ലിറ്റിൽ ഫ്ലവർ യൂ. പി. സ്കൂൾ ചേരാനല്ലൂർ
സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
ലിറ്റിൽ ഫ്ലവർ യൂ. പി. സ്കൂൾ ചേരാനല്ലൂർ | |
---|---|
പ്രമാണം:ലിറ്റിൽ ഫ്ലവർ യൂ. പി. സ്കൂൾ ചേരാനല്ലൂർ.jpg LFUPS CHERANELLOOR | |
വിലാസം | |
ചേരാനല്ലൂർ ലിറ്റിൽ ഫ്ലവർ യു.പി. എസ്. ചേരാനല്ലൂർ , ചേരാനല്ലൂർ പി.ഒ. , 682034 , എറണാകുളം ജില്ല | |
സ്ഥാപിതം | 01 - 06 - 1925 |
വിവരങ്ങൾ | |
ഇമെയിൽ | lfupscheranelloor@gmail.com |
വെബ്സൈറ്റ് | www.lfupscheranelloor |
കോഡുകൾ | |
സ്കൂൾ കോഡ് | 26264 (സമേതം) |
യുഡൈസ് കോഡ് | 32080300102 |
വിദ്യാഭ്യാസ ഭരണസംവിധാനം | |
റവന്യൂ ജില്ല | എറണാകുളം |
വിദ്യാഭ്യാസ ജില്ല | എറണാകുളം |
ഉപജില്ല | എറണാകുളം |
ഭരണസംവിധാനം | |
ലോകസഭാമണ്ഡലം | എറണാകുളം |
നിയമസഭാമണ്ഡലം | എറണാകുളം |
താലൂക്ക് | കണയന്നൂർ |
ബ്ലോക്ക് പഞ്ചായത്ത് | ഇടപ്പള്ളി |
തദ്ദേശസ്വയംഭരണസ്ഥാപനം | ചേരാനല്ലൂർ പഞ്ചായത്ത് |
വാർഡ് | 5 |
സ്കൂൾ ഭരണ വിഭാഗം | |
സ്കൂൾ ഭരണ വിഭാഗം | എയ്ഡഡ് |
സ്കൂൾ വിഭാഗം | പൊതുവിദ്യാലയം |
പഠന വിഭാഗങ്ങൾ | യു.പി |
സ്കൂൾ തലം | 5 മുതൽ 7 വരെ |
മാദ്ധ്യമം | മലയാളം, ഇംഗ്ലീഷ് |
സ്ഥിതിവിവരക്കണക്ക് | |
ആൺകുട്ടികൾ | 90 |
പെൺകുട്ടികൾ | 77 |
ആകെ വിദ്യാർത്ഥികൾ | 167 |
അദ്ധ്യാപകർ | 8 |
ഹയർസെക്കന്ററി | |
ആകെ വിദ്യാർത്ഥികൾ | 167 |
അദ്ധ്യാപകർ | 8 |
വൊക്കേഷണൽ ഹയർസെക്കന്ററി | |
ആകെ വിദ്യാർത്ഥികൾ | 167 |
അദ്ധ്യാപകർ | 8 |
സ്കൂൾ നേതൃത്വം | |
പ്രധാന അദ്ധ്യാപിക | റെറ്റി സെവ്യാർ |
പി.ടി.എ. പ്രസിഡണ്ട് | പ്രവീൺ |
എം.പി.ടി.എ. പ്രസിഡണ്ട് | ജാൻസി സേവ്യാർ |
അവസാനം തിരുത്തിയത് | |
04-02-2022 | Razeenapz |
![](/images/thumb/6/6e/LFUPSCHERANALLOOR.jpeg/300px-LFUPSCHERANALLOOR.jpeg)
എറണാകുളംജില്ലയിലെ എറണാകുളം വിദ്യാഭ്യാസ ജില്ലയിൽ എറണാകുളം ഉപജില്ലയിലെ ചേരാനല്ലൂർ സ്ഥലത്തുള്ള ഒരു എയ്ഡഡ് വിദ്യാലയമാണ് ലിറ്റിൽ ഫ്ളവർ യു.പി. സ്കൂൾ .
