"അഴിയൂർ ഈസ്റ്റ് യു പി എസ്/എന്റെ ഗ്രാമം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

അഴിയൂർ ഈസ്റ്റ് യു പി എസ്/എന്റെ ഗ്രാമം (മൂലരൂപം കാണുക)

20:47, 14 മാർച്ച് 2022-നു നിലവിലുണ്ടായിരുന്ന രൂപം

7,457 ബൈറ്റുകൾ കൂട്ടിച്ചേർത്തിരിക്കുന്നു , 14 മാർച്ച് 2022

തിരുത്തലിനു സംഗ്രഹമില്ല

വ്യത്യാസം കാണൽവിക്കിഎഴുത്ത്

16255-hm

551

തിരുത്തലുകൾ

@@ വരി 45: / വരി 45: @@
 സ്ഥിതി ചെയ്യുന്നുണ്ട്.250ഓളം ജോലിക്കാർ ഇവിടെ ജോലി ചെയ്യുന്നുണ്ട്.ഇവിടെ ഇവിടെ ഉല്പാദിപ്പിക്കുന്ന ഇന്ന് ചില വസ്തുക്കൾ കൾ അന്യരാജ്യങ്ങളിൽ ആണ് വില്പന നടത്തുന്നത്.ഇവിടെ ഉപയോഗിക്കുന്ന അസംസ്കൃത വസ്തുക്കൾ അന്യദേശങ്ങളിൽ നിന്ന് ഇറക്കുമതി ചെയ്യുന്നതാണ്.ഇവിടെയുള്ള മാലിന്യ സംസ്കരണം അവിടെത്തന്നെ നടത്തപ്പെട്ടിരുന്നു.8 മണി മുതൽ 4 മണി വരെയാണ് ഇവിടുത്തെ ജോലി സമയം.
+'''<big><u>മാഹി പള്ളി</u></big>'''
+എം.മുകുന്ദന്റെ മയ്യഴിപ്പുഴയുടെ തീരങ്ങളിലൂടെ മാഹിയിലെ വിശുദ്ധ കന്യാമറിയത്തിന്റെ തെരേസ ദേവാലയം മലയാളികൾക്കു പരിചിതമാണ്. മതമൈത്രിയുടെ പ്രകാശഗോപുരമായി മയ്യഴിയിൽ ഉയർന്നു നിൽക്കുന്ന ദേവാലയം.  ഇവിടെ എല്ലാ വർഷവും ഒക്ടോബർ 5 മുതൽ 22 വരെയാണ് ആഘോഷം. ദേവാലയത്തിലെ തിരുസ്വരൂപം വഹിച്ചുകൊണ്ട്  പ്രദക്ഷിണം നീങ്ങുമ്പോൾ വീടുകളിലും വഴിയോരങ്ങളിലും തിരികൾ കൊളുത്തി ജാതിമതഭേദമന്യേ പ്രാർഥനാ പ്രണാമമർപ്പിക്കും. അമ്പലത്തിന്റെ സമീപമെത്തുമ്പോൾ പൂജാരികൾ തിരുസ്വരൂപത്തിന് പുഷ്പഹാരം ചാർത്തുന്നത് വേറെയെവിടെ കാണാൻ കഴിയും. മത സൗഹാർദത്തിന്റെ ചാരുതയാർന്ന ആഘോഷത്തിനായി മയ്യഴി ഒരുങ്ങിക്കഴിഞ്ഞു. മാഹിയുടെ ദേശീയ ഉൽസവമായാണ് തിരുന്നാൾ കണക്കാക്കുന്നത്.പതിനാറാം നൂറ്റാണ്ടിൽ ആത്മീയ പ്രബോധനങ്ങളിലൂടെ ലോകത്തിനു മാതൃകയായ ആവിലായിലെ വിശുദ്ധ അമ്മ ത്രേസ്യയുടെ നാമധേയത്തിലാണ് മാഹിയിലെ തീർഥാടന കേന്ദ്രം പ്രതിഷ്ഠിതമായത്. മയ്യഴിയമ്മയെന്നും മാഹി മാതാവെന്നും വിശേഷിപ്പിക്കപ്പെടുന്ന വിശുദ്ധ അമ്മ ത്രേസ്യയുടെ മാധ്യസ്ഥം വഴി ദൈവിക ദാനങ്ങൾ ലഭിക്കുമെന്ന് നിരവധി ഭക്തർ സാക്ഷ്യപ്പെടുത്തിയിട്ടുണ്ട്. തിരുന്നാൾ സമയമല്ലാത്തപ്പോഴും ആയിരങ്ങൾ ഇവിടെ ആത്മീയ നവീകരണത്തിനും ഉദ്ദിഷ്ടകാര്യസിദ്ധിയ്ക്കുമായി എത്താറുണ്ട്.