ഫാറൂഖ് എച്ച്. എസ്സ്. എസ്സ്. ഫാറൂഖ് കോളെജ്.
| ഫാറൂഖ് എച്ച്. എസ്സ്. എസ്സ്. ഫാറൂഖ് കോളെജ്. | |
|---|---|
| വിലാസം | |
ഫാറൂഖ് കോളേജ് കോഴിക്കോട് ജില്ല | |
| സ്ഥാപിതം | 01 - 06 - |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കോഴിക്കോട് |
| വിദ്യാഭ്യാസ ജില്ല | കോഴിക്കോട് |
| സ്കൂൾ ഭരണ വിഭാഗം | |
| മാദ്ധ്യമം | മലയാളം , ഇംഗ്ലീഷ് |
| അവസാനം തിരുത്തിയത് | |
| 18-04-2017 | Aysha Rehna |
കോഴിക്കോട് ജില്ലയിലെ ഫാറൂഖ് കോളേജ് കാമ്പസില്‍ സ്ഥിതി ചെയ്യുന്ന ഒരു എയ്ഡഡ് വിദ്യാലയമാണ് ഫാറൂഖ് ഹയര്‍ സെക്കന്ററി സ്കൂള്.
ചരിത്രം
1942-ല്‍ സ്ഥാപിതമായ റൗളത്തുല്‍ ഉലൂം അസോസിയേഷനു കീഴിലെ ഫാറൂഖ് കോളേജിന്റെ പിന്‍മുറയില്‍ സ്ഥാപിതമായ സ്കൂള് ആണ് ഫാറൂഖ് ഹയര്‍ സെക്കണ്ടറി സ്കൂള്. അറബി ഭാഷാപഠനത്തിന് പ്രാധാന്യം നല്‍കി 1954-ല്‍ സ്ഥാപിതമായ ഫാറൂഖ് ഓറിയന്റല്‍ സ്കൂള് ആണ് 1957-ല്‍ കേരളാ പൊതുവിദ്യാഭ്യാസ വകുപ്പു മന്ത്രിയായിരുന്ന പ്രൊഫ. ജോസഫ് മുണ്ടശ്ശേരിയുടെ സ്പെഷല്‍ ഓഡര്‍ പ്രകാരം ഫാറൂഖ് ഹൈസ്കൂള്‍ ആയും, 1998-ല്‍ ഹയര്‍ സെക്കണ്ടറി വിഭാഗം ആരംഭിച്ചത് മൂലം ഫാറൂഖ് ഹയര്‍ സെക്കണ്ടറി സ്കൂള് ആയും മാറിയത്. പരിസരപ്രദേശത്തെ കൂടുതല്‍ വിദ്യാര്‍ത്ഥികള്‍ക്ക് പഠന സൗകര്യം ലഭ്യമാക്കാന്‍ 2005 ല്‍ ഹയര്‍ സെക്കണ്ടറിയില്‍ അണ്‍ എയ്ഡഡ് വിഭാഗവും ആരംഭിച്ചു.
വള൪ച്ചയുടെ പടവുകള്‍
1954 : ഓറിയന്റല്‍ സ്കൂള്
1957 : ഫാറൂഖ് ഹൈസ്കൂള്‍
1998 : ഫാറൂഖ് ഹയര്‍ സെക്കണ്ടറി സ്കൂള്
2005 : അണ്‍ എയ്ഡഡ് വിഭാഗം
2012 : ഗോള്‍ഡന്‍ ജൂബിലി ബില്‍ഡിംങ്
ദാര്‍ശനികനും ചിന്തകനുമായിരുന്ന മൗലാനാ അബുസ്സബാഹ് അഹമ്മദലി സാഹിബാണ് കേമ്പസിലെ മറ്റു സ്ഥാപനങ്ങള്‍ക്കൊപ്പം ഈ സ്കൂളിനും തുടക്കം കുറിച്ചത്.
മൗലാനാ അബുസ്സബാഹ് അഹമ്മദലി സാഹിബ്
ന്യൂനപക്ഷ വിഭാഗങ്ങള്‍ക്ക് വിദ്യാഭ്യാസം ലഭ്യമല്ലാതിരുന്ന കാലഘട്ടത്തില്‍ തുടങ്ങിയ ഈ സ്ഥാപനം ആ വിഭാഗങ്ങളുടെ വിദ്യാഭ്യാസപുരോഗതിയില്‍ നിര്‍ണ്ണായക പങ്കുവഹിച്ചിട്ടുണ്ട്. സാധാരണ വിദ്യാലയങ്ങള്‍ക്കില്ലാത്ത പലവിധ സവിശേഷതകളോട് കൂടിയ സ്ഥാപനമാണ് ഫാറൂഖ് ഹയര്‍ സെക്കണ്ടറി സ്കൂള്. ഉന്നത വിദ്യാഭ്യാസ സ്ഥാപനങ്ങളുടെ സാന്നിദ്ധ്യമുള്ള പശ്ചാത്തലമാണ് ഒന്നാമത്തെ സവിശേഷത. പതിനൊന്നില്‍ അധികം ഉന്നത വിദ്യാഭ്യാസ സ്ഥാപനങ്ങള്‍ കേമ്പസില്‍ പ്രവര്‍ത്തിക്കുന്നുണ്ട്. ഉയര്‍ച്ചയിലേക്കുള്ള പടവുകള്‍ കണ്‍മുന്നില്‍ കണ്ടുകൊണ്ട് പഠനം നടത്താന്‍ അത് വിദ്യാര്‍ത്ഥികള്‍ക്ക് അവസരം നല്കുന്നു. ദൂരദേശങ്ങളില്‍നിന്നുള്ള വിദ്യാര്‍ത്ഥികള്‍ക്ക് റസിഡന്‍ഷ്യല്‍ സൗകര്യം സ്കൂളിന്റെ ആരംഭകാലം മുതല്‍തന്നെ നല്‍കുന്നുവെന്നതാണ് മറ്റൊരു സവിശേഷത. വിവിധ പ്രദേശങ്ങളില്‍ നിന്നും വരുന്ന വിദ്യാര്‍ത്ഥികള്‍ക്ക് നല്ലൊരു വിദ്യാര്‍ത്ഥിജീവിതം നയിക്കാനുള്ള എല്ലാ സൗകര്യങ്ങളും രാജാ ഹോസ്റ്റലില്‍ ഉണ്ട്.
ഔദ്യോഗികവിവരങ്ങള്‍
യു.പി., ഹൈസ്കൂള്‍, ഹയര്‍സെക്കണ്ടറി (എയ്ഡഡ്, അണ്‍ എയ്ഡഡ്) വിഭാഗങ്ങളിലായി 3137 കുട്ടികള്‍ ഇവിടെ പഠനം നടത്തുന്നുണ്ട്. നൂറ്റിരണ്ട് അദ്ധ്യാപകരും പതിമൂന്ന് അനദ്ധ്യാപരും ഈ സ്ഥാപനത്തില്‍ പ്രവര്‍ത്തിക്കുന്നു. യു.പി., ഹൈസ്കൂള്‍ വിഭാഗങ്ങളില്‍ ഇംഗ്ലീഷ് മീഡിയം ക്ലാസ്സുകളും മലയാളം മീഡിയം ക്ലാസ്സുകളും ഉണ്ട്. ഹയ൪സെക്കണ്ടറി വിഭാഗത്തില്‍ വ്യത്യസ്ഥ കോമ്പിനേഷനിലായി 6 സയന്‍സ് ബാച്ചും ( 4 എയ്ഡഡ് ബാച്ച് + 2 അണ്‍ എയ്ഡഡ് ബാച്ച് ) 4 കൊമേഴ്സ് ബാച്ചും ( 3 എയ്ഡഡ് ബാച്ച് + 1 അണ്‍ എയ്ഡഡ് ബാച്ച് ) 2 ഹ്യുമാനിറ്റീസ് ബാച്ചും ( 1 എയ്ഡഡ്+ 1 അണ്‍ എയ്ഡഡ് ബാച്ച് ) ഉണ്ട്. കൊമേഴ്സില്‍ എയ്ഡഡ് ബാച്ചില്‍ കൊമേഴ്സ് വിത്ത് കംപ്യൂട്ടര്‍ അപ്ലിക്കേഷന്‍, കൊമേഴ്സ് വിത്ത് പൊളിറ്റിക്കല്‍ സയന്‍സ്, കൊമേഴ്സ് വിത്ത് മാത്തമാറ്റിക്സ് എന്നീ കോമ്പിനേഷനുകളാണുള്ളത്. അഞ്ച് മുതല്‍ പത്തുവരെ ക്ലാസുകള്‍ക്ക് 3 കെട്ടിടങ്ങളിലായി 41 ക്ലാസ് മുറികളും ഹയര്‍ സെക്കണ്ടറിക്ക് രണ്ടു കെട്ടിടങ്ങളിലായി 35ക്ലാസ് മുറികളുമാണുള്ളത്.
സ്കൂളിന്റെ പ്രത്യേക മേന്മകള്‍
സാധാരണ വിദ്യാലയങ്ങള്‍ക്കില്ലാത്ത പലവിധ സവിശേഷതകളോട് കൂടിയ സ്ഥാപനമാണ് ഫാറൂഖ് ഹയര്‍ സെക്കണ്ടറി സ്കൂള്.
- ഉന്നത വിദ്യാഭ്യാസ സ്ഥാപനങ്ങളുടെ സാന്നിദ്ധ്യമുള്ള പശ്ചാത്തലമാണ് ഒന്നാമത്തെ സവിശേഷത. ഉയര്‍ച്ചയിലേക്കുള്ള പടവുകള്‍ കണ്‍മുന്നില്‍ കണ്ടുകൊണ്ട് പഠനം നടത്താന്‍ അത് വിദ്യാര്‍ത്ഥികള്‍ക്ക് അവസരം നല്കുന്നു.
- ദൂരദേശങ്ങളില്‍നിന്നുള്ള വിദ്യാര്‍ത്ഥികള്‍ക്ക് റസിഡന്‍ഷ്യല്‍ സൗകര്യം സ്കൂളിന്റെ ആരംഭകാലം മുതല്‍തന്നെ നല്‍കുന്നുവെന്നതാണ് മറ്റൊരു സവിശേഷത.
- കോഴിക്കോട് ആസ്ഥാനമാക്കി പ്രവര്‍ത്തിക്കുന്ന സ്പോര്‍ട്സ് ആന്റ് എഡ്യുകേഷന്‍ പ്രമോഷന്‍ ട്രസ്റ്റ് (സെപ്റ്റ്) എന്ന ഫുട്ബോള്‍ നഴ്സറിയുടെ എലൈറ്റ് സെന്റര്‍ ആണ് നമ്മുടെ സ്കൂള്.
