"ജി.ബി.എച്ച്.എസ്.എസ്. മഞ്ചേരി/ചരിത്രം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

'''പൊതുവെ വിദ്യാഭ്യാസപരമായി വളരെ പിന്നോക്കം നിന്നിരുന്നു അന്നത്തെ മലപ്പുറം ജില്ല. ജില്ലയിലെ ആദ്യ വിദ്യാലയം പിറവിയെടുത്തതും മഞ്ചേരിയിലാണ്. ഇന്നത്തെ ഗവ.ബോയ്‌സ് ഹയർ സെക്കൻ്ററി സ്‌കൂൾ അന്ന് മിഡിൽ സ്‌ക്കൂളായിട്ടായിരുന്നു പ്രവർത്തിച്ചിരുന്നത്. ഇന്ന് മെഡിക്കൽ കോളേജ്, എൻ.എസ്.എസ് കോളേജ്, മറ്റു ആർട്ട്സ് ആൻഡ് സയൻസ് കോളേജുകൾ, ഹയർ സെക്കൻ്ററി ഉൾപ്പടെയുള്ള ധാരാളം വിദ്യാലയങ്ങൾ, കോച്ചിങ്ങ് സെന്ററുകൾ, കോടതി, റവന്യു ഉൾപ്പടെയുള്ള ബഹുവിധ സർക്കാർ ഓഫീസുകൾ, ആകാശവാണി എഫ്.എം കേന്ദ്രം, കച്ചവട സമുച്ചയങ്ങൾ, ഫ്‌ളാറ്റുകൾ, സിനിമാശാലകൾ എന്നിങ്ങനെ ഏറെ തിരക്കേറിയ ഒരു പട്ടണമായി മഞ്ചേരി മാറിക്കഴിഞ്ഞു.'''

'''സാധാരണക്കാരന്റെയും അധ:സ്ഥിതന്റെയും ജീവിതത്തിൽ അക്ഷരകൈത്തിരി കത്തിച്ചു വച്ച് പ്രസ്തുത സ്ഥാപനം മുന്നേറിക്കൊണ്ടിരിക്കുന്നു. ബ്രിട്ടീഷ് ഭരണത്തിന്റെ നേർസാക്ഷ്യമായ തുക്കിടിക്കച്ചേരിക്കു സമീപം എല്ലായ്‌പ്പോഴും പട്ടാള നിരീക്ഷണത്തിലായിരുന്നു അക്കാലത്ത് ഈ വിദ്യാലയം. മഞ്ചേരിയിലെ അനേകം ഉന്നതോദ്യോഗസ്ഥരെയും സാങ്കേതിക വിദഗ്ദ്ധരെയും കലാ, കായിക, ശാസ്ത്ര, സാഹിത്യ പ്രതിഭകളെയും ജനപ്രതിനിധികളടക്കമുള്ള പൗരപ്രമുഖരെയും വാർത്തെടുത്ത അതിന്റെ പാരമ്പര്യം തുടർന്നു കൊണ്ടേയിരിക്കുന്നു. വിദ്യാലയ മുറ്റത്ത് ശാന്തി കൊള്ളുന്ന എൻഷൻ വൈസ് സായ്പിന്റെ കല്ലറയും സമീപം താങ്ങും തണലുമായി നിൽക്കുന്ന ബദാം മരവും ഇവിടത്തേയ്ക്കു സ്വന്തം. വളരെ പഴക്കം ചെന്ന നൂറു കണക്കിനു ഗ്രന്ഥങ്ങൾ സ്‌ക്കൂൾ ലൈബ്രറിയെ സമ്പന്നമാക്കുന്നു. കൈലാസം എന്ന പേരിലറിയപ്പെടുന്ന അഷ്ടമുഖക്കെട്ടിടം ഇന്നും തലയുയർത്തി നിൽക്കുന്നു.'''