ജി.എച്ച്.എസ്സ്.തോലന്നൂർ/പ്രവർത്തനങ്ങൾ/2024-25

സ്പെഷ്യൽ യൂണിഫോം( LP വിഭാഗം)

GHSS തോലനൂർ സ്‌കൂളിലെ LP വിഭാഗം കുട്ടികൾക്ക് സ്‌പോൺസർഷിപ്പ് വഴി ലഭിച്ച സ്പെഷ്യൽ യൂണിഫോം ബഹുമാനപ്പെട്ട പ്രധാനാദ്ധ്യാപിക റോസി ടീച്ചർ ,ഹയർ സെക്കൻഡറി അദ്ധ്യാപകൻ രഞ്ജിത് ,ഹൈസ്കൂൾ അദ്ധ്യാപിക രമ്യ  ടീച്ചർ എന്നിവർചേർന്നു സ്കൂൾ അസ്സംബ്ലിയിൽ വച്ച്  വിതരണോത്ഘാടനം നിർവ്വഹിച്ചു

ഹിരോഷിമ -നാഗസാക്കി ദിനാചരണം

ഓഗസ്റ്റ് 6 ,9 ഹിരോഷിമ -നാഗസാക്കി ദിനത്തോടനുബന്ധിച് സോഷ്യൽ സയൻസ് ക്ലബ് ജെ .ർ .സി എന്നിവർ സംയുക്തമായ രീതിയിൽ വിവിധ പരിപാടികൾ സംഘടിപ്പിച്ചു .യുദ്ധവിരുദ്ധ റാലി ,സഡാക്കോ കൊക്ക് നിർമ്മാണം ,മുദ്രാ ഗീതം നിർമിക്കൽ ,പോസ്റ്റർ രചന ,എന്നിവ നടന്നു

സ്വാതന്ത്ര്യദിനാഘോഷം ( 15/08 / 2024 )

Flag hoisting

ഈ വർഷത്തെ സ്വാതന്ത്ര്യ ദിനാഘോഷത്തിൽ ഹയർ സെക്കണ്ടറി പ്രിൻസിപ്പാൾ രാധാകൃഷ്ണൻ സർ .പ്രധാനാധ്യാപിക റോസി ടീച്ചർ , PTA പ്രെസിഡൻറ് എന്നിവർ ചേർന്നു പതാക ഉയർത്തി

ഹയർ സെക്കണ്ടറി പ്രിൻസിപ്പാൾ രാധാകൃഷ്ണൻ സർ സ്വാഗതം പറഞ്ഞു PTA പ്രെസിഡൻറ് മണികണ്ഠൻ ചടങ്ങിന് അധ്യക്ഷത വഹിച്ചു . വയനാട് ദുരന്തത്തിൻറെ പശ്ചാത്തലത്തിൽ മിതമായ ആഘോഷങ്ങൾ ആയിരുന്നു ഉണ്ടായിരുന്നത്

PTA വൈസ് പ്രെസിഡൻറ് സദാനന്ദൻ ,എസ്‌സിക്യൂട്ടീവ് അംഗം പ്രേംകുമാർ .സ്റ്റാഫ് സെക്രട്ടറി ശശി സർ ,ഹയർ സെക്കണ്ടറി  അദ്ധ്യാപിക പ്രസീത ടീച്ചർ എന്നിവർ ആശംസകൾ അറിയിച്ചു

തുടർന്ന് ബഹു .വാർഡ് മെമ്പർ അൻസാർ കാസിം ,കുത്തനൂർ ഗ്രാമപഞ്ചായത്ത് പ്രസിഡന്റ് ബഹു.PT സഹദേവൻ എന്നിവരുടെ നേതൃത്വത്തിൽ പ്ലസ് ടു ,പത്താം ക്ലാസ്സുകളിൽ ഫുൾ A + നേടിയ കുട്ടികൾക്കു സമ്മാനം നൽകി

തുടർന്ന് കുട്ടികളുടെ കലാപരിപാടികൾ അരങ്ങേറി ശേഷം യുവധാര ക്ലബിൻറെ നേതൃത്വത്തിൽ പായസം വിതരണവും നടന്നു

പി. ടി. എ തെരെഞ്ഞെടുപ്പ്

ഈ വർഷത്തെ പി. ടി. എ. ജനറൽ ബോഡി യോഗം 22/08/2024 ന് നടത്തി..

