"സെൻറ് തെരേസാസ് എ ഐ എച്ച് എസ് കണ്ണൂർ/പ്രവർത്തനങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

== '''2022 - 2023 അധ്യയന വർഷത്തിലെ പ്രവർത്തനങ്ങൾ''' ==

'''ജൂൺ 1'''

'''1/06/2022 ന് സെന്റ് തെരേസ ആംഗ്ലോ ഇന്ത്യൻ ഹയർ സെക്കൻഡറി സ്കൂളിൽ പ്രവേശനോത്സവ പരിപാടികൾ രാവിലെ 9.30 തോടെ ആരംഭിച്ചു. കേരളത്തിന്റെ മുഖ്യമന്ത്രി ശ്രീ. പിണറായി വിജയൻ പ്രവേശനോത്സവത്തിന് സംസ്ഥാനതല ഉദ്ഘാടനം ഔപചാരികമായി നിർവഹിച്ചു. തത്സമയം കുട്ടികൾക്ക് അത് വീക്ഷിക്കുന്നതിനുള്ള അവസരം ഒരിക്കിയിരുന്നു. തുടർന്ന് നവാഗതരായ കുരുന്നുകളെ വിദ്യാലയത്തിലേക്ക് സ്നേഹപൂർവ്വം സ്വീകരിച്ചു. സ്കൂളിന്റെ ലോക്കൽ മാനേജരും സുപ്പീരിയറും ആയ ബഹുമാനപ്പെട്ട സിസ്റ്റർ ജോസ്ലിൻ ജോസഫ്, ബഹുമാനപ്പെട്ട ഹെഡ്മിസ്ട്രെസ്സ് സിസ്റ്റർ റോഷ്നി മാനുവൽ, ഹയർസെക്കൻഡറി പ്രിൻസിപ്പാൾ ബഹുമാനപ്പെട്ട സിസ്റ്റർ വിനയ റോസ്, ടി. ടി. ഐ. പ്രിൻസിപ്പാൾ ശ്രീമതി വിനയ ടീച്ചർ, പി.ടി.എ പ്രസിഡന്റ്മാരായ ശ്രീ. രതീഷ് ആന്റണി, ശ്രീ. സുനീഷ് എന്നിവർ പങ്കെടുക്കുകയും ആശംസകൾ അർപ്പിച്ച് പ്രസംഗിക്കുകയും ചെയ്തു .'''

'''പരിസ്ഥിതി ദിനാചരണവും ബട്ടർഫ്ലൈ പാർക്ക് ഉദ്ഘാടനവും'''

'''പരിസ്ഥിതി ദിനാചരണത്തിന്റെ ഭാഗമായി 3/ 6 / 2022 ന് യു.പി, ഹൈസ്കൂൾ വിഭാഗം കുട്ടികൾക്കായി ക്വിസ് മത്സരവും പെയിന്റിംഗ് മത്സരവും നടത്തുകയും വിജയികളെ അനുമോദിക്കുകയും ചെയ്തു. വിജയികൾക്ക് സമ്മാനങ്ങളും നൽകി. പരിസ്ഥിതി ദിനാചരണത്തിന്റെ ഭാഗമായി ശലഭോദ്യാനത്തിന്റെ ഉദ്ഘാടനവും പൂമ്പാറ്റകളെ ആകർഷിക്കുന്ന പൂക്കൾ ഉണ്ടാകുന്ന ചെടികളും നട്ട് കണ്ണാടിപ്പറമ്പ് ഗവൺമെന്റ് ജി.എച്ച്.എസ്.എസ്. സ്കൂളിലെ റിട്ടയേർഡ് ഹെഡ്മാസ്റ്റർ, സംസ്ഥാന ശാസ്ത്ര ക്ലബ് സെക്രട്ടറി, ജില്ലാ ശാസ്ത്ര കോൺഗ്രസ് അക്കാദമി കോഡിനേറ്റർ എന്നീ നിലകളിൽ പ്രവർത്തിച്ചിരുന്ന ശ്രീ. മനോജ് കുമാർ പി.പി. നിർവഹിച്ചു. ദൈനംദിന ജീവിതത്തിൽ ശാസ്ത്രലോകവുമായി ബന്ധപ്പെട്ട് വിദ്യാർത്ഥികൾക്ക് നടപ്പിലാക്കാൻ കഴിയുന്ന വിധത്തിലുള്ള വിവിധ പ്രവർത്തനങ്ങളെക്കുറിച്ച് ശ്രീ. മനോജ് കുമാർ സാർ കുട്ടികളുമായി സംവദിച്ചു. ഹെഡ്മിസ്ട്രസ് ബഹുമാനപ്പെട്ട സിസ്റ്റർ റോസ്മിൻ വിശിഷ്ടാതിഥി ശ്രീ. മനോജ് കുമാർ സാറിന് സ്മരണിക നൽകി ആദരിക്കുകയും ചെയ്തു.'''

