ജി.എൽ.പി.എസ് പറമ്പിൽപീടിക/പ്രവർത്തനങ്ങൾ/2025-26

Home

2026-27

Archive 2022-23 2023-24 2024-25 2025-26

സ്കൂൾ പ്രവേശനോത്സവം

2025-26 വർഷത്തെ പ്രവേശനോത്സവം വളരെ ഭംഗിയായി സ്കൂളിൽ നടത്തുകയുണ്ടായി. അധ്യാപകരും സ്കൂൾ പി.ടി.എ, എം.പി.ടിഎ, മറ്റ് സന്നദ്ധപ്രവർത്തകരും ചേർന്ന് സ്കൂളും പരിസരവും വർണാഭമായി അലങ്കരിച്ചു. ചെണ്ടമേളത്തോടെയാണ് കുട്ടികളെ വരവേറ്റത്.സ്കൂൾ എസ്.പി.സി കുട്ടികൾ നവാഗതരെ സ്വാഗതം ചെയ്യാൻ പ്രവേശന കവാടത്തിലുണ്ടായിരുന്നു.സ്കൂൾ അങ്കണത്തിൽ കുട്ടികൾ ഒരുമിച്ച് കൂടി. പ്രധാനധ്യാപകൻ അബ്ദുൽ കരീം മാസ്റ്റർ, മറ്റ് അധ്യാപകർ ,രക്ഷിതാക്കൾ, തുടങ്ങി നിരവധി പേർ കുട്ടികളുമായി സംസാരിച്ചു. പായസ വിതരണം നടത്തി. ഓസ്ക്കാർ പടയണിയുടെ ‘മരം ഒരു വരം’ പദ്ധതി പ്രകാരം സ്കൂൾ അങ്കണത്തിൽ മരങ്ങൾക്ക് ചുറ്റും ഒരുക്കിയ ഇരിപ്പിടങ്ങളുടെ ഉദ്ഘാടനം നടന്നു. പ്രധാനധ്യാപകൻ അബ്ദുൽ കരീം മാസ്റ്റർക്ക് കുട്ടികൾ  യാത്രയയപ്പ് നൽകി.

ബലിപെരുന്നാളാഘോഷം

പെരുന്നാളാഘോഷത്തിൻ്റെ ഭാഗമായി മെഹന്ദിയിടൽ മത്സരവും പെരുന്നാൾഗാനാലാപനവും നടത്തി.

ജൂൺ 5 പരിസ്ഥിതിദിനം

ജൂൺ 5 പരിസ്ഥിതിദിനത്തിൻ്റെ ഭാഗമായി നിരവധി പ്രവർത്തനങ്ങൾ നടന്നു. അധ്യാപകരും വിദ്യാർത്ഥികളും മറ്റ് സന്നദ്ധ പ്രവർത്തകരും ചേർന്ന് സ്കൂൾ അങ്കണത്തിൽ വൃക്ഷത്തൈകൾ നട്ടു. സ്കൂൾ ഇക്കോ ക്ലബ്ബിൻ്റെ നേതൃത്വത്തിൽ സ്കൂൾ പച്ചക്കറിത്തോട്ടം വിപുലീകരിച്ചു.വാർഡ് മെമ്പർ ആയിശ ഫൈസൽ, സ്കൂൾ ഹെഡ്മിസ്ട്രസ് സുലോചന ടീച്ചർ,പെരുവള്ളൂർ കൃഷി ഓഫീസറായ ജേക്കബ് ജോർജ്, അസിസ്റ്റൻ്റുമാരായ പ്രശാന്ത് എ.എസ്,റഈസ പി. അധ്യാപകരായ അനൂപ് മാസ്റ്റർ,ലിസി ടീച്ചർ ,മൈമൂനത്ത് ടീച്ചർ, പ്രശാന്ത് മാസ്റ്റർ തുടങ്ങിയവർ പ്രവർത്തനങ്ങൾക്ക് നേതൃത്വം നൽകി.ഇക്കോ ക്ലബ്ബിൻ്റെ നേതൃത്വത്തിൽ നാലാം ക്ലാസിലെ വിദ്യാർത്ഥികൾക്കായി പ്രകൃതി നടത്തം നടത്തി.

പ്രകൃതി നടത്തം

വൃക്ഷത്തൈ നടൽ

സ്കൂൾ അങ്കണത്തിലെ ഇരിപ്പിടത്തിനുള്ളിലുള്ള തൈ നടൽ

പരിസ്ഥിതിദിന പോസ്റ്റർ	വൃക്ഷത്തൈ കൈമാറൽ	ഇക്കോ ക്ലബ്ബ് അംഗങ്ങൾ പച്ചക്കറിത്തോട്ടം ഒരുക്കുന്നു.