ചരിത്രം
ആരാധ്യനായ ബെർണാഡ് മെത്രോപ്പോലീത്ത 1925 ൽ 77 കുട്ടികളുമായി ആരംഭിച്ചതാണ് ലിറ്റിൽ ഫ്ലവർ യു പി സ്കൂൾ .ആദരണീയനായ ശ്രീ ജോസഫ് വളന്തറ ആയിരുന്നു പ്രഥമ പ്രധാനാദ്ധ്യാപകൻ .പിന്നീട് സമീപദേശങ്ങളിൽ ഉള്ള പലരും വിദ്യാഭ്യാസത്തിന് ആശ്രയിച്ചിരുന്നതും,ആദ്യ പരിഗണന നല്കിയിരുന്നതും ഈ വിദ്യാലയത്തെ തന്നെ ആയിരുന്നു.മാതിരപ്പിള്ളി ചന്ദ്രശേഖര മേനോൻ ആയിരുന്നു ഇവിടത്തെ ആദ്യ വിദ്യാർത്ഥി. മുൻ വരാപ്പുഴ അതിരൂപത മെത്രോപ്പോലീത്ത അഭി;ഫ്രാൻസിസ് കല്ലറക്കൽ പിതാവ് ഉൾപ്പെടെ സമൂഹത്തിന്റെ നാനാ തുറകളിൽ വ്യക്തിമുദ്ര പതിപ്പിച്ച ഈ വിദ്യാലയത്തിലെ പൂർവ വിദ്യാർഥികൾ അനവധിയാണ്. പ്രശസ്ത സ്ഥല നാമ ചരിത്ര ഗവേഷകനും സാഹിത്യകാരനുമായ വി വി കെ വാലത്തു മാസ്റ്റർ ഇവിടത്തെ മുൻ അധ്യാപകൻ ആയിരുന്നു .മുൻ കപ്യാർ പരേതനായ ചാക്കപ്പൻ ചേട്ടൻ ഈ വിദ്യാലയത്തിലെ ആദ്യത്തെ പ്യൂൺ ആയിരുന്നു.നിലവിൽ ഈ വിദ്യാലയം വരാപ്പുഴ കോർപറേറ്റ് എഡ്യൂക്കേഷണൽ ഏജൻസിയുടെ കീഴിലാണ് പ്രവർത്തിക്കുന്നത്.2005 മുതൽ സർക്കാർ അംഗീകാരത്തോടെയുള്ള ആംഗലേയ വിദ്യാഭ്യാസവും ഇവിടെ നടത്തിവരുന്നുണ്ട് . ഇന്ന് ഈ വിദ്യാലയത്തിൽ ആറ് ഡിവിഷനുകളിലായി 165 വിദ്യാർത്ഥികളും ,10 അദ്ധ്യാപകരും ,1 ഓഫീസ് അസിസ്റ്റൻറ് ഉണ്ട് .
ഭൗതികസൗകര്യങ്ങൾ
സെൻറ് ജെയിംസ് പള്ളി അങ്കണത്തിൽ സ്ഥിതി ചെയ്യുന്ന വിദ്യാലയത്തിന് പുതിയ കെട്ടിടത്തിൽ രണ്ട് നിലകളിലായി ആറ് ക്ലാസ് മുറികളാണ് ഉള്ളത് ഒപ്പം 1 ഓഫീസ് മുറിയും,1 കമ്പ്യൂട്ടർ മുറിയും ഉണ്ട് ,പഴയ കെട്ടിടത്തിൽ 4 മുറികളിൽ സംസ്കൃതം ,അറബിക്ലാസുകളും സ്റ്റോർ മുറിയും,ലൈബ്രറിയും ഉണ്ട്. വായനാമുറി ,സ്മാർട്ട് ക്ളാസ്മുറി എന്നിവ കുട്ടികൾക്ക് ലഭ്യമായിരിക്കെ തന്നെ സയൻസ് ലാബ് ഇല്ലാത്തത് ഒരു പരിമിതി തന്നെയാണ്.കുട്ടികളുടെ എന്നതിന് ആനുപാതികമായി ശുചിമുറികൾ ഉണ്ട്.പരിമിതമായ പള്ളിഅങ്കണം അല്ലാതെ കുട്ടികൾക്കായി പ്രത്യേകം കളിസ്ഥലമില്ല .കുടിവെള്ള സൗകര്യം ലഭ്യമാണ് അതിലേക്കായി സ്കൂൾ മുറ്റത്തെ കിണർ പ്ര ത്യേകമായി പരിപാലിക്കുന്നു ഒപ്പം പൊതു ജലവിതരണ സംവിധാനവും ഉപയോഗപ്പെടുത്തുന്നു .പള്ളിയോടും വിദ്യാലയത്തോടും ചേർന്ന് നിൽക്കുന്ന പൂന്തോട്ടവും ,പച്ചപ്പ് വിരിച്ചു നിൽക്കുന്ന ഫലവൃക്ഷങ്ങളും ഇവിടത്തെ പ്രത്യേകതയാണ്.
