ജി.യു.പി.എസ്. കൂട്ടിലങ്ങാടി/പ്രവർത്തനങ്ങൾ/2024-25

സ്കൂൾ സ്പോർട്സ് മീറ്റ്

25.09.2024

ഈ വർഷത്തെ സ്കൂൾ സ്പോർട്സ് മീറ്റ് 25.09.2024 ന് മലപ്പുറം എം.എസ്.പി കൂട്ടമണ്ണ മൈതാനിയിൽ നടന്നു. പി ടി എ പ്രസിഡണ്ട് പി കെ ഉമ്മർ ഉദ്ഘാടനം ചെയ്തു. 3 ഗ്രൂപ്പുകളായി തിരിഞ്ഞ് നടത്തിയ മീറ്റിൽ മുന്നൂറിലധികം കുട്ടികൾ പങ്കെടുത്തു. വിജയികൾക്ക് മെഡലുകൾ വിതരണം ചെയ്തു.ശുഹൈബ് മാസ്റ്റർ, അനീഷ ടീച്ചർ, അഭിലാഷ് മാസ്റ്റർ, ഫർഷീൻ അഹമ്മദ് എന്നിവർ നേതൃത്വം നൽകി.

ചാച്ചാജി സ്മരണയിൽ ജി യു പി

14.11.2024

ഇന്ത്യയുടെ ആദ്യ പ്രധാനമന്ത്രി ജവഹർലാൽ നെഹ്റുവിൻ്റെ ജന്മദിനമായ ശിശുദിനം കൂട്ടിലങ്ങാടി ജി യു പി സ്കൂളിൽ സംചിതമായി ആചരിച്ചു.

ശിശുദിന റാലിയും പ്രഭാഷണവും ക്വിസ് മത്സരവും ശിശുദിന സന്ദേശപ്രഭാഷണവും നടന്നു.

ഒന്നാം ക്ലാസിൻ്റെ ഒന്നാന്തരം ഫുഡ്ഫെസ്റ്റ്

(27.11.2024)

പഠനപ്രവർത്തനത്തിൻ്റെ ഭാഗമായി ഒന്നാം ക്ലാസിലെ കുട്ടികൾ സംഘടിപ്പിച്ച ഫുഡ്ഫെസ്റ്റ് ഒന്നാന്തരമായി. ഒന്നാം ക്ലാസിലെ മുഴുവൻ കുട്ടികളും ഇതിൽ പങ്കാളികളായി. പ്രധാനാധ്യാപകൻ അബ്ദുൽ അസീസ് ഉദ്ഘാടനം ചെയ്തു. ക്രമീകരണങ്ങൾക്ക് അനീഷ, സുകുമാരി, സുബൈദ എന്നിവർ നേതൃത്വം നൽകി.

'കൊറോണ ഗോ മലാല വീപ്സ്' - ഫിലിം പ്രദർശനം

09.12.2024

സലീം ടി പെരിമ്പലം സംവിധാനം ചെയ്ത കോറോണ ഗോ മലാല വീപ്സ് എന്ന ഫിലിമിൻ്റെ പ്രദർശനം സംഘടിപ്പിച്ചു. യു.പി ക്ലാസിലെ കുട്ടികൾക്കായാണ് പ്രദർശനം സംഘടിപ്പിച്ചത്. പ്രധാനാധ്യാപകൻ വി അബ്ദുൽ അസീസ് ഉദ്ഘാടനം ചെയ്തു.

ക്രിസ്മസ് ആഘോഷം

20.12.2024

ഈ വർഷത്തെ ക്രിസ്മസ് ആഘോഷം 20.12.2024 ന് സ്കൂളിൽ സംഘടിപ്പിച്ചു. ക്രിസ്മസ് പുൽക്കൂടും, അപ്പൂപ്പനും, വേഷവിധാനമണിഞ്ഞ കുട്ടികളും ആഘോഷത്തിൻ്റെ മാറ്റ് കൂട്ടി.

