എം.ടി.വി.എച്ച്.എസ്.എസ്., കുന്നം/ലിറ്റിൽകൈറ്റ്സ്/2025-28
| Home | 2023 - 26 | 2024 - 27 | 2025 - 28 |
  ഫ്രീഡം ഫെസ്റ്റ് ഡിജിറ്റൽ മാഗസിൻ LK Alumni 2018-20 2019-21 2020-23 2021-24 2022-25
|
| 38047-ലിറ്റിൽകൈറ്റ്സ് | |
|---|---|
| സ്കൂൾ കോഡ് | 38047 |
| യൂണിറ്റ് നമ്പർ | LK/2018/38047 |
| ബാച്ച് | 2025-28 |
| റവന്യൂ ജില്ല | പത്തനംതിട്ട |
| വിദ്യാഭ്യാസ ജില്ല | പത്തനംതിട്ട |
| ഉപജില്ല | റാന്നി |
| കൈറ്റ് മാസ്റ്റർ / മിസ്ട്രസ് 1 | ലിജി സൂസൻ തോമസ് |
| കൈറ്റ് മാസ്റ്റർ / മിസ്ട്രസ് 2 | ഡീന മേരി ലൂക്ക് |
| അവസാനം തിരുത്തിയത് | |
| 02-12-2025 | Jayesh.itschool |
2025-28 ബാച്ചിലെ അംഗങ്ങൾ
| ക്രമ നം | അഡ്മിഷൻ നം | പേര് | ക്ലാസ് | ഫോട്ടോ |
|---|---|---|---|---|
സ്കൂളിന്റെ പതിവ് പ്രവർത്തനങ്ങളിലെ പങ്കാളിത്തം
പ്രവേശനോത്സവം
2025 -26 അധ്യയന വർഷാരംഭത്തിൽ ജൂൺ 2 നു നടത്തപ്പെട്ട പ്രവേശനോത്സവത്തിൽ ഫോട്ടോയും വീഡിയോയും പകർത്തിയ ലിറ്റിൽ കൈറ്റ്സ് വിദ്യാർത്ഥികൾ സ്കൂളിന്റെ പരിപാടികളുടെ രേഖപ്പെടുത്തലുകളിൽ തങ്ങളുടെ പങ്കാളിത്തം ഉറപ്പാക്കി.
വിജയോത്സവം
2024-25 അധ്യയന വർഷത്തിൽ ഉന്നത വിജയം കൈവരിച്ച വിദ്യാർത്ഥികളെ ആദരിക്കുന്നതിനായി ജൂൺ 20 വെള്ളിയാഴ്ച ഉച്ചക്ക് 1:30 ന് സ്കൂളിൽ വച്ചു നടത്തിയ വിജയോത്സവത്തിൽ ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ പരിപാടിയുടെ ഓഡിയോ വിഷ്വൽ അവതരണങ്ങൾ ഒരുക്കുകയും ഡോക്യുമെന്റേഷന്റെ ഭാഗമായി പരിപാടിയുടെ ഫോട്ടോയും വീഡിയോയും പകർത്തുകയും ചെയ്തു.
മയക്കുമരുന്ന് ദുരുപയോഗത്തിനും നിയമവിരുദ്ധ കടത്തിനും എതിരായ അന്താരാഷ്ട്ര ദിനാചരണം
ജൂൺ 26 ന് നടന്ന അന്താരാഷ്ട്ര മയക്കുമരുന്ന് ദുരുപയോഗ വിരുദ്ധ ദിനാചരണത്തിൽ ലിറ്റിൽ കൈറ്റ്സ് വിദ്യാർത്ഥികൾ സജീവമായി പങ്കെടുത്തു. പരിപാടിയുമായി ബന്ധപ്പെട്ട് സംഘടിപ്പിച്ച സുംബ നൃത്ത പ്രകടനത്തിന് ലിറ്റിൽ കൈറ്റ്സ് കുട്ടികൾ നേതൃത്വം നൽകി.
