എസ്.ജി.എച്ച്.എസ്.എസ് വാഴത്തോപ്പ്
| എസ്.ജി.എച്ച്.എസ്.എസ് വാഴത്തോപ്പ് | |
|---|---|
| വിലാസം | |
വാഴത്തോപ്പ് | |
| സ്ഥാപിതം | 01 - 06 - |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | ഇടുക്കി |
| വിദ്യാഭ്യാസ ജില്ല | തൊടുപുഴ |
| സ്കൂൾ ഭരണ വിഭാഗം | |
| മാദ്ധ്യമം | മലയാളം |
| അവസാനം തിരുത്തിയത് | |
| 26-11-2016 | 29017 |
ഇടുക്കി ജില്ലയില്‍ വാഴത്തോപ്പ് ഗ്രാമപഞ്ചായത്തിന്‍റെ തിലകക്കുറിയായി നിലകൊള്ളുന്ന സെന്‍റ് ജോര്‍ജ്ജ് ഹയര്‍ സെക്കന്‍ററി സ്കൂളിന്‍റെ കഴിഞ്ഞകാല ചരിത്രത്തിലേയ്ക്ക് ഒന്ന് കണ്ണോടിച്ചാല്‍........
ചരിത്രം
1950 കളിലാണ് വാഴത്തോപ്പ് മേഖലയിലേയ്ക്ക് അളുകള്‍ കുടിയേറ്റം തുടങ്ങിയത്. തൊടുപുഴ മൂവാറ്റുപുഴ മേഖലകളിലുള്ളവരാണ് ആദ്യക്കാലങ്ങളില്‍ ഇവിടെ വന്നവരില്‍ അധികവും. ഉടുംമ്പന്നൂര്‍ കൈതപ്പാറ, കൊമ്പ്യാരി മണിയാറാന്‍കുടി വഴി ഏകദേശം 25 കിലോമീറ്റര്‍ ദൂരം തലച്ചുമടായി നിത്യോപയോഗ സാധനങ്ങളായ അരി, ഉപ്പ്, തേങ്ങതുടങ്ങിയവയും എളിയില്‍ കൊച്ചുകുട്ടികളെയും കൊണ്ട് കാല്‍ നടയായി സഞ്ചരിച്ചാണ് ഇവിടെ എത്തിയിരുന്നത്. പകല്‍ സമയം കാടു വെട്ടി തെളിച്ച് കൃഷി ചെയ്തും, രാത്രി കാലങ്ങളില്‍ കാട്ടു മൃഗങ്ങളില്‍നിന്നും രക്ഷനേടാനായി ഏറുമാടങ്ങളില്‍ അന്തിയുറങ്ങിയും ഈ നാട്ടിലെ ജന കാലചക്രത്തിന്‍റെ ചലനങ്ങളേറ്റുവാങ്ങി. അന്ന് ഇവിടുത്തെ കുട്ടികള്‍ക്ക് വിദ്യാഭ്യാസമെന്നത് തികച്ചും അപ്രധാനവും, അപ്രപ്യവുമായിരുന്നു. എന്നാല്‍ ൧൯൬൦ കളുടെ ആരംഭത്തില്‍ ചില ആശാന്‍ കളരികള്‍ തുടങ്ങുകയും ൫ നും ൧൫നു മിടയില്‍ പ്രായമുള്ള കുട്ടികള്‍ എഴുത്തും വായനയും പഠിക്കാന്‍ എത്തുകയും ചെയ്തു. ഏറെതാമസിക്കാതെ വാഴത്തോപ്പ് സെന്‍റ് ജോര്‍ജ്ജ് പള്ളിയോടനുബന്ധിച്ച് ഒരു എല്‍. പി. സ്കൂള്‍ ഗവണ്‍മെന്‍റ് അംഗീകരമില്ലാതെ പ്രവര്‍ത്തനം ആരംഭിക്കുുകയും ചെയ്തു. പ്രായ ഭേദമെന്യേ ആളുകള്‍ വിദ്യ അഭിസിച്ചു തുടങ്ങി. 1964 ല്‍ വാഴത്തോപ്പ് പഞ്ചായത്ത് എല്‍. പി. സ്കൂള്‍ ഗവണ്‍മെന്‍റ് സഹായത്തോടെ ആരംഭിച്ചു. അങ്ങനെ ആദ്യമായി ഔപചാരിക വിദ്യാഭ്യാസത്തിന് തുടക്കം കുറിച്ചു. 1968 - ല്‍ വാഴത്തോപ്പ് സെന്‍റ് ജോര്‍ജ്ജ് പള്ളി വികാരി റവ. ഫാദര്‍ ജെയിംസ് വെന്പിള്ളില്‍ന്‍റേയും ഇടവകക്കാരുടെയും ശ്രമഫലമായി സെന്‍റ് ജോര്‍ജ്ജ് യു. പി. എസ്. ഗവണ്‍മെന്‍റ് സഹായത്തോടെ പ്രവര്‍ത്തനം ആരംഭിച്ചു. 