"ജി.യു.പി.എസ് പുള്ളിയിൽ/ക്ലബ്ബുകൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

    വർഷത്തിൽ വരുന്ന പ്രധാന ദിനങ്ങളെ അറബിഭാഷയിൽ ഉൾപ്പെടുത്തി വിവിധ പ്രവർത്തനങ്ങളിലൂടെ നടപ്പിലാക്കുന്നു.

മലയാള ഭാഷയുടെ പഠനവും വളർച്ചയും പ്രോത്സാഹിപ്പിക്കുന്നതിൽ  മലയാളം ക്ലബ് സുപ്രധാന  പങ്കു വഹിക്കുന്നു.മലയാള സാഹിത്യാഭിരുചി വളർത്തുന്നത്തിനും സർഗാത്‌മക  കഴിവുകൾ വളർത്തുന്നതിനും  മലയാളം ക്ലബ്ബിന്റ ആഭിമുഖ്യത്തിൽ വിദ്യാലയങ്ങളിൽ വിവിധ പ്രവർത്തനങ്ങൾ നടത്തുന്നു. ജൂൺ 19 വായന ദിനാചരണത്തോടനുബന്ധിച്ച് മലയാളം ക്ലബ്ബിന്റെ ഉദ്ഘാടനം നിർവഹിച്ചു. ലൈബ്രറി പുസ്തകങ്ങൾ കുട്ടികൾക്ക് വിതരണം ചെയ്തു. വായനക്കുറിപ്പ് തയ്യാറാക്കാനാവശ്യപ്പെടുകയും ചെയ്തു. അക്കാദമിക  വർഷം മുഴുവൻ ഓരോ ദിവസവും  ഓരോ പുസ്തകവും മഹത് വചനവും കുട്ടികൾപരിചയപ്പെടുത്തുന്നു. വായനവാരാചരണത്തിന്റെ  ഭാഗമായി  വായനയുടെ  പ്രാധാന്യം ഉൾക്കൊള്ളുന്ന  പോസ്റ്റർ രചന, പ്ലകാർഡ് തയ്യാറാക്കൽ, ക്വിസ് എന്നിവ നടത്തി.ഓരോ ദിവസവും അധ്യാപകർ പുസ്തകങ്ങൾ പരിചയപ്പെടുത്തി.കരുളായിയിലെ പ്രമുഖ എഴുത്തുകാർ, വ്യക്തികൾ  എന്നിവരുടെ വായനസന്ദേശവും  വായന വാരാചരണത്തെ  സമ്പുഷ്ടമാക്കി. ക്ലാസ്സ്‌ ഗ്രൂപ്പിൽ നടന്ന ഈ പ്രവർത്തനങ്ങൾ കുട്ടികൾക്ക്  വളരെ വിജ്ഞാന പ്രദമായിരുന്നു.

2019-20 അദ്ധ്യയന വർഷത്തിൽ ജയകുമാർ കെ.വി യുടെ പ്രയത്‌ന ഫലമായി ജി.യു.പി സ്കൂൾ പുള്ളിയിൽ അഞ്ചാം ക്ലാസ്സുമുതൽ സംസ്കൃതാദ്ധ്യയനം ആരംഭിച്ചു. ബഹുമാനപ്പെട്ട എ.ഇ.ഒ  ശ്രീ.മോഹൻ ദാസ്  ഉദ്ഘാടനം നിർവ്വഹിച്ചു. അതിനു ശേഷം സംസ്കൃത ക്ലബ്ബ് രൂപീകരിക്കുകയും സംസ്കൃതം പഠിക്കുന്ന കുട്ടികളെ ഭാരവാഹികളാക്കുകയും ചെയ്തു. ക്ലബ്ബ് പ്രവർത്തനങ്ങളുടെ ഭാഗമായി സംസ്കൃത ദിനാഘോഷവും രാമായണ ക്വിസ്, സംസ്കൃത വാർത്താ വാചനം എന്നിവ നടത്തി.ശ്രാവണപൗർണമി ദിനത്തിൽ സംസ്കൃത അസംബ്ലിയും ഉണ്ടായിരുന്നു. 5-ാം ക്ലാസിലെ കുട്ടികളെ മാത്രം പങ്കെടുപ്പിച്ചു കൊണ്ട് സംസ്കൃതോത്സവത്തിൽ നാടകം, കഥാകഥനം, പദ്യപാരായണം, അക്ഷരശ്ലോകം തുടങ്ങിയ പരിപാടികൾ അവതരിപ്പിക്കുകയും 42 പോയിൻ്റോടുകൂടി വൻവിജയം കരസ്ഥമാക്കുകയും ചെയ്തു. സ്കോളർഷിപ്പ് മത്സര പരീക്ഷയിൽ രണ്ട് കുട്ടികളെ പങ്കെടുപ്പിക്കുകയും ഒരാൾക്ക് 4-ാം സ്ഥാനത്തോടു കൂടി സ്കോളർഷിപ്പ് തുക ലഭിക്കുകയും ചെയ്തു.തുടർന്നുള്ളവർഷങ്ങളിൽ online ക്ലാസുകളും പ്രവർത്തനങ്ങളുമായി മുന്നോട്ടു പോകുന്നു. ഇപ്പോൾ 5,6,7 ക്ലാസുകളിലായി 41 കുട്ടികൾ സംസ്കൃതം പഠിക്കുന്നു.