- കേരളത്തിലെ വിവിധ ജില്ലകളില്‍ നിന്നും ഫുട്ബോളില്‍ ടാലന്‍റ്റഡ് ആയിട്ടുള്ള കുട്ടികളെ തെരഞ്ഞെടുത്ത് സെപ്റ്റ് (സ്പോര്‍ട്സ് ആന്റ് എഡ്യുകേഷന്‍ പ്രമോഷന്‍ ട്രസ്റ്റ് ) ന്റെ നേതൃത്വത്തില്‍ അവര്‍ക്ക് ഫുട്ബോളില്‍ സ്പെഷല്‍ കോച്ചിംഗ് നല്‍കി വരുന്നു.
- 6 ഏക്കറില്‍ 5000 പേര്‍ക്ക് ഇരിക്കാവുന്ന ഗാലറിയോടുകൂടിയ അതിവിശാലമായ പുല്‍ത്തകിടി വച്ചുപിടിപ്പിച്ച കളിസ്ഥലവും അതിനോടനുബന്ധിച്ച് സ്പോര്‍ട്സ് താരങ്ങള്‍ക്ക് ബാത്ത്റൂം സൗകര്യത്തോടുകൂടിയ വസ്ത്രം മാറാനുള്ള കെട്ടിടവും നമ്മുടെ സ്കൂളിന് സ്വന്തമായുണ്ട്.
- ഫാറൂഖ് കോളേജ് ഓള്‍ഡ് സ്റ്റുഡന്റ്സ് അസ്സോസിയേഷന്‍ ദുബായ് ചാപ്റ്ററും പ്രാദേശിക യൂണിറ്റും മലബാറിലെ വിവിധ ജില്ലകളില്‍ നിന്ന് തിരഞ്ഞെടുക്കപ്പെട്ട കുട്ടികള്‍ക്ക് പൂര്‍ണമായും സൗജന്യമായി റസിഡന്‍ഷ്യല്‍ സൗകര്യത്തോടെ ഉന്നതവിദ്യാഭ്യാസ മേഖലയിലേക്കുള്ള സ്പെഷല്‍ കോച്ചിംഗ് നല്‍കിവരുന്നു.
- നിര്‍ധനരായ കുട്ടികളെ സഹായിക്കുന്നതിനായി ഫാറൂഖ് എഡ്യൂകെയര്‍ എന്ന ചാരിറ്റി സംരംഭം.
- കുട്ടികള്‍ക്ക് ടൈലറിങ്ങില്‍ പരിശീലനം നല്‍കാനായി സ്കൂള് ടൈലറിങ് യൂണിറ്റ്.
- 500ല്‍ അധികം പേര്‍ക്കിരിക്കാവുന്ന അതിവിശാലമായ ഓഡിറ്റോറിയം.
- 300ല്‍ അധികം പേര്‍ ഉള്‍ക്കൊള്ളുന്ന സെമിനാര്‍ ഹാള്‍, മള്‍ട്ടിമീഡിയ റൂം.
- വിദ്യാലയത്തിന്റെ കോംപൗണ്ടിനുള്ളില്‍ തന്നെ പ്രവര്‍ത്തിക്കുന്ന സ്കൂള് കാന്റീന്‍.
- കുട്ടികള്‍ക്കാവശ്യമായ പഠനസാമഗ്രികള്‍ മിതമായ നിരക്കില്‍ നല്‍കി വരുന്ന കോ-ഓപ്പറേറ്റീവ് സൊസൈറ്റി.
- ഹയര്‍ സെക്കണ്ടറി-എയ്ഡഡ്, അണ്‍ എയ്ഡഡ് വിഭാഗങ്ങള്‍.
- ഹൈസ്കൂള്‍, യു.പി.വിഭാഗങ്ങളില്‍ ഇംഗ്ലീഷ് മീഡിയം മലയാളം മീഡിയം ക്ലാസ്സുകള്‍.
- യു. എസ്. എസ് പരീക്ഷയ്ക്ക് പ്രത്യേകപരിശീലനം
- ഹൈസ്കൂള്‍, യു. പി. വിഭാഗങ്ങളിലെ പിന്നാക്കക്കാര്‍ക്കും മുന്നാക്കക്കാര്‍ക്കും പാഠ്യ-പാഠ്യേതര മേഖലകളില്‍ പ്രത്യേക പരിശീലനപരിപാടികള്‍.
- കലാ കായിക ശാസ്ത്രമേളകളില്‍ സംസ്ഥാന, ജില്ല, സബ്ജില്ലാ തലങ്ങളില്‍ മികച്ച പ്രകടനം.
- ശിശുസൗഹൃദ- പരിസ്ഥിതിസൗഹൃദ വിദ്യാലയാന്തരീക്ഷം.
ഭൗതികസൗകര്യങ്ങള്‍
ഇന്ന് സ്കൂളിന് മെച്ചപ്പെട്ട ഭൗതിക സൗകര്യം ലഭ്യമാണ്. പൂര്‍വ്വവിദ്യാര്‍ത്ഥികളാണ് നമ്മുടെ സ്കൂളിന്റെ നെടുംതൂണ്‍. പൂര്‍വ്വവിദ്യാര്‍ത്ഥികളുടെ സഹായത്തോടെ പൂര്‍ത്തിയായ ഒന്നേമുക്കാല്‍ കോടി രൂപയുടെ ചെലവില്‍ മുന്‍ മാനേജര്‍ കെ.സി ഹസ്സന്‍കുട്ടി സാഹിബിന്റെ സ്മരണാര്‍ത്ഥം നിര്‍മ്മിച്ച ബഹുനില കെട്ടിടം, മുന്‍ ഹെഡ്മാസ്റ്റര്‍ പി.എ. ലത്തീഫ് മാസ്റ്ററുടെ നാമധേയത്തില്‍ സമര്‍പ്പിച്ച അതിവിശാലമായ ഓഡിറ്റോറിയം ഉള്‍ക്കൊള്ളുന്നതാണ്. ബഹുനില കെട്ടിടത്തോടൊപ്പം പുരാതനവും പ്രൗ‍ഢവുമായ മറ്റു കെട്ടിടങ്ങളും ഇന്നും തലയെടുപ്പോടെ നില്‍ക്കുന്നു.
ഹയര്‍ സെക്കണ്ടറി വിഭാഗം
പൂര്‍വ്വവിദ്യാര്‍ത്ഥികള്‍ നിര്‍മ്മിച്ചുനല്‍കിയ 500ല്‍ അധികം പേര്‍ക്കിരിക്കാവുന്ന അതിവിശാലമായ ഓഡിറ്റോറിയം, സെമിനാര്‍ ഹാള്‍, സ്മാര്‍ട്ട് റൂം, കമ്പ്യൂട്ടര്‍ ലാബ്, സയന്‍സ് ലാബ്, റീഡിംഗ് റൂമോടു കൂടിയ എണ്ണായിരത്തോളം വൈവിധ്യമാർന്ന പുസ്തകങ്ങൾ ഉള്ള ലൈബ്രറി, ലാംഗ്വേജ് റൂം, സ്പോര്‍ട്സ് റൂം, പ്രത്യേകം സജ്ജമാക്കിയ അടുക്കള, കുട്ടികള്‍ക്കാവശ്യമായ പഠനസാമഗ്രികള്‍ മിതമായ നിരക്കില്‍ നല്‍കുന്ന കോ-ഓപ്പറേറ്റീവ് സൊസൈറ്റി, നിര്‍ധനരായ കുട്ടികളെ സഹായിക്കുന്നതിനായി ഫാറൂഖ് എഡ്യൂകെയര്‍ എന്ന ചാരിറ്റി സംരംഭം, ഫാറൂഖ് എഡ്യൂകെയറിന് കീഴില്‍ പ്രവര്‍ത്തിക്കുന്ന സ്കൂള് ടൈലറിങ് യൂണിറ്റ്, അതിവിശാലമായ ഒരു സ്റ്റേജ്, വിദ്യാലയത്തിന്റെ കോംപൗണ്ടിനുള്ളില്‍ തന്നെ പ്രവര്‍ത്തിക്കുന്ന സ്കൂള് കാന്റീന്‍, വളരെ ശക്തമായ പി. ടി. എ, എം. പി. ടി. എ തുടങ്ങിയ ആധുനിക സൗകര്യങ്ങളെല്ലാം ഇന്ന് ഈ വിദ്യാലയത്തില്‍ ലഭ്യമാക്കിയിട്ടുണ്ട്.
ഹൈസ്കൂള്‍വിഭാഗം
സ്കൂളിന്റെ ആരംഭകാലം മുതല്‍ തന്നെ ചിട്ടയായ ജിവിതവും പഠനവും പരിശീലിപ്പിക്കുന്ന ബോര്‍ഡിങ് സൗകര്യം ഉണ്ടായിരുന്നുവെങ്കിലും 1965 ല്‍ രാജാ ഹോസ്റ്റല്‍ സ്ഥാപിതമായതോടെയാണ് ഹോസ്റ്റല്‍ സംവിധാനത്തിന് പൂര്‍ണ്ണത കൈവന്നത്.
കലാ-കായികരംഗങ്ങളില്‍ അഭിമാനകരമായ നേട്ടങ്ങള്‍ കൈവരിക്കാന്‍ കഴിഞ്ഞിട്ടള്ള നമ്മുടെ സ്കൂളിന് 6 ഏക്കറില്‍ 5000 പേര്‍ക്ക് ഇരിക്കാവുന്ന ഗാലറിയോടുകൂടിയ അതിവിശാലമായ പുല്‍ത്തകിടി വച്ചുപിടിപ്പിച്ച കളിസ്ഥലവും അതിനോടനുബന്ധിച്ച് സ്പോര്‍ട്സ് താരങ്ങള്‍ക്ക് ബാത്ത്റൂം സൗകര്യത്തോടുകൂടിയ വസ്ത്രം മാറാനുള്ള കെട്ടിടവും നമ്മുടെ സ്കൂളിന് സ്വന്തമായുണ്ട് കോഴിക്കോട് ആസ്ഥാനമാക്കി പ്രവര്‍ത്തിക്കുന്ന സ്പോര്‍ട്സ് ആന്റ് എഡ്യുകേഷന്‍ പ്രമോഷന്‍ ട്രസ്റ്റ് (സെപ്റ്റ്) എന്ന ഫുട്ബോള്‍ നഴ്സറിയുടെ എലൈറ്റ് സെന്റര്‍ ആണ് ഫാറൂഖ് ഹയര്‍ സെക്കണ്ടറി സ്കൂള്. കേരളത്തിലെ വിവിധ ജില്ലകളിലെ സെപ്റ്റ് സെന്ററുകളില്‍നിന്ന് തിരഞ്ഞെടുക്കപ്പെട്ട മുപ്പതോളം ഫുട്ബോള്‍ താരങ്ങള്‍ ഈ സ്കൂളിന്റെ ഹോസ്റ്റലില്‍ താമസിച്ച് പഠിക്കുകയും ഫുട്ബോള്‍ പരിശീലനം നേടുകയും ചെയ്യുന്നു..
