നാഷണൽ ഹൈസ്കൂൾ വള്ളംകുളം/സോഷ്യൽ സയൻസ് ക്ലബ്ബ്

*സോഷ്യൽ സയൻസ് ക്ലബ്ബ്

സാമൂഹ്യശാസ്ത്ര വിഷയത്തോടുള്ള കുട്ടികളുടെ അഭിരുചി വർദ്ധിപ്പിക്കുക എന്ന ലക്ഷ്യത്തോടെ എല്ലാ വർഷവും അഞ്ചു മുതൽ പത്തു വരെ ക്ലാസുകളിലെ സാമൂഹ്യശാസ്ത്രത്തിൽ താല്പര്യമുള്ള കുട്ടികളെ കണ്ടെത്തി ക്ലബ്ബ് രൂപീകരിക്കുന്നു.

എല്ലാ പ്രധാനപ്പെട്ട ദിനങ്ങളുമായി ബന്ധപ്പെട്ട സെമിനാറുകൾ, ക്വിസുകൾ, ബോധവൽക്കരണ ക്ലാസുകൾ, റാലി എന്നിവ ക്ലബ്ബിൻറെ ആഭിമുഖ്യത്തിൽ നടത്തിവരുന്നു .സ്വാതന്ത്ര്യ ദിനം,ഗാന്ധിജയന്തി ,ശിശുദിനം, റിപ്പബ്ലിക് ദിനം എന്നീ ദിനങ്ങളിൽ പ്രത്യേക പരിപാടികൾ ആസൂത്രണം ചെയ്ത് നടപ്പാക്കിവരുന്നു .കൂടാതെ ചരിത്ര പ്രാധാന്യമുള്ള ദിനങ്ങളോടനുബന്ധിച്ച് ക്വിസ് മത്സരങ്ങൾ ,പോസ്റ്റർ രചന, പ്രസംഗം ,ചിത്രരചന ,ഡോക്യുമെൻററി തുടങ്ങിയവ നടത്തപ്പെടുന്നു . സമകാലിക വിഷയങ്ങളിൽ അറിവ് വർദ്ധിപ്പിക്കുന്നതിന്റെ ഭാഗമായി ക്വിസ് കോർണർ, അറിവിൻറെ ജാലകം, വാർത്താവലോകനം തുടങ്ങിയ പ്രത്യേക പ്രവർത്തനങ്ങൾ ക്ലബ്ബിൻറെ ആഭിമുഖ്യത്തിൽ നടത്തുന്നു. ഈ പ്രവർത്തനങ്ങളിൽ പങ്കാളികളാകുന്നതിലൂടെ ജനാധിപത്യ മര്യാദകൾ മൂല്യങ്ങൾ എന്നിവയുടെ പ്രാധാന്യം തിരിച്ചറിയാൻ കുട്ടികൾക്ക് കഴിയുന്നു . സാമൂഹ്യശാസ്ത്രമേള ക്ക് വേണ്ടി കുട്ടികളെ പരിശീലിപ്പിക്കുന്നു . ചരിത്രന്റെ പ്രാധാന്യം മനസ്സിലാക്കുന്നതിനുവേണ്ടി എൻറെ നാട് എന്നപ്രാദേശിക ചരിത്ര രചന പ്രവർത്തന എല്ലാവർഷവും കുട്ടികളെക്കൊണ്ട് ചെയ്യിക്കുന്നു .

കോവിഡ്  പശ്ചാത്തലത്തിൽ ഓൺലൈനായി ക്വിസ് മത്സരങ്ങൾ നടത്തി കുട്ടികളെ സെലക്ട് ചെയ്യുകയും ,പ്രധാന ദിനാചരണങ്ങളോടനുബന്ധിച്ച് വിവിധ പ്രവർത്തനങ്ങൾ ഓൺലൈനായി നടത്തുകയും ചെയ്തു .

2021-22 അധ്യയന വർഷം സോഷ്യൽ സയൻസ് ക്ലബ്ബിൻറെ ആഭിമുഖ്യത്തിൽ ഓൺലൈനായി സ്വാതന്ത്ര്യദിന പരിപാടി നടത്തി . ഉദ്ഘാടന കർമ്മം പത്തനംതിട്ട ജില്ലാ കളക്ടർ ഡോക്ടർ ദിവ്യ എസ് അയ്യർ ഐ എ എസ് നിർവഹിച്ചു . മുഖ്യപ്രഭാഷണം നടത്തിയത് കെ ജയകുമാർ (ഐഎഎസ് മുൻ ചീഫ് സെക്രട്ടറി). കുട്ടികളുടെ കലാപരിപാടികളും നടത്തുകയുണ്ടായി.

ഒക്ടോബർ 2 ഗാന്ധിജയന്തി ദിനത്തിൽ സോഷ്യൽ സയൻസ് ക്ലബ്ബിൻറെ ആഭിമുഖ്യത്തിൽ ക്വിസ് കോമ്പറ്റീഷൻ ,പ്രസംഗ മത്സരം എന്നിവ നടത്തുകയുണ്ടായി. ജില്ലാതല പ്രസംഗ മത്സരത്തിൽ യുപി വിഭാഗത്തിൽ നിന്നും ഉണ്ണികൃഷ്ണൻ മത്സരിക്കുകയും ഒന്നാം സ്ഥാനം കരസ്ഥമാക്കുകയും ചെയ്തു.

