ബ്രദറൻ ഇംഗ്ലീഷ് മീഡിയം ഹൈസ്കൂൾ കുമ്പനാട്/ചരിത്രം

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

അവിടെ കാട്ടുമൃഗങ്ങളും ആനകളും ഉണ്ടായിരുന്നു. അങ്ങനെയാണത്രെ ഈ പേരു വന്നത്. മിനി ഗൾഫ് എന്നറിയപ്പെടുന്ന ഇവിടത്തെ മിക്ക വീടുകളും പ്രവാസികളുടേതാണ്.

               ബ്രദറൻ സഭയിലെ അനേകം നേതാക്കളുടെ പലപ്രാവശ്യം ഉള്ള കൂടിയാലോചനകൾക്ക് ശേഷം കുമ്പനാട് ഒരു ഇംഗ്ലീഷ് മീഡിയം സ്കൂൾ സ്ഥാപിക്കേണ്ട ആവശ്യകതയെപ്പറ്റി ചിന്തിക്കുകയും അതിൻ ഫലമായി 1980 ജൂൺ 5 ന് ബ്രദറൻ ഇംഗ്ലീഷ് മീഡിയം സ്കൂൾ എന്ന പേരിൽ ഒരു സ്കൂൾ തുടങ്ങാനായി തീരുമാനിക്കുകയും ചെയ്തു.സ്വന്തമായി ഒരു കെട്ടിടം ഇല്ലാതിരുന്നതിനാൽ കുമ്പനാട് നടുവിലേക്ക് ശ്രീമതി അച്ചാമ്മ ചാക്കോയുടെ വീട്ടുവളപ്പിൽ ഉള്ള മുറികളിൽ വളരെ കുറച്ചു കുട്ടികളുമായാണ് സ്കൂൾ ആരംഭിച്ചത്.കുമ്പനാട്ടെ നല്ലവരായ നാട്ടുകാരുടെ കലവറയില്ലാത്ത സഹകരണം മൂലംഈ വിദ്യാലയം പുരോഗതിയിൽ നിന്ന് പുരോഗതിയിലേക്ക് കുതിച്ചു. 

ബ്രദറൻ എഡ്യുക്കേഷണൽ സൊസൈറ്റി എന്ന ഒരു ചാരിറ്റബിൾ സൊസൈറ്റിയാണ് സ്കൂൾ നടത്തുന്നത് ഇതിൻറെ ആദ്യ പ്രസിഡൻറ് ഡോക്ടർ പി സി വർക്കിയും സെക്രട്ടറി മിസ്റ്റർ പി.വി വർഗീസും ആയിരുന്നു. പുതിയ സ്കൂൾ കെട്ടിടത്തിന്റെ തറക്കല്ല് പരേതനായ ശ്രീ എ.കെ വർഗീസ് മൂവാറ്റുപുഴ പ്രാർത്ഥനയോടുകൂടി സ്ഥാപിക്കുകയും അന്നത്തെ വിദ്യാഭ്യാസ മന്ത്രിയായിരുന്ന ശ്രീ റ്റി എം ജേക്കബ് 1984 ഒക്ടോബർ 13 ഉദ്ഘാടനം നടത്തുകയും ചെയ്തു .

                      സ്ഥാപക പ്രിൻസിപ്പാൾ ആയിരുന്ന ശ്രീ ജോൺ എബ്രഹാം 1980 മുതൽ 1984 വരെ പ്രിൻസിപ്പലായി സേവനം കാഴ്ച വച്ചു. പിന്നീട് ശ്രീ വി കെ മാത്യു 1984 മുതൽ 1989 വരെ സേവനം നടത്തി മൂന്നാമത്തെ പ്രിൻസിപ്പൽ ശ്രീ വി കെ ഫിലിപ്പ് 1989 മുതൽ 1992 വരെ സ്കൂളിനെ പുരോഗതിയുടെ പാതയിൽ ഉയർത്തി.അതിനുശേഷം ശ്രീമതി ജെസ്സി ജോൺ 1992 മുതൽ 1999 വരെ വ്യവസ്ഥാപിതമായ അച്ചടക്കത്തോടെ കൂടി സ്കൂളിനെ നിലനിർത്തി. ഏറ്റവും കൂടുതൽ കാലം പ്രിൻസിപ്പലായിരുന്ന പ്രൊഫസർ മോഹൻ ജോസഫ് 1999 ഏപ്രിൽ മുതൽ 2010 ജനുവരി വരെ ശാന്തഗംഭീരമായി സ്കൂളിന് നേതൃത്വം നൽകി അതിനുശേഷം പ്രിൻസിപ്പലായ ഡോക്ടർ കെ വി തോമസ് 2010 ജനുവരി മുതൽ 2018 മെയ് മാസം വരെ സ്കൂളിൻറെ എല്ലാ പ്രവർത്തനങ്ങൾക്കും കൃത്യനിഷ്ഠയോടു കൂടി ചുക്കാൻ പിടിച്ചു.  പ്രൊഫസർ  പി എസ് മോഹൻ ജൂൺ 2018 മുതൽ 2019 വരെ പ്രിൻസിപ്പലായി പ്രവർത്തിച്ചു. 2019 ജൂൺ മുതൽ ശ്രീമതി ജെസ്സി വി ചെറിയാൻ പ്രിൻസിപ്പലായിസേവനംനടത്തിവരുന്നു . ശ്രീമതി അനിത എം യോഹന്നാൻ വൈസ് പ്രിൻസിപ്പലായി പ്രവർത്തിക്കുന്നു
                    കുമ്പനാട് പട്ടണത്തിൽ  സ്ഥിതി ചെയ്തിരുന്ന ഈ സ്കൂൾ കുമ്പനാട്ടും പരിസരപ്രദേശങ്ങളിലുമുള്ള കുട്ടികളുടെ മാനസികവും കായികവുമായ വളർച്ചയ്ക്കും സ്വഭാവരൂപീകരണത്തിനും നടത്തിവരുന്ന പ്രവർത്തനങ്ങൾ മൂലം അനേകം കുട്ടികൾ ഇന്ന് ലോകത്തിൻറെ പല ഭാഗത്തായി എൻജിനീയർമാർ, ഡോക്ടർമാർ, ഐടി പ്രൊഫഷണൽസ്, സുവിശേഷകർ എന്നീ നിലകളിൽ സേവനം നടത്തി വരുന്നു .1996 ഇത് ഒരു ഹൈസ്കൂളായി ഉയർത്തപ്പെട്ടു. മന്ത്രി പ്രൊഫസർ  പിജെ കുര്യൻ 1996 ഫെബ്രുവരിയിൽ ഹൈസ്കൂൾ സെക്ഷൻ കെട്ടിടം ഉദ്ഘാടനം ചെയ്തു .അങ്ങനെ അനേകം മുറികളുള്ള ഒരു കെട്ടിടമായി സ്കൂൾ പുരോഗതിയുടെ പാതയിൽ മുന്നേറി .1998 ൽ  ആദ്യത്തെ എസ്എസ്എൽസി ബാച്ച് പരീക്ഷയിൽ ഉന്നത വിജയം നേടി അന്നുമുതൽ ഇന്നുവരെ ചുരുക്കം ചില വർഷങ്ങൾ ഒഴികെ എല്ലാ വർഷവും 100% വിജയവും മിക്കവാറും എല്ലാ ബാച്ചുകളിലും ഫുൾ എ പ്ലസിൽ വിജയിക്കുന്ന ധാരാളം കുട്ടികളുമായി സ്കൂൾ പാഠ്യ വിഷയങ്ങളിൽ മുന്നേറുന്നു.
                 