പ്രിൻസിപ്പൽ രാധാകൃഷ്ണൻ സർ ചടങ്ങിന് സ്വാഗതം പറഞ്ഞു. പി. ടി. എ പ്രസിഡന്റ്‌ മണികണ്ഠൻ ചടങ്ങിന് അധ്യക്ഷത വഹിച്ചു. തുടർന്ന് ജില്ല പഞ്ചായത്ത്‌ മെമ്പറും ബിപിസി- യുമായ അഭിലാഷ് അവർകൾ ഉദ്ഘാടനം നിർവഹിച്ചു. വാർഡ് മെമ്പർ,ബ്ലോക്ക്‌ മെമ്പർ സമീന എന്നിവർ ആശംസകൾ അറിയിച്ചു. തുടർന്ന് ഷിനോ സർ, രഞ്ജിത്ത് സർ എന്നിവർ വരവ് ചിലവ് കണക്കുകൾ അവതരിപ്പിച്ചു. ഹെഡ്മിസ്ട്രെസ് റോസി ടീച്ചർ നന്ദി അറിയിച്ചു. തുടർന്ന് PTA, SMC ഭാരവാഹികളെ കണ്ടെത്താനുള്ള തെരഞ്ഞെടുപ്പ് നടന്നു

സ്കൂൾ പാർലമെന്റ്

ഓഗസ്റ്റ് 16 ന് സ്കൂൾ പാര്ലമെന്റ് ഇലക്ഷന് നടത്തി . ഓരോ ക്ലാസ്സിൽ നിന്നും വോട്ട് ചെയ്ത് തിരഞ്ഞെടുക്കപ്പെട്ട സ്ഥാനാർത്ഥികൾ സ്കൂൾ ലീഡറെയും മറ്റു പാര്ലമെന്റ് അംഗങ്ങളെയും തിരഞ്ഞെടുത്തു .

ചെയർപേഴ്സൺ -ഫായിസ് കെ വി

വൈസ് ചെയർപേഴ്സൺ -നഫ്‌ളാനിസ

സെക്രട്ടറി -അനാമിക.എസ്

സ്കൂൾ പാര്ലമെന്റ് ആദ്യ യോഗം അന്നേ  ദിവസം ഉച്ചക്ക് നടക്കുകയൂം ചെയ്തു 

വിമുക്തി ക്ലബ് ('ലഹരിക്കെതിരെ പ്രവർത്തിക്കാം' )

ലഹരിക്കെതിരെ പ്രവൃത്തിക്കുന്ന വിമുക്തി ക്ലബ്ബിന്റെ ആദ്യ യോഗം ഓഗസ്റ്റ് 13 ന് ലൈബ്രറി ഹാളിൽ വെച്ച് ചേർന്നു .ക്ലബ് കൺവീനർ നീലിമ ടീച്ചർ യോഗത്തിൽ സംസാരിച്ചു അംഗങ്ങളെ തിരഞ്ഞെടുക്കൽ ,പ്രവർത്തനപദ്ധതികളെ കുറിച്ചുള്ള ചർച്ച എന്നിവ നടന്നു

തുടർന്ന് ലഹരി വിരുദ്ധ ബോധവത്കരണ ക്ലാസ്സ്‌ നടന്നു

ലിറ്റിൽ കൈറ്റ്സ് : പ്രിലിമിനറി ക്യാമ്പ്

ലിറ്റിൽ കൈറ്റ്സ് അംഗ ങ്ങൾക്കുള്ള ഏകദിന പ്രിലിമിനറി ക്യാമ്പ് നടന്നു .ശ്രീമതി ആശ ക്യാമ്പിനു നേതൃത്വം നൽകി അനിമേഷൻ ,സ്ക്രച് ,ഇലക്ട്രോണിക്സ് എന്നീ വിഭാഗങ്ങളിൽ നിന്നുള്ള പ്രവർത്തനങ്ങളാൽ ക്യാമ്പ് വളരെ ഉപകാരപ്രദമായിരുന്നു

കുട്ടികൾ തയ്യാറാക്കിയ സ്കൂൾ പത്രം പ്രധാനാധ്യാപിക രക്ഷിതാക്കളുടെ സാനിധ്യത്തിൽ പ്രകാശനം ചെയ്തു

