സെന്റ് തെരേസാസ് എച്ച് എസ് മണപ്പുറം/സൗകര്യങ്ങൾ

സ്കൂൾ

സൗകര്യങ്ങൾ

പ്രവർത്തനങ്ങൾ

പ്രൈമറി

ഹൈസ്കൂൾ

ചരിത്രം

അംഗീകാരം

ഭൗതിക സൗകര്യങ്ങൾ

ഭാരതത്തിലങ്ങോളമിങ്ങോളം വിദ്യാഭ്യാസ മേഖലയിൽ നിസ്തുല സംഭാവനകൾ നല്കി ക്കൊണ്ടിരിക്കുന്ന സി. എം. ഐ സഭയുടെ കൊച്ചി തിരുഹൃദയ പ്രവിശ്യയുടെ കോർപ്പറേറ്റ് എജ്യൂക്കേഷണൽ ഏജൻസിയുടെ കീഴിൽ പ്രവർത്തിക്കുന്ന വിദ്യാലയമാണ് മണപ്പുറം സെൻറ് തെരേസാസ് ഹൈസ്കൂൾ. സാമ്പത്തികമായി പിന്നോക്കം നില്ക്കുന്ന മണപ്പുറം ഗ്രാമത്തിന്റെ വികസനമെന്ന സ്വപ്നവുമായി 1938-ൽ സ്ഥാപിതമായ ഈ വിദ്യാലയം മഹത്തായ 84 വർഷങ്ങളുടെ ചരിത്രവുമായി മണപ്പുറം ഗ്രാമത്തിൻറെ അഭിമാനസ്തംഭമായി മലയാളക്കരയിൽ നിലകൊള്ളുന്നു.

   ആലപ്പുഴ ജില്ലയിലെ  ചേർത്തല താലൂക്കിൽ തൈക്കാട്ടുശ്ശേരി ഗ്രാമപഞ്ചായത്തിൽ  വേമ്പനാട് കായൽ തീരത്ത്  ഏകദേശം  നാല് ഏക്കറോളം വിസ്തൃതിയിൽ LP,UP,HS വിഭാഗങ്ങളിലായി മൂന്നു കെട്ടിടങ്ങളിലാണ് സ്കൂൾ പ്രവർത്തിക്കുന്നത്. 
           Rev. Dr.  സാജു മാടവനക്കാട് CMI   കോർപറേറ്റ് മാനേജരും, Rev. Fr.ആന്റോച്ചൻ മംഗലശ്ശേരി CMI സ്കൂൾ മാനേജരും ആയിട്ടുള്ള ഈ വിദ്യാലയത്തിന്റെ പ്രഥമാധ്യാപിക ശ്രീമതി. എലിസബത്ത് പോൾ ആണ്.34 അധ്യാപകരും 5 അനധ്യാപകരും സേവനം ചെയ്യുന്ന ഈ വിദ്യാലയത്തിൽ  1-ാം തരം മുതൽ 10-ാം തരം വരെ 26 ക്ലാസ്സുകൾ ഉണ്ട്. LP വിഭാഗം ഓരോ ക്ലാസ്സും 2 ഡിവിഷനു കൾ വീതവും, UP, HS വിഭാഗങ്ങളിൽ ഓരോ ക്ലാസ്സും 3 ഡിവിഷനു കൾ വീതവും. ആകെ 26 ക്ലാസ്സുകളിലായി ആയിരത്തോളം കുട്ടികൾ ഇവിടെ അധ്യയനം നടത്തുന്നു. മുൻ കേന്ദ്രമന്ത്രിയും ചേർത്തലയുടെ അഭിമാനവുമായ ശ്രീ.എ.കെ.ആന്റണി അനുവദിച്ച് നല്കിയ തുകയും ചേർത്ത് മാനേജ്മെന്റ് നിർമ്മിച്ച Jubilee Memmorial Building -ൽ ആണ് ഇപ്പോൾ HS ക്ലാസ്സുകൾ നടക്കുന്നത്. ശ്രീ. K C വേണുഗോപാൽ തന്റെ MP ഫണ്ടിൽ നിന്നും അനുവദിച്ച തുക ഉപയോഗിച്ച് School Ground മണ്ണിട്ട് ഉയർത്തി കുട്ടികൾക്ക് കളിക്കാൻ അനുയോജ്യമാക്കുകയും ചുറ്റും ഗ്യാലറി കെട്ടി മനോഹരമാക്കുകയും ചെയ്തു.

