13:22, 10 സെപ്റ്റംബർ 2018-നു നിലവിലുണ്ടായിരുന്ന രൂപം

1936ൽ പൂക്കോടൻ കുഞ്ഞാലിഹാജി സ്ഥാപിച്ച ഈ വിദ്യാലയം പ്രദേശത്തിൻെറ സാമൂഹിക വിദ്യാഭ്യാസ സാംസ്കാരിക രംഗങ്ങളിൽ തനതായ വ്യക്തിമുദ്ര പതിപ്പിച്ച് ഇന്ന് വളർച്ചയുടെ പാതയിലാണ്.

ചരിത്രം

മലപ്പുറം ജില്ലയിലെ കൊണ്ടോട്ടി സബ്ജില്ലയി‍‍ൽ മൊറയൂർ പഞ്ചായത്തിലെ ഏറ്റവും ഉൾപ്രദേശമാണ് കീഴ്മുറി ഭാഗം.ഇവിടെ 1930-1935 കാലങ്ങളിൽ അക്ഷരജ്ഞാനം ഉളളവർ പരിമിതമായിരുന്നു.മുസ്ലീം,ദളിത് സ്ത്രീകൾ വളരെ സാംസ്കാരികമായി പിന്നോക്കം നിന്നിരുന്ന കാലത്ത് ഈ നാട്ടിലെ പാവപ്പെട്ടവരുടെ കണ്ണിലുണ്ണി എന്ന് വിശേഷിപ്പിച്ചിരുന്ന പൂക്കോടൻ കുഞ്ഞാലിഹാജിയുടെ അതീവ പരിശ്രമത്താൽ ഈ കൊച്ചുഗ്രാമത്തിൽ1936 ൽ എ എം എൽ പി സ്കൂൾ രൂപം കൊണ്ടു. ആരംഭകാലത്ത് മദ്രസകെട്ടിടവും സ്കൂൾകെട്ടിടവും ഒന്നുതന്നെയായിരുന്നു.പിന്നീട് വർഷങ്ങൾക്ക് ശേഷം മദ്രസ്സ പളളിയുടെ സമീപത്തേക്ക് മാറ്റുകയും സ്കൂളിന് പ്രീകെഇആർ കെട്ടിടം നിലവിൽവരുകയും ചെയ്തു.ആരംഭകാലത്ത് ഒന്നുമുതൽ അഞ്ച് വരെ ക്ലാസ്സുകൾ ഉണ്ടായിരുന്നു.1950ആയപ്പോഴേക്കും അഞ്ചാം ക്ലാസ്സ് എടുത്ത് കളയപ്പെട്ടു.ഇന്ന് പ്രീകെഇആർ കെട്ടിടത്തോടൊപ്പം കെഇആർ കെട്ടിടം കൂടിഉൾപ്പെടുകയും,പ്രീപ്രൈമറി മുതൽ നാലാം ക്ലാസ്സ് വരെ പ്രവർത്തിക്കുകയും ചെയ്യുന്നു.2016മുതൽ ഒന്ന്,രണ്ട് ക്ലാസ്സുകൾ രണ്ട് ഡിവിഷൻവീതമായി.142കുട്ടികളും ഏഴ് അദ്ധ്യാപകരും,53പ്രീപ്രൈമറി കുട്ടികളും രണ്ട് അദ്ധ്യാപകരുമായി സ്കൂൾപ്രവർത്തനം പാഠ്യ-പഠ്യേതരപ്രവർത്തനങ്ങളിൽ മുന്നേറുന്നു.

മലയാള ഭാഷാപഠനത്തിനായി വേറിട്ടൊരു കൈത്താങ്ങ്

കീഴ് മുറി എ എം എൽ പി സ്കൂളിൽ2016-ഡിസംബർ 17,18 ദിവസങ്ങളിൽ നടന്ന് വന്ന മലയാള ഭാഷാപഠനത്തിനായുളള കൈത്താങ്ങ് പദ്ധതി വേറിട്ടൊരു അനുഭവമായി.എറണാംകുളം ജില്ലയിലെ കോലഞ്ചേരി ടീച്ചേഴ്സ് ക്ലബ്ബ് സെക്രട്ടറി ശ്രീ.ടി ടി പൌലോസ് മാസ്റ്റർ നേതൃത്വം നൽകി.

ശ്രീ,ആശിഷ് സർ എ ഇ ഒ കൈത്താങ്ങ് ഉദ്ഘാടനം ചെയ്യുന്നു

നേട്ടങ്ങൾ

ഭൌതികസൗകര്യങ്ങൾ

റീഡിംഗ് റൂം
ലൈബ്രറി
കംപ്യൂട്ടർ ലാബ്
മൾട്ടിമീഡിയ സൗകര്യങ്ങൾ
വിജയഭേരി പ്രവർത്തനങ്ങൾ
ബാലസഭകൾ
വിദ്യാരംഗം കലാവേദി
വിശാലമായ കളിസ്ഥലം

മറ്റ്പ്രവർത്തനങ്ങൾ

പൂന്തോട്ടം
പച്ചക്കറിത്തോട്ടം

ക്രിസ്തുമസ് ആഘോഷം

പുൽക്കൂട് ഒരുക്കിയും ക്രിസ്മസ് ട്രീ തയ്യാറാക്കിയും കേക്ക് മുറിച്ചും സമ്മാനങ്ങൾ നൽകിയും കുരുന്നുകൾ ക്രിസ്മസ് ആഘോഷിച്ചു

പൊതു വിദ്യാഭ്യാസ സംരക്ഷണ യജ്ഞം -൨൭-൧-൨൦൧൭(27-1-2017)

മൊറയൂർ കീഴ്മുറി സ്കൂളിൽ പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി രാവിലെ പത്ത് മണിക്ക് അസംബ്ലിയിൽ കുട്ടികൾക്കുളള പ്രതിജ്ഞ,ഗ്രീൻ പ്രോട്ടോക്കോൾ പ്രഖ്യാപനം ,ഹരിത ബോധവത്കരണം എന്നിവ അരങ്ങേറി.ക്ലാസ്സുകൾ ആരംഭിച്ചു. പതിനൊന്ന് മണിക്ക് മാനേജർ രക്ഷിതാക്കൾ,നാട്ടുകാർ,പി ടി എ ,എം ടി എ,പൂർവവിദ്യാർത്ഥികൾ,സന്നദ്ധ സാമൂഹ്യ സാംസ്കാരിക ക്ലബ്ബ് പ്രവർത്തകർ ,എന്നിവർ ഒത്തുചേർന്ന് വിദ്യാലയ സംരക്ഷണ പ്രതിജ്ഞ എടുത്തു.ഗ്രീൻ പ്രോട്ടോക്കോളിന് തുടക്കമായി.പൊതുസമൂഹത്തെ വിദ്യാലയത്തിൻറെ ഭാഗമാക്കുകയും ഏവരുടെയും സഹകരണത്തോടെ പൊതുവിദ്യാലയങ്ങൾ ഭൗതിക-അക്കാദമിക തലങ്ങളിൽ മികവിൻറെ കേന്രങ്ങളാക്കിമാറ്റുകയാണ് പരിപാടിയുടെ ലക്ഷ്യം.തുടർപ്രവർത്തനങ്ങൾക്ക് നാന്ദി കുറിച്ചു.