എൽ .ഇ .ഡി ബൾബ് നിർമ്മാണം

സയൻസ് ക്ലബ്ബിന്റെ നേതൃത്വത്തിൽ എൽ .ഇ .ഡി ബൾബ് നിർമ്മാണം , വിവിധ ക്ലബ്ബ്കളുടെ ഉദ്ദ്‌ഘാടനം എന്നിവ സ്കൂൾ എ .ടി .എൽ ലാബിൽ വെച്ച് നടന്നു സ്കൂൾ പ്രധാനാധ്യാപിക റോസി ടീച്ചർ ഉദ്ദ്‌ഘാടനം ചെയ്തു . വർക്ക്ഷോപ് നയിച്ചത് ശ്രീ ജോസ് ഡാനിയേൽ ആയിരുന്നു .എല്ലാ ക്ലബ് കൺവീനർമാരും പങ്കെടുത്തു

മേളകൾക്ക്  തുടക്കമായി

2024 -25 അധ്യയന വർഷത്തിലെ സ്കൂൾതല ഗണിത ,സാമൂഹ്യ ശാസ്ത്ര മേളകൾക് തുടക്കമായി . ഗണിത മേളയിൽ ജ്യോമെട്രിക്കൽ ചാർട്ടുകൾ ,ഈഫൽ ഗോപുര മാതൃക ,പ്രൊജക്റ്റ് എന്നിവ പ്രദർശനം ചെയ്തു . സാമൂഹ്യ -ശാസ്‌ത്ര മേളയിൽ വിവിധതരം സ്റ്റിൽ മോഡലുകൾ ,വർക്കിങ് മോഡലുകൾ ,വിവിധതരം കോശത്തിന്റെ മാതൃകകൾ ,അഗ്നിപർവത സ്ഫോടനം പ്രവർത്തന മാതൃക ,ബ്ലൂടൂത്ത് കാർ ,ചാർട്ടുകൾ ,പ്രോജെക്ടുകൾ എന്നിങ്ങനെയുള്ളവ മേള മനോഹരമാക്കി തീർത്തു പ്രദർശനം കാണുന്നതിന് എല്ലാ കുട്ടികൾക്കും അവസരം ഒരുക്കിയിരുന്നു

സ്കൂൾ സ്പോർട്സ്

ഈ വർഷത്തെ സ്കൂൾ സ്പോർട്സ് ഗംഭീര പരിപാടികളോടെ സ്കൂൾ പി .ടി .എ പ്രസിഡന്റ് മണികണ്ഠൻ ഉദ്ദ്‌ഘാടനം ചെയ്തു . 100 മീറ്റർ ഓട്ടമത്സരം 400 മീറ്റർ റിലേ എന്നീ മത്സരങ്ങൾ കാണികൾക്ക് ആവേശം നിറക്കുന്നവയായിരുന്നു . കുട്ടികളുടെ പങ്കാളിത്തം കൊണ്ട് എല്ലാ മത്സര ഇനങ്ങളും ശ്രദ്ധേയമായി . വിജയികൾക് ട്രോഫി, സർട്ടിഫിക്കറ്റ് എന്നിവ വിതരണം ചെയ്‌തു

സ്കൂൾ  കലോത്സവം

Up, hs, hss വിഭാഗം "ഗാല " എന്ന പേരിലും Lp വിഭാഗം "ധ്വനി" എന്ന പേരിലും സ്കൂൾ കലോത്സവം ഗംഭീരമായി സംഘടിപ്പിച്ചു.. വിവിധ ഇനങ്ങളിലായി മത്സരങ്ങൾ നടന്നു.. കുട്ടികളുടെ പങ്കാളിത്തം കൊണ്ട് കലോത്സവം ഏറെ ശ്രദ്ധിക്കപ്പെട്ടു

ശ്രദ്ധ : രക്ഷാകർത്തൃ യോഗം നടത്തി

പഠന പിന്നോക്ക അവസ്ഥ പരിഹരിക്കുന്നതിനുള്ള പരിഹാരബോധന ക്ലാസ് ആയ ശ്രദ്ധയിൽ ഉൾപ്പെട്ട വിദ്യാർത്ഥികളുടെ മാതാപിതാക്കൾക്കായി യോഗം സംഘടിപ്പിച്ചു .പ്രധാനാധ്യാപിക റോസി ടീച്ചർ ഉദ്ദ്‌ഘാടനം ചെയ്തു .മറ്റു അധ്യാപകരായ ബിനിത ,രേഷ്‌മ .സ്കൂൾ കൗൺസിലർ എന്നിവർ സംസാരിച്ചു