1971 ആയപ്പോള്‍ 8- ക്ലാസ് പഠനത്തിനായി ഇവിടുത്തെ കുട്ടികള്‍ക്ക് സൗകര്യം ഇല്ലാത്ത ഒരാവസ്ഥാവിശേഷം വന്നു. തുടര്‍ന്ന് മൂലമറ്റം ഗവണ്‍മെന്‍റ് സ്കൂളിന്‍റെ ഒരു ശാഖ എന്ന നിലയില്‍ വാഴത്തോപ്പ് ഗവണ്‍മെന്‍റ് ഹൈസ്കൂള്‍ മഞ്ചിക്കവലയില്‍ കെ. എസ്. ഇ. വക കെട്ടിടത്തില്‍ തുടങ്ങി. ഇടുക്കി അണക്കെട്ടിന്‍റെ നിര്‍മ്മാണവുമായി ബന്ധപ്പെട്ട് താമസിച്ചിരുന്ന ഉദ്യോഗസ്ഥരുടെ കുട്ടികളുചെ പഠന സൗകര്യത്തിനായി തുടങ്ങിയ ഈ സ്കൂളില്‍ സ്ഥല സൗകര്യം തീരെ കുറവായിരുന്നതിനാല്‍ ഈ നാട്ടിലെ എല്ലാകുട്ടികള്‍ക്കും വിഭ്യാഭ്യാസം ലഭിക്കുന്നതിനുവേണ്ടി ഷിഫ് റ്റ് അടിസ്ഥാനത്തില്‍ ക്ലാസുകള്‍ നിജപ്പെടുത്തി. ഒരു വര്‍ഷം കൊണ്ട് ക്ലാസിലിരുന്ന് പഠിക്കേണ്ട പാഠങ്ങള്‍ പകുതി സമയം കൊണ്ട് പഠിക്കേണ്ടിവന്നു. ഈ പ്രസ്തുത സന്ദര്‍ഭത്തിലാണ് 1982 ല്‍ വാഴത്തോപ്പ് സെന്‍റ് ജോര്‍ജ്ജ് പള്ളിയില്‍ വികാരിയായി റവ. ഫാ. തോമസ് മലേക്കുടി നിയമിതനാകുന്നതു് അദ്ദേഹത്തിന്‍റെ കഴിവുറ്റ നേതൃത്വത്തില്‍ ഈ നാട്ടിലെ നല്ലവരായ നാട്ടുകാരുടെ ശ്രമഫലമായി അന്നത്തെ വിധ്യഭ്യാസ മന്ത്രിയായിരുന്ന ശ്രീ. പി. ജെ. ജോസഫിന്‍റെ പ്രത്യേക താല്പര്യത്തോടെ ഈ സ്ഥാപനം സന്‍റ് ജോര്‍ജ്ജ് എച്ച്. എസ്. വാഴത്തോപ്പ് നോര്‍ത്ത് എന്ന പേരില്‍ ബഹു. കേരള സര്‍ക്കാര്‍ അനുവദിച്ചു. 1983 ജൂണ്‍ 15-കാം തീയതി 4 ഡിവഷനുകളോടെ 176 കുട്ടികളുമായി എട്ടാം ക്ലാസ് ആരംഭിച്ചു. ശ്രീ. കെ. സി. ചാക്കോ ടീച്ചര്‍ ഇന്‍ ചാര്‍ജ്ജായി സ്കൂള്‍ പ്രവര്‍ത്തനങ്ങള്‍ക്ക് സജ്ജീവ നേതൃത്വം നല്‍കി. 1983 ല്‍ ഒരു താല്‍ക്കാലിക കെട്ടിടത്തില്‍ സ്കൂള്‍ ആരംഭിച്ചു. 1984 ല്‍ പുതിയ കെട്ടിടം നിര്‍മ്മിച്ച് ക്ലാസുകള്‍ നടത്തി. 1985 - 86 ല്‍ പത്താം ക്ലാസോടെ ഹൈസ്കൂള്‍ പൂര്‍ത്തിയായി. ശ്രീ. എ. ഒ. അഗസ്റ്റിന്‍ ആദ്യ ഹെഡ്മാസ്റ്റാറായി ചുമതലയേറ്റു. 1986 ല്‍ ആദ്യ ബാച്ച് എസ്. എശ. എള്‍. സി. പരീ& എഴുതി. 1998 ല്‍ അന്നത്തെ മാനേജരായിരുന്ന റവ. ഫാ. മാത്യു തെക്കേക്കരയുടെ ശ്രമഫലമായി +2 വിന് പുതിയ കെട്ടിടം പണി ആരംഭിച്ചു. രണ്ട് സയന്‍സ് ബാച്ചും തുടങ്ങി. പിന്നീട് ൨൦൦ ല്‍ ഒരു സയന്‍സ് ബാച്ചും ഒരു ഹ്യുമാനിറ്റീസ് ബാച്ചും കൂടി ആരംഭിച്ചു .
