സി.എം.എച്ച്.എസ് മാങ്കടവ്/മറ്റ്ക്ലബ്ബുകൾ

ഹിന്ദി ക്ലബ്ബ്

സുരിലി  ഹിന്ദി  പ്രോഗ്രാമിന്റെ  ഭാഗമായി  കുട്ടികളിൽ  ഹിന്ദിയോടുള്ള  താൽപര്യം വർധിപ്പിക്കുന്നതിനും അവസരോചിതമായി  ഭാഷ പ്രയോഗിക്കുന്നതിനുള്ള  ശേഷി നേടുന്നതിനായി എട്ടാം ക്ലാസ്സ് മുതൽ 10 ക്ലാസ് വരെയുള്ള  കുട്ടികൾക്കായി  വിവിധ  പ്രവർത്തനങ്ങൾ  ബി.ആർ.സിയോടു ചേർന്നു നടത്തി വരുന്നു.സുരലി ഹിന്ദി പ്രോഗാമിന് ശ്രീമതി പി എൻ അമ്പിളി നേതൃത്വം നൽകി വരുന്നു.

ലഹരി വിമുക്ത ക്ലബ്ബ്

ലഹരി വിമോചനവും ലഹരിക്കെതിരായ ബോധവൽകരണവും കുട്ടികൾക്കിടയിലും പൊതുജനങ്ങൾക്കിടയിലും നൽകുന്നതിനായി നമ്മുടെ സ്കൂളിൽ വിമുക്തി, അഡാർട്ട് ക്ലബ്ബുകൾ പ്രവർത്തിക്കുന്നു. ഈ വർഷത്തെ ലഹരി വിരുദ്ധ ദിനമായ ജൂൺ 26 ന് പ്ലക്കാർഡ് നിർമ്മാണം, പോസ്റ്റർ നിർമ്മാണം, പ്രസംഗം എന്നി ഇനങ്ങളിൽ മത്സരം ഓൺലൈനായി നടത്തി. കുട്ടികളുടെ നല്ല പങ്കാളിത്തം കൊണ്ട് മത്സരങ്ങൾ ശ്രദ്ധിക്കപ്പെട്ടു. മത്സരങ്ങളിൽ വിജയികളായവർക്ക്‌ ഡിജിറ്റൽ സർട്ടിഫിക്കറ്റുകൾ വിതരണം ചെയ്തു.വിമുക്തിക്ലബ്ബ്പ്രവർത്തനങ്ങൾക്ക് അധ്യാപികയായ സി ബിനി ജോസഫ് നേതൃത്വം നൽകുന്നു.

ഡി സി എൽ

മൂല്യബോധവും മാനവികതയും ഉയർത്തിപ്പിടിക്കുവാനും ലോക സമസ്താ സുഖിനോ ഭവന്തു എന്ന കാഴ്ചപ്പാട് കുട്ടികൾക്ക് ലഭിക്കുന്നതിനും ഉതകുന്ന തരത്തിൽ ദീപിക ചിൽഡ്രൻസ് ലീഗ് (DCL) സ്കൂളിൽ പ്രവർത്തിക്കുന്നു. വിവിധ തലത്തിലുള്ള സെമിനാറുകൾ നേതൃത്വപരിശീലന ക്യാമ്പുകൾ എന്നിവ ഇതിന്റെ ഭാഗമായി നടക്കുന്നു. കൂടാതെ കുട്ടികൾക്കായി വിവിധ കലാ-സാഹിത്യ മത്സരങ്ങളും ഒരുക്കുന്നു. DCL ന്റെ പ്രവർത്തനങ്ങൾക്ക് അധ്യാപികയായ സി മോൺസി റ്റി സി നേതൃത്വം നൽകി വരുന്നു.