'''ജൂൺ 21- യോഗ ദിനാചരണവും മ്യൂസിക് ഡേയും ആചരിച്ചു.'''

'''യോഗാദിനാചരണത്തിന്റെയും മ്യൂസിക് ഡേയുടെയും പ്രാധാന്യം വിളിച്ചോതുന്ന രീതിയിലുള്ള മനോഹരമായ യോഗ ഡാൻസും യോഗയും സംഗീതത്തിന്റെയും പ്രാധാന്യത്തെ വിളിച്ചോതുന്ന പ്രസംഗങ്ങളും ഉണ്ടായിരുന്നു. കുട്ടികൾ വളരെ മനോഹരമായിട്ടാണ് ഗാനശകലങ്ങൾക്ക് അനുസൃതമായി യോഗ ഡാൻസ് അവതരിപ്പിച്ചത്. ഗായികമാരായ വിദ്യാർത്ഥികളും ഹെഡ്മിസ്ട്രസും ഗാനങ്ങൾ ആലപിച്ചു. യോഗാ ദിനത്തെയും മ്യൂസിക് ഡേയും സുന്ദരമാക്കി.'''

'''സ്കൂൾ പാർലമെന്റ് ഇലക്ഷൻ'''

'''സ്കൂളിലെ സോഷ്യൽ സയൻസ് ക്ലബ്ബിന്റെ ആഭിമുഖ്യത്തിൽ ഇരുപത്തിമൂന്നാം തീയതി സ്കൂൾ പാർലമെന്റ് ഇലക്ഷൻ വളരെ ഭംഗിയായി നടത്തി. കുമാരി ദേവദത്തയെ സ്കൂൾ ലീഡർ ആയി തിരഞ്ഞെടുത്തു.'''

[[പ്രമാണം:സ്കൂൾ പാര്ലമെന്റ് എലെക്ഷൻ 2.jpg|നടുവിൽ|ലഘുചിത്രം|806x806ബിന്ദു]]

'''11/07/2022 ന് 2022 - 2023 അധ്യയന വർഷത്തിലെ സ്കൂൾ ക്യാബിനറ്റ് സത്യപ്രതിജ്ഞ ചടങ്ങിൽ സ്കൂൾ ലീഡറായി കുമാരി ദേവദത്തയും മറ്റു ഭാരവാഹികളും ചുമതലയേറ്റു. സോഷ്യൽ സയൻസ് ക്ലബ്ബിന്റെ ആഭിമുഖ്യത്തിലാണ് ഈ പ്രവർത്തനങ്ങൾ നടന്നത്.'''

