സി.ആർ.എച്ച്.എസ് വലിയതോവാള/പ്രാദേശിക പത്രം

പൂവേ പൊലി പൂവേ.....''

സമത്വത്തിന്റെയും സാഹോദര്യത്തിന്റെയും മധുരിക്കുന്ന ഓർമ്മകളുമായി വീണ്ടും ഒരിക്കൽ കൂടി വന്നെത്തിയ ഓണത്തെ ആഘോഷപൂർവ്വം ക്രിസ്തുരാജ് ഹൈസ്കൂളും വരവേറ്റു.ഹൗസടിസ്ഥാനത്തിൽ കുട്ടികൾ ഒരുക്കിയ പൂക്കളങ്ങൾ ഏറെ ആകർഷകങ്ങളായിരുന്നു. ഓണോത്സവ് എന്ന പേരിൽ സംഘടിപ്പിക്കപ്പെട്ട വിവിധ മത്സരങ്ങളിൽ കുട്ടികൾ ആവേശത്തൊടെ പങ്കെടുത്തു. ചാറ്റൽ മഴയിലും വീറും വാശിയും ഒട്ടും ചോരാതെ നടന്ന വടംവലി കാണികളെ പഴയകാലഓർമ്മകളിലേയ്ക്ക് കൂട്ടിക്കൊണ്ടുപോയി.പി.ടി.എ, എം.പി.ടി.എ എന്നിവയുടെ സഹകരണത്തോടെ ഒരുക്കിയ വിഭവസമൃദ്ധമായ ഓണസദ്യയും രുചികരമായ പായസവും എന്നെന്നും മധുരിക്കുന്ന ഓർമ്മകളായിരിക്കുമെന്നതിൽ സംശയമില്ല. 20 നിർധനകുടുബങ്ങൾക്ക് സൗജന്യഓണക്കിറ്റുകൾ നൽകി അധ്യാപകസമൂഹവും ഓണത്തെ ഏറെ മധുരതരമാക്കി.

ആപ് ഇൻവെന്റർ പരിശീലനം ക്രിസ്മസ് അവധിക്കാല കുട്ടിക്കൂട്ടം ക്യാമ്പ്

ഹായ് സ്കൂൾ കുട്ടിക്കൂട്ടത്തിന്റെ ക്രിസ്മസ് അവധിക്കാല പരിശീലന ക്യാമ്പ് കുട്ടികൾക്ക് ഏറെ താല്പര്യം ഉണർത്തുന്നതായിരുന്നു.കുട്ടികൾ അതീവ താല്പര്യത്തോടെ കൈകാര്യം ചെയ്യുന്ന മൊബൈൽ ഫോണുകളിൽ വ്യത്യസ്തമായ ആപ്പുകൾ നിർമ്മിക്കാൻ കഴിഞ്ഞു. അമേരിക്കയിലെ പ്രശസ്തമായ ഒരു യൂണിവേഴ്സിറ്റിയാണ് ഈ ആപ്പുകൾ നിർമ്മിക്കുന്നതിൽ സഹകരിക്കുന്നുവെന്ന അറിവ് കുട്ടികളെ ഏറെ ആഹ്ലാദഭരിതരാക്കി.

==പുതിയ അധ്യയനവർഷം ആരംഭിക്കുന്നു ==

2018 മെയ്.12

ക്രിസ്തുരാജ് ഹൈസ്കൂൾ വലിയതോവാള: പുത്തൻ പ്രതീക്ഷകളുമായി പുതിയ അധ്യയനവർഷത്തിൽ പുതിയ വിദ്യാലയമന്ദിരത്തിൽ ക്ലാസ്സുകൾ ആരംഭിക്കാൻ ഒരുങ്ങുകയാണ് വലിയതോവാള ക്രിസ്തുരാജ് ഹൈസ്കൂൾ .പുതിയ ബഹുനിലമന്ദിരത്തിൽ ഹൈസ്കൂൾ ക്ലാസ്സ്മുറികളെല്ലാം ഹൈട്ക്കായി മാറുന്നതോടെ പഠനപ്രവർത്തനങ്ങളിൽ വിപ്ലവകരമായ മാറ്റങ്ങളാകും സംഭവിക്കുക.

ലിറ്റിൽ കെറ്റ്സ് രൂപീകരിച്ചു : പൊതുവിദ്യാഭ്യാസസംരക്ഷണയജ്ഞത്തിന്റെ ഭാഗമായി പൊതവിദ്യാലയങ്ങളിൽ നടപ്പിലാക്കുന്ന ലിറ്റിൽ കൈറ്റസിന്റെ പ്രാരംഭ പ്രവർത്തനങ്ങൾ നമ്മുടെ വിദ്യാലയത്തിലും നടത്തി.കമ്പ്യൂട്ടർ അഭിരുചി പരീക്ഷയിലൂടെയാണ് അംഗങ്ങളുടെ തിരഞ്ഞെടുപ്പ് നടത്തിയത്.എലിസബത്ത് ടീച്ചറും മിനി ടീച്ചറും കൈറ്റ് മിസ്ട്രസുമാരായി പ്രവർത്തിക്കുന്നു.

പൂർവ്വവിദ്യാർത്ഥിക്ക് മാതൃവിദ്യാലയത്തിന്റെ സ്വീകരണം

പൂർവ്വവിദ്യാർത്ഥിക്ക് മാതൃവിദ്യാലയത്തിന്റെ സ്വീകരണം: നോട്ടർഡാം യൂണിവേഴ്സിറ്റിയിൽ പി. എച്ച്.ഡി പഠനത്തിനായി സ്കോളർഷിപ്പോടെ തിരഞ്ഞെടുക്കപ്പെട്ട ഞങ്ങളുടെ സ്കൂളിലെ പൂർവ്വ വിദ്യാർത്ഥി അമൽ സെബാസ്റ്റ്യന് മാതൃവിദ്യാലയത്തിൽ സ്വീകരണം നൽകി.

|}

മാതൃകയായി വിദ്യാർത്ഥി വഴിയരികിൽ കിടന്നു കിട്ടിയ ഒരു ലക്ഷം രൂപ ഉടമസ്ഥനെ തിരികെ ഏല്പിച്ച് ഒൻപതാം ക്ലാസ്സ് വിദ്യാർഥി അനൂപ് ജനാർദ്ദനൻ നാടിന്റെ അഭിമാനമായി മാറി.