അമേരിക്കയിലെ ഫ്ളോറിഡ ഐ.എം.ജി ഫുട്ബോള്‍ അക്കാദമിയിലേക്ക് ഒരു വര്‍ഷത്തെ ഫുട്ബോള്‍ പരിശീലനത്തിനായി കേരളത്തില്‍ നിന്നു തിരഞ്ഞെടുക്കപ്പെട്ട ഹനാന്‍ ജാവേദ്, ആനിസ്, മുംബൈയിലെ ടാറ്റ ഫുട്ബോള്‍ അക്കാദമിയിലേക്ക് തിരഞ്ഞെടുക്കപ്പെട്ട ആസില്‍, ഇംഗ്ലണ്ടിലെ ആഴ്സണലില്‍ ഇന്ത്യയെ പ്രതിനിധീകരിച്ച ഏക മലയാളി ജംഷാദ്, അണ്ടര്‍ 17 ഇന്ത്യന്‍ കേമ്പിലേക്ക് തിരഞ്ഞെടുക്കപ്പെട്ട ആറു വിദ്യാര്‍ഥികള്‍ , കൂടാതെ കേരള സംസ്ഥാന ഫുട്ബോള്‍ ടീമില്‍ കളിച്ചിട്ടുള്ള നിരവധി കുട്ടികളും ഫാറൂഖ് ഹയര്‍ സെക്കണ്ടറി സ്കൂളിലെ സെപ്റ്റ് സെന്ററിലൂടെ വളര്‍ന്നുവന്നവരാണ്.
സ്പോട്സ് രംഗത്തെ സമീപകാല മികവുകളില്‍ ചിലത്
ദേശീയതലം
യു. എന്‍. @ 70 കപ്പ് 2015 ല്‍ നേടി
2015 ല്‍ ഡല്‍ഹിയില്‍ നടന്ന ദേശീയ സുബ്രതോകപ്പ് ഫുട്ബോളില്‍ അണ്ടര്‍ 14 ടീം കേരളത്തെ പ്രധിനിധീകരിച്ച് പങ്കെടുത്തു.
2016 ല്‍ ഡല്‍ഹിയില്‍ നടന്ന ദേശീയ സുബ്രതോകപ്പ് ഫുട്ബോളില്‍ അണ്ടര്‍ 17 ടീം കേരളത്തെ പ്രധിനിധീകരിച്ച് പങ്കെടുത്തു.
2017 ല്‍ ബാംഗ്ലൂരില്‍ നടന്ന പരിക്രമ ചാമ്പ്യന്‍സ് ലീഗില്‍ ചാമ്പ്യന്‍മാരായി. നമ്മുടെ സ്കൂളിലെ മുഹമമദ് ഇനായത്തിനെ ഈ വര്‍ഷത്തെ കേരളത്തിലെ മികച്ച കളിക്കാരനായി തെരഞ്ഞെടുത്തു. പരിക്രമ ചാമ്പ്യന്‍സ് ലീഗ് നാലു വര്‍ഷം ഫൈനലില്‍ കളിക്കുകയും രണ്ടു വര്‍ഷം തുടര്‍ച്ചയായി ചാമ്പ്യന്‍ഷിപ്പ് നേടുകയും ചെയ്തു. .
ഈ വര്‍ഷത്തെ ജൂനിയര്‍ വിഭാഗം സംസ്ഥാന ചെസ്സ് മത്സരത്തില്‍ നമ്മുടെ സ്കൂളിലെ ഷേര്‍ഷാ ബക്കര്‍ എന്ന കുട്ടി സംസ്ഥാനത്ത് ഒന്നാം സ്ഥാനം നേടി ഹൈദരാബാദില്‍ നടന്ന നാഷണല്‍ മത്സരത്തില്‍ കേരളത്തെ പ്രധിനിധീകരിച്ച് പങ്കെടുത്തു.
സംസ്ഥാനതലത്തില്‍
ഇരിങ്ങാലക്കുട ഫാദര്‍ ഗബ്രിയേല്‍ കപ്പ് തുടര്‍ച്ചയായി രണ്ടുവട്ടം റണ്ണര്‍അപ്പ് ആയി
ടീം അംഗങ്ങളില്‍ പലരും ദേശീയ, സംസ്ഥാന ടീമുകളിലേക്ക് തിരഞ്ഞെടുക്കപ്പെട്ടു
സെപ്റ്റ് സെന്റര്‍
കോഴിക്കോട് ആസ്ഥാനമാക്കി പ്രവര്‍ത്തിക്കുന്ന സ്പോര്‍ട്സ് ആന്റ് എഡ്യുകേഷന്‍ പ്രമോഷന്‍ ട്രസ്റ്റ് (സെപ്റ്റ്) എന്ന ഫുട്ബോള്‍ നഴ്സറിയുടെ എലൈറ്റ് സെന്റര്‍ ആണ് ഫാറൂഖ് ഹയര്‍ സെക്കണ്ടറി സ്കൂള്. കേരളത്തിലെ വിവിധ ജില്ലകളിലെ സെപ്റ്റ് സെന്ററുകളില്‍നിന്ന് തിരഞ്ഞെടുക്കപ്പെട്ട മുപ്പതോളം ഫുട്ബോള്‍ താരങ്ങള്‍ ഈ സ്കൂളിന്റെ ഹോസ്റ്റലില്‍ താമസിച്ച് പഠിക്കുകയും ഫുട്ബോള്‍ പരിശീലനം നേടുകയും ചെയ്യുന്നു. അമേരിക്കയിലെ ഫ്ളോറിഡ ഐ.എം.ജി ഫുട്ബോള്‍ അക്കാദമിയിലേക്ക് ഒരു വര്‍ഷത്തെ ഫുട്ബോള്‍ പരിശീലനത്തിനായി കേരളത്തില്‍ നിന്നു തിരഞ്ഞെടുക്കപ്പെട്ട ഹനാന്‍ ജാവേദ്, ആനിസ്, മുംബൈയിലെ ടാറ്റ ഫുട്ബോള്‍ അക്കാദമിയിലേക്ക് തിരഞ്ഞെടുക്കപ്പെട്ട ആസില്‍, ഇംഗ്ലണ്ടിലെ ആഴ്സണലില്‍ ഇന്ത്യയെ പ്രതിനിധീകരിച്ച ഏക മലയാളി ജംഷാദ്, അണ്ടര്‍ 17 ഇന്ത്യന്‍ കേമ്പിലേക്ക് തിരഞ്ഞെടുക്കപ്പെട്ട ആറു വിദ്യാര്‍ഥികള്‍ , കൂടാതെ കേരള സംസ്ഥാന ഫുട്ബോള്‍ ടീമില്‍ കളിച്ചിട്ടുള്ള നിരവധി കുട്ടികളും ഫാറൂഖ് ഹയര്‍ സെക്കണ്ടറി സ്കൂളിലെ സെപ്റ്റ് സെന്ററിലൂടെ വളര്‍ന്നുവന്നവരാണ്.
രാജാ ഹോസ്റ്റല്‍ : നാനാത്വത്തിന്റെ മേളനതീരം
രാജാ ഹോസ്റ്റല്‍
വടക്ക് കാസര്‍ഗോഡ് മുതല്‍ തെക്ക് തിരുവനന്തപുരം വരെ വ്യാപിച്ചു കിടക്കുന്ന കേരള മണ്ണിന്റെ മേളന സ്ഥലമാണ് രാജാ ഹോസ്റ്റല്‍. ദൂരദേശങ്ങളില്‍നിന്നുള്ള വിദ്യാര്‍ത്ഥികള്‍ക്ക് റസിഡന്‍ഷ്യല്‍ സൗകര്യം നല്‍കുന്നതിനുവേണ്ടി 1965 ല്‍ ആരംഭിച്ചതാണ് രാജാ ഹോസ്റ്റല്‍. വിവിധ പ്രദേശങ്ങളില്‍ നിന്നും വരുന്ന വിദ്യാര്‍ത്ഥികള്‍ക്ക് നല്ലൊരു വിദ്യാര്‍ത്ഥിജീവിതം നയിക്കാനുള്ള എല്ലാ സൗകര്യങ്ങളും ഇവിടെയുണ്ട്. 3 വിഭാഗം കുട്ടികളാണ് രാജാ ഹോസ്റ്റലില്‍ ഉള്ളത്.
1. ഫാറൂഖ് കോളേജ് ഓള്‍ഡ് സ്റ്റുഡന്റ്സ് അസ്സോസിയേഷന്‍ ദുബായ് ചാപ്റ്ററിന്റെ ആഭിമുഖ്യത്തില്‍ മലബാറിലെ വിവിധ ജില്ലകളില്‍ നിന്ന് തിരഞ്ഞെടുക്കപ്പെട്ട കുട്ടികള്‍. ഇവര്‍ക്ക് പൂര്‍ണമായും ഭക്ഷണം, താമസം, വിദ്യാഭ്യാസം തുടങ്ങിയവ സൗജന്യമാണ്. സാധാരണ സ്കൂളില്‍ നിന്നും വ്യത്യസ്ഥമായി കുട്ടികളുടെ വ്യക്തിത്വ വികസനവും അക്കാദമിക മികവും ലക്ഷ്യമാക്കി ഫാറൂഖ് കോളേജ് ഓള്‍ഡ് സ്റ്റുഡന്റ്സ് അസ്സോസിയേഷന്‍ ദുബായ് ചാപ്റ്ററും പ്രാദേശിക യൂണിറ്റും ഇവര്‍ക്ക് എെ. എ. എസ്സ്, എെ. പി. എസ്സ്. തുടങ്ങിയ ഉന്നതവിദ്യാഭ്യാസ മേഖലയിലേക്കുള്ള സ്പെഷല്‍ കോച്ചിംഗ് പ്രത്യേകം പ്രത്യേകം ഹോസ്റ്റലില്‍ നല്‍കിവരുന്നു.
2. കേരളത്തിലെ വിവിധ ജില്ലകളില്‍ നിന്നും ഫുട്ബോളില്‍ ടാലന്‍റ്റഡ് ആയിട്ടുള്ള കുട്ടികളെ തെരഞ്ഞെടുത്ത് സെപ്റ്റ് (സ്പോര്‍ട്സ് ആന്റ് എഡ്യുകേഷന്‍ പ്രമോഷന്‍ ട്രസ്റ്റ് ) ന്റെ നേതൃത്വത്തില്‍ ഇവര്‍ക്ക് ഫുട്ബോളില്‍ സ്പെഷല്‍ കോച്ചിംഗ് നല്‍കിവരുന്നു. ഇവര്‍ അന്തര്‍ദേശീയ - ദേശീയ – സംസ്ഥാനതലത്തില്‍ ഉന്നത നിലവാരം പുലര്‍ത്തിവരുന്നു.
3. കേരളത്തിന്റെ വിവിധ ജില്ലകളില്‍ നിന്നും താമസസൗകര്യത്തോടെ പഠനത്തിന് വരുന്ന സാധാരണക്കാരായുള്ള കുട്ടികള്‍.
