"എ. എം. എച്ച്. എസ്. എസ്. തിരുമല" എന്ന താളിന്റെ പതിപ്പുകൾ തമ്മിലുള്ള വ്യത്യാസം

1923-ല്‍ തിരുവനന്തപുരത്തെ ഇംഗ്ളീഷ് വിദ്യാഭ്യാസ വിദഗ്ധനായിരുന്ന ശ്രീ. കെ. എസ്. അബ്രഹാം ഈ വിദ്യാലയത്തിന് തുടക്കം കുറിച്ചു. 1923- ന് ഒരു ദശകം മുന്പു തന്നെ ഒരു പ്രാദേശിക വിദ്യാലയമായി ഈ സ്കൂള്‍ പ്രവര്‍ത്തനം ആരംഭിച്ചിരുന്നു. ഔപചാരികമായി സ്കൂളായി മാറിയത് 1923 മെയ് മാസം 21-ം തിയതി ആയിരുന്നു. ഇംഗ്ലീഷ് മീഡിയത്തില്‍ ആകെ 5 വിദ്യാര്‍ത്ഥികളുമായി പ്രവര്‍ത്തനം ആരംഭിച്ച ഈ വിദ്യാലയം വളര്‍ന്നു വികസിച്ചു. ശ്രീ. കെ. എസ്. അബ്രഹാം ആയിരുന്നു ആദ്യ പ്രധമാധ്യാപകന്‍. ആദ്യ വിദ്യാര്‍ത്ഥി ജോഷ്വ. ഈ സ്കൂള്‍ സ്ഥിതി ചെയ്യുന്നത് തലസ്ഥാന നഗരിയില്‍ നിന്നും ഏകദേശം 8 കിലോമീറ്റര്‍ ദൂരെ ഉത്തര കിഴക്കു ഭാഗത്തായിട്ടാണ്. വിദ്യാഭ്യാസ മാധ്യമം മലയാളമായി മാറിയതോടു കൂടി ഈ സ്കൂളും മലയാളം മീഡിയം സ്കൂളായി മാറി. എന്നാല്‍ 1984-ല്‍ വീണ്ടും ഇവിടെ ഇംഗ്ലീഷ് മീഡിയം ക്ലാസ്സുകള്‍ ആരംഭിച്ചു.1954 - ല്‍ ശ്രീ. കെ. എസ്. എബ്രഹാം മാനേജരുടെ മര​ണശേഷം ശ്രീ. എല്‍. ജെ. സോളമന്‍ റോയ് ഈ സ്കൂളിന്റെ മാനേജര്‍ പദവി ഏറ്റെടുക്കുകയും ചെയ്തു. 1979 - ല്‍ ശ്രീ. എല്‍. ജെ. സോളമന്‍ റോയ് മാനേജരുടെ മരണശേഷം ഇപ്പോഴത്തെ മാനേജര്‍ ആയിരിക്കുന്ന ശ്രീ. എ. എസ്. ബെന്‍ റോയ് സ്കൂളിന്റെ സാരഥ്യം ഏറ്റെടുത്തു. രണ്ടു സയന്‍സ് ബാച്ചുകളും ഒരു ഹ്യുമാനിറ്റീസ് ബാച്ചുമായി ഹയര്സെക്കന്‍ഡറി വിഭാഗം 2000 -ല്‍ ആരംഭിച്ചു. ഇപ്പോള്‍ 5 മുതല്‍ 10 വരെ ക്ലാസ്സുകളിലായി  1497 ആണ്‍ കുട്ടികളും 909 പെണ്‍ കുട്ടികളുമടക്കം  2406 കുട്ടികള്‍ ഇവിടെ വിദ്യ അഭ്യസിക്കന്നു. ശ്രീമതി.എം. ഗിരിജകുമാരി അമ്മ ഹെഡ്മിസ്ട്രസ്സ് ആയും ശ്രീമതി.എസ്. ചന്ദ്രിക ഹയര്‍ സെക്കന്‍ഡറി വിഭാഗം പ്രിന്‍സിപ്പാള്‍ ആയും പ്രവര്‍ത്തിക്കന്നു. 87 അദ്ധ്യാപകരും 7 അനദ്ധ്യാപകരും പ്രവര്‍ത്തിക്കുന്നു