ഫാത്തിമാബി മെമ്മോറിയൽ എച്ച്.എസ്സ്.എസ്സ് കൂമ്പാറ/പ്രവർത്തനങ്ങൾ/2019-20
| സ്കൂൾ | സൗകര്യങ്ങൾ | പ്രവർത്തനങ്ങൾ | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |
2019-20-ലെ പ്രവർത്തനങ്ങൾ
പ്രവേശനോത്സവം .
പ്രവർത്തന മികവിന്റെ അവസാന വാക്ക്,ഭാവിയുടെ വാഗ്ദാനം ,പ്രവർത്തന കൂട്ടായ്മയുടെ സമന്വയം വാക്കുകളിൽ ഒതുങ്ങാത്ത വിജ്ഞാന വിസ്മയത്തിന്റെ സാഗരമാണ് ഫാത്തിമാബി മെമ്മോറിയൽ ഹയർ സെക്കൻഡറി സ്കൂൾ കൂമ്പാറ.ഓരോ അധ്യയന വർഷവും പുതുമയുടെ ഈറനണിഞ്ഞ് കടന്നുവരുന്ന വിദ്യാലയ പരിസരംപല വർണ്ണ വസ്ത്രങ്ങളണിഞ്ഞ് പൂമ്പാറ്റകളെപ്പോലെ വിദ്യാലയം ഗണത്തിലേക്ക് കടന്നുവരുന്ന നവാഗതരായ കുട്ടികൾ കുട്ടികളുടെ മനസ്സറിഞ്ഞ് അവരെ രണ്ടു കൈയും നീട്ടി സ്വീകരിച്ചാനയിക്കുന്ന അധ്യാപകർ പ്രതീക്ഷയുടെ പുത്തൻ ഉണർവായ ഈ വിദ്യാലയം വേറിട്ടുനിൽക്കുന്നു മറ്റേതൊരു വിദ്യാലയത്തിൽ നിന്നും.
ജൂൺ ആറിന് വിദ്യാലയത്തിൽ നടന്ന പ്രവേശനോത്സവം പ്രത്യാശയുടെ ഒരു പുതിയ കവാടം തുറന്നിടുകയാണ് ഈ മലയോര മേഖലയ്ക്ക് മുന്നിൽ.ഉരുൾപൊട്ടലും ക്വാറി കളും കവർന്നെടുത്ത നാടിനെ ഭീതിയുടെ നിഴലിൽ നിന്നും കൈപിടിച്ചുയർത്തുകയാണ് കർമനിരതരായ ഒരു കൂട്ടം അധ്യാപകരുടെ പ്രവർത്തന കൂട്ടായ്മ.പ്രവേശനോത്സവ വേദിയിൽ ഹെഡ്മാസ്റ്റർ നിയാസ് ചോല സാറിന്റെ സ്വാഗതപ്രസംഗം മുഴുവൻ കുട്ടികളെയും ഏറെ ആകർഷിച്ചു.പിടിഎ പ്രസിഡണ്ടിന്റെ അധ്യക്ഷതയിൽ ഹയർസെക്കൻഡറി പ്രിൻസിപ്പൽ നാസർ ചെറുവാടി സാർ മുഖ്യപ്രഭാഷണം നടത്തി.സ്കൂളിലെ 2018 - 19 അധ്യയനവർഷത്തിലെ മുഴുവൻ പരിപാടികളും ചേർത്ത് തയ്യാറാക്കിയ സ്കൂൾ ഡോക്യുമെൻററി പ്രദർശനം കൂടരഞ്ഞി ഗ്രാമപഞ്ചായത്ത് പ്രസിഡന്റ് സോളി ജോസഫ് ഉദ്ഘാടനം ചെയ്തു.പ്രവേശനോത്സവത്തിന് ഔദ്യോഗിക ഉദ്ഘാടനം കൂടരഞ്ഞി ഗ്രാമപഞ്ചായത്ത് വൈസ് പ്രസിഡണ്ടും വാർഡ് മെമ്പറും ആയ നസീർ നിർവഹിച്ചു. തുടർന്ന് കുട്ടികളുടെ വിവിധ കലാപരിപാടികൾ സ്റ്റേജിൽ അരങ്ങേറി.അധ്യാപകരുടെ നേതൃത്വത്തിൽ അതാതു ക്ളാസുകളിലേക്കു പോയ എല്ലാ കുട്ടികൾക്കും മധുരം നൽകി. അതുപോലെ മധുരം നിറഞ്ഞതാകട്ടെ പുതിയ അദ്ധ്യയന വർഷം എന്ന് ഹെഡ്മാസ്റ്റർ ശ്രീ നിയാസ് ചോല സർ ആശംസിച്ചു.