പ്രമാണം:18333-8

പൊതുവിദ്യാഭ്യാസ സംരക്ഷണ യജ്ഞം

എ.എം.എൽ.പി.എസ്. മൊറയൂർ കീഴ്‌മുറി / kalaamela

==2017-18 അധ്യയന വർഷം==

2017 അധ്യയന വർഷം മാറ്റങ്ങളുടെ വർഷമാണ്.1 മുതൽ 4 വരെയുളള ഈ വിദ്യാലയത്തോട് 5 -ാം ക്ലാസ്സ് കൂടി ചേർക്കപ്പെട്ടു.ഒന്നാം ക്ലാസ്സ് 2 ഡിവിഷൻ രണ്ടാം ക്ലാസ്സ് 2 ഡിവിഷൻ,മൂന്നാം ക്ലാസ്സ് 1 ഡിവിഷൻ,നാലാം ക്ലാസ്സ് 2 ഡിവിഷൻ,അഞ്ചാം ക്ലാസ്സ് 1 ഡിവിഷൻ .മൊത്തം 8 ഡിവിഷൻ 9 അധ്യാപകരും. രക്ഷിതാക്കളുടെ പങ്കാളിത്തത്തോടെ പ്രവേശനോത്സവം ഭംഗിയായി നടത്തപ്പെട്ടു.

എസ് സി ആർ ടി യുടെ അക്കാദമിക പിന്തുണ പദ്ധതി

                               എ എം എൽ പി എസ് മൊറയൂർ കീഴ്‌മുറി
                                  സ്‌കൂൾ പിന്തുണാ പരിപാടി-2018

                                            എസ് സി  ഇ ആർ ടി

1.ആമുഖം

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

എ.എം.എൽ.പി.എസ്. മൊറയൂർ കീഴ്‌മുറി
എ.എം.എൽ.പി.എസ്. മൊറയൂർ കീഴ്‌മുറി
വിലാസം
	മൊറയൂർ കീഴ്മുറി; മൊറയൂർ പി.ഒ, ; മലപ്പുറം, 673642
സ്ഥാപിതം	1936
വിവരങ്ങൾ
ഫോൺ	9495055422
ഇമെയിൽ	amlps18333@gmail.com
വെബ്‍സൈറ്റ്	morayurkizhmuryamlps.blogspot.in
കോഡുകൾ
സ്കൂൾ കോഡ്	18333 (സമേതം)
വിദ്യാഭ്യാസ ഭരണസംവിധാനം
റവന്യൂ ജില്ല	മലപ്പുറം
വിദ്യാഭ്യാസ ജില്ല	മലപ്പുറം
സ്കൂൾ ഭരണ വിഭാഗം
സ്കൂൾ വിഭാഗം	പൊതു വിദ്യാലയം
പഠന വിഭാഗങ്ങൾ	എൽ.പി; യു.പി
മാദ്ധ്യമം	മലയാളം‌ ,ഇംഗ്ലീഷ്
സ്കൂൾ നേതൃത്വം
പ്രധാന അദ്ധ്യാപകൻ	ഷാൻറി കെ എം
അവസാനം തിരുത്തിയത്
10-09-2018	Amlps18333

                       മലപ്പുറം ജില്ലയിൽ കൊണ്ടോട്ടി സബ്ജില്ലയിൽ ഉൾപ്പെടുന്ന എ എം എൽ പി എസ് മൊറയൂർ കീഴ്‌മുറി എന്ന ഈ വിദ്യാലയം മികവിൻെറ പടവുകൾ കയറിക്കൊണ്ടിരിക്കുന്നു.മൊറയൂർ പ‍ഞ്ചായത്തിൽ തികച്ചും ഗ്രാമീണാന്തരീക്ഷത്തിൽ സ്ഥിതിചെയ്യുന്ന ഈ വിദ്യാലയത്തിന് അക്കാദമിക രംഗത്ത് ഉളള തിളക്കമാർന്ന വിജയത്തിൻെറ ഏറ്റവും ഒടുവിലത്തെ തെളിവാണ് ഈ വർഷത്തെ എസ് എസ് എൽ സി റിസൾട്ടിൽ 10 കുട്ടികൾക്ക് എല്ലാവിഷയങ്ങൾക്കും A+എന്നത്.ഒരു ബാച്ചിലെ ആകെ 35 കുട്ടികളിലെ 10 പേർക്കാണ് ഇത് ലഭിച്ചത് എന്നത് തിളക്കത്തിന് കൂടുതൽ മിഴിവ് നൽകുന്നു.
                        വ്യക്തമായ ആസൂത്രണമികവോടെ ,ചിട്ടയായ മാതൃകാപരമായ പ്രവർത്തനങ്ങളിലൂടെ ഓരോ ക്ലാസ്സിലെയും പഠനനേട്ടം ഉറപ്പിക്കുക എന്നത് ഈ വർഷത്തെ പവർത്തനലക്ഷ്യമായിരുന്നു.എസ് സി ഇ ആർ ടി യുടെ അക്കാദമിക പിന്തുണയും വേറിട്ട പ്രവർത്തനങ്ങളും ഐടി അധിഷ്ഠിത പഠനരീതിയും പിന്തുണയും രക്ഷിതാക്കളുടെ ഇടപെടലും പ്രവർത്തനങ്ങൾ ലക്ഷ്യത്തിലെത്തിക്കാൻ സഹായകമായി.

SCERTറിസർച്ച് ഓഫീസർ ‍ഡോ.പി ബഷീർ സർ,ഡയറ്റ് ലക്ചർ സലീമുദ്ദീന്ഡ സർ ,SRG Conveenor ഉമ ടീച്ചർ എന്നിവർ രക്ഷിതാക്കളുമായി സംവദിക്കുന്നു

