ജി.എൽ.പി.എ.സ്. അന്നശ്ശേരി./അക്ഷരവൃക്ഷം/അപ്പുവിന് കിട്ടിയ അറിവ്

അപ്പുവിന് കിട്ടിയ അറിവ് പതിവുപോലെ അപ്പു നേരത്തെതന്നെ എഴുന്നേററ് ബാൽക്കണിയിൽ പോയി നിന്നു. അവിടെ നിന്ന് റോഡിലേക്കു നോക്കിയിരി‍ക്കാൻ നല്ല രസമാണ്. റോഡിലൂടെ ഒരു പാട് പേർ നടക്കുന്നതും ഒാടുന്നതും സുഖകരമായ കാഴ്ചയാണ്.< ആളുകൾ ജോഗിങ്ങിനു പോകുന്നതാണെന്നാണ് അമ്മ പറഞ്ഞത്. പെട്ടെന്നാണ് അവൻ ആകാഴ്ച കണ്ടത്. ചില ആളുകൾ കൈയിൽ എന്തോ നിറച്ച കവറുകൾ പിടിച്ചിരിക്കുന്നു. ആളൊഴിഞ്ഞ തക്കം നോക്കി അത് റോഡിൻെറ < സൈഡിലേക്ക് വലിച്ചെറിഞ്ഞുകൊണ്ട് അവർ പോകുന്നു. ഇതു കണ്ട അപ്പു < താഴേക്ക് ഒാടി വന്ന് അമ്മയോട് വിവരം പറഞ്ഞു. അത് അവരുടെ വീട്ടിലെ ഭക്ഷണാവശിഷ്ടങ്ങളും, ആവശ്യമില്ലാത്ത സാധനങ്ങളുമാണെന്നും അത് ഇങ്ങനെയാണ് ഒഴിവാക്കുന്നതെന്നും അമ്മ പറഞ്ഞു. പക്ഷേ ഇതൊന്നും നമ്മൾ ഒരിക്കലും ചെയ്യാൻ പാടില്ലാത്തതാണെന്ന് അമ്മ ഒാർമ്മിപ്പിച്ചു. കൂടാതെ ഈ മാലിന്യത്തിൽ നിന്നു വരുന്ന ഈച്ചകളും കൊതുകുകളും< ഒരു പാട് രോഗങ്ങൾ ഉണ്ടാക്കുകയും ചെയ്യും. ആരോഗ്യസംരക്ഷണം പോലെ തന്നെ< വളരെ പ്രധാനപ്പെട്ടതാണ് പരിസ്ഥിതിസംരക്ഷണവും. ഇതെല്ലാം ക്ഷമയോടെ കേട്ടിരുന്ന അപ്പുവിനൊരു സംശയം.നമ്മുടെ വീട്ടിലെ മാലിന്യങ്ങൾ എവിടെയാണ് < കളയുന്നതമ്മേ ? അമ്മ പറഞ്ഞു. നമ്മുടെ വീടിൻെറ പിറകിലുള്ള വലിയ പാത്രം < കണ്ടിട്ടില്ലേ, അതിലാണ് എല്ലാ ഭക്ഷണാവശിഷ്ടങ്ങളും ഇടുന്നത്. അത് കുറെക്കഴിയുമ്പോൾ< നല്ല വളമായി മാറും.അതല്ലേ നാം പച്ചക്കറികൾക്ക് ഉപയോഗിക്കുന്നത്.< അപ്പുവിന് ഇതെല്ലാം ഒരു പുതിയ അറിവായിരുന്നു. "അപ്പുമോന് സ്കൂളിൽ പോകേണ്ടേ?, വേഗം പോയി കുളിച്ചുവാ" അമ്മ പറഞ്ഞു. അപ്പു വേഗത്തിൽ കുളിച്ചൊരുങ്ങി ഭക്ഷണം കഴിക്കാനിരുന്നു. "നീ കൈ കഴുകിയോ? “ < അമ്മ ചോദിച്ചു. "ഞാനിപ്പോൾ കുളിച്ചതല്ലേയുള്ളൂ.” അപ്പു പറഞ്ഞു.< "മോനെ ഭക്ഷണം കഴിക്കുന്നതിനു മുമ്പ് കൈ നന്നായി കഴുകണം.” അമ്മ പറഞ്ഞതു കേട്ട് അപ്പു കൈകഴുകി ഭക്ഷണം കഴിച്ചു, സ്കൂളിലേക്ക് പോകാനിറങ്ങി. അപ്പോൾ അമ്മ ചോദിച്ചു.< "നീ തൂവാല എടുത്തിട്ടുണ്ടോ? ചുമയ്ക്കുമ്പോഴും തുമ്മുമ്പോഴും തൂവാല കൊണ്ട് മൂക്കും< വായയും പൊത്തിപ്പിടിക്കണം.” അപ്പു അമ്മയോട് തൂവാലയും വാങ്ങി യാത്ര പറഞ്ഞ് സ്കൂളിലേക്ക് പോയി. ഹരിപ്രിയ. കെ.എം. നാല് ബി. ജി.എൽ.പി.എ.സ്. അന്നശ്ശേരി ചേവായൂർ ഉപജില്ല കോഴിക്കോട് അക്ഷരവൃക്ഷം പദ്ധതി, 2020 കഥ  സാങ്കേതിക പരിശോധന - sreejithkoiloth തീയ്യതി: 28/ 04/ 2020 >> രചനാവിഭാഗം - കഥ