സെന്റ്തോമസ് എച്ച്എസ്എസ് നടവയൽ/അക്ഷരവൃക്ഷം/ ഭൂമിക്കൊരു വെന്റിലേറ്റർ

ഭൂമിക്കൊരു വെന്റിലേറ്റർ മരണമോരോ തവണ മാടിവിളിക്കുമ്പോഴും മുഖം തിരിച്ചവൾ ഈ ഭൂമി മരണഭയം നെ‍ഞ്ചിലേറ്റി ഇഞ്ചിഞ്ചായി മരിക്കുന്നൊരീഭൂമി കരയുവാനൊരിറ്റു കണ്ണുനീരില്ല കുളിർകാറ്റായ് വീശുവാനോ ശുദ്ധവായുവുമില്ല കത്തിത്തീരുമോരോ കാടിനും പറയുവാനുണ്ട് പച്ചയിൽ മുങ്ങിനിന്നൊരാ ഭൂതകാലം വറ്റിവരളുമീ പുഴക്കും , തോടിനും വാർദ്ധക്യം വന്നൊരാ കാട്ടരുവിയും ഓ‍ർക്കുവാനുണ്ട് കുത്തിയൊലിച്ചൊരാ നല്ലകാലം സ്വാർത്ഥലാഭത്തിനായി അരിഞ്ഞുവീഴ്ത്തിയൊരാകാടും മലിമമാക്കിയൊരാ ജലവും,വായുവും മണ്ണിട്ടുമൂടിയ നെൽവയലും നിലംപരിശാക്കിയൊരാകുന്നും,മലയും നുള്ളിനീക്കിയോരാ പുതുനാമ്പും നൽകുന്നു ദുഃസൂചന, മരണത്തിനായി മാത്രമേകുന്നൊരാ ദുഃസൂചന............... അന്ന ട്രീസ പി എസ് 10 സി സെന്റ്തോമസ് എച്ച്എസ്എസ് നടവയൽ വൈത്തിരി ഉപജില്ല വയനാട് അക്ഷരവൃക്ഷം പദ്ധതി, 2020 കവിത