മുകളില്‍ പറഞ്ഞ മൂന്ന് വിഭാഗങ്ങളിലുമായി 90ഓളം കുട്ടികള്‍ ഇപ്പോള്‍ ഹോസ്റ്റലിലുണ്ട്. ഇതില്‍ 10 കുട്ടികള്‍ക്ക് തിരുവനന്തപുരത്തെ സായ് (സ്പോര്‍ട്സ് അതോറിറ്റി ഓഫ് ഇന്ത്യ) യിലേക്ക് ഈ വര്‍ഷം സെലക്ഷന്‍ ലഭിച്ചു. വ്യത്യസ്ഥ ഭാഷകളും ആചാരങ്ങളുമായി വ്യത്യസ്ഥ ജില്ലകളില്‍ നിന്നെത്തിയ വിദ്യാര്‍ത്ഥികള്‍ സ്വരചേര്‍ച്ചയില്‍ കഴിയുന്നു എന്നത് രാജാ ഹോസ്റ്റലിന്റെ പുണ്യം തന്നെ.
എഡ്യൂകെയര്‍
നിര്‍ധനരായ കുട്ടികളെ സഹായിക്കുന്നതിനായി ഫാറൂഖ് എഡ്യൂകെയര്‍ എന്ന സംരംഭം സ്കൂളില്‍ പ്രവര്‍ത്തിച്ചു വരുന്നു. മാനേജ്മെന്റ്, അദ്ധ്യാപകര്‍, പൂര്‍വ്വവിദ്യാര്‍ഥികള്‍, രക്ഷിതാക്കള്‍ എന്നിവരില്‍ നിന്ന് സമാഹരിക്കുന്ന ഈ ഫണ്ട് ഉപയോഗിച്ച് സ്കൂളില്‍ പഠനം നടത്തുന്ന, പ്രയാസമനുഭവിക്കുന്ന കുട്ടികള്‍ക്കും, അവരുടെ കുടുംബത്തിനും സ്കൂളിന്റെ പരിസരവാസികള്‍ക്കും ചികില്‍സാ സഹായവും മറ്റു സഹായങ്ങളും നല്‍കി വരുന്നു.
വൈദ്യുതി എത്താത്ത പരിസരപ്രദേശത്തെ 25 വീടുകളില്‍ വൈദ്യുതി എത്തിച്ചു നല്‍കിയത് ഫാറൂഖ് എഡ്യൂകെയര്‍ ചെയ്ത എടുത്തുപറയാവുന്ന പ്രവൃത്തിയാണ്. പഠന സ്കോളര്‍ഷിപ്പും ഫ്രീ ഹോസ്റ്റല്‍ സൗകര്യവും കുട്ടികള്‍ക്ക് ഫാറൂഖ് എഡ്യൂകെയറിന് കീഴില്‍ നല്‍കിവരുന്നുണ്ട്.
ഫാറൂഖ് എഡ്യൂകെയറിന് കീഴില്‍ തന്നെയാണ് സ്കൂള് ടൈലറിങ്ങ് യൂണിറ്റ് പ്രവര്‍ത്തിക്കുന്നത്. ഇത് കുട്ടികള്‍ക്ക് ഭാവിയില്‍ തൊഴിലായി സ്വീകരിക്കാനുതകുന്ന വിധത്തില്‍ തയ്യല്‍ പരിശീലനം നല്‍കിവരുന്നു. ഇതിനാവശ്യമായ 10 തയ്യല്‍ മെഷീന്, ലോക്ക് മെഷീന്, ആവശ്യമായ മറ്റു സാമഗ്രികള്‍ എന്നിവ സ്കൂളിന്റെ ഒരു പൂര്‍വ്വവിദ്യാര്‍ഥിയാണ് നല്‍കിയത്. കുട്ടികള്‍ക്ക് ടൈലറിങ്ങില്‍ പരിശീലനം നല്‍കാനായി ഒരു പരിശീലകനെ പ്രത്യേകം നിയമിച്ചിട്ടുണ്ട്. സ്കൂളിലെ മുഴുവന്‍ കുട്ടികള്‍ക്കും ആവശ്യമായ യൂണിഫോം തയ്ച്ചു ലഭിക്കുക എന്നതാണ് ഈ പദ്ധതിയുടെ ലക്ഷ്യം.
കൂടാതെ ഈ വര്‍ഷം യു. പി. ഹൈസ്ക്കൂള്‍ ഹയര്‍ സെക്കണ്ടറി വിഭാഗങ്ങളിലായി 250 കുടകള്‍ കുട്ടികള്‍ നിര്‍മ്മിച്ചു. ഇതിനെല്ലാം ആവശ്യമായ ഫണ്ട് ഫാറൂഖ് എഡ്യൂകെയറാണ് നല്‍കിവരുന്നത്. ഫാറൂഖ് എഡ്യൂകെയറിന്റെയും പ്രവൃത്തിപരിചയക്ലബ്ബിന്റെയും ആഭിമുഖ്യത്തില്‍ പലതരത്തിലുള്ള ഉല്‍പന്നങ്ങള്‍ കുട്ടികള്‍ ഉണ്ടാക്കുകയും ഉപയോഗിക്കുകയും ചെയ്തുവരുന്നു. കഴി‍ഞ്ഞ വര്‍ഷത്തെ സംസ്ഥാനപ്രവൃത്തിപരിചയമേളയില്‍ എംബ്രോയ്ഡറിയില്‍ ഒന്നാം സ്ഥാനം ലഭിച്ചത് ഈ സ്കൂളിലെ ഹിബ ഫാത്തിമ എന്ന കുട്ടിക്കായിരുന്നു.
ഹിബ ഫാത്തിമ
എംബ്രോയ്ഡറി, പെയിന്റിംഗ്, കരകൗശലം എന്നീ മേഖലകളിലും കുട്ടികള്‍ മികച്ച പ്രവര്‍ത്തനങ്ങള്‍ കാഴ്ച വയ്ക്കുന്നു.
ഗ്രൗണ്ട്
കലാ-കായിക രംഗങ്ങളില്‍ അഭിമാനകരമായ നേട്ടങ്ങള്‍ കൈവരിക്കാന്‍ കഴിഞ്ഞിട്ടള്ള നമ്മുടെ സ്കൂളിന് 6 ഏക്കറില്‍ ഗാലറിയോടുകൂടിയ അതിവിശാലമായ ഗ്രൗണ്ട് ഉണ്ട്. അതില്‍ 105മീറ്റര്‍ നീളത്തിലും 75 മീറ്റര്‍ വീതിയിലുമുള്ള ഫുട്ബോള്‍ ഗ്രൗണ്ട് പുല്‍ത്തകിടി വച്ചുപിടിപ്പിച്ച് കളിക്കുന്നതിന് അനുയോജ്യമാക്കിയ്ട്ടുണ്ട്. 5000 പേര്‍ക്ക് ഇരിക്കാവുന്ന ഗാലറി, ഗ്രൗണ്ടിന്റെ രണ്ടു വശങ്ങളിലായി നിര്‍മ്മിച്ചിരിക്കുന്നു. ഗാലറിയോടു ചേര്‍ന്ന് സ്പോട്സ് ആവശ്യങ്ങള്‍ക്ക് ഉപയോഗിക്കാന്‍ ഒരു ഹാളും, സ്പോട്സ് താരങ്ങള്‍ക്ക് വസ്ത്രം മാറാനുള്ള ബാത്ത് റൂം സൗകര്യത്തോടുകൂടിയ കെട്ടിടവും പണികഴിപ്പിച്ചിട്ടുണ്ട്. ചുറ്റുമുള്ള തണല്‍മരങ്ങളെ സംരക്ഷിച്ചുകൊണ്ടാണ് ഗാലറി നിര്‍മ്മിച്ചിരിക്കുന്നത്.
സെമിനാര്‍ ഹാള്‍, മള്‍ട്ടിമീഡിയ റൂം, ഓഡിറ്റോറിയം:
ഹൈസ്കൂള്‍, ഹയര്‍സെക്കണ്ടറി വിഭാഗങ്ങള്‍ക്കായി വിശാലമായ രണ്ടു സെമിനാര്‍ ഹാളുകള്‍, മള്‍ട്ടിമീഡിയ റൂം, ഓഡിറ്റോറിയം എന്നിവ സ്കൂളില്‍ ഉള്ള മറ്റു സൗകര്യങ്ങളാണ്. ഇതില്‍ ഹൈസ്കൂള്‍ വിഭാഗത്തിനായുള്ള മള്‍ട്ടിമീഡിയ റൂം സ്കൂളിലെ മുന്‍കാല അധ്യാപകനായിരുന്ന പി. ടി. മുഹമ്മദ്കുട്ടി മാസ്റ്റര്‍ക്ക് അദ്ദേഹത്തിന്റെ വിദ്യാര്‍ത്ഥികള്‍ (സ്കൂള് ഓള്‍ഡ് സ്റ്റുഡന്റ്സ്) ഉപഹാരമായി നിര്‍മ്മിച്ചു നല്‍കിയ ഹാള്‍, അദ്ദേഹം സ്കൂളിനു തന്നെ സമര്‍പ്പിക്കുകയാണുണ്ടായത്. ഒരേ സമയം 250 ഒാളം വിദ്യാര്‍ത്ഥികള്‍ക്ക് ഇരിക്കാന്‍സൗകര്യമുള്ള ഈ ഹാളില്‍. എല്‍. സി. ഡി. പ്രോജെക്ടര്‍, ലാപ്ടോപ്, വൈറ്റ് ബോര്‍‍ഡ്, ഡിജിററല്‍ ശബ്ദ സംവിധാനം തുടങ്ങിയ മികച്ച സൗകര്യങ്ങള്‍ സജ്ജീകരിച്ചിട്ടുണ്ട്. 300ല്‍ അധികം പേര്‍ ഉള്‍ക്കൊള്ളുന്ന സെമിനാര്‍ ഹാള്‍ മുന്‍ ഹെഡ്മാസ്റ്റര്‍ അസീസ് മാസ്റ്ററുടെയും 500ല്‍ അധികം പേര്‍ക്കിരിക്കാവുന്ന അതിവിശാലമായ ഓഡിറ്റോറിയം, മുന്‍ ഹെഡ്മാസ്റ്റര്‍ പി.എ. ലത്തീഫ് മാസ്റ്ററുടെയും നാമധേയത്തില്‍ അവരവരുടെ പൂര്‍വ്വ വിദ്യാര്‍ത്ഥികള്‍ സമര്‍പ്പിച്ചവയാണ്.
ലൈബ്രറി:
റീഡിംഗ് റൂമോടു കൂടിയ എണ്ണായിരത്തോളം വൈവിധ്യമാർന്ന പുസ്തകങ്ങൾ ഉള്ള രണ്ടു ലൈബ്രറികള്‍ ഹൈസ്കൂള്‍ വിഭാഗത്തിനും ഹയര്‍സെക്കണ്ടറി വിഭാഗത്തിനും വേറെ വേറെയായുണ്ട്. എണ്ണമറ്റ മാഗസിനുകളും ബാല സാഹിത്യ കൃതികളാലും, പത്ര മാസികകളാലും സമ്പന്നമായ സ്കൂള് ലൈബ്രറികള്‍ സുഗമമായും കാര്യക്ഷമമായും പ്രവര്‍ത്തിക്കുന്നു. ഇരുന്നു വായിക്കാൻ സൗകര്യമുള്ള ലൈബ്രറി കൂടുതൽ വിപുലീകരിക്കാനുള്ള ഒരു സ്വപനം വിദ്യാലയം മുന്നിൽ കാണുന്നു. പ്രതിദിനം 8ദിനപ്പത്രങ്ങളും ആനുകാലികങ്ങളും ലൈബ്രറിയിലും റീഡിംഗ് റൂമിലും വരുത്തുന്നു. ക്ലാസ് ലൈബ്രറിയും സ്കൂളിൽ ഉണ്ട്. ആനുകാലികങ്ങള്‍ കുട്ടികളില്‍ നിന്നും അദ്ധ്യാപകരില്‍ നിന്നും ശേഖരിച്ച് ഉപയോഗപ്പെടുത്തുകയും ചെയ്യുന്നുണ്ട്.