2. പശ്ചാത്തലം

  ഐടി സൗഹൃദ വിദ്യാലയം എന്നകാഴ്ചപ്പാടിലേക്ക്
               ഒക്ടോബർ 23 ന് ചേർന്ന ക്ലാസ്സ് സിപിടിഎ യിൽ അധ്യാപകർ പഠനനേട്ടങ്ങൾ പരിചയപ്പെടുത്തുന്നതോടൊപ്പം ഐടി സാധ്യതകളും ഐടി വിഭവങ്ങളും പരിചയപ്പടുത്തി.ഐടി വിഭവങ്ങൾ ലഭ്യമാക്കുന്നതിൽ രക്ഷിതാക്കളുടെ പങ്ക് ചർച്ചചെയ്യപ്പെട്ടു.പഠനത്തെ സഹായിക്കുന്ന ഇത്തരം കാര്യങ്ങൾ എങ്ങനെ ലഭ്യമാകും?എന്ന രക്ഷിതാക്കളുടെ ചോദ്യത്തിൽനിന്നാണ്  ഐടി സൗഹൃദ വിദ്യാലയം എന്ന കാഴ്ചപ്പാടിലേക്ക് വഴിതെളിഞ്ഞത്.ഏതെല്ലാം സൈറ്റുകൾ ,ബ്ലോഗുകൾ ഇതിനായി ഉപയോഗിക്കാം ? ഇതിൽനിന്നും കുട്ടികളുടെ പാഠഭാഗവുമായി ബന്ധപ്പെട്ടവ എങ്ങനെ കണ്ടെത്താം?തുടങ്ങിയ ചോദ്യങ്ങൾക്കുളള മറുപടിയായി ഈ പ്രവർത്തനത്തെ ഏറ്റെടുക്കാൻ അധ്യാപകർ തയ്യാറായി.രക്ഷിതാക്കൾക്ക് ഐടി പഠനം നൽകാൻ ‍ഡയറ്റിൻെറയും ഐടി@സ്‌കൂളിൻെറയും സേവനം ആവശ്യമായതിനാൽ സഹായം ആവശ്യപ്പെട്ടു.‍ഡയറ്റിൻെറയും ഐടി@കോർഡിനേറ്റർമാരുടെയും സഹായത്തോടെ രക്ഷിതാക്കളുമായി ചർച്ച ചെയ്ത് അവരുടെ ആവശ്യങ്ങളെക്കൂടി അംഗീകരിക്കുന്ന രീതിയിൽ മൊഡ്യൂൾ തയ്യാറാക്കുകയും പ്രവർത്തനപദ്ധതികൾ ആസൂത്രണം ചെയ്യുകയും ചെയ്തു.

പ്രവർത്തനപദ്ധതികൾ

              *പഠനപ്രവർത്തനങ്ങളുടെ ആസൂത്രണം
               *ഐടി അധിഷ്ഠിത പഠനമേഖലകൾ കണ്ടെത്തൽ-സമഗ്ര പരിചയപ്പെടൽ
                *രക്ഷാ കർതൃ വിദ്യാഭ്യാസം
                *കുട്ടികൾക്കുളള പ്രത്യേക പരിശീലനങ്ങൾ

3.പ്രാഥമിക ശില്പശാലകൾ-പ്രവർത്തന പദ്ധതി വികസിപ്പിക്കൽ

ശിൽപ്പശാല 1-ജൂൺ 29

               2017 ജൂൺ 29 ന് SCERTയിലെ റിസർച്ച് ഓഫീസർമാരായ ഡോ.പി ബഷീർ,രമേഷ് കെ എന്നിവർ വിദ്യാലയം സന്ദർശിക്കുകയും ശില്പശാലക്ക് നേതൃത്വം നൽകുകയും ചെയ്തു.അധ്യാപകരും ബിആർസി പ്രതിനിധികളും അധ്യാപകരും രക്ഷിതാക്കളും ഉൾപ്പടുന്ന 17 പേർ പങ്കാളികളായിരുന്നു.സ്കൂൾ അന്തരീക്ഷം വിശകലനം ചെയ്യുകയും രക്ഷാകർതൃഭാരവാഹികളുമായി വിദ്യാലയത്തിൻെറ തത്‌സ്ഥിതി, പ്രാദേശികവിഭവങ്ങൾ,സമൂഹപങ്കാളിത്തം എന്നീ വിഷയങ്ങൾ ചർച്ചചെയ്തു.അധ്യാപകരുടെ അനുഭവങ്ങൾ പങ്കുവെക്കുകയും ഓരോ ക്ലാസ്സിലെയും വിഷയങ്ങളുടെയും നിലവാരം വിലയിരുത്തുകയും ചെയ്തു.

ഉമ ടീച്ചര പ്രവർത്തനങ്ങൾ വിശദീകരിക്കുന്നു

  SCERT പ്രതിനിധികൾ നിരീക്ഷിച്ച് രേഖപ്പെടുത്തിയവ     താഴെപറയുന്നു.

           *അക്കാദമികമായ മികവു പുലർത്തുന്നതിൽ ഏറെ ശ്രദ്ധിക്കുന്ന അധ്യാപകരും സ്‌കൂൾ പി.ടി.എ ഭാരവാഹികളുമാണ് ഉളളത്.
            *പ്രാഥമിക പഠനസൗകര്യങ്ങൾ ഐടി ഉൽപ്പടെ ഒരുക്കിയിട്ടുണ്ട്,ഉപയോഗിക്കുന്നുണ്ട്.
             *അധ്യാപകരുടെ ആസൂത്രണം മാതൃകാപരമാണ്.
             *കുട്ടികളുടെ പഠനപരിമിതികൾ വിലയിരുത്തുവാൻ അധ്യാപകർ ശ്രമിക്കുന്നുണ്ട്.

ഓരോ ക്ലാസ്സിലെയും തത്സ്ഥിതി വിശകലനത്തിനായി ചോദ്യാവലികൾ നൽകുകയും ചർച്ചചെയ്ത് വിശകലന റിപ്പോർട്ട് തയ്യാറാക്കുകയും ചെയ്തു.ഇതുപ്രകാരം ഓരോക്ലാസ്സിലും അവശ്യപഠനശേഷി കൈവരിക്കാൻ കഴിയാത്തവരായി കണ്ടെത്തിയ കുട്ടികളുടെ എണ്ണം തുലോം കുറവായിരുന്നു. ഇവർക്കു നൽകേണ്ട അക്കാദമികപിന്തുണകൾ എന്തൊക്കയാണെന്ന് ചർച്ചചെയ്യുകയും ചെയ്തു. SCERT യുടെ അക്കാദമിക പിന്തുണാ പദ്ധതിയിൽ ഞങ്ങളുടെ വിദ്യാലയത്തെകൂടി ഉൾപ്പെടുത്താൻ ധാരണയാകുകയും ചെയ്തു.

ശിൽപ്പശാല 2 -ആഗസ്റ്റ് 4

      സ്‍കൂൾ സഹായക പദ്ധതിയുടെ രണ്ടാമത്തെ ശില്പശാല ആഗസ്റ്റ് 4 നടന്നു.അധ്യാപകരും രക്ഷിതാക്കളും പ്രവർത്തനത്തിൽ പങ്കാളികളായി.പ്രധാനമായും 5 മേഖലകളെ അടിസ്ഥാനമാക്കി പദ്ധതി രൂപരേഖ തയ്യാറാക്കുകയാണ് ചെയ്‌തത്.ഇംഗ്ലീഷ്,ഗണിതം,ഐടി,സ്‌കൂൾ ചുറ്റുപാട്,സ്കൂൾ നടത്തിപ്പ് എന്നിവയായിരുന്നു  അഞ്ച് മേഖലകൾ.ഓരോമേഖലയിലും ചെയ്യേണ്ടപ്രവർത്തനങ്ങളുടെ സൂക്ഷ്മതല വിശകലനം നടത്തുകയും ചെയ്തു.പദ്ധതിക്ക് സഹായകമായ എല്ലാ പിന്തുണയും പിടിഎ വാഗ്ദാനം ചെയ്തു.പദ്ധതി പരിശോധിച്ച് അംഗീകരിക്കുന്ന ശില്പശാല സെപ്റ്റംബർ 23 ന് നടത്താം എന്ന് തീരുമാനിക്കുകയും ചെയ്തു.