അക്ഷരമുറ്റം ക്വിസ് ഒന്നാം സ്ഥാനം

കുഴൽമന്നം സബ് ജില്ല  അക്ഷരമുറ്റം ക്വിസിൽ ഹൈസ്കൂൾ തലം ഒന്നാം സ്ഥാനം നേടി ഷൈമ .എം

ഓണാഘോഷം

പ്രമാണം:20240913122002 onam6.jpg

പ്രമാണം:20240913110521 onam1.jpg

ഈ വർഷത്തെ ഓണാഘോഷ പരിപാടികൾ വിപുലമായി തന്നെ ആഘോഷിച്ചു..

ബഹു. PTA പ്രസിഡന്റ്‌ മണികണ്ഠൻ, പ്രധാനധ്യാപിക റോസി ടീച്ചർ, PTA വൈസ് പ്രസിഡന്റ്‌ അബ്ദുൽ അസിസ്, SMC ഭാരവാഹികളായ സതീഷ്, സുകുമാരൻ എന്നിവർ ചേർന്ന് ഓണാഘോഷ പരിപാടികൾ ഉദ്ഘാടനം ചെയ്തു...

ഓണപ്പൂക്കളം, പുലികളി, ഘോഷയാത്ര, വടംവലി,വിവിധ ഓണകളികൾ എന്നിവ ഉണ്ടായിരുന്നു..

ശേഷം വിപുലമായ ഓണ സദ്യയും നടന്നു..

ലാബ് സമുച്ചയം നിർമാണോത്ഘാടനം

പ്രമാണം:20241006-WA0021 lab.jpg

പ്രമാണം:20241005102952 lab1.jpg

പ്രമാണം:20241005104757 lab2.jpg

പ്രമാണം:20241005113225 lab3.jpg

സ്കൂളിലെ പുതിയ ലാബ് സമുച്ചയത്തിന്റെ നിർമാണ ഉത്ഘാടനം മുഖ്യമന്ത്രി പിണറായി വിജയൻ ഓൺലൈൻ ആയി നിർവഹിച്ചു. പി. പി. സുമോദ് MLA ശില ഫലകം അനാച്ഛദനം ചെയ്തു.കുഴൽമന്നം ബ്ലോക്ക്‌ പഞ്ചായത്ത്‌ പ്രസിഡന്റ്‌ ടി. കെ. ദേവദാസ് അധ്യക്ഷനായി.കില ചീഫ് consultant എഞ്ചിനീയർ ഫാസിൽ,ജില്ല പഞ്ചായത്ത്‌ അംഗം അഭിലാഷ് തച്ചങ്ങാട്,കുത്തന്നൂർ പഞ്ചായത്ത്‌ പ്രസിഡന്റ്‌ പി. ടി. സഹദേവൻ,പഞ്ചായത്ത്‌ സ്ഥിരം സമിതി ചെയർ പേഴ്സൺമാരായ അൻസാർ കാസിം,ആർ. മാധവൻ, ഉഷ ധനദരൻ,പഞ്ചായത്ത്‌ അംഗങ്ങളായ ലത വിജയകുമാർ, ലതിക സുനിൽ,സത്യഭാമ കുട്ടൻ,ശശികല പ്രകാശൻ,ആർ. ശശിധരൻ, ഡി. പി. ഒ എം ആർ മഹേഷ്‌ കുമാർ,എ. ഇ. ഒ വിക്ടർ ഡേവിഡ്,പി. ടി. എ പ്രസിഡന്റ്‌ എം. മണികണ്ഠൻ, PTA വൈസ് പ്രസിഡന്റ്‌ അബ്ദുൽ അസിസ്,pricipal എം എം രാധാകൃഷ്ണൻ,പ്രധാനധ്യാപിക എ. ജെ റോസി എന്നിവർ സംസാരിച്ചു..കിഫ്‌ബി ഫണ്ടിൽ നിന്ന് 3.90 കോടി രൂപ വിനിയോഗിച്ചാണ് ലാബ് സമുച്ചയം നിർമ്മിക്കുന്നത്..