ഉച്ചഭക്ഷണ പരിപാടി
വൈവിധ്യപൂർണവും പോഷക സമൃദ്ധവും ആയ ഭക്ഷണം ഈ പരിപാടിയിലൂടെ കുട്ടികൾക്ക് ഉറപ്പുവരുത്തുന്നു .ബഹുമാനപ്പെട്ട എം.പി. പ്രൊഫ കെ.വി തോമസ് അവർകളുടെ "വിദ്യാപോഷണം "എന്ന പ്രേത്യക പദ്ധതിയിലും വിദ്യാലയം ഉൾപ്പെട്ടിട്ടുണ്ട്.
റഫറൻസ് ലൈബ്രറി
വായനയുടെ ലോകത്തിലേക്കു വിദ്യാർത്ഥികളെ കൈപിടിച്ചുയർത്തുവാൻ ഉതകുന്ന തരത്തിൽ ഉള്ള ആയിരത്തോളം പുസ്തകങ്ങളുടെ ശേഖരം ഒരുക്കിയിട്ടുണ്ട്.കുട്ടികളുടെ അമ്മമാരുടെ വായനയെ പരിപോഷിക്കുന്നതിനു വേണ്ടി "അമ്മ വായന "എന്ന പദ്ധതി വായനാദിനത്തിനോടനുബന്ധിച്ചു സംഘടിപ്പിച്ചു.സ്കൂൾ ലൈബ്രറിയിൽ അംഗത്വമെടുക്കുന്ന അമ്മമാർക്ക് പുസ്തകങ്ങൾ എടുത്തുകൊണ്ട് പോയി വായിക്കുവാൻ സൗകര്യം ഒരുക്കിയിട്ടുണ്ട് .
കമ്പ്യൂട്ടർ ലാബ്
മെച്ചപ്പെട്ട ഭൗതിക സാഹചര്യത്തോടു കൂടിയ നിലവാരമുള്ള സ്മാർട്ട് ക്ലാസ് മുറി വിദ്യാലയത്തിൽ ഉണ്ട്.എം ൽ എ ഫണ്ടിൽ നിന്നും ബഹുമാനപ്പെട്ട എം ൽ എ ശ്രീ ഹൈബി ഈഡൻ അവർകൾ അനുവദിച്ചുതന്ന നൂതന സംവിധാനത്തോട് കൂടിയ ബോധന ഉപകരണങ്ങൾ ഉണ്ട്.എങ്കിലും കുട്ടികളുടെ എണ്ണത്തിനു ആനുപാതികമായി പ്രവർത്തന സജ്ജമായ കംപ്യൂട്ടറുകളുടെ അപര്യാപ്തത പ്രശ്നം തന്നെയാണ്.
ബയോഗ്യാസ് പ്ളാൻറ്
മാലിന്യരഹിതമായ സ്കൂൾ പരിസരം ഉറപ്പുവരുത്തുന്നതിനോടൊപ്പം പാചകത്തിന് കൂടി സൗകര്യപ്പെടുന്ന ബയോഗ്യാസ് പ്ലാന്റ് വിദ്യാലയത്തിൽ സ്ഥാപിച്ചിട്ടുണ്ട് .