വടകര വാഴുന്നവർ എന്നറിയപ്പെട്ടിരുന്ന കടത്തനാട്ടു രാജാവുമായുള്ള ഉടമ്പടി പ്രകാരമാണ് 1721ൽ ഫ്രഞ്ചുകാർ മയ്യഴിയിലും സമീപ പ്രദേശമായ പള്ളൂരിലും പന്തക്കലിലും  സ്ഥാനമുറപ്പിച്ചത്. ഫ്രഞ്ചുകാരാണ് മയ്യഴിയെ മാഹിയാക്കിയത്.  ഇറ്റാലിയൻ കർമ്മലീത്താ വൈദികനായ ഫാ. ഡൊമിനിക് ഒാഫ് ജോൺ ഒാഫ് ദ് ക്രോസ് 1723ൽ ഫ്രഞ്ച്  ഈസ്റ്റ് ഇന്ത്യാ കംപനിയുടെ സഹായത്തോടെ സുവിശേഷ പ്രവർത്തനത്തിനായി മയ്യഴിയിലെത്തി. സഹപ്രവർത്തകരായിരുന്ന ഫാ. മാത്യൂസ് ഒാ.സി.ഡി, ഫാ. ക്ളമന്റ് ഒാ.സി.ഡി എന്നിവരോടൊപ്പം അദ്ദേഹം രൂപം കൊടുത്ത ക്രൈസ്തവ സമൂഹത്തിന് ആരാധനയ്ക്കും മതബോധനത്തിനുമായി 1728ൽ പുല്ലുമേഞ്ഞ ചെറിയ വീടുണ്ടാക്കി. 1763ൽ അതു പള്ളിയായി രൂപാന്തരപ്പെട്ടു. എന്നാൽ ബ്രിട്ടീഷ്- ഫ്രഞ്ച് യുദ്ധത്തിൽ ദേവാലയം അഗ്നിക്കിരയായി. 1788ൽ ആണ് ആബേദു ഷേങ് ഇന്നത്തെ രീതിയിൽ പള്ളി കൽചുവരാക്കി പുതുക്കിപണിതത്. മാഹി നഗരസഭയിലെ പ്രഥമ അംഗമായിരുന്നു അദ്ദേഹം. മാഹിയിലെ ആദ്യകാല മിഷണറിമാർ ദേവാലയ ശ്രുശൂഷയ്ക്കൊപ്പം ആതുര സേവനത്തിലും സാധുജന സംരക്ഷണത്തിലും ശ്രദ്ധകൊടുത്തിരുന്നു. അതിനാൽ ദേവാലയം പുതുക്കിപണിതത് മതസാഹോദര്യത്തിന്റെ തെളിവായിട്ടാണ് പറയുന്നത്. നാട്ടിലെ ഹൈന്ദവർ കായികമായി ധാരാളം സഹായം നൽകിയിരുന്നു. ഫ്രഞ്ച് സർക്കാരിൽ നിന്ന് സാമ്പത്തിക സഹായവും ലഭിച്ചു.പുതുക്കി പണിതതിനു ശേഷമാണ് ദേവാലയത്തോടനുബന്ധിച്ച് മണിഗോപുരം ഒരുക്കിയത്. 70 സെന്റീമീറ്റർ വ്യാസമുള്ള വലിയ മണി  നടുവിലും രണ്ടു ചെറിയ മണികൾ ഇരുവശങ്ങളിലുമായി സ്ഥാപിച്ചു. അതിൻമേൽ നാല് അടി വ്യാസമുള്ള വലിയ ക്ളോക്കും ഉറപ്പിച്ചു. ഫ്രഞ്ച് നാവികരായിരുന്നു ഇതെല്ലാം ചെയ്തത്. ദേവാലയ മണിയും ക്ളോക്കുമായിരുന്നു വർഷങ്ങളോളം മാഹിക്കാരെ സമയത്തെക്കുറിച്ച് ബോധവാൻമാരാക്കിയിരുന്നത്.പതിനെട്ടാം നൂറ്റാണ്ടിൽ കൊടുങ്ങല്ലൂർ രൂപതയുടെ കീഴിലായിരുന്ന മാഹി ദേവാലയം 1836ൽ  പോണ്ടിച്ചേരി കടല്ലൂർ അതിരൂപതയുടെ ഭരണത്തിലായി. ഇന്ത്യയ്ക്കു സ്വാതന്ത്യ്രം ലഭിച്ചപ്പോൾ മാഹി തീർഥാടന കേന്ദ്രം കോഴിക്കോടു രൂപതയ്ക്കു കൈമാറി.