ചുമതലയുള്ള അധ്യാപകന്റെ കീഴിൽ ആഴ്ചയിൽ ഓരോ ദിവസം കുട്ടികൾക്ക് പുസ്തകം വിതരണം ചെയ്യുന്നുണ്ട്. വായനാമത്സരങ്ങൾ, പുസ്തക ചർച്ച, പുസ്തക പ്രദർശനം, എഴുത്ത കാരുമായി മുഖാമുഖം തുടങ്ങിയ പരിപാടികൾ സ്കൂള് ലൈബ്രറിയുടെ ആഭിമുഖ്യത്തിൽ നടക്കുന്നു.
കമ്പ്യൂട്ടര്‍ ലാബ്:
ഹൈസ്കൂളിനും ഹയര്‍ സെക്കണ്ടറിയ്ക്കും വെവ്വേറെ കമ്പ്യൂട്ടര്‍ ലാബുകളുണ്ട്. രണ്ട് ലാബുകളിലുമായി ഏകദേശം അറുപതോളം കമ്പ്യൂട്ടറുകളുണ്ട്. രണ്ട് ലാബുകളിലും ബ്രോഡ്ബാന്റ് ഇന്റര്‍നെറ്റ് സൗകര്യം ലഭ്യമാണ്.
സയന്‍സ് ലാബ്:
ഹൈസ്കൂളിനും ഹയര്‍ സെക്കണ്ടറിയ്ക്കും വെവ്വേറെ സയന്‍സ് ലാബുകളുണ്ട്. രണ്ട് ലാബുകളിലും ടി.വി, വൈറ്റ് ബോര്‍‍ഡ്, തുടങ്ങി സയന്‍സ് ലാബുകള്‍ക്കാവശ്യമായ എല്ലാ സൗകര്യങ്ങളുമുണ്ട്.
ഉച്ചഭക്ഷണ പദ്ധതി:
കേരളസര്‍ക്കാരിന്റെ ഉച്ചഭക്ഷണപരിപാടി സ്കൂളിലെ എല്ലാ വിദ്യാര്‍ത്ഥികള്‍ക്കും നല്‍കുന്നതിന് സൗകര്യപ്രദമായ രീതിയില്‍ ആധുനിക അടുക്കളയും അനുബന്ധ സൗകര്യങ്ങളും നിലവിലുണ്ട്. പ്രത്യേകം സജ്ജമാക്കിയ അടുക്കളയില്‍ പുകയില്ലാത്ത അടുപ്പ് സ്ഥാപിച്ചിട്ടുണ്ട്. പാചകത്തിനായി രണ്ടു പേരെ നിയമിച്ചിട്ടുണ്ട്. കുട്ടികള്‍ക്ക് എന്നും ചോറും കറിയും തോരനും നല്‍കി വരുന്നു.വിദ്യാലയത്തില്‍ വിളയിച്ചെടുക്കുന്ന പച്ചക്കറികളും കറിയ്ക്കായി ഉപയോഗിച്ചു വരുന്നുണ്ട്. ഉച്ചഭക്ഷണ പദ്ധതി കൂടുതൽ വിപുലീകരിക്കാനുള്ള ഒരു സ്വപനം വിദ്യാലയം മുന്നിൽ കാണുന്നുണ്ട്.
ഹെല്‍പ്പ് ഡസ്‌ക്
കുട്ടികള്‍, രക്ഷാകര്‍ത്താക്കള്‍, അധ്യാപകര്‍ എന്നിവര്‍ക്ക് ഹെല്‍പ്പ് ഡെസ്ക് സംവിധാനത്തിലൂടെ വിദഗ‌്ദ പ്രശ്നപരിഹാരം സാധ്യമാകുന്നു. ഒാരോ ക്ലാസ്സിലേയും രണ്ട് പെണ്‍കുട്ടികള്‍ രണ്ട് ആണ്‍കുട്ടികള്‍, അദ്ധ്യാപക പ്രതിനിധികള്‍, വാര്‍ഡ് മെമ്പര്‍, പി. ടി. എ പ്രസിഡന്റ്, പി. ടി. എ പ്രതിനിധി, എം. പി. ടി. എ ചെയര്‍ പേഴ്സണ്‍, എം. പി. ടി. എ പ്രതിനിധി എന്നിവരടങ്ങുന്ന 12 അംഗ സമിതിയാണിത്. വിദ്യാര്‍തഥികള്‍ക്ക് പ്രത്യേക കൗണ്‍സിലിങ്ങ്, മോട്ടിവേഷന്‍ ക്ലാസുകള്‍ തുടങ്ങിയ പ്രവര്‍ത്തനങ്ങള്‍ ഹെല്‍പ്പ് ഡെസ്കിന് കീഴില്‍ നടക്കുന്നുണ്ട്.
കാന്റീന്‍:
വിദ്യാലയത്തിന്റെ കോംപൗണ്ടിനുള്ളില്‍ തന്നെ പ്രവര്‍ത്തിക്കുന്ന സ്കൂള് കാന്റീന്‍ കുട്ടികള്‍ക്കും അധ്യാപകര്‍ക്കും മിതമായ നിരക്കില്‍ ഭക്ഷണം നല്കുന്നു.
കോ-ഓപ്പറേറ്റീവ് സൊസൈറ്റി:
കുട്ടികള്‍ക്കാവശ്യമായ പഠനസാമഗ്രികള്‍ മിതമായ നിരക്കില്‍ കോ-ഓപ്പറേറ്റീവ് സൊസൈറ്റി മുഖാന്തരം നല്‍കി വരുന്നു.
പാഠ്യേതര പ്രവര്‍ത്തനങ്ങള്‍
- സ്കൗട്ട് & ഗൈഡ്സ്
- ജൂനിയർ റെഡ്ക്രോസ്.
- എന്‍.എസ്.എസ്.
- വിദ്യാരംഗം കലാ സാഹിത്യ വേദി.
- ക്ലാസ് മാഗസിന്‍.
- ജനാധിപത്യ വേദി.
ക്ലബ്ബ് പ്രവര്‍ത്തനങ്ങളും ദിനാചരണങ്ങളും
- ആര്‍ട്ട്സ് ക്ലബ്ബ്.
- സ്പോര്‍ട്ട്സ് ക്ലബ്ബ്.
- പരിസ്ഥിതി ക്ലബ്ബ്.
- ഹെല്‍ത്ത് ക്ലബ്ബ് .
- ജി. കെ. ക്ലബ്ബ് .
- പ്രവൃത്തിപരിചയ ക്ലബ്ബ്.
- ഊര്‍ജ്ജ ക്ലബ്ബ്
- മലയാളം ക്ലബ്ബ്.
- ഇംഗ്ലീഷ് ക്ലബ്ബ്
- ഹിന്ദി ക്ലബ്ബ്
- അറബിക്ക് ക്ലബ്ബ്
- സയന്‍സ് ക്ലബ്ബ് .
- സാമൂഹ്യ ശാസ്‌ത്ര ക്ലബ്ബ് .
- ഗണിത ക്ലബ്ബ് .
- എെ. ടി. ക്ലബ്ബ് .
ഈ വര്‍ഷത്തെ മികച്ച നേട്ടങ്ങള്‍
അന്തര്‍ദേശീയ, ദേശീയ, സംസ്ഥാന, ജില്ലാ, സബ്ജില്ലാ മേഖലകളില്‍ അഭിമാനകരമായ നേട്ടങ്ങള്‍ കൈവരിക്കാന്‍ കഴിഞ്ഞിട്ടുള്ള സ്കൂളാണ് ഫാറൂഖ് ഹയര്‍ സെക്കണ്ടറി സ്കൂള് ജില്ലാ, സബ്ജില്ലാ തലങ്ങളില്‍ ഒരുപാട് മികച്ച നേട്ടങ്ങള്‍ നമ്മുടേതായിട്ടുണ്ട്. എങ്കിലും സമീപകാല ദേശീയ - സംസ്ഥാന തലങ്ങളിലെ മികച്ച നേട്ടങ്ങളില്‍ ചിലത് മാത്രം താഴെ കൊടുക്കുന്നു.
ബാംഗ്ലൂരില്‍ നടന്ന ഈ വര്‍ഷത്തെ ഒാള്‍ ഇന്ത്യാ സ്കൂള് ഫുട്ബോള്‍ ടൂര്‍ണമെന്റില്‍ ഫാറൂഖ് ഹയര്‍ സെക്കണ്ടറി സ്കൂള് ടീം ആയിരുന്നു ചാമ്പ്യന്‍മാര്‍. നമ്മുടെ സ്കൂളിലെ മുഹമമദ് ഇനായത്തിനെ ഈവര്‍ഷത്തെ കേരളത്തിലെ മികച്ച കളിക്കാരനായി തെരഞ്ഞെടുത്തു.
മുഹമമദ് ഇനായത്ത്
ഡല്‍ഹിയില്‍ നടന്ന നാഷണല്‍ സുബ്രതോകപ്പ് ഫുട്ബോളില്‍ ജൂനിയര്‍ വിഭാഗത്തില്‍ ഫാറൂഖ് ഹയര്‍ സെക്കണ്ടറി സ്കൂള് ടീം കേരളത്തെ പ്രധിനിധീകരിച്ച് പങ്കെടുത്തു.
ഈ വര്‍ഷത്തെ ജൂനിയര്‍ വിഭാഗം സംസ്ഥാന ചെസ്സ് മത്സരത്തില്‍ നമ്മുടെ സ്കൂളിലെ ഷേര്‍ഷാ ബക്കര്‍ എന്ന കുട്ടി സംസ്ഥാനത്ത് ഒന്നാം സ്ഥാനം നേടി, ഹൈദരാബാദില്‍ നടന്ന നാഷണല്‍ മത്സരത്തില്‍ കേരളത്തെ പ്രധിനിധീകരിച്ച് പങ്കെടുത്തു.
ഷേര്‍ഷാ ബക്കര്‍
2015 ലെ സംസ്ഥാന സുബ്രതോകപ്പ് ഫുട്ബോളില്‍ അണ്ടര്‍-14 വിഭാഗത്തില്‍ ഫാറൂഖ് ഹയര്‍ സെക്കണ്ടറി സ്കൂള് ടീം ചാമ്പ്യന്‍മാരായി, ഡല്‍ഹിയില്‍ നടന്ന നാഷണല്‍ സുബ്രതോകപ്പ് മത്സരത്തില്‍ കേരളത്തെ പ്രധിനിധീകരിച്ച് പങ്കെടുത്തു.
