G. L. P. S. Mulinja/എന്റെ ഗ്രാമം

ನನ್ನ ಊರು

ನಮ್ಮ ಶಾಲೆ ಮುಳಿಂಜ . ಕೇರಳ ರಾಜ್ಯದ ಕಾಸರಗೋಡು ಜಿಲ್ಲೆಯ ಮಂಜೆಶ್ವರ್ ತಾಲೂಕಿನ ಮಂಗಲ್ಪಾಡಿ ಪಂಚಾಯತಿನ ಉಪ್ಪಳ ಟೌನ್ ಗ್ರಾಮದ ಮುಳಿಂಜದಲ್ಲಿದೆ . ಮುಳಿಂಜ ಪುಟ್ಟ ಊರು . ಸಮೃದ್ಧವಾದ ಹಳ್ಳಿ ಇದಾಗಿದೆ . ಎಲ್ಲಾ ಜಾತಿಯವರು ಮತದವರು ಇಲ್ಲಿ ನೆಲೆಸಿದ್ದಾರೆ . ಕನ್ನಡ ,ಮಲೆಯಾಳಂ ,ಹಿಂದಿ ಕೊಂಕಣಿ ತುಳು ನಾಡು ಇದಾಗಿದೆ . ಶಾಲೆಯ ಪಕ್ಕದಲ್ಲಿಯೇ ಉಪ್ಪಳ ಬಸ್ ನಿಲ್ದಾಣ ಹಾಗೂ ತುಸುದೂರದಲ್ಲಿ ಉಪ್ಪಳ ರೈಲ್ವೆ ನಿಲ್ದಾಣವಿದೆ . ಹಾಗಾಗಿ ಎಲ್ಲಾ ಸೌಕರ್ಯ ಇರುವ ನಾಡು ಇದಾಗಿದೆ . ಅಲ್ಲದೇ ಕರಾವಳಿ ಪ್ರದೇಶವಾಗಿದ್ದು ಅನತಿದೂರದಲ್ಲಿ ಅರಬೀ ಸಮುದ್ರವಿದೆ .ಇ ತ್ತೀಚಿನ ವರ್ಷ ಶಾಲೆಗೆ ಹಾಜರಾಗುವ ಮಕ್ಕಳ ಸಂಖ್ಯೆ ಗಣನೀಯವಾಗಿ ಕುಸಿದಿದೆ . ನಮ್ಮ ಶಾಲೆಯಲ್ಲಿ ಕನ್ನಡ ಮಲೆಯಾಳ ಮಾಧ್ಯಮಗಳಿವೆ . ಮುಳಿಂಜ ಊರು ಕಲೆಗಳ ಸಂಸ್ಕೃತಿಗಳ ಕಲಾಗಾರರ ನಾಡು . ಕಥಕ್ಕಳಿಯು ಕೇರಳ ರಾಜ್ಯದ ಕಲೆಯಾಗಿದೆ . ಯಕ್ಷಗಾನ ಕಾಸರಗೋಡು ಜಿಲ್ಲೆಯ ಪ್ರಸಿದ್ದವಾದ ಕಲೆಯಾಗಿದೆ .ಯಕ್ಷಗಾನದ ಇನ್ನೊಂದುಪ್ರಕಾರವಾದ ತಾಳೆಮದ್ದಳೆಯು ಬಹಳ ಪ್ರಸಿದ್ದಿ ಪಡೆದಿದೆ .

ಇಂದಿಗೂ ಹಲವಾರು ಯುವಕ ಯುವತಿಯರು ಕಲೆಯನ್ನು ವ್ಯಾಸಂಗ ಮಾಡುತ್ತಿದ್ದಾರೆ . ನೆರೆಯ ಉಪ್ಪಳ ಟೌನ್ ನಲ್ಲಿ ಇಂದಿಗೂ ಯಕ್ಷಗಾನ ಸಜೀವವಾಗಿ ನೆಲೆನಿಂತಿದೆ .

ಅದೇ ರೀತಿ ಹರಿಕಥೆ ಎಂಬ ಕಲಾರೂಪವು ಈ ನಾಡಿನಲ್ಲಿ ಪ್ರಸಿದ್ಧಿಹೊಂದಿದ್ದು ,ಇಂದಿಗೂ ಜನರು ಹರಿಕಥೆ ಮಾಡುತ್ತಾರೆ . ಮಾಪಿಲಪಾಟು ಒಪ್ಪನ ಕೂಡ ಈ ಪ್ರದೇಶಗಳಲ್ಲಿ ಬಹಳ ಪ್ರಸಿದ್ದಿ ಪಡೆದುಕೊಂಡಂತಹ ಕಲಾರೂಪಗಳಾಗಿವೆ .

ಹಾಗೆ ನಮ್ಮ ಊರು ಭೂತ ಕೋಲ ಗಳ ನಾಡು . ಕೊರಗಜ್ಜ ಆರಾಧನೆಯ ಬೀಡು . ಈ ದೇವರುಗಳ ಉತ್ಸವಗಳು ಇಲ್ಲಿ ಬಹಳ ಸಂಭ್ರಮಗಳಿಂದ ನಡೆಯುತ್ತದೆ. ಜನರನ್ನು ಸನ್ಮಾರ್ಗದತ್ತ ಕೊಂಡೊಯ್ಯುತ್ತದೆ . ಸಂಸ್ಕೃತಿಗಳು ನಾಡಿನ ಜನರನ್ನು ಸುಸಂಕೃತರನ್ನಾಗಿ ಮಾಡುತ್ತದೆ . ಕಲೆಗಳು ನಮ್ಮ ಸಂಸ್ಕೃತಿಗಳ ಪ್ರತಿಬಿಂಬವಾಗಿದೆ .

ಹೀಗೆ ವಿವಿಧ ಸಂಸ್ಕೃತಿ ಕಲೆಗಳ ಮತಗಳ ಜಾತಿಗಳ ನೆಲೆವೀಡಾದ ಮುಳಿಂಜದಲ್ಲಿ ಈಗ ಸಾಕಷ್ಟು ಅನ್ಯ ರಾಜ್ಯದ ಜನರು ಹೊಟ್ಟೆಪಾಡಿಗಾಗಿ ಕೆಲಸವನ್ನು ಆರಿಸಿಕೊಂಡು ನಮ್ಮಲ್ಲಿಗೆ ಬಂದಿದ್ದಾರೆ . ಜಾರ್ಕಂಡ ,ಮಹಾರಾಷ್ಟ್ರ , ಬಿಹಾರ , ಉತ್ತರಪ್ರದೇಶ , ಹಾವೇರಿ , ಹೀಗೆ ಹಲವು ಕಡೆಗಳಿಂದ ಬಂದು ಇಲ್ಲಿ ಕೆಲಸಮಾಡಿ ಜೀವನಸಾಗಿಸುತ್ತಾರೆ . ಅಂತವರ ಮಕ್ಕಳ ಕಲಿಕೆಗೆ ನಮ್ಮ ಶಾಲೆಯನ್ನು ಆಶ್ರಯಿಸುತ್ತಾರೆ .