എ.എൽ.പി.എസ്. പുതുപൊന്നാനി/ചരിത്രം

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

വർഷങ്ങൾക്കു ശേഷം ഒരു മഴക്കാലത്തെ രാത്രിയിലെ കനത്ത മഴയിൽ വിദ്യാലയം നിലം പൊത്തുകയായിരുന്നു, മാനേജർ മുൻകയ്യെടുത്ത് ആഴ്ചകൾക്കുള്ളിൽ ഇന്നത്തെ സ്ഥലത്തേക്ക് വിദ്യാലയം മാറ്റി സ്ഥാപിക്കുകയാരിന്നു. അപ്രകാരം സ്കൂൾ മാറ്റിയതോടെ സ്കൂളിന്റെ കിഴക്കു ഭാഗത്ത് കനോലി കനാലിന്റെ കരയിലുള്ള പ്രദേശത്തെ മുഴുവൻ കുട്ടികളേയും ഈ വിദ്യാലയത്തിലേക്ക് ആകർഷിക്കാനായി. അന്നത്തെ മദ്രസ്സാദ്ധ്യാപകർ, അമ്പല കമ്മിറ്റിക്കാർ, പള്ളിക്കമ്മിറ്റിക്കാർ, സാക്ഷരതാ പ്രവർത്തകർ, വിശിഷ്യാ പൊതുപ്രവർത്തകനായിരുന്ന ശ്രീ. എ. വി, കുഞ്ഞിമുഹമ്മദ് എന്നിവരും ഈ സദുദ്യമത്തിന് നേതൃത്വം നൽകി. പിന്നീട് അഞ്ചു കെട്ടിടങ്ങളിലായി 28 അധ്യാപകരും, 24 ഡിവിഷിയനുകളും, ആയിരത്തോളം കുട്ടികളും എല്ലാം ചേർന്ന് മലപ്പുറം ജില്ലയിലെ ഒരു ബൃഹത്തായ വിദ്യാഭ്യാസ ശൃംഖലയായി ഈ വിദ്യാലയം വളർന്നു പന്തലിച്ചു.

ഇപ്പോഴത്തെ മാനേജർ ശ്രീ. സാദിഖ്അലിയുടേയും, ഊർജസ്വലമായ പി. ടി. എ. കമ്മിറ്റിയുടെയും, പ്രധാനാധ്യാപിക ശ്രീമതി. അന്നാമ്മു ടീച്ചറുടെ നേതൃത്വത്തിലുള്ള പ്രവർത്തനനിരതരായ അധ്യാപകരുടെയും കൂട്ടായ നേതൃത്വത്തിൽ പാഠ്യ, പാഠ്യേതര, പാഠ്യനുബന്ധ പ്രവർത്തനങ്ങളുമായി ഈ വിദ്യാലയം ഇന്നും തലയുയർത്തി നിൽക്കുന്നു. നിലവിൽ 25 അധ്യാപകരും, 20 ഡിവിഷിയനുകളും, അറന്നൂറോളം കുട്ടികളുമായി ഈ വിദ്യാലയം ഇന്നും ഈ പ്രദേശത്തിന്റെ വിദ്യാഭ്യാസ മേഖലയിൽ ഒരു നിറ സാന്നിദ്ധ്യമാണ്.