പാലക്കാട് വച്ച് 23-7-16 ന് നടന്ന സംസ്ഥാന സുബ്രതോകപ്പ് ഫുട്ബോള്‍ മല്‍സരത്തില്‍ ജൂനിയര്‍ വിഭാഗത്തില്‍ഫാറൂഖ് ഹയര്‍ സെക്കണ്ടറി സ്കൂള് ടീം ചാമ്പ്യന്‍മാരായി, ഡല്‍ഹിയില്‍ നടന്ന നാഷണല്‍ സുബ്രതോകപ്പ് മത്സരത്തില്‍ കേരളത്തെ പ്രധിനിധീകരിച്ച് പങ്കെടുത്തു.
സംസ്ഥാന സ്കൂള് ഗെയിംസ് മത്സരങ്ങള്‍ക്കുള്ള കോഴിക്കോട് ജില്ലാ ടീമില്‍ ഫാറൂഖ് ഹയര്‍ സെക്കണ്ടറി സ്കൂളിലെ 13 കുട്ടികള്‍ ഇടംനേടി. കാലിക്കറ്റ് യൂണിവേഴ്‌സിറ്റിയില്‍ വച്ച് നടന്ന സംസ്ഥാന കായികമേളയില്‍ ജൂനിയര്‍ ആണ്‍കുട്ടികളുടെ ട്രിപ്പിള്‍ജംബില്‍ ഗിരീഷ് രാജു പങ്കെടുത്തു.
ഗിരീശ് രാജു
ഇരി‍ഞ്ഞാലക്കുടയില്‍ വച്ച് നടന്ന ഈ വര്‍ഷത്തെ ഫാദര്‍ ഗബ്രിയേല്‍ ഇന്റര്‍സ്കൂള്‍ ഫൂട്ബോള്‍-സംസ്ഥാനതല റണ്ണര്‍ അപ്പ് ഞങ്ങള്‍ ആണ്.
കൊക്കൊകോള കപ്പ് ജേതാക്കളായി കോഴിക്കോട് ജില്ലയെ പ്രതിനിധീകരിച്ച് സംസ്ഥാനതലത്തില്‍ പങ്കെടുക്കാന്‍ യോഗ്യത നേടിയതും ഫാറൂഖ് ഹയര്‍ സെക്കണ്ടറി സ്കൂള് ടീം ആണ്.
കോഴിക്കോട് ജില്ലാ സുബ്രതോകപ്പ് ഫൂട്ബോള്‍ മത്സരത്തിലും ഫറോക്ക് സബ്ജില്ലാ സുബ്രതോകപ്പ് ഫൂട്ബോള്‍ മത്സരത്തിലും അണ്ടര്‍-14 വിഭാഗത്തിലും, അണ്ടര്‍-17 വിഭാഗത്തിലും ഫാറൂഖ് ഹയര്‍ സെക്കണ്ടറി സ്കൂള് ടീം ആണ് ചാമ്പ്യന്‍മാര്‍.
ഈ വര്‍ഷത്തെ നാഷനല്‍ & സ്റ്റേറ്റ് പ്ലയേഴ്സ്
മുഹമമദ് ഇനായത്ത് സച്ചിന്‍ സുരേഷ് അല്‍ക്കേശ് രാജ് ശാറോണ്‍
.jpg)
മെഗ്ഷാന്‍ സോമന്‍ ഫസീന്‍ മുബശ്ശിര്‍ മിനീഷ്
.jpg)
.jpg)
അഖില്‍ മുഹമമദ് ഇഹ്സല്‍ ജവാദ്
ഫറോക്ക് സബ്‌ജില്ല ഗെയിംസ് മത്സരങ്ങളില്‍ ഫാറൂഖ് ഹയര്‍ സെക്കണ്ടറി സ്കൂള് ഒാവറോള്‍ ചാമ്പ്യന്‍മാരായി.ജില്ലമത്സരങ്ങള്‍ക്കുള്ള ടീമില്‍ നമ്മുടെ 39 കുട്ടികള്‍ ഇടംനേടി. മെഡിക്കല്‍ കോളേജ് ഗ്രൗണ്ടില്‍ നടന്ന സബ്ജില്ലാ കായികമേളയില്‍ നമ്മള്‍ 197 പോയന്റോടെ രണ്ടാം സ്ഥാനം നേടി.
മുഹമ്മദ് ഫൈസല്‍ - 2017 സംസ്ഥാന സ്കൂള് കലോല്‍സവത്തില്‍ മാപ്പിളപ്പാട്ട് എ ഗ്രേഡ്
ഈ വര്‍ഷത്തെ രാജപുരസ്കാര്‍ ജേതാക്കള്‍
അഖില. സി. കെ അനീഷ. പി ആരതി. പി
ദേവിക. ടി എസ്സ് ഫഹ്മിത. കെ. ടി മഞ്ജിത. കെ
നസ്ന പര്‍വീന്‍. കെ. പി നിഹാദ ജദ് വ. എ. കെ റിജിത. സി
സ്നേഹ. വി കരിഷ്മ. വി അപര്‍ണ്ണ. എം
ഈ വര്‍ഷത്തെ എന്‍. എം. എം. എസ് വിജയികള്‍
1. സ്വാതി. ടി. കെ
2. അദ്നാല്‍. കെ. ടി.
3. അമല്‍ അല്‍ ഹമര്‍
4. അഭിനവ്. പി.
5. അലന്‍ നോബിള്‍
കുട്ടികളുടെ സൃഷ്ടികൾ
സോന പി ദാസ് അശ്മല്‍. ഇ 8 C 8 C
അനാമിക 10 I
"ഊഞ്ഞാല്‍ വീട് - അനാമികയുടെ കവിതകള്‍" എന്ന കവിതാസമാഹാരത്തില്‍ നിന്ന്
"പേടി"
ഞാന്‍ പത്രം
വായിക്കാറേയില്ല
മടിയായിട്ടല്ല
പേടിയാണ്
കറുകറുത്ത വാര്‍ത്തകള്‍
ഉള്ളു പൊള്ളിക്കുന്നു
കണ്ണു നനയിക്കുന്നു
ചോര തിളയ്ക്കുന്നു
ഈ മനുഷ്യരെന്താണിങ്ങനെ
ലോകത്തിനെന്താണു രോഗം
"മഴ"
മഴക്കിന്ന് കരയാനേ അറിയൂ
അന്ന് ഞാല്‍ കാരണം
പെയ്തൊഴിഞ്ഞത്
ഒരുപാട് സ്വപ്നങ്ങളായിരുന്നു
മഴക്കിന്ന് പൊറുക്കാനേ അറിയൂ
അന്ന് ഞാല്‍ കാരണം
നഷ്ടമായത്
ഒരുപാട് പ്രതീക്ഷകളായിരുന്നു
മഴക്കിന്ന് ഓര്‍ക്കനേ അറിയൂ
അന്ന് ഞാല്‍ കാരണം
ചേതനയറ്റത്
ഒരുപാട് ജീവിതങ്ങളായിരുന്നു
മഴക്കിന്ന് വികാരങ്ങളേയില്ല
അന്ന് ഞാല്‍ കാരണം
കരഞ്ഞു തീര്‍ത്തത്
മഴയുടെ വികാരങ്ങളായിരുന്നു
"പ്രകൃതി"
പൂമണം വീശിടും
കുളിര്‍ക്കാറ്റുകൊണ്ടു ഞാന്‍
നറുതേന്‍ നുകരുന്ന
ശലഭത്തെ കണ്ടു ഞാന്‍
മധുവൂറും മണമുള്ള
പൂക്കളെ തൊട്ടു ഞാന്‍
കളകളമൊഴുകുന്ന
പുഴകളില്‍ നീന്തി ഞാന്‍
പാട്ടുകള്‍ പാടീടും
കിളികളെ കേട്ടു ഞാന്‍
ഈ നല്ല പ്രകൃതിയെ
കണ്ടു രസിച്ചു ഞാന്‍
"മണ്ടത്തരം"
കുട്ടപ്പന്‍ ചേട്ടന്റെ തട്ടുകടക്കുള്ളില്‍
കള്ളന്‍മാര്‍ രാത്രിയില്‍ പാഞ്ഞുകേറി
ചായയുണ്ടാക്കീട്ട് ചായേം കുടിച്ചീട്ട്
കാശവിടെ വെച്ചീട്ട് ഓടിപ്പോയി
"നീ"
ഒരു കുളിര്‍ക്കാറ്റായ്
അരികത്തണഞ്ഞു
മധുകണമായ് നീ
മനസ്സില്‍ നിറഞ്ഞു
ഒരു സ്വപ്നത്തില്‍
അറിയാതെയൊഴുകി
അര്‍ഷിദ മുസ്തഫ ഹിന. കെ 8 C 8 C
ജലം ജീവാമൃതം
മുഹമ്മദ് ആദില്‍
10.A
കാലം AD 2033...!
ആ വൃദ്ധന്‍ ആഞ്ഞൊന്ന് ശ്വാസമെടുത്തു. എന്നാല്‍ കയറിയത് വായുവായിരുന്നില്ല, മനുഷ്യന്‍ വിഷകലുഷിതമാക്കിയ വാതകമായിരുന്നു. അതുമൂലം അയാള്‍ ഒന്നു കുരച്ചു. വെള്ളം കുടിക്കാനായി അയാള്‍ പുറത്തേക്ക് നടന്നു. മുറ്റത്തേക്ക് ആകാശത്ത്നിന്ന് ദൈവത്തിന്റെ അനുഗ്രഹമായി തുള്ളികള്‍ വീഴുന്നുണ്ടായിരുന്നു. അയാള്‍ ആര്‍ത്തിയോടെ നാവ് പുറത്തേക്കിട്ടു. ആ വെള്ളത്തുള്ളികള്‍ അയാളുടെ നാക്കില്‍ വീണു. "ത്ഫൂ"അയാള്‍തുപ്പി. വായുവില്‍ ചേര്‍ന്ന സള്‍ഫ്യൂരിക് ആസിഡിന്റെ രുചി അയാള്‍ക്ക് പിടിച്ചിട്ടുണ്ടാവില്ല. മഴയായി വര്‍ഷിച്ചത് വെള്ളമായിരുന്നില്ല ആസിഡായിരുന്നു. ആരോഗ്യവാനെപ്പോലും ഉരുക്കി ദ്രാവകമാക്കുന്ന ആസിഡ്. രക്ഷയ്ക്കായി ആ വൃദ്ധന്‍ വിടിനക്കത്തേക്ക് കയറി. തൊഴിലില്ലായ്മ മൂലം എല്ലാവരും കഷ്ടപ്പെടുന്നു. തൊഴിലുള്ളത് കടല്‍വെള്ളം ശുദ്ധീകരിക്കുന്ന ഫാക്ടറികളില്‍ മാത്രം. അയാള്‍ ചിന്തിച്ചു. "നാല്‍പത് വയസ്സുള്ള താന്‍ ഒരു എണ്‍പത്തഞ്ച് കാരനെ പോലെയായത് വെള്ളം കുടിക്കാതെ വൃക്കനശിച്ചതും ചര്‍മ്മം ചുക്കിചുളിഞ്ഞതും മൂലമാണ്”. അയാള്‍ ഓര്‍ത്തു. കുട്ടിക്കാലം എന്നും മനോഹരമായിരുന്നു. എങ്ങും പുഴകളും പാടങ്ങളും ഹരിതഭംഗിയും മാത്രം. കുടിക്കാനും കുളിക്കാനും കളിക്കാനുമൊക്കെ ഇഷ്ടംപോലെ വെള്ളം. ഇത്രയൊക്കെയായപ്പോള്‍ അയാളുടെ കണ്ണീല്‍നിന്ന് ആശ്രുക്കള്‍ പൊഴിയുന്നുണ്ടായിരുന്നു. ഇന്ന് തനിക്ക് അനുവദിച്ചിരിക്കുന്ന വെള്ളം ദിവസം അരഗ്ലാസാണ്. ഒരാള്‍ക്ക് ശ്വസിക്കാനുള്ള 137 ക്യുബിക് മീറ്റര്‍ വായുവിന്റെ നികുതി വരെ നല്‍കണം. വെള്ളം കൊള്ളയടിക്കലും മോഷണവും ഇപ്പോള്‍ പതിവാണ്.