മത്സരയിനങ്ങൾ

1. ഗണിത പസിൽ

 

3. ജോമട്രിക്കൽ ചാർട്ട്

                           ഗവൺമെന്റ് ജി.യു പി.എസ് പുള്ളിയിൽ ടാലന്റ് ലാബ് പ്രവർത്തനങ്ങളുടെ ഭാഗമായി കുട്ടികളെ പുഴയിലേക്ക് കൊണ്ടുപോയി. കുട്ടികൾ വളരെ ഉത്സാഹത്തോടെ ഈ പ്രവർത്തനം ഏറ്റെടുത്തിരുന്നു. കുട്ടികളുടെ അഭിരുചി തിരിച്ചറിയാൻ അവർക്ക് വിവിധ മത്സരയിനങ്ങൾ സംഘടിപ്പിച്ചു. കുട്ടികളെ വിവിധ ഗ്രൂപ്പുകളാക്കി നീന്തൽ മത്സരം, മത്സ്യം പൊത്തി പിടിക്കൽ, മത്സ്യം കോരിപിടിക്കൽ, ചൂണ്ടയിടൽ  എന്നിവ അവയിൽ ചിലതാണ്. കുട്ടികളെല്ലാം വളരെ ഉത്സാഹത്തോടെ വിവിധ മത്സരങ്ങളിൽ പങ്കെടുത്തു. സ്കൂളിലെ അധ്യാപകരുടെ പരമാവധി സാന്നിധ്യം ഈ യാത്രയിൽ ഉണ്ടായിരുന്നു. ഹെഡ് മാസ്റ്റർ ഉൾപ്പെടെയുള്ളവരുടെ സാന്നിധ്യം ഈ യാത്രക്ക് പകിട്ടേകി.കുട്ടികൾക്ക് വേണ്ടി കയ്യിൽ കരുതിയ ഭക്ഷണം അവരെ കഴിപ്പിക്കുകയും, അവർക്ക് ഏറ്റവും ഇഷ്ടമുള്ള ഐസ്ക്രീം വാങ്ങി കൊടുക്കുകയും  ചെയ്തു. ടാലന്റ് ലാബിന്റെ ഭാഗമായി കുട്ടികളെ പുഴയിൽ കൊണ്ടുപോയതും, അവരെ വിവിധ പ്രവർത്തനങ്ങളിൽ പങ്കെടുപ്പിച്ചതും അവരുടെ വ്യക്തിത്വ വികസനത്തിന് കൂടി സഹായകമായി.

  പ്രശസ്ത കവി സുരേഷ് നടുവത്ത് ഓൺലൈനായി    ഉദ്ഘാടന കർമ്മം നിർവ്വഹിച്ചു. ബഹുമാനപ്പെട്ട എ.ഇ.ഒ ശ്രീ. ടി.പി മോഹൻദാസ് സർ, ബി.പി.സി ശ്രീ.മനോജ് കുമാർ തുടങ്ങിയവർ സന്നിഹിതരായിരുന്നു. പി.കെ ശ്രീകുമാർ മാസ്റ്റർ പി.എൻ പണിക്കർ അനുസ്മരണം നടത്തി. തുടർന്ന് കുട്ടികളുടെ വിവിധ കലാപരിപാടികൾ അരങ്ങേറി. ഇതിൽ കുട്ടികളുടെ ഹോം ലൈബ്രറി പ്രദർശനം, പുസ്തക പരിചയം, വായനാ സന്ദേശം എന്നിവ എടുത്തു പറയേണ്ട പ്രവർത്തനങ്ങളാണ്.  

  യാത്രയയപ്പ് - വാർഷികത്തോടനുബന്ധിച്ച് ഫെബ്രുവരി  23 ന് കുട്ടികളുടെ വിവിധ സൃഷ്ടികൾ ഉൾപ്പെടുത്തിക്കൊണ്ടുള്ള ഡിജിറ്റൽ മാഗസിൻ - "ഉയരെ 2021" ഗ്രാമപഞ്ചായത്ത് വൈസ് പ്രസിഡന്റ് ശ്രീ. സുരേഷ് മാസ്റ്റർ പ്രകാശനം ചെയ്തു.

 

ഒക്ടോബർ 2 ന്  7.30 രാത്രി മുതൽ 8.30  വരെ Online ആയി ക്ലാസ് തല സർഗ്ഗ വേള സംഘടിപ്പിച്ചു. ക്ലാസ് അധ്യാപകരുടെ നേതൃത്വത്തിൽ നടത്തിയ പരിപാടിയിൽ കുട്ടികൾ വിവിധ കലാപരിപാടികൾ അവതരിപ്പിച്ചു. എല്ലാവരും വളരെ ആവേശത്തോടെ പങ്കെടുത്തു.