HI Tech classrooms & IT lab ഹൈസ്കൂൾ വിഭാഗത്തിലെ ഒൻപത് ക്ലാസ്സ് മുറികളും ഹൈടെക് നിലവാര ത്തിലുള്ളതാണ് . നമ്മുടെ സ്കൂളിലെ കുട്ടികളുടെ I T പഠനം കാര്യക്ഷമമായി നടത്തുക എന്ന ലക്ഷ്യത്തോടെ UP, HS എന്നീ വിഭാഗങ്ങൾ ക്കായി പ്രത്യേകം പ്രത്യേകം സുസജ്ജമായ IT ലാബുകൾ ഉണ്ട്. Intelligent Interactive Panel സാധാരണ കുടുംബങ്ങളിൽ നിന്നും വരുന്ന നമ്മുടെ കുട്ടികൾക്കും അത്യാധുനിക പഠന സൗകര്യങ്ങൾ സാധ്യമാക്കുക എന്ന ലക്ഷ്യത്തോടെ CM I കളമശ്ശേരി പൊവിൻസിന്റെ നേതൃത്വത്തിൽ രണ്ടര ലക്ഷം രൂപ വിലവരുന്ന Intelligent Interactive Panel ഇക്കഴിഞ്ഞ വർഷം നമ്മുടെ സ്കൂളിൽ സ്ഥാപിച്ചു.

കുടിവെള്ള പദ്ധതി *

PTA യുടെ ആഭിമുഖ്യത്തിൽ ക്രമീകരിച്ച ജപ്പാൻ കുടിവെള്ള പദ്ധതിയുടെ അനുബന്ധമായി ആലപ്പുഴ ജില്ലാ ഭരണകൂടത്തിന്റെ 1 am for Aleppy എന്ന പദ്ധതി പ്രകാരം ലഭിച്ച uv plant സ്ഥാപിക്കുക വഴി സ്കൂളിലെ ശുദ്ധജല ലഭ്യത പൂർണ്ണമായും ഉറപ്പാക്കാൻ സാധിച്ചു. പ്രത്യേകമായി LP വിഭാഗത്തിലെ കുട്ടികൾക്കായി ശുദ്ധജല ലഭ്യത ഉറപ്പു വരുത്തുന്നതിനായി Mahagement -ന്റെ നേതൃത്വത്തിൽ RO plant സ്ഥാപിച്ചു.
        
പാചകപ്പുര 

ആവശ്യമായ സൗകര്യങ്ങളോടു കൂടി പോഷകാഹാരം പാചകം ചെയ്യുന്നതിനായി നല്ലൊരു പാചകപ്പുര നമ്മുടെ സ്വപ്ന സാഫല്യമായിരുന്നു. ഈ ജനുവരി 3-ാം തീയതി മുൻ അരൂർ MLA ശ്രീമതി.ഷാനിമോൾ ഉസ്മാൻ അനുവദിച്ചു തന്ന പാചകപ്പുരയ്ക്ക് സ്കൂൾ മാനേജർ റവ.ഫാ.ആന്റോച്ചൻ മംഗലശ്ശേരി തറക്കല്ലിട്ടു, പണി ആരംഭിച്ചു.

സ്കൂൾ ബസ്

മാനേജ്മെന്റ് സ്കൂളിന് നല്കിയ സ്കൂൾ വാഹനത്തോടൊപ്പം 2 വാഹനങ്ങൾ കൂടി വാടകയ്ക് എടുത്ത് കുട്ടികൾക്ക് യാത്രാസൗകര്യം ഒരുക്കിയിരിക്കുന്നു.