മരിക്കുന്ന ഭൂമി
അഹമ്മദ് റിസ് വാന്‍. യു
9 C
ചൂടുള്ള വാര്‍ത്ത !!
"ഭൂമി മരണ കിടക്കയില്‍"
രാ‍ഷ്ടീയ മച്ചാന്‍മാര്‍ ഒത്തുകൂടി
സമരം വേണം ബന്ദ് വേണം
വേണമെങ്കിലൊരു കൊലയുമാവാം
പുതുയുഗ സത്യസന്ധന്മാര്‍
വാളിനും തോക്കുിനും പകരം
കാമറയും മൈക്കുമൊരുക്കി
ഭൂമിയെ പിടിക്കാന്‍
അല്ല, അതിന് ഭൂമിയേതാ?
നമ്മളിവിടെ ചൊവ്വയിലല്ലേ!?
നില്‍ക്കാന്‍ സമയമില്ല
ഓ‍‍‍‍‍ടാം ചൊവയിലെ ആദ്യ തലമുറയിലേക്ക്
ഓടിക്കിതപ്പോടെയാരാഞ്ഞു
എന്താണ് ഭൂമി ?
ഉത്തരമൊരു ചെറു
ചിരിയായ് തുടങ്ങി
മക്കളേ നിങ്ങള്‍ കണ്ടോല്‍
അറക്കുന്ന മണ്ണും മണവുമായി
സൂര്യനെ ചുറ്റുന്നു,
മരിക്കുന്ന ഭൂമി
അവിടം കറുപ്പ് വ്യാപിച്ചു
മാനവന്‍ തന്റെ ധര്‍മ്മം മറന്ന്
ശാസ്ത്രത്തെ
കൂട്ട് പിടിച്ചപ്പോള്‍....
ഇനിയെന്ത് ?
കരുണതന്‍ നിര്‍ച്ചാല്‍
വറ്റാത്ത ഹൃദയം മൊഴിഞ്ഞു
ഇനിയൊന്നുമില്ല മക്കളേ !
വാസസ്ഥാനമായ ഇവിട-
മെങ്കിലും നമുക്ക് സംരക്ഷിക്കാം
ചുമര്‍പത്രിക
മാനേജ്മെന്റ്
ശക്തമായ മാനേജിങ്ങ് കമ്മറ്റിയാണ് സ്കൂളിനുള്ളത്. പ്രഗല്‍ഭരായ സമൂഹ്യ പ്രവര്‍ത്തകരും വിദ്യാഭ്യാസ വിചക്ഷണന്മാരുമാണ് നമ്മുടെ സ്കൂള് മാനേജിങ്ങ് കമ്മറ്റിയിലുള്ളത്. 1972 വരെ മൗലാന അബുസ്സബാഹ് അഹമ്മദലി സാഹിബ് ആയിരുന്നു മാനേജര്‍.1972 മുതല്‍ 1998 വരെ കെ.സി ഹസ്സന്‍ കുട്ടി സാഹിബും അതിന് ശേഷം കെ.എ ഹസ്സന്‍ കുട്ടി സാഹിബും മാനേജര്‍ പദവി അലങ്കരിച്ചു. ഇപ്പോള്‍ കെ. കുഞ്ഞലവി സാഹിബ് ആണ് മാനേജര്‍ പദവി അലങ്കരിച്ചു വരുന്നത്.
സ്കൂള് മാനേജര്‍മാര്‍
| 1954-1972 | മൗലാന അബുസ്സബാഹ് അഹമ്മദലി സാഹിബ് |
| 1972-1998 | കെ.സി ഹസ്സന്‍ കുട്ടി സാഹിബ് |
| 1998-2014 | കെ.എ ഹസ്സന്‍ കുട്ടി സാഹിബ് |
| 2014- | കെ. കുഞ്ഞലവി സാഹിബ് |
മുന്‍ സാരഥികള്‍
1957 മുതല്‍ 1986 വരെ നീണ്ട 29 വര്‍ഷം സ്കൂളിന്റെ പ്രധാനാദ്ധ്യാപകന്‍ ആയിരുന്ന പി.എ ലത്തീഫ് സാഹിബ് ആയിരുന്നു സാരഥികളില്‍ പ്രമുഖന്‍. 1972 പി.എം അബ്ദുല്‍ അസീസ്, കെ.എം. സുഹറ, പി. ആലിക്കോയ, കെ. കോയ തുടങ്ങിയവരും ഈ സ്കൂളിന്റെ മുന്‍ സാരഥികളില്‍ പ്രമുഖരാണ്. കെ.പി. കുഞ്ഞഹമ്മദ് ഹയര്‍സെക്കണ്ടറി വിഭാഗത്തില്‍ പ്രമുഖനാണ്.
സ്കൂളിന്റെ പ്രധാനാദ്ധ്യാപകര്‍
| 1954-1956 | ഈ.കെ. മൊയ്തീന്‍ കുട്ടി.
ഒ. മുഹമ്മദ് ഈ.പി. ജോണ്‍. പി.പി. പീറ്റര്‍. പി. മുഹമ്മദ് കുഞ്ഞി. പി. മുഹമ്മദ് അലി. |
| 1957-1986 | പി.എ. ലത്തീഫ്. |
| 1986-1991 | പി.എം. അബ്ദുല്‍ അസീസ്. |
| 1991-1999 | കെ.എം. സുഹറ. |
| 1999-2004 | പി. ആലിക്കോയ. |
| 2004-2015 | കെ. കോയ. |
| 2015- | എം.എ. നജീബ്. |
ഹയര്‍സെക്കണ്ടറി പ്രിന്‍സിപ്പല്‍മാര്‍ :
| 2004-2015 | കെ.പി. കുഞ്ഞഹമ്മദ് |
| 2015- | കെ.ഹാഷിം |
പൂര്‍വ്വാദ്ധ്യാപക സംഗമം
ഈ സ്ഥാപനത്തില്‍ നിന്ന പിരി‍ഞ്ഞുപേയ പൂര്‍വ്വാദ്ധ്യാപകരുടെ നല്ലൊരു കൂട്ടായ്മ സ്കൂളില്‍ പ്രവര്‍ത്തിച്ചുവരുന്നുണ്ട്. സ്കൂളിന്റെ ഉയര്‍ച്ചയിലും വളര്‍ച്ചയിലും ഈ കൂട്ടായ്മ ആത്മാര്‍ത്ഥ സേവനങ്ങള്‍ നല്‍കി വരുന്നു. വര്‍ഷത്തില്‍ പല തവണ പൂര്‍വ്വാദ്ധ്യാപകരുടെ സംഗമം നടത്തി വരുന്നുണ്ട്.
പ്രശസ്തരായ പൂര്‍വ്വവിദ്യാര്‍ത്ഥികള്‍
- സയ്യിദ് ആബിദ് ഹുസ്സൈന്‍ തങ്ങള്‍ - കോട്ടക്കല്‍ എം എല്‍ എ
- കുട്ടി അഹമ്മദ് കുട്ടി - മുന്‍ മന്ത്രി
- വി. പി. ത്രിമതി - കോണ്ട്രാക്റ്റര്‍
- സി. പി. കുഞ്ഞുമുഹമ്മദ് - ബിസ്നസ്സ്
- എന്‍. കെ. മുഹമ്മദ് അലി - ബിസ്നസ്സ്
- അഹമ്മദ് കുട്ടി ശിവപുരം - സാഹിത്യകാരന്‍
- പി. കെ. ബഷീര്‍ - ഏര്‍നാട് എം എല്‍ എ
- സിറാജ് മാത്തര്‍ - ബിസ്നസ്സ്
- കെ കോയ - സംസ്ഥാന പ്രധാനാദ്ധ്യാപക പുരസ്കാര ജേതാവ്
പൂര്‍വ്വവിദ്യാര്‍ത്ഥി സംഗമം
സ്കൂളിന്റെ ഉയര്‍ച്ചയിലും വളര്‍ച്ചയിലും ആത്മാര്‍ത്ഥ സേവനങ്ങള്‍ നല്‍കുന്ന നല്ലൊരു പൂര്‍വ്വവിദ്യാര്‍ത്ഥികൂട്ടായ്മയാണ് സ്കൂളിനുള്ളത്. ഫാറൂഖ് ഓള്‍ഡ് സ്റ്റുഡന്റ്സ് അസോസിയേഷ൯ (ഫോസ) എന്ന പേരിലാണിതറിയപ്പെടുന്നത്. എല്ലാ വര്‍ഷവും പൂര്‍വ്വവിദ്യാര്‍ത്ഥികളുടെ സംഗമം നടത്തി വരുന്നുണ്ട്. വിദേശരാജ്യങ്ങളില്‍ ഫാറൂഖ് ഓള്‍ഡ് സ്റ്റുഡന്റ്സ് അസോസിയേഷ൯ന്റെ (ഫോസ) യൂണിറ്റ് പ്രവര്‍ത്തിക്കുന്നുണ്ട്.