4.ചെക്ക് ലിസ്റ്റ് രൂപകല്പനയും തത്‌സ്ഥിതി അവലോകനവും

                        സ്‌കൂൾ പ്രവർത്തനങ്ങളെ വിശകലനം ചെയ്യുന്നതിനുളള ചെക്ക് ലിസ്റ്റ് തയ്യാറാക്കി നൽകുകയും അവയുടെ അടിസ്ഥാനത്തിൽ വിലയിരുത്തുകയും ചെയ്തു.ആസൂത്രണവിഭാഗം,ക്ലാസ്സ്റൂം സൗകര്യങ്ങൾ,ഭരണ നിർവഹണം എന്നിവ അടങ്ങുന്ന ആദ്യഭാഗവും ക്ലബ്ബ് പ്രവർത്തനങ്ങൾ ,കുട്ടികളുടെ പ്രവർത്തനങ്ങളുടെ വിലയിരുത്തൽ,രക്ഷിതാക്കളുടെ യോഗം ,ബോധവത്കരണ ക്ലാസ്സുകൾ എന്നിവ അടങ്ങുന്ന രണ്ടാം ഭാഗവും ഭൗതിക സൗകര്യങ്ങൾ ,ക്ലാസ്സ് ലെവൽ പ്രോഗ്രാമുകൾ എന്നിവ അടങ്ങുന്ന അവസാനഭാഗവും.ഈ എട്ട് മേഖലകളെ സൂചകങ്ങൾ വച്ച് വിലയിരുത്തിയപ്പോൾ സ്കൂൾ പ്രവർത്തനം തൃപ്തികരമായ രീതിയിൽ തന്നെ നടക്കുന്നതായി വിലയിരുത്തപ്പെട്ടു.

5.പ്രവർത്തന പദ്ധതി വികസിപ്പിക്കൽ-ഐടി സൗഹൃദവിദ്യാലയം എന്ന കാഴ്ചപ്പാട്

ശില്പശാല -3 ഒക്ടോബർ 23

        ഒക്ടോബർ 23 ന് ചേർന്ന യോഗത്തിലാണ് ഐടി സൗഹൃദവിദ്യാലയം എന്ന കാഴ്ചപ്പാട് രൂപീകരിക്കാൻ ഇടയായത്.രക്ഷിതാക്കൾക്ക് മുമ്പിൽ ഐടി വിഭവങ്ങൾ പങ്കുവെക്കുകയും പരിചയപ്പടുത്തുകയും ചെയ്തപ്പോൾ ചെയ്തപ്പോൾ ഇത്തരത്തിലുളള ശേഖരങ്ങൾ എങ്ങനെ ലഭ്യമാക്കാം എന്ന രക്ഷിതാക്കളുടെ ചോദ്യത്തിന് മറുപടി നൽകിയപ്പോൾ ഇത് എല്ലാ രക്ഷിതാക്കൾക്കും പരിചയപ്പടുത്താനും പ്രവർത്തന പദ്ധതി രൂപീകരിക്കാനും ഡയറ്റിൻെറയും ഐടി@സ്‍കൂളിൻെറയും സേവനങ്ങൾ പ്രയോജനപ്പടുത്താനും തീരുമാനിച്ചു. അടുത്ത ശില്പശാലയിൽ ഡയറ്റിൻെറ സാന്നിദ്ധ്യം ഉറപ്പുവരുത്തുന്നതിന് തീരുമാനിക്കുകയും ചെയ്തു.

ശില്പശാല 4.-‍ഡിസംബർ 26

‍ഡോ.ബഷീർ സാറിൻെറ നേതൃത്വത്തിൽ പ്രവർത്തനങ്ങൾ വിലയിരുത്തുന്നു.

             ശില്പശാലക്ക് മുന്നോടിയായി നടന്ന എസ് ആർ ജി ,പിടി എ യോഗങ്ങളിൽ വച്ച് അക്കാദമിക മാസ്റ്റർ പ്ലാനുമായി ബദ്ധപ്പെട്ട പ്രവർത്തനങ്ങൾ ആസൂത്രണം ചെയ്യുകയും കർമ്മ പദ്ധതികൾ ആവിഷ്കരിക്കുകയും ചെയ്തു.ഡിസംബർ ആദ്യവാരത്തിൽ തന്നെ കരട് രൂപരേഖ തയ്യാറാക്കുകയും ചെയ്തു.ഡിസംബർ 26 ന് നടന്ന ശില്പശാലയിൽ അക്കാദമിക മാസ്റ്റർ പ്ലാൻ അവതരിപ്പിക്കുകയും ഐടി സൗഹൃദ വിദ്യാലയം എന്നകാഴ്ചപ്പാടിൽ ഊന്നിയുളള പ്രവർത്തനങ്ങൾ ആസൂത്രണം ചെയ്യുകയും ചെയ്തു.ഇതുവരെ നടത്തിയ പ്രവർത്തനങ്ങളുടെ റിപ്പോർട്ട് അവതരിപ്പിക്കുകയും ഉണ്ടായി.

കൈക്കുഞ്ഞുങ്ങളുമായി എത്തിച്ചേർന്ന രക്ഷിതാക്കൾ

  =  റിപ്പോർട്ടിൽ ഉൾപ്പെട്ടവ=

                *ദിനാചരണങ്ങൾ നടത്തിപ്പ്-നേട്ട്ം
                *കലാ-കായിക-ശാസ്ത്രമേള പ്രവർത്തനങ്ങൾ
                 *പഠനനേട്ടങ്ങൾ ഉറപ്പുവരുത്തുന്ന പ്രവർത്തനങ്ങൾ
                  *ട്വിന്നിങ്ങ് പ്രോഗ്രാം നേട്ടങ്ങൾ
                   *പഠനത്തോടൊപ്പം കൃഷി
                  *അക്കാദമിക പ്രവർത്തനങ്ങളിൽ രക്ഷിതാക്കളുടെ സഹകരണം
                   *അക്കാദമിക മാസ്റ്റർ പ്ലാൻ അവതരണം കൂട്ടിച്ചേർക്കൽ 
                    *ഇടപെടൽ രീതികൾ
                   *ഐടി അധിഷ്ഠിത പഠനപ്രവ‍ർത്തനങ്ങൾ കണ്ടെത്തൽ -വിനിമയം

                   *രക്ഷാകർതൃ പരിശീലന മൊഡ്യൂൾ വികസിപ്പിക്കൽ
                   *രക്ഷാകർതൃ പരിശീലനം-നിർവഹണം-സർട്ടിഫിക്കറ്റ് നൽകൽ
                   *മികവുത്സവം
                   *വിദ്യാർത്ഥികൾക്കുളള പ്രത്യേക പരിശീലനം