Recognition-2019
ജാമിയ മർകസ് മാനേജ്മെന്റിന് കീഴിലെ വിവിധ വിദ്യാലയങ്ങളിൽ നിന്നായി 2019 എസ്എസ്എൽസി, പ്ലസ് ടു പരീക്ഷയിൽ മുഴുവൻ വിഷയങ്ങളിലും എ പ്ലസ് ലഭിച്ച കുട്ടികളെയും എൻ എം എം എസ് , എൽ എസ് എസ്സ്, യു എസ് എസ്, എൻടിയെസ്സി കോളർഷിപ്പ് നേടി വിദ്യാലയത്തിന്റെ യശസ്സുയർത്തിയ കുട്ടികളെയും മാനേജ്മെൻറ് ആദരിച്ചു. ചടങ്ങ് ഇന്ത്യൻ ഹൈക്കമ്മീഷണർ ദീപക് വോറ ഐഎഎസ് നിർവഹിച്ചു . മുൻ രാജസ്ഥാൻ വിദ്യാഭ്യാസ മന്ത്രി മുഖ്യാതിഥിയായ ചടങ്ങിൽ മാനേജർ കാന്തപുരം അബൂബക്കർ മുസ്ലിയാർ അധ്യക്ഷത വഹിച്ചു.കുട്ടികളുമായി സംവധിച്ച ദീപക് പാറ തന്റെ കഠിനമായ ജീവിതാനുഭവങ്ങളെ അതിജീവിച്ച് ഉയരങ്ങൾ കീഴടക്കിയത് രസകരമായി കുട്ടികൾക്ക് വിശദീകരിച്ച് നൽകി. അതുവഴി വിദ്യാർത്ഥികളെ അവർ നേരിടുന്ന വെല്ലുവിളികളെ അതിജീവിച്ച് ഉന്നതങ്ങൾ കീഴടക്കാൻ അതിനുള്ള പ്രചോദനം നൽകലായി. ശേഷം അധ്യാപകർക്കായി മൂന്നു സെഷനുകളിലായി ഇരുന്നു ഡയറക്ടർ ഹക്കീം അസ്ഹരി വിവിധ സെഷനുകളിൽ ക്ലാസുകൾ നയിച്ചു. മാനേജ്മെന്റിന് കീഴിലേ ഏറ്റവും മികച്ച പിടിഎ പ്രസിഡണ്ടിന് ഉള്ള പുരസ്കാരം സ്കൂൾ പിടിഎ പ്രസിഡൻറ് ഇസ്മയിൽ മാനേജറിൽ നിന്നും സ്വീകരിച്ചു. 100% നേടിയതിന്ഹൈസ്കൂൾ ഹെഡ്മാസ്റ്റർ ശ്രീ നിയാസ് ചോല സാറിനെയും വിജയോത്സവം കൺവീനർ ശ്രീ നാസർ സാറിനെയും , ഹയർസെക്കൻഡറി പ്രിൻസിപ്പൽ ശ്രീ നാസർ പരിപാടി സാറിനെയുംമുഖ്യാതിഥി ആദരിച്ചു.