ഭൗതികസൗകര്യങ്ങള്‍
ലൈബ്രറി കംപ്യൂട്ടര്‍ ലാബ് LCD പ്രോജക്ടര്‍ പൂന്തോട്ടം ചാപ്പല്‍ ഓഡിറ്റോറിയം പഠിപ്പുര സയന്‍സ് ലാബ് ബാന്റ് സെറ്റ് സ്കൗട്ട് & ഗൈഡ്
പാഠ്യേതര പ്രവര്‍ത്തനങ്ങള്‍
- സ്കൗട്ട് & ഗൈഡ്സ്.
- എന്‍.സി.സി.
- ബാന്റ് ട്രൂപ്പ്.
- ക്ലാസ് മാഗസിന്‍.
- വിദ്യാരംഗം കലാ സാഹിത്യ വേദി.
- ക്ലബ്ബ് പ്രവര്‍ത്തനങ്ങള്‍.
മാനേജ്മെന്റ്
ആദ്യമാനേജര്‍ - മോണ്‍ തോമസ് മലേക്കുടി റവ. ഫാ. സെബാസ്റ്റ്യന്‍ കല്ലുങ്കല്‍ - ഹയര്‍ സെക്കന്‍ഡറി ആദ്യ മാനേജര്‍ - റവ. ഫാ. മാത്യു തെക്കേക്കര - റവ. ഫാ. ജോര്‍ജ്ജ് പുത്തേട്ട് - റവ. ഫാ. ചെറിയാന്‍ വാരിക്കാട്ട് റവ. ഫാ. അബ്രാഹം പുറയാറ്റ്
മുന്‍ സാരഥികള്‍
ആദ്യ ടീച്ചര്‍ ഇന്‍ ചാര്‍ജ്ജ് - ശ്രീ. കെ. സി. ചാക്കോ ആദ്യ ഹെഡ് മാസ്റ്റര്‍ - ശ്രീ. എ. ഒ. അഗസ്റ്റ്യന്‍ ആദ്യ പ്രിന്‍സിപ്പില്‍ - ശ്രീ. കെ.റ്റി. ജോണ്‍ ശ്രീ ജോയി മാത്യു - ശ്രീ. പി. ജെ ജോസഫ് - ശ്രീമതി എലിസബത്ത് ജോമസ് - ശ്രീ കെ. എ. ജോര്‍ജ്ജ് - ശ്രീ. എന്‍ എ. ആന്‍റണി - ശ്രീ. എന്‍. പി. സണ്ണി. ശ്രീ റ്റി. റ്റി. സ്കറിയ - ശ്രീ എസി. അലക്സാണ്ടര്‍ - ശ്രീമതി പി. വി. എല്‍സി.
പ്രശസ്തരായ പൂര്‍വവിദ്യാര്‍ത്ഥികള്‍
ശ്രീ. സിജി ചാക്കോ - വാഴത്തോപ്പ് ഗ്രാമപഞ്ചായത്ത് വൈസ് പ്രസിഡണ്ട്
വഴികാട്ടി
| വിദ്യാലയത്തിലേക്ക് എത്തുന്നതിനുള്ള മാര്‍ഗ്ഗങ്ങള്‍
|
<googlemap version="0.9" lat="9.889716" lon="76.971931" width="350" height="350" selector="no"> 11.071469, 76.077017, MMET HS Melmuri 9.857409, 76.962444 </googlemap>