ഗവ എച്ച് എസ് എസ് പെരിങ്ങോട്ടുകര/പ്രവർത്തനങ്ങൾ/2025-26

2026-27

പ്രവേശനോത്സവം 2025

പെരിങ്ങോട്ടുകര ഗവ: ഹയർ സെക്കണ്ടറി വിദ്യാലയത്തിലെ 2025-26 അധ്യയന വർഷത്തിലെ പ്രവേശനോത്സവം 2025 ജൂൺ 2 ന് ജില്ലാ പഞ്ചായത്തംഗം ശ്രീമതി ഷീന പറയങ്ങാട്ടിൽ നിർവ്വഹിച്ചു. നവാഗതർക്ക് പൂർവ്വ വിദ്യാർത്ഥി സംഘടന പഠനോപകരണങ്ങൾ വിതരണം ചെയ്തു. തുടർന്ന് വിദ്യാർത്ഥികളുടെ കലാപരിപാടികൾ അരങ്ങേറി.

പരിസ്ഥിതി ദിനം 2025

ഈ അധ്യയന വർഷത്തിലെ പരിസ്ഥിതി ദിനം വളരെ ഭംഗിയായി ആഘോഷിച്ചു. വിദ്യാർത്ഥികൾ പോസ്റ്ററുകളും ബാഡ്ജുകളും നിർമ്മിച്ചു. അവർ കൊണ്ടുവന്ന വൃക്ഷ തൈകൾ വിദ്യാലയ മുറ്റത്ത് നട്ടു. താന്ന്യം സർവ്വീസ് സഹകരണ ബാങ്ക് അധികൃതർ വിദ്യാലയത്തിലെ അടുക്കള തോട്ടത്തിലേക്ക് പച്ചക്കറി തൈകൾ വിതരണം ചെയ്തു.

വായന ദിനവും വിവിധ ക്ലബുകളുടെ ഉദ്ഘാടനവും

ഈ അധ്യയന വർഷത്തിലെ വായന ദിനവും വിവിധ ക്ലബുകളുടെ ഉദ്ഘാടനവും ജൂൺ 19 വ്യാഴാഴ്ച നടന്നു. അന്തിക്കാട് ബി. ആർ .സി യിലെ ബി.പി.സി ഡോ. കെ. ഉമാദേവി ആണ് ചടങ്ങിൻ്റെ ഉദ്ഘാടനം നിർവ്വഹിച്ചത്. പി ടി എ പ്രസിഡണ്ട് ശ്രീ മധുലാൽ അധ്യക്ഷനായ ചടങ്ങിൽ ഹെഡ്മിസ്ട്രസ് ശ്രീമതി ഗീത ടീച്ചർ സ്വാഗതം ആശംസിച്ചു. തുടർന്ന് വിദ്യാർത്ഥികളുടെ വിവിധ പരിപാടികളും പുസ്തക പ്രദർശനവും നടന്നു.