ജൂൺ - 19 വായനാദിനം
ജൂൺ 19 വായനാദിനം അതിന്റെ പൂർണതയോടെ നടത്താൻ കഴിഞ്ഞു എന്നത് അഭിമാനകരമായ കാര്യമാണ്.ജീവിതത്തിൽ വായനയുടെ പ്രാധാന്യത്തെ കുറിച്ചും വായന തുറന്നുതരുന്ന വിശാലമായ ലോകത്തെ കുറിച്ചും ഉൾക്കാഴ്ചയെ കുറിച്ചുമെല്ലാം അറിഞ്ഞു വായിക്കാനുള്ള പ്രേരണ കുട്ടികളിൽ സൃഷ്ടിക്കാൻ വായനാദിന പ്രവർത്തനങ്ങളിലൂടെ സാധിച്ചു. പ്രമുഖ പത്രമായ മാധ്യമത്തിൽ ലോക്കൽ റിപ്പോർട്ടർ സ്കൂളിലേക്ക് ഒൻപത് മാധ്യമ പത്രം ഒരു വർഷത്തേക്ക് നൽകിക്കൊണ്ട് ഉദ്ഘാടന കർമ്മം നിർവഹിച്ചു. ബ്ലാക്ക് സ്റ്റോൺ എന്ന കമ്പനിയുടെ വകയായിരുന്നു ദിനപത്രങ്ങൾ. തുടർന്ന് കുട്ടികൾ അവതരിപ്പിച്ച വിവിധങ്ങളായ കലാപരിപാടികൾ വായനയുടെ പ്രാധാന്യം വിളിച്ചോതുന്നതായിരുന്നു.വായനാ പക്ഷാചരണ ത്തിൻറെ ഭാഗമായി ആയി സ്കൂളിലെ ക്ലാസ് ലൈബ്രറിയുടെ ഔദ്യോഗിക ഉദ്ഘാടന കർമ്മം ഹെഡ്മാസ്റ്റർ നിയാസ് ചോല നിർവഹിച്ചു. ക്ലാസ് ലൈബ്രറിയിലേക്ക് പുസ്തകങ്ങൾ ശേഖരിക്കുന്നതിന്റെ ഭാഗമായി ക്ലാസ് തലത്തിൽ വിവിധ പരിപാടികളാണ് ആസൂത്രണം ചെയ്തത്. ജന്മദിനത്തിൽ ഒരു പുസ്തകം ക്ലാസ് ലൈബ്രറിയിലേക്ക് എന്ന പദ്ധതി വളരെ മികച്ചതായി.
ജൂൺ - 25 ജൈവവൈവിധ്യ ഉദ്യാനം ഉദ്ഘാടനവും പരിസ്ഥിതി ദിനാചരണവും.
ജൈവവൈവിധ്യ ഉദ്യാനത്തിന്റെ ഔദ്യോഗിക ഉദ്ഘാടനവും പരിസ്ഥിതി ദിനാചരണവും കോഴിക്കോട് ജില്ലാ പഞ്ചായത്ത് പ്രസിഡൻറ് ബാബു പറശ്ശേരി ഔദ്യോഗികമായി ഉദ്ഘാടനം ചെയ്തു.ജൈവ വൈവിധ്യ ഉദ്യാനത്തിൽ ജ്യാമിതീയരൂപങ്ങൾ ഉൾപ്പെടുത്തി കുട്ടികൾക്കായി തയ്യാറാക്കിയ ഇരിപ്പിടങ്ങളിൽ ഇരുന്ന് നീലാംബരി വൃക്ഷത്തെ നോക്കിക്കൊണ്ട് നഷ്ടപ്പെട്ട നീലാംബരി വായിക്കാനായി അവസരമൊരുക്കി പരിസ്ഥിതി ക്ലബ്ബിന്റെ പ്രവർത്തന മാതൃക. മാധവിക്കുട്ടിയുടെ നഷ്ടപ്പെട്ട നീലാംബരി സ്മരിച്ചുകൊണ്ട് പരിസ്ഥിതി ദിനാചരണത്തിന്റെ ഭാഗമായി ജില്ലാ പഞ്ചായത്ത് പ്രസിഡൻറ് ബാബു പറശ്ശേരി പരിസ്ഥിതി ക്ലബ്ബ് കൺവീനർ ഗീത മനക്കൽ കൊണ്ടുവന്നു നീലാംബരി തൈ ജൈവ വൈവിധ്യ ഉദ്യാനത്തിൽ നട്ടുകൊണ്ട് പരിസ്ഥിതി ദിനം ഉദ്ഘാടനം ചെയ്തു.
