സെന്റ് തോമസ് എച്ച്.എസ്.എസ്. കടമ്പനാട്/ലിറ്റിൽകൈറ്റ്സ്/2022-25
| ഹോം | ഡിജിറ്റൽ മാഗസിൻ | ഫ്രീഡം ഫെസ്റ്റ് | 2018 20 | 2019 21, 22 | 2020 23 | 2021 24 | 2022 25 | 2023 26 | 2024 27 | 2025 28 |
| 38102-ലിറ്റിൽകൈറ്റ്സ് | |
|---|---|
 | |
| സ്കൂൾ കോഡ് | 38102 |
| യൂണിറ്റ് നമ്പർ | LK/2018/38102 |
| അംഗങ്ങളുടെ എണ്ണം | 21 |
| റവന്യൂ ജില്ല | Pathanamthitta |
| വിദ്യാഭ്യാസ ജില്ല | Pathanamthitta |
| ഉപജില്ല | Adoor |
| ലീഡർ | Ayana K Shibu |
| ഡെപ്യൂട്ടി ലീഡർ | Albin T Manoj |
| കൈറ്റ് മാസ്റ്റർ / മിസ്ട്രസ് 1 | Susan John |
| കൈറ്റ് മാസ്റ്റർ / മിസ്ട്രസ് 2 | Sheeba K George |
| അവസാനം തിരുത്തിയത് | |
| 14-03-2025 | 38102 |
ലിറ്റിൽ കൈറ്റ്സ് അംഗങ്ങൾ 2022 - 25
ലിറ്റിൽ കൈറ്റ്സ് 2022 - 25
2022 - 25 BATCH ലെ കുട്ടികൾക്ക് 29/09/2022 ൽ Priliminary camp ഓടുകൂടി ലിറ്റിൽ കൈറ്റ്സ് ആരംഭിച്ചു. യൂണിഫോം , ഐ. ഡി കാർഡ്, എന്നിവ വിതരണം ചെയ്തു . ഓണാഘോഷത്തിന്റെ ഭാഗമായി digital അത്തപ്പൂക്കളം നിർമ്മിച്ചു.
ഓണാഘോഷത്തിടയിൽ ലിറ്റിൽ ക്യാമ്പ്
ഓണം എന്ന പ്രധാന ടീമിനെ അടിസ്ഥാനമാക്കിയാണ് ക്യാമ്പിലെ പ്രവർത്തനങ്ങൾ ചിട്ടപ്പെടുത്തിയത് . പ്രോഗ്രാമിങ്ങ് ഉപയോഗിച്ച് ഓണാഘോഷത്തിന് യോജിച്ച ഓഡിയോ മീറ്റുകൾ സൃഷ്ടിച്ചു. ഓണത്തെ ആധാരമാക്കിയുള്ള കമ്പ്യൂട്ടർ ഗെയിമുകൾ രൂപകൽപ്പന ചെയ്തു . ഓപ്പൺ ടൂൾസ് ആനിമേഷൻ സോഫ്റ്റ്‌വെയർ ഉപയോഗിച്ച് ആനിമേഷൻ ജിഫ് ചിത്രങ്ങൾ തയ്യാറാക്കി.
ഓപ്പൺ ടൂൾസ് സോഫ്റ്റ്‌വെയർ ആണ് ഇവിടെ ഉപയോഗിച്ചത്
ഓണാശംസകൾ തയ്യാറാക്കുന്ന ആദ്യ പ്രവർത്തനത്തിന് ശേഷം ഓണം എന്ന ആശയത്തിൽ ഒരു പ്രമോഷൻ വീഡിയോ തയ്യാറാക്കുന്ന പ്രവർത്തനമാണ് രണ്ടാമതായി ചെയ്തത്. ആനിമേഷൻ സങ്കേതം ഉപയോഗിച്ച് ആശയ അവതരണത്തിനുള്ള വീഡിയോകൾ തയ്യാറാക്കാൻ പരിശീലിക്കുന്നതിനോടൊപ്പം കുട്ടികൾ സ്വന്തമായി കൂട്ടിച്ചേർക്കലുകളും വരുത്തി അസൈൻമെന്റുകൾ തയ്യാറാക്കണമെന്നും അധ്യാപിക കൂട്ടിച്ചേർത്തു
ഓണവുമായി ബന്ധപ്പെട്ട ആശംസ കാർഡുകൾ കൈമാറാനായി ജിഫ് എങ്ങനെ തയ്യാറാക്കാം എന്ന് കുട്ടികളെ പരിചയപ്പെടുത്തി. കുട്ടികൾക്ക് ഉപയോഗപ്രദാനമായ ക്ലാസ് ആയിരുന്നു .