Girls Toilet Complex

ശ്രീ. A M ആരിഫ്  അരൂർ MLA ആയിരുന്നപ്പോൾ അനുവദിച്ചുതന്ന Fund ഉപയോഗിച്ച് പെൺകുട്ടികൾക്കായി Girls Toilet Complex നിർമ്മിച്ചു.
.

St.Theresa's Pre-Primary School

മാനേജ്മെന്റിന്റെ കീഴിൽ സ്കൂളിനോട് ചേർന്ന് St.Theresa's Pre Primary school പ്രവർത്തിക്കുന്നു. LKG, UKG വിഭാഗങ്ങളിലായി ഇവിടെ  66 കുട്ടികൾ പഠിക്കുന്നു.   

T V, SMART PHONE

കൊറോണ കാലഘട്ടത്തിൽ ഓൺലൈൻ പഠനം ഒട്ടും സാധ്യമാകാത്ത ഏറ്റവും അർഹരായ കുട്ടികളെ കണ്ടെത്തി അവർക്ക് TV, SMART PHONE എന്നിവ നല്കാൻ സാധിച്ചു. സ്റ്റാഫ്, പി.ടി.എ, മാനേജ്മെന്റ്, വിവിധ ക്ലബുകൾ, സൊസൈറ്റികൾ. സർക്കാർ സംവിധാനങ്ങൾ, സുമനസ്സുകൾ ചേർന്ന് 35 കുട്ടികൾക്ക് TV യും 46 കുട്ടികൾക്ക് സ്മാർട്ട് ഫോണും നല്കി.

തെരേസ്യൻ ഹാൾ, ഫുട്ബോൾ , ബാസ്ക്കറ്റ് ബോൾ, ബാഡ്മിന്റൻ കോർട്ടുകൾ

            വളർച്ചയുടെ പടവുകൾ ഒന്നൊന്നായി ചവിട്ടിക്കയറാൻ, ഇവിടുത്തെ വിദ്യാർത്ഥി കൾക്കായി വിശാലമായ ഫുട്‌ബോൾ കോർട്ട്, ബാസ്കറ്റ്ബോൾ കോർട്ട്,  കോണ്ക്രീറ്റ് ചെയ്യപ്പെട്ട ബാഡ്മിന്റൻ കോർട്ട്, തുടങ്ങിയ സൗകര്യങ്ങൾ ഒരുക്കിയിട്ടുണ്ട്. സ്കൂളിന്റെ പ്രവേശനകവാടത്തിനോട്  ചേർന്ന് തലയുയർത്തി നിൽക്കുന്ന തെരേസ്യൻ ഓഡിറ്റോറിയം കൂട്ടികളുടെ കലാ-സാഹിത്യ സാംസ്ക്കാരിക വേദികൾക്ക് സാക്ഷിയാകുന്നു. നമ്മുടെ പൂർവ്വ വിദ്യാർത്ഥിയും, അഭ്യുദയകാംക്ഷിയുമായ ശ്രീ.മാത്യു ജോസഫ് വാര്യംപറമ്പിലിന്റെ ഓർമ്മയ്ക്കായി അദ്ദേഹത്തിന്റെ കുടുംബാംഗങ്ങൾ നിർമ്മിച്ചു നല്കിയതാണ് തെരേസ്യൻ ഓഡിറ്റോറിയം എന്ന് നന്ദിപൂർവ്വം ഓർക്കുന്നു.
           84 വർഷങ്ങൾ നീണ്ട യാത്രയിൽ മണപ്പുറം ദേശത്തെ അനേകായിരങ്ങൾക്ക് അറിവിന്റെയും, നെറിവിന്റെയും തിരിച്ചറിവുകൾ നല്കിക്കൊണ്ട് ദൈവാനുഗ്രഹത്തിന്റെ പ്രതീകമായ് അനേകരുടെ പ്രതീക്ഷയായ് സെന്റ് തെരേസാസ് ഹൈസ്കൂൾ മണപ്പുറം അതിന്റെ ജൈത്രയാത്ര അനുസ്യൂതം തുടരുന്നു.