പാഠ്യേതര പ്രവർത്തനങ്ങൾ
വിദ്യാരംഗം കലാസാഹിത്യവേദി
വിദ്യാർത്ഥികളിൽ സർഗാത്മക വാസനകളെ പരിപോഷിപ്പിക്കാൻ ഉതകുന്ന സക്രിയമായ രചനാ ശേഷിയെ ഉയർത്താൻ സജീവമായിത്തന്നെ പ്രസ്തുത വേദി ജാഗരൂഗമാണ് . വിവിധ ക്ലബ് പ്രവർത്തനങ്ങൾ മലയാളം ,ആംഗലേയം ,ഹിന്ദി തുടങ്ങിയ ഭാഷാ ക്ലബ്ബുകളുടെ പ്രവർത്തനത്തിലൂടെ കുട്ടികളെ കലോത്സവ ത്തിന് വേണ്ടരീതിയിൽ സജ്ജമാക്കുന്നു ഒപ്പം ഭാഷാപഠനം സുഗമമാക്കുന്നു .ശാസ്ത്ര ,സാമൂഹ്യ ,ഗണിത ക്ലബ്ബുകളുടെ പ്രവർത്തനങ്ങളിലൂടെ ശാസ്ത്ര പ്രദർശനങ്ങൾ ,ദിനാചരണങ്ങൾ,ഗണിത ശില്പശാലകൾ മുതലായവ സംഘടിപ്പിക്കുന്നുണ്ട്.
പ്രവർത്തിപരിചയം
തികച്ചും ഉപയോഗശൂന്യമായ പാഴ്വസ്തുക്കളിൽ നിന്നും ഉപയോഗപ്രദമായ വസ്തുക്കൾ നിർമിച്ചെടുക്കുന്നു ,പേപ്പർ ബക്കറ്റ് ,പേപ്പർ ഗ്ലാസ്,ക്യാരി ബാഗുകൾ എന്നിവ ഉദാഹരണം മാത്രം. സോപ്പ് നിർമാണത്തിലൂടെ കുട്ടികൾക്ക് സ്വയം പര്യാപ്തത കൈവരിക്കാൻ അവസരം ഒരുക്കുന്നുന്നു .
കായികം
സ്കൂൾ കായികമേളയിൽ കുട്ടികളുടെ സജീവ പങ്കാളിത്തം ഉറപ്പുവരുത്തുന്നു ഒപ്പം അത്ലറ്റിക്സ് ,ഹോക്കി,ഫുട്ബോൾ,എന്നീ ഇനങ്ങളിൽ തെരഞ്ഞെടുക്കപ്പെട്ട കുട്ടികൾക്കു പരിശീലനം നൽകുന്നു .
ബാൻഡ്
കാലങ്ങളായി പൊതുജനശ്രദ്ദയാകർഷിച്ചു വരുന്ന സ്കൂൾ ബാൻഡ് വിദ്യാലയത്തിലെ വിശേഷാവസരങ്ങളിലും ,സമീപ ദേവാലയങ്ങളുടെ ഉത്സാവഘോഷ വേളകളിലും ഒക്കെ അനിവാര്യമായ ഘടകമായി വർത്തിക്കുന്നു.വരും അധ്യയന വർഷത്തിൽ പെൺകുട്ടികൾക്ക് മാത്രമായി ഒരു ബാൻഡ് പരിഗണനയിൽ ഉണ്ട്.
ഭാരത് സ്കൗട്ട് ആൻഡ് ഗൈഡ്സ്
കുട്ടികളുടെ അച്ചടക്കവും മറ്റും ഉറപ്പുവരുത്തുന്നതിൽ നിതാന്ത ജാഗ്രത പുലർത്തുന്നതിൽ സ്കൗട്ട് ആൻഡ് ഗൈഡ്സ് മുൻപന്തിയിൽ ഉണ്ട് ,അതുപോലെ ഏതൊരു പൊതുപരിപാടി വിദ്യാലയത്തിൽ സംഘടിപ്പിച്ചാലും ഇവരുടെ സേവനം ലഭ്യമാണ്.
ആകാശവാണിയിൽ
തുടർച്ചയായി മൂന്നാം വർഷവും ആകാശവാണി കൊച്ചി എഫ് എം "വിടരുന്ന മൊട്ടുകൾ" എന്ന പരിപാടിയിൽ പങ്കെടുത്തു വിദ്യാലയത്തിന് പുറത്തേക്കും കുഞ്ഞുങ്ങളുടെ സർഗ്ഗശേഷി വ്യാപിപ്പിക്കുന്നു.