പ്രവേശന പരീക്ഷ 2025
സ്കൂളിലെ 2025 - 28 ലിറ്റിൽ കൈറ്റ്സ് ബാച്ചിലേക്കുള്ള അഭിരുചി പരീക്ഷ ജൂൺ 25 ബുധനാഴ്ച സ്കൂൾ കമ്പ്യൂട്ടർ ലാബിൽ നടന്നു. 30 വിദ്യാർത്ഥികൾ അഭിരുചി പരീക്ഷയ്ക്ക് രജിസ്റ്റർ ചെയ്യുകയും പരീക്ഷയിൽ പങ്കെടുക്കുകയും ചെയ്തു. വിദ്യാർത്ഥികൾക്കുള്ള പരിശീലന ക്ലാസ് സീനിയർ ബാച്ചിലെ ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ നടത്തി. പരീക്ഷ സോഫ്റ്റ്വെയർ ഇൻസ്റ്റോൾ ചെയ്യുവാനും, റിസൾട്ട് അപ്ലോഡ് ചെയ്യുവാനും വിദ്യാർത്ഥികൾ കൈറ്റ് മിസ്ട്രെസ്സ്മാരെ സഹായിച്ചു.
പ്രത്യേകം തയ്യാറാക്കിയ സോഫ്റ്റ് വെയറിലാണ് പരീക്ഷ നടത്തിയത്. രണ്ടു ഗ്രൂപ്പുകളിലായി 20 ചോദ്യങ്ങൾ അടങ്ങുന്ന 30 മിനിറ്റ് ദൈർഘ്യമുള്ള പരീക്ഷ ആയിരുന്നു നടന്നത്. ലോജിക് ആൻഡ് റീസണിങ്, പ്രോഗ്രാമിംഗ് വിഭാഗം, ഐടി പൊതുവിജ്ഞാനം എന്നിവ ഉൾപ്പെട്ട ചോദ്യങ്ങളാണ് അഭിരുചി പരീക്ഷയ്ക്ക് വന്നത്.
പരീക്ഷയിൽ കൈറ്റ് മിസ്ട്രെസ്സ്മാരായ ലിജി സൂസൻ തോമസ്, ഡീന മേരി ലൂക്ക്, സീനിയർ അസിസ്റ്റന്റ് അനു വർഗീസ്, സീനിയർ ബാച്ചിലെ ലിറ്റിൽ കൈറ്റ്സ് വിദ്യാർത്ഥികൾ തുടങ്ങിയവർ നേതൃത്വം നൽകി.
-
അഭിരുചി പരീക്ഷ
-
അഭിരുചി പരീക്ഷ
ലിറ്റിൽ കൈറ്റ് യൂണിറ്റ് 2025-28 ബാച്ച് – പ്രിലിമിനറി ക്യാമ്പ്
ലിറ്റിൽ കൈറ്റ് യൂണിറ്റ് 2025-28 ബാച്ചിന്റെ ഭാഗമായി പ്രിലിമിനറി ക്യാമ്പ് 2025 സെപ്റ്റംബർ 16 നു സ്കൂളിൽ വിജയകരമായി നടത്തി. LK മാസ്റ്റർ ട്രെയിനർ ശ്രീ. ജയേഷ് ക്യാമ്പ് നയിച്ചു.
ക്യാമ്പിന്റെ ഭാഗമായി വിദ്യാർത്ഥികൾക്ക് ലിറ്റിൽ കൈറ്റ് പ്രവർത്തനങ്ങളുടെ ലക്ഷ്യങ്ങളും പ്രവർത്തനരീതികളും വിശദീകരിച്ചു. ഐ.സി.ടി. മേഖലയിലെ പുതിയ സാധ്യതകൾ, ഡിജിറ്റൽ സുരക്ഷ, ബേസിക് ഐ.ടി. സ്കിൽസ് തുടങ്ങിയ വിഷയങ്ങളിൽ പരിശീലനം നൽകി. വിദ്യാർത്ഥികൾ സജീവമായി പങ്കെടുക്കുകയും ചോദ്യോത്തര സെഷനിൽ ആവേശത്തോടെ ഭാഗമാവുകയും ചെയ്തു.