ലഹരി വിരുദ്ധ ദിനം
ലഹരി വിരുദ്ധ ദിനം ലഹരി ഒരു നിശബ്ദ കൊലയാളി എന്ന തിരിച്ചറിവ് ജാഗ്രതാ സമിതി കൺവീനറിൽ നിന്ന് നേരത്തെ നേടിയ ഈ വിദ്യാലയത്തിലെ വിദ്യാർത്ഥികൾ ലഹരി വിരുദ്ധ ദിനത്തോടനുബന്ധിച്ച് ക്ലാസ് തലത്തിൽ നടത്തിയ സെമിനാർ ഏറെ പ്രാധാന്യം നിറഞ്ഞതായിരുന്നു .തുടർന്ന് സിവിൽ എക്സൈസ് ഓഫീസർ ലതാ വിൽസൺ ലഹരിവിരുദ്ധ ദിനാചരണത്തിന് ഉദ്ഘാടനം നിർവഹിച്ചു മുഴുവൻ അധ്യാപകരുടെയും സാന്നിധ്യത്തിൽ വിദ്യാർത്ഥികൾക്കായി ലഹരിവിരുദ്ധ ബോധവൽക്കരണ ക്ലാസ് നടന്നു ലഹരി വിരുദ്ധ പ്രതിജ്ഞ ഹെഡ്മാസ്റ്റർ ശ്രീ ജോർജ്ജ് സാർ ചൊല്ലിക്കൊടുത്തു സ്വാഗതം പറഞ്ഞ ചടങ്ങിൽ. ലഹരി വിരുദ്ധ പ്രതിജ്ഞ ഹെഡ്മാസ്റ്റർ ശ്രീ നിയാസ് ചോല സാർ കുട്ടികൾക്കായി ചൊല്ലിക്കൊടുത്തു. പരിപാടിയിൽ ഹാഷിം സാർ നന്ദിയും സീനിയർ അസിസ്റ്റൻറ് ഖാലിദ് സാർ അധ്യക്ഷതയും വഹിച്ചു. ഹൈടെക് ക്ലാസുകളിൽ ലഹരി വിരുദ്ധ ദിനത്തോടനുബന്ധിച്ച് ഡോക്യുമെന്ററി പ്രദർശനം സംഘടിപ്പിച്ചു. യുപി തലത്തിൽ കുട്ടികൾക്കായി സംഘടിപ്പിച്ച കൊളാഷ് മത്സരത്തിൽ മുഴുവൻ ക്ലാസ്സുകളും സജീവമായി പങ്കെടുത്തു. മത്സരത്തിൽ 6c ക്ലാസ് ഒന്നാം സ്ഥാനം കരസ്ഥമാക്കി..