ക്ളാസ് പി ടി എ
കുട്ടികളുടെ പഠന പാഠ്യേതര നിലവാരം ഉറപ്പുവരുത്തുന്നതിനായി മാസാമാസം ഒരു നിശ്ചിത ദിവസം ക്ലാസ് പി ടി എ കൂടാറുണ്ട് .റിപ്പോർട്ട് തയ്യാറാക്കി സൂക്ഷിക്കുന്നതിൽ ക്ലാസ് പി ടി എ സെക്രട്ടറിമാർ ബദ്ധശ്രദ്ധരാണ് .
മുൻ സാരഥികൾ
സ്കൂളിലെ മുൻ അദ്ധ്യാപകർ :
- ആനി ലി൯ സീലിയ
- മരിയ പാക്സി
- മേരി ത്രേസ്യ
നേട്ടങ്ങൾ
പ്രശസ്തരായ പൂർവവിദ്യാർത്ഥികൾ
- മുൻ വരാപ്പുഴ അതിരൂപത മെത്രോപ്പോലീത്ത അഭി;ഫ്രാൻസിസ് കല്ലറക്കൽ പിതാവ്
- സംഗീത സംവിധായക൯ അലക്സ് പോൾ
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ
- പള്ളി കവല ബസ് സ്റ്റോപ്പിൽ നിന്നും 300 മീറ്റ൪ അകലം സ്ഥിതി ചെയ്യുന്നു.
{{#multimaps:10.055226154898447, 76.28844513601476|zoom=18}}
അധ്യയന വർഷം 2015-2016
പ്രവേശനോത്സവം
പുതിയ അധ്യയന വർഷത്തിലെ പ്ര വേ ശനോത്സവം വർണ ശബലമായ ആഘോഷപരിപാടികൾ.
ലോക പരിസ്ഥിതി ദിനം
കുട്ടികളും അധ്യാപകരും ചേർന്ന് നെല്ലിയുടെ നക്ഷത്രമായ ഭരണി നക്ഷത്രത്തിൽ ജനിച്ച അഞ്ചാം ക്ലാസിലെ വിദ്യാർത്ഥിനി വിസ്മയ എം .എം തദ്ദവസരത്തിൽ വൃക്ഷതൈ നട്ടു. പരിസ്ഥിതി സംരക്ഷണ മുദ്ര വാക്യങ്ങൾ പ്ര തി നിതാനം ചെയ്യുന്ന പ്ലക്കാർഡ്കൾ വഹിച്ചു റാലി നടത്തി.
പി .ടി.എ പൊതുയോഗം
~ചിത്രം~
വായനാദിനം
SSA ബി.ർ.സി ൽ വെച്ച് നടത്തിയ മലയാള പ്രസംഗ മത്സരത്തിൽ കുമാരി റിസ്വാന 3 ആം സ്ഥാനം നേടി. കുമാരി സ്നേഹ അസ്സബ്ളിയിൽ പുസ്തകാസ്വാദനം നടത്തി. മലയാള മനോരമ വായനകളരി ഉദ്ഘാടനം ചെയ്തു.
ചാന്ദ്ര ദിനം
ചുമർ പത്ര നിർമ്മാണം, ക്വിസ് മത്സരം എന്നിവ ഉണ്ടായിരുന്നു. ബഹിരാകാശ യാത്രയെ കുറിച്ചുള്ള ഒരു വീഡിയോ ക്ലിപ്പിങ് പ്രദർശിപ്പിച്ചു.
ഹിരോഷിമ & നാഗസാക്കി ദിനം
സഡാക്കോ കൊക്കിന്റെ നിർമ്മാണം പരിശീലിപ്പിച്ചു. കുട്ടികൾ ഓരോരുത്തരും അവരവർ നിർമിച്ചു കൊണ്ട് വന്ന കൊക്കുകൾ സ്കൂൾ അങ്കണത്തിൽ തോരണമായി ചാർത്തി. സഡാക്കോയുടെ കഥ സ്കിറ്റ് ആയി അസ്സെംബ്ലിയിൽ അവതരിപ്പിച്ചു. യുദ്ധത്തിനെതിരെ പോസ്റ്ററുകൾ നിർമ്മിച്ചു.
സ്വാതന്ത്ര്യ ദിനം
പറ്റാവുക ഉയർത്തൽ, പ്രച്ഛന്ന വേഷങ്ങൾ, ജാലിയൻ വാലാബാഗ് tableau, ദേശഭക്തി ഗാനാലാപനം, റാലി എന്നിവ എല്ലാം കൊണ്ട് വളരെ ഭംഗിയായി ആഘോഷിച്ചു.