പാചകപ്പുര - പ്രവൃത്തി ഉദ്ഘാടനം

20.12.2024

മഹാത്മാ ഗാന്ധി ദേശീയ തൊഴിലുറപ്പ് പദ്ധതിയിലൂടെ സ്കൂളിൽ പുതുതായി നിർമ്മിക്കുന്ന പാചകപ്പുരയുടെ പ്രവൃത്തി ഉദ്ഘാടനം 20.12.2024 ന് കൂട്ടിലങ്ങാടി ഗ്രാമ പഞ്ചായത്ത് പ്രസിഡൻ്റ് അബ്ദുൽ മാജിദ് ആലുങ്ങൽ നിർവഹിച്ചു. ചടങ്ങിൽ വൈസ് പ്രസിഡണ്ട് ശബീബ ഹമീദ്, സ്റ്റാൻ്റിംഗ് കമ്മിറ്റി ചെയർമാന്മാരായ സൈഫുദ്ധീൻ, ജലാൽ, വാർഡ് മെമ്പർമാരായ ഹാലിയ ജാഫർ, സി.കെ അബദുന്നാസർ, അധ്യാപക രക്ഷാകർതൃ സമിതി അംഗങ്ങളായ പി.കെ ഉമ്മർ, പി അബ്ദു റഊഫ്, എൻ പി റഊഫ്, കെ കുഞ്ഞിമുഹമ്മദ്, താജുന്നീസ, കെ കുഞ്ഞിമുഹമ്മദ് എന്നിവർ പങ്കെടുത്തു.

മാലിന്യമുക്ത കൂട്ടിലങ്ങാടി - ഡസ്റ്റ് ബിൻ വിതരണം

20.12.2024

മാലിന്യമുക്ത കൂട്ടിലങ്ങാടി പദ്ധതിയുടെ ഭാഗമായി കൂട്ടിലങ്ങാടി ഗ്രാമ പഞ്ചായത്ത് കൂട്ടിലങ്ങാടി ഗവ. യു.പി സ്കൂളിലേക്ക് ഡസ്റ്റ്ബിന്നുകൾ നൽകി. ഗ്രാമ പഞ്ചായത്ത് പ്രസിഡണ്ട് ആലുങ്ങൽ അബ്ദുൽ മാജിദിൽ നിന്നും സ്കൂൾ ലീഡർ മുഹമ്മദ് റാസിഖ് ഏറ്റുവാങ്ങി.

ഗൂഗിൾ ടിവി കൈമാറ്റവും ഉപഹാര വിതരണവും

10.01.2025

കൂട്ടിലങ്ങാടി ജി യു പി സ്കൂളിലെ പൂർവ വിദ്യാർത്ഥിയും അധ്യാപകനുമായ സിദ്ദീഖ് മാസ്റ്റർ ചെലൂർ സ്കൂളിലേക്ക് നൽകുന്ന ഗൂഗിൾ ടിവിയുടെ കൈമാറ്റം പ്രധാന അധ്യാപകൻ അബ്ദുൽ അസീസ് മാസ്റ്റർക്ക് നൽകി നിർവഹിച്ചു. അർദ്ധ പാദ വാർഷിക പരീക്ഷയിൽ ക്ലാസ് തരത്തിൽ മികച്ച വിജയം കൈവരിച്ച കുട്ടികളെ ചടങ്ങിൽ ആദരിച്ചു. അദ്ധ്യാപക രക്ഷാകർതൃ പ്രതിനിധികൾ സംബന്ധിച്ചു.

കുട്ടികളുടെ ഹരിതസഭ

13-01-2025 ശനി

മാലിന്യമുക്തം നവകേരളം ജനകീയ ക്യാമ്പയിനിൻ്റെ ഭാഗമായി 2025 ജനുവരി 13 ന് കൂട്ടിലങ്ങാടി ഗ്രാമപഞ്ചായത്ത് സംഘടിപ്പിച്ച കുട്ടികളുടെ ഹരിതസഭയിൽ ജി യു പി സ്കൂളിൻ്റെ പ്രതിനിധികളായി പി.കെ ഫാത്തിമ സന, കെ നിഹ മെഹറിൻ, പി ഫാത്തിമ ശിഫ്ന എന്നിവർ പങ്കെടുത്തു.മികച്ച രീതിയിൽ പങ്കെടുത്ത സ്കൂളിനെയും കുട്ടികളെയും പഞ്ചായത്ത് അഭിനന്ദിച്ചു.