ശില്പശാല 5.-ഡിസംബർ 28,29-തിരുവനന്തപുരം

             തിരഞ്ഞെടുക്കപ്പെട്ട വിദ്യാലയങ്ങളിലെ അക്കാദമിക മികവുമായി ബന്ധിപ്പട്ട് നടത്തിയ പ്രവർത്തനങ്ങളുടെ വിലയിരുത്തലിനായി തിരുവനന്തപുരം SCERT യിൽ വച്ച് ദ്വിദിന ശില്പശാല നടത്തപ്പെട്ടു.ഓരോവിദ്യാലയവും അവരുടെ സ്‌കൂൾ പശ്ചാത്തലവും കുട്ടികളുടെ മികവും അക്കാദമിക പ്രവർത്തനങ്ങളുടെ വളർച്ചയും ക്ഷണിക്കപ്പെട്ട അതിഥികൾക്കു (SSA State consultantകലാധരൻ സർ,പൊതുവിദ്യാഭ്യാസ സെക്രട്ടറി ഷാജഹാൻ സർ,SCERT Directorപ്രസാദ് സർ)മുമ്പിൽ അവതരിപ്പിക്കുകയുംചെയ്തു.ഞങ്ങളുടെ സ്‌കൂൾ പശ്ചാത്തലവും തിരഞ്ഞടുത്ത മേഖലയും മറ്റുവിദ്യാലയങ്ങളിൽ നിന്നും തികച്ചും വ്യത്യസ്തമാണ്.കുട്ടികളിലെ ഭാഷാപരമായ പിന്നോക്കാവസ്ഥ മറികടക്കുന്നതിനുളള പ്രവർത്തനവും ,കുട്ടികളെ സ്കൂളിലേക്ക് എത്തിക്കുന്നതിനുളള പ്രവർത്തനങ്ങളും,പ്രാദേശിക ഭാഷാപുസ്തകം തയ്യാറാക്കുന്നതിനുളള പ്രവർത്തനവും ആസൂത്രണം ചെയ്യുന്നവരിൽന്നും ഐടി മേഖലയിലൂന്നി നിന്നുളള പ്രവർത്തനം തികച്ചും വിഭിന്നമായിരുന്നു.പ്രവർത്തനം ആസൂത്രണം ചെയ്യുന്നതിനും അതുമായി മുന്നോട്ട് പോകുന്നതിനും ആവശ്യമായ ഊർജം ഈ ശില്പശാലയിൽ നിന്നും ലഭിക്കുകയുണ്ടായി.

ശില്പശാല 6.-ജനുവരി 25,26

           ഐടി സൗഹൃദവിദ്യാലയം എന്ന കാഴ്ചപ്പാടിലേക്ക് ആദ്യപടി രക്ഷിതാക്കൾക്ക് ഐടി പഠനം സാദ്ധ്യമാക്കുക എന്നതായിരുന്നു.കുട്ടികളും അധ്യാപകരും ഐടി അധ്ഷ്ഠിതമായി പ്രവർത്തനങ്ങൾ നടത്തുമ്പോൾ അവരോടൊപ്പം തന്നെ രക്ഷിതാക്കളും ഉയരുന്നു.ജനുവരി 25,26 തീയതികളിലായി നടന്ന ദ്വിദിന ക്യമ്പ് ഡയറ്റ് മലപ്പുറം,ഐടി@സ്‌കൂൾ കോർഡിനേറ്റർമാർ എന്നിവരുടെ നേതൃത്വത്തിൽ നടന്നു.രക്ഷിതാക്കളുടെ ആവശ്യും ചർച്ചക്ക് വെക്കുകയും അതിലൂന്നിക്കൊണ്ടുളള പ്രവർത്തന മൊഡ്യൂൾ തയ്യാറാക്കുകയും ചെയ്തു.ഐടി@സ്‌കൂളിൻെറ നേതൃത്വത്തിൽ രക്ഷിതാക്കൾക്കുളള ഐടി് പരിശീലത്തിൻെറ മൊഡ്യൂൾ തയ്യാറാക്കുകയും ട്രൈഔട്ട് ക്ലാസ്സ് നടത്തുകയും ചെയ്തു.എത്തിച്ചേർന്ന 10 രക്ഷിതാക്കളും വളരെ താത്പരിയപൂർവ്വും പ്രവർത്തനത്തിൽ പങ്കാളികളായി.കംമ്പ്യൂട്ടർ പ്രാഥമിക കാര്യങ്ങൾ,കളിപ്പെട്ടി പഠനപുസ്തകം വിവിധ ഓൺലൈൻ പോർട്ടലുകൾ,പഠനസംബന്ധമായ ബ്ലോഗുകൾ എന്നിവ പരിചയപ്പടുന്നതിനും മെയിൽ ഐഡി നിർമ്മാണവും പരിശീലത്തിൻെറ ഭാഗമായി നടന്നു. സഹായകമായി ബുക്ക്‌ലെറ്റ് തയ്യാറാക്കുന്നതിനും പരിശീലനം വിജയകരമായി പൂർത്തിയാക്കുന്നവർക്ക് സർട്ടിഫിക്കറ്റ്  നൽകുന്നതിനും ആവശ്യമായ പ്രവർത്തനങ്ങൾ ആസൂത്രണം ചെയ്തു.

6.അക്കാദമിക മാസ്റ്റർ പ്ലാനും ഐസിടി വികസനവും

  കുട്ടികളുടെ അക്കാദമിക പ്രവർത്തനത്തിന് സഹായകരമാകുന്ന രീതിയിൽ രക്ഷിതാക്കളെ പ്രാപ്തമാക്കുക,അതിന് ഐസിടി സാധ്യതകൾ മെച്ചപ്പെടുത്തുക,പ്രയോജനപ്പെടുത്തുക അങ്ങനെ ഐടി സൗഹൃദവിദ്യാലത്തിലേക്ക് എത്തിച്ചേരുക എന്ന പ്രവർത്തന ലക്ഷ്യം പൂർത്തീകരിക്കാൻ അക്കാദമിക മാസ്റ്റർ പ്ലാനിൽ ഐസിടി സാധ്യതകൾ കണ്ടെത്തി.ഉച്ചക്കുശേഷത്തെ രക്ഷിതാക്കൾക്കുളള ഐടി പഠനം സാർത്ഥകമാക്കാൻ തയ്യാറായി.അതിനായി ടൈംടേബിൾ തയ്യാറാക്കി.രക്ഷിതാക്കളെ ബാച്ചുകളാക്കി തിരിച്ചു.ഓരോ ബാച്ചും പഠിപ്പിക്കാനുളള ചുമതലകൾ അധ്യാപകർക്കും വീതിച്ചു നൽകി.

ശില്പശാല 7.-ഫെബ്രുവരി 26

        രക്ഷിതാക്കൾക്കുളള മൊഡ്യൂൾ അധ്യാപകർക്ക് പരിചയപ്പെടാനും സംശയനിവാരണം നടത്തുന്നതിനുമായി ഫെബ്രുവരി 26ന് ഏകദിന ശില്പശാല സംഘടിപ്പിച്ചു.സമഗ്ര റിസോഴ്സുകൾ പരിചയപ്പെടാനും ടീച്ചിങ്മാന്വൽ ഡൗൺലോഡ് ചെയ്യാനും വിഭവങ്ങൾ കണ്ടെത്തുന്നതിനും അധ്യാപകരെ സഹായിക്കാൻ ഈ എകദിന ശിൽശാലക്ക് കഴിഞ്ഞു.