LK-Investiture
2019- 21 ബാച്ചിലേക്ക് തെരഞ്ഞെടുക്കപ്പെട്ട 26 വിദ്യാർഥികൾക്കുള്ള ഐഡി കാർഡ് വിതരണം അൽഫോൻസ് മരിയ എന്ന വിദ്യാർത്ഥിനിക്ക് നൽകി സ്കൂൾ സന്ദർശിച്ച ലോകബാങ്ക് പ്രതിനിധി ശ്രീ മോഹൻദാസ് നിർവഹിച്ചു. ചടങ്ങിൽ ലിറ്റിൽ കൈറ്റ്മാസ്റ്റർ നവാസ് യു സ്വാഗതവും ഹെഡ്മാസ്റ്റർ ശ്രീ നിയാസ് ചോല അധ്യക്ഷതയും വഹിച്ചു. ചടങ്ങിന്റെ ഔദ്യോഗിക ഉദ്ഘാടനം ലോകബാങ്ക് പ്രതിനിധി ശ്രീ സുരേഷ് നിർവഹിച്ചു. കൂടാതെ ജില്ലാ കോ ഓർഡിനേറ്റർ ശ്രീമതി പ്രിയ ജോയിൻറ് SITC ഷാക്കിറ സീനിയർ അസിസ്റ്റൻറ് ഖാലിദ് എം എം, സ്റ്റാഫ് സെക്രട്ടറി മുഹമ്മദ് ഇഖ്ബാൽ എന്നിവർ ആശംസകൾ അർപ്പിച്ചു. ചടങ്ങിൽ ലിറ്റിൽ കൈറ്റ്സ് മിസ്ട്രസ് ശ്രീമതി ശരീഫാ എൻ നന്ദി അർപ്പിച്ചു.
"മീറ്റ് ദ പ്രൊഫഷണൽസ്"
ലിറ്റിൽ കൈറ്റ്സ് വിദ്യാർഥികൾക്കായി ആസൂത്രണം ചെയ്ത് "മീറ്റ് ദപ്രൊഫഷണൽസ്"" എന്ന പ്രോഗ്രാമിന്റെ ഭാഗമായി കോഴിക്കോട് ഐ എ എം പ്രതിനിധികൾ സ്കൂൾ സന്ദർശിച്ചു. പ്രതിനിധികൾ ലിറ്റിൽ കൈറ്റ്സ് കുട്ടികളുമായി സംവദിക്കുകയുംHOW TO BE A PROFESSIONAL എന്ന വിഷയത്തെ ആസ്പദമാക്കി ക്ലാസ് നയിക്കുകയും ചെയ്തു.അഞ്ച് അംഗങ്ങൾ അടങ്ങുന്ന സംഘം ലിറ്റിൽ കൈസ് ക്ലബ്ബിന്റെ മുഴുവൻ പ്രവർത്തനങ്ങൾ വിലയിരുത്തുകയും ആവശ്യമായ നിർദ്ദേശങ്ങൾ നൽകുകയും ചെയ്തു. ഐഐഎം പ്രതിനിധികളുടെ നിർദ്ദേശാനുസരണം കുട്ടികളുടെ ആശയവിനിമയശേഷി വർദ്ധിപ്പിക്കുന്നതിനായി സ്പോക്കൺ ഇംഗ്ലീഷ് ക്ലാസ് ആരംഭിച്ചു.Vaibhav Gauhania [Delhi ,B tech ,1 year experience at Knorr Bresme],Avinash Teja [Rajahmundry, BTech , 2 years experience at McAfee] Surja Samanta [Kolkata ,B.Tech] Vikram Uppala[Hyderabad, B. Tech ,7 months experience at Coresonant systems private limited.] Vineet Kumar [Ranchi,BTech, 5 Yrs. Experience at HPCL] എന്നിവരടങ്ങുന്ന ആയിരുന്നു സംഘം. ഐഐഎം വിദ്യാർത്ഥികളുമായുള്ള ആശയവിനിമയം ലിറ്റിൽ കൈറ്റ്സ് ക്ലബ് അംഗങ്ങളെ പ്രചോദിദരാക്കുന്നതിൽ നിർണായകമായി..