വയോജന ദിനം
വിദ്യാർത്ഥികളുടെ വീട്ടിലെ പ്രായം ചെന്ന മുത്തശ്ശൻ മുത്തശ്ശിമാരെ ആദരിച്ചു. അവർക്കു സ്കൂളിന്റെ വകയായി സമ്മാനങ്ങളും നൽകി, കുട്ടികളുമായി സംവദിച്ചു.
ശിശു ദിനം
പഞ്ചായത്തു തലത്തിൽ നടത്തിയ പ്രസംഗം, നാടൻപാട്ട്, ദേശഭക്തിഗാനം എന്നീ മത്സരങ്ങളിൽ കുട്ടികൾ പങ്കെടുത്തു സമ്മാനങ്ങൾ നേടി. സ്കൂൾ അങ്കണത്തിൽ റാലി ഉണ്ടായിരുന്നു.
കലോത്സവങ്ങൾ
ഉപജില്ലാ മേളയിൽ ഈ വിദ്യാലയം ഒവൊറോൾ ചാംപ്യൻഷിപ് നേടി. ശാസ്ത്രം, സാമൂഹ്യ ശാസ്ത്രം, ഗണിതം തുടങ്ങിയ ഇനങ്ങളിൽ അധ്യാപകരും പങ്കെടുത്തു ഒന്നാം സ്ഥാനം കരസ്ഥമാക്കി. അറബി, സംസ്കൃതം കലോത്സവങ്ങളിൽ രണ്ടാം റണ്ണർ അപ്പ് ആയിരുന്നു.
ഭക്ഷ്യ മേള
BRC തലത്തിൽ നടന്ന നാടൻ ഭക്ഷ്യ മേളയിൽ ഒന്നാം സ്ഥാനം കരസ്ഥമാക്കി.
ആകാശവാണി കൊച്ചി Fm -ൽ
ആകാശവാണി കൊച്ചി Fm -ലെ "വിടരുന്ന മൊട്ടുകൾ" എന്ന പരിപാടിയിൽ ഈ വിദ്യാലയത്തിലെ കുട്ടികൾ നാടകം, കവിത, പ്രസംഗം (മലയാളം.അറബി, സംസ്കൃതം), ദേശഭക്തി ഗാനം തുടങ്ങിയ ഇനങ്ങൾ അവതരിപ്പിച്ചു.
ഇംഗ്ലീഷ് നാടകം
ഇംഗ്ലീഷ് മേളയോട് അനുബന്ധിച്ചു BRC തലത്തിൽ നടന്ന നാടകമത്സരങ്ങളിൽ ഉപജില്ലാ തലത്തിൽ ഒന്നാം സ്ഥാനവും എ-ഗ്രേഡും ലഭിച്ചു.
അധ്യയന വർഷം 2016-2017
പ്രവേശനോത്സവം
ലോക പരിസ്ഥിതി ദിനം
വിദ്യാരംഗം മലയാള സാഹിത്യ വേദി
ഉദ്ഘാടനം കൊച്ചി എഫ് എം റേഡിയോ ജോക്കി ശ്രീമതി തെന്നൽ
മലയാള തിളക്ക പ്രഖ്യാപനം
സ്വാതന്ത്ര്യ ദിനം
പ്രതിരോധ കുത്തിവെയ്പ്പ് ബോധവത്ക്കരണം
സംസ്കൃത ദിനം
കൊച്ചി എഫ് എം റെയിൻബോ റേഡിയോ ജോക്കി ശ്രീമതി സൗമ്യ ഉദ്ഘാടനം നിർവഹിച്ചു
അധ്യയനവർഷം 2016-2017
പ്രവേശനോത്സവം
നവാഗതരെ ബാൻഡ് മേളത്തോടെ സ്വീകരിച്ചു. പഠന സാമഗ്രികൾ വിതരണം ചെയ്തു. മുതിർന്ന കുട്ടികളുടെ കലാപരിപാടികൾ ഉണ്ടായിരുന്നു.