7.സമഗ്ര-അധ്യാപകർക്കുളള പരിശീലനം

          ഐടി അധിഷ്ഠിതമായി പ്രവർത്തനങ്ങൾ കൈകാര്യം ചെയ്യുന്നതിന് അധ്യാപകരെ പ്രാപ്തമാക്കുക എന്ന ലക്ഷ്യസാക്ഷാത്കാരത്തിനായി സമഗ്ര പരിചയപ്പെടുത്തുകയും വിഭവങ്ങൾ കണ്ടെത്തുന്നതിനും സമാഹരിക്കുന്നതിനും ടീച്ചിംങ്ങ് മാന്വൽ ഉപയോഗപ്പെടുത്തുന്നതിനും ആയി സംഘടിപ്പിക്കപ്പെട്ടു.

സമഗ്ര അക്കൗണ്ട് നിർമ്മാണം ടീച്ചിങ്ങ് മാന്വൽ എടുക്കൽ വർക്ക് ഷീറ്റ് ,വീഡിയോ കാണുന്നതിനും ഡൗൺലോഡ് ചെയ്യാനും

8.രക്ഷിതാക്കൾക്കുളള പരിശീലനം-മൊഡ്യൂൾ വികസിപ്പിക്കൽ

         രക്ഷിതാക്കളുടെ ആവശ്യങ്ങളെ മുൻനിർത്തി തയ്യാറാക്കിയ മൊ‍ഡ്യൂൾ ട്രൈഔട്ട് നടത്തുകയും അതിലെ പോരായ്മകൾ നികത്തി കൂട്ടിച്ചേർക്കലുകൾ നടത്തി മൊഡ്യൂൾ വികസിപ്പിക്കുകയും പുനഃപരിശോധിക്കുകയും പ്രവർത്തനം തൃപ്തികരമാണെന്ന് ബോധ്യമാക്കുകയും ചെയ്തു.

9.പരിശീലന പരിപാടി-സംഘാടനം-നിർവഹണം

വിവിധ ദിനങ്ങളിലായി നടത്തിയ പരിശീലന പരിപാടി

            ജനുവരി 25,26,ഫെബ്രുവരി 26 എന്നീതീയതികളിലെ പരിശീലനത്തിൻെറയും ട്രൈഔട്ട് ക്ലാസ്സിൻെറയും തുടർന്നുളള മൊഡ്യൂൾ വികസനത്തിൻെറയും  വെളിച്ചത്തിൽ മാർച്ച് 3ന് പരിശീലനപരിപാടി തുടങ്ങി.അതിന് മുമ്പ് ചേർന്ന എസ്.ആർ.ജി യോഗങ്ങളിൽവച്ച് ടൈംടേബിൾ രൂപീകരണവും ചുമതലകൾ വിതരണവും ബാച്ചുകളാക്കി തിരിക്കലും നടന്നു.എസ്.ആർ.ജി കൺവീനർ ഉമ ടീച്ചറുടെ നേതൃത്വത്തിൽ പരിശീലന പരിപാടി സംഘടിപ്പിക്കപ്പെട്ടു.ഓരോ ബാച്ചിനും നേതൃത്വം നൽകുന്നതിന് അധ്യാപകരെ ചുമതലപ്പെടുത്തി.കുട്ടികളുടെ പഠനത്തെ ബാധ്ക്കാതെ പരിശീലനപരിപാടി കൊണ്ടുപോകുന്നതിന് ആസൂത്രണത്തിൻെറ മികവുകൊണ്ട് സാധിച്ചു.

10.മികവുകൾ രേഖപ്പെടുത്തൽ

             ഐടി അധിഷ്ഠിതമായി പഠനപ്രവർത്തനങ്ങൾ തയ്യാറാക്കിയപ്പോൾ കുട്ടികളുടെ പഠനതാത്പര്യം വർദ്ധിച്ചു.വിരസത നഷ്ടപ്പെട്ടു.മുഴുവൻ കുട്ടികളുടെയും പങ്കാളിത്തം ഉറപ്പ്‌വരുത്താൻ സാധിച്ചു.ഇത് ഭാഷാപരമായും ഗണിതപരമായും പഠനനേട്ടങ്ങൾ ഉറപ്പ് വരുത്തുന്നതിന് സഹായകമായി.

ശില്പശാല8.-മാർച്ച് 24,25

              മാർച്ച് 24,25 തീയതികളിലായി നടത്തപ്പെട്ട ദ്വിദിന ശിൽപ്പശാലയിൽ മികവുകൾ വിലയിരുത്തി.അധ്യാപകർ കുട്ടികളുടെ പഠനമികവുകൾ പട്ടികപ്പെടുത്തി.രക്ഷിതാക്കൾ പരിശീലന പരിപാടി എത്രമാത്രം പ്രയോജനപ്പെട്ടു എന്ന വിലയിരുത്തലുകൾ പങ്കുവെച്ചു.

മികവുത്സവം

പദ്ധതി വിലയിരുത്തൽ

മികവുത്സവത്തിൽ തുറന്ന് വച്ച ലാപ്പ്ടോപ്പിൽ കുട്ടികൾ പ്രവർത്തനങ്ങൾ രക്ഷിതാക്കൾക്കുമുൻപിൽ അവതരിപ്പിക്കുന്നു.

             2018-19 അക്കാദമിക വർഷത്തിൽ കുട്ടികൾക്കുണ്ടായ പഠനമികവുകളുടെ വിലയിരുത്തലാണ് മികവുത്സവത്തിനായി തയ്യാറാക്കിയത്.ഓരോ ക്ലാസ്സിലും കുട്ടികൾ നേടിയ പഠനനേട്ടങ്ങൾ വിലയിരുത്തുന്നതിനാവശ്യമായ പ്രവർത്തനങ്ങൾ ആസൂത്രണം ചെയ്തു.കവിതകൾ,പരീക്ഷണങ്ങൾ,വായനാ സാമഗ്രികൾ,ഐടി അധിഷ്ഠിത പ്രവർത്തനങ്ങൾ എന്നിവ അതിനായി തിരഞ്ഞെടുത്തു.മികവുത്സവം രണ്ട് കോർണറിലായി സംഘടിപ്പിക്കപ്പെട്ടു.മാർച്ച് 31 രാവിലെ 10 മുതൽ1വരെ താന്നിക്കൽപ്രദേശത്തെ രക്ഷിതാക്കളെല്ലാം അസീസ് ബംഗാളത്തിൻെറ വീട്ടിൽ ഒത്തുചേരുകയും മികവുകൾ പങ്കുവെക്കുകയും ചെയ്തു.ഓരോക്ലാസ്സുകാരും ഐടി അധിഷ്ഠിതമായ പ്രവർത്തനങ്ങൾ ചെയ്തു കാണിച്ചു.ഉച്ചക്കുശേഷം സലഫി ഭാഗത്തെ രക്ഷിതാക്കൾ സലഫി പൂക്കോടൻ റഹ്‌മത്തിൻെറ വീട്ടിൽ ഒത്തുചേർന്നു.5വരെ മികവുകളുടെ പ്രദർശനം സംഘടിപ്പിക്കപ്പട്ടു.