അമ്പിളിമാമന്റെ വീട്ടിൽ
ജൂലൈ 20ന് സയൻസ് ക്ലബ്ബിന്റെ യും ലിറ്റിൽ കൈറ്റ് യൂണിറ്റിന്റെയും സംയുക്താഭിമുഖ്യത്തിൽ അമ്പിളിമാമന്റെ വീട്ടിൽ എന്ന പേരിൽ വിപുലമായ രീതിയിൽ ചാന്ദ്രദിന വാരാചരണം നടത്തി. വാരാചരണത്തിന്റെ ഔദ്യോഗിക ഉദ്ഘാടനം ചാന്ദ്ര ദിന സന്ദേശം നൽകി ഹെഡ്മാസ്റ്റർ നിർവഹിച്ചു.ചടങ്ങിൽ സയൻസ് ക്ലബ് സെക്രട്ടറി ശ്രീ ഹാഷീം കുട്ടി സാർ സ്വാഗതവും സീനിയർ സയൻസ് അധ്യാപിക റുഖിയ ടീച്ചർ ജൂലൈ 21 ന്റെ പ്രത്യേകതകളെക്കുറിച്ചും ചാന്ദ്ര പരിവേഷണ രംഗത്തെ മാനവരാശിയുടെ കുതിച്ചുചാട്ടങ്ങളെ കുറിച്ചും അതിൽ ഇന്ത്യയുടെ സംഭാവനകളെ കുറിച്ചും കുട്ടികൾക്ക് ക്ലാസ് നൽകി.കൂടാതെ ചാന്ദ്ര പര്യവേഷണ രംഗത്തെ സംഭാവനകളെ കുറിച്ചുള്ള ഒരു ഡോക്യുമെൻററി പ്രദർശനവും നടന്നു. ചാന്ദ്രദിന വാരാചരണത്തിന് ഭാഗമായി സ്കൂൾ തലത്തിൽ വിവിധ മത്സരങ്ങൾ നടന്നു . ക്വിസ്, കൊളാഷ്, ചാന്ദ്രദിന സന്ദേശ രചനാമത്സരം, ഉപന്യാസ രചനാ മത്സരം,തുടങ്ങിയ മത്സരങ്ങളിൽ ഒന്ന് രണ്ട് മൂന്ന് സ്ഥാനം കരസ്ഥമാക്കിയരുടെ പേരു വിവരങ്ങൾ താഴെ പറയുന്നു.വിവിധ മത്സരങ്ങളിൽ നേടിയ പോയിന്റു കളുടെ അടിസ്ഥാനത്തിൽ ഓവറോൾ ഒന്നാം സ്ഥാനം VIII B ക്ലാസ്സും രണ്ടാം സ്ഥാനം IX A ക്ലാസ് മൂന്നാം സ്ഥാനം IX B ക്ലാസും കരസ്ഥമാക്കി
| ക്വിസ് | ചാന്ദ്രദിന സന്ദേശ രചനാമത്സരം | ഉപന്യാസരചനാ മത്സരം | കൊളാഷ് | |||||||
|---|---|---|---|---|---|---|---|---|---|---|
| RANK | NAME | CLASS | RANK | NAME | CLASS | RANK | NAME | CLASS | RANK | CLASS |
| 1 | നിബിൽ നിഷാൻ | VIII B | 1 | നാജിയ | IX A | 1 | നാജിയ | IX A | 1 | VIII B |
| 2 | ആജിഷ | VIII B | 2 | അനുഗ്രഹ ജോസ് | IX B | 2 | ഫാത്തിമ ജാസ്മിൻ | IX B | 2 | VIII C |