കമ്പ്യൂട്ടർ സാക്ഷരത
School ന്റെ സമീപത്തുള്ള വീടുകളിലെ രക്ഷകർത്താക്കൾക്ക് Malayalam typing പഠിപ്പിച്ച് digital ഉപകരണങ്ങൾ പരിചയപ്പെടുത്തി. അതിന്റെ ഡോക്യുമെന്റേഷൻ കുട്ടികൾ തയാറാക്കി.
മലയാളം റ്റൈപ്പിങ്
മലയാളം ഭരണഭാഷയായി അംഗീകരിച്ചതിനാൽ മലയാളം typing പഠിക്കുന്നതിലൂടെ ഇന്നത്തെ ലോകത്ത് മറ്റുകുട്ടികളേക്കാൾ മുന്നിലെത്താൻ ലിറ്റിൽ കൈറ്റ്സിലെ കുട്ടികൾക്ക് കഴിയുന്നുണ്ട് . Malayalam typing പ്രവർത്തനങ്ങൾ ഏറ്റെടുത്ത് digital മാഗസിൻ നിർമ്മിച്ചു.
കമ്പ്യൂട്ടർ ബോധവൽക്കരണ ക്ലാസ്
സ്കൂളിലെ ലിറ്റിൽ കൈറ്റ്സ് യൂണിറ്റിന്റെ ആഭിമുഖ്യത്തിൽ കമ്പ്യൂട്ടർ ബോധവൽക്കരണ ക്ലാസ് വിവിധ മേഖലകളിലായി നടത്തി. രക്ഷിതാക്കൾക്കുള്ള ഡയബറ്റിക് ബോധവൽക്കരണം വിവിധ പ്രസന്റേഷനുകളുടെ സഹായത്താൽ വിദ്യാർത്ഥികൾ രക്ഷകർത്താക്കളിൽ എത്തിച്ചു . രക്ഷകർത്താക്കൾക്ക് ഓൺലൈൻ പരിശീലനം, മലയാളം ടൈപ്പിംഗ് ,ആനിമേഷൻ, ഡിജിറ്റൽ പെയിൻറിംഗ് ,ഡിജിറ്റൽ അത്തപ്പൂക്കളം തുടങ്ങിയ മേഖലകളിലായി രക്ഷിതാക്കൾക്കുള്ള നല്ല പരിശീലനമാണ് യൂണിറ്റിലെ കുട്ടികൾ കാഴ്ചവച്ചത്. ആൽബിൻ റ്റി മനോജ്, അയനാ ഷിബു, സോനാ സജു, ജോയൽ ലൂക്ക് ലിബു , എന്നിവർ ഈ പരിശീലനത്തിന് നേതൃത്വം നൽകി.
വായന ദിനം ഡിജിറ്റലിലൂടെ..........
വായനാദിനവുമായി ബന്ധപ്പെട്ട് LITTLE KITES അംഗങ്ങൾ കൂട്ടുകാരുടെ കയ്യിൽ നിന്ന് ശേഖരിച്ച ഹൈക്കു കവിതകൾ
പ്രസന്റേഷനായി പ്രദർശിപ്പിച്ചു . ഹെഡ്മാസ്റ്റർ ശ്രീ. അലക്സ് ജോർജ് ഹൈക്കു കവിതകളുടെ പ്രസന്റേഷൻ ഉദ്ഘാടനം ചെയ്യ്തു .