രക്ഷിതാക്കൾക്കുളള സർട്ടിഫിക്കറ്റ് വിതരണം

</gallery>

2018 മെയ് മാസത്തിൽ SCERT യിൽ വച്ച് 2 ദിവസത്തെ ശില്പശാല നടത്തി.ഈ വർഷം ആകെ ചെയ്ത പ്രവർത്തനങ്ങൾ വിശകലനം ചെയ്തു.പ്രസൻേറഷനും റിപ്പോർട്ടും അവതരിപ്പിച്ചു.SCERT ഡയറക്ടർ പ്രസാദ് സർ,അക്കാദമിക പിന്തുണപ്രോഗ്രാം കൺവീനർ ജയലക്ഷി മാഡം,നാരായണനുണ്ണി സർ ,SCERT ഫാക്കൽറ്റിമാരായ ഡോ.പി ബഷീർ സർ,ബാബു സർ,രമേശൻ സർ എന്നിവർ പ്രവർത്തനങ്ങൾ വിലയിരുത്തി.വളരെനല്ല അഭിപ്രായമാണ് അവർ പ്രവർത്തനങ്ങളെപ്പറ്റി പറഞ്ഞത്.അടുത്ത വർഷത്തെ പ്രവർത്തനങ്ങളുടെ കരട് രൂപരേഖ തയ്യാറാക്കി.

2018-19 അധ്യയന വർഷം

വിദ്യാലയത്തിൽ നടപ്പിലാക്കിയ പ്രവർത്തനങ്ങളും ദിനാചരണങ്ങളും

ജൂൺ

പ്രവേശനോത്സവം

        ജൂൺ 13ന് പ്രവേശനോത്സവം ആഘോഷിച്ചു. കുട്ടികളെ അക്ഷര കിരീടങ്ങൾ അണിയിച്ചു. സമ്മാനക്കിറ്റുകൾ പിടിഎ വിതരണം ചെയ്തു. പ്രവേശനോത്സവഗാനം എല്ലാവരെയും കേൾപ്പിച്ചു. വിദ്യാഭ്യാസമന്ത്രിയുടെ പ്രതിജ്ഞ എല്ലാവരും ഏറ്റുചൊല്ലി. യൂണിഫോം, പുസ്തകം എന്നിവയുടെ വിതരണ ഉദ്ഘാടനം നടന്നു. കുട്ടികളുടെ മികവുത്സവം നടത്തി. വാർഡ് മെമ്പർ ശ്രീ കരീമുദ്ദീൻ സാർ, പിടിഎ അംഗങ്ങ,എച്ച് എം ഷാൻറി ടീച്ചർഎന്നിവർ പ്രസംഗിച്ചു.കുട്ടികൾക്ക് മധുരവിതരം വിതരണം ചെയ്തു.ഈ വർഷത്തെ എസ് എസ് എൽ സി ക്ക് പൂർവ്വവിദ്യാർത്ഥികളായ 10 കുട്ടികൾ,പ്ലസ് ടു വിന് 2കുട്ടികൾ ഫുൾ A+ ന് അർഹരായിരുന്നു. അവർക്കുളള സമ്മാനവിതരണവും നടന്നു.വാട്സ് അപ്പ് കൂട്ടായ്മയുടെ പഠനോപകരണവിതരണവും നടന്നു.

പ്രമാണം:----

ഉള്ളൂർ ജന്മദിനം

               ഉള്ളൂർ ജന്മദിനത്തിൽ ഉള്ളൂർ കവിതകൾ കുട്ടികൾക്ക് പരിചയപ്പെടുത്തി.

പ്രീ ടെസ്റ്റ്

       ജൂൺ 11ന് പുതിയ കുട്ടികൾക്ക്  പ്രീ ടെസ്റ്റ് നടത്തി.

ഹലോ ഇംഗ്ലീഷ്

        ജൂൺ12 മുതൽ ജൂൺ 20 വരെ ഹലോ ഇംഗ്ലീഷ് ക്ലാസ് 5 ദിവസത്തേക്ക് രണ്ടു മണിക്കൂർ സമയമെടുത്ത് എല്ലാ ക്ലാസുകളിലും നടത്തി.

അയ്യൻകാളി ചരമദിനം

         ജൂൺ 18 അയ്യങ്കാളി ചരമദിനത്തിൽ സാമൂഹ്യ പരിഷ്കർത്താവായ അയ്യങ്കാളിയെ പരിചയപ്പെടുത്തി. അദ്ദേഹത്തിൻറെ സേവനങ്ങൾ വിലയിരുത്തി.

വായനാവാരം

        ജൂൺ 19 പി എൻ പണിക്കർ ചരമദിനം വായനാദിനമായി ആചരിച്ചു. വായനാദിന ക്വിസ് മത്സരം നടത്തി. അസംബ്ലിയിൽ ഹെഡ്മിസ്ട്രസ് ശ്രീമതി ഷൈലജ ടീച്ചറുടെ സാനിധ്യത്തിൽ കുട്ടികൾ കവിതകൾ, കഥകൾ,പി എന് പണിക്കരെക്കുറിച്ചുള്ള ലേഖനം എന്നിവ അവതരിപ്പിച്ചു.  ഹെഡ്മിസ്ട്രസ് എല്ലാവർക്കും വായന ദിനത്തിൻറെ പ്രത്യേകത വിശദീകരിച്ചുകൊടുത്തു. ക്ലാസ് ലൈബ്രറിയും,സ്കൂൾ ലൈബ്രറിയും പ്രയോജനപ്പെടുത്തി വായന പതിപ്പുകൾ എഴുതാൻ കുട്ടികൾക്ക് നിർദ്ദേശം നൽകി. വായന പ്രദർശനം നടത്തി. ഒരാഴ്ച വായനാവാരം ആഘോഷിച്ചു. ക്ലബ് ഉദ്ഘാടനവും വായനാവാര ത്തിൻറെ സമാപനവും ഒരുമിച്ച് നടത്തി.

വിശ്വയോഗാദിനം

        ജൂൺ 21ന് യോഗാദിനം ആചരിച്ചു. ശ്രീമതി കൃഷ്ണമ്മാൾ ടീച്ചർ യോഗ ക്ലാസ് എടുത്തു വിശ്വ യോഗാദിനം ഉദ്ഘാടനം ചെയ്തു.കുട്ടികൾക്ക് അന്നുമുതൽ യോഗ ക്ലാസ് തുടങ്ങി. ജീവിതത്തിൽ യോഗക്കുള്ളപ്രാധാന്യം ടീച്ചർ എല്ലാവർക്കും പറഞ്ഞു കൊടുത്തു.

ഹലോ ഇംഗ്ലീഷ് ഉദ്ഘാടനം

        ജൂൺ 22ന് ഹലോ ഇംഗ്ലീഷ് ഉൽഘാടനം നടത്തി. ഹലോ  ഇംഗ്ലീഷിന്റെ ഒരുവർഷത്തെ പരിപാടികളുടെ ഉദ്ഘാടനം ശ്രീമതി  ടീച്ചർ നിർവ്വഹിച്ചു. ശ്രീമതി ജീന ടീച്ചർ സന്നിഹിതരായിരുന്നു. ഒന്നാം ക്ലാസ് മുതലുള്ള ഞാൻ കുട്ടികളും ഇംഗ്ലീഷിൽ  സ്കിറ്റ്, പാട്ട് , ആക്ഷൻ സോങ്, കഥകൾ, പ്രസംഗം തുടങ്ങിയ  വിവിധ പരിപാടികൾ ഗംഭീരമായി അവതരിപ്പിച്ചു. ശ്രീമതി  സുപ്രഭ ടീച്ചർ നേതൃത്വം വഹിക്കുന്ന ഇംഗ്ലീഷ് ക്ലബ്ബിൻറെ  ഉദ്ഘാടനവും അന്നേ ദിവസം നടന്നു. ഇംഗ്ലീഷ് ക്ലബ്ബ് കാര്യക്ഷമമായി മുന്നോട്ടു കൊണ്ടുപോകാൻ  എല്ലാ അധ്യാപകരും തീരുമാനിച്ചു.