'''Merit Evening'''

'''14/ 7/ 2022ന് ഉച്ചയ്ക്ക് 2 30ന് ചേർന്ന അനുമോദയോഗത്തിൽ കഴിഞ്ഞ അധ്യയന വർഷത്തിൽ (2021- 2022 ) പത്താം ക്ലാസിലെയും പന്ത്രണ്ടാം ക്ലാസിലെയും പരീക്ഷയിൽ മുഴുവൻ A+ വാങ്ങിച്ച കുട്ടികളെയും മുഴുവൻ മാർക്ക് നേടിയ കുട്ടികളെയും അഭിനന്ദിക്കുകയും ഉപഹാരങ്ങൾ നൽകുകയും ചെയ്തു. കണ്ണൂർ മേയർ അഡ്വ. ടി. ഒ. മോഹനൻ അവർകളാണ് ചടങ്ങ് ഉദ്ഘാടനം ചെയ്തതും കുട്ടികൾക്ക് ഉപകാരങ്ങൾ സമ്മാനിച്ചതും. കണ്ണൂർ കോർപ്പറേഷനിൽ100% വിജയം കൈവരിച്ച സ്കൂൾ എന്ന നിലയിൽ സെന്റ് ട്രീസാസ് ആംഗ്ലോ ഇന്ത്യൻ ഹയർ സെക്കൻഡറി സ്കൂളിനെ അഭിനന്ദിക്കുകയും മെയർ മെമെന്റോ നൽകി ആദരിക്കുകയും ചെയ്തു. അതേ ചടങ്ങിൽ വെച്ച് ഇൻസ്പയർ അവാർഡ് ജേതാക്കളായ കുമാരി സുലാല സി യെയും മേദാ എം നമ്പ്യാരെയും അഭിനന്ദിച്ചു.'''

'''21/7/2022 ന് സയൻസ് ക്ലബ്ബിന്റെ ആഭിമുഖ്യത്തിൽ യുപി, ഹൈസ്കൂൾ വിഭാഗം കുട്ടികൾക്കായി ലൂണാർ ക്വിസ്സ് മത്സരം നടത്തി. ലൂണാർ ഡേയുമായി ബന്ധപ്പെട്ട വാർത്തകളും ചിത്രങ്ങളും കൊണ്ടും എല്ലാ ക്ലാസുകളും നോട്ടീസ് ബോർഡ് നിർമ്മാണം നടത്തുകയും യുപി വിഭാഗത്തിൽ നിന്നും 7A യും ഹൈസ്കൂൾ വിഭാഗത്തിൽനിന്ന് 9D യും ഒന്നാം സ്ഥാനം കരസ്ഥമാക്കി.'''

'''15/08/2022 ന് 75 ാം സ്വാതന്ത്ര്യ ദിനത്തിന്റെ ഭാഗമായി സ്കൂളിലെ സോഷ്യൽ സയൻസ് ക്ലബ് അധ്യാപകരുടെ നേതൃത്വത്തിൽ വിപുലമായ രീതിയിലുള്ള സ്വാതന്ത്ര്യദിന ആഘോഷ പരിപാടികൾ നടന്നു. ദേശഭക്തിഗാനാലാപനം, ദേശഭക്തി തുളുമ്പുന്ന നൃത്തം, പ്രസംഗങ്ങൾ (മലയാളം, ഹിന്ദി) എന്നിവ ഉണ്ടായിരുന്നു. ഹയർസെക്കൻഡറി സ്കൂൾ പ്രിൻസിപ്പൽ ബഹുമാനപ്പെട്ട സിസ്റ്റർ വിനിയാ റോസ് പതാക ഉയർത്തി.റിട്ട. കേണൽ രവി പി വി സ്വാതന്ത്ര്യദിന സന്ദേശം നൽകി.'''

'''19/08/2022 ന് സയൻസ്,സോഷ്യൽ സയൻസ്, മാത്‍സ് ക്ലബ്ബുകളുടെ ആഭിമുഖ്യത്തിൽ സ്കൂൾതല ഫെയർ നടന്നു. നല്ല ശതമാനം കുട്ടികൾ ഇതിൽ പങ്കെടുക്കുകയും അതിൽ നിന്നും ഏറ്റവും നല്ല ഐറ്റം സബ് ജില്ലാതലത്തിലേക്ക് തിരഞ്ഞെടുക്കപെടുകയും ചെയ്തു.'''