കൊച്ചു കൂട്ടുകാർക്കുളള പരിശീലനം
ഐടി സാങ്കേതിക മേഖലയിലുള്ള പരിശീലനം, ആനിമേഷൻ, പ്രോഗ്രാമിങ്, മലയാളം കമ്പ്യൂട്ടർ റ്റൈപ്പിംങ് , ഡിജിറ്റൽ പെയിൻറിംഗ്, സ്ക്രാച്ച് തുടങ്ങിയ മേഖലകളിൽ അഞ്ചുമുതൽ ഏഴുവരെയുള്ള ക്ലാസിലെ താൽപര്യമുള്ള വിദ്യാർത്ഥികൾക്ക് ഓരോ മേഖലയിലും താൽപര്യമുള്ള വിഷയത്തിന് ലാബിൽ പരിശീലനം നൽകുന്നുണ്ട്. ഇവർക്ക് വേണ്ടി കുട്ടികൾ സമയം കണ്ടെത്തുകയും, ധാരാളം വിദ്യാർഥികൾ താല്പര്യത്തോടെ ഇതിൽ പങ്കെടുക്കുകയും ചെയ്യുന്നു.
ജില്ലാതലത്തിലേക്ക്
ഈ സ്കൂളിലെ ലിറ്റിൽ കൈറ്റിസ് യൂണിറ്റിന്റെ ഭാഗമായി സ്കൂൾതല ക്യാമ്പിൽ നിന്നും മികച്ച കുട്ടികളെ സബ്ജില്ലാതല ക്യാമ്പിലേക്ക് പങ്കെടുത്തു. അവിടെനിന്നും ജില്ലാതലത്തിലേക്ക് രണ്ട് കുട്ടികൾക്ക് അവസരം ലഭിച്ചു. ആൽബിൻ റ്റി മനോജ്, അയന കെ ഷിബു എന്നിവർക്ക് പ്രോഗ്രാമിംഗ് ,ആനിമേഷൻ എന്നീ മേഖലയിലാണ് പങ്കെടുത്തത് .
ലിറ്റിൽ കൈറ്റ്സ് പഠനയാത്രകൾ
ലിറ്റിൽ കൈറ്റ്സിന്റെ നേതൃത്വത്തിൽ എല്ലാവർഷവും പഠനയാത്രകൾ സംഘടിപ്പിക്കുന്നുണ്ട്. വിവരസാങ്കേതിക രംഗങ്ങളിലും, വ്യവസായ മേഖലകളിലും, കൃഷി മേഖലകളിലും പ്രാധാന്യമർഹിക്കുന്ന പ്രദേശങ്ങൾ അധ്യാപകരുടെ നേതൃത്വത്തിൽ കുട്ടികളെ കൊണ്ടുപോവുകയും , അതിന്റെ യാത്രാക്കുറിപ്പുകൾ , ഡോക്യുമെന്റേഷൻ എന്നിവ തയ്യാറാക്കുന്നുണ്ട്. മികച്ച യാത്ര റിപ്പോർട്ടുകൾക്ക് സമ്മാനങ്ങൾ നൽകുകയും ഡിജിറ്റൽ മാഗസിനിൽ അത് പ്രസിദ്ധീകരിക്കുകയും ചെയ്യുന്നു.
ചിത്രശാല...
-
വായന ദിനം Big Book
-
lk parents class
-
lk program
-
lk students and teachers
-
award certificate
-
lk award
-
കൃഷി പാഠം lk students
-
ഞാറ് നടാനായി lk students
-
കൃഷി ഞങ്ങളും ചെയ്യും lk students
അസൈമെന്റ്
2022 25 ബാച്ചിലെ കുട്ടികൾക്ക് അസൈമെന്റ് തയ്യാറാക്കാനുള്ള പ്രവർത്തനം ഐടി ലാബിൽ നടന്നു. കുട്ടികൾ വ്യക്തിഗത അസൈൻമെന്റിനായി ഒരോ വിഷയത്തെ ബന്ധിപ്പിച്ച് ഡിജിറ്റൽ പോസ്റ്റർ , ആനിമേഷൻ , ഗെയിം എന്നിവ തയാറാക്കി. ജിംമ്പ് , ഓപ്പൺ റ്റ്യൂൺസ് ,റ്റ്യൂപ്പി ട്യൂബ് ,സ്ക്രാച്ച് എന്നീ സോഫ്റ്റ്‌വെയർ ഉപയോഗിച്ചാണ് കുട്ടികൾ അസൈമെന്റ് തയ്യാറാക്കിയത്.