പോഷൻ മാ - 2024

"ആരോഗ്യം സംരക്ഷിക്കാം നല്ല നാളേക്ക് വേണ്ടി " എന്ന മുഖമുദ്രയോട് കൂടി സ്കൂളിൽ വിഷരഹിത പച്ചക്കറി കൃഷി ആരംഭിച്ചു

തുടർന്ന് ആരോഗ്യസംരക്ഷണത്തിന്റെ ആവശ്യകതയെ കുറിച് പോസ്റ്റർ പ്രദർശനവും കൈ കഴുകലിന്റെ പ്രാധാന്യം മനസിലാകുന്നതിനുള്ള പരിപാടിയും നടന്നു

കേരളപ്പിറവി ദിനം ആഘോഷിച്ചു

മലയാളികളാകെ ജന്മനാടിന്റെ ജന്മദിനം ആഘോഷിക്കുന്ന വേളയിൽ തോലനൂർ സ്കൂളിലും കേരളപ്പിറവി ആഘോഷിച്ചു.കേരള പ്പിറവി ദിനവുമായി ബന്ധപ്പെട്ട് പ്രത്യേക അസംബ്ലി നടത്തി.കുട്ടികൾ അവതരിപ്പിച്ച ഡാൻസ് ശ്രദ്ധേയമായിരുന്നു. കുട്ടികൾ കേരള ഭൂപടം മിനിയേച്ചർ രൂപത്തിൽ  അണി നിരന്നു.. പോസ്റ്റർ നിർമാണം, ക്വിസ് മത്സരം എന്നിവയും നടന്നു

ഐ ടി  ക്ലാസ്സ്

സ്കൂളിൽ മികച്ച രീതിയിലുള്ള IT ക്ലാസുകൾ നടന്നു വരുന്നു. ആധുനിക സൗകര്യങ്ങളോട് കൂടിയ കമ്പ്യൂട്ടർ ലാബുകളിലും ക്ലാസ്സ്‌ മുറികളിലും സാങ്കേതിക തികവോട് കൂടിയുള്ള ക്ലാസുകൾ ഇന്ന് ലഭ്യമാണ്. രസകരമായ പഠനാനുഭവം ഇത് കുട്ടികൾക്ക് സമ്മാനിക്കുന്നു

ഗാന്ധി ജയന്തി - ഒക്ടോബർ 2

സ്കൂളിലെ സോഷ്യൽ ക്ലബ്ബിന്റെയും JRC ക്ലബ്ബ് ,ഹരിത സേന എന്നിവരുടെയും നേതൃത്വത്തിൽ സ്കൂളും പരിസരവും പ്ലാസ്റ്റിക് ഫ്രീ സോൺ ആക്കുവാൻ വേണ്ടിയുള്ള പ്രവർത്തനങ്ങൾക് തുടക്കം കുറിച്ചു

സബ്‌ജില്ല സ്പോർട്സ്

Ghss കോട്ടായിയിൽ വെച്ച് നടന്ന സബ് ജില്ല സ്പോർട്സ് മത്സരത്തിൽ മികച്ച പ്രകടനം കാഴ്ച്ചവെക്കാൻ തോലനൂർ സ്കൂളിന് കഴിഞ്ഞു

Lp - കിഡ്‌ഡിസ് ആൺകുട്ടികളുടെ വിഭാഗത്തിൽ അഗ്രിഗേറ്റ് നേടി

സബ് ജില്ല സ്കൂൾ ഗെയിംസിൽ രണ്ടാം സ്ഥാനവും ട്രോഫിയും നേടി

ഐ .ടി മേള

ഐ. ടി. മേളയിൽ '94' പോയിന്റ് നേടി ghss തോലനൂർ ഒന്നാം സ്ഥാനം കരസ്തമാക്കി..

സബ്‌ജില്ല ശാസ്ത്ര മേള

സബ് ജില്ല ശാസ്ത്രമേളയിലും തോലനൂർ സ്കൂൾ അതി ഗംഭീരമായ പ്രകടനം കാഴ്ചവെച്ചു..

work experience - Lp വിഭാഗം കുഴൽമന്നം സബ്ജില്ലയിൽ പോയിന്റ് നിലയിൽ അഞ്ചാം സ്ഥാനം കരസ്തമാക്കി

science fair - Up വിഭാഗം പോയിന്റ് നിലയിൽ മൂന്നാം സ്ഥാനവും കരസ്തമാക്കി

J.R.C District level Quiz

JRC ഡിസ്ട്രിക്ട് ലെവൽ പ്രസംഗ മത്സരത്തിൽ Up വിഭാഗത്തിലെ അവനിക.. R, സുഹ ഫാത്തിമ എന്നിവർ ഒന്നാം സ്ഥാനം നേടി..