വിദ്യാലയങ്ങൾ തുറന്നെങ്കിലും കോവിഡ് വ്യാപനം രൂക്ഷമായതിനാൽ ഈ വർഷത്തെ റിപ്പബ്ലിക് ദിനം ഓൺലൈനായി ആചരിച്ചു.

ജൂൺ ആദ്യ വാരം  സാമൂഹ്യശാസ്ത്ര ക്ലബ്ബ് രൂപീകരിച്ചു.

ജൂൺ 26 ലഹരി വിരുദ്ധ ദിനം, ജൂലൈ 21 ചാന്ദ്രദിനം എന്നിവ സമുചിതമായി ആഘോഷിച്ചു.

കേരള പുരാവസ്തു വകുപ്പിന്റെ ആഭിമുഖ്യത്തിലുള്ള കേരള ചരിത്ര ക്വിസിൽ

ഉണ്ണികൃഷ്ണൻ A (8 B), M. മഹേശ്വർ (10 B) എന്നീ കുട്ടികൾ ജില്ലാതലത്തിൽ രണ്ടാം സ്ഥാനം നേടി.

പത്രവാർത്താ വായന മത്സരത്തിൽ ശിവപ്രിയ K G (10 B) ഉപജില്ലാതലത്തിൽ ഒന്നാം സ്ഥാനം നേടി ജില്ലാ മത്സരത്തിൽ പങ്കെടുത്തു.

ഓഗസ്റ്റ് 15 സ്വാതന്ത്ര്യ ദിനം സാമൂഹ്യ ശാസ്ത്ര ക്ലബ്ബിൻറെ ആഭിമുഖ്യത്തിൽ വിപുലമായി ആഘോഷിച്ചു. KPSTA മെഗാ ക്വിസ് നടത്തി.

സ്കൂൾതല സാമൂഹ്യശാസ്ത്രമേള നടത്തുകയും വിജയികളായവരെ ഉപജില്ല മേളയിൽ പങ്കെടുപ്പിക്കുകയും ചെയ്തു. ഉപജില്ലാ സാമൂഹ്യശാസ്ത്രമേളയിൽ നമ്മുടെ സ്കൂൾ ഓവറോൾ ചാമ്പ്യൻഷിപ് നിലനിർത്തി.

വർക്കിംഗ് മോഡൽ, സ്റ്റിൽ മോഡൽ, അറ്റ്ലസ് നിർമ്മാണം, ക്വിസ്, പ്രസംഗം എന്നീ  ഇനങ്ങളിൽ ജില്ലയിൽ നമ്മുടെ കുട്ടികൾ ശ്രദ്ധേയമായ പ്രകടനം കാഴ്ചവച്ചു.

ഒക്ടോബർ 2 ഗാന്ധിജയന്തി ദിനത്തിൽ ലഹരി വിരുദ്ധ പ്രവർത്തനങ്ങൾക്ക് തുടക്കം കുറിച്ചു.

ഒക്ടോബർ 28ന് സ്കൂൾ പാർലമെൻറ് ഇലക്ഷൻ നടത്തി. ക്ലാസ് ലീഡേഴ്സ്, സ്കൂൾ ലീഡേഴ്സ് എന്നിവരെ തിരഞ്ഞെടുത്തു.

പ്രാദേശിക ചരിത്രരചന 8,9 ക്ലാസുകളിലെ മുഴുവൻ കുട്ടികളെ  ഉൾപ്പെടുത്തി നടത്തി. ഇതിലെ ഏറ്റവും മികച്ച 3 രചനകൾ തെരഞ്ഞെടുത്ത് ബി ആർ സിയിലേക്ക് നൽകുകയും, അതിൽ നിന്നും ദിയ വി (8C) ജില്ലാതല  ക്യാമ്പിൽ പങ്കെടുക്കാൻ യോഗ്യത നേടുകയും ചെയ്തു.

ജി.മാധവൻ പിള്ള മെമ്മോറിയൽ ഇൻറർ സ്കൂൾ ക്വിസ് മത്സരം സാമൂഹ്യ ശാസ്ത്ര ക്ലബ്ബിൻറെ ആഭിമുഖ്യത്തിൽ 23-02-2023-ൽ നടത്തി. തിരുവല്ല വിദ്യാഭ്യാസ ജില്ലയിലെ വിവിധ സ്കൂളുകൾ പങ്കെടുത്തു. എസ് ജി വി ഹയർ സെക്കന്ററിസ്കൂൾ കിടങ്ങന്നൂർ, എ എം എം എച്ച് എസ് ഇടയാറൻമുള, നാഷണൽ ഹൈസ്കൂൾ വള്ളംകുളം എന്നിവർ യഥാക്രമം ഒന്നും, രണ്ടും, മൂന്നും സ്ഥാനങ്ങൾ നേടി.