-
അസൈമെന്റ് തയ്യാറാക്കൽ
-
പോസ്റ്റർ തയ്യാറാക്കൽ
ഭിന്നശേഷി കുട്ടികൾക്കുളള പരിശീലനത്തിന് തുടക്കമിട്ടു
പത്തനംതിട്ട ജില്ലയിലെ കൈറ്റിന്റെ നേതൃത്വത്തിൽ ലിറ്റിൽ കൈറ്റ്സ് യൂണിറ്റുകളിലെ സ്പെഷ്യൽ സ്കൂളുകളിലെ കുട്ടികൾക്ക് നൽകുന്ന ഐ ടി പരിശീലനം ജില്ലയിൽ തുടങ്ങി. അതിൽ മണക്കാല സി എസ് ഐ ഹയർ സെക്കന്ററി സ്കൂളിൽ പരിശീലനം നൽകിയത് കടമ്പനാട് സെന്റ് തോമസ് സ്കൂളിലെ ലിറ്റിൽ കൈറ്റ്സ് കുട്ടികളാണ്. സ്പെഷ്യൽ സ്കൂളിലെ വിദ്യാർഥികൾക്ക് ഐടി പരിശീലനം നൽകുന്ന പദ്ധതിക്ക് 2025 ജനുവരി 23 തുടക്കമിട്ടു. ജിമ്പ് സോഫ്റ്റ്‌വെയർ ഉപയോഗിച്ചുള്ള ചിത്രരചന , ഗ്രാഫിക്സ് ഡിസൈനിലേക്ക് വിദ്യാർഥികളെ പരിചയപ്പെടുത്തുന്ന ഈ പദ്ധതിയിൽ ചിത്രങ്ങൾ എഡിറ്റ് ചെയ്യുന്നതിനും പുതിയ ചിത്രങ്ങൾ വരയ്ക്കുന്നതിനുള്ള കഴിവ് വികസിപ്പിക്കുന്നു. ഈ പദ്ധതിയിലൂടെ ഭിന്നശേഷി കുട്ടികളിൽ ചിത്രരചനയിൽ താൽപര്യമുള്ളവർ അവരുടെ സർഗാത്മക രചനകൾ വരയ്ക്കാൻ പ്രോത്സാഹിപ്പിക്കുകയും ചെയ്യുന്നു.ആദ്യ പരിശീലനത്തിൽ തന്നെ കുട്ടികൾ അനിമേഷൻ , പ്രോഗ്രാമിംഗ് ,ഡിജിറ്റൽ അത്തപ്പുക്കളം എന്നിങ്ങനെ വിവിധ മേഖലയിൽ തന്നെ മികവു കാണിച്ചു .
ലിറ്റിൽ കൈറ്റ്സ് യൂണിറ്റ് അംഗങ്ങൾ നടത്തുന്ന സാമൂഹ്യ പ്രവർത്തനങ്ങളുടെ ഭാഗമായാണ് ഭിന്നശേഷി കുട്ടികളുടെ മേഖലയിലെ പ്രവർത്തനങ്ങൾ .
ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ നടത്തുന്ന ഈ പ്രവർത്തനം അവർക്ക് സമൂഹത്തിൽ സേവനം ചെയ്യാനുള്ള അവസരം ലഭിക്കുകയും സാമൂഹ്യബോധം വളർത്തുകയും ചെയ്യുന്നു .
ഭിന്നശേഷി വിഭാഗത്തിലെ കുട്ടികൾക്ക് ആവശ്യമായ പഠന പിന്തുണയും എല്ലാ പ്രവർത്തനങ്ങളിലും പൂർണ്ണപങ്കാളിത്തം ഉറപ്പാക്കാനും കഴിഞ്ഞു . ഭിന്നശേഷിക്കാരായ കുട്ടികൾക്ക് സഹതാപമല്ല സമൂഹത്തിന്റെ അംഗീകാരമാണ് ആവശ്യമെന്ന് കുട്ടികൾ മനസ്സിലാക്കുകയും അവരോടൊപ്പം ഒരു ദിവസം ചിലവഴിക്കാനും കഴിഞ്ഞു. അന്നേ ദിവസം കുട്ടികൾക്ക് അത് നല്ലൊരനുഭവം കൂടിയായിരുന്നു.