| 3 | കളത്തിലെ എഴുത്ത് | VIII B | 3 | നിബിൽ നിഷാൻ | VIII B | 3 | അനുഗ്രഹ ജോസ് അൽഫോൻസ് മരിയ |
IX B | 3 | X B |
ക്ലാസ് ലൈബ്രറി
കുട്ടികളുടെ വായനാശീലം വളർത്തുക എന്ന ലക്ഷ്യത്തോടെ അഞ്ചു മുതൽ പത്ത് വരെയുള്ള മുഴുവൻ ക്ലാസുകളിലും ക്ലാസ് ലൈബ്രറി സ്ഥാപിച്ചു . ക്ലാസ്സ് ലൈബ്രറിയുടെ ഔദ്യോഗിക ഉദ്ഘാടനം ഹെഡ്മാസ്റ്റർ ശ്രീ നിയാസ് ചോല സാർ ക്ലാസ് ലൈബ്രറിയിലേക്ക് പുസ്തകങ്ങൾ നൽകിക്കൊണ്ട് നിർവഹിച്ചു . മലയാളം വിഭാഗം സീനിയർ അധ്യാപിക സുഹറ ടീച്ചർ , സീനിയർ അസിസ്റ്റന്റ് ശ്രീ ഖാലിദ് എം , യുപി വിഭാഗം എസ് ആർ ജി കൺവീനർ ശ്രീമതി സിന്ധു എപി എന്നിവർ ചടങ്ങിൽ സംസാരിച്ചു.ക്ലാസ് ലൈബ്രറിയുടെ മേൽനോട്ട ചുമതല അതത് ക്ലാസ് ടീച്ചർക്കും വിദ്യാഭ്യാസ മന്ത്രിക്കും ആണ്. പ്രധാനമായും മലയാളത്തിലെ വിവിധ വിഭാഗങ്ങളിലെ പുസ്തകങ്ങളും, വിവിധ മാഗസിനുകളും മാധ്യമം ദിനപത്രവും ക്ലാസ്സ് ലൈബ്രറിയിൽ ഭ്യമാണ് . ക്ലാസ്സ് ലൈബ്രറി തുടങ്ങുന്നതിന് ആവശ്യമായ പുസ്തകം സ്കൂൾ ലൈബ്രറിയിൽ നിന്നും ലഭ്യമാക്കി. തുടർന്ന് ജന്മദിനത്തിൽ ഒരു പുസ്തകം ക്ലാസ് ലൈബ്രറിയിലേക്ക് പദ്ധതിയിലൂടെ കുട്ടികളിൽ നിന്നും പുസ്തകം ക്ലാസ് ലൈബ്രറിയിലേക്ക് ലഭ്യമാക്കി. വായനാശീലം ഉറപ്പുവരുത്തുക എന്ന ലക്ഷ്യത്തോടെ വിദ്യാരംഗം കലാസാഹിത്യവേദി ക്ലബ്ബിന്റെ ആഭിമുഖ്യത്തിൽ എല്ലാമാസവും വായനാകുറിപ്പ് മത്സരം സംഘടിപ്പിക്കുകയും വിജയികൾക്ക് സമ്മാനങ്ങൾ സമ്മാനങ്ങൾ നൽകുകയും ചെയ്തുവരുന്നു . പുതുതായി തെരഞ്ഞെടുക്കപ്പെട്ട ക്ലാസ് പി ടി എ യുടെ നേതൃത്വത്തിൽ സ്പോൺസർമാരെ കണ്ടെത്തി പ്രവർത്തനങ്ങൾ മെച്ചപ്പെടുത്താനും കൂടുതൽ പുസ്തകങ്ങൾ സംവിധാനിക്കാനുമുള്ള പ്രവർത്തനങ്ങൾ നടന്നുവരുന്നു
പത്തിനൊപ്പം പത്ത് തൊഴിൽ