രക്ഷിതാക്കൾക്കുള്ള പാരൻ്റിംഗ് ക്ലാസ്

കാലിക്കറ്റ് യൂണിവേഴ്സിറ്റി മന:ശാസ്ത്ര വിഭാഗം മേധാവി ഡോക്ടർ റംഷിദ എ പി രക്ഷിതാക്കൾക്കായി പാരൻ്റിംഗ് ക്ലാസ് നടത്തി.

പാരൻ്റിംഗ് ക്ലാസ്

ജൂൺ 21 യോഗദിനം

സ്കൂളിലെ അധ്യാപകൻ അനൂപ്മാഷിൻ്റെ നേതൃത്വത്തിലുള്ള യോഗ പരിശീലനം.

ലഹരി വസ്തുക്കൾക്കെതിരെ ഒറ്റക്കെട്ടായി പറമ്പിൽപീടിക

പെരുവള്ളൂർ:- പുകയില,മറ്റു ലഹരി വസ്തുക്കൾ എന്നിവയ്ക്കെതിരായി കൂട്ടായ പ്രവർത്തനങ്ങൾക്ക് തുടക്കം കുറിച്ചിരിക്കുകയാണ് ജി എൽ പി എസ് പറമ്പിൽപീടിക. പ്രൈമറി വിഭാഗത്തിൽ ആയിരത്തിൽ അധികം വിദ്യാർത്ഥികൾ പഠിക്കുന്ന മലപ്പുറം ജില്ലയിലെ തന്നെ ഏറ്റവും വലിയ വിദ്യാലയമാണ് ജി എൽ പി എസ് പറമ്പിൽപീടിക.  വിദ്യാലയത്തിൽ ക്ലാസ് പിടിഎയുടെ ഭാഗമായി മുഴുവൻ രക്ഷിതാക്കൾക്കും പുകവലി, പരോക്ഷ പുകവലി, മറ്റു ലഹരി വസ്തുക്കളുടെ ദോഷ ഫലങ്ങൾ എന്നിവയെ കുറിച്ച് ബോധവൽക്കരണ പരിപാടികൾ വിദ്യാലയം സംഘടിപ്പിച്ചു. പെരുവള്ളൂർ ഹെൽത്ത് ഇൻസ്പെക്ടർ ലിജു ഇഗ്നേഷ്യസ് പരിപാടികൾക്ക് നേതൃത്വം നൽകി. വിദ്യാലയത്തിലെ ഹെൽത്ത് ക്ലബ്ബിലെ കുട്ടികൾ ലഹരിക്കെതിരായ കലാപരിപാടികൾ അവതരിപ്പിച്ചു വിദ്യാലയത്തിലെ മുഴുവൻ രക്ഷിതാക്കളെയും ഉൾപ്പെടുത്തി വിദ്യാലയത്തിന് സമീപത്തുള്ള അഞ്ചാലൻ ഓഡിറ്റോറിയത്തിൽ വച്ചാണ് പരിപാടി നടത്തിയത്. വിദ്യാലയത്തിലെ മുഴുവൻ രക്ഷിതാക്കൾ, ജീവനക്കാർ, ഡ്രൈവർമാർ   എന്നിവരെല്ലാവരും ചേർന്ന് ലഹരിക്കെതിരായ പ്രവർത്തനത്തിൽ പങ്കാളികളാകും എന്ന് സാക്ഷ്യ പെടുത്തിയ കൂട്ടായ ഒപ്പ് ശേഖരണവും നടന്നു.പഞ്ചായത്ത്‌ വൈസ് പ്രസിഡന്റ്‌ ആയിഷ ഫൈസൽ പരിപാടിയിൽ മുഖ്യ അതിഥി ആയി വിദ്യാലയത്തിലെ ഹെഡ്മിസ്ട്രസ് സുലോചന, പി ടി എ ഭാരവാഹികൾ അസ്‌ലം, ശിഹാബ്, അദ്ധ്യാപകർ ആയ മൈമൂനത്ത്,അനൂപ്, ലിസ്സി, അനീഷ തുടങ്ങിയവർ പ്രസംഗിച്ചു മറ്റു അധ്യാപകർ പരിപാടികൾക്ക് നേതൃത്വം നൽകി. ശക്തമായ പ്രചരണ പ്രവർത്തനങ്ങളുടെ ഭാഗം ആയി ജൂൺ മാസം അവസാനത്തോട് കൂടി തിരൂരങ്ങാടി ബ്ലോക്ക്‌ പഞ്ചായത്തിലെ ആദ്യ പുകയില വിമുക്ത വിദ്യാലയം ആയി സ്ഥാപനത്തെ പ്രഖ്യാപിക്കാൻ തീരുമാനിച്ചിരിക്കുകയാണ് ആരോഗ്യ വകുപ്പ്.

ലഹരിക്കെതിരെയുള്ള ഒപ്പു  ശേഖരണം.	ലഹരിക്കെതിരെയുള്ള ഒപ്പു  ശേഖരണം.	ലഹരിക്കെതിരെ വിദ്യാർത്ഥികൾ