                 സ്കൂളിൻറെ സിൽവർ ജൂബിലി പലവിധ പ്രോഗ്രാമുകളുമായി 2005 നടത്തപ്പെട്ടു .മീറ്റിങ്ങുകളിൽ വിശിഷ്ടാതിഥികൾ പങ്കെടുത്തു .എല്ലാ വർഷവും ഫെബ്രുവരി ആദ്യത്തെ ആഴ്ചയിൽ വിവിധ കലാപരിപാടികളുമായി സ്കൂളിൻറെ വാർഷിക ആഘോഷം നടത്തപ്പെടുന്നു .തദവസരത്തിൽ ക്ലാസ്സുകളിൽ നിന്നും ഉന്നത വിജയം നേടുന്ന കുട്ടികൾക്കും സ്ക്രിപ്ചർ ആൻഡ് മോറൽ എജ്യൂക്കേഷനൽ വിജയം വരിക്കുന്നവർക്കും എസ്എസ്എൽസി പരീക്ഷയിൽ ഒന്നും രണ്ടും സ്ഥാനങ്ങൾ കരസ്ഥമാക്കുന്നവർക്കും വിവിധ ഇനങ്ങളിൽ കായിക മികവ് തെളിയിക്കുന്നവർക്കുമായി സമ്മാനങ്ങൾ നൽകി വരുന്നു .ചില പൂർവ്വ വിദ്യാർത്ഥികളുടെയും സ്റ്റാഫിന്റെയും മുൻ പ്രിൻസിപ്പൽ  ഡോക്ടർ കെ വി തോമസ് ,മുൻ വൈസ് പ്രിൻസിപ്പൽ സാലി സണ്ണി ,പ്രിൻസിപ്പൽ ജെസ്സി വി ചെറിയാൻ എന്നിവരുടെ ശ്രമഫലമായി 2019 ഡിസംബർ 23ന് കെങ്കേമമായി ഒരു അലുമിനി അസോസിയേഷൻ മീറ്റിംഗ് നടത്തപ്പെട്ടു .ആദ്യത്തെ മൂന്ന് പ്രിൻസിപ്പൽമാരും ഇതിൽ പങ്കെടുത്തു .
                       
                 ബ്രദറൺ ഇംഗ്ലീഷ് മീഡിയം സ്കൂൾ കേരള സിലബസ് ഇംഗ്ലീഷ് മീഡിയം ആയി നടത്തിവരുന്നു .അൺ എയ്ഡഡ് സ്കൂൾ ആയതിനാൽ കുട്ടികളിൽ നിന്നും ലഭിക്കുന്ന തുഛമായ ഫീസ് ആണ് പ്രധാന വരുമാനമാർഗം .കുട്ടികളുടെ മാനസികവും കായികവും അക്കാദമികവുമായ എല്ലാ വിഷയങ്ങളിലും മൂല്യാധിഷ്ഠിതമായ പരിശീലനം നൽകാൻ എല്ലാ ടീച്ചിങ് ആൻഡ് നോൺ ടീച്ചിംഗ് സ്റ്റാഫുകളും അക്ഷീണം പ്രവർത്തിക്കുന്നു .സ്കൂളിൽ ആൺകുട്ടികളും പെൺകുട്ടികളും പഠിക്കുന്നു. കുഞ്ഞുങ്ങളെ ഉത്തമ പൗരന്മാരായി രൂപാന്തരപ്പെടുത്തുന്നതിന് എല്ലാവരും ഒത്തൊരുമിച്ച് പ്രവർത്തിക്കുന്നു.