പൂര്‍വ്വവിദ്യാര്‍ത്ഥികളാണ് നമ്മുടെ സ്കൂളിന്റെ നെടുംതൂണ്‍. 500ല്‍ അധികം പേര്‍ക്കിരിക്കാവുന്ന അതിവിശാലമായ ഓഡിറ്റോറിയം, സെമിനാര്‍ ഹാള്‍, സ്മാര്‍ട്ട് റൂം, കമ്പ്യൂട്ടര്‍ ലാബ്, സയന്‍സ് ലാബ്, റീഡിംഗ് റൂമോടു കൂടിയ എണ്ണായിരത്തോളം വൈവിധ്യമാർന്ന പുസ്തകങ്ങൾ ഉള്ള ലൈബ്രറി, ലാംഗ്വേജ് റൂം, പ്രത്യേകം സജ്ജമാക്കിയ അടുക്കള, അതിവിശാലമായ സ്റ്റേജ് തുടങ്ങിയവ ഉള്‍ക്കൊള്ളുന്ന ബഹുനില കെട്ടിടം, നിര്‍ധനരായ കുട്ടികളെ സഹായിക്കുന്നതിനായി ഫാറൂഖ് എഡ്യൂകെയര്‍ എന്ന ചാരിറ്റി സംരംഭം, ഫാറൂഖ് എഡ്യൂകെയറിന് കീഴില്‍ പ്രവര്‍ത്തിക്കുന്ന സ്കൂള് ടൈലറിങ് യൂണിറ്റ്, തുടങ്ങിയ ആധുനിക സൗകര്യങ്ങളെല്ലാം വിദ്യാലയത്തിന് ലഭ്യമായത് ഫാറൂഖ് ഓള്‍ഡ് സ്റ്റുഡന്റ്സ് അസോസിയേഷ൯ന്റെ (ഫോസ) സഹായത്തോടെയാണ്. കുട്ടികളുടെ വ്യക്തിത്വ വികസനവും അക്കാദമിക മികവും ലക്ഷ്യമാക്കി, ഉന്നതവിദ്യാഭ്യാസ മേഖലയിലേക്കുള്ള സ്പെഷല്‍ കോച്ചിംഗ്, സൗജന്യ അഭിരുചി നിര്‍ണ്ണയ കേമ്പ് തുടങ്ങിയ പ്രവര്‍ത്തനങ്ങള്‍ ഫാറൂഖ് ഓള്‍ഡ് സ്റ്റുഡന്റ്സ് അസോസിയേഷ൯ന്റെ കീഴില്‍ സ്കൂളില്‍ നടത്തിവരുന്നു.
പി.ടി.എ, എം.പി.ടി.എ.
സ്കൂളില്‍ ശക്തമായ പി.ടി.എ, എം.പി.ടി.എ. എന്നിവ പ്രവര്‍ത്തിക്കുന്നുണ്ട്. പി.ടി.എ പ്രസിഡണ്ട് ജാഫര്‍, വൈസ് പ്രസിഡണ്ട് യു. കെ. അഷ്റഫ് എന്നിവരാണ്. എം.പി.ടി.എ. പ്രസിഡണ്ട് സക്കീന, വൈസ് പ്രസിഡണ്ട് നിഷ എന്നിവരുമാണ്. സ്കൂളിന്റെ എല്ലാ പ്രവര്‍ത്തനങ്ങളിലും ഇവര്‍ ആത്മാര്‍ത്ഥ സേവനങ്ങള്‍ നല്കുന്നു.
അക്കാഡമിക് റിസള്‍ട്ട്
ഏതൊരു വിദ്യാഭ്യാസ സ്ഥാപനത്തിന്റേയും മികവിന്റെ അളവുകോലായി സമൂഹം ഉറ്റു നോക്കുന്നത് അവിടുത്തെ വിജയ ശതമാനമാണ്. മറ്റു മേഖലകളെപ്പോലെ തന്നെ അക്കാഡമിക് മേഖലകളിലും അഭിമാനകരമായ നേട്ടങ്ങള്‍ കൈവരിക്കാന്‍ കഴിഞ്ഞിട്ടള്ള നമ്മുടെ സ്കൂള് 2015-16 വര്‍ഷത്തില്‍ എസ്സ്. എസ്സ്. എല്‍. സി. യ്ക്ക് 29 വിദ്യാര്‍ത്ഥികള്‍ക്ക് മുഴുവന്‍ എ പ്ലസ്സോടുകൂടി 98.5 ശതമാനം വിജയം നേടിയപ്പോള്‍ പ്ലസ് ടൂ വിന് 19 വിദ്യാര്‍ത്ഥികള്‍ക്ക് മുഴുവന്‍ എ പ്ലസ്സോടുകൂടി 92 ശതമാനം വിജയം നേടി.
എസ്സ്. എസ്സ്. എല്‍. സി. & പ്ലസ് ടൂ വിജയശതമാനം
| വിഭാഗം | മുഴുവന്‍ എ+ കിട്ടിയ കുട്ടികളുടെ എണ്ണം | വിജയശതമാനം |
| എസ്സ്. എസ്സ്. എല്‍. സി. | 29 | 98.5 % |
| പ്ലസ് ടൂ | 19 | 92 % |
പ്ലസ് ടൂ വിഷയാടിസ്ഥാനത്തിലുള്ള വിജയശതമാനം
| സയന്‍സ് | 94 % |
| ഹ്യുമാനിറ്റീസ് | 88 % |
| കൊമേഴ്സ് വിത്ത് കംപ്യൂട്ടര്‍ അപ്ലിക്കേഷന്‍ | 97 % |
| കൊമേഴ്സ് വിത്ത് പൊളിറ്റിക്കല്‍ സയന്‍സ് | 92 % |
| കൊമേഴ്സ് വിത്ത് മാത്തമാറ്റിക്സ് | 82 % |
നാഷനല്‍ മീന്‍സ് കം മെറിറ്റ് സ്കോളര്‍ഷിപ്പ് (എന്‍. എം. എം. എസ്)
എസ്. സി. ഇ. ആര്‍. ടി. ഏട്ടാം ക്ലാസ് വിദ്യാര്‍ത്ഥികള്‍ക്കായി നടത്തുന്ന നാഷനല്‍ മീന്‍സ് കം മെറിറ്റ് സ്കോളര്‍ഷിപ്പ് (എന്‍. എം. എം. എസ്) പരീക്ഷയില്‍ ഈ വര്‍ഷം നമ്മുടെ സ്കൂളില്‍ നിന്ന് സ്വാതി. ടി. കെ, അദ്നാല്‍. കെ. ടി, അമല്‍ അല്‍ ഹമര്‍, അഭിനവ്. പി, അലന്‍ നോബിള്‍ എന്നീ അഞ്ച് വിദ്യാര്‍ത്ഥികള്‍ അര്‍ഹരായി.
ഫോട്ടോ ഗാലറി
പ്രവേശനോല്‍സവം
ഉന്നത വിജയികള്‍ക്കുള്ള അവാര്‍ഡ്ദാനം
ഓണാഘോഷ പരിപാടി
അദ്ധ്യാപകദിനം
ഗാന്ധിജയന്ദിദിനം രാജപുരസ്കാര്‍ അവാര്‍ഡ്
മുക്കാബല
മികവ് - 2017
സ്വാതന്ത്ര്യദിനാഘോഷം
യു. പി. ടൂര്‍
കാര്‍ഷിക ശില്പശാല സ്കൗട്ട് & ഗൈഡ്സ് കേമ്പ് രാജാ ഹോസ്റ്റല്‍ തോട്ട വിളവെടുപ്പ്
ലഹരി വിരുദ്ധദിനം
കായികദിനാഘോഷം
സ്കൂള് ശാസ്ത്രമേള
' സെപ്റ്റ്ഫെസ്റ്റ് സുബ്രതോ കപ്പ് വിജയികള്‍ക്കുള്ള സ്വീകരണം
സ്കൂള് കലോല്‍സവം
ചാന്ദ്രദിനം പരിസ്ഥിതി ദിനം
പരിസ്ഥിതിക്ലബ്ബിന്റെ കീഴില്‍ നടന്ന പിക്നിക്
പൊതു വിദ്യാലയ സംരക്ഷണ യജ്ഞം
ഒരുവട്ടം കൂടി
മാതൃഭൂമി സീ‍ഡ്
കാംമ്പൂരി കേമ്പ്
മെ‍ഡിക്കല്‍കേമ്പ്
+2 ടൂര്‍ ഫുഡ്ഫെസ്റ്റ്
എസ്സ്. എസ്സ്. എല്‍. സി. നൈറ്റ് കേമ്പ് രാജാ ഹോസ്റ്റല്‍ നൈറ്റ് കേമ്പ്
പൂര്‍വ്വഅദ്ധ്യാപക സംഗമം വിജയോല്‍സവം
കെ. എ. ഹസ്സന്‍കുട്ടി സാഹിബ് ഇന്റര്‍ പൈമറി സ്കൂള് ഫുട്ബോള്‍ മേള റിപ്പബ്ലിക് ദിനാഘോഷം
ആദര സമ്മേളനം - റിട്ടയേഡ് സ്റ്റാഫ് അസോസിയേഷന്‍
ഹായ് സ്കൂള് കുട്ടിക്കൂട്ടം - സ്കൂള്‍തല പ്രാഥമിക പരിശീലന പരിപാടി
അഭിരുചി നിര്‍ണ്ണയ കേമ്പ്
ബോധവല്‍ക്കരണക്ലാസ്സ്
കെ.സി.ഹസ്സന്‍കുട്ടി സാഹിബ് ഇന്റര്‍ സ്കൂള് ഫുട്ബോള്‍ ടൂര്‍ണ്ണമെന്റ്
ഹായ് സ്കൂള് കുട്ടിക്കൂട്ടം - ഫറോക്ക് സബ് ജില്ല കേമ്പ്
പേപ്പര്‍ കട്ടിങ്ങ്സ്
വഴികാട്ടി
കോഴിക്കോട് നിന്നും രാമനാട്ടുകര – തൊണ്ടയാട് ബൈപാസിലൂടെ 14 കിലോമീറ്റര്‍ സഞ്ചരിച്ച് കടവ് റിസോര്‍ട്ടിനടുത്ത് അഴിഞ്ഞിലം - ഫാറൂഖ് കോളേജ് റൂട്ടിലൂടെ വീണ്ടും 1.5 കിലോമീറ്റര്‍ സഞ്ചരിച്ചാല്‍ ഫാറൂഖ് കോളേജ് കേമ്പസിലെ ഫാറൂഖ് ഹയര്‍ സെക്കന്‍ണ്ടറി സ്കൂളില്‍ എത്താം.
കോഴിക്കോട് നിന്നും NH 213 ലൂടെ 15 കിലോമീറ്റര്‍ സഞ്ചരിച്ച് ചുങ്കം - ഫാറൂഖ് കോളേജ് റൂട്ടിലൂടെ വീണ്ടും 3 കിലോമീറ്റര്‍ സഞ്ചരിച്ചും ഫാറൂഖ് ഹയര്‍ സെക്കന്‍ണ്ടറി സ്കൂളില്‍ എത്താം.
ഫറോക്ക് ബസ് സ്റ്റാന്‍റ്, റെയില്‍വെ സ്റ്റേഷന്‍ എന്നിവിടങ്ങളില്‍ നിന്ന് 6 കിലോമീറ്ററും കോഴിക്കോട് എയര്‍പോര്‍ട്ടില്‍ നിന്ന് 09 കിലോമീറ്ററും അകലമാണ് സ്കൂളിലേക്ക് ഉള്ളത്.
{{#multimaps: 11.1983562,75.8550583 | width=800px | zoom=16 }}