പരിസ്ഥിതി ദിനം
റാലി നടത്തി. പരിസ്ഥിതി സംരക്ഷണ വാർത്തകൾ ഉൾകൊള്ളിച്ചു കൊളാഷ് നിർമ്മിച്ചു; പൂന്തോട്ടം ഒരുക്കി. വായന ദിനം 'അമ്മ വായനയ്ക്കു' തുടക്കം കുറിച്ചു. സ്കൂൾ ലൈബ്രറിയിൽ അമ്മമാർക്ക് അംഗത്വം നൽകി; പീലിയാട് കോളനി, അംബേദ്കർ കോളനി എന്നിവിടങ്ങളിൽ പത്രം വിതരണം, ഗ്രന്ധകർത്താക്കൾ കൃതികൾ യോജിപ്പിക്കൽ എന്നിവ നടത്തി ഉൽഘാടനം ചെയ്തു.
വിദ്യാരംഗകലാസാഹിത്യവേദി
ആകാശവാണി കൊച്ചി എഫ്. എം പ്രോഗ്രാം എക്സിക്യു്റ്റിവ് ശ്രീകുമാർ മുഖത്തല ഉദ്ഘാടനം ചെയ്തു കൊണ്ട് സംസാരിച്ചു. കുട്ടികൾ ചോദ്യം ചോദിക്കുന്ന ശീലമുള്ളവരായി വളരണം എന്ന് ഉദ്ബോധിച്ചു.
ചാന്ദ്ര ദിനം
നീൽ ആംസ്ട്രോങ്ങിന്റെ വേഷം ധരിച്ചെത്തിയ വിദ്യാർത്ഥി കുട്ടികളുമായി സാങ്കൽപ്പിക സംവാദം നടത്തി.
സ്വാതന്ത്ര്യ ദിനം
മതേതരത്വം സന്ദേശം നൽകുന്ന സ്കിറ്റ് അവതരിപ്പിച്ചു. സ്വാതന്ത്ര്യ സമര സേനാനികളുടെ വേഷങ്ങൾ പുനരവതരിപ്പിച്ചു റാലി നടത്തി.
അധ്യാപക ദിനം
അധ്യാപകർ ഇന്ത്യയിലെ മഹദ് ഗുരുക്കളെ വേദിയിൽ അവതരിപ്പിച്ചു.
കുട്ടമ്പുഴ യാത്ര
കാടിന്റെ മക്കളുടെ ജീവിത രീതി അടുത്തറിയാനായി 25 പേരടങ്ങുന്ന സംഘം കുട്ടമ്പുഴ പഞ്ചായത്തിലെ 'പന്തത്ര' ട്രൈബൽ കോളനിയിലേക്ക് പഠനയാത്ര നടത്തി. "എല്ലാം കുട്ടികൾക്കും വിദ്യാഭ്യാസം" എന്ന സന്ദേശം ഉൾകൊള്ളുന്ന സ്കിറ്റ്, ക്രമമായ പല്ലുതേപ്പിന്റെ ആവശ്യകത , പ്രതിരോധ കുടിവെപ്പിന്റെ ആവിശ്യകത തുടങ്ങിയവയെ കുറിച്ചുള്ള ബോധവത്ക്കരണ ക്ലാസ്സ് നടത്തി. പഠന സാമഗ്രികൾ, നിത്യോപയോഗ സാധനങ്ങൾ എന്നിവ വിതരണം ചെയ്തു.
=== ഗാന്ധിജയന്തി ദിനം
പരിസര ശുചീകരണം, ക്വിസ്സ് മത്സരം നടത്തി. "ഗാന്ധി" സിനിമ പ്രദർശിപ്പിച്ചു.
മഴ വെള്ള സംരക്ഷണം
മഴ കൊയ്ത്തുമായി ബന്ധപ്പെട്ടു 'കിണർ റീചാർജിനു' പ്രാധാന്യം കൊടുത്തു കൊണ്ട് ആരംഭിച്ച ക്യാമ്പയ്നിൽ വാർഡ് മെമ്പർ ശ്രീമതി ലീന തോമസിന്റെ വീട്ടിൽ കിണർ റീചാർജിനു തുടക്കം കുറിച്ചു. ചേരാനല്ലൂർ ഗ്രാമപഞ്ചായത്തിലെ തന്നെ ആദ്യ സംരംഭം ആയിരുന്നു ഈ പരിപാടി.