വിവിധ പദ്ധതികളുടെ ഉദ്ഘാടനം

15-01-2024 തിങ്കൾ

KILA KIIFB ഫണ്ടിൽ നിന്നും ഒരു കോടി രൂപ ചെലവഴിച്ചു നിർമ്മിച്ച മൂന്ന് നിലകളിലായി ഒമ്പത് ക്ലാസ് റൂമുകളുള്ള പുതിയ കെട്ടിടം, ശ്രീ. ടി.എ അഹമ്മദ് കബീർ എം.എൽ.എ യുടെ പ്രദേശിക ആസ്തി വികസന ഫണ്ട് ഉപയോഗിച്ചു നിർമ്മിച്ച മൾട്ടി പർപ്പസ് ടർഫ്, എസ്.എസ്.കെ ഫണ്ടുപയോഗിച്ച് പുനരുദ്ധാരണം ചെയ്ത ചുറ്റുമതിൽ, കൂട്ടിലങ്ങാടി ഗ്രാമ പഞ്ചായത്ത് ഫണ്ടുപയോഗിച്ച് നടത്തിയ നവീകരണ പ്രവർത്തനങ്ങൾ എന്നിവയുടെ ഉദ്ഘാടനവും എസ്.എസ്.കെ സ്റ്റാർസ് പദ്ധതിയിലൂടെ നടപ്പിലാക്കുന്ന വർണക്കൂടാരം പദ്ധതിയുടെ തറക്കല്ലിടൽ കർമ്മവും 15.01.2024 ന് തിങ്കളാഴ്ച നടന്നു. ഉച്ചക്ക് ശേഷം നടന്ന പരിപാടിയിൽ കെട്ടിടോദ്ഘാടനം കേരള ന്യൂനപക്ഷ കായിക വകുപ്പ് മന്ത്രി ശ്രീ. വി അബ്ദുറഹിമാനും ടർഫ് ഉദ്ഘാടനം മഞ്ഞളാംകുഴി അലി എം.എൽ.എ യും ചുറ്റുമതിൽ മങ്കട ബ്ലോക്ക് പഞ്ചായത്ത് പ്രസിഡൻ്റ് ടി. അബ്ദുൽ കരീമും നവീകരണ പ്രവർത്തനങ്ങൾ കൂട്ടിലങ്ങാടി ഗ്രാമ പഞ്ചായത്ത് പ്രസിഡൻ്റ് എൻ.കെ ഹുസൈനും നിർവ്വഹിച്ചു. വർണക്കൂടാരം പദ്ധതിയുടെ ഉദ്ഘാടനം ഡി.പി.സി മനോജ് കുമാർ നിർവ്വഹിച്ചു.

ചടങ്ങിൽ വിവിധ മേഖലകളിൽ മികവ് തെളിയിച്ച പൂർവ്വ വിദ്യാർത്ഥികളെ ആദരിച്ചു.

കിഫ്ബി കെട്ടിടം ഉദ്ഘാടനം
കായിക മന്ത്രി സ്കൂളിൽ
ടർഫ് ഉദ്ഘാടനം
സ്കൂൾ ചുറ്റുമതിൽ ഉദ്ഘാടനം
നവീകരണ പ്രവൃത്തികളുടെ ഉദ്ഘാടനം
വർണക്കൂടാരം തറക്കല്ലിടൽ കർമ്മം

ആരോഗ്യ ബോധവത്കരണവും മെഡിക്കൽ ക്യാംപും

20.01.2025

സയൻസ് ക്ലബിന് കീഴിൽ 20.01.2025 ന് ആരോഗ്യ ബോധവത്കരണ ക്ലാസും മെഡിക്കൽ ക്യാംപും സംഘടിപ്പിച്ചു. കൂട്ടിലങ്ങാടി പ്രാഥമിക ആരോഗ്യ കേന്ദ്രത്തിലെ അസിസ്റ്റൻ്റ് ഹെൽത്ത് ഓഫീസർ ക്ലാസിന് നേതൃത്വം നൽകി. കെ രമ്യ, വി നസീറ, പി പി ബിന്ദു, പി ടി അനീഷ, ശഫ്ന, കെ ശ്രീജ, എ അഭിലാഷ് എന്നിവർ പ്രസംഗിച്ചു.

റിപബ്ലിക് ദിനാഘോഷം

26.01.2025

രാജ്യത്തിൻ്റെ റിപബ്ലിക് ദിനാഘോഷം വളരെ സമുചിതമായി ആചരിച്ചു. പതാക ഉയർത്തൽ, റിപബ്ലിക് ദിന സന്ദേശം, മധുര വിതരണം, ദേശഭക്തി ഗാനാലാപനം, പാട്രിയോട്ടിക് ഡാൻസ് എന്നിവയെല്ലാം സംഘടിപ്പിച്ചു. അധ്യാപക രക്ഷാകർതൃ സമിതി അംഗങ്ങൾ പങ്കെടുത്തു.

