"ഇ.എ.എൽ.പി.എസ്. കോച്ചേരിമുക്കം" എന്ന താളിന്റെ പതിപ്പുകൾ തമ്മിലുള്ള വ്യത്യാസം

==ചരിത്രം==

തിരുവല്ല - എടത്വാ റോഡിൽ വൈക്കത്തില്ലം പാലത്തിനു പടിഞ്ഞാറു വശത്തു വടക്കോട്ടുള്ള റോഡിൽ മൂന്നു ഫർലോംഗ് ദൂരത്തിൽ നെടൂമ്പ്രത്തിന്റെയും പെരിങ്ങരയും ഇടയ്ക്കു സ്ഥിതി ചെയ്യുന്ന ഒരു ചെറിയ ഗ്രാമപ്രദേശമാണ് കോച്ചാരിമുക്കം. ഇവിടെ വായനശാലകളോ സർക്കാർ സ്ഥാപനങ്ങളോ ഒന്നും തന്നെ ഇല്ല. പ്രകൃതിയാൽ അനുഗൃഹീതമായ പമ്പയുടെ കൈവഴിയായ ഒരു തോടിന്റെ പടിഞ്ഞാറു ഭാഗത്തായി  കോച്ചാരിമൂക്കം ഇ എ എൽ പി. സ്കൂൾ സ്ഥിതി ചെയ്യുന്നു. ഹിന്ദുക്കളുടെ വിശിഷ്യാ ഈഴവരുടെയും ക്രിസ്തേതരായ താഴ്ന്ന ജാതിക്കാരുടെയും വാസസ്ഥലമായിരുന്ന കോച്ചാരിമുക്കത്തു 1086-ാം ആണ്ടു മുതൽ മാർത്തോമാ സഭയിലെ ചില സുവിശേഷകന്മാർ പ്രവർത്തിക്കാൻ തുടങ്ങി. കുട്ടികളുടെ വിദ്യാഭ്യാസം അന്നൊരു പ്രശ്നമായിരുന്നു . ഒരു വിദ്യാലയത്തിന്റെ ആവശ്യകതയെപ്പറ്റി സുവിശേഷകർ പ്രചരണം നടത്തി. സഭയിലെ ചില അംഗങ്ങൾ ഒരു വിദ്യാലയം സ്ഥാപിക്കുവാനുളള നവിനാശയങ്ങളുമായി രംഗപ്രവേശം ചെയ്തു.<br>

 

1091-ൽ സഭയിലെ ചില അംഗങ്ങളുടെ വക  9 സെന്റ് സ്ഥലം സുവിശേഷ സംഘം വിലക്ക് വാങ്ങി അവിടെ കേവലം ഒന്നും രണ്ടും ക്ലാസുകൾ മാത്രവും പ്രാർത്ഥനാലയവുമായി ഒരു വിദ്യാ ലയം രൂപം കൊണ്ടു. അതാണ് കോച്ചാരിമുക്കം ഇ.എ.എൽ.പി. സ്കൂൾ. മേപ്രാൽ ഇമ്മാനുവേൽ ഇടവകാംഗങ്ങളിൽ ചിലരുടെയും പ്രഥമാദ്ധ്യാപകരുടെയും പരിശ്രമവും സഹകരണവും നിമിത്തം  1100 -ൽ 27 സെന്റ് സ്ഥലത്തിൽ ബലവും ഉറപ്പും ഉള്ള രണ്ടു കെട്ടിടങ്ങളും പണികഴിപ്പിക്കുകയും അഞ്ചു ക്ലാസ്സുകൾ നടത്തുന്നതിനുള്ള അംഗീകാരം ലഭിക്കുകയും ചെയ്തു. സുവിശേഷ സംഘത്തിന്റെ നേതൃത്വത്തിലാണ് സ്കൂളിന്റെ പ്രവർത്തനങ്ങൾക്ക് തുടക്കം കുറിച്ചത്. ഈ സ്കൂളിന്റെ ആരംഭകാലം മുതൽ ശ്രീമാന്മാരായ എം. റ്റി. വറുഗീസ്, പി. വി. ചെറിയാൻ, തോമസ് ജോൺ, കെ.പി. മാത്തൻ, ശമുവേൽ ചാക്കോ എന്നീ പ്രധാനാധ്യാപകർ സ്തുത്യർഹമായ രീതിയിൽ സേവനം അനുഷ്ഠിച്ചിട്ടുണ്ടെന്നുള്ള വസ്തുത പ്രത്യേകം പ്രസ്താവ്യമാണ്. 2007 ൽ ശ്രീ. പി ജെ കുര്യൻ എം പി യുടെ പ്രാദേശിക വികസന ഫണ്ടിൽ നിന്നും ഓഫീസ് കെട്ടിടവും ഒരു ക്ലാസ് മുറിയും ഉൾപ്പെടുന്ന ബ്ലോക്ക് നിർമ്മിച്ചു നൽകി.