തോലന്റെ കട്ടിലിലേക്ക് ഒരു യാത്ര

Lp നാലാം ക്ലാസ്സ്‌ വിദ്യാർത്ഥികൾ തോലന്റെ കട്ടിലിലേക്ക് പഠന യാത്ര സംഘടിപ്പിച്ചു. പ്രകൃതി രാമണീയമായ കാഴ്ചകൾ നിറഞ്ഞതായിരുന്നു അവിടത്തെ കാഴ്ചകൾ.. ശേഷം കുട്ടികൾ യാത്ര കുറിപ്പ് തയ്യാറാക്കി

ഹരിത വിദ്യാലയം പുരസ്‌കാരം

തോലനൂർ സ്കൂൾ ഹരിത വിദ്യാലയമായി പ്രഖ്യാപിച്ചു,സ്ഥലം MLA യിൽ നിന്നും HM റോസി ടീച്ചർ സർട്ടിഫിക്കറ്റ് ഏറ്റുവാങ്ങി

തോലനൂർ സ്കൂളിൽ രുചി മേളം

സ്കൂളിൽ പഠന പ്രവർത്തനവുമായി ബന്ധപ്പെട്ട് നടത്തിയ ഫുഡ് ഫെസ്റ്റ് ഒരു രസകരമായ അനുഭവമായിരുന്നു . ഇത് വിദ്യാർത്ഥികളുടെ സംഘടനാ കഴിവുകൾ, സംരംഭക മനോഭാവം, പാചകപ്രതിഭ എന്നിവ വികസിപ്പിക്കാൻ സഹായിക്കുന്നു . . പല തരത്തിലുള്ള വിഭവങ്ങൾ കൊണ്ട് ഫുഡ്‌ ഫെസ്റ്റ് മികച്ചു നിന്നു. വ്യത്യസ്തമായ രുചികളുള്ള വിവിധയിനം ഭക്ഷണ ഇനങ്ങൾ കുട്ടികൾക്ക് പരിചയപ്പെടാൻ ഇതിലൂടെ സാധിച്ചു

ഊഞ്ഞാൽ ഉത്ഘാടനം

തോലനൂർ ഗവ. Hss ഇൽ നിന്ന് വിരമിക്കുന്ന അധ്യാപകരായ ബി. ഡി. അനിത., വി. ബേബി എന്നിവർ സ്കൂളിലെ കുട്ടികളുടെ മഞ്ഞുതുള്ളി പാർക്കിലേക്ക് നൽകിയ കളിയൂഞ്ഞാൽ പ്രധാനാധ്യാപിക എ. ജെ. റോസി ഉദ്ഘാടനം ചെയ്തു

ഗൃഹ സന്ദർശനം

കുട്ടികളെ അടുത്തറിയുക എന്ന ലക്ഷ്യവുമായി സ്കൂളിൽ പഠിക്കുന്ന എല്ലാ വിദ്യാർത്ഥികളുടെയും വീടുകളിലേക്ക് സന്ദർശനം നടത്തി. കുട്ടികളുടെ പഠന സാഹചര്യം, പഠന അന്തരീക്ഷം എന്നിവ മനസിലാക്കാൻ ഇതിലൂടെ സാധിച്ചു.

കരാട്ടെ ക്ലാസ്സുകൾ

കുട്ടികളുടെ മാനസികവും ശാരീരികവും ആയ ഉണർവിന് വേണ്ടി തുടർച്ചയായുള്ള കരാട്ടെ പരിശീലനം നടന്നു വരുന്നു...