ഫാത്തിമാബി മെമ്മോറിയൽ ഹയർ സെക്കൻഡറി സ്കൂൾ പത്താം ക്ലാസ് വിദ്യാർത്ഥികൾക്കായി തയ്യാറാക്കിയ പത്തിനൊപ്പം പത്ത് തൊഴിൽ എന്ന പദ്ധതിയുടെ ഔപചാരിക ഉദ്ഘാടനം 2019 ജൂലൈ 20 ശനിയാഴ്ച സ്കൂൾ ഓഡിറ്റോറിയത്തിൽ വെച്ച് ഉദ്ഘാടന കർമ്മം നിർവഹിച്ചു ഹയർസെക്കണ്ടറി പ്രിൻസിപ്പൽ ശ്രീ നാസർ ചെറുവാടി ചടങ്ങ് ഉദ്ഘാടനം ചെയ്തു ശേഷം ഹെഡ്മാസ്റ്റർ നിയാസ് ചോല സാറിന്റെ നേതൃത്വത്തിൽ കുട്ടികൾക്കായി വിവിധ കൈ തൊഴിൽ പരിശീലനങ്ങൾ ആരംഭിച്ചു സോപ്പ് നിർമ്മാണം മെഴുകുതിരി നിർമ്മാണം പേപ്പർ ബാഗ് നിർമ്മാണം പെയിൻറിങ് കരകൗശല വസ്തുക്കളുടെ നിർമ്മാണം എന്നിവ ഇതിൽ പ്രധാനപ്പെട്ട ചില ഇനങ്ങളാണ് ആണ്
ചന്ദ്രയാൻ-2 വിക്ഷേപണം ലൈവ് പ്രദർശനം
സ്കൂളിലെ ലിറ്റിൽ കൈറ്റ് ക്ലബ്ബിന്റെയും സയൻസ് ക്ലബ്ബിന്റെ യും സംയുക്താഭിമുഖ്യത്തിൽ ചന്ദ്രയാൻ 2 വിക്ഷേപണം ലൈവായി പ്രദർശനം നടത്തി. ഏഷ്യാനെറ്റ് ന്യൂസ് ലൈവ് ചാനൽ ഓൺലൈനിലൂടെ പ്രദർശിപ്പിക്കുക ആയിരുന്നു. രാജ്യത്തിന് അഭിമാനകരമായ ചന്ദ്രയാൻ-2 വിക്ഷേപണം വിജയം സ്കൂളിൽ സമുചിതമായി ആഘോഷിച്ചു
പ്ലാസ്റ്റിക് വിമുക്ത കൂമ്പാറ
സ്കൂൾ ഹരിതസേനയുടെ യും ലിറ്റിൽ കൈറ്റ്സ് ക്ലബ്ബിൻറെ യും സംയുക്താഭിമുഖ്യത്തിൽ കൂമ്പാറ മേഖലയെ പ്ലാസ്റ്റിക് വിമുക്ത പ്രദേശം ആക്കി മാറ്റാൻ ഒരു ക്യാംപെയിൻ നടത്തി .ഇതിൻറെ ഭാഗമായി പ്രദേശത്തെ മുഴുവൻ വീടുകളിലും വിദ്യാർഥികൾ കയറുകയും ബോധവൽക്കരണ പ്രവർത്തനങ്ങൾ നടത്തുകയും ചെയ്തു. പ്ലാസ്റ്റിക് നിർമ്മാർജ്ജനത്തൻറെ പ്രാരംഭ ഘട്ടം എന്ന നിലയിൽ ഓരോ വീടുകളിലും ഓരോ പേപ്പർ ബാഗ് വീതം വിതരണം ചെയ്തു കൂടാതെ വീടുകളിൽ നിന്നും പ്ലാസ്റ്റിക് കവറുകൾ കളക്ട് ചെയ്തു മാസത്തിലൊരിക്കൽ പഞ്ചായത്ത് സംസ്കരണ സമിതിക്ക് കൈമാറാനുള്ള പ്രാരംഭ നടപടികൾ ആരംഭിക്കുകയും ചെയ്തു . ചടങ്ങിൽ ഇൽ ഹെഡ്മാസ്റ്റർ നിയാസ് ചോല സർ നേതൃത്വം നൽകി.