പരിശീലനം/അമ്മമാർക്കുള്ള സൈബർ സുരക്ഷാ അവബോധ പരിശീലനം 2022

ചിത്രങ്ങൾ സ്കൂൾവിക്കിയിൽ ചേർക്കുന്നതിനുള്ള നിർദ്ദേശങ്ങൾ.

• 2022 മെയ് മാസത്തിൽ, ലിറ്റിൽ കൈറ്റ്സ് യൂണിറ്റുകളുടെ നേതൃത്വത്തിൽ നടത്തുന്ന, അമ്മമാർക്കുള്ള സൈബർ സുരക്ഷാ അവബോധ പരിശീലനവുമായി ബന്ധപ്പെട്ട ചിത്രങ്ങളായിരിക്കണം.

• സൈബർസുരക്ഷാ പരിശീലനത്തിൽ പങ്കെടുക്കുന്ന എല്ലാ ലിറ്റിൽകൈറ്റ് യൂണിറ്റുകളും നിർബന്ധമായും ഫോട്ടോകൾ ലഭ്യമാക്കേണ്ടതാണ്.
• ഓരോ യൂണിറ്റിൽനിന്നുമുള്ള അഞ്ചു ഫോട്ടോകളാണ് സ്കൾ വിക്കിയിലേക്ക് നൽകേണ്ടത്.
• ഫോട്ടോകൾ തനതായിരിക്കണം. സ്ക്രീൻഷോട്ട് സ്വീകരിക്കുന്നതല്ല.
• Landscape ഓറിയന്റേഷനിലുള്ള ചിത്രങ്ങൾ മാത്രമേ സ്വീകരിക്കുകയുള്ളൂ.
• ചിത്രങ്ങൾ 2 MB യിൽ കുറവുള്ളതും jpg ഫോർമാറ്റിലുള്ളതുമായിരിക്കണം. സൈസ് കൂടുതലാണെങ്കിൽ Gimp പോലുള്ള ഏതെങ്കിലും സ്വതന്ത്ര ഇമേജ് എഡിറ്റിംഗ് സോഫ്റ്റ്‍വെയർ ഉപയോഗിച്ച് 2 MB യിൽ താഴെയാക്കി നൽകേണ്ടതാണ്
• CCBYSA 3.0 എന്ന സ്വതന്ത്ര അനുമതിപ്രകാരമാണ് സ്കൂൾവിക്കിയിൽ ഫോട്ടോകൾ അപ്‍ലോഡ് ചെയ്യുക. അതിനാൽ, സ്വതന്ത്രാനുമതിയോടെ പൊതുസഞ്ചയത്തിലേക്ക് ചിത്രങ്ങൾ നൽകുന്നതിന് സമ്മതമായിരിക്കണം.
• വിദ്യാർത്ഥി കേന്ദ്രീകൃതവും പ്രവർത്തനാധിഷ്ഠിതവുമായിരിക്കണം ചിത്രങ്ങൾ. ചടങ്ങുകളുടേയോ വ്യക്തികളുടേയോ ചിത്രങ്ങൾക്ക് പ്രാധാന്യം നൽകുന്നതാവരുത്.
• ക്ലാസ്സിൽ പങ്കെടുക്കുന്ന കുട്ടികളുടേയും അമ്മമാരുടേയും സ്വകാര്യത മാനിച്ചുള്ള ചിത്രങ്ങൾ മാത്രമേ നൽകാവൂ.
• വ്യക്തതയില്ലാത്ത ചിത്രങ്ങളോ, ഒരേ ദൃശ്യത്തിന്റെ ഒന്നിലധികം പകർപ്പുകളോ അപ്‍ലോഡ് ചെയ്യരുത്.
• സ്കൂൾവിക്കി പുരസ്കാര മൂല്യനിർണ്ണയവുമായി ബന്ധപ്പെട്ട് സ്കൂൾ യൂസറിൽ നിന്നുള്ള തിരുത്തൽ തടയപ്പെട്ടിരിക്കുന്നതിനാൽ, സ്കൂൾവിക്കി ഹെൽപ് ഡസ്ക്കിൽ നിന്നും കൈറ്റ് മാസ്റ്റർ ട്രെയിനർമാരായിരിക്കും ഈ ചിത്രങ്ങൾ അപ് ലോഡ് ചെയ്യുക.
• സ്കൂൾവിക്കിയുടെ (www.schoolwiki.in ) അമ്മമാർക്കുള്ള സൈബർ സുരക്ഷാ അവബോധ പരിശീലനം 2022 എന്ന പദ്ധതിത്താളിൽ നൽകിയിട്ടുള്ള നിർദ്ദേശങ്ങൾ പ്രകാരം ചിത്രങ്ങൾ ഹെൽപ് ഡസ്ക്കിലേക്ക് ലഭ്യമാക്കേണ്ടതാണ്.
• ഫോട്ടോ നൽകേണ്ട അവസാനതിയ്യതി : ...............