സെന്റ് മാത്യൂസ് എച്ച്.എസ്. പൊഴിയൂർ/അക്ഷരവൃക്ഷം/ഒരു വിഷയത്തിനായി

ഒരു വിഷയത്തിനായി കാവ്യദേവതേ , വരൂ വരൂ എന്റെ മനതാരിൽ കവിതയുടെ ഒഴുക്കിൽ അലയാടിക്കൂ എന്നെ നീ. വിഷയങ്ങൾ ഒട്ടനവധി ഉണ്ടെന്ന കാരണത്താൽ പതിനഞ്ചു വർഷത്തെ ജീവിതാനുഭവങ്ങളിൽ പത്തെണ്ണമെങ്കിലും മനസ്സിൽ തെളിഞ്ഞെങ്കിൽ ! വന്നില്ല നീയെന്റെ ഹൃത്തിനെ പുൽകുവാൻ, വീണയായി ഹൃദയതാളത്തെയുണർത്തുവാൻ. . . . . വേദിയിൽ പ്രഭാഷണം നടക്കുന്ന നേരത്തു് വേദനയോടെ നിന്നെ ഞാൻ വിളിക്കുന്നു , നാലുമണിവരെയുള്ള ഇത്തിരി നേരത്തു നാലായിരം വട്ടം നിന്നെ ഞാൻ വാഴ്‌ത്തുന്നു . ഒടുവിൽ നീയെത്തി മൂകമായ് തലോടുവാൻ ഓളങ്ങൾ കാറ്റാൽ താഴുകപ്പെടുംപോലെ . കിട്ടിയില്ലെനിക്കൊരു വിഷയമിപ്പോഴും, ഇനി കിട്ടണമെന്നില്ല, നീ എന്നിൽ നിറഞ്ഞതിനാൽ . പ്രിയ ബി ആർ 10 D സെന്റ് മാത്യൂസ്‌ ഹൈസ്‌ക്കൂൾ പൊഴിയൂർ പാറശ്ശാല ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Remasreekumar തീയ്യതി: 23/ 04/ 2020 >> രചനാവിഭാഗം - കവിത