"കൈറ്റ്" എന്ന താളിന്റെ പതിപ്പുകൾ തമ്മിലുള്ള വ്യത്യാസം

സംസ്ഥാനത്തെ 16000-ലധികം സ്‌കൂളുകളിൽ ഐസിടി പ്രാപ്‌തമാക്കുന്ന പ്രവർത്തനങ്ങൾ വളർത്തിയെടുക്കുക എന്നതായിരുന്നു കൈറ്റിന്റെ പ്രധാന ലക്ഷ്യം. 2005-ൽ 10-ാം ക്ലാസിൽ ഇൻഫർമേഷൻ ടെക്നോളജി നിർബന്ധിത വിഷയമാക്കിയതോടെ ഈ സംരംഭത്തിന്  ആദ്യ വഴിത്തിരിവ് ഉണ്ടായി . എഡ്യൂസാറ്റ് ( EDUSAT) പ്രവർത്തനങ്ങളും സ്കൂളുകളിലേക്കുള്ള ബ്രോഡ്ബാൻഡ് കണക്റ്റിവിറ്റിയും ആരംഭിച്ചു. അതിനുശേഷം 2005-ൽ  കൈറ്റിനു കീഴിൽ വിക്ടേഴ്സ് ചാനൽ സജ്ജീകരിച്ചു. രാജ്യത്തെ ആദ്യസമ്പൂർണ്ണ വിദ്യാഭ്യാസ ചാനലാണിത്. 2007- 2012 കാലയളവിൽ 4071 സ്‌കൂളുകൾക്ക് ICT അടിസ്ഥാന സൗകര്യങ്ങൾ നൽകി. കളിപ്പെട്ടി (ഒന്ന് മുതൽ നാല് വരെ), ഇ@വിദ്യ (അഞ്ച് മുതൽ ഏഴ് വരെ). ഓരോ വർഷവും 1.50 ലക്ഷം അധ്യാപകരും 50 ലക്ഷത്തിലധികം വിദ്യാർത്ഥികളും KITE-ന്റെ ICT സംരംഭങ്ങളിലൂടെ പ്രയോജനം നേടുന്നു. ഐ.സി.ടി ടൂളുകൾ ഉപയോഗിച്ച് കൂടുതൽ ഫലപ്രദമായി വിഷയങ്ങൾ കൈകാര്യം ചെയ്യാൻ അധ്യാപകരെ പ്രാപ്തരാക്കിവരുന്നു.   

സംസ്ഥാന ഗവൺമെന്റിന്റെ പൊതുവിദ്യാഭ്യാസ സംരക്ഷണ യജ്ഞത്തിന് (പൊതു വിദ്യഭ്യാസ സംരക്ഷണ യജ്ഞം)  ഉള്ളടക്ക പോർട്ടൽ ആയ സമഗ്ര, സമ്പൂർണ എന്ന സ്കൂൾ മാനേജ്‌മെന്റ് സോഫ്‌റ്റ്‌വെയർ, 15,000 സ്‌കൂളുകളെ ബന്ധിപ്പിക്കുന്ന സ്‌കൂൾവിക്കി തുടങ്ങിയ സംരംഭങ്ങൾ അനുബന്ധമായി പ്രവർത്തിക്കുന്നു. ആനിമേഷൻ, സൈബർ സുരക്ഷ, ഹാർഡ്‌വെയർ, ഇലക്‌ട്രോണിക്‌സ്, മലയാളം കമ്പ്യൂട്ടിംഗ്, ആർട്ടിഫിഷ്യൽ ഇന്റലിജൻസ്, റോബോട്ടിക്‌സ് തുടങ്ങി 5 വ്യത്യസ്ത മേഖലകളിൽ ഒരു ലക്ഷത്തിലധികം വിദ്യാർത്ഥികൾക്ക് പ്രത്യേക പരിശീലനം നൽകുന്ന 'ലിറ്റിൽ കൈറ്റ്സ് ഐടി ക്ലബ്ബുകൾ' എന്ന പരിപാടി ഒരു പ്രധാന പ്രവർത്തനമേഖയലാണ്.  സമീപ വർഷങ്ങളിൽ, KITE 4752 സെക്കൻഡറി സ്കൂളുകളിൽ 493 കോടി രൂപയുടെ ഹൈടെക് സ്കൂൾ പദ്ധതിയും 9941 പ്രൈമറി സ്കൂളുകളിൽ 292 കോടി രൂപയുടെ ഹൈടെക് ലാബ് പദ്ധതിയും വിജയകരമായി നടപ്പാക്കിയിട്ടുണ്ട്. ഹൈടെക് സ്കൂൾ പദ്ധതിയുടെ ഭാഗമായി സംസ്ഥാനത്തെ 4752 സർക്കാർ, എയ്ഡഡ് സ്കൂളുകളിലായി 8 മുതൽ 12 വരെയുള്ള 45000 ക്ലാസ് മുറികൾ ഹൈടെക് ആക്കി.