ശിശു ദിനം
ശിശുദിനത്തിനോടനുബന്ധിച്ചു ചേരാനല്ലൂർ പഞ്ചായത് തലത്തിൽ നടന്ന പ്രസംഗം, നാടൻ പാട്ടു, മോണോ ആക്റ്റ് തുടങ്ങിയവയിൽ സമ്മാനങ്ങൾ കുട്ടികൾ നേടി. പ്രസംഗത്തിൽ ഒന്നാം സ്ഥാനം നേടിയ റിന്റ മരിയ ജോണിയായിരുന്നു പഞ്ചായത്തിലെ ശിശു ദിന റാലിയിൽ 'ചാച്ചാജി' ആയി തിരഞ്ഞെടുക്കപെട്ടതു.
ശാസ്ത്ര ദിനം
സ്കൂൾ ശാസ്ത്ര ദിനം ആഘോഷത്തിൽ 50 - ഓളം വിദ്യാർഥികൾ ലഘു പരീക്ഷങ്ങൾ അവതരിപ്പിച്ചു.കൂടാതെ നാടൻ ഭക്ഷ്യ മേളയും ഉണ്ടായിരുന്നു.
ക്രിസ്തുമസ് ആഘോഷം
ക്രിസ്തുവിന്റെ ജനന കഥ ലൈവ് ആയി അവതരിപ്പിച്ചു.
ശിൽപശാല
കുട്ടികളെ സ്വയം പര്യാപ്ത ഉള്ളവരായി മാറ്റാനും ഊർജ സംരക്ഷണം, മാലിന്യ സംരക്ഷണം തുടങ്ങിയ ബോധവത്കരണത്തിനും, സോപ്പ് നിർമ്മാണം, സോളാർ കുക്കർ നിർമ്മാണം, പത്ര കടലാസ് ഉപയോഗിച്ച് ചവറ്റു കുട്ട, ക്യാരി ബാഗ് നിർമ്മാണം, ജൈവ കീടനാശിനി ഉദ്പാദനം എന്നിവയിൽ പരിശീലനം കൊടുത്തു.
പഠനയാത്ര
40 കുട്ടികളും ഒരു രക്ഷാകർത്താവും അടങ്ങുന്ന സംഘം തിരുവനന്തപുരത്തേക്ക് ട്രെയിൻ മാർഗ്ഗം കുട്ടികൾക്ക് ഒരു നാവാനുഭവം നൽകി.
കലോത്സവങ്ങൾ
ഉപജില്ലാ കലോത്സവത്തിൽ നാടകത്തിൽ 2nd എ ഗ്രേഡ് നേടുകയും അറബി കലോത്സവത്തിൽ 2nd റണ്ണർ അപ്പ് സ്ഥാനവും, സംസ്കൃതം ശാസ്ത്ര മേളകളിൽ മികച്ച നേട്ടങ്ങൾ കൈവരിക്കുകയും ഉണ്ടായ�
അധ്യയന വർഷം 2020-2021
അധ്യയന വർഷം 2021-2022
- പ്രമാണത്തിലേക്കുള്ള പ്രവർത്തനരഹിതമായ കണ്ണി ഉൾക്കൊള്ളുന്ന താളുകൾ
- എറണാകുളം വിദ്യാഭ്യാസ ജില്ലയിലെ വിദ്യാലയങ്ങൾ
- എറണാകുളം വിദ്യാഭ്യാസ ജില്ലയിലെ എയ്ഡഡ് വിദ്യാലയങ്ങൾ
- എറണാകുളം റവന്യൂ ജില്ലയിലെ വിദ്യാലയങ്ങൾ
- എറണാകുളം റവന്യൂ ജില്ലയിലെ എയ്ഡഡ് വിദ്യാലയങ്ങൾ
- 26264
- 1925ൽ സ്ഥാപിച്ച വിദ്യാലയങ്ങൾ
- എറണാകുളം റവന്യൂ ജില്ലയിലെ 5 മുതൽ 7 വരെ ക്ലാസുകളുള്ള വിദ്യാലയങ്ങൾ
- വിക്കിഡാറ്റ ക്യു ഐഡി ചേർക്കാത്ത വിദ്യാലയങ്ങൾ
- സ്കൂൾ കോഡ് ഉള്ള വിദ്യാലയങ്ങൾ
- യുഡൈസ് കോഡ് ഉള്ള വിദ്യാലയങ്ങൾ