'''പരിസ്ഥിതിയെ അടുത്തറിയുന്നതിന് വേണ്ടി കണ്ണൂർ ജില്ലാ പഞ്ചായത്തും മണിക്കടവ് സെന്റ് തോമസ് ഹയർ സെക്കൻഡറി സ്കൂളും സംയുക്തമായി സംഘടിപ്പിച്ച മഴയാത്ര 2022 എന്ന പരിപാടിയിൽ ഏകദേശം 200 ഓളം കുട്ടികൾ നമ്മുടെ സ്കൂളിൽ നിന്നും പങ്കെടുത്തു. സ്കൂളിലെ സയൻസ് ക്ലബ്ബിന്റെ ആഭിമുഖ്യത്തിൽ ആയിരുന്നു പരിപാടി സംഘടിപ്പിച്ചത്.'''

'''ഓണാഘോഷം'''  

'''22/08/2022 ന് സ്കൂളിലെ ഓണാഘോഷ പരിപാടി നടന്നു.  മലയാളം ക്ലബ്ബിന്റെ ആഭിമുഖ്യത്തിലാണ് ഓണാഘോഷ പരിപാടികൾ നടന്നത്. അധ്യാപകനും പ്രശസ്ത കലാകാരനുമായ പ്രശാന്ത് മധു സാറാണ് പരിപാടി ഉദ്ഘാടനം ചെയ്തത്. മനോഹരമായ പുല്ലാങ്കുഴൽ വാദനവും മാപ്പിളപ്പാട്ടും സംഗീതവും കൊണ്ട് മുഖരിതമായിരുന്നു ഓണാഘോഷവേദി. ഓണപ്പായസവും ഓണസദ്യയും ആഘോഷമായ പരിപാടികളും അന്നേ ദിവസത്തെ മനോഹരമാക്കി. ഓണാഘോഷ പരിപാടിയിൽ ഏറ്റവും ആകർഷകമായത് കുട്ടികൾ അവതരിപ്പിച്ച മെഗാ തിരുവാതിരയാണ് തുടർന്ന് ഓണപ്പാട്ടു മത്സരവും നടന്നു. ഹൈസ്കൂൾ വിഭാഗത്തിൽ 10ടി യും യുപി വിഭാഗത്തിൽ 5ബി യും വിജയികളായി.'''

'''അധ്യാപക ദിനാചരണം'''

'''27/08/2022 ന് അധ്യാപക ദിനത്തിന്റെ ആഘോഷ പരിപാടികൾ നടന്നു സെപ്റ്റംബർ അഞ്ചിന് നടത്താൻ സാധിക്കാത്ത സാഹചര്യത്തിലാണ് അന്നേ ദിവസം ആഘോഷിച്ചത്.'''

'''സെപ്റ്റംബർ 24,  26 തീയതികളിൽ സ്കൂളിൽ കലോത്സവം നടന്നു. 24ആം തീയതി രാവിലെ 9:30 ന് സ്കൂൾ കലോത്സവത്തിന് തിരി തെളിച്ചു. നമ്മുടെ നാലാം ക്ലാസ് വിദ്യാർത്ഥിയായ ഫ്ലവേഴ്സ് ടോപ് സിംഗർ ദേവന സി കെ ആണ് 2022 23 അധ്യായന വർഷത്തെ സ്കൂൾ കലോത്സവം ഉദ്ഘാടനം ചെയ്തത്. 24ആം തീയതി ഓഫ്‌ സ്റ്റേജ് ഐറ്റങ്ങളും ഇരുപത്തിയാറാം തീയതി സ്റ്റേജ് ഐറ്റങ്ങളും നടന്നു. മികവുറ്റ രീതിയിലുള്ള അവതരണങ്ങളാണ് വേദികളിൽ നിറഞ്ഞുനിന്നത്.'''

2. അളക രാജീവൻ