ജി.എച്ച്. എസ്.എസ്. ഒതുക്കുങ്ങൽ/2018-19 അധ്യായന വർഷം

2018-19 അധ്യായന വർഷത്തിൽ വളരെയേറെ പ്രവർത്തനം സ്‍കൂളിൽ നടത്താൻ കഴിഞ്ഞു. മീറ്റ് ദി സ്‌കോളർ എന്ന പ്രവർത്തനം വഴി സിവിൽ സെർവ്വീസ് സ്വപ്നം കാണുന്ന ജി എച്ച് എസ് എസ് ഒതുക്കുങ്ങലിലെ കുട്ടികൾക്ക് വിവിധ പ്രമുഖരുടെ സെമിനാറുകൾ, പ്രഭാഷണങ്ങൾ കേൾക്കാനും അവരുമായി സംവദിക്കാനും അവസരം ലഭിച്ചു.അഡ്വ. കെ. എൻ. എ ഖാദർ എം എൽ എ ഇന്ത്യൻ ജനാധിപത്യത്തിന്റെ ഭാവി എന്ന വിഷയത്തിലുള്ള സെമിനാറും,വിമർശകനും എഴുത്തുക്കാരനുമായ കൽപ്പറ്റ നാരായണനുമായുള്ള സംവാദവും, ജീവശാസ്ത്രപഠനത്തിന് സാധ്യതകളേറെ എന്ന വിഷയത്തിൽ ഡോ.അച്യുത് ശങ്കർ എസ്. നായറുടെ സെമിനാറും കുട്ടികൾക്ക് വളരെ ഏറെ പ്രജോതനമായി.സെപ്റ്റംബർ 30 2018 നാണ് Kindle The Spark In You എന്ന ടാഗോട് കൂടി സിവിൽ സെർവ്വീസ് ഓറിയന്റേഷൻ പ്രോഗ്രാം ജി.എച്ച്.എസ്.എസ് ഒതുക്കുങ്ങലിൽ ആരംഭിച്ചത്. പ്രശസ്ത മാന്ത്രികനും മോട്ടീവേറ്ററുമായ പ്രൊഫസർ ഗോപീനാഥ് മുതുകാടാണ് പരിപാടി ഉദ്ഘാടനം ചെയ്‍തത്.

വിദ്യാരംഗം കലാ സാഹിത്യ വേദിയുടെ കീഴിൽ വിവിധ പരിരാടികൾ വിദ്യാർത്ഥികൾക്ക് വേണ്ടി നടന്നു. വിദ്യാർത്ഥികളുടെ കലാവാസനകൾ ഉണ‍ർത്തുന്ന രീതിയിൽ കഥാരചന, കവിതാരചന, പ്രബന്ധരചന, പ്രസംഗമത്സരങ്ങൾ എന്നിവ സ്‍കൂളിൽ നടന്നു. മലയാള അധ്യാപകരായ രവിചന്ദ്രൻ പാണക്കാട്ട്, സുധ എ, ഷാജി വി, നസീറ എസ് കെ എന്നിവരുടെ നേതൃത്വത്തിൽ ജി എച്ച് എസ് എസ് ഒതുക്കുങ്ങലിലെ എല്ലാ അധ്യാപകരും വിദ്യാരംഗം കലാ സാഹിത്യ വേദിയുടെ കീഴിൽ അണിനിരന്ന് പ്രവർത്തിച്ചു.

വിവിധ ക്ലബ്ബുകളും അവരുടെ പ്രവർത്തനങ്ങളുമായി മുന്നോട്ട് പോയി. സോഷ്യൽ സയൻസ്, മാത്‍സ്, സയൻസ്, ഇംഗ്ലീഷ്, അറബിക്, ഉറുദു ക്ലബുകൾ അവരവുടെ ക്ലബ് കൺവീണരുടെ നേതൃത്വത്തിൽ വിവ്ധ പ്രവർത്തനങ്ങൾ നടത്തി.വിദ്യാർത്ഥികളുടെ കലാവാസനകൾ ഉണ‍ർത്തുന്ന രീതിയിൽ കഥാരചന, കവിതാരചന,ക്വിസ് മത്സരങ്ങൾ, പ്രബന്ധരചന,ചിത്ര രചന, പ്രസംഗമത്സരങ്ങൾ എന്നിവ സ്‍കൂളിൽ നടത്തി.

• മീറ്റ് ദി സ്‌കോളർ
• വിദ്യാരംഗം കലാ സാഹിത്യ വേദി.
• ക്ലബ്ബ് പ്രവർത്തനങ്ങൾ.