പഠനയാത്ര

UP വിഭാഗം കുട്ടികൾ ആലുവ മെട്രോ, തൃപ്പൂണിത്തുറ ഹിൽപാലസ് , മറൈൻ ഡ്രൈവ്,ഫോർട്ട് കൊച്ചി , ചെറായിബീച്ച് എന്നിവിടങ്ങളിലേക്കും ഹൈസ്കൂൾ വിഭാഗം കുട്ടികൾ ചാമുണ്ഡി ഹിൽസ് ,മൈസൂർ പാലസ്,ശ്രീരംഗപട്ടണം,വൃന്ദാവൻ ഗാർഡൻ എന്നിവിടങ്ങളിലേക്കും പഠനയാത്ര സംഘടിപ്പിച്ചു.. കണ്ണിന് കുളിർമയേകുന്ന കാഴ്ചകളും വിജ്ഞാനപ്രദമായ അറിവുകളും ലഭിച്ച യാത്ര എല്ലാവർക്കും പ്രിയപ്പെട്ടതായി

അബാക്കസ് ക്ലാസ്സ്

കുട്ടികളുടെ ഗണിത ശേഷി, മാനസിക ശേഷി തുടങ്ങി സമ്പൂർണ വികസനം ലക്ഷ്യമാക്കി കൊണ്ടുള്ള അബാക്കസ് ക്ലാസുകൾ സ്കൂളിൽ നടന്നു വരുന്നു

LSS/USS/NMMS പരിശീലനം

സ്കൂളിൽ മികച്ച രീതിയിലുള്ള Lss /Uss /Nmms പരിശീലനം നടന്നു വരുന്നു.. പരിശീലനത്തിന്റെ ഭാഗമായി കുട്ടികൾക്ക് മോഡൽ എക്സാം നടത്തി.

പേപ്പർ ബാഗ് നിർമ്മാണം

ഗവ. ആർട്സ് ആൻഡ് സയൻസ് കോളേജ് തോലനൂർ NSS യൂണിറ്റ് Lp കുട്ടികൾക്കായി പേപ്പർ ബാഗ് നിർമ്മാണ ക്ലാസ്സ്‌ നടത്തി.ഉദ്ഘാടനം ബഹു: കോളേജ് പ്രിൻസിപ്പൽ നിർവഹിച്ചു. പ്ലാസ്റ്റിക് ബാഗുകൾക്ക് പകരമാകാൻ കഴിയുന്നവയാണ് പേപ്പർ ബാഗുകൾ.. പരിസ്ഥിതി മലിനീകരണം കുറക്കാനുള്ള ചിന്ത കുട്ടികളിൽ വളർത്തിയെടുക്കാൻ ഈ ക്ലാസ്സ്‌ ഉപകാരപ്രദമായി

ഭരണഘടന ആമുഖം

തോലനൂർ സ്കൂളിലെ സോഷ്യൽ സയൻസ് ക്ലബ്ബിന്റെ നേതൃത്വത്തിൽ പുതിയതായി നിർമിച്ച കെട്ടിടത്തിന്റെ ചുവരിൽ ഭരണഘടനയുടെ ആമുഖം ആലേഖനം ചെയ്തു.. ബഹു. HM റോസി ടീച്ചർ ഉദ്ഘാടനം നിർവ്വഹിച്ചു.. ഇങ്ങനെ ഒരു ഉദ്യമത്തിന് തയാറായ എല്ലാ അദ്ധ്യാപകരെയും കുട്ടികളെയും പ്രധാനധ്യാപിക അനുമോദിച്ചു

ചിത്ര കലാ ക്യാമ്പ്

സ്കൂളിൽ ചിത്രകലാ ക്യാമ്പ് സംഘടിപ്പിച്ചു.. ചിത്രകല യിൽ താല്പര്യമുള്ള കുട്ടികൾ എല്ലാവരും പങ്കെടുത്തു. ക്യാമ്പിന് പ്രമോദ് മാഷ് നേതൃത്വo വഹിച്ചു. ചിത്ര കലയുടെ പ്രാധാന്യത്തെ കുറിച്ച് പ്രിൻസിപ്പൽ രാധാകൃഷ്ണൻ, HM റോസി ടീച്ചർ എന്നിവർ സംസാരിച്ചു

ജില്ലാ തലത്തിൽ 'എ' ഗ്രേഡ്

SHAIMA.M

FARSANA

ഭാസ്ക്കരാചാര്യ സെമിനാർ, രാമാനുജൻ പേപ്പർ പ്രസൻ്റേഷൻ ജില്ലാ തലത്തിൽ ഷൈമ എം , ഫർസാന എന്നിവർക്ക് A ഗ്രേഡ് ലഭിച്ചു