മലർ - ബഡ്ഡിംഗ് റൈറ്റേഴ്സ് ശില്പശാല

29.01.2025

വിദ്യാർത്ഥികളിലെ സാഹിത്യ വാസന പുഷ്ടിപ്പെടുത്തുന്നതിനായി സംഘടിപ്പിച്ച മലർ ബഡ്ഡിംഗ് റൈറ്റേഴ്സ് ശില്പശാല ശ്രദ്ധേയമായി. പ്രാദേശിക എഴുത്തുകാരനും കവിയുമായ അബ്ദുള്ള ബാപ്പു നേതൃത്വം നൽകി. പ്രധാനാധ്യാപകൻ വി അബ്ദുൽ അസീസ് ബാപ്പുവിനെ പരിചയപ്പെടുത്തി. ഇ വി രജീഷ്, ഇ കെ സാജി, മാരിയ മാട്ടിൽ എന്നിവർ പ്രസംഗിച്ചു.

ഇൻട്രാ സ്കൂൾ ഫുട്ബോൾ ടൂർണമെൻ്റ്

29.01.2025 മുതൽ

സ്കൂൾ വാർഷികത്തിന് മുന്നോടിയായി സ്കൂൾ മിനി ടർഫ് മൈതാനിയിൽ 4 മുതൽ 7 വരെ ക്ലാസുകളിലെ കുട്ടികൾക്കായി ഫുട്ബോൾ മത്സരം സംഘടിപ്പിച്ചു. മത്സരം മമ്പാട് എം ഇ എസ് കോളേജ് മുൻ ഫുട്ബോൾ താരവും സ്കൂൾ ഓഫീസ് അറ്റൻ്ററുമായ ഫർഷീൻ അഹമ്മദ് നിയന്ത്രിച്ചു. വിജയികൾക്ക് വാർഷിക സമ്മേളനത്തിൽ ട്രോഫികൾ വിതരണം ചെയ്തു.

അല്ലാമാ ഇഖ്ബാൽ ഉർദു ടാലൻ്റ് മീറ്റ് സംസ്ഥാന മത്സരം

11-02-2025

കേരള പൊതു വിദ്യാഭ്യാസ വകുപ്പും കേരള ഉർദു ടീച്ചേഴ്സ് അക്കാദമിക് കൌൺസിലും വിദ്യാഭ്യാസ കലണ്ടറിൽ ഉൾപെടുത്തി നടത്തുന്ന അല്ലാമാ ഇഖ്ബാൽ ഉർദു ടാലൻ്റ് ടെസ്റ്റ് സംസ്ഥാന തല മത്സരത്തിന് കൂട്ടിലങ്ങാടി ജി യു പി സ്കൂൾ വേദിയായി. ഓൺലൈനായി നടന്ന മത്സരത്തിലെ മങ്കട ഉപജില്ലയിലെ കേന്ദ്രമായിരുന്നു ഈ വിദ്യാലയം. 80 ശതമാനത്തിലധികം സ്കോർ നേടിയ കുട്ടികൾക്ക് പൊതു വിദ്യാഭ്യസ വകുപ്പിൻ്റെ സർട്ടിഫിക്കറ്റ് ലഭിച്ചു. ഈ വിദ്യാലയത്തിലെ മുഹമ്മദ് അനസ്, ആഹിൽ അലി, മൊനവ്വർ ഹുസൈൻ, ഫാത്തിമ സന പി.കെ, ഫാത്തിമ ശിഫ്ലി എന്നീ കുട്ടികൾക്ക് സർട്ടിഫിക്കറ്റ് കരസ്ഥമാക്കാനായി.

യൂണിറ്റ് ക്യാമ്പ്

13-02-2025

കേരള സകൌട്ട് അൻ്റ് ഗൈഡിൻ്റെ യൂണിറ്റ് ക്യാമ്പ് 13-02-2025 ന് വെച്ച് നടന്നു. ക്യാമ്പിനോടനുബന്ധിച്ച് പഠനയാത്ര, പഠന സെഷനുകൾ, ക്യാമ്പ് ഫെയർ എന്നിവ സംഘടിപ്പിച്ചു. ക്യാമ്പ് പി.ടി.എ പ്രസിഡണ്ട് പി.കെ ഉമ്മർ ഉദ്ഘാടനം ചെയ്തു. എം.ടി.എ പ്രസിഡണ്ട് താജുന്നീസ, എസ്.എസ്.ജി ചെയർമാൻ അജിഷാൻ, പി.ടി.എ വൈസ് പ്രസിഡണ്ട് എൻ.പി അബ്ദു റഊഫ്, ഹെഡ്മാസ്റ്റർ വി അബ്ദുൽ അസീസ് എന്നിവർ പ്രസംഗിച്ചു. ക്യാമ്പിന് അനീഷ പൂവൻതൊടി, ഇ കെ സുമിത, കെ പി സവിത, ഇ വി രജീഷ് എന്നിവർ നതൃത്വം നൽകി. ക്യാമ്പംഗങ്ങൾക്ക് സർട്ടിഫിക്കറ്റ് വിതരണം ചെയ്തു.

സ്കൂൾ വാർഷികം

വിദ്യാലയത്തിൻ്റെ നൂറ്റി പതിമൂന്നാമത് വാർഷികാഘോഷം സമുചിതമായി ആഘോഷിച്ചു.മങ്കട ബ്ലോക്ക് പഞ്ചായത്ത് പ്രസിഡണ്ട് ടി. അബ്ദുൽ കരീം ഉദ്ഘാടനം ചെയ്തു. കൂട്ടിലങ്ങാടി ഗ്രാമ പഞ്ചായത്ത് പ്രസിഡണ്ട് അബ്ദുൽ മാജിദ് ആലുങ്ങൽ അധ്യക്ഷനായി. സർവീസിൽ നിന്നും വിരമിക്കുന്ന നരേന്ദ്രൻ മാസ്റ്റർക്ക് യാത്രയയപ്പ് നൽകി. ബെസ്റ്റ് സ്റ്റുഡൻ്റ്, ബെസ്റ്റ് പെർഫോർമർ, ഇംഗ്ലീഷ്, ഹിന്ദി, മാത്സ്, ഉർദു വിഷയങ്ങളിലെ ബെസ്റ്റ് പെർഫോർമർ, എൽ.എസ്.എസ്, യു.എസ്.എസ് അവാർഡ് എന്നിവ വിതരണം ചെയ്തു. കുട്ടികളുടെ കലാപരിപാടികളും അരങ്ങേറി.

നീന്തൽ പരിശീലനം

28-02-2024

കൂട്ടിലങ്ങാടി പഞ്ചായത്തിൻ്റെയും സിവിൽ ഡിഫൻസ് ഫോഴ്സിൻ്റെയും സഹകരണത്തോടെ കുട്ടികൾക്കായി നീന്തൽ പരിശീലനം സംഘടിപ്പിച്ചു. വിദ്യാലയത്തിന് തൊട്ടടുത്ത ഹിൽ ക്ലബ് പൂളിലാണ് പരിശീലനം നടന്നത്. നീന്തൽ പരിശീലനത്തിലൂടെ നിരവധി കുട്ടികൾക്ക് നീന്തലിൽ അവഗാഹം നേടാനായി.

അവധിക്കാല ഐ ടി പരിശീലനം

(2025 ഏപ്രിൽ 28-30)

ഐ ടി ക്ലബിന് കീഴിൽ വെക്കേഷൻ കാലയളവിൽ 6,7 ക്ലാസിലെ കുട്ടികൾക്കായി ഐ ടി എക്സ്പേർട്ട് പരിശീലനം സംഘടിപ്പിച്ചു. മൂന്ന് ദിവസം രാവിലെ മുതൽ വെകുന്നേരം വരെ നടന്ന പരിശീലനത്തിൽ 18 കുട്ടികളാണ് പങ്കെടുത്തത്. പരിശീലനത്തിന് പി.എസ്.ഐ.ടി.സി സൈനുൽ ആബിദ് നേതൃത്വം നൽകി.

യാത്രയയപ്പ് യോഗം

(28.05.2025)

വിദ്യാലയത്തിലെ മികച്ച അധ്യാപകൻ 31.05.2025 ന് സർവീസിൽ നിന്ന് വിരമിക്കുന്ന എ. എൻ നരേന്ദ്രൻ മാസ്റ്റർക്ക് മലപ്പുറം വുഡ്ബൈൻ കോൺഫ്രൻസ് ഹാളിൽ വെച്ച് യാത്രയയപ്പ് നൽകി. മുൻ പ്രധാനാധ്യാപകൻ പി. കുഞ്ഞിമുഹമ്മദ് ഉദ്ഘാടനം ചെയ്തു. പ്രധാനാധ്യാപകൻ വി. അബ്ദുൽ അസീസ്, മുൻ ഹിന്ദി അധ്യാപിക ജി.കെ രമ, പി പി ബിന്ദു, കാവുങ്ങൽ മുഹമ്മദ് ബഷീർ, സി ആമിന, മുഹയമ്മദലി തുടങ്ങിയവർ പ്രസംഗിച്ചു.

Home

2025-26