ലോക മയക്കുമരുന്ന് വിരുദ്ധദിനം

               ജൂൺ 26 ലോക മയക്കുമരുന്ന് വിരുദ്ധദിനത്തിൽ  മയക്കുമരുന്ന് വിരുദ്ധ പ്രതിജ്ഞ എല്ലാവരും എടുത്തു. മയക്കുമരുന്ന് കഴിച്ചാലുള്ള പ്രശ്നങ്ങളെക്കുറിച്ചുള്ള ബോധവൽക്കരണം അസംബ്ലിയിൽ നടന്നു.ഹെഡ്മിസ്ട്രസ് ശ്രീമതി  ഷൈലജ ടീച്ചർ കുട്ടികളോട് പരിചയമില്ലാത്തവർ  തരുന്ന മിട്ടായികളും, മധുരപലഹാരങ്ങളും വാങ്ങി കഴിക്കരുതെന്ന് മുന്നറിയിപ്പ് നൽകിക്കൊണ്ട് കുട്ടികളെ ബോധവൽക്കരിച്ചു.

ജൂലൈ

ഡോക്ടർ ദിനം

       ജൂലൈ 1 ഡോക്ടർ  ചാന്ദ്ര റോയുടെ ജന്മദിനം  ചരമദിനവും ആരോഗ്യം എന്നാൽ  ജീവിതശൈലി കൂടിയാണ് എന്ന  സന്ദേശം കുട്ടികൾക്ക് നൽകി.  സിഡി പ്രദർശനവും നടത്തി.

ശ്രീ തുഞ്ചൻ ഗുരുമഠം സന്ദർശനം

         ജൂലൈ 3 ന് ശ്രീ തുഞ്ചൻ ഗുരുമഠം സന്ദർശിച്ചു. നാലാം ക്ലാസ് കുട്ടികളാണ് പോയത്. മഠത്തിലെ സ്വാമിജി കുട്ടികൾക്ക് തുഞ്ചൻ ഗുരുമഠത്തിന്റെ പ്രാധാന്യം പറഞ്ഞുകൊടുത്തു. ഏതാനും കുട്ടികൾ രാമായണം വായിച്ചു.

ബഷീർ ചരമദിനം അനുസ്മരണവും മലയാളം ക്ലബ് ഉദ്ഘാടനം വായനാ പക്ഷാചരണം സമാപനം

        ജൂലൈ 5ന് ബഷീർ ചരമദിനം അനുസ്മരണവും മലയാളം ക്ലബ് ഉദ്ഘാടനം വായനാ പക്ഷാചരണം സമാപനം എന്നിവയും നടന്നു.ശ്രീ ശേഖരിപുരം മാധവൻ  പരിപാടി ഉദ്ഘാടനം ചെയ്തു. ഒന്നാം ക്ലാസിലെ അനസ്തൂപ്,അനർഘയ എന്നീ കുട്ടികളുടെ പിതാവ് ശ്രീ എയിഞ്ചൽ ബാബു വരച്ചു നൽകിയ ബഷീർ ചിത്രം പ്രകാശനം ചെയ്തു.  ശ്രീ ശേഖരിപുരം മാധവൻ  കുട്ടികൾക്ക്

നാടൻപാട്ടുകളും കുട്ടിക്കവിതകളും ചൊല്ലിക്കൊടുത്തു.ശ്രീമതി ഗിരിജ കുട്ടികൾക്ക് നാടൻപാട്ടു് പാടിക്കൊടുത്തു.കുട്ടികൾ ബഷീർ കൃതികളായ ഭൂമിയുടെ അവകാശികൾ,പാത്തുമ്മയുടെ ആട് എന്നിവയുടെ ഭാഗങ്ങൾ സ്കിറ്റായി അവതരിപ്പിച്ചു.ബഷീർ കൃതികൾ അവതരിപ്പിച്ചു. വായനകുറിപ്പുകൾ അവതരിപ്പിച്ചു.എല്ലാ ക്ലാസിലെയും കുട്ടികൾ പതിപ്പുകൾ തയ്യാറാക്കിയിരുന്നു. അവ പ്രദർശിപ്പിച്ചു. രമണൻ നൃത്തശില്പം ആയി അവതരിപ്പിച്ചു.തമിഴ് കട്ടകൾ നാട്ടുപ്പുറ നടനം,തിരുക്കുറൾ,ഗ്രൂപ്പ് സോങ് എന്നിവ അവതരിപ്പിച്ചു.

@@ വരി 267: / വരി 267: @@
 [[പ്രമാണം:March31-10.jpg|ലഘുചിത്രം]]
 [[പ്രമാണം:March 24-25.jpg|ലഘുചിത്രം|ഇടക്കാലവിലയിരുത്തൽ]]
-[[പ്രമാണം:March31-11.jpg|ലഘുചിത്രം|രക്ഷിതാക്കൾക്കുളള സർട്ടിഫിക്കറ്റ് വിതരണം]]
+[[പ്രമാണം:March31-11.jpg|ലഘുചിത്രം|രക്ഷിതാക്കൾക്കുളള സർട്ടിഫിക്കറ്റ് വിതരണം]]</gallery>
 മെയ് മാസത്തിൽ SCERT യിൽ വച്ച് 2 ദിവസത്തെ ശില്പശാല നടത്തി.ഈ വർഷം ആകെ ചെയ്ത പ്രവർത്തനങ്ങൾ വിശകലനം ചെയ്തു.പ്രസൻേറഷനും റിപ്പോർട്ടും അവതരിപ്പിച്ചു.SCERT ഡയറക്ടർ പ്രസാദ് സർ,അക്കാദമിക പിന്തുണപ്രോഗ്രാം കൺവീനർ ജയലക്ഷി മാഡം,നാരായണനുണ്ണി സർ ,SCERT ഫാക്കൽറ്റിമാരായ ഡോ.പി ബഷീർ സർ,ബാബു സർ,രമേശൻ സർ എന്നിവർ പ്രവർത്തനങ്ങൾ വിലയിരുത്തി.വളരെനല്ല അഭിപ്രായമാണ് അവർ പ്രവർത്തനങ്ങളെപ്പറ്റി പറഞ്ഞത്.അടുത്ത വർഷത്തെ പ്രവർത്തനങ്ങളുടെ കരട് രൂപരേഖ തയ്യാറാക്കി.
-#തിരിച്ചുവിടുക [[2018-19]]
 ==2018-19 അധ്യയന വർഷം==