സ്കൂളിലെ ലിറ്റിൽ കൈറ്റ് ടീച്ചേഴ്സ് ക്യാമ്പിന് ആവശ്യമായ സംവിധാനങ്ങൾ ഒരുക്കി. ക്യാമ്പിന്റെ വിജയകരമായ നടത്തിപ്പിന് സ്കൂൾ മാനേജ്മെന്റിന്റെയും അധ്യാപകരുടെയും മുഴുവൻ സഹകരണവും ലഭിച്ചു.
ഈ ക്യാമ്പിലൂടെ വിദ്യാർത്ഥികൾക്ക് ഐ.ടി. ക്ലബ്ബ് പ്രവർത്തനങ്ങളിൽ കൂടുതൽ പങ്കാളിത്തത്തിനും ഡിജിറ്റൽ സാഹിത്യത്തിൽ വളർച്ചക്കും വഴിയൊരുക്കാൻ കഴിഞ്ഞു.
-
ലിറ്റിൽ കൈറ്റ്സ് പ്രാഥമിക ക്യാമ്പ് 2025 - 28
-
ലിറ്റിൽ കൈറ്റ്സ് പ്രാഥമിക ക്യാമ്പ് 2025 - 28
-
ലിറ്റിൽ കൈറ്റ്സ് പ്രാഥമിക ക്യാമ്പ് 2025 - 28
-
ലിറ്റിൽ കൈറ്റ്സ് പ്രാഥമിക ക്യാമ്പ് 2025 - 28
-
ലിറ്റിൽ കൈറ്റ്സ് പ്രാഥമിക ക്യാമ്പ് 2025 - 28
സോഫ്റ്റ്വെയർ സ്വാതന്ത്ര്യ ദിനം
കേരള പൊതുവിദ്യാഭ്യാസ വകുപ്പിന്റെ സർക്കുലർ പ്രകാരം 2025 സെപ്റ്റംബർ 22-ന് ഞങ്ങളുടെ സ്കൂളിൽ സോഫ്റ്റ്വെയർ സ്വാതന്ത്ര്യ ദിനം ആഘോഷിച്ചു. പരിപാടി ലിറ്റിൽ കൈറ്റ്സ് ഐ.ടി. ക്ലബ് ന്റെ നേതൃത്വത്തിൽ സംഘടിപ്പിക്കപ്പെട്ടു.
രാവിലെ നടന്ന സ്കൂൾ അസംബ്ലിയിൽ പരിപാടി ആരംഭിച്ചു. പതിവ് പ്രാർത്ഥനയ്ക്കും അറിയിപ്പുകൾക്കും ശേഷം, സ്കൂൾ ഐ.ടി. ക്ലബ് കോ-ഓർഡിനേറ്റർ വിദ്യാർത്ഥികൾക്ക് സോഫ്റ്റ്വെയർ സ്വാതന്ത്ര്യ ദിനത്തിന്റെ പ്രാധാന്യം വിശദീകരിച്ചു. വിദ്യാഭ്യാസത്തിലും സമൂഹത്തിലും സ്വതന്ത്ര സോഫ്റ്റ്വെയറിന്റെ പങ്കും പ്രാധാന്യവും അദ്ദേഹം അവതരിപ്പിച്ചു.
തുടർന്ന് അധ്യാപകരും വിദ്യാർത്ഥികളും ഒരുമിച്ച് വകുപ്പിൽ നിന്ന് ലഭിച്ച സോഫ്റ്റ്വെയർ സ്വാതന്ത്ര്യ പ്രതിജ്ഞ ഏറ്റെടുത്തു. അറിവ് പങ്കുവെക്കൽ, കൂട്ടായ്മ, ഉത്തരവാദിത്വമുള്ള സോഫ്റ്റ്വെയർ ഉപയോഗം എന്നിവയുടെ മൂല്യങ്ങൾ പ്രതിജ്ഞയിലൂടെ എല്ലാവർക്കും ഓർമ്മിപ്പിച്ചു.
