനങ്ങൾ ലോകമറിയട്ടെ...
വിവര വിസ്ഫോടനത്തിന്റെ ഈ കാലത്ത് ആധുനിക സാങ്കേതികവിദ്യയുടെ ഉപയോഗം വളരെ കൂടുതലാണല്ലോ. ഗുണാത്മകമായി ആധുനിക സാങ്കേതികവിദ്യയെ ഉപയോഗിക്കുന്നതിന് സ്കൂൾ വിദ്യാർത്ഥികളെ പ്രാപ്തരാക്കുവാൻ സഹായിക്കുന്ന സങ്കേതങ്ങൾ ലഭ്യമാക്കുന്ന കൂട്ടായ്മയായ ലിറ്റിൽ കൈറ്റ്സ് തയാറാക്കുന്ന കൈറ്റ്സ് റിപ്പബ്ലിക്ക് എന്ന ഡിജിറ്റൽ മാഗസിനിലൂടെ കുട്ടികൾക്കും മാതാപിതാക്കൾക്കും നമ്മുടെ പ്രവർത്തനങ്ങൾ അടുത്തറിയാൻ സഹായിക്കും, ജില്ലയിൽ തന്നെ ഏറ്റവും മികച്ച രീതിയിൽ പ്രവർത്തിക്കുന്ന ലിറ്റിൽ കൈറ്റ്സ് യൂണിറ്റാണ് നമ്മുടെ സ്കൂളിന്റേതെന്ന് അഭിമാനപൂർവം പറയട്ടെ. പോയ വർഷത്തെ പ്രവർത്തനങ്ങൾ ഓരോന്നും അതിന്റെ തെളിവാണ്. കുട്ടികളിൽ സാങ്കേതിക ബോധം വളർത്തിയെടുക്കുന്നതിനൊപ്പം കല, സാഹിത്യം, ജീവകാരുണ്യം തുടങ്ങിയ മേഖലകളിലും അത് സ്പർശിച്ചു കടന്നു പോകുന്നുവെന്നത് ഏറെ ശ്രദ്ധേയമാണ്. സ്കൂളിന്റെ ചരിത്രത്തിലെ തന്നെ അഭിമാന മുഹൂർത്തമായിരുന്നു ലിറ്റിൽ കൈറ്റ്സ് ഒരുക്കിയ ഹ്രസ്വചിത്രവും ഡോക്യുമെന്ററിയും. നമ്മുടെ പ്രവർത്തനങ്ങളെ കൂടുതൽ ജനങ്ങളിലേക്ക് എത്തിക്കുന്ന കൈറ്റ്സ് റിപ്പബ്ലിക് എന്ന ഡിജിറ്റൽ മാഗസിൻ ഈ വർഷത്തേ അഭിമാനകരമായ പ്രവർത്തനമാണ്. https://online.pubhtml5.com/iurd/txkk/
- ഡിജിറ്റൽ മാഗസിൻ 2024 - - ’’’ഇതൾ'’’