"ജി.ബി.എച്ച്.എസ്.എസ്. മഞ്ചേരി/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

[[പ്രമാണം:18021 kailasam.jpg|ലഘുചിത്രം|കൈലാസം]]

'''സാധാരണക്കാരന്റെയും അധ:സ്ഥിതന്റെയും ജീവിതത്തിൽ അക്ഷരകൈത്തിരി കത്തിച്ചു വച്ച് പ്രസ്തുത സ്ഥാപനം മുന്നേറിക്കൊണ്ടിരിക്കുന്നു. ബ്രിട്ടീഷ് ഭരണത്തിന്റെ നേർസാക്ഷ്യമായ തുക്കിടിക്കച്ചേരിക്കു സമീപം എല്ലായ്‌പ്പോഴും പട്ടാള നിരീക്ഷണത്തിലായിരുന്നു അക്കാലത്ത് ഈ വിദ്യാലയം. മഞ്ചേരിയിലെ അനേകം ഉന്നതോദ്യോഗസ്ഥരെയും സാങ്കേതിക വിദഗ്ദ്ധരെയും കലാ, കായിക, ശാസ്ത്ര, സാഹിത്യ പ്രതിഭകളെയും ജനപ്രതിനിധികളടക്കമുള്ള പൗരപ്രമുഖരെയും വാർത്തെടുത്ത അതിന്റെ പാരമ്പര്യം തുടർന്നു കൊണ്ടേയിരിക്കുന്നു. വിദ്യാലയ മുറ്റത്ത് ശാന്തി കൊള്ളുന്ന എൻഷൻ വൈസ് സായ്പിന്റെ കല്ലറയും സമീപം താങ്ങും തണലുമായി നിൽക്കുന്ന ബദാം മരവും ഇവിടത്തേയ്ക്കു സ്വന്തം. വളരെ പഴക്കം ചെന്ന നൂറു കണക്കിനു ഗ്രന്ഥങ്ങൾ സ്‌ക്കൂൾ ലൈബ്രറിയെ സമ്പന്നമാക്കുന്നു. കൈലാസം എന്ന പേരിലറിയപ്പെടുന്ന അഷ്ടമുഖക്കെട്ടിടം ഇന്നും തലയുയർത്തി നിൽക്കുന്നു.'''

'''നൂറ്റിപ്പത്തു കടന്ന ഈ വിദ്യാകേന്ദ്രത്തിന് അഭിമാനിക്കാനേറെയുണ്ട്. അധ്യാപകരുടെയും രക്ഷിതാക്കളുടെയും കുട്ടികളുടെയും കൂട്ടായ്മയിൽ ജനപ്രതിനിധികളും ,നഗരസഭയും എസ്.എസ്.എ, ആർ.എം.എസ്.എ, എന്നീ ഉപവകുപ്പുകളും ഒരുമിച്ചു കൈ കോർത്തപ്പോൾ കേരളത്തിലെ തന്നെ മികച്ച സ്‌ക്കൂളുകളിലൊന്നായി മാറാൻ സാധിച്ചു.'''

'''ഓരോ വർഷത്തെയും മികച്ച എസ്.എസ്.എൽ.സി, പ്ലസ്ടു റിസൾട്ടുകൾ, ജില്ലാ, സംസ്ഥാന, അന്തർദേശീയ ശാസ്ത്ര കലാകായിക മത്സരങ്ങളിലെ മികവ്, പാഠ്യേതര പ്രവർത്തനങ്ങളുടെ അനായാസകരമായ നിർവ്വഹണം എൻ.സി.സി, എസ്.പി.സി, ജെ.ആർ.സി,അടൽ ടിങ്കറിംഗ് ലാബ് (ATL), ലിറ്റിൽ കൈറ്റ്‌സ്, സ്റ്റുഡന്റ് ഡോക്ടർ, ഒ.ആർ.സി. എന്നിങ്ങനെയുള്ള ക്ലബ്ബുകളുടെ വിശാലമായ പ്രവർത്തന മേഖല, കാരുണ്യ പ്രവർത്തനങ്ങളുടെ വൈപുല്യം, വിവിധ വിഷയ കൗൺസിലുകളുടെ മാതൃകാപരമായ പ്രവർത്തനങ്ങൾ, ദിനാഘോഷങ്ങളുടെ പൊലിമ, വിവിധ സാമൂഹ്യ പ്രശ്‌നങ്ങളെ അധികരിച്ച ബോധവത്ക്കരണ ക്ലാസുകളുടെ മികച്ച സംഘാടനം എന്നിങ്ങനെ വൈവിധ്യം നിറഞ്ഞതും വേറിട്ടു നിൽക്കുന്നതുമായ ഒരു സ്ഥാപനമായി ഉയർന്നത് ഇവിടുത്തെ തൃകോണക്കൂട്ടായ്മ ഒറ്റക്കുടുംബമെന്ന ധാരയിൽ പ്രവർത്തിച്ചതിന്റെ ഫലമാണെന്നു പറയാതിരിക്കാൻ വയ്യ. ഇനിയും മഞ്ചേരിയുടെ പൊതു സമൂഹത്തിന് ഏറെ സംതൃപ്തിയോടെ സമീപിക്കാവുന്ന ഒരു സരസ്വതീ ക്ഷേത്രമായി മഞ്ചേരി ഗവ.ഹയർ സെക്കൻ്ററി സ്‌കൂൾ നിലകൊള്ളും എന്ന വിശ്വാസത്തോടെ.'''