ലിറ്റിൽ കൈറ്റ്സ് അംഗങ്ങൾ ക്ലാസ്മുറികളിലും കമ്പ്യൂട്ടർ ലാബുകളിലും സ്വതന്ത്ര സോഫ്റ്റ്വെയറുകളുടെ പ്രായോഗിക പ്രയോജനങ്ങളെക്കുറിച്ച് ചുരുക്ക പ്രഭാഷണങ്ങളും നടത്തി. വിദ്യാർത്ഥികൾ ദിവസേന പഠനത്തിനിടെ സ്വതന്ത്ര സോഫ്റ്റ്വെയർ ഉപയോഗിക്കാൻ തങ്ങൾ സന്നദ്ധരാണെന്ന് ആവേശത്തോടെ പങ്കുവെച്ചു.
സ്കൂൾ ലീഡറുടെ നന്ദിപ്രസംഗത്തോടെ ചടങ്ങ് സമാപിച്ചു. പരിപാടി വിജയകരമായി സംഘടിപ്പിച്ച ലിറ്റിൽ കൈറ്റ്സ് ഐ.ടി. ക്ലബ്ബിന്റെ നേതൃത്വത്തെ എല്ലാവരും അഭിനന്ദിച്ചു.
-
സോഫ്റ്റ്വെയർ സ്വാതന്ത്ര്യ ദിനം 2025
-
സോഫ്റ്റ്വെയർ സ്വാതന്ത്ര്യ ദിന പ്രതിജ്ഞ
ഫ്രീഡം ഫെസ്റ്റ്
2025 ലെ സോഫ്റ്റ്വെയർ സ്വാതന്ത്ര്യ ദിനത്തോടനുബന്ധിച്ച് സെപ്റ്റംബർ 26 ന് ഞങ്ങളുടെ സ്കൂളിൽ ഫ്രീഡം ഫെസ്റ്റ് സംഘടിപ്പിച്ചു. ഈ വിഷയത്തിൽ ഒരുക്കിയിരിക്കുന്ന പ്രദർശനം കാണാൻ കുന്നം EALPS, ഗവ എൽ പി എന്നീ സ്കൂളുകളിൽ നിന്നും കുട്ടികളും അവരുടെ രക്ഷിതാക്കളും അധ്യാപകരും ഞങ്ങളുടെ സ്കൂൾ സന്ദർശിച്ചു. പഠനത്തിനും വിനോദത്തിനുമുള്ള സൗജന്യ സോഫ്റ്റ്വെയറുകൾ, റോബോട്ടിക്സ്, ഇലക്ട്രോണിക് പ്രോജക്ടുകൾ/കളിപ്പാട്ടങ്ങൾ തുടങ്ങിയവ പ്രദർശനത്തിലുണ്ടായിരുന്നു. 100-ലധികം വിദ്യാർത്ഥികളും അധ്യാപകരും രക്ഷിതാക്കളും സന്ദർശിക്കുകയും നല്ല പ്രതികരണം നൽകുകയും ചെയ്തു.
-
-
-
-
-
-
ഐ ടി മേള
ലിറ്റിൽ കൈറ്റ് യൂണിറ്റ് 2025-28 ബാച്ച് – ഫേസ് 2 ക്യാമ്പ്
ലിറ്റിൽ കൈറ്റ് ഫേസ് 2 ക്യാമ്പ് 2025 ഒക്ടോബർ 28ന് സ്കൂളിൽ നടന്നു. പ്രധാന അദ്ധ്യാപിക ശ്രീമതി സിമ്മി ചെറിയാൻ സ്വാഗതം ആശംസിച്ചു. വെൺകുറിഞ്ഞി എസ്.എൻ.ഡി.പി എച്ച് എസ് എസ് അദ്ധ്യാപിക ശ്രീമതി ബിന്ദു കെ പി ക്യാമ്പിന് നേതൃത്വം നൽകി. സ്ക്രാച്ച് പ്രോഗ്രാമിങ്, ആനിമേഷൻ എന്നിവ രസകരമായി കുട്ടികൾ മനസ്സിലാക്കി. 22 LK ക്ലബ് അംഗങ്ങൾ ക്യാമ്പിൽ ഹാജരായി. 3.30 ന് ക്യാമ്പ് അവസാനിച്ചു.
