ജി.യു.പി.എസ്.കക്കാട്ടിരി/പ്രവർത്തനങ്ങൾ

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

സ്കൂൾ പ്രവേശനോത്സവം -2021

സ്കൂൾ അങ്കണത്തിലെ ശലഭോദ്യാനം (2022)

അർപ്പണ മനോഭാവത്തോടെ പ്രവർത്തിക്കുന്ന അധ്യാപകരും പി.ടി.എ.യും മിടുക്കരായ വിദ്യാർത്ഥികളും ആണ് ഈ വിദ്യാലയത്തിന്റെ കരുത്ത്. പല കാലയളവുകളിലായി ഇവിടെ സേവനമനുഷ്ഠിച്ചിട്ടുള്ള പ്രധാനാധ്യാപകർ ഈ വിദ്യാലയത്തിനു നല്കിയ സംഭാവനകൾ വിലമതിക്കാനാവാത്തതാണ്. 

സ്കൂൾ പ്രവേശനോത്സവം -2021

അധ്യാപകർ കുട്ടികളുടെ വീടുകളിലേക്ക് ..

  2001 നവംബർ 1ന് സ്കൂൾ പ്രവേശനോത്സവം ബഹു: പഞ്ചായത്ത് പ്രസിഡൻ്റ് ശ്രീ .ബാലൻ. പി. ഉദ്ഘാടനം ചെയ്തു.   

                    സ്കൂൾ പരിസരം മുഴുവനും അധ്യാപകരും സന്നദ്ധ പ്രവർത്തകരും ചേർന്ന് വൃത്തിയാക്കിയിട്ടുണ്ടായിരുന്നു. തോരണങ്ങളാൽ അലങ്കരിച്ച വിദ്യാലയങ്കണത്തിലേക്ക് ഹർഷാരവങ്ങളോടെ എത്തിക്കൊണ്ടിരുന്ന വിദ്യാർത്ഥികളെ നിറഞ്ഞ സന്തോഷത്തോടെ ഇവിടുത്തെ അധ്യാപകരും പി.ടി.എ.യും ചേർന്ന് എതിരേറ്റു.ഓരോ കുട്ടിയ്ക്കും സ്വന്തം പേരെഴുതിയ മനോഹരമായ ഒരു ബാഡ്ജ് അതതു ക്ലാസ്സ് അധ്യാപകർ മുൻകൂട്ടി തയ്യാറാക്കിയിരുന്നു. ഉത്സവാന്തരീക്ഷം നിറഞ്ഞ ആദ്യ ദിനം  കുട്ടികളുടെയുള്ളിൽ ഉറഞ്ഞു കൂടിയിരുന്ന ആശങ്കകൾ ദൂരീകരിക്കാൻ പര്യാപ്തമായിരുന്നു. വിഭവ സമൃദ്ധമായ ഉച്ചഭക്ഷണത്തോടൊപ്പം പാൽപ്പായസവും നല്കിയാണ് കുട്ടികളെ അധ്യാപകർ യാത്രയാക്കിയത്.

       ഓരോ ദിനാചരണത്തിലും കുട്ടികളുടെ സജീവ പങ്കാളിത്തമുണ്ട്. വീട്ടിലൊരു പൂക്കളം എന്ന ആശയം പിറവി കൊണ്ടത് കോവിഡ് കാലത്തെ ആശങ്കകൾ അകറ്റുന്നതിനു കൂടിയാണ്. കുട്ടികളെല്ലാവരും അത് ഉത്സാഹപൂർവം ഏറ്റെടുക്കുകയും ചെയ്തു.

പാഠ്യേതര പ്രവർത്തനകളിലും മുന്നിട്ടു നിൽക്കുന്ന ഈ വിദ്യാലയത്തിൽ വിവിധ വിഷയങ്ങളുടെ ക്ലബുകൾ സജീവമാണ്. ഇതൾ 1, ഇതൾ 2 എന്നീ പതിപ്പുകൾ, കക്കാട്ടിരി ഡോട്ട് കോം ന്യൂസ് മാഗസിൻ, വിളംബരം, ബ്ലാക് ബോർഡ് - എന്നീ സ്കൂൾ പത്രങ്ങൾ , പ്രണാമം - മാഗസിൻ, ഹാജർ - പ്ലാറ്റിനം ജൂബിലി സ്മരണിക.. എന്നിവ പി.ടി.എ., പൂർവ്വ വിദ്യാർത്ഥികൾ, അധ്യാപകർ എന്നിവരുടെ സഹകരണത്തോടെ പ്രസിദ്ധീകരിച്ചിട്ടുണ്ട്.

പഠനത്തോടൊപ്പം പ്രായോഗിക പരിജ്ഞാനം വർദ്ധിപ്പിക്കുന്നതിനു വേണ്ടി വിദ്യാലയാങ്കണത്തിൽ തന്നെ ഒരുക്കിയിരിക്കുന്നു. കുട്ടികളും അധ്യാപകരും ചേർന്നാണ് പരിപാലനം .

2020 -21 അധ്യനവർഷത്തിൽ ക്ലാസ് അധ്യാപകർ കുട്ടികളുടെ വീടുകളിൽ സന്ദർശനം നടത്തുകയും എല്ലാ വിഷയങ്ങളുടെയും നോട്ട് ബുക്കുകൾ പരിശോധിച്ചതിനു ശേഷം വേണ്ടതായ നിർദ്ദേശങ്ങൾ നൽകുകയും ചെയ്തു.പഠന പ്രവർത്തനങ്ങളിൽ കുട്ടികളുടെ  ഉർജ്‌ജസ്വലത നിലനിർത്തുവാൻ വലിയ പ്രോത്സാഹനമാകുന്നുണ്ട്,ഇത്തരം സജീവ ഇടപെടലുകൾ.കുട്ടികളുടെ ഗൃഹാന്തരീക്ഷം മനസ്സിലാക്കുവാൻ ഗൃഹസന്ദർശനങ്ങൾ അധ്യാപകരെ ഏറെ സഹായിക്കുന്നു.

സ്കൂൾ പത്രങ്ങൾ