ഫാദർ അഗൊസ്തീനോ വിച്ചീനിസ് സെപ്ഷ്യൽ സ്ക്കൂൾ മുണ്ടംവേലി/പ്രവർത്തനങ്ങൾ

ജൂൺ-5 ലോക പരിസ്ഥിതിദിനം

പരിസ്ഥിതിപ്രശ്നങ്ങളെ കുറിച്ചുള്ള അവബോധം കുട്ടികളിൽ വളർത്തിയെടുക്കാനായി എല്ലാവർഷത്തെയുംപോലെ ഈ വർഷവും ഞങ്ങളുടെ വിദ്യാലയത്തിലും ജൂൺ-5 പരിസ്ഥിതിദിനം ആചരിക്കുകയുണ്ടായി. സ്കൂൾതലത്തിൽ പരിസ്ഥിതിദിന ഉത്ഘാടനം പ്രധാനാധ്യാപിക സിസ്റ്റർ മരിയദീപ നിർവ്വഹിച്ചു.അതിന്റെ പ്രാധാന്യത്തെ കുറിച്ചും വ്യക്തമാക്കി കൊടുത്തു. അതിനുശേഷം പ്രധാനാധ്യാപികയുടെയും പി.ടി.എയുടെയും നേതൃത്വത്തിൽ കുട്ടികൾ സ്കുൾ അങ്കണത്തിൽ വൃക്ഷതൈകൾ വച്ചുപിടിപ്പു, ആവശ്യത്തിന് വെള്ളവും വളവും നൽകേണ്ടതിന്റെ ആവശ്യകത മനസ്സിലാക്കികൊടുക്കുകയും ചെയ്തു. പരിസ്ഥിതിയുമായി കുട്ടികൾക്ക് ഇണങ്ങിചേരാനുള്ള ഒരു അവസരം കൂടിയായിരുന്നു ഇത്.

ജൂൺ-19 വായന ദിനം

ജൂൺ-19 വായന ദിനമായി അഘോഷിച്ചു. പ്രധാനാധ്യാപിക സിസ്റ്റർ മരിയദീപ സ്കൂൾതല ഔപചാരിക ഉത്ഘാടനം ചെയ്തു. സ്കൂളിലെ ലൈബ്രറി ചാർജ്കുള്ള സജന ടീച്ചർ സ്കൂളിലെ ഒന്നു മുതൽ പത്തുവരെയുള്ള എല്ലാ കുട്ടികൾക്കും വായിക്കാൻ പുസ്തകം നൽകുകയും വായനയുടെ പ്രാധാന്യത്തെക്കുറിച്ച് പറഞ്ഞുകൊടുക്കുകയും ചെയ്തു. വായന ദിനത്തോടനുബന്ധിച്ച് സ്കൂളിൽ അന്നേദിവസം വായനമത്സരവും ചിത്രരചനാമത്സരവും നടത്തുകയും വായിച്ച പുസ്തകത്തിന്റെ പുറംചട്ടവരയ്ക്കൽ മത്സരം നടത്തുകയുമുണ്ടായി. വിജയിതൾക്ക് പ്രത്തേക സമ്മാനങ്ങളും പങ്കെടുത്ത എല്ലാർക്കും പ്രോത്സാഹന സമ്മാനങ്ങളും നൽകി.

ജൂലൈ-5 ബഷീർ അനുസ്മരണ ദിനം

ബഷീർ അനുസ്മരണ ദിനമായ ജൂലൈ-5ന് ഞങ്ങളുടെ കുട്ടികൾ ബഷീന്റെ കഥാപാത്രങ്ങളെ ജീവനുള്ളതാക്കി മാറ്റി. ഓരോ കഥാപാത്രത്തെയും ആശ ടീച്ചർ കുട്ടികൾക്ക് പരിചയപ്പെടുത്തിക്കൊടുത്തു. ബഷീറിന്റെ കുറച്ചു പുസ്തകങ്ങളും കുട്ടികൾക്ക് പരിചയപ്പെടുത്തിക്കൊടുത്തു.

ഓണാഘോഷം

ഈ വർഷത്തെ ഓണാഘോഷപരിപാടികൾ ആർഭാടങ്ങളൊക്കെ അല്പം കുറച്ചുകൊണ്ട്, എങ്കിലും കുട്ടികൾക്ക് ഇഷ്ടപ്പെടുന്ന രീതിയിൽ ഓണം ആഘോഷിച്ചു.പലതരത്തിലുള്ള മത്സരങ്ങൾ നടത്തി . വിജയികൾക്ക് സ്കൂൾ മാനേജർ സ്മ്മാനദാനം നിർവഹിച്ചു . ശേഷം കുട്ടികൾക്ക് പായസം നൽകി. തുടർന്ന് അധ്യാപകർക്കായുള്ള മത്സരവും ഓണസദ